Post: #2
Title: Re: الأستاذ محمود محمد طه: 1967: andquot;أصطلحوا مع أ�
Author: عبدالله عثمان
Date: 08-13-2020, 07:09 PM
دعا الاستاذ محمود محمد طه ، وفى قمة فوران المد القومى العربى الذى قاده الرئيس الراحل جمال عبد الناصر ، الى الصلح مع اسرائيل على أساس الاعتراف المتبادل ، وحل قضية فلسطين عبر التفاوض ! ، مذكرا العرب بأن قضيتهم ليست اسرائيل ، وانما هى اقامتهم على قشور من الدين وقشور من حضارة الغرب ، مما جلب عليهم الخسران المبين. وقد كان هذا الرأى غريبا على كل العرب! اذ أنه قد انبنى على قراءة دقيقةٍ للتاريخ وبصيرةٍ ثاقبةٍ بالمستقبل ، جعلت صاحبه وكأنه آت للعرب من مستقبلهم الذى هم عن رؤيته قاصرون ، غير أن الأحداث قد أيدت رأيه ، وأبانت صدق بصيرته لكل من يرى!
|
Post: #3
Title: Re: الأستاذ محمود محمد طه: 1967: andquot;أصطلحوا مع �
Author: عبدالله عثمان
Date: 08-14-2020, 09:18 AM
Parent: #2
من محاضرة ااموقف السياسي الراهن ١٩٦٨
نقلا عن تسجيل بلغة الكلام الدارج
نزار قباني في شعره قال إن الله مع الصابرين دي نحن ما عايزنها وهو بفتكر أنها دي يعني فزلكة وفلسفة.. معناها شنو.. أنه المسلمين بقوا إتكاليين خالص لازم يسيبوا إن الله مع الصابرين ليحقدوا ما يصبروا.. بيفتكر دي التربية البتسترد للشعب العربي مجده.. قال إنا لله وإنا إليه راجعون دي قلناها كثيرة.. نحن أحسن نقول إنا راجعون لفلسطين بسلاحنا، بالبندقية.. وأنا اؤكدلكم أنه دا إما أن يكون هو مزيف في تفكيره وفي أخلاقه وفي قيمه، أو أنه يكون عايز ليه شهرة جديدة في تمليق عواطف الشعب العربي في الوقت الحاضر لينتفع برضو.. جابو بلدنا هنا وجرينا وراه وهللنا ليه وطبلنا ليه.. جانا مفكر في مستوى معين، مالك بن نبي، الجمهوريين حاولوا يتصلوا بيه وعرفوا قيمه لكن هنا أقامت البلد كلها وقعدت المفكر المفكر وكتبت عنو الصحف.. تفكيرو شنو؟... مافي حاجة.. كثير من الزركشة الفي.. نحن عندنا طيبة.. الشيخ العبيد أنا أفتكر بمثل الشعب السوداني في أخلاقه.. الشيخ العبيد قال البقول ليك أنا قول ليه إنت والببقى ليك شيخ أبقى ليه حوار.. أنا أفتكر دي نحن مطبقنها، أدب صوفي رفيع لكن نحن مطبقنها حتى خارج التصوف.. انحن افتكرنا انهم ديل مشايخ وبقينا ليهم حيران.. العلماء الهنا شاعرين بقصورهم الحقيقي أمام المصريين.. قايلين أنهم عندهم شئ.. أي حاجة يقولوها المصريين يفتكروه شئ.. المصريين بشئ كثير جداً من تحدي شعور الناس لو مشو في حولية للأذكار يمسكوا المكرفون دا يخرج الحولية بدون روح.. ل
|
|