والي النيل الأبيض شكله كان نفسه يعيش اللحظة دي وحدث ما حدث

04:56 PM August, 06 2020 سودانيز اون لاين
عبدالعظيم عثمان-
مكتبتى
رابط مختصر

(adsbygoogle = window.adsbygoogle || []).push({});لاندكروزر فيها علموإسماعيل وراق يلوح للمواطنين من على ال Sunroof ،
يلوح بيده اليسرى ونصف جسمه فوق اللاندكروزر
.. على يمينه مواتر وعلى يساره كذلك متبسماً،
في جو خريفي ماطر والسماء ملبدة بالغيوم
يا زول ما تبطل شغل الشو والبهجة دا
أمشي بين الناس وشوف مشاكلهم شنو تواضعوا
يا ولاة الولايات كراسيكم الحتقعدوا فيها دي كراسي دم
في فقراء وناس مطحونين ما تستفزوا الناس بالمظاهر دي
بالتوفيق للحاكم المدني للنيل الأبيض زميل المنبر إسماعيل وراق

شايف فى ناس بيروجو ليها على اساس انها صوره والى كسلا وهو يدخل كسلا

الصورة حايمة على أساس إنها لوالي النيل الأبيض

يمكن الزول دا فاز في الانتخابات
وبيحي الناخبين ويشكرهم على حسن صنيعهم
غايتو يا سمعة عملتها ظاهرة

ياعظمة سمعة تتمنالو التوفيق بعد سخيتو؟

يا ود الشيخ لكن سمعة ما سواتو شينة
وما بتتبلع..
لكن ياهو بندعم فيه.. عاوزنه
يمشي أم جر قبل مشاكل الخريف تفتك بالناس هناك

اوراق الامس

Quote: من الشعب للشعب عضو مجلس السيادة الاستاذ محمد حسن التعايشي يصل البلاد ويقف مع أبناء شعبه في صف تكملة إجراءات الدخول بمطار الخرطوم رافضا أي معاملة خاصة كما رفض سيارة الضيافة والاستقبال في صالة كبار الزوار. هذا ما نريده من قيادات الفترة الانتقالية.. انها المدنية

السلطة لها ضوء براق...وشهوة لا تقاوم...الشخص قبل السلطة شئ وبعد السلطة شئ آخر..
يتغير ١٨٠ درجة....إلا من رحم ربي.....

غلطانين انتو يا البورداب من لحظة باركتو ليه وقلت ليكم في لحظتها أشفق عليه وما زلت أشفق عليه
andlt;a href="https://sudaneseonline.com/cgi-bin/sdb/2bb.cgi؟seq=postandboard=510andmsg=1595454972" target=_selfandgt;... الف مبروك البوردابي اسماعيل وراق والياً للنيل الأبيض ...... الف مبروك البوردابي اسماعيل وراق والياً للنيل الأبيض ...

لا جديد

ما وددت أن ارى صديقي اسماعيل وراق في هكذا مشهد

يكون السبب شنو الخلا حاكم النيل الأبيض
يزح فتحة سقف اللاندكروزر ويمرق جسمه فوق
يثبت نفسه بي يده اليمين.. ويلوح للمواطنين بي يده اليسار
يكون السبب شنو؟

مش كان أحسن يكون مسترخي جوة اللاندكروزر
بدون ما يزح فتحة السقف ويكمل مشواره بدون الهيلمانة ذي


بالتوفيق لزميل المنبر وراق في مسؤلياته
في الإهتمام بمعاش الناس.. والاستعداد لمجابهة
تداعيات الخريف.. و ولايته ولاية منكوبة تتربص بها الأوبئة

يا عاصم بالله وراق كتب الكلام التحت دا

Quote: من الشعب للشعب عضو مجلس السيادة الاستاذ محمد حسن التعايشي يصل البلاد ويقف مع أبناء شعبه في صف تكملة إجراءات الدخول بمطار الخرطوم رافضا أي معاملة خاصة كما رفض سيارة الضيافة والاستقبال في صالة كبار الزوار. هذا ما نريده من قيادات الفترة الانتقالية.. انها المدنية

معقولة الزول ممكن يكتب كلام وبعد اقل من سنة
يبلع كلامه براو وبي كامل رغبته.. ويمارس عكسه
الموضوع دا عاوز نمشي نقرأ إبن خلدون قال شنو عن السلطة
والجابري قال شنو

دا أسرع يو تيرن في التاريخ السياسي

ذكرني القصة المشهورة بتاعة واحد من الهتيفة
طلع ايام إنقلاب هاشم العطا في مظاهرة
شغال يهتف (لن ترتاح يا سفاح.. لن ترتاح يا سفاح)
واحد همز ليه في أضانه (نميري رجع وأستعاد سلطته)
طوالي وهو على الأكتاف غير الهتاف (خمسة دقائق ورجع القائد)

Quote: عضو مجلس السيادة الاستاذ محمد حسن التعايشي يصل البلاد ويقف مع أبناء شعبه في صف تكملة إجراءات الدخول بمطار الخرطوم رافضا أي معاملة خاصة كما رفض سيارة الضيافة والاستقبال في صالة كبار الزوار.

