شجاعة و صدق و ذكاء عمر التاج

شجاعة و صدق و ذكاء عمر التاج


08-05-2020, 02:57 PM


  » http://sudaneseonline.com/cgi-bin/sdb/2bb.cgi?seq=msg&board=510&msg=1596635822&rn=84

Post: #1
Title: شجاعة و صدق و ذكاء عمر التاج
Author: عمر نملة
Date: 08-05-2020, 02:57 PM
Parent: #0

02:57 PM August, 05 2020 سودانيز اون لاين
عمر نملة-
مكتبتى
رابط مختصر

(adsbygoogle = window.adsbygoogle || []).push({});يدافع عن ما يؤمن بكل ادبو من يتعدى حدودة يلزمةبنفس اسلوبه حاول كثر وصفه بالكوز... و لم يثبتو ذلك... قد يصيب و قد يخطي لكن يطرح بكل شجاعةواحد من اثنين لإثبات كوزنته اما اعترافه الصريح اما الدليل القاطع له تاريخ دراسي و مهني و من السهل إيجاد الشهود اما اتهامه بما يكتب و يطرح فذلك اتهام لا دليل له
Post: #2
Title: Re: شجاعة و صدق و ذكاء عمر التاج
Author: Osama Mohammed
Date: 08-05-2020, 03:22 PM
Parent: #1

عمر نملة

انت زول طيب خلاص والله .
Post: #3
Title: Re: شجاعة و صدق و ذكاء عمر التاج
Author: عمر نملة
Date: 08-05-2020, 05:19 PM
Parent: #2

طيب و حقاني يا اسامة
موضوع عمر التاج لا اقصد
عمر شخصيا... اقصد الحق
القضية مطروحة أمامك...
عندك دليل اطرحه
Post: #4
Title: Re: شجاعة و صدق و ذكاء عمر التاج
Author: Salah Zubeir
Date: 08-05-2020, 08:37 PM
Parent: #3

Quote: القضية مطروحة أمامك...
عندك دليل اطرحه

تحياتي عمر نمله ...
الكوزنه عقيده زي الشيوعية ...
والكوز الأصلي بيتم تجنيدو وتمحيصو
من أيام الدراسة وليس بتزكية من أعضاء
سودانيزاونلاين ... كذلك الشيوعي ...
وعندنا كيزان بكتبو هنا ومتمسكين
بي كوزنتهم وبدافعو عنها كمان ...
المستغرب ليهو هذه الحملة علي عمر
المشكوك في كوزنته في الوقت الفيهو
من يعتد بي كوزنته يمرح في جنبات
المنبر بكل أريحية ...
حقيقي تعريف السيء والأسوأ في فتيل ...
هل الكيزان الاسوأ أم من يطلقون علي
نفسهم القحاته هم السيء فقط ...
واخيرا المفروض الناس أحرار بحكم
شعارات ثورة ديسمبر في خياراتهم
بعيدا عن من اجرمو في حق البلد
والناس ...
Post: #5
Title: Re: شجاعة و صدق و ذكاء عمر التاج
Author: Deng
Date: 08-05-2020, 09:00 PM
Parent: #4

كان هنالك الكوز الدكتور حسين أبوصالح "قيادي ووزير إتحادي"
كان هنالك الكوز عبد الله محمد أحمد"حزب امة" وتقلد منصب وزير الثقافة والإعلام في زمن الديمقراطية الاخيرة.
كان هنالك الكوز كرار التهامي الذي أعترف بأنه كان غواصة في الحزب الاتحادي الديمقراطي.

الامثلة والقصص كثيرة.

كتابات عمر التاج صارت واضحة أمامكم اليوم وأي زول متابع جيدا ح يعرف كوزنة وسلوك عمر التاج.

طبعا بعد إنقلاب الاخوان المسلمين المشئوم.تقلد حسين أبو صالح منصب وزاري وتقلد أيضا عبد الله محمد أحمد منصب سفير.
Post: #6
Title: Re: شجاعة و صدق و ذكاء عمر التاج
Author: محمد أبوالعزائم أبوالريش
Date: 08-05-2020, 09:50 PM
Parent: #5

Quote: الكوزنه عقيده زي الشيوعية ...
والكوز الأصلي بيتم تجنيدو وتمحيصو
من أيام الدراسة وليس بتزكية من أعضاء
سودانيزاونلاين ... كذلك الشيوعي

يا صلاح زبير، إنت بتتكلم عن الإنتماء لحزب سياسي.
نعم .. الأخو المسلم كوز
والمؤتمر الوطني كوز
والمؤتمر الشعبي كوز
والإصلاح بتاع غازي العتباني كوز
وغيرهم في كيزان كتير ...
زي ما بيقولوا الكوزنة سلوك وليس انتماء سياسي بالضرورة ... لأنو ممكن تلقى مسيحي كوز.

عمر التاج في زول سمعو نفى كوزنته؟
Post: #7
Title: Re: شجاعة و صدق و ذكاء عمر التاج
Author: اسامة الامام
Date: 08-06-2020, 01:12 AM
Parent: #5

تحياتي اخي عمر
وكل عام وانتم بخير


اخونا عمر التاج لم اتشرف بمعرفته شخصيا

لكن من الناس البتجبرك على احترامها
زول في نظري مبدئي جدا
وواضح في طرحو
لا بجامل ولا بخاف


غير كتير من الناس اللإسف بتتلون زي الحرباء
وراكبين اي موجة...ورايحين مع الريح وين ما قبلت..رهو ساكت

اها زي ديل عليك الله الواحد يحترمهم كيف ...
حتى لو عصر على نفسو ليمونة ما حا يقدر

انا شخصيا...بشخصي الضعيف

احترم اي واحد حتى لو مختلف معاهو كليا...بس
يكون عندو على الاقل خط واضح ما قاعد يغيرو


احترمو ..ويظل اختلافي معاهو في محلو


والامثلة كتيرة...لناس للاسف سقطت من النظر

لا داعي لذكرها



ولك ولعمر كل الاحترام
Post: #8
Title: Re: شجاعة و صدق و ذكاء عمر التاج
Author: Hafiz Bashir
Date: 08-06-2020, 01:32 AM
Parent: #7


سلام أسامة الإمام
Quote: احترم اي واحد حتى لو مختلف معاهو كليا...بس
يكون عندو على الاقل خط واضح ما قاعد يغيرو


وينو الخط الواضح بتاع عمر التاج؟
نصيحة مني ليك: اوعك تجاوب لأنو لو جاوبت عمر التاج بيزعل منك.
Post: #9
Title: Re: شجاعة و صدق و ذكاء عمر التاج
Author: اسامة الامام
Date: 08-06-2020, 02:32 AM
Parent: #8

اهلين اخ حافظ ومرحب بيك

Quote: وينو الخط الواضح بتاع عمر التاج؟


بنفس منطقك دا
لو انت ما شايف الخط الواضح بتاع عمر التاج
ما حا يكون في مقدوري اوريهو او اوصفو ليك


لانو ببساطة نتاج متابعة دقيقة لكل ما كتب تقريبا في هذا الموقع


ودا انطباعي عنه

الموضوع ابدا ما موضوع جدل

ولك او لغيرك ان يمتلك انطباع مغاير لذلك

ودم بخير
Post: #10
Title: Re: شجاعة و صدق و ذكاء عمر التاج
Author: كمال عباس
Date: 08-06-2020, 02:44 AM
Parent: #9


سلام اخ عمر نملة
القضية هنا لبست كوزنته من عدمها !وانما في كمية الأكاذيب والادعاءات غير الموثقة التي يخطها قلمه وكثيرا ما طولب بالأدلة والأسانيد وعجز،
بالنسبة لي عمر التاج فاقد للمصداقية للسبب أعلاه. ويفتقر الشجاعة الأدبية والاتساق ذلك انه لا بتراجع عن أكاذيبه. وادعاءاته غير المدللة
Post: #11
Title: Re: شجاعة و صدق و ذكاء عمر التاج
Author: Salah Zubeir
Date: 08-06-2020, 07:44 AM
Parent: #10

Quote: عمر التاج في زول سمعو نفى كوزنته؟

يا أبو الريش اخونا عمر التاج ما محتاج ينفي
أو يثبت هو كوز ... لامن كلو واحد في المنبر
دا يكتب اسم حزبو او توجهو قبل اسمو في
البروفايل بعد كدا بكون ليك حق تطالب بي
توجه عمر التاج وغيرو ... اعضاء المنبر كلهم
بدون فرز إلا من رحم ربي شغالين تقيه فاكرين
نفسهم اذكياء بإخفاء توجهاتهم ... اشمعنى
عمر التاج مطارد؟
Post: #12
Title: Re: شجاعة و صدق و ذكاء عمر التاج
Author: أحمد محمد عمر
Date: 08-06-2020, 07:52 AM
Parent: #11

Quote: Abubakr Ahmed Abbas
أنا غايتو ذكاء عمر التاج دي تعبتني!
يعني صدقه مشت فيك؟
Post: #14
Title: Re: شجاعة و صدق و ذكاء عمر التاج
Author: أحمد محمد عمر
Date: 08-06-2020, 08:03 AM
Parent: #12

سلم لي على العلمانيةسلم لي على العلمانية
دة حوار في بوست سابق
Quote: - معقول يا عمر كل يوم قابضينك بي كضبة؟
- جيب لي كذبة امس واول امس عشان نشوف كذبك ده
- دي كذبة أمس (ابن اخ الرئيس يطلق النار ويقتل ويصيب العشرات من المدنيين وسط عاصمة جنوب السودان)
ودي كذبة أول أمس (بنك السودان يصدر عملة جديدة فئة مليون)
ودي زيادة مني عشان ما تقول حارمينك من حاجة (القيادي محمد يوسف رئيس تجمع هو الآن كل الحكومة تقريبا)
ولو طلب أكثر - وقتها - لزدناه
Post: #13
Title: Re: شجاعة و صدق و ذكاء عمر التاج
Author: Salah Zubeir
Date: 08-06-2020, 08:03 AM
Parent: #11

Quote: زي ما بيقولوا الكوزنة سلوك وليس انتماء سياسي بالضرورة ... لأنو ممكن تلقى مسيحي كوز.

كيف يعني الكوزنة سلوك ؟؟؟!!!
علي حسب علمي الكوز هو من ينتمي للحركة
الإسلامية بكل تفرعاتها كما بينت إنتا فقط ...
الكوزنة سلوك دي حا دخل الكثيرين في فتيل ..
مثلا اشتهرت الشيوعية بالدموية في نشأتها ...
هل يمكن صبغ شيوعي اليوم بالدموية؟؟؟
بعدين مسيحي يكون كوز دي حا تفتح المجال
واسع لتصنيفات اخري لن يرضاها أحد ....
Post: #15
Title: Re: شجاعة و صدق و ذكاء عمر التاج
Author: علاء سيداحمد
Date: 08-06-2020, 08:28 AM
Parent: #13


معقولة بس يا استنارة !!
غايتو ! نردد مع الغنّاي السوداني : ما بصدقكم .
Post: #16
Title: Re: شجاعة و صدق و ذكاء عمر التاج
Author: عمر التاج
Date: 08-06-2020, 10:07 AM
Parent: #15

السلام عليكم،
وشكرا صاحب البوست وضيوفه..
هي طلقة واحدة في اليوم ولا بأس أن تكون هنا، وفى سبيل الحرية ..
في هذا البوست الذي أتوقع أن يعج بالمتحزبين وأصحاب الأغراض..
وكل هؤلاء لا شأن لعمر التاج بهم،. ولكنهم يكرهون الحرية ويبغضون الأحرار؛
وعمر التاج - كمثل اي عضو- حر فيما يكتب ويعتقد، ولكنه لا يتلقى تعليمات من احد، ولا يملي عليه احد شيئا ليكتبه.
وخطي الواضح الذي اكتب به منذ أن سجلت في المنبر هو (ابحث عن الحق ولا تسأل عن أهله) ..
يعني اليوم معك الحق انا معك، بكره الحق مع غيرك انا معه، اهتم بالقضية والحدث، ولا انظر لصالح من هي أو ضد من سيكون.
بعكس أصحاب الأحزاب والانتماءات الذين يقفون مع احزابهم واهوائهم سواء معهم الحق أو ضدهم..
و المنبر ممتلئ بهذا النوع.. والكثير يفصح عن دوافع حزبه وجماعته.
واضرب مثلا بالحريات، وحرية التعبير على وجه الخصوص.. ..
المتحزبون في المنبر كانوا يعتقدون باهميه الحرية المطلقة ايام حكم البشير
والان يشعرون بأن هذه الحريات تضايقهم - حتى على مستوى هذا المنبر- لأنهم في السلطة..
الموقف من العنف ضد المعتصمين، وفض الاعتصامات بالقوة المميتة..
ايام الإنقاذ كان جريمة كبرى تستوجب التدخل الاممي
وأيام مجزرة رابعة العدوية أصبح ضرورة لانه كان ضد الاخوان المسلمين
وأيام الثورة عاد محرما شرعا ومنهاجا
وبعد الثورة يجوز فض اعتصام اي جماعة معادية للحكومة بل وقتلهم بدم بارد
وهذه هي عدالة الأحزاب دوما..
َهذا الذي أقف على النقيص منه..
الحريات مطلوبة؛ إذن فهي مطلوبة للجميع..
الفساد ممنوع إذن فهو ممنوع من الجميع..
اخطاء الحكم محرمة ويجب أن تفضح ويحاسب عليها
إذن فهي محرمة على الجميع؛ وعلى كل الأحرار كشفها وفضحها من أجل سودان المستقبل
وهذا ما نفعله في هذا المنبر..
واضرب مثلا اخر بالمبدئية التي اتمنى ان نكون جميعا عليها..
النظم الشمولية عموما، وحكم العسكر أو الاشتراك في الحكم كان بالنسبة لي؛ وللبعض خط أحمر،
والان يعتبر أصحاب المصالح ان العسكر والجنجويد شركاء الحكم وحماة النظام..
التمرد بالسلاح على الدولة بالنسبة لي مضر بالوطن منذ الاستعمار ويجب على الدولة حسمه والالتفات الي الأصوات التي تنادي بالسلام،
و التمرد بالسلاح مضر ويجب أن يحرم بموجب الاخلاق والدستور اليوم قبل الغد، مثله ومثل الانقلابات العسكرية
تدويل القضايا الوطنية محرم على الاطلاق، ولايوجد ظرف يجعل الأجنبي خير من الوطني، وكل دول العالم التي انهارت انظمتها كانت بسبب التدويل والتدخل الاجنبي
فرض الوصاية الدولية وتاليب الدول لمحاربة النظام كان بالنسبة للأحزاب برامج وأهداف، وكنت ضده حتى آخر قطرة من قلمي لاني اعرف ان مضاره على الشعب أكثر، وهاهي الأحزاب تدفع دم قلب الشعب لترفع الحصار الذي اشتركت في فرضه بالامس..
عندما كان الكيزان في الحكم ماسكتنا عنهم ابدا؛ وبوستي الأخير كله شواهد
وعندها كانت الأحزاب تبتسم؛ والكيزان يهددون، وانا لا أبالي باي الفريقين تكون كتاباتي لصالحهم..
واليوم الأحزاب في السلطة تشمئز من الأقلام الحرة والكيزان يبتسمون.. لا غضاضة..
وانا وغيري من الأقلام الحرة لا نبالي..
ولا يهمني اذا صنفوني كوزا أو شيوعيا أو كاذبا أو قليل الذكاء
ولن أجد اي فائدة شخصية ولا بمثقال ذرة، وقف معي زميل، وقف بكرى وكل كتابه ضدي، ولا تتأثر مصالحي الشخصية إذا حضر الكيزان للسلطة أو غاب القحاتة عنها، أو اتحدوا جميعا ضدي .. ماعندي مصلحة مع احد وما في زول رزقي معلق في رقبته.
كله عندي سواء.. والقول الفصل فيه.. ماذا قدمت للشعب وانت في السلطة حتى ترضى عنك الأقلام الحرة؟
وماذا قدمت وانت في المعارضة حتى أوافقك الأقلام الحرة..
انا باختصار قلم حر، اكتب ما يمليه على ضميري، واناقش فيه بموضوعية
وهذا عهدي منذ المرحلة الثانوية في المدرسة والحي..
كنت اشترك في اي برنامج خيري أو ثقافي لأي حزب
المهم عندي ان يكون برنامجا وطنيا أو حتى حزبيا مثمرا وبه فائدة ترجى..
مبدئيا لست ضد التحزب، ولكني ضد الانتماء الأعمي، إلا للدين.
الأحزاب السودانية على كثرتها اعتبرها شيئا واحدا، لافرق بين يميني أو يساري الا في حب السلطة
والسلطة هي عدوى الوحيد بعد الشيطان.. لأنها اخوان في الرضاعة
لا انكر اني شاركت أنصار المهدي برامجهم؛ والختمية قبلة اهلي أورادهم، وانصار السنة خطبهم وبرامجهم الدعوية، واخوان الصادق عبد الماجد، والشيوعيين جرائدهم الحائطية، وفى الجامعة كنت اقدم البرامج الثقافية للكيزان والجبهة الديمقراطية في نفس الوقت، وكنت أصدر صحيفة تهاجم أخطائهم في نفس الأسبوع.. وبعد التخرج اشتغلت في مؤسسات الدولة التي يسيطر عليها الكيزان ولم أبال بالظلم الذي لحق بي باعتباره ضريبة يدفعها كل سوداني حر، وهذا قدري وقدر كل الشعب وقتئذ ، واصلت دراستي حتى هاجرت راضيا مرضيا، ولا أمانع من العودة متى مابدات مؤشرات المعيشة في التحسن تحت حكم اي شخص أو حزب.. وهكذا اعتقد ان الأقلام الحرة يجب أن تكون.
خلاصة الكلام، الشايف في بوستاتي بوستات كيزان فهو حر، والبشوفها بوستات فارغة أو للغلاط تمتلئ بالعوارة وتفتقر للذكاء فهو حر وغير مجبر على الدخول لها، اما عن نفسي فلا انتمي لأي حزب أو تنظيم.. ولا أرى ضرورة ان انتمي أو لا.. فقط ارجو ان يلتفت الناس لما ينفعهم، ويتركوا الآخرين يعبرون عن أنفسهم وارائهم بلا وصاية أو تصنيف.. ويخلوا كل واحد يصنف نفسه كما يريد..
Post: #17
Title: Re: شجاعة و صدق و ذكاء عمر التاج
Author: HAIDER ALZAIN
Date: 08-06-2020, 10:34 AM
Parent: #16

