شكراً حمدوك

خذلك الجبناء مدعي الثورية
المتخاذلون حين البأس
المتنوضلون بعد اليأس

يا اخي شكراً كان قعدت كان فت

ناس كنا عاوزين نعمل وكنا عاوزين نسوي
ولو عملنا ولو سوينا
من ارتمي في حضن العسكر باعتصامه
امام قيادة الجيش .

يا حمدوك شكراً لو قعدت أو فت

من احجم عن تسمية رئيس حين الرصاص
من احجم عن اعلان الامساك بزمام الامر
وتولي القيادة هو الملام ثم وبعد ذهاب الطاغية
وعسكره تندم يلام .


ليس الامر سهل فالبلد مهدم ومتناحر ولا زال
الخارج الاقليمي والدولي يطمع ولا زالت
الفتن الداخلية والتي هي من صنعنا وصنع
الخارج تتوالد، وليس لك عصا موسي


بلد زي كانون الفحم
يا اخي شكراً كان قعدت و لا كان فت

شكراً وهو يجعل الحياة تزداد صعوبة
شكراً له وهو يجعل الاوضاع في الشرق والغرب والجنوب تتفجر ولربما اصبح المشهد هنالك كابوساً
شكراً له وهو سنة كاملة لايملك حلاً الا حرف السين التي يظن انه عبر بها
شكراً له وهو لم يؤخر الحكومة المدنية ويخرق الوثيقة الدستورية حتي اصبحت لا قيمة لها
شكرً له وهو الذي مازال يعرقل قيام البرلمان
شكراً له وهو يهمش اكبر قورة علي الارض ويرهن ارادة الامة للخازوق الصادق
شكراً له وهو الذي جعل ما استصعب علي الكيزان سهلاً
شكراً له وهو اخر السودان سنة كاملة في اللا شيئ
شكراً له وهو يعمل بتناغم تام مع كيزان المجلس العسكري
كيف لانشكره وقد اصبحت قطعة الخبز في عهده بعشرة جنيهات وانعدم الدواء
وتطالول علينا قصار القصار
كيف لا نشكره واصبحت الكهرباء تأتي لتختفي
كيف لا نشكره وهو يجلس مع غندور وغازي والخازوق الصادق ولا زمن لديه للجان المقاومة والثوار وامهات شهداء الثورة
كيف لا نشكره وسعر الدولار غفز حاجز المئة واصبح سعر الريال باربعون جنيهاً
كيف لا نشكره وقد انعدمت مقومات الحياة في عهده وهو لايملك اي حلاً لها
فعلاً شكراً حمدوك الذي يطبل له المغيبون الذين رهنوا تفكيرهم للخازوق الصادق شكروا ان شكر وسخطوا ان سخط
شكراً حمدوك لاننا كنا في عمق الثورة نستنشق البمبان وتنال سياط العسكر حينها ظهورنا ونصل للبيت مغبرين
لياتي الان من لم يغبر ارجله معنا في ميادين التظاهر بنعتنا بالمتنوضلين والمتخاذلون
..
الي الجحيم ايها الخائب ومن تبعك وشايعك
استغيل يا ثقيل

اهلاً استاذ محمد عبدالقادر
اتفهم ما ذكرته ولكنه ليس من صنعه




شكراً حمدوك كان قعدت كان فت

ولا يعرف اقدار الكبار الا الكبار
اما مدمني الهتاف والصغائر
مهما حاولت ان ترتقي بهم يظلون صغاراً
من ادمن العنف اللفظي والشتم لن يتغير
وما يظنه بطوله هي مراهقة سياسية
وقد يشفي منها يوماً والي ذاك الحين
سنظل نسمع هذيان كنديان المحموم
ولا حول ولا قوة الا بالله

شكراً حمدوك ثم عفواً
سكراً كان قعدت ولا فت

شكراً ثم عفواً

مقامك محفوظ وان تطاول المتنوضلون
ومن يظنون ان تعفير الاقدام في مظاهرة
يستحق جائزة ، بل يبيح لهم ان يسمعونا
من الهذيان والسخف ما لا يطاق .