ودي يعني حاجة كويسة ؟؟؟؟؟؟؟؟؟؟؟؟؟؟؟؟؟

عضو مجلس سيادة ولايقل عن رأس الدولة يمشي يقيف في صفوف المطار ويرفض ركوب عربة المراسم؟؟؟

طيب كان يتمها ويشيل بقجتو ويمشي علي المواصلات في شارع افريقيا


كدي خلي ود البشرى يجي وكان وافق على دي , تاني لابيني لا بينو

الوراق دا أقنعو من خيراً فيهو ...

كتب حاكم النيل الأبيض عن الحادثة

Quote: اثارت هذه الصورة ردود افعال كبيرة بين مادح وقادح، الذي أود توضيحه أنني لم اخطط لأي مظاهر استقبال بل كان هذا التدافع الشعبي الصادق عفويا وهو تعبير وتجسيد لفرح المواطنين بدولتهم المدنية بعد فصول من الظلم والمعاناة، وكان هتافهم الصادق مدنية مدنية، الصورة كانت في مدخل مدينة ربك تحية مني للحشود التلقائية التي اصطفت على طول الطريق ولأولئك الشباب الذين تسلقوا سطوح المنازل فكان لزاما أن ابادلهم تحية بتحية وحب بحب بدلا عن الانزواء داخل السيارة، ولعل هذا الالتفاف الشعبي الصادق سيكون خير زاد لتكملة المشوار من أجل بناء دولتنا المدنية التي انتظرناها طويلا.

زميل المنبر إسماعيل وراق لم يعتذر
بل قال أن هناك من مدح تصرفه (بين مادح وقادح)
قدم المادحين على القادحين..

هو ما شايف فيها أي حاجة بل يحي المواطنين
بعفوية...
يظل كل الإحترام لزميل المنبر السيد والي النيل الأبيض
ولكن سقط العشم الذي كان بتقديم نموذج أحكام
يختلفون عن حكام الإنقاذ..

المهم انا غسلت يدي من حاكم النيل الأبيض

اريتو وراق لو كان اتحادي النشوف غسيل ايديك دا كان ح يكون كيف

يا عظمة كلم أيمن كبوشية أوعى يعمل حركة اللمبي والخدر ويكفكف بنطلونه ويعمل لينا فيها ملكة سبأ ويخوض في المطرة للتصوير والله نردموا لمن يستغرب

مش كان اولى بيهو بدل الشو الاعلامى البيشبه حركات الكيزان كان يمر بالمنطقه دى كان على الاقل كسب شى من التقدير واتجاهل الناي حركات المواتر والموكب دى ؟

Quote: المهم انا غسلت يدي من حاكم النيل الأبيض

انت يا عبدالعظيم محتاج تغسل حتات كتيرة
مش كفاية انو سيدك تاجر
و انك بتنتمي لواحد من اوسخ احزاب البيوتات التجارية
حزب المعتوه الواحد ؟

قال حشود قال !!
الناس مافاهمه دا شنو دا ومن بعيد يعاينو
بعدين كميه المواتر والبكاسى دى الزول دا كان شغال فى ......... ؟؟

لم يوفق في الإسلوب
ليته إعتذر
سيكون عذره مقبول
ما تقفل باب التأييد بي ركوب الرأس يا وراق
إنت بتمثل ثورة ديسمبر المجيدة
الثوار ليهم حق عليك
إذا في ملاحظة عادي اقبلها وإعتذر
كل الولاة ديل يجيبوا الخبرة من وين
الأخطاء متوقعة وسوء التقدير متوقع
بس يباس الرأس ما كويس
غلطت إعتذر وامشي في طريقك
كل الناس حتدعمك

بعد مراجعة اكثر من صورة خلصت للآتي:-
أول حاجة السيد الوالي وراق ما كان محتاج يعمل الحركة دي
لأنه لا في حشود ولا ناس كتار ولا في زول كان منتظره
يبدو أن السيد الوالي كان نفسه في الحركة دي من زمان
وبمجرد دخوله مدينة ربك قال خليني أمارس هذا الشعور
وحدث ما حدث

Quote: اريتو وراق لو كان اتحادي النشوف غسيل ايديك دا كان ح يكون كيف

ههههههههههههههههههههه

الناس الذين نظموا هذا الإستقابل والمواتر.. هم الذين يخططون لإحتوائه لتمرير أجندتهم الفاسدة.. وسوف يضطر ليرد (التحية) لهم.

ديل بالله الشارع طلع مليونيات عشان يتم تعيينهم..
غااايتو..
قال كان (بلّوح) للحشود يااخ. طلع كضب؟!

غايتو يا عظمة واليكم بتاع الخرطوم
قدامه ملفات ساخنة ولجان مقاومة أسخن
وفساد في منظومة الولاية للركب
وحسب ماواضح حيكون والي ضعيف
وحيتقاد من اضنينه إلا لو قدر على غول الكيزان
وما صعب بالمناسبة ينتصر عليهم يكون قريب
من لجان المقاومة ومابتجيهو عوجة تب
ديل شباب مفتحين وعارفين دبيب الكيزان جحرو وين
لكن إن بقى جاي من جماعة التجارة والسمسرة
ليعيد سيطرة شركة توزيع الدقيق الكيزانية
وغيرها وتبقى ولاية سماسرة وكباتن ومأكلة
تبقى كارثة ..
وزي ما قالوا ليهو شباب المقاومة ستفشششل ..
غايتو كان عملت منو حميل لنردمنك ردم السنين ..


واليكم تخلي والي أحزاب تاني تشوف ...

دة هو ولا بشبهو؟
الأصبع