Post: #3 Title: Re: المحبة والتقدير استاذنا الجليل andquot;علي ع� Author: الشيخ سيد أحمد Date: 08-09-2020, 10:53 PM Parent: #2
اعرف ان كل اعضاء المنبر اجمعوا على حبه واحترامه وتقديره.
اعرف انه لم يسئ الى احد..
اعرف انه يتمتع بالايثار... اعرف انه رجل ذو خلق رفيع..
اعرف انه اشبه بالنسمة..كل ما مرت على بوست عطرت حروفه وازانتها بطيب الردود وجميل العبارة وسلاسة المنطق وادب الحديث.
اعرف انني احبه لله وفي الله...
يا صديق انا لست بأفضل منك حالآ ... أسأل الله ان يغفر لي ذنوبي ويستر عيوبي.. لكنني أمنح الرجال وضعها.. واحسب تمامآ لعباراتي ومتى علي ان امزح ومتى علي ان اتوقف.. ومتى علي ان أعتذر...
عبارتك التي كتبتها في حق استاذنا الجليل اصابته بجرح عميق يا صديق.. ربما كنت تمزح ولم تقصد المعنى الحرفي للعبارة لكنها جرحته وآلمتنا كلنا.. ذلك لأنها لم تراعي عامل السن وشوق الوالد لبناته.. يا صديق ربما تذكر استاذنا الجليل "علي" في تلك اللحظة بناته ولكنه لسبب ما لم يستطع ان يتواصل معهن..فاراد ان يرسل تلك الاشواق الى احدى بناته اللاتي إلتقاهن في الاسافير..وهي بنت الكل هنا..قد تكون في سن اخواتنا ولكنا كلنا نطلق عليها لفظ بنتنا..تقديرآ واحنرامآ ومحبة لها لله وفي الله.
كما قلت لك انا لست بافضل حالا منك ولكنني لا اتجاوز الخطوط الحمراء مع من هم على شاكلة استاذنا الجليل "علي"..
ختامآ اتمنى ان يعود إلينا استاذنا الجليل علي وهو بتلك الروح التي ألفناها ..وان يعطر سماء منتدانا المتواضع بمداخلاته القريبة الى النفس..فهو والله عندي من أنقى خلق الله الذين إلتقيتهم في الاسافير.
التحية لك يا الشيخ ولاستاذنا الكبير علي عبدالوهاب معقول ؟ في بنى آدم في الدنيا دي يتجرأ يسىء لاستاذنا ومربي الاجيال الطيب البسيط .. والله يا جماعة انا طبعا بعرف استاذنا دا معرفة شخصية .. وما عايز اتكلم عنه .. بس لكم ان تصدقوا ان أي واحد بمجرد النظر الى استاذنا وعمنا علي بتشعر بى حنية كدة نحوه
Quote: كل ما عارفه عنه انه عضو لم يسئ للانقاذ قط كل مداخلاته شكر فى النساء
بي هناك ما فهمنا كلامك او فسرناه غلط اهو هنا وضحت اكتر و افصحت عن جهلك و تخلفك يا عبيط .... انت الانقاذ دي ما فتحت بوستات شكر ليها لم مشيت السودان ... و بعدين الانقاذ دي مش سلمها الحكم سيدك ؟؟؟ و اولاد سيدك اتنين واحد مساعد و التاني امنجي ؟؟؟ قوم لف قرف يقرفك يا عبيط
Quote: أما ابوحسين بالانجليزى فحدث ولا حرج كل شئ موثق
قال حدث و لا حرج .... !!!!!!!! نسيت ايام كنت متشوعر و كانت كلها معزة و عتوت و سخل ... ؟؟؟ شكلك كدا رايحة ليك غنماية ....
Post: #12 Title: Re: المحبة والتقدير استاذنا الجليل andquot;علي ع� Author: الشيخ سيد أحمد Date: 08-09-2020, 11:39 PM Parent: #10
حبيبنا الموسيقار احمد ياسين
Quote: التحية لك يا الشيخ ولاستاذنا الكبير علي عبدالوهاب معقول ؟ في بنى آدم في الدنيا دي يتجرأ يسىء لاستاذنا ومربي الاجيال الطيب البسيط .. والله يا جماعة انا طبعا بعرف استاذنا دا معرفة شخصية .. وما عايز اتكلم عنه .. بس لكم ان تصدقوا ان أي واحد بمجرد النظر الى استاذنا وعمنا علي بتشعر بى حنية كدة نحوه
ياخي ده زول كتابته هنا محنة وحب وانس وادب واحترام وتقدير .. زول الواحد يتمنى يلاقيهو ويقعد معاهو عشان يتونس معاهو...