Quote: وخطي الواضح الذي اكتب به منذ أن سجلت في المنبر هو (ابحث عن الحق ولا تسأل عن أهله) ..
يعني اليوم معك الحق انا معك، بكره الحق مع غيرك انا معه ولا ابالي


بكل بساطة ممكن يجيك أخونا احمد محمد عمر مثلاً يقول ليك الزول الباحث والكايس عن الحق
ما بينشر أي شئ يقع تحت يده إلا بعد يبحث ويتحرى عن تاكيد الخبر -- وزيييطك يجيب ليك امثلة ..
وممكن يقول ليك الباحث عن الحق والحقيقة ما بينجر من راسه دفاعاً عن خبره الضليل .. وزيييطك ود البشرى يديك امثلة ..
وممكن يقول ليك البيقيف مع الحق بعد يتضح ليه الماسورة الركب فيها بيعتذر عن اللفح... وزييطك طلحتوف يجبسَك بامثلة
وممكن يقول ليك الكايس عن اهل الحق ما بيعيد نشر خبر ماجور للإساءة لفئة ويصر ويكابر .. وزييطك هكذا ..

أما باقي اللغة الانشائية الجميلة المعبرة بباقي المقال فكل شخص يحب ان يرى نفسه ذلكم الرجل ..
بل كلزول لو قلت ليهو كيف تحب ان ترى - كأحسنك ظناً بنفسك - مشاركتك في الرأي العام لما تجاوز معنى مقالك حسُن الظن بالنفس..



إنما هي مدعاة للتأمل ليس دفاعاً اكثر ..!

حيدر الزين فئة تعبئة الخزنة
Post: #18
Title: Re: شجاعة و صدق و ذكاء عمر التاج
Author: HAIDER ALZAIN
Date: 08-06-2020, 10:36 AM
Parent: #17



عفواً نسيت تحية الاخ عمر نملة صاحب البوست له التقدير ..




وأخونا المستنير الضارب وهارب يورجغ تحت :)
Post: #19
Title: Re: شجاعة و صدق و ذكاء عمر التاج
Author: محمد البشرى الخضر
Date: 08-06-2020, 12:48 PM
Parent: #18

Quote: ومتاكد انه ذكائي حايزيد من وجهة نظرك يوم اجي وأتعالج عندك.
يا النبي يا الرسول!
Post: #20
Title: Re: شجاعة و صدق و ذكاء عمر التاج
Author: Omer Abdalla Omer
Date: 08-06-2020, 01:54 PM
Parent: #19

أنا بصراحة ضد حكاية تحديد المداخلات او الطرد إلا في حالات محدودة..
دع من يشاء أن يقول ما يشاء! أما الزبد فيذهب جفاء و يبقى ما ينفع الناس.
كثير من الناس بعد الثورة صاروا مهرجين وخاصة الكيزان فهم يقصدون خلق فوضى و ربكة ولكن طالما ما هم يكتبون فيجب مقارعتهم كتابة و فضحهم و لا داعي لحجبهم..طول ما هم يتكلمون، لا يزداد عند الناس لهم إلا الإحتقار و الشماتة. فقد أيقن الناس إنهم يفوقون سوء الظن العريض.
معظم الوقت هم لا يخجلون و يكذبون مع سبق الإصرار و لكن لا بأس من الصبر عليهم و كشف ضعفهم الأخلاقي، و قليلا، قليلا سيفقدون الإحترام لدى القراء.
الكثير من هؤلاء المهرجين الان و الذين يسعون للفوضى هم الكيزان الذين ينكرون كوزنتهم! و هذه إستراتيجية جديدة رأيناها الأن في كل المنابر و المجموعات و خاصة الواتساب..
معظمهم كانوا مدخرون لمثل هذا اليوم بواسطة التنظيم الأخطبوط! إحترق الكيزان اليوم و لا أحد يسمع لهم، و ليس لهم إحترام، بل و الكل يحتقرهم. و ما تبقى لهم هو أن يعملوا من خلال هذه الشخصيات التي تنكر إنها معهم و لم يعرف لها أعتراف سابق و لكن كل ما يقولونه يفضحهم!
بمرور الزمن سيحتقرهم الجميع كما أحتقر الكيزان بل سينظر إليهم بأنهم أكثر جبنا و خسة و خناعة.
للكيزان الناكرين و العاملين فيها أذكياء نقول لهم:
if it looks like a duck, walks like a duck and quacks like a duck, then it's a duck
Post: #21
Title: Re: شجاعة و صدق و ذكاء عمر التاج
Author: Omer Abdalla Omer
Date: 08-06-2020, 01:55 PM
Parent: #20

نسيت أن أحي صاحب البوست الرجل الشجاع عمر نملة و ضيوفه الكرام
Post: #22
Title: Re: شجاعة و صدق و ذكاء عمر التاج
Author: Osama Mohammed
Date: 08-06-2020, 06:46 PM
Parent: #21


عمر نملة كتب
Quote: طيب و حقاني يا اسامة
موضوع عمر التاج لاطيب و حقاني يا اسامة
موضوع عمر التاج لا اقصد
عمر شخصيا... اقصد الحق
القضية مطروحة أمامك...
عندك دليل اطرحهاقصد
عمر شخصيا... اقصد الحق
القضية مطروحة أمامك...
عندك دليل اطرحه


روق المنقة يا حبيب
الدلايل كتيرة انو كضاب و ما ذكي وما شجاع كمان ...
فتش البورد انت الفتحت الطاقة . ودة خصال الكيزان يعني ما جديد عليهم ولا اتبلينا عليهم شفناهم من كانو شغالين تحت الارض .

تحباتي
Post: #23
Title: Re: شجاعة و صدق و ذكاء عمر التاج
Author: Hafiz Bashir
Date: 08-06-2020, 07:03 PM
Parent: #22



Quote: بنفس منطقك دا
لو انت ما شايف الخط الواضح بتاع عمر التاج
ما حا يكون في مقدوري اوريهو او اوصفو ليك


يا أسامة
أنا شايف خطو واضح شديد
وإنت شايف خطو واضح شديد
لكن هل هو رضيان بشوفي وشوفك؟
Post: #24
Title: Re: شجاعة و صدق و ذكاء عمر التاج
Author: Ahmed Yassin
Date: 08-06-2020, 08:00 PM
Parent: #23

Quote: walks like a duck

دا في Parkinson diseases يا عمك
webbed feet as duck
زي مشية محمد علي كلاي الله يرحمه ويغفر له
Post: #25
Title: Re: شجاعة و صدق و ذكاء عمر التاج
Author: محمد أبوالعزائم أبوالريش
Date: 08-06-2020, 08:08 PM
Parent: #24

Quote: علي حسب علمي الكوز هو من ينتمي للحركة
الإسلامية بكل تفرعاتها كما بينت إنتا فقط ...

تابيتا بطرس حركة إسلامية؟
Post: #26
Title: Re: شجاعة و صدق و ذكاء عمر التاج
Author: اسامة الامام
Date: 08-06-2020, 08:36 PM
Parent: #24

[جQUOTE]لكن هل هو رضيان بشوفي وشوفك؟


هلا اخونا حافظ

صدقني ما بهمني
يرضى بشوفك ولا شوفي ولا ما يعجبنو الاتنين
له مطلق الحرية في ما يرتضي ويشوف


لكن زي ما بقولوا اهلنا
كلمة ل الله وكلمة للناس
ما يتعرض له الاخ عمر في هذا الموقع
من حصار وهجوم وشيطنة
شئ لا يوصف ولا يرتضى

ودا كلووووو لي بالله...علشان بقول رائه بكل شجاعة
في زمنا التافه دا

صراحة شئ مخذي جدا لا يشبه هذا المنبر
ولا يشبه ما يدعون من حرية وعدالة وبطيخ

بلد رايحة في ستين مليون داهية
اهلنا المساكين الجوع والغلاء والعدم هلك منهم اللحم وتلتين العظم
وخيرة (مثقفينا ) يحاصرون زميل لهم في كورنر مجنب وهاك يا بنج

فوق كم..!!@@@
فقط علشان لم يجاري الموجة ولم يركب الريح ولم يكتب على هواهم


ولك كل الود
Post: #27
Title: Re: شجاعة و صدق و ذكاء عمر التاج
Author: Hafiz Bashir
Date: 08-06-2020, 09:21 PM
Parent: #26



سلام أسامة
في حاجة غلط في كود الإقتباس في مداخلتك لخبتت البوست.

Quote: ما يتعرض له الاخ عمر في هذا الموقع
من حصار وهجوم وشيطنة
شئ لا يوصف ولا يرتضى

ودا كلووووو لي بالله...علشان بقول رائه بكل شجاعة
في زمنا التافه دا


عمر التاج في شخصو ما شوفتوا إتعرض لأي حصار
ما يطرحه من آراء هو الذي يتعرض للنقد والتفنيد
وأفتكر هذه هي طبيعة الحوار في المنبر، أنت تطرح رأي ومن حق الآخرين نقده ومحاصرته
أما مسألة تحديد مداخلاته فأنا لا أتفق مع بكري أبو بكر مطلقاً في هذا التحديد.
ولكنه ليس الوحيد الذي إتخذ بكري ضده هذا الإجراء.

ما عارف محاولة الشيطنة التي تقصدها
هو غايتو تم إتهامه بأن له خط واضح
وأنت أيضاً شاركت في هذا الإتهام

وبعدين ياخي هو ذات يا هو دا بشيطن فيني وداير يقيد حريتي في التعبير
أنا فرد يوم ما أديتو شلوت هو هسه مطالب بإنو ينزلوني الليق😂.
Post: #28
Title: Re: شجاعة و صدق و ذكاء عمر التاج
Author: اسامة الامام
Date: 08-06-2020, 10:24 PM
Parent: #27

Quote: وأفتكر هذه هي طبيعة الحوار في المنبر،
أنت تطرح رأي ومن حق الآخرين نقده ومحاصرته


اهلين حافظ يأخي

ياخ ربنا تعالى وجل
الناس في المنبر دا ...وبالضرورة في الدنيا

قاعدين يتبجحوا عليه تعالى
ويقولوا عنه من الهراء ما يقرفك ويطمم بطنك

والكلام دا في المنبر دا
وما ان يرد عليهم من البعض وبالحجة غيرة على هذا الدين
الا وانبرى لهم دعاة الحرية العرجاء والشمام ان اتركوهم وان لا شأن لكم بهم
وبان هذا منبر حر ودا منبر طيارة معمول في ارض مباركة صفراء وما تعرف شنو


فد يوم ما سمعنا واحد اترفد علشان سب ربنا ولا شكك في دينا
مع انو قوانين المنبر بتجرم دا


فالسبب شنو بالله البخليهم يطالبوا صاحب المنبر بتحديد مشاركات اخونا عمر ( ما قاصدك انت شخصيا)

وهو من انشط الكتاب في هذا الموقع

والاغرب سرعة استجابة صاحب الموقع لنداءهم واستنجادهم به


حرية بلالي عجاجة





بالنسبة للمداخلة السابقة...لم استطع تحديد اني هببتا شنو
Post: #29
Title: Re: شجاعة و صدق و ذكاء عمر التاج
Author: Ahmed Yassin
Date: 08-06-2020, 10:54 PM
Parent: #28

Quote: شجاعة و صدق و ذكاء

هذا صفات عمر بن الخطاب رضي الله عنه
Post: #30
Title: Re: شجاعة و صدق و ذكاء عمر التاج
Author: محمد البشرى الخضر
Date: 08-07-2020, 01:59 AM
Parent: #29

اتا يا مستنير يقول ليك اتعالج عندك و تسكت ساي كدا!
وريه ان شا الله في الخاص
Post: #31
Title: Re: شجاعة و صدق و ذكاء عمر التاج
Author: جمال ود القوز
Date: 08-07-2020, 03:04 AM
Parent: #24

ضد فرض الوصاية على أي عضو بالمنبر
والتضييق عليهو وكسر قلمه
يقول الدايره طالما كلامه مقبول بصفة عامة
ما بالضرورة يرضيك كلامه
وإن لم ......
تطالب بإقصائه ومنعه من الكتابة وكسر قلمه ..
هل دي يعني ياها الديمقراطية والحرية !! ..
مع عودة عمر التاج ومنحه كامل حقه

ــــــــــــــــــــــــــــــــــــــــــــــــــــــــــــ

شكرا عمر نمله ..
انت زول حقاني ..