يا دكتور حمدوك عذراً وعذراً جميلاً
ثم شكراً كان قعدت ولا كان فت

ســأشكرُ إن رددت إليّ ريشي ،، وأنبتَّ القوادم في جــناحي
ألســتــُــم خيرَ مَنْ ركِبَ المطايا،، وأندى العالَمين بطون راحِ

واقع الأمر، أن شكر الشاعر جرير لعبدالملك (حمدوك) بن مروان لم يأتِ إلّا بعد اختبار، وبالأحرى بعد " قبض الكنجالات - > Receiving Money ولذلك، بل لأجل ذلك وكثير مثله، فقد انبنى ذهنياً في الواعية العامة، أن الشكر لا يكون مجّانياً بــ"أخوي وأخوك" فإمّا ثناءاً يكون ثمناً لما يؤدّى من شُكرٍ (وكمان في المنبر العام لســـودانيز) أو تقريعاً لاذعاً يُخفي أو يُظهِر سبباً أوجَه! ومعلوم أن التقريع، على سهولته و " عُنكوليبيته عند كثيرٍ من النـّاطقيه" فهو لا يأبه بثمن! وأقيلا يحلو بأضعافٍ ما كان عليه إن جاء مجــّانياً Freely وعلى كل حال، فطالما أنني لا أرى للأخ حمدوك، منجزاً يتمسِك بالإيد! ولا يعمى علي ما اقترف الأخ حمدوك من تقصيرات واضحات، فلا بأس من أن أُرجيء " عنكوليبي الوَنساتي " - وإن كان مجّانياً ذاتو؛ ولا جَرَم كذلك، أن أُرجي تقريظي له حتى يبين لي منه مُــنــجــَز. وبين هذا وذاك، ما مررتُ إلّا لتحيّتك أختي الكريمة، د. أخلاص، ولم أقرأ بعد بوست الأخ عبدالقادر؛ حيث أبطأ بي عنوان بوسته!!


مع وافر التحايا للجميع

اهلا ابوجودة
بالله هو انت بقيت تشوف
القريشات ال بوزعها حمدوك ،
يا ربي في مظاريف ولا كيف.
وبعيداً عما يسوء ومع التقعر المعهود
هو خطاب شكر قد يسوء البعض
فإن غادر فهو واجب نهاية خدمة

ونشوف ناسو ( هذا الطويل اللسان)
شن بسوو
مع ااود

اهلين د اخلاص
والله حمدوك زي ماتقول حبوبه وقع ماسمي مع الشعب السوداني
الناس دي ناسيه حالة البلد الكانت عليه
كل شي لازم ياخد وقتة الكيزان ديل الايجيب ليهم عصا سحريه يخفيهم بيها
والله اكاد اجزم اغلبية السودان كيزان كان ماكيزان نفعيين وحراميه
دار ابوهم قبال تقع كل زول شايل منها نصيبو
والله حمدوك المفروض ان يعامل معاملة العلماء اذا اجتهد في مسألة لو اصاب له اجر ولو اخطا له اجران
البلد دي وقفت ليها حكومه كامله 30سنه واغلب الشعب يهدمو فيها عاوزين حمدوك يبنيها ليهم في سنه
مالكم كيف تحكمون

أهلاً الحبيبة الاستاذة عفاف أبو حريرة
دكتور حمدوك زي ما قلتي وقع ما سمي

يا ريت لو كان يقدموا نقد ، مرات بكون
ترصد ولا يحتوي علي حقائق
.

Quote: والله حمدوك زي ماتقول حبوبه وقع ماسمي مع الشعب السوداني الناس دي ناسيه حالة البلد الكانت عليه كل شي لازم ياخد وقتة الكيزان ديل الايجيب ليهم عصا سحريه يخفيهم بيها والله اكاد اجزم اغلبية السودان كيزان كان ماكيزان نفعيين وحراميه دار ابوهم قبال تقع كل زول شايل منها نصيبو والله حمدوك المفروض ان يعامل معاملة العلماء اذا اجتهد في مسألة لو اصاب له اجر ولو اخطا له اجران البلد دي وقفت ليها حكومه كامله 30سنه واغلب الشعب يهدمو فيها عاوزين حمدوك يبنيها ليهم في سنه مالكم كيف تحكمون

بت ابو حريره
اول شي طمنينا على الحاج ..

تانيا يا ريت كل الناس تقرا كلامك الواعي

السودانيين ادمنو حكم الفرد و دايرين حمدوك يقول ليها كوني فتكون...
الآبري بقى غالي زمن الكيزان و الناس نست حبة الصبر ...

لسه بدري علينا ...