تحياتنا ليهو يا احمد... عليك الله طمنا عليهو يا احمد ..لأنو قال ماشي يبلع حبوب الضغط... اسأل الله أن يمتعه بالصحة والعافية وطول العمر.
تحياتي.
Post: #13 Title: Re: المحبة والتقدير استاذنا الجليل andquot;علي ع� Author: الشيخ سيد أحمد Date: 08-09-2020, 11:45 PM Parent: #12
Quote: انت بنوم يا ناموسة كسرة اجماع كيزانى ليس إلا ملحوظة:- كل ما عارفه عنه انه عضو لم يسئ للانقاذ قط كل مداخلاته شكر فى النساء أما ابوحسين بالانجليزى فحدث ولا حرج كل شئ موثق
. لا حول ولا قوة إلا بالله العلي العظيم. استغفر الله العظيم وأتوب إليه. الله يهدينا ويهديك.
Post: #14 Title: Re: المحبة والتقدير استاذنا الجليل andquot;علي ع� Author: Arif Nashed Date: 08-10-2020, 00:00 AM Parent: #13
سلام للجميع. بالرغم من أنني قررت الوقوف عن المشاركة والاكتفاء بالتصفح فقط إلا ان ما حدث اجبرني ان أعود لأقول كلمة في حق الاخ علي عبد الوهاب. يا صديق مهدي. أولا من حقك ان تبدي رأيك في أي موضوع مطروح في المنبر بصرف النظر عن كاتبه. ثانيا هناك خطوط حمراء لا يجب تجاوزها وهي ما تتعلق بالأخلاق والشرف... الخ. ثالثا مداخلاتك لم تسيء للاخ علي وحده بل أيضا للابنة امتثال. تابعت بوست علي امبس وقرار تخويره سواء من كاتب البوست او صاحب الحوش كان حكيما. رابعا ما زلت مستمرا في غيك وأرجوا أن تعود الي رشدك. وكلمة أخيرة للحبيب علي امبس ابتعد عن مثل هذه النوعية من المواضيع. ونشوفكم علي خير.
Post: #16 Title: Re: المحبة والتقدير استاذنا الجليل andquot;علي ع� Author: صديق مهدى على Date: 08-10-2020, 01:42 AM Parent: #8
التحيه والتقدير والاحترام ، للاستاذ/ علي عبدالوهاب ، الرجل الفاضل . صاحب الكلمة الطيبة .
والتحيه ايضا موصوله لصاحب البوست .
Post: #18 Title: Re: المحبة والتقدير استاذنا الجليل andquot;علي ع� Author: MOHAMMED ELSHEIKH Date: 08-10-2020, 08:24 AM Parent: #17
التحية لاستاذ الأجيال علي عبد الوهاب عندما لم يتعرف عليه الزملاء بعد, اطلقت عليه "نبي المنبر"
ثم يا صديق مهدي النسوان الفيهن الشكر كلنا بنشكرن المشكلة وين؟؟؟؟؟؟؟؟؟؟؟؟؟؟؟
أتمنى عودة الأخ الأكبر علي لممارسة ابداعه وجماله ورفع مستوى الاخلاق بالبيان بالعمل وارجو من الأخ صديق الاعتذار لنا و للأستاذ على بصورة لا لبس فيها لما بدر منه وقد اعطاك صاحب البوست " سكة غير اللاعب" بان وضع كلامك في مقام المزاح وارجو ان تستغلها
Post: #20 Title: Re: المحبة والتقدير استاذنا الجليل andquot;علي ع� Author: اسامة محمد ابوبكر Date: 08-10-2020, 08:49 AM Parent: #19
زمااان قلت ليكم صديق ده زي القن... قدر ما يغسلوها تخرة تاني اصلو ما بتنضف عشان كدة ما تشتغلوا بيهوا كتير ويا عمنا و استاذنا الجميل علي اعفي لينا عن الكلام الشين بس مقام ضديق مقام قلة ادب و ما بفهم الا كدة
Post: #21 Title: Re: المحبة والتقدير استاذنا الجليل andquot;علي ع� Author: علي عبدالوهاب عثمان Date: 08-10-2020, 08:55 AM Parent: #19
الاحباب الكرام وحبيبنا الشيخ .. عفوا لا استطيع الحصر بالاسماء سودانيز اصبح جزء من حاضرنا سودانيز جلسات الترابلة في ضل النخيل سودانيز حلسات مشرع المراكب ( بالله أقروا قصيدة حميد : عم عبدالرحيم ) لتعرفوا مجتمع المشرع سودانيز جلسة بوقانا في ليالي الصيف زمان ( دكاي )