Post: #32
Title: Re: شجاعة و صدق و ذكاء عمر التاج
Author: Salah Zubeir
Date: 08-07-2020, 04:27 AM
Parent: #31

Quote: تابيتا بطرس حركة إسلامية؟

تابيتا بطرس هي نائبة رئيس الحركة
الشعبية تيار السلام التي يرأسها القائد
دانيال كودي ...
إذا كنت تقصد مشاركتها الإنقاذ الحكم
في الفترة السابقة فلن ينجو أحد من
السياسيين او الاحزاب الموجوده في
الساحة اليوم ... فهل كلهم كيزان ...
Post: #33
Title: Re: شجاعة و صدق و ذكاء عمر التاج
Author: عبدالغني محمد الحاج
Date: 08-07-2020, 04:31 AM
Parent: #31

هلا بالشجاع عمر نملة
عمر التاج أختلف معه وأرى أنه يكتب بنفس منطق الكيزان
لكن الخطير في هذا المنبر الكيل بمكيالين
بينما يكيل دينق مثلاً الشتائم يمين وشمال للزملاء والزميلات
وكتاباته كلها من نوع الأخبار في إتجاه واحد ونصها بطلع في النهاية متعجل وغير دقيق
لكن لا تحد مداخلاته ولا يجمد حسابه
بينما كتابات عمر التي نختلف معها كتابات زول مثقف وتفتح شهية المثقفين
مثل الخواض وكمال عباس للحوار المفيد للآخرين
تحد مداخلاته
عجبي
الغريب أن معظم من ينتقدون عمر التاج
لا تراهم أبداً ينتقدون دينق عندما يأتي بأفظع مما يكتبه عمر التاج
عجبي مرة تانية
Post: #34
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 06:20 AM
Parent: #33

Quote: اتا يا مستنير يقول ليك اتعالج عندك و تسكت ساي كدا!
تغالطوا الزول في روحه يا البشرى؟
زول حاسي بي إنه صبة خرسانية نحترم احساسو ونناديهو بالأخ صبة
حاسي بي إنه شجرة نقول ليه ازيك يا شجرة وازي صفقك
شايف إنه علاجه عند البياطرة نقول ليه رحم الله رجلاً عرف قدر نفسه :)
Post: #35
Title: Re: شجاعة و صدق و ذكاء عمر التاج
Author: Deng
Date: 08-07-2020, 07:02 AM
Parent: #34

Quote:
هلا بالشجاع عمر نملة
عمر التاج أختلف معه وأرى أنه يكتب بنفس منطق الكيزان
لكن الخطير في هذا المنبر الكيل بمكيالين
بينما يكيل دينق مثلاً الشتائم يمين وشمال للزملاء والزميلات
وكتاباته كلها من نوع الأخبار في إتجاه واحد ونصها بطلع في النهاية متعجل وغير دقيق
لكن لا تحد مداخلاته ولا يجمد حسابه
بينما كتابات عمر التي نختلف معها كتابات زول مثقف وتفتح شهية المثقفين
مثل الخواض وكمال عباس للحوار المفيد للآخرين
تحد مداخلاته
عجبي
الغريب أن معظم من ينتقدون عمر التاج
لا تراهم أبداً ينتقدون دينق عندما يأتي بأفظع مما يكتبه عمر التاج
عجبي مرة تانية


أنت عبد الغني محمد الحاج ذاتك كوز، على الاقل بالنسبة لي لغاية ما الجماعة يكتشفون حقيقتك. واصل في الكاتبة زي عمر التاج علشان تفضح نفسك بقلمك في النهاية.
قلت لي بتساوي كتاباتي بي كتابات الكوز عمر التاج!
هل ملاحقة الكيزان وأذنابهم ومساندة الثوار صارت مثل كتابات عمر التاج يا كوز؟ وهو الكوز الذي يشكك في الثورة والثوار ومكتسباتها؟

صحي الاختشوا ماتوا.

واصل في الكتابة علشان قلمك هو الذي سوف يفضحك للناس.
Post: #37
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 07:27 AM
Parent: #5

سلام دينق
عمر نفى انو كوز... و نفترض انو كوز
انا شايف انو شجاع ويكتب ما يحب
و بوست مسجد الجامعة أكد شجاعتة
هو عارف ردود الفعل وواجهكم كلكم..

Post: #36
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 07:19 AM
Parent: #4

حياك الله صلاح
السياسة لعبه قذرة وشوفنا
وسمعنا تاريخ السودان والمصايب
و المجازر... و عجبا يتباكي
الجميع عندما يكونو تحت السندان
و يتبجح صاحب الحكم.. و نظل في محراكة
اليمين و اليسار... و الهلال و المريخ
كل الساكيين تجاه عمر اليميني
ما علينا...
Post: #38
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 07:46 AM
Parent: #36

سلام و محبه
يا ابو العزايم ايو انا سالت عمر هل هو كوز و ما من حقي و هو نفى انو كوز

يا حافظ عمر خطو اكتر من واضح.. بيدافع عن حاجات راسخة في عقلية اكثرنا و ان كان اغلبها شعارات كيزانية.. المشكله الأساسية في حاجات جميله لكن النهج الكيزاني حرم على الكثير التقرب منها... و هنا تكمن شجاعة عمر.. اول ما قال مسجد الجامعة ارتسمت في عقليه الجميع السيخ و الكيزان... ما علينا عمر شجاع
Post: #39
Title: Re: شجاعة و صدق و ذكاء عمر التاج
Author: Deng
Date: 08-07-2020, 07:49 AM
Parent: #36

Quote: سلام دينق
عمر نفى انو كوز... و نفترض انو كوز
انا شايف انو شجاع ويكتب ما يحب
و بوست مسجد الجامعة أكد شجاعتة
هو عارف ردود الفعل وواجهكم كلكم..


مرحبا عمر نملة.

عمر التاج شخص جبان ويخاف من أن يكشف للناس هويته السياسية وهي الكوزنة.
ولكن قلمه هو الذي فضحه في النهاية.
في المنبر ده أي زول كوز نفى للناس كوزنته، بما فيهم الصحفي محمد حامد جمعة،فرانكلي، ميادة كمال وأخرون. ولكن أقلامهم وكتاباتهم هي التي فضحهتهم للناس.
أصلوا الشينة منكورة
Post: #40
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 08:04 AM
Parent: #39

واجهنا بي شنو يا عمر نملة؟
زول كضاب الكضب الواااااااحد دة
قال الفيديو ما عندو علاقة بالاعتصام ولحدي هسة ما جاب دليل على نشر الفيديو قبل الاعتصام
بل بعمل رايح من أي سؤال في هذا الشأن
بخصوص مسجد الجامعة مرتبط عندك انت براك بالسيخ
لكن كل الناس الاتداخلوا ربطوهو باعتصام القيادة العامة
Post: #42
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 08:28 AM
Parent: #40

سلام احمد عمر
عهدي بيك زول ضابط
لغة حواره... و أدبه... ما لفت
انتباهي انك سبيت عمر.. وهنا
اكثر من علامة استفهام.. و دا دليلي
على ذكا عمر خلاك تخرج من طورك
عمر ذكي و الدليل اغلبكم ضده.. شجاع بيكتب
العايز يكتبو... النبذ ما بفيد ومن وجهة نظري حتى
اللحظة عمر كسبان اكثر القضايا رغم خسارته
قضية مسجد الجامعة
اكثر الخاسرين انت احمد
بكل بساطة دخلت الداره و شايل
عكازك زينا و بعدت عن مجلس العمده
غايتو انا حاجز مكانك في مجلس الحل و الربط
و انت اكرب زندك و شد ظهرك ما دام بقيت بتسب
ما علينا ليه تم تحديد مداخلات عمر
Post: #43
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 08:37 AM
Parent: #39

مرحب دينق
أمامك تاريخ عمر الدراسي و المهني
و اكيد في اكتر من شخص شاهد
ادا كان عمر كوز منظم.. أما إذا كان غير
دي حاجة تانية... ما علينا هدف البوست
ليس عمر شخصيا. الهدف منح الحرية للجميع
و التعبير عن أي قضية.. و نخرج من الدايرة الجهنمية
بتاعت اللت و العج

Post: #41
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 08:16 AM
Parent: #36

سلام و محبه
يا ابو العزايم ايو انا سالت عمر هل هو كوز و ما من حقي و هو نفى انو كوز

يا حافظ عمر خطو اكتر من واضح.. بيدافع عن حاجات راسخة في عقلية اكثرنا و ان كان اغلبها شعارات كيزانية.. المشكله الأساسية في حاجات جميله لكن النهج الكيزاني حرم على الكثير التقرب منها... و هنا تكمن شجاعة عمر.. اول ما قال مسجد الجامعة ارتسمت في عقليه الجميع السيخ و الكيزان... ما علينا عمر شجاع
Post: #44
Title: Re: شجاعة و صدق و ذكاء عمر التاج
Author: Hafiz Bashir
Date: 08-07-2020, 08:44 AM
Parent: #41



سلام يا عمر نملة
وين الشجاعة في إنو عمر التاج قاعد وراء كيبورده ويتهم المعتصمات في المسجد بأنهن مارسن الزنا والدعارة داخل مسجد الجامعة؟
وين الشجاعة في إنه يستغل مساحة الحرية المتاحة في خلق وتمرير شائعات خبيثة للطعن في أخلاقيات المعتصمين وهو يعلم تمام العلم أن أقصى ضرر قد يصيبه هو بضع كلمات من المتداخلين او إيقاف من المنبر؟

القصة دي أبداً ما عندها علاقة بالشجاعة


Post: #45
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 08:48 AM
Parent: #41

وين السب هنا؟
السب بكون لو بادلتو وصف المعـرص الأطلقو علي دة قلت ليه معـرص انت دة
لكن أنا قلت ليه مصطلح مضبوط تماماً (كضاب) وهو ما جديد .. عمر حاطب ليل بلقط ترهات الواتساب ويجي يكبها هنا ويقول دي حرية
ما بهتم بالتحقق منها وحتى لما يطالبوهو بإثباتها بقول ليك دي ما شغلتي أنا بنقل وبس
دة كان زمان لكن بعديها بقى محترف كذب بجيب الكضبة ويفكها ويمشي
وأهو في البوست دة بالصدفة ساي أوردت ليه 4 كذبات ولو تتبعت بوستاته بتلقى السناريو بتاعها واحد
يجيب كضبة حايمة في الواتساب .. يجي محمد البشرى ينفسها ليه .. يقعد يلاوي وينبز في القحاتة
لكن نهائي مافي اعتراف أو اعتذار عن الكذب

موضوع فض الاعتصام ما طق حنك التزم فيه الحياد .. دي جريمة كاملة الأركان وأي حاجة مرتبطة بيها مفروض تتجرم بدون أي تردد ويتم التعامل معاها بالحدة اللازمة
اتهام الكنداكات المعتصمات في القيادة بممارسة الفاحشة في المسجد ما حاجة بتحتمل تعدد الآراء وخلونا ننظر للموضوع من زاوية تانية!
بتتهم في الشرف يا جيب دليلك الموثق أو تاخد في حنانك زيك وزي أي جنجويدي اعتدى على بناتنا في القيادة
تمجيد الجنجويد اللي فضوا الاعتصام ودمغهم بالصلاح الديني والدفاع عن الشرف أثناء ما هم داخلين مسجد النسوان بأحذيتهم وأسلحتهم دة ما اسمو رأي .. ولا تمجيد القاتل كان رأي في أي يوم من الأيام
الجنجويد الجابهم عمر ديل شفناهم بعيونا دي بجلدوا في الناس ويضربوا في البنات وشفناهم مسؤولين عن فض الاعتصام دة غير الشهادات عن الاغتصابات المارسوها في فض الاعتصام
التعامل مع السلوك دة لا يتم بالحوار الهادئ وأنا أقدر وجهة نظرك .. في الجريمة المثبتة مافي رأي تاني .. شايفين قدامنا شباب صغار سلاحهم الهتاف وهمج سلاحهم الرصاص والسياط .. لا توجد حاجة خفية محتاجة ذكاء ونظر لما وراء الأحداث
Post: #48
Title: Re: شجاعة و صدق و ذكاء عمر التاج
Author: mohmmed said ahmed
Date: 08-07-2020, 09:05 AM
Parent: #45

الكوزنة سلوك ومواقف سياسية
والكوز المعترف بكوزنته ويعلن عنها ويدافع جدير بالاحترام أكثر من المتخفى
سبدرات لم ينتمى لتنظيم الإخوان المسلمين ولكنه انتهازى غير جدير بالاحترام
بعد سقوط نظام الكيزان اختفى من يجاهرون بتاييد عمر البشير امثال ود الباوقة
لتظهر طائفة جديدة ينفون انتمائهم لتنظيم الكيزان ويدعون الانحياز للثورة
أوضح مثال هو عمر التاج
بدأ بكتابات تبدو محايدة ارتكزت على فكرة المساواة بين قوى الثورة والكيزان و يا جماعة كلهم ما كويسين
ولكنه لم يصمد طويلا وأسفر عن قناعاته الحقيقية وتوجها ببوست الجامعة
Post: #46
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 08:53 AM
Parent: #41

مرحب كمال
اعتراضي على اللغة المستخدمة ضد عمر..غايتو لو امتص هذه اللغة
دون أن ينجر كان استحق لقب فارس... ممكن يكون استعجل في بوست
المسجد.. و حسب ما يؤمن شاف ملابس بنات داخلية في المسجد.. و طرح
الموضوع في المنبر.. و كل الاحتمالات مفتوحة بما فيها الاحتمال الأشعار ليه من
في الفيديو
قضيتي ليس كوزنة عمر.. و لا افكار عمر.. قضيتي الحق المكفول للجميع في طرح ما يودون..و
الحجة بالحجة...عمر شجاع في فتح قضايا برؤية كيزانية.. لكن ان تترك القضايا و السعي لاغتيال الشخص ما بنصل لأي اتفاق... حرية عدال و سلامة و الثورة خيار الشعب... .
Post: #47
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 08:58 AM
Parent: #46

Quote: ممكن يكون استعجل في بوست
المسجد.. و حسب ما يؤمن شاف ملابس بنات داخلية في المسجد.. و طرح
تتهمم الكنداكات المعتصمات بممارسة الفاحشة جوة المسجد وتقول لي ممكن وحسب ما يؤمن؟
انت حضرت الفيديو؟ سمعت الكلام الفيهو وجاي يدافع عنه عمر؟
هل بتحترم إيمان الشخص باتهام المعتصمات ساااااي كدة؟ وتسجيل الفيديو الغريب دة والترويج ليه وكمان تقول دي شنو القذارة دي مشيراً إلى ملابس النساء؟
هل إنت عمر نملة دة فكرت في سبب دخول الجنجويد مسجد النسوان؟
هنا مافي حاجة اسمها ما يؤمن به
إذا كان ما يؤمن به هو قذف المحصنات أنا داير رأيك انت دة ود نملة خليهو ود التاج
هل تؤيد يا عمر نملة قذف المحصنات الوارد في الفيديو؟ وهل تعتبره وجهة نظر؟
Post: #49
Title: Re: شجاعة و صدق و ذكاء عمر التاج
Author: Hafiz Bashir
Date: 08-07-2020, 09:15 AM
Parent: #47



Quote: عمر شجاع في فتح قضايا برؤية كيزانية.. لكن ان تترك القضايا و السعي لاغتيال الشخص ما بنصل لأي اتفاق


معقولة يا عمر نملة تمر بعقلك عبارة "إغتيال الشخصية" وما تفكر في السبب وراء إنتاج الفيديو؟
ياخي بوست عمر التاج الهدف منه إغتيال شخصية لكل الثوار
الفيديو أصلاً تم إنتاجه وعرضه مع أشياء أخرى بغرض إغتيال شخصية الثوار ودمغهم بممارسة الفواحش والإدمان المخدرات والمسكرات.
الفيديو أنتج وعرض في فترة الصراع مع العساكر لتسليم السلطة للمدنيين.
العساكر ومن يقف خلفهم من فلول قصدوا بالفيديو أن يقولوا أن المعتصمين عبارة عن صعاليك ومجرمين وأنهم ليسوا على مستوى تفاوض سياسي بل يستحقون السحل والقتل.
الفيديو أصلاً الهدف منه إغتيال شخصية المعتصمين وتبرير قتلهم برصاص العساكر.
Post: #50
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 09:26 AM
Parent: #47

يا بو حميد في نظرية الاحتمالات اي احتمال يمكن حدوثه...
في مسجد جامعة الخرطوم للأسف دا واحد من الاحتمالات
ما بتقدر تستبعد و تخلي الاحتمال صفر... و فعلا النقاش
صغر هذا الاحتمال لكن يستحيل يكون صفر... اعتراضي
على طريقة النقاش و خاصة منك انت لأنك منطقي... لكن
الآن انت منشن على اغتيال شخصية عمر و تراك واقع في
الفخ... يا سيدي ما تنكر الحقايق... ايام الاعتصام كان في
مختلف الشرايح من المجتمع بما فيهم ناس الدعارة و البنقو...
وكلو ممكن... وممكن الكيزان يكونو من ارتكب الجرم دا لو في
اصلا... ما علينا نحن ما مجتمع فاضل فينا و فينا زي باقي الشعوب...
مسجدنا تم فيها اغتصاب الأطفال و دي حقيقة... عمر شجاع يا احمد
ختا الاحتمال الكلنا بنتمني ما يكون لكن يظل احتمال... اخاف من ذَكا عمر
يكون جاييكم بالدليل القاطع البكبر الاحتمال و يقلب الطاوله
Post: #51
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 09:33 AM
Parent: #50

معقولة يا عمر؟!!!!
تتهم بنت في شرفها وتقول احتمال!!!
عشان أصلاً في عاهرات في الدنيا معناها أي بنت احتمال تكون عاهرة!
تجيب ناس شغالين بتهموا ساي كدة يقذفوا في المحصنات بدون أي دليل وتقول احتمال يطلع كلامهم صاح؟؟؟!!!
شوف يا عمر
لعبة الاحتمالات دي بتتلعب في وجهات النظر ما في الحقائق
لما تقول مارسن الدعارة في المسجد دي حقيقة ما وجهة نظر
لازمك تثبتها بالدليل القاطع وإلا تصبح قاذف محصنات
أمال انت قايل ربنا شدد في عقاب القذف دة لشنو!