————————
اخلاص كيفنك ... عساك بخير ...🙂

حباب قباني
والله يايحي لو الناس دي كلها ماشافت الوضع الحقيقي لي البلد وحجم الماساه الوصل ليها
وختت ايدينا في ايدين بعض البلد دي ما ح تتعافي
لازم ننسي الانا اول شي
والمصلحه الشخصيه
والتحزب والتعصب لفكر ولا معتقد معين البلد ياقباني عاوزه نفير
والناس تجيه عريانه زي الله ماخلقه متغطيه بكلام واحد القومه للسودن
عشان السودان يرجع يتعافي تاني لازم ننسي خلافتنا كلها في الفتره دي لما يقيف علي رجليه ندي كل ذي حقا حقه
يبقي الهم الاول التجربه المشرفه علي مستوي العالم تاتي اوكلها والثوره ننجني ثماره
وزولنا لسه يشيل في النفس يالله والله السودان كان ما مات يحتضر

كان ماشديد في عضمه المفروض انتهي زمان
الخراب ماشويه
حق الناس تشيل الصبر

Quote: شكراً وهو يجعل الحياة تزداد صعوبة شكراً له وهو يجعل الاوضاع في الشرق والغرب والجنوب تتفجر ولربما اصبح المشهد هنالك كابوساً شكراً له وهو سنة كاملة لايملك حلاً الا حرف السين التي يظن انه عبر بها شكراً له وهو لم يؤخر الحكومة المدنية ويخرق الوثيقة الدستورية حتي اصبحت لا قيمة لها شكرً له وهو الذي مازال يعرقل قيام البرلمان شكراً له وهو يهمش اكبر قورة علي الارض ويرهن ارادة الامة للخازوق الصادق شكراً له وهو الذي جعل ما استصعب علي الكيزان سهلاً شكراً له وهو اخر السودان سنة كاملة في اللا شيئ شكراً له وهو يعمل بتناغم تام مع كيزان المجلس العسكري كيف لانشكره وقد اصبحت قطعة الخبز في عهده بعشرة جنيهات وانعدم الدواء وتطالول علينا قصار القصار كيف لا نشكره واصبحت الكهرباء تأتي لتختفي كيف لا نشكره وهو يجلس مع غندور وغازي والخازوق الصادق ولا زمن لديه للجان المقاومة والثوار وامهات شهداء الثورة كيف لا نشكره وسعر الدولار غفز حاجز المئة واصبح سعر الريال باربعون جنيهاً كيف لا نشكره وقد انعدمت مقومات الحياة في عهده وهو لايملك اي حلاً لها فعلاً شكراً حمدوك الذي يطبل له المغيبون الذين رهنوا تفكيرهم للخازوق الصادق شكروا ان شكر وسخطوا ان سخط شكراً حمدوك لاننا كنا في عمق الثورة نستنشق البمبان وتنال سياط العسكر حينها ظهورنا ونصل للبيت مغبرين لياتي الان من لم يغبر ارجله معنا في ميادين التظاهر بنعتنا بالمتنوضلين والمتخاذلون .. الي الجحيم ايها الخائب ومن تبعك وشايعك استغيل يا ثقيل

رد بى شوية تصرّف
عالم مخملية جدّا يا حمدوك
اخمل ما يكون
ّّّّّ_____
مشكلتك يا حمدوك اتسلّطو علك ناس طا بتعرف كوعا من بوعا
هسّى لو سألنا سؤال
بحكم التوافق بين المدنيين و العسكريين
ملف الدفاع و الامن بيد منو
غايتو جنس .. تطاول .. زى دى عمرى كلو ما لاقتنى

Quote: شكراً ثم عفواً مقامك محفوظ وان تطاول المتنوضلون ومن يظنون ان تعفير الاقدام في مظاهرة يستحق جائزة ، بل يبيح لهم ان يسمعونا من الهذيان والسخف ما لا يطاق . يا دكتور حمدوك عذراً وعذراً جميلاً ثم شكراً كان قعدت ولا كان فت

كلامك ما غريب عليك طالما انك من انصار الخازوق اللمام المهدي الذي قال عن ثورتنا انها بوخة مرقة
تعفير الاقدام التي تتستهزئين بها هي من اقتلعت النظام وهي من اتت بالخائب حمدوك
تعفير الاقدام التي تتكلمين عنها بها بسخرية لولاها لما كان هذا الخائب ولما كان هذا البوست عديم الجدوي
..
انتو الانصار ديل كلهم كدة ؟؟
حاجة تحير