شكرا كثير الشيخ والاخوان الافاضل .. تحياتي لكم
Post: #22 Title: Re: المحبة والتقدير استاذنا الجليل andquot;علي ع� Author: علي عبدالوهاب عثمان Date: 08-10-2020, 08:59 AM Parent: #21
أقرب واقع لسودانيز في ثقافة الترابلة ( المشرع ) هذا المسرح الهوائي المفتوح في انتظار المراكب أيام الرياح ( النو) .. المراكب كاسحة ما دام ريحنا نو ========================== حبيبنا الشيح سيداحمد .. اهداء لك ولكل الاخوة شوفوا أبداع حميد .. وبيئتنا التربالية كيف
ما زلت في عالم الشاعر الجميل ( حميد ) أحاول ان أتعمق في شعره ومفرداته التي يستخدمها بكل عمق وسوف أكرر ما كتبته سابقاً ان حميد لا يمكن أن يفهم قصائده بمجرد القراءة والاعجاب بالجرس الموسيقي والنظم .. المتعة الحقيقية في قصائده هي المعايشة .. يحمل الوطن بين جوانبه ويستحضره ويعيش لحظاته لينظم تلك القصائد الجميلة عن التراب والسواقي والنخيل والترابلة والرواويس .. والمعاني اعمق عند حميد لأنك تجده في الاماكن والمواقع التي يختارها بحنين وشوق ويعيد اخراجها في صورة رجل عايش وشارك المكان والزمان بصفة يومية وليست سماعية .. فمثلاً في قصيدة عبدالرحيم :
عم عبد الرحيم اتوكل نزل فى المشرع لقا زملان الشقا الجا من الجريف الجا من الجبل عل الناس بخير صبح هاظرم نقنق ناقرم غاظوه نعل وعم عبد الرحيم ما بخبر زعل كل الناس هنا ما بتخبر زعل تزعل من منو
) في المشرع لقا .. زملان الشقا ) والمشرع يعتبر احد الحاضنات الاجتماعية في الشمال وهي تماثل ( مواقف البصات ) في المدن مع الاختلاف في علاقة الاشخاص مع بعضهم .. فالمشرع هو مكان انتظار المراكب التي تنقل الركاب من الشرق الى الغرب او العكس .. وهناك غالباً ما تكون شجرة ظليلة ضخمة تحتها (سبيل) او مزيرة تملأ ازيارها من النيل مباشرة وبالتطوع وكما يتم نظافة الظل ايضاً بالتطوع لكل من استطاع ذلك .. وهذه الحضانة الاجتماعية تضم كل طبقات البشر في المجتمع الريفي وخاصة الجزر .. وتجد نفس الصورة التي رسمها شاعرنا حميد :
الجا من الجريف الجا من الجبل
ويقصد بالجريف سكان المنطقة التي تقع فيها المشرع او سكان الجروف القريبين من النيل .. والمشرع في الجزر يختلف قليلاَ لأن كل اراضيها املاك وسواقي تكون هناك وثيقة او قل ميثاق شرف بأن ينتقل المشرع بين السواقي التي تقع في منتصف المسافة في الجزيرة لأن المشرع معناه ان يسلك الناس طريقاً من الحلة الى النيل عبر الساقية بالحمير او الجمال لنقل الاغراض وهذا ماقصد به حميد من الجبل ) ولأن الجمال من الصعب عليها استخدام المراكب فإن موقع المشرع يسبب نوع من التلف للزراعة والمنطقة التي يقع فيها المشروع وذلك بسوء استخدام الناس للممرات التي تقودهم الى المركب بين السواقي وكذلك يحدث نوع من الفوضي غير المحبب للترابلة .. وحذاري أن تطأ القدم نبتة ساهر من أجلها رجل كادح .. وهذه اسوأ ممارسة تجلب الاحباط للتربال وتحدث نوع من الاشتباك بين المزراع ورواد المشرع من الراجلين والراكبين على ظهر الدواب ، لذا يتم التناوب على إختيار موقع المشرع بين السواقي بصفة دورية