قضايا الشرف يا عمر ما بنفع فيها الحياد وتقليب وجهات النظر .. يا تثبتها يا تنجلد حد القذف
Post: #52
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 09:33 AM
Parent: #50

سلام احمد يس
طبعا قصة هجرة سيدنا
عمر بن الخطاب هي ما رسخ
شجاعته... ما رسخ شجاعة
ابن التاج عندي بوست مسجد
جامعة الخرطوم... قال ليكم من اراد
فليناقش هذا البوست
و حصل انهزام جماعي من
السب والشتم مما كبر احتمال
شجاعته و ذكاءه
ما علينا عمر واقف
والكل بيرجم و يسب
Post: #53
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 09:36 AM
Parent: #52

Quote: طبعا قصة هجرة سيدنا
عمر بن الخطاب هي ما رسخ
شجاعته
الكوت دة دسو من حيدر الزين ما يشوفه
Post: #54
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 09:59 AM
Parent: #53

سلام يا حيدر يا زين

بكل بساطة ممكن يجيك أخونا احمد محمد عمر مثلاً يقول ليك الزول
الباحث والكايس عن الحق

انا العاجبني انو ابوعمر انتقل من دور ناس الشعب البحبو افلام الاكشن
الي دور جاكي شان... ما علينا للتاج و لغيره جلب اي ماده و يقول الاحتمال
الموجود.. وصاحب العقل يميز.. لكن احمد يقول قذف الكنداكات و واي و واي
ويشتت الكوره ما بقسم مع ناس أوربا... الكلام دا يقولو في مكة... الغريبة في النقاش
كلا الجانبين بيدافع عن الفضيله سوا قدسية الجامع و لا شرف الكنداكات.. ما علينا احمد
عمر بعد ما يغتال شخص التاج... ويثبت طهارة جميع من كانن و كانو في الاعتصام.. عجبي
من المنطق
Post: #55
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 10:06 AM
Parent: #54

قدسية الجامع كيف؟
اللباس بنتهك قدسية المسجد؟ نعلك بتخش تيوب لس!
يا عمر سؤالي ليك واضح
هل تعتبر اتهام انسانها في شرفها وجهة نظر مفروض الناس تتعامل معاها بحياد ومن حق أي زول يتهم أي زول في شرفه عادي كدة والناس تحترم وجهة نظره؟
عشان انا عندي بوستات حقتك ومداخلات كتيرة جاهزة للاقتباس بناء على إجابتك
Post: #56
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 10:13 AM
Parent: #54

ضد فرض الوصاية على أي عضو بالمنبر
والتضييق عليهو وكسر قلمه
يقول الدايره طالما كلامه مقبول بصفة عامة
ما بالضرورة يرضيك كلامه
وإن لم ......
تطالب بإقصائه ومنعه من الكتابة وكسر قلمه ..
هل دي يعني ياها الديمقراطية والحرية !! ..
مع عودة عمر التاج ومنحه كامل حقه

ــــــــــــــــــــــــــــــــــــــــــــــــــــــــــــ

شكرا عمر نمله ..
انت زول حقاني ..

شكرا يا قوز.. دا ملخص البوست.. الحجة بالحجة
ومهما اتوينا من حجج تظل الحقيقة غايبة... العدالة
عميا... ما بفيد اغتيال اي شخصية.. يعني بعد اغتيال
شخص عمر لو جاء يكلمنا عن أي موضوع تاني ما تستمع
ليه.... ما علينا اتمنى نخرج بما يفيد من هذا المنبر
Post: #57
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 10:34 AM
Parent: #56

يا اكشن... الاعتصام فيهو زيادة من اثنين مليون شخص...
كل الاحتمالات مفتوحة بما فيها الصلاة و الصوم و الجنس
و المخدرات... ليه انت ناكر الاحتمالات دي.... دي ما قضيتنا
في البوست دا.. انا أشرت لصدق و شجاعة و ذكاء عمر و عايز
اوصل رأي محدد زي ما انت بتغتال شخص من وجهة نظرك
و بنا على مواقف معدودة... غيرك ممكن يمجد هذا الشخص...
. عايز اقول ليك كورتك فكت لكن اتذكرت انك ما لاعاب من اساسو
Post: #58
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 10:40 AM
Parent: #57

دة ما السؤال
السؤال هل من حقك تقول على البنات اللي في الاعتصام عاهرات وبمارسن في الفاحشة جوة المسجد ساي كدة عشان احتمال الاتنين مليون ديل يكون فيهن عاهرات؟
هل من حق أي زول اتهام زول تاني في شرفه ويقول دي وجهة نظر؟
السؤال دة موجه ليك انت شخصياً
إذا جاء شخص (س) نفرض مجرد فرض إنه إسمه معاوية وقام اتهم واحد من أفراد أسرتك بممارسة الفاحشة بناء على معلومات متوافرة عندو ما ورانا مصدرها هل بتدافع عن حقه في اتهام الناس في شرفهم ساي كدة وتعتبرها وجهة نظر مبنية على احتمالات واردة كونه مدني فيها ناس بايظين؟
Post: #59
Title: Re: شجاعة و صدق و ذكاء عمر التاج
Author: جمال ود القوز
Date: 08-07-2020, 10:55 AM
Parent: #58

Quote: إذا جاء شخص (س) نفرض مجرد فرض إنه إسمه معاوية وقام اتهم واحد من أفراد أسرتك بممارسة الفاحشة بناء على معلومات متوافرة عندو ما ورانا مصدرها هل بتدافع عن حقه في اتهام الناس في شرفهم ساي كدة وتعتبرها وجهة نظر مبنية على احتمالات واردة كونه مدني فيها ناس بايظين؟


يا أحمد مضرب المثل هنا يفتقد لشيء أساسي ..
هل عمر التاج حدد قال فلانة الفلانية كده بالاسم ؟ ..
وقع الأمر هنا بيختلف ..
ابدا ما هي نفسها لامن يجي شخص ما
وبقول قبيلتي فيها ناس مش ولابد
غير لمن يحددني أنا بالاسم ويقول علي اني مش ولابد
بيتفقوا إنهم الاتنين فيهم بهتان
لكن بيختلفوا في تاثيرهم ووقعهم
ـــــــــــــــــــــــــــــــــــــــــــــــــــــــــ


طبعا مع رفضي التام لفحوى بوست عمر التاج ..
Post: #61
Title: Re: شجاعة و صدق و ذكاء عمر التاج
Author: محمد البشرى الخضر
Date: 08-07-2020, 11:09 AM
Parent: #59

Quote: ما ح أرد ليك يا بشرى
ما نستغنى يا مستنير (أحدهم) كدا ما قصّر و رد علي

بمناسبة الرد علي, يا ود التاج شايفك ترد و تعلق و تفتح البوستات ولا شغال بطلبي الرابط للفيديو في النت منشور قبل تاريخ فض الاعتصام كما ادعيت
و حابب بعد اذنك اضيف سؤال تاني, عندما تقول "عشية فض الاعتصام" هل تعني ليلتها يعني قبل بداية الجريمة في الصباح الباكر أم تعني مساء اليوم نفسه بعد وقوعها!



وسألنا السؤال ليه؟ لأنو نقطة بتفرق
Post: #60
Title: Re: شجاعة و صدق و ذكاء عمر التاج
Author: Deng
Date: 08-07-2020, 11:06 AM
Parent: #58

Quote: مرحب دينق
أمامك تاريخ عمر الدراسي و المهني
و اكيد في اكتر من شخص شاهد
ادا كان عمر كوز منظم.. أما إذا كان غير
دي حاجة تانية... ما علينا هدف البوست
ليس عمر شخصيا. الهدف منح الحرية للجميع
و التعبير عن أي قضية.. و نخرج من الدايرة الجهنمية
بتاعت اللت و العج


عمر نملة. جرت مياه كثيرة تحت الجسور، دراسة ومهنية هذا الكوز ليس بمقياس حقيقي، هنالك عدد كبير من الذين كانوا محسوبين على المعارضة أو أنهم غير كيزان، ولكن مع مرور الزمن أنكسروا وصاروا جزء لا يتجزاء من النظام الفاشي المباد. طيب نرجع معاك لهدف البوست. قصة منح الحرية للجميع هذا يجب التوقف عندها والنظر اليها بنوع من العقلانية. أي منظومة يشارك فيها الانسان بيكون خادع الى قوانينها وبيكون مؤمن بها. الكلام ده بيتم ممارسته حتى في الرياضة، وفي كرة القدم مثلا أي لاعب أو إداري يخل بمثل هذه القوانين بيتم عقابه العقاب المناسب ومن ضمن هذا العقاب هو الطرد من المباريات. في العملية الديمقراطية يجب أن تكون لها قوانين وأحكام تضبطها، ويجب أن يمارسها الذين يؤمنون بها وليس الذين يعملون بكل جهد لتخريبها وتدميرها. شعارات مثل الحرية لنا ولسوانا دي شعارات فضفاضة ساكت وبلا معنى، خصوصا إذا كنا نتحدث عن الديمقراطيات الناشئة والهشة.

هذا الموقع موقع خاص ولصاحبه توجه معين، وهذا التوجه هو دعم العملية الديمقراطية في السودان. وإذا رأي أن هنالك كاتب لا يدعم هذا التوجه ويحاول تخريبه فمن حقه أن يوقف هذا الكاتب.
Post: #62
Title: Re: شجاعة و صدق و ذكاء عمر التاج
Author: اسامة الامام
Date: 08-07-2020, 11:13 AM
Parent: #58

للناس المتعودين على محاصرة عمر التاج
واتهامه بالكذب وووووو
القاسية بس ينزل لي خبر
الا تلاقيهم تابطوا عصيهم وهاك يا محط

مثال بسيط علشان نشوف الميزان المطفف في المنبر دا

عمر التاج نزل البوست دا من فترة

Quote: المجلس السيادي يشرع في شراء
٣٥ سيارة فخمة بدون عطاءات


ما عدا (تقريبا) المحترم جدا ود القوز
الكل طلع عمر كذاب وعندو غرض ومرض ومش عارف ايه
وتقريبا طلعوا اخو ابليس في الرضاعة

مع انو الراجل فقط ناقل للخبر وبمصادره


جا اخونا زهير نزل الخبر دا بعد الغاء الصفقة

هنا
Quote: مجلس السيادة السوداني يلغي صفقة استيراد سيارات جديدة



يعني طلع كلام عمر صااااااااح..بل كان له اثر واضح في الغاء الصفقة

ولا واحد من الجماعة ربنا فتح عليهو بربع كلمة حق


وكمان مخ السمكة..هههههههه

تلاقي الواحد مداخل هنا وهناك

كانو ما حصل شئ


عجبت لك يا زمن.....
Post: #63
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 11:34 AM
Parent: #62

يا جمال نتفق أول حاجة على المبدأ
الاتهام في الشرف جريمة يجب أن تقابل بمحاصرة الشخص إلى أن يثبت التهمة أو يعتذر عنها اعتذار واضح لا لبس فيه
لا يصح استخدام الطعن في الشرف بأي طريقة من الطرق وهو وسيلة خبيثة وخسيسة ولا يمكن تبريرها بأي نية حسنة

الاتهام في المسجد كان موجه لكل المعتصمات في القيادة يعني أي زول عندو بت مشت القيادة بيصلو طرف السوط
أي واحدة ظهرت في أي فيديو من القيادة معناها (احتمال) تكون من عاهرات المسجد بحسب لعبة الاحتمالات اللي تم بيها تبرير الفيديو
المبادئ لا تتجزأ
الطعن في الشرف وسيلة لكسر العين والغرض منها في الوقت داك هو كسر عين كل مشاركة في الاعتصام واتهام لكل أم ووالدة عشان تمسك بناتها لأنه بنات الاعتصام بمارسن الفواش في المساجد ووصدقني دة لا يقل عن طعن المعين إن لم يكن أنكى وأشد

أنا مبدأي واحد ووقفت ذات الموقف في القضيتين وبنفس كثافة المداخلات لأنه العوائل والشرف عندي خط أحمر لكن عمر لمن وصله شافو غلط ولمن بقى في ناس تانيين قال احتمال يكون صاح
Post: #64
Title: Re: شجاعة و صدق و ذكاء عمر التاج
Author: Hafiz Bashir
Date: 08-07-2020, 11:44 AM
Parent: #62



Quote: الكل طلع عمر كذاب وعندو غرض ومرض ومش عارف ايه
وتقريبا طلعوا اخو ابليس في الرضاعة


عمر التاج في ذلك البوست نقل خبر نسبه لصحيفة اليوم التالي مع صورة مزورة.
وثبت أن نسبته للخبر لصحيفة اليوم التالي غير صحيحة.
وفعلاً عمر التاج كذب في نسبته للخبر لصحيفة اليوم التالي.
عمر التاج عندما فشل في إثبات اليوم التالي كمصدر للخبر لجأ إلى مصادر أخرى.
أغلب المتداخلين في ذلك البوست يا أسامة إنتقدوا مصادر عمر التاج ونقله للأخبار دون تدقيق وتحقيق.
مثل هذه الكذبة كافية لإفقاده المصداقية في نقل الأخبار.
وفي نفس البوست نقل عمر التاج خبر آخر عن بيع قحت لعربات السيادي برواية مجهولة المصدر.
مما يدل على أن نقله لهذا الخبر الكاذب وراءه غرض خبيث.
Post: #65
Title: Re: شجاعة و صدق و ذكاء عمر التاج
Author: اسامة الامام
Date: 08-07-2020, 11:53 AM
Parent: #64

Quote: عمر التاج عندما فشل في إثبات
اليوم التالي كمصدر للخبر لجأ إلى مصادر أخرى

هلا حافظ
كلامك ما اظن دقيق

لان لب البوست الخبر بمصادره المختلفة
وليس مصدر الخبر الاول تسلسلا

ما داير ادخل في سجال وجدل بيزنطي

لي ما تقول دعم خبرو بمصادر اخرى


على العموم اظن المسج وصلت من ايرادي للمثال اعلاه


ولك كل الود
Post: #66
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 11:58 AM
Parent: #65

يا أسامة انت وقت ما عندك طولة بال للنقاش الجابرك عليه شنو؟
كل مرة بتبدأ الكلام وتقول خلاص ما عاوز اتناقش انا وضحت وجهة نظري
مديني احساس إنك بتكتب في مدونة خاصة بيك
Post: #67
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 12:00 PM
Parent: #66

Quote: وقلت ليك ما كان يوم فض الاعتصام، وما عنده علاقة بفض الاعتصام،
وسألوك من مصدر معلومتك دي 217 مرة ولي هسة ما جاوبت
Post: #68
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 12:04 PM
Parent: #67

Quote: كتب الاغلف دينق
أغلف يعني شنو؟
Post: #69
Title: Re: شجاعة و صدق و ذكاء عمر التاج
Author: محمد البشرى الخضر
Date: 08-07-2020, 12:08 PM
Parent: #67

Quote: حمد البشري انا قلت ليك بوضوح ان الفيديو اتوزع في إطار محدود قبل فض الاعتصام بيومين على الواتساب، واضيف ليك الفيس بوك أيضا
الواحد يقول اي كلام عادي لكن ما ممكن تطلب مننا نصدق بدون ما تجيب دليل خاصة اذا كانت توجد تجارب سابقة تمس مصداقيته! الواتساب خليه اديني رابط لصفحة فيس بوك فيها الفيديو منشور بتاريخ سابق لتاريخ فض الاعتصام!
وخليني برضو اعيد صياغة سؤالي عن عبارة "عشية فض الاعتصام" طالما بقت "قبل فض الاعتصام بيومين" انت بالضبط شفت الفيديو من تلفون الصديق X متين؟ ومعاه الرسالة البتقول اتخاذ اللجنة الامنية لقرار الفض خلال 48 ساعة؟ قبل فض الاعتصام ام مساء نفس اليوم!