Quote: شكراً ثم عفواً مقامك محفوظ وان تطاول المتنوضلون ومن يظنون ان تعفير الاقدام في مظاهرة يستحق جائزة ، بل يبيح لهم ان يسمعونا من الهذيان والسخف ما لا يطاق . يا دكتور حمدوك عذراً وعذراً جميلاً ثم شكراً كان قعدت ولا كان فت

لو تعفرت اقدامك بيننا ونحن نتلقي البمبان والرصاص ونري اخوتنا يتساقطون برصاص المليشيات الكيزانية
لما طاوعك ضميرك بالكتابة عنها بهذه الصورة القبيحة
لولا تعفير الاقدام لكان حتي الان ابن اللمام مستشاراً لاب قلباً ميت
ولولاها لما سمعنا للمام صوتاً ولكان حتي الان في حفرة دخانه
انا احترمك جداً يا اخلاص فاتمني ان تتكلمين عن ثورتنا بشيئ من الاحترام
السخف هو حديثك الغير محترم عن ثوار منهم فاضت روحه قابضاً علي جمرة الثورة ومنهم من اقتلعت عينه ومنهم شلت رجله ومنهم
من رمي به في البحر ومنهم من جرح ليتحرر الوطن وما زال الشعب علي اهبة الاستعداد لتعفير قدميه مجدداً ليس ظناً وانما يقيناً بانها تظاهرة تقتلع كل الفاشيلين
وتذهب بهم للجحيم
كيف لك ان تتحدثي بهذا الاسلوب الفج وتاتي بفعل اقبح من الذي تنتقدينه
لاعتبارات كثيرة لا اريد ان اتحدث معك باسلوب قاسي لكن شوية احترام لهؤلاء الذين تعفرت اقدامهم ولم يهابوا الموت يوم ان كان حمدوك باثيوبيا لا يعرف ما هي الثورة ولم يفتح الله عليه
بكلمة في حقها

باشمهندس يحي قباني كيفك ولعلك بخير 🙏

اهلاً استاذ عبدالقادر محمد
كما تختلف زوايا الرؤيا تتعرج احياناً
مسارات الغرض ، وكذا تفسير ما هو واضح
و قد يخذل الذكاء المتذاكي .

لا احد يستطيع لوي عنق حقيقة ف لتقول
ما بدأ لك فلكل عقل .
هذا مع الامنيات بطول البال للجميع

غايتو يا عبدالقادر وأنت طبعا مخير وحر في شوفك
لكن ما شايف أية تقليل شأن أو تحقير أو استهتار في
البوست دا بمن تعفرت قدماه أواتغبر أوعذب أوقتل
الخ الخ الخ .
لكن السؤال المهم جدا وبناء على كلامك دا

Quote: لو تعفرت اقدامك بيننا ونحن نتلقي البمبان والرصاص ونري اخوتنا يتساقطون برصاص المليشيات الكيزانية

هل كل الناس ديل رأيهم في حمدوك زي رأيك
دا ؟؟؟
وأقصد طبعا الناس الاتعفرت أقدامهم وتلقوا البمبان
والرصاص ورأوا أخوتهم يتساقطون برصاص المليشيات
الكيزانية الخ الخ الخ.

الاستاذ جلالدونا الشهير بجلال عيسي
كيفك وعساك طيب
السودان ده زي كانون الفحم
وكلنا قاعدين في ، ننشوي بس

هل قرب فجر الخلاص ام هو
ليل طال واستطال

اهلاً استاذ طلحة عبدالله
سؤال مهم وبرضو يضاف له
لما قبل حمدوك التكليف هل كان
هناك برنامج قدم له ؟ وهل قدم لهم تصور
تم التوافق عليه
وايضاً لماذا لم يأتون بسواه وهل
القول لم نكن ندري يحسب لهم ام عليهم.

ما اشبه الليلة بليلة سر الختم الخليفة .

و شكراً حمدوك كان قعدت ولا كان فت

حبيبتنا اخلاص

كان فت
...
قشه ما تعتر ليه بركة الشيخ اسماعيل الولى..

اهلاً الحبيبة ستي نور
انتي عارفة العمل العام ومشاكله واختلاف
التقييم لمجمل الاداء وفي ظروف السودان
وما يحيط به يصير الامر اكثر صعوبة.
المهم الاتفاق علي اعطاء كل زي حق حقه

واقتبس منك ستي نور زارتنا البركة