وخاصة في الجزر .. ويستحفل الأمر في المشرع عندما يكون هناك عائق يمنع لاستخدام المراكب مثل ( اتجاه الريح ) وخاصة في موسم الصيف وعندما تكون الرياح جنوبية وهي ( النو) كما قال شاعرنا اسماعيل حسن ( المراكب كاسحة مادام ريحنا نو ) وعندها يكون التجمع البشري اكبر عدداً في المشرع كلهم في انتظار ان تأتي المركب الى البر من الضفة الاخرى .. تماماً الحالة متشابهة عندما تكون هناك ازمة مواصلات في المدن ويحدث تكدس وإزدحام في دائرة محدودة .. وهنا يكون المشرع عبارة مسرح كبير في الهواء الطلق تجد فيه المنهك النائم الذي يتوسد بردعة الحمار او من افترش جوال فارغ وتوسد عمامته .. وهناك من هم اصحاب النكات والقفشات .. كما رسم حميد الصورة ووصف لهذا المسرح العفوي في قصيدة عم عبدالرحيم :
صبح هاظرم نقنق ناقرم غاظوه نعل وعم عبد الرحيم ما بخبر زعل كل الناس هنا ما بتخبر زعل
ورمزية عبدالرحيم والمشرع لدى أهلنا على ضفاف النيل في الشمال متنوع الصفات فهذا القادم من الجبل وذاك القادم الجزيرة من سكان الجزر وذلك معلم وهذا ممرض الشفخانة .. هو المتجمع المتصالح مع بعضه في هذه الحاضنة ( المشرع ) والفرق بين محطات المدن وتجمعات مواقف البصات هناك والمشرع هنا .. ان مرتادي المشرع بينهم علاقة الدم والقربي في الغالب او المعرفة العميقة ببعضهم وكذلك البعد الاسري على المستوى الاجداد .. وعبدالرحيم هو نسخة مكررة في كل قرى وجزر الشمال بطيبته وبساطته ولا يغيب كل ذلك عن هذا الشخص الذي يغايظه بالكلام والمناظرة او العكننة المحببة ليس تقليلاً من قيمته ولكن امعاناً في الاخوة وترسيخاً لمبدأ العلاقة التي تمتد الى الاعماق ويمكن معها تحمل غلاظة القول والمزاح الثقيل .. ولقد عايشنا تلك الحاضنات بكل زخمها والتي يمكن ان تلتقي فيها حتى مع من هم خارج السياق بتناولهم بعض ما كان مسموحاً من المسكرات في ذلك الزمان .. ومن منا من لم يستمع الى قصص اعمامنا من عاشوا في مصر بحكاياتهم وهم يثيرون ضغائن بعض من لم تتاح لهم الفرصة للسفر هناك .. و لا بأس ان تجد النساء في هذه الحاضنة في مجلس ليس بعيد عن الرجال وهن يسترقن السمع الى احاديث الرجال مهما كانت الكلمات وغلاظتها .. وهن جالسات مباشرة على الارض كأنهن يستمتعن بهذا التراب لأن المشرع ليس به كراسي او أي نوع من المفروشات ..
Post: #23 Title: Re: المحبة والتقدير استاذنا الجليل andquot;علي ع� Author: علي عبدالوهاب عثمان Date: 08-10-2020, 09:03 AM Parent: #22
حبيبنا الشيخ .. ده المشرع اخوانيات وونسة وحتى خلاف ولكن بشرف وهناك خطوط حمراء .. حتى الزول السكران لا يتخطاه كنا نجد في المشرع : المدرسين والممرضين والترابلة وكمان امهاتنا واخواتنا ..
سودانيز تجسيد لتلك الحاضنة رحم الله حميد .. دائماً أقول شعراء أهلنا الشايقية فوق مستوى الابداع ..
Post: #24 Title: Re: المحبة والتقدير استاذنا الجليل andquot;علي ع� Author: محمد عبد الله الحسين Date: 08-10-2020, 10:13 AM Parent: #23
مبادرة جميلة من الأخ الشيخ سيد أحمد و لفتة لطيفة للغاية في حق اخونا و حبيبنا الجميل علي عبدالوهاب.. الرجل الذي يشبه الغمامة ونسمة الصيف.. مهما نوصف و نمدحه ما بوفيه حقه.. ربنا يعطيه العافية..