Post: #72
Title: Re: شجاعة و صدق و ذكاء عمر التاج
Author: Hafiz Bashir
Date: 08-07-2020, 12:26 PM
Parent: #69



سلام تاني يا أسامة

Quote: لان لب البوست الخبر بمصادره المختلفة
وليس مصدر الخبر الاول تسلسلا


أنا لا أتحدث عن الخبر الذي نقله عمر التاج في ذلك البوست
أنا أتحدث عن المتداخلين ووجهة نظرهم في الخبر ومصادره
لأن موضوع النقاش هو أشارتك أن عمر تم إتهامه بالكذب من غير مبرر سواء تطفيف الميزان.
والإقتباس في مداخلتي يبدأ بكلمة الكل والمقصود بالكل في المقتبس هم المتداخلون من الزملاء
لذلك محور ردي عليك هو مداخلات الزملاء.
الذين دارت مداخلاتهم حول المصدر ومصداقيته وحول الغرض من البوست.
نقاشي معك ليس حول مصداقية عمر التاج او عدمها، النقاش عن المعيار الذي تم به وصف عمر التاج بالكذب.
الفرق دقيق بين الإثنين
Post: #70
Title: Re: شجاعة و صدق و ذكاء عمر التاج
Author: اسامة الامام
Date: 08-07-2020, 12:15 PM
Parent: #67

Quote: يا أسامة انت وقت ما عندك طولة بال
للنقاش الجابرك عليه شنو؟ 

اهلين احمد عمر
لو قاصدني انا

ابدا والله ..ما دخلتا البوست لنقاش

دخلتا بكلمة حق...شفتا اني ملزم اقولها بحق عمر التاج

لاني باعتقد اني متابع جيد لما يكتب




نقاش شنو ياخ
يا ريت لو فاضي
قاتل الله الكورونا
دي اول اجازة اخدها من ست شهور ولمدة يومين فقط
قلنا نفضفض معاكم شوية...هههههه

وباكر راجع للمعمعة وبقطع وشي اجبارا


ولك كل الود
Post: #71
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 12:26 PM
Parent: #70

المشكلة يا أسامة إنه الحاصل هنا اسمه حوار وأصلاً دة منبر حوار
فلما تجي تطلق أحكام جوة البوست شئ طبيعي الناس تسألك عنها
جيت قلت عمر خطه واضح .. سألك حافظ شنو الخط بتاع عمر فجاوبته والله ما بقدر اوريك ليه!!! معقولة بس
يعني انت عارف إنه عندو خط واضح لكن معلومة بتحتفظ بيها لي نفسك والما عارفها ما يسألك!! طيب بتصرح بيها ابتداءً ليه إذا ما كنت عاوز تقولها
تاني جيت أشرت لمجموعة كذبات أطلقها عمر في بوست واحد بنسب الصورة الفوتوشوب لصحيفة اليوم التالي وبخبر الثلاثة دلالات الاتباعن فيهن العربيات وقللت دة كلام صحيح والناس لامتو في الفاضي في حين إنه الناس اللاموهو كانوا واضحين في إنه مصادره مضروبة وخبر الدلالة طق حنك ساي
طيب انت جيت هاجمت كل الناس دي ومتوقهم يقولوا ليك شكراً على وجهة نظرك يلا خلاص واصل شغلك ما نعطلك!
يعني يا أسامة وقتين يوضحوا ليك أصل الموضوع الهاجمتهم فيه تقول ليهم ما داير ادخل في جدل بيزنطي؟!!!! والمسج وصلت وبتاع!
ياخي دة تكبر منك .. ومن حقك تتكبر إذا ما لومت الناس .. يعني أعمل بوست ما تنتقد فيه الناس واتكلم زي ما عاوز والبتداخل معاك قول ليه ما فاضي ليك
لكن لما تجي تردم الناس اتواضع بس لحظة ردهم عليك وبعد داك ارجع اتكبر تاني
Post: #73
Title: Re: شجاعة و صدق و ذكاء عمر التاج
Author: اسامة الامام
Date: 08-07-2020, 12:39 PM
Parent: #71

Quote: ياخي دة تكبر منك ..


تكبر عديييييييل كدا
استغفر الله

بالغت معاي والله يا بوحميد يأخي
Post: #75
Title: Re: شجاعة و صدق و ذكاء عمر التاج
Author: اسامة الامام
Date: 08-07-2020, 12:44 PM
Parent: #73

Quote: أنا لا أتحدث عن الخبر الذي نقله
عمر التاج في ذلك البوست


وانا اتحدث عن الخبر محور البوست تحديدا
وهو خبر شراء السيارات


رجاء راجع البوست المعني وتسلسله


ولك ودي
Post: #74
Title: Re: شجاعة و صدق و ذكاء عمر التاج
Author: Deng
Date: 08-07-2020, 12:42 PM
Parent: #71

Quote: كتب الاغلف دينق..


الكوز المطرود عمر التاج

أنت شفتو؟؟
Post: #77
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 01:20 PM
Parent: #74

يمسكوهو من لباسات النسوان يدخل لباسات الرجال
الله غالب
Post: #76
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 12:44 PM
Parent: #71

لا بأس من الصبر عليهم و كشف ضعفهم الأخلاقي، و قليلا، قليلا سيفقدون
الإحترام لدى القراء
سلام يا عمر
كل بوست يطرح يناقش موضوع البوست ما ممكن التاج مثلا يكتب بوست
تكون الارا مخالفه له و يسب و يغتال... و يجي يفتح بوست اخر و الحقيقة
واضحة الكل يشب فيه... قليل من تصفية النفوس
Post: #78
Title: Re: شجاعة و صدق و ذكاء عمر التاج
Author: Hafiz Bashir
Date: 08-07-2020, 01:22 PM
Parent: #76



Quote: وانا اتحدث عن الخبر محور البوست تحديدا
وهو خبر شراء السيارات
رجاء راجع البوست المعني وتسلسله
ولك ودي

مافي مشكلة نمشي نراجع البوست المعني وتسلسله
لكن قبل كدا نتفق نحن دايرين نراجع شنو فيهو؟
يا اسامة أنا إقتبست الجزء دا من كلامك
Quote: الكل طلع عمر كذاب وعندو غرض ومرض ومش عارف ايه
وتقريبا طلعوا اخو ابليس في الرضاعة

في الإقتباس دا أنت لا تتحدث عن الخبر الذي أتى به عمر التاج. أنت تتحدث عن ردة فعل المتداخلين للخبر الذي اورده عمر التاج.
ما عندي معاك شغلة في دفاعك عن عمر التاج وصحة الخبر الذي نقله.
موضوعي معاك إتهامك للمتداخلين من الزملاء بالتطفيف في الميزان.
إذن لما نمشي نراجع البوست المعني نقطة تركيزنا حتكون مداخلات الزملاء ومحتواها ومبرراتها.
Post: #79
Title: Re: شجاعة و صدق و ذكاء عمر التاج
Author: Ahmed Yassin
Date: 08-07-2020, 03:36 PM
Parent: #78

يا أمّة ..
فرسانك تموت
مغدورة ..
دائماً من قفا
كمية من الاساءات جاتنا في البوست دا ..اولا طلعنا الويل لنا (مطففين) الذين اذا اكتالوا على الناس يستوفون واذا كالوهم او وزنوهم يُخسرون .. مع ان الايات عن البيع والشراء
وطلعونا عديمي اخلاق وماعندنا صبر وعندنا غرض ومرض ومتأبطين شرا او عصي ومحاطين ومنافقين و .. صبية
دا غير ( جبننا ... وكذبنا ... وغبائنا )
بالله في حاجة في الدنيا دي تستاهل الاساءات دي كلها ؟ لو كان بينا (دم) وتار ما كان وصلت للمستوى دا

Post: #80
Title: Re: شجاعة و صدق و ذكاء عمر التاج
Author: Deng
Date: 08-07-2020, 04:30 PM
Parent: #79

Quote: يمسكوهو من لباسات النسوان يدخل لباسات الرجال
الله غالب


هههههههه

دي ياها أخلاق الكيزان ذاتها، ولا يستبعد أن يكون هو ذاتوا بتاع مقاباضات
Post: #81
Title: Re: شجاعة و صدق و ذكاء عمر التاج
Author: اسامة الامام
Date: 08-07-2020, 06:59 PM
Parent: #80

Quote: اولا طلعنا الويل لنا (مطففين)
الذين اذا اكتالوا على الناس يستوفون
واذا كالوهم او وزنوهم يُخسرون ..
مع ان الايات عن البيع والشراء


وين انا قلتا او حتى اشرت بالويل لكم او لهم او او او....!!!!!

اهو كلامي بصرته وخيتو

Quote: دا مثال بسيط علشان نشوف الميزان المطفف في المنبر دا



Quote: فالتَّطفيف ليس خاصًّا بالكيْل والوزْن والذَّرع،
بل هو عامٌّ يدخُل فيه كلُّ بخس، سواء كان بخسًا حسيًّا أو معنويًّا،
وإعطاء المرء أقلَّ من حقِّه تطفيف.




باقي النضمي لو كنت انا المعني به والمقصود
لا يستحق الرد فهو على نفس الشاكلة واقل
Post: #82
Title: Re: شجاعة و صدق و ذكاء عمر التاج
Author: Ahmed Yassin
Date: 08-07-2020, 07:29 PM
Parent: #81

Quote: فالتَّطفيف ليس خاصًّا بالكيْل والوزْن والذَّرع،
بل هو عامٌّ يدخُل فيه كلُّ بخس، سواء كان بخسًا حسيًّا أو معنويًّا،
وإعطاء المرء أقلَّ من حقِّه تطفيف.

ياهو دا ردك ؟
انت بتبرر لنفسك ولا عايز تقنعنا بمعنى ورد في القران الكريم
امشي راجع كل القواميس واتاكد من الكلمة الانت ذكرتها
وشوف اين وردت ( بخسا حسيا او معنويا) وركز في (وهو عام)
اذا كان قلت (ولا تبخسوا الناس أشياءهم) يمكن تكون اخف
عموما يبدو انك شايف ان كلامك كبير اما كلامنا فهو (اقل) من شاكلة كلامك

Post: #83
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 07:58 PM
Parent: #82

سؤال بسيط يا احمد عمر
حاجز الإحترام بينك وبين التاج
مين كان بادي بكسره؟
السؤال أيضا للكل
ما في داعي
انا دخلت في الدواير دي
و حقيقة تعبت و دا درب
ما ليه اول و لا اخر
د نعمات اول من نبه لذلك
فأنا شاكر لها
Post: #84
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 08:11 PM
Parent: #83

انت كدة جعلت الموضوع شخصي وهو حقائق محتاجة اثبات
ما عندها علاقة بالاحترام
Post: #85
Title: Re: شجاعة و صدق و ذكاء عمر التاج
Author: HAIDER ALZAIN
Date: 08-07-2020, 08:42 PM

سلامات اخونا عمر نملة والمتحاورين الكرام...

صراحة في حاجة عاوز اعرف ضابطها الإصطلاحي .. وهي مسألة إغتيال الشخصية
شايف عمر واسامة الإمام وجزئياً في مداخلات ود القوز الإشارة لإغتيال الشخصية

ممكن أفهم المقصود بيها شنو ؟
Post: #86
Title: Re: شجاعة و صدق و ذكاء عمر التاج
Author: أحمد محمد عمر
Date: 08-07-2020, 08:57 PM
Parent: #85

Quote: لا يستحق الرد فهو على نفس الشاكلة واقل
يا النبي نوح
دي فاتت مرحلة التكبر لي غادي .. بقيت سابح فوووق ما شايف زول تاني
برضو بسألك تاني وقت مستوسخ الناس دي كلها وما شايف فيهم زول مستواك ممكن تاخد وترد معاهو الجابرك على نقدهم شنو؟

بعدين بصراحة وعشان الواحد ما يغلط ياريت بس تديني نبذة عن نفسك
يعني كل البعرفو - من خلال مداخلاتك - إنك طبيب زي عشرات الأطباء الموجودين في المنبر فهل عندك حاجة مميزة كدة بتخليك ما بتقدر تتعامل مع الناس العاديين؟
يعني عالم مشهور مثلاً ! صاحب شركات عالمية متعددة الجنسيات بتنافس هواوي وسامسونغ!
أقصد أديني سبب التعالي دة عشان تاني لو دخلت بوست نفضيهو ليك من الناس كنوع من الاحترام وكدة .. والبكتب بعدك نطالب بفصله عن المنبر
Post: #87
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 09:38 PM
Parent: #86

انتظر يا حيدر اصل الباب مع احمد عمر
سؤالي واضح... فعلا الموضوع
شخصي... عمر التاج بادلك عدم
الإحترام... من خلال متابعتي
عمر لم يبدأ كسر حاجز الإحترام
لو ما عايز تجاوب لك الحق
Post: #88
Title: Re: شجاعة و صدق و ذكاء عمر التاج
Author: نعمات عماد
Date: 08-07-2020, 10:09 PM
Parent: #87