شيخ علي .. امس الحقيقة سعدت جدا بالحديث معك عبر الهاتف واتكلمنا فترة طويلة ولكنها في المتعة كانت قصيرة يا استاذنا المنبر قدر ما فيهو الاخيار والحلوين والمتربين كويس والفاهمين رجالا ونساء برضو فيهو المتطاول والسفيه والمتردي .. والله انا لو الكلام السافل القبيح اتوجه لي انا ما كنت حازعل لاني بعرف ارد كويس لكن انت التربال المسكين دا ما بتقدر على النوعية دي .. لانك انت لسع عايش في نقاء اهلنا الطيبين والسمحين والبسيطين والقلوبهم صافية وشايفين الدنيا بمنظار الصدق وتقدير الكل .. وانت مربي اجيال والكلام ما بيوفيك حق قدرك. ابوي الله يرحمه كان فصيح اللسان وخطاط وحكيم .. كان يقول ليا (العين بتبكي على النافع) يعني اذا صديق لك او قريب او جار او زميل وفيه نفع وخير في نفسه وحصل بينكم اشكال او خلاف .. دا بتبكي عليهو وتزعل من الحصل وتشيل في نفسك ، لكن لو انسان اصلا انافع لا لنفسه ولا لخلق الله ولايراعي الادب في الكبير والصغير دا مهما عمل ، ما تخليه ياثر في حياتك او حتى في مزاجك لانه اصلا ما نافع. غايتو ترضيتي ليك ادخلك الغرفة (الاستديو) واسمعك اي عمل تطلبه لى وردي من يا (تير ياتاير) وانت ماشي عزف لايف امام مقامكم الكريم.. حانزل ليك صورة الغرفة هنا دا
التحية والتقدير لحبيبنا واخونا علي عبد الوهاب ...والمشكلة كما قلتم في النفوس المريضة التي لا تعي ما تقول ... انت يا علي الذي تزين المنبر العام بمقالاتك الثقافية الرائعة وادبك الجم واحترامك لجميع أعضاء المنبر كبيرهم وصغيرهم.... اذا انت في السودان هذه الأيام عاوزين نشوفك ..انا مسافر الخرطوم غدا أن شاء الله .. السر عبد المنعم عبد الله الحاج علي .. كرمة الساب - الشمالية نياجرا فولز - كندا
لك التحية والتقدير اخى الاستاذ القدوة على عبدالوهاب عثمان مثل هذه الترهات غير ما انها تزيدك اكبارا واجلالا فى نفوس الناس ابداً لا تنقص منك شيئاً .
------- الوضع هناك فى البلد يا على كارثي بمعنى الكلمة وربنا يلطف بعباده ( امطار وفيضان النيل ) الوضع كان اكبر كتير من امكانيات الشباب الذين حاولوا المستحيل لتقليل الخسائر .
Post: #31 Title: Re: المحبة والتقدير استاذنا الجليل andquot;علي ع� Author: علي عبدالوهاب عثمان Date: 08-10-2020, 08:26 PM Parent: #30
الاحباب الكرام .. شكري وتقديري لكم شهادة اعتز بها من أحباب كرام .. يا سلام عليكم علم وأدب وسلوك حفظكم الله من كل سوء .. عاجز عن الشكر حبيبنا الشيخ .. تحياتي الاحباب ..
تحياتي للجميع ولصاحب البوست خاصة واشكرك شديد علي هذا البوست الخاص باخونا علي عبدالوهاب رجل لم نجد منه الا الادب وعفة اللسان واحترام زملائه وزميلاته اشخاص مثل علي عبدالوهاب تتمني ان تتلقي بهم وتتعلم منهم شراك لك مرة مقدم البوست احترامي للجميع
Quote: ثم يا صديق مهدي النسوان الفيهن الشكر كلنا بنشكرن المشكلة وين؟؟؟؟؟؟؟؟؟؟؟؟؟؟؟
أوسكار !