سلام أ عمر نملة و ضيوفك الكرام.
طريقة عمر التاج في الكتابة مثيرة للجدل ف طبيعي ان تتعدد اراء
الناس حوله. هنا عبّر الأستاذ عمر نملة عن رأيه في إصرار عمر التاج
على تكرار نفس النهج في الكتابة مع علمه بردود الأفعال.
يعني أ. عمر نملة يتحمل مسؤولية رأيه الخاص و لكنه غير مسؤول
عن أي إخفاق لعمر التاج أو عدم إلتزام عمر التاج بالإجابة على
أسئلة زملائه أو غلط بعض المتداخلين على بعضهم، عشان كدا لو
سمحتو أعطوا أ. عمر نملة بريك. 😂
ملحوظة :
بصراحة ما قريت كل المداخلات لأسباب تتعلق بالجهاز البكتب منه.
Post: #89
Title: Re: شجاعة و صدق و ذكاء عمر التاج
Author: كمال عباس
Date: 08-07-2020, 10:16 PM
Parent: #87

تحياتي اخ عمر نملة وهل تحول الموضوع. لاحمدعمر واصبح هو المتهم بالاستهداف واغتيال الشخصية ؟ وهل كل من ينتقد ويختلف مع عمر التاج يمارس الشواء البشري واغتيال الشخصية ؟* القضية ليست نقد والاختلاف مع الحكومة او قحت فهذا حق مشروع - وأمر طبيعي وانما في الادعاءات. والأكاذيب. والكلام المرسل. بلا ادلة !كثيرا ممن يتصدون لعمر التاج يختلفون مع الحكومة في كثيرا من المواقف وهذا مايمازسه عمر التاج * راجع بوستات عمر التاج في الثلاث اشهر الاخيرةً فقط -ما يمارسه عمر التاج يفتقر للشجاعة الأدبية - والاعتراف بالخطا ونقد الذات والتحقق والتوثق ولا اري فيما يكتب ذكاء او عبقرية تميزه عن غيره !* كثيرا ما يفترع عمر التاج البوست بأطروحة اًو افتراض ما -باندفاع وحماسة ومن أسانيد او معلومات كافية ثم يعود بعد يغوص في رمال النقاش ليبحث عن ادلة ومعلومة تدعم أطروحته !راجع بوسته عن ولاية المراة - هذا علاوة علي انه متزمت ومتشنج فكريا يصادر حقوق المواطن والإنسان -رئاسة المراة - وقبلي متعالي وعكاظي ! نحن الجعليين مآب نقبل رئاسة مرآة ! ونحن !
Post: #90
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 10:52 PM
Parent: #89

تسلمي د نعمات
اكثر قضية مثيرة للجدل هي التشكيك في وجود
الخالق.... نفترض شخص ما شكك في ذلك... هل
يحق لأي شخص ان يتعدى حاجز الإحترام... او ان
يلزمه بأن لا يشكك
عمر التاج شخص محترم لم يبادر باهانة اي شخص
الا اذا بادر الشخص بذلك و ذلك من حقه
الناس عايزه تصل لشنو اذا محت عمر من المنبر
و سحبت منه كلمة السر...
ما علينا منتظر اي شخص يقول عمر التاج بادره
بعدم الإحترام وجنح الي شخصنة الحوار...
ما علينا عمر ذكي
Post: #91
Title: Re: شجاعة و صدق و ذكاء عمر التاج
Author: عمر نملة
Date: 08-07-2020, 11:36 PM
Parent: #90

الله يحيك استاذ كمال
احمد عمر جز من المنظومه ومتصدر ذلك....
بالطبع لا اي شخص له الحق بانتقاد عمر و لا غيره فيما طرح... لكن حكاية بيتكلم عن موضوع و تجي تقول ليه انت كوز ما منطقي الكلام دا.
عمر صادق
Post: #92
Title: Re: شجاعة و صدق و ذكاء عمر التاج
Author: اسامة الامام
Date: 08-08-2020, 00:06 AM
Parent: #90

Quote: دي فاتت مرحلة التكبر لي غادي ..
بقيت سابح فوووق ما شايف زول تاني


بتحاول يا احمد عمر تشخصن الموضوع
بصورة عجيبة تحسد عليها

اقول ليك من الآخر كدا

بتحاول تجرني لمعركة من غير معترك

وما حا اتجر ليك

لاني ببساطة ما عندي مصلحة


ثم ثانيا وين انا طرحتا نفسي كطبيب في البوست دا
وشنو حفل التعارف الجيت ناطي بيهو في نص الداره دا


عجبي
Post: #93
Title: Re: شجاعة و صدق و ذكاء عمر التاج
Author: Hafiz Bashir
Date: 08-08-2020, 00:56 AM
Parent: #92



Quote: بتحاول يا احمد عمر تشخصن الموضوع

سلام يا أسامة
ما شايف أي شخصنة للموضوع من جانب أحمد عمر
بل أنت الذي تطرقت لجوانبك الشخصية ومشغولياتك وعملك حين قلت أنك مشغول بسبب الكورونا.
وهو قد ذكر أنه إستنتج أنك طبيب من خلال مداخلاتك،
غير ذلك لا أرى أي شخصنة للموضوع من جانب أحمد عمر، فهو ينتقد مداخلاتك وما تكتبه فيها بحسب وجهة نظره دون إعتداء على شخصك الكريم.

كسرة
يا أبو حميد الدكتور دا بيجي منو
فقط محتاج ترسية وتفهيم لأسس ومبادئ وأساسيات منطق الحوار في المنابر العامة
غير كدا ما عندو عوجة😂
Post: #95
Title: Re: شجاعة و صدق و ذكاء عمر التاج
Author: HAIDER ALZAIN
Date: 08-08-2020, 01:09 AM
Parent: #93



ما مشكلة ياعمر نملة
أفضى وتعال اشرح لي المعني باغتيال الشخصية شنو؟

رغم اني حا انتظرك كتير لانه مهمة توصيل احمد عمر الباب مهمة عاوزة توم كروز..
Post: #94
Title: Re: شجاعة و صدق و ذكاء عمر التاج
Author: اسامة الامام
Date: 08-08-2020, 01:01 AM
Parent: #92

Quote: شايف عمر واسامة الإمام
وجزئياً في مداخلات ود القوز
الإشارة لإغتيال الشخصية


اهلين اخي حيدر الزين
علك عافية


بالله في تهمة او سهمة
في اليومين ديل اكتر من تطلع الواحد كوز

الراجل قال انا ما كوز
ومن متابعتي له لا اظنه كذلك

واهو الكيزان ماليين الدنيا
ولا داسنها..اقرب مثال اخونا د.بشير
بفتخر بيها كمان ..ودا حقو بالمناسبة




فشنو البخلي الناس تتهم واحد بحاجة
هو ما قاله عن نفسو ولا في زول بعرفو شهد بذلك
ولا مسك لي منصب ولا حتى جمعية ادبية
طيلة الثلاثين سنة الماضية كما قال


مع اصرار البعض على انه كوز متخفي ومتلبد وما تعرف ايه


هو اغتيال الشخصية دا كيفنو بالله !!!!


ولك كل الود والتقدير
Post: #96
Title: Re: شجاعة و صدق و ذكاء عمر التاج
Author: اسامة الامام
Date: 08-08-2020, 01:20 AM
Parent: #94

Quote: سلام يا أسامة
ما شايف أي شخصنة للموضوع
من جانب أحمد عمر


اهلين حافظ

دا من باب شنو يعني ان شاء الله

انت ما شايف اي شخصنة في الموضوع...صاح !!!!


يعني لو قلت انا مشغول ...في سياق ردي العادي


دا بدي الحق لكل الردحي الفوق دا !!!!!

ولو مثلا انا كان دخلتا البوست وكنت ماشي معاكم في نفس الخط

هل في واحد من نفس القروب دا كان اتهمني بالتعالي والتكبر !!!

ما ظنيت

غايتو
البدورو تقلبوا لي القلبة والما بدورو تحرشوا علي الكلبة



في انتظار الحصة الاولى يا استاذ ..هههههههه

مع ودي
Post: #97
Title: Rl: شجاعة و صدق و ذكاء عمر التاج
Author: عمر نملة
Date: 08-08-2020, 05:52 AM
Parent: #96

حيدر صباح الخير
فاكر في واحد اسمو ابو احمد من البحرين.. هبش علا الدين يوسف
.. قوم يا علاء الدين اتصل بيه و اتقمص شخصية تانية و عزف ليه
على انو علا الدين ما بشرف المؤتمر الوطني... قوم يا بو أحمد انداح
و اعترف انك غواصة.... مهم علا الدين نزل التسجيل في المنبر.. والاثنين
أعضاء في المنبر.... اها دا اسمو قبقبة الشخصية... اعذرني ما بقدر اشرح ا
كتر من كدا لكن اسأل بدرالدين الأمير لانو شاهد على الواقعة دي
ما علينا
Post: #99
Title: Re: Rl: شجاعة و صدق و ذكاء عمر التاج
Author: أحمد محمد عمر
Date: 08-08-2020, 06:38 AM
Parent: #97

يا عمر نملة أنا ما فاهم موضوع الاحترام القايم فيه دة أنا بتعامل مع الكتابات ما الأشخاص وصدقني مسألة تحترمني واحترمك دي آخر اهتماماتي يعني لو عدم احترامك لي لا يؤثر على مجريات البوست ما بشتغل بيه
وهاك المقتبس دة من يناير
Quote: مصطلحات المدعو وما حتفهم دي ما بتمشي فيني يعني أخد راحتك عادي واشتم وقلل من شأني ما شاء لك الله واديك البشارة دي كمان .. أنا من النوع الما برد الإساءة والتحقير يعني تقدر تتفسح فيني زي ما عاوز وبعد ما تشعر بنفسك الفارس المدجج الختيتني في الفتيل تعال راجع لموضوع العنصرية والاسلوب الكنزي
في البوست دة
وبعديها واصلت الحوار مع عمر عادي في نفس البوست وما تلته من بوستات

__________
يا أسامة الإمام أول مرة في البورد أشوف زول بتعدى على الفنان الخلوق أحمد يس ساي كدة عشان كدة مستغرب
/010_Smile.gif[/IMG]
Post: #100
Title: Re: Rl: شجاعة و صدق و ذكاء عمر التاج
Author: Deng
Date: 08-08-2020, 06:44 AM
Parent: #97

زول بينقل في مقالات اسحق فضل الله وستند اليها في نقاشه وهو عارفها كلها اكاذيب في أكاذيب، أها زول زي ده بيسموهو شنوا؟؟

والامر لم يتوقف على اكاذيب اسحق فضل الله فقط، بل تحول الى أن يقوم الكوز عمر التاج بنقل كل اكاذيب الكيزان التي تشكك في الثورة وفي الثوار.

فأين هي الشجاعة والذكاء في ذلك؟
Post: #98
Title: Re: شجاعة و صدق و ذكاء عمر التاج
Author: دفع الله ود الأصيل
Date: 08-08-2020, 06:35 AM
Parent: #96

Quote:
قليل من تصفية النفوسŠ

♡》على قولت أستاذتي الدكتورة/ نعمات: أدوا نملة و روحكم "بريك".
بالجد عاجبني الاسم الحركي دا. ياخ كفاية النملة دي بكلمتين تلاتة(ضايرت)
مملكتا من سيدنا سليمان و جنوده، ثم (طيبتْ خاطرو ) بمنتهى لطافة و كدي.

♧ أما هذه ف《 تُنقَعُ بماءِ الذَّهَبِ الخالِصِ 》
♡》وصايا راقيةٌ تسمو بأخلاقنا في الحوار...🌹❣
♡》أحد طلاب اﻹمام الشافعي، يُدعى يونسَ بن عبد
الأعلىاختلف مع أستاذه اﻹمام الشافعي على مسألة ،
فقام يونس و ترك الدرس ..و ذهب مغاضبًا إلى داره ...

●》فلما أقبل الليل... سمع يونس صوتَ طارقٍ على بابه
فقال يونس : من بالباب؟ . قال له الطارق : محمد بن إدريس
فقال يونس ما مفاده : أنه قلب ذهنه في كل من كانوا بالمدينة
من المحمدين أبناء الأدارسة إلّا شيخي الشافعي .. قال : فلما
فتحت الباب ، فإذا بي أمام إمامي الشافعي..يخاطبني بلينٍ:
_ يا يونس، تجمعنا مئات المسائل ، أوَ تفرقنا مسألةٌ واحدةٌ..!!! .
_》 يا يونس، لا تحاول الانتصار في كل الخلافات ..!! فأحياناً
ما يكون كسب القلوب أولى و أجدى من نشوة "كسب المواقف"...
_》يا يونس، لا تهدم جسوراً بنيتها ثم عبرت منها..فربما تحتاجها
للعودة منها ذاتَ يومٍ ما. اكره الخطأ دائمًا...!! و لكن لا شأن لك
بالمُخطئ المسيء و أبغض من كل قلبك المعصية..و لكن كن
مسامحاً كريماً ذا رأفةٍ بمقترف المعاصي..

_》 يا يونس، انتقد ففند من القول ما شئتَ..و لكن لا تُرِق ماء
وجه قائله فإن دورنا هو أن نقضي على عين المرض.. لكن، لا نشهر
سلاح دمارنا لاغتبا شخص المريض لله دركم .. فأيُّ سمو أخلاقٍ هذ!؟💞
♧ كسرة : و قد قيل كذلك : لمَّا حكيمٌ : لم لا نتخلص من المنافقين مرة
و إلى الأبظ قال: ، لو تخلصنا منهم ؛ إذن لاستوحشت بنا منهم الطرقات.
♤ مسمار جحا من فوق أسوار المدينة :
هناك ضابطو إيقاعٍ ( بتاعين بنقز ) عديييل
في مثل هذه المجابدات . حضر منهم اثنان :
1 } د. نعمات 2 } ود القوز ؛ و نمرة 3 } طلحة
عبد الله "يا غايب عن عيني مع إنك في قلبي"
Post: #101
Title: Re: شجاعة و صدق و ذكاء عمر التاج
Author: أحمد محمد عمر
Date: 08-08-2020, 07:57 AM
Parent: #98

Quote: فاكر في واحد اسمو ابو احمد من البحرين.. هبش علا الدين يوسف
.. قوم يا علاء الدين اتصل بيه و اتقمص شخصية تانية و عزف ليه
على انو علا الدين ما بشرف المؤتمر الوطني... قوم يا بو أحمد انداح
و اعترف انك غواصة.... مهم علا الدين نزل التسجيل في المنبر.. والاثنين
أعضاء في المنبر.... اها دا اسمو قبقبة الشخصية... اعذرني ما بقدر اشرح اكتر من كدا
حرم دي تخليها علي :) شراااااااح أنا
المؤتمر (الوطني) و dirty game..!!.مقال يستحق القرأة ..بقلم خالد أبو أحمد..المؤتمر (الوطني) و dirty game..!!.مقال يستحق القرأة ..بقلم خالد أبو أحمد..
Post: #102
Title: Re: شجاعة و صدق و ذكاء عمر التاج
Author: HAIDER ALZAIN
Date: 08-08-2020, 08:12 AM
Parent: #101

هههههههههههه

والله ياعمر نملة إنت عاوز تتونس بس :)


شن جاب لي جاب يا قول اللخو ...

زمان يجي قبل عشرين سنة كنت شغال في شركة ووكيلة لسيارات فورد ..
عينوا ولد سعودي طاشرات كدة في الصالة مندوب مبيعات..
فجاء زبون يستعرض سيارة فورد كبيرة ويسمع مواصفاتها البقولها المندوب..
قام الزبون سأله : ايه الأفضل الحين الاكسبيشن والجي ام سي سوبر؟
زولنا طوالي نطَ
أيش جاب لي جاب ... ترا الجيمس أسد أسد ..