ننصحه بقراءة في مديح النساء الأكبر سناً . هههههه
أهدي استاذ علي "لا أنت يوسف ، لا زليخاك ارعوتْ":
Quote:
كم سورةً رتّلتَ يا قلبي،
لتدحر سحر إمرأة العزيزِ،
وكم قميصاً قُدّ من دبرٍ،
لتدفع شبهة الشبهات عنكَ،
وكم هممتَ بنحرها الذبّاحِ، كم همّتْ بشِعْركَ، ثمّ ..... ما أنجاكَ منها غير رعبكَ من أنوثتها الوفيرةِ، صرتَ ترطنُ: "من أنا حتى تهدّدني زليخاي الانيقة بالضفيرةِ، والفساتين القصيرةِ، والعطورِ، وردْعِ أسلحة الجمال الشامل الفتّاك؟؟؟؟
تهذي هامساً: "لا أنتَ يوسفُ، لا زليخاكَ ارعوتْ، لا أنتَ من أسباط إسرائيلَ، ما عُلّمتَ تعبير المنامِ، وما جُعلتَ كبير مصرَ، ولا زليخا روّضتْ إغراءها،
أنتَ البسيط على البسيطةِ، وابنُ راعيةٍ تعيش على العصيدةِ والقديدِ، فكيف لي أن أستقيم، وأن أقاوم "هيتَ لكْ"؟؟
من أين لي، تعويذةً ضدّ الجمال الحارق السفّاحِ، تحرسني، تجنِّبني المصيرَ الشؤمَ: "أوّل من هلكْ"؟؟؟
من اين لي جأش الأسودِ، لكي أردّد: يا زليخة لا تقولي "هيتَ لكْ"
قولي ليوسفك المُريدِ، ونجل أسباط القصيد:
"طاهاي الرجل الأحلى: ما أنزلتُ عليكَ الإغراء لتشقى
صديق رجل طيبان لكن مرات بسرجها بدون مناسبه كرعينوا الاتنين شمال ...
عم علي .. في اسماء كده مهما قالوا بس ترفع قزازك و تعمل نايم ...
آنت رجل جميل و حساس .. لكن مع صديق ما تدقق ...
Post: #35 Title: Re: المحبة والتقدير استاذنا الجليل andquot;علي ع� Author: الشيخ سيد أحمد Date: 08-11-2020, 00:07 AM Parent: #34
Quote: تحياتي للجميع ولصاحب البوست خاصة واشكرك شديد علي هذا البوست الخاص باخونا علي عبدالوهاب رجل لم نجد منه الا الادب وعفة اللسان واحترام زملائه وزميلاته اشخاص مثل علي عبدالوهاب تتمني ان تتلقي بهم وتتعلم منهم شراك لك مرة مقدم البوست احترامي للجميع
حياك الله اخونا الدقم
استاذنا الجليل "علي" من اجمل الناس هنا.. اسال الله ان يمتعه بالصحة والعافية ..
Post: #37 Title: Re: المحبة والتقدير استاذنا الجليل andquot;علي ع� Author: MOHAMMED ELSHEIKH Date: 08-11-2020, 06:31 AM Parent: #36
Quote: وسكار !
ننصحه بقراءة في مديح النساء الأكبر سناً . هههههه
أهدي استاذ علي "لا أنت يوسف ، لا زليخاك ارعوتْ":
شكرا أسامة على الاوسكار هل من الصدف ان تكون والدتي " زليخا" وابني " يوسف" ؟؟
نشكر صديق يوسف على تفهمه لكلام الزملاء
Post: #38 Title: Re: المحبة والتقدير استاذنا الجليل andquot;علي ع� Author: علي عبدالوهاب عثمان Date: 08-11-2020, 08:45 AM Parent: #37
الاحباب الكرام .. جزى الله هذه الهنات خيراً أن رأينا انفسنا في مرآة اخوان اعزاء شكرا حبيبنا الدقم .. بارك الله فيك كلمات اتشرف بها مودتي لك شكرا حبيبنا قباني .. هكذا الحياة لابد من شوية مطبات .. ولك منى المحبة والتقدير كما تعلم ==== الاديب الأريب اسامة .. كما ذكرت جزى الله هذه الهنات خيراً .. ان جلب لنا هذه الدرر النفيسة هكذا ديدن الادباء .. جلست أتأمل هذه الهدية الرائعة ( لا زليخاك ارعوت ) قمة البلاغة والفصاحة جميل انت اديبنا اسامة
تحياتي لجميع المتداخلين مع حبيبنا الجميل الشيخ سيداحمد