ماعارف لكن القصة دي ذكرني ليها الهمر بتاع أبو احمد .. :)

أيش وجه المقارنة يا عمر ؟
Post: #103
Title: Re: شجاعة و صدق و ذكاء عمر التاج
Author: أحمد محمد عمر
Date: 08-08-2020, 08:18 AM
Parent: #102

Quote: Tayeb Abdalla
ي جماعة الحق ولا الجمبو؟ أي واحد سواء أحمد محد عمر ولا ودالبشرى ولا حافظ بشير الكفة بترجح ليهو في أي نقاش ب نسبة 99.999%. خلي التلاتة يكوونو في نفس الكفة!!!!!؟؟؟؟؟؟
يا الطيب طلع الـ 0.001% الدسيتها في الجيب الخلفي دي
لازمانا والله



.
Post: #104
Title: Re: شجاعة و صدق و ذكاء عمر التاج
Author: HAIDER ALZAIN
Date: 08-08-2020, 08:24 AM
Parent: #103

Quote:
يا الطيب طلع الـ 0.0001% الدسيتها في الجيب الخلفي دي
لازمانا والله

دة شغل اونطة وكوزنة منك ..كدة حا تطلع 100.0001
Post: #105
Title: Re: شجاعة و صدق و ذكاء عمر التاج
Author: Ahmed Yassin
Date: 08-08-2020, 08:25 AM
Parent: #102

Quote: زول بينقل في مقالات اسحق فضل الله ويستند اليها في نقاشه وهو عارفها كلها اكاذيب في أكاذيب،
أها زول زي ده بيسموهو شنوا؟؟

ذكي وصادق وشجاع
Post: #106
Title: Re: شجاعة و صدق و ذكاء عمر التاج
Author: أحمد محمد عمر
Date: 08-08-2020, 08:34 AM
Parent: #105

والله قبل كلامك عدلتها يا حيدر الزين قبل يمسكها عاطف عمر تقوم تطلع لي انت!
Post: #107
Title: Re: شجاعة و صدق و ذكاء عمر التاج
Author: HAIDER ALZAIN
Date: 08-08-2020, 08:39 AM
Parent: #106

هههههههه

أنا قنطرت نفسي بالغلط بدلك... لكن شجاعة ساي وصدق ذات ما بعدلها :)

معتمد على صداقة عاطف عمر وثقة المستنير ..ودا في حد ذاته ذكاء مني
Post: #108
Title: Re: شجاعة و صدق و ذكاء عمر التاج
Author: Ahmed Yassin
Date: 08-08-2020, 08:55 AM
Parent: #107

Quote: أول مرة في البورد أشوف زول بتعدى
كتر خيرك يا ابوحميد
رغم مشغولياتك ومجاهداتك المقدرة في هذا البوست .. برضو بتعاين لينا بعين الاعتبار
شكرا على الجاهزية والاسناد وانت تقود فيلق التغيير المقتحم القصر الكيزاني من الناحية الشمالية للنيل

Post: #109
Title: Re: شجاعة و صدق و ذكاء عمر التاج
Author: اسامة الامام
Date: 08-08-2020, 11:45 AM
Parent: #98

Quote: يا أسامة الإمام أول مرة
في البورد أشوف زول بتعدى
على الفنان الخلوق أحمد يس
ساي كدة عشان كدة مستغرب
/010_Smile.gif[/IMG


والله يا ابوحميد قصتك قصة
حيرتني وحيرت دليلي معاك

معقولة يأخي

مالكم كيف تحكمون

زول في صمة خشمي
لا سلام لا احم لا دستور

توشك
جا داخل كوت لي كمية من الاتهامات
وطلع كلماتي غاااااااادي من الميس
وقولني كلام ما جرى على لساني
ولا خطر على بالي

رديت على المنطقي منو
بالحجة وبكل تهذيب

واستغربتا جدا

رجعتا قريت كل البوست وبدقة

قلت امكن الزول دا انا هبشتو
من غير ما اقصد

لقيت عندو مداخلتين
واحدة قال فيها دا الباركنسونيزم
والتانية قال دي صفات سيدنا عمر رضي الله عنه

يعني لا اتقاطعنا من قريب ولا بعيد

ولعدم الانزلاق في هتر مع شخص
عمري ما اتداخلتا معاهو ولم اتشرف بمعرفته

قلت انو باقي النضمي لايستحق الرد

وخلاص



وين انا هنا اتعديت عليهو ولا على غيرو


متى تنصف ايها الزمان

وعجبي
Post: #110
Title: Re: شجاعة و صدق و ذكاء عمر التاج
Author: طلحة عبدالله
Date: 08-08-2020, 12:02 PM
Parent: #109

سلام الأخ أسامة الامام
أنت مستنكر الاتهام بالكوزنة دا لأنو طال
عمر التاج واللا لأنو دا مبدأ عندك ؟.
........................
من حقك ما تجاوب
Post: #111
Title: Re: شجاعة و صدق و ذكاء عمر التاج
Author: اسامة الامام
Date: 08-08-2020, 12:14 PM
Parent: #110

Quote: من حقك ما تجاوب


اهلين اخي طلحة

ما فهتا قصدك شنو

لكن للضمان كدا
ما داير ارد.....ههههههه
Post: #113
Title: Re: شجاعة و صدق و ذكاء عمر التاج
Author: طلحة عبدالله
Date: 08-08-2020, 12:22 PM
Parent: #111

يا أسامة
ما فهمتي قصدي في الاقتبستو واللا السؤال ؟
لو كان على السؤال فقصدي هو انو انا شايفك
مستنكر كونو يتهموا عمر التاج بأنو كوز وقلت
الكلام دا تصريحا وتلميحا في أكتر من مداخلة هنا
أها
أنت استنكارك للاتهام دا لأنو المتهم بيهو هو عمر
التاج ( يعنى لو كان غير عمر التاج عادي يتهموه ؟)
واللا لأنو عندك مبدأ ضد الاتهامات بدون أدلة
خصوصا المتعلقة بالكوزنة ؟
..........
دي آخر قدرة لي في شرح السؤال ؟
Post: #112
Title: Re: شجاعة و صدق و ذكاء عمر التاج
Author: أحمد محمد عمر
Date: 08-08-2020, 12:18 PM
Parent: #110

Quote: Tayeb Abdalla
ي أحمد محمد عمر الواحد من ألف دا عشان نكف بيهو العين ساي ... ي زول تمها والرهيفة التنقد.

آآي ياخ حقنا كامل ما بنجامل :)
ولا عزاء للمستنير
Post: #114
Title: Re: شجاعة و صدق و ذكاء عمر التاج
Author: اسامة الامام
Date: 08-08-2020, 01:31 PM
Parent: #112

Quote: أنت استنكارك للاتهام دا لأنو المتهم بيهو هو عمر
التاج ( يعنى لو كان غير عمر التاج عادي يتهموه ؟)


هلا طلحة ياخي


الموضوع جدلي
ما كنت حابب اخش فيهو
لكن علشان ما تقول طنشتك

عمر التاج ناكر الاتهام دا جملة وتفصيلا
ومافي اي دليل عليهو ...مع محاولة البعض المستميتة
استخراج كوزنته المفترضة هذه مما يكتب بالمنبر
ومحاولة اقتباسها اقتباسا
واتهامه بانو كوز مندس وما عارف شنو
وهي محاولات بائسة جدا تدعو للرثاء

في الجانب الاخر (غير التاج ) تجد من يشاهر بانتمائة
للكيزان ويفتخر بذلك ولا داسيها



وعلى المستوى العام
بهناك
الشعب السوداني البطل هلك منه اللحم ونشف الجلد وضمر العظم

ونحن لسه في محطة دا كوز ودا جردل ودا كوره


هو بالله زول زمن الكيزان في السلطة ما انتمى ليهم علانية ولا بالدس

البخلي بعد مشو وفاتو يتمسح فيهم شنو



لك ودي
Post: #115
Title: Re: شجاعة و صدق و ذكاء عمر التاج
Author: اسامة الامام
Date: 08-08-2020, 01:39 PM
Parent: #114

Quote: Abubakr Ahmed Abbas

يا أسامة، قول ليهو مبدأ.
ح يجيك راجع يقول فلان اتهمني بأنني كويز، ليش ما دافعت عني؟
قول ليهو لكن كويز ما تامة كوز!

أعجبني · 



اهلين يا بكور
ان شاء الله بخير
والله مكانك فوق شاغر ياخ


اتذكرت مكاواتك للبعض في سودانيات
Post: #116
Title: Re: شجاعة و صدق و ذكاء عمر التاج
Author: طلحة عبدالله
Date: 08-08-2020, 02:23 PM
Parent: #115

يا أسامة غايتو رب رب رب أكلتني حنك ساي
ما عرفت اجابتك تحديدا على السؤال المحدد
مبدأ واللا عشان عمر التاج ؟
لكن خلاص ما عايز أزنق عليك .. خليني كدا
أشوف الحبيب دا ..
يا مستجير
Quote:
ح يجيك راجع يقول فلان اتهمني بأنني كويز، ليش ما دافعت عني؟
قول ليهو لكن كويز ما تامة كوز!


هو اتا على كيفك ؟؟
أها ايه رأيك لو قال لي مبدأ ما كنت ح أجيهو راجع والله
العظيم .. ح أدور تحت مداخلتو وش أخدر و أخليهو
كدا للناس الأنت عارفهم براك خخخخخخخ
لكن هسة دي اجابة دي تشففا ليهو دي ياخ ؟
هسة القاعدين يتبلهوا عليهم في البورد دا بى
كوز وغير كوز شوية ؟؟ هي جات علي أنا
بس يعنى ؟ أنت ما أدوكم في حصة البلاغة
أطلق الجزء وأراد الكل واللا شنو ؟؟
..............
عليك دينك خليك حردان كدا على طول
Post: #117
Title: Re: شجاعة و صدق و ذكاء عمر التاج
Author: نعمات عماد
Date: 08-08-2020, 02:40 PM
Parent: #116

Quote: أستاذتي

معقوووووول؟
يا أستاذ ود الأصيل يا صاحب الدرر و اللآلي، قربت اطلع من فتحة السقف
و ألوح، بس العربية ما عندها فتحة سقف و لا هي برادو😂
ارجو ان تعمل حسابك من أحمد محمد عمر، البوست دا عندو فيهو غرض،
أي تدخلات بجيك محل ما انت قاعد يخلص معاك الحساب 😂
اما عمر التاج فشكلو مبسوط سارح و مارح في شباك الفيس و سعى ليو عصابة
و ناوي ينتشر كمان.
شكراً لمداخلتك الرائعة عن أدب الإختلاف.
Post: #118
Title: Re: شجاعة و صدق و ذكاء عمر التاج
Author: محمد البشرى الخضر
Date: 08-08-2020, 03:01 PM
Parent: #117

أخونا الطيب صدّق أنا في البوست دا ما عارف زاتو الجماعة القلتهم ديل - فرصة اتعالى عليهم شوية - عايزين يقولوا شنو عشان اتفق معاهم!
انا بس لقيت ود التاج مهتم يقرا هنا ويرد أكثر من بوستاته التانية فا لقيتها فرصة اسألوا عن ادعاؤه في توقيت تصوير و نشر الفيديو لأنه بعني الكثير
أمّا اتهامات كوزنته أو وهمة التكالب عليه الشايفه زي صدقها فما شايلها معاي

ودا بذكرني موضوع البوست البسببو تم تحديد مداخلتك يا ود التاج, وهو الفيديو الجبتو و قدّمت ليه بفاصل مسرحي من التحسّر على ممارسات وصفتها بالقذرة تمت في بيت الله!! ولم يتم تحديد مداخلتك بأي سبب آخر لا معارضتك الساذجة - السذاجة وصف لطريقة المعارضة و الادوات البتستخدمها لا المعارضة نفسها عشان ما تتحسس!
انت وصفت الممارسات بالقذارة و اشرت للفيديو, الفيديو فيه جنود يستعرضوا ملابس و ادوات تجميل نسائية موجودة في المسجد و متناثرة بشكل واضح لكل من ليس له غرض انها مفتعلة, يعني لو افترضنا انو البنات ساكنات في المسجد فالبخليهم ينثروا حاجاتهم بالطريقة دي شنو؟ الطبيعي تكون في الشنط و الشنط في ركن مستور من ناحية أمان ساي زي ما يعملوا ناس في سبيل الله لو شفتهم في المساجد
و تقول الفيديو مصور ومنشور قبل فض الاعتصام. طيب هل تعلم ان المسجد كان مفتوح طيلة ايام الاعتصام للصلاة وتقام فيه صلاة الجماعة! يعني هل تفتكر الممارسات القذرة الالمحت ليها دي كانت تتم و المسجد مفتوح للصلاة وللراحة ولحلقات تلاوة القرآن و كان المعتصمين يستخدمون مرافقه طيلة الفترة حتى يوم فض الاعتصام!!
أخيرا الجنود ديل دخلوا المسجد وصوروا الفيديو حسب كلامك قبل فض الاعتصام طيب وين كان المعتصمين اثناء دخول العساكر للمسجد بأحذيتهم وعصيهم و صعودهم للطابق المخصص للنساء؟ بل وين النساء اصحاب الملابس دي اساسا, هل تفتكر ايام الاعتصام وقبل جريمة الفض أمر زي دا - دخول عساكر - كان ممكن يعدي كدا بلا ذكر او تصوير او نشر!
المهم, طالما مقتنع بما تدعي أنك رايته في هاتف صديقك المزعوم لن يستطيع ارسطو همسيلف اقناعك بأي منطق في الدنيا لذا خلينا من محاولة محاجتك بالمنطق, يبقى اثبات ادعاء قلت - وتصر- انه الفيديو مبذول في الفيس بوك قبل فض الاعتصام, عدم اثبات ادعاءك لا مسمى آخر له سوى الكذب, والكذب دا هو ما أدى لتحديد مداخلاتك لا اتهامك بالكوزنة لا تكالب لا اي بطولة من ورق!

Post: #119
Title: Re: شجاعة و صدق و ذكاء عمر التاج
Author: دفع الله ود الأصيل
Date: 08-08-2020, 03:21 PM
Parent: #117


معقوووووول و أكتر يا دكتورة، هو نحن نطول.
▪ كنت بهناك مع شيخي شيخ الترابلة و زفر لي هواءًف
ساخناً لمناتشة بين شاعرنا محي الدين فارس و نزار قباني .
كان سببا إشادةً من نزار بشاغرنا " لا.. لن نحيد..." مع إبداء
استغرابه لحواء بلادي أن تُنجِب طفلاً معجزه مثله. فانتفض
فارسنا و صنف الإشادة كمنقصةٍ في حق بني جلدته.

● طبعن مأساتنا مع محيطنا العربي صورة كربونية مما نعانيه عبر
هذا الفضاء الأسفيري الخَرِف. حيث ( لا يُكرم نبيٌّ قطُّ في قومه) .

●و هي مناسبة لأخصك بموضوع ونسة دقاقة طاعمة مع ولدي ، لا تخلو
من أنين. قلت له تصور حتى ناس سودانيز أونلابن ديل المفتحين ديل بقولو
على مواضيعي ( Over~Qualified). و دا بالمناسبة ذم بما يشبه أو مبطن
بالمدح. يعني زي المطرب داك الكان شايل الليل حيح غُنا. قام الجمهور مرق
فضو ليه صالة سبارك سيتي اتلفت لقاها قاعاً صفصفاً . ما فضل إلا فرد واحد
فضل عمك يغني ليه لامن حسو انقرش. فقريب الصباح نزل ليه يشكرو على
أنو زول ذواقة بقدر قيمة الفن الرصين. لقاه دا غفير الصالة و أطرش زاتو !!

♧ علمتنا صروف القدر و نوائب الدهر . و لعَمرُك ، ما أجوجني قبل كل
الناس لمثل تلكم الوصايا العشر ، في خضم هذا الفضاء الأسفيري فاقد اللياقة.
●》حيث إذا رغبك من في الأرض أراقوا على شفتيك : أَنْهَاراً مِّن مَّاءٍ غَيْرِ آسِنٍ،
وَ أَنْهَاراً مِّن لَّبَنٍ لَّمْ يَتَغَيَّرْ طَعْمُهُ، وَ أَنْهَاراً مِّنْ خَمْرٍ لَّذَّةٍ لِّلشَّارِبِينَ، وَ أَنْهَاراً مِّنْ عَسَلٍ
مُّصَفًّى وَ طرحوا على مائدتك قطوفاً دانيةً أطايبَ من كُلِّ الثَّمَرَاتِ و يقولو كدي
عاد يجيبو ليك قولت خير و موية رمضان ؛ و هاك يا فتح الخشم..و صم
الخشم برا شغلة . و يخمجو ليك البحر طحينة.

●》أما إذا رهبك أحدٌ من الناس و نبذوك، فغايتو تكرب حِزاَّمتك
و تشيل شيلتك ساي . يلا ،ح يقلبو ليك ضهر المجن و يقلبو ليك القلبة
و يحرشو عيك الكلبة .. و يسوو ليك شغل كطع الرحط و خم الرماد ..و
يكطعو ليك الخميرة من بيت النمل و يستنطِقوك قولت الروب ..و يسقوك
الحمت رمت و يبلعوك لسانك مع حبوب وجع الراس و منع الحمل و نظام
طمام البطن.. و فقع المرارة .. وو كان لاقوك في فرقة يلحسوك المرقة و
يسوطو ليك الشمار في مرقة..و يشيلوك وش القباحة.. و يسمعوك ضوضاء
الصمت الصاخب و ما بعيد كمان زاتو يعملو فيك السبعة و زمتا..و سوات
نجار في العود .و بعد داك يقولو ليك : بالله دي ريحتك ، و لا عملت
بوريكان (فاسو). تحين ياخوي ، السترة و الفضيحة متباريات.

☆ود الح ي ش ا ن ال ت ل ا ت ة
مؤذنٌ محجورٌ منزلياً بجزيرة مالطا-
Post: #120
Title: Re: شجاعة و صدق و ذكاء عمر التاج
Author: حمد عبد الغفار عمر
Date: 08-08-2020, 05:24 PM
Parent: #119

السلام عليكم وكل عام وانتو بخير
زمن
رغم اني ما تابعت كتابات عمر التاج الاخيرة لكن قبل يومين تلاتة هابشت بوست المسجد
طبعا مما لا شك فيه انو الفيديو اتصور غداة فض الاعتصام
بخصوص موقف عمر من الثورة اعتقد المنطلق جهوي . انا بعرف ناس كتيرين كانوا بدافعوا عن الانقاذ وواقفين ضد الثورة من منطلق جهوي. عشان اقرب المسألة ناس شندي مثلا ما طلعوا مظاهرة واحدة ضد الانقاذ بدعوى انو اولاد الانقاذ ناس البشير وابنعوف وعبدالمعروف جلدنا ما بنجر فيهو الشوك.
احسن ليك كوز من جهوي دي يا عمر هههههههههه
Post: #121
Title: Re: شجاعة و صدق و ذكاء عمر التاج
Author: اخلاص عبدالرحمن المشرف
Date: 08-08-2020, 10:52 PM
Parent: #120

السلام عليكم
وبرضو شجاع انت يا نمول
هل كانت الانقاذ بناء فوقي ام منظومة؟
ماذا حدث خلال 30 عاماً؟
ما ترونه هو اعراض انسحابية
نجا من فكر الكوزنة من كان فوق العشرين من عمره
[ وهو نفسه به ( مشاكل نتيجة التنشئة)] اي كان مكتمل
النمو الفكري.
من كان دون الثلاثين وبالذات بعد العشرية الاولي لم
يتأثر بفكرهم فقد رأي كذباً بواحاً .
الواقعون في المنطقة الوسطي هم من يعانون الان مما
اسميه اعراض انسحابية.

لا تثريب عليهم ، ياخدوا وقتهم بس ساعدوهم بعدم
تقمص دور الاله ، فقد استعمل الانقاذ كل ما هو سئ
من جهوية وقبلية وحتي الجندر ولم يوفر اهل المشروع
الحضاري مقدس ، دنسوا كل شئ.
المعضلة التي تواجههم هو ضعف البديل وبالذات الاحزاب
التي رجعت بكل امراضها من مناورات ومحاصصات
تلامس عدم المسئولية ، الشباب الان يراقب ، وما يفعله
الجميع يكاد يكون جريمة في حق السودانيين.
تدافع علي المناصب والمكاسب يكاد يفسد ما انجزه الشباب
الا انهم لكم بالمرصاد.
لم يكن قرار منع النازية بعد الحرب العالمية ترف
ويجب منع المشروع الحضاري حفاظاً علي لحمة السودان.

اسفة علي الاطالة وشكراً عمر نملة ومنتظرين ظهور عمر التاج
Post: #122
Title: Re: شجاعة و صدق و ذكاء عمر التاج
Author: اخلاص عبدالرحمن المشرف
Date: 08-08-2020, 11:08 PM
Parent: #121

اضافة
تجريم (اشياءنا ) هو الجريمة
هل لو كان مكان الجندي في بوست الجزء النسائي
من المسجدجندية
هل كانت ستصور ما وجدت ام تعتبره شئ عادي
اما التفاصيل فتظل تفاصيل ولكل خصوصيته
Post: #123
Title: Re: شجاعة و صدق و ذكاء عمر التاج
Author: اخلاص عبدالرحمن المشرف
Date: 08-09-2020, 04:43 AM
Parent: #122

من نافذة الفيس
( بوضوح ان الفيديو اتوزع في إطار محدود قبل فض
الاعتصام بيومين على الواتساب، واضيف ليك
الفيس بوك أيضا.. ومعاه افلام -ليست للنشر
- اتصورت تصوير ليلى وباحترافية ترصد ساحة
الاعتصام وتؤشر على بعض الممارسات السالبة فيه
وبوضوح شديد ، ومعه فيديوهات عرضت في التلفزيون
بعد فض الاعتصام مباشرة.. بعد كده انت وعقلك،
تصدق ما تشاء وتنكر )

هنا مربط الفرس الفيبر تصور ووزع لتبرير ما سيحدث.
والاحترافية تجعلنا نقول هل هو فعلاً مسجد الجامعة؟؟؟؟
هل هو تجسيد لمسجد الجامعة؟
هذا الشريط يعتبر كارثة لمن صوره


ستبدي لك الايام ما كنت جاهلاً
ويأتيك بالاخبار من لم تزود
Post: #124
Title: Re: شجاعة و صدق و ذكاء عمر التاج
Author: محمد البشرى الخضر
Date: 08-09-2020, 05:48 AM
Parent: #123

نعم هو مسجد الجامعة يا دكتورة لكن الاحترافية تخليك في الاول تنأكدي من ادعاء التصوير و التوزيع قبل جريمة فض الاعتصام!
لم يكن لتبرير ما (سيحدث) بل لتسويق تبرير ما (حدث)
Post: #125
Title: Re: شجاعة و صدق و ذكاء عمر التاج
Author: عمر نملة
Date: 08-09-2020, 07:46 AM
Parent: #124

نعم هو مسجد الجامعة يا دكتورة لكن الاحترافية تخليك في
الاول تنأكدي من ادعاء التصوير و التوزيع قبل جريمة فض
الاعتصام! لم يكن لتبرير ما (سيحدث) بل لتسويق تبرير ما (حدث)

و تظل كل الاحتمالات مفتوحة...
Post: #133
Title: Re: شجاعة و صدق و ذكاء عمر التاج
Author: عمر التاج
Date: 05-19-2021, 10:15 AM
Parent: #98

شكرا عمر نملة
Post: #126
Title: Re: شجاعة و صدق و ذكاء عمر التاج
Author: حاتم إبراهيم
Date: 08-10-2020, 08:33 AM
Parent: #1

Quote: انا شايف انو شجاع ويكتب ما يحب
+++
يا حافظ عمر خطو اكتر من واضح
+++
عهدي بيك زول ضابط
لغة حواره... و أدبه
+++
كل بوست يطرح يناقش موضوع البوست ما ممكن التاج مثلا يكتب بوست
تكون الارا مخالفه له و يسب و يغتال

كل كلامك أعلاه خطأ، ولدي كل ما يثبت عكسه.

يا (عمر نملة) أو أياً كان اسمك!
أنا ما من عادتي أشارك في تحمية النيران، ناري بشخت كبريتا براي
لكن الملاحظ أنك مصر تضفي على المذكور صفات نفاها هو بنفسه، وأسلوبك عجيب!

أخينا البتقول عليه (صادق) اعترف بخط يده بأنه (ينجر) الأخبار، النجر هنا يعادل التلفيق، دا لو ما فاهم.
وقع ليك شنو يعني (نجر الأخبار) يا عمر نملة؟

Quote: كلامي الأخير داك منجور عشان ماتمشي تقوقلو
Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية
Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية



هاك النماذج
Re: لـيبيــــا على الخطRe: لـيبيــــا على الخط

Re: اليوم منظمة العدل الدولية ( international justice orgaRe: اليوم منظمة العدل الدولية ( international justice orga

حقيقة الضربة الفرنسية على الحدود الليبية التشاديةحقيقة الضربة الفرنسية على الحدود الليبية التشادية

الثوار الآن على أعتاب القصر الجمهوريالثوار الآن على أعتاب القصر الجمهوري



ورصد لكل (المنجور)
Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية

Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية

Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية


Quote: يا تاج عندنا مثل في دارفور الجميلة الانت مفتكرها في واقواق.....
"جراداي في سروال ولا بعدي إلا قعيدو ولا حلو"
اذا عاوز أي شرح أو تفسير للمثل ده... اخانا محجوب قدس الله سره سيقوم بواجب....

اخانا في الوطن والمنبر حاتم ابان....
فيبدو أنني غير محتاج إلى شروحات أو كشوفات جديدة في حجب وغرائب كتاباتك.... الدايشة عن خطوط الإجماع الشعبي المنسجمة انسجاما كاملة الدسم مع برنامج صلاح قوش....مرددة مثل الببغاء فبركات جهاز أمنه الكاذبة...
فحاتم قد فتتك...وبالتالي حتى شولة ما يحتاج إضافته...
انظر كيف انك نجار .....كبير؟..
انت لا تحتاج إلى اعتذار.... انت تحتاج إلى شفقة أولا ....ثم الى تدريس
مفهوم الوطنFROM ABC
الثورة التي ابدعت شعار "كل البلد دارفور".....بعد تحرير الوطن من قوش وبركاته....قادرة على تعليم أمثالكم ماذا يعني الوطن و الوطنية؟
فأنت عايش في عالم تاني خالص ... و اعتقد لو لا وجود نوعك ده وعقليته و طريقة تفكيره لما تمكن الدولة من القيام بمجازر في ضواحي الوطن....
انظر إلى قراءتك "المتخلفة" عن المناضل الجسور عبدالواحد محمد نور...(انت متخلف وطنيا).
هذا الإنسان ابيد عن بكرة ابيها آلاف القرى في دياره و شرد وقتل الملايين ورغم ذلك في خطاب الرد على تجمع المهنيين كان ثوريا باحثا عن قييم وليس انتقاما أو فش غبينة... وقد قلنا لك ان ذلك تم تطبيقه بيانا بالعمل أثناء دخول الخرطوم.....
ومع ذلك تصر على تصديق صلاح قوش الذي يمارس إعدام الأحرار من ابناء شعبي بالخاذوق....و عبر اعادة نجر منجوراته وفبركاته المفضوحة عن خلية عبدالواحد....فهل تفعل ذلك باوامر منه ام غباء منك ؟
اصلو نوعية نجراتك دي واحد من اتنين
يا ما انت
بليد إلى الحد الذي لا تعرف ولا تفهم أكذوبة قوش و فبركته عن خلية عبدالواحد او انك جرادة الالكترونية؟ اختار الإجابة الصحيحة بنفسك؟
العزيز حاتم
واضح انك متخصص في كتابات هذا النجار البابو مشلع....
فضح نوعية الكتابات دي مهم جدا لصحة الوطن ووحدة قواه الشعبية لعبور منعطفات وخواذيق سنين الخراب و الدمار.....
نريد أن يترجم إبداعات الشباب الثورية بعد الخلاص من قوش و ابواقه...في شكل وطن يتجاوز أي خاذوق تاريخي... وطن تعاد بنائه تحت سقف واحد يتسع للجميع....
وطن يعرف المواطن ألفي خرطوم و وادي حلفا وجبل مرة و أنقسنا بنفس التعريف...ليس على الورق فحسب بل بدستور محروس بوعي شعبي....اقول تاني بوعي شعبي....اقول تاني بوعي شعبي...
بعد داك لمان الواحد يسمع انشودة
"اقول لدنيا انا سوداني"......
سيسري مفعوله السحري في جسد أي سوداني.....

Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية



الذكاء عرفناه في شخص المذكور (عنده دكتورية) ولا نقول كرتونية
عرفناه ساعة أن قرر أن "الختمية" هي "مركز ثقل الأرض) وأن خط صفر طويل أخوانو، ولا يزال يعتقد في ذلك.

أما (لغته منضبطة) أو (لا يسب ويغتال) أو عدم مبادرته بالسباب والقذف فهذه اسألني منها في شخصي أنا،
هل هنالك أكثر من تلفيق تهمة (العمالة)؟والكثير الذي لا أرغب في إيراده حتى الحين المناسب.

أما العنصرية فهي أصيلة في شخصه، ولا أخالك غافلاً عنها.

ويقيني أنه حتى الأسماء التي تكالبت للدفاع عنه جاءت من خلفية جهوية،
أسماء موريتانية على وجه التحديد، أعني أسماء مثل (إمام، حاج، شيخ) فبالله فكونا من الغاغ،
المذكور ينتهي اسمه بالمفردة (حاج) يبقى السبب واضح.


_____
فهل أزيد؟
Post: #127
Title: Re: شجاعة و صدق و ذكاء عمر التاج
Author: osama elkhawad
Date: 08-10-2020, 04:52 PM
Parent: #126

أن يراق حبر بمثل هذا الحجم في اي من كان او كانت في المنبر،

هو دليل دامغ على فراغ المنبر،

ومؤشر على "أزمة " ما ...

مع أن هنالك الكثير من الموضوعات الهامة التي لا يوجد من يناقش حولها؟؟؟؟؟؟؟
Post: #128
Title: Re: شجاعة و صدق و ذكاء عمر التاج
Author: عمر نملة
Date: 08-10-2020, 11:52 PM
Parent: #127

دقيقة يا حاتم.. قبل ما ادخل معاك في اي نقاش واثباتات
عن عمر التاج و عن أي من اكون انا... انت منو.. و يا ليت
بقدر شجاعتك الجبت بيها روابط تحاول لف الحبل حول
عمر التاج تجيب جز من صراعاتك حول من انت..
اقول دافعت عنك في قضيتك ليس في شخصك بل في حريتك
فيما تكتب و لا يهمني تعد الاسماء التي تكتب بها.... ما علينا قصدي
من البوست ليس شخص التاج.. قصدي التصدي لسلب اين من يكتب
حرية كتاباته و توجيهها كما يحبون... ما زلت أقف في جانب حقك فيما
تكتب دا هدف البوست ما زلت متذكر اول صراعاتك و الهجوم الشرس عليك
قلت ليه اكتب ما تكتب... تاني ما علينا... ما بحب اقل أدبي على اي شخص
و انبت علي نفسي ما احتدم.. لكن كلمة يا عمر نملة واي من تكون فيها قلة أدب
اضبط لغتك معاي
معاي طالما ما بيناتنا الا الاحترام
Post: #129
Title: Re: شجاعة و صدق و ذكاء عمر التاج
Author: حاتم إبراهيم
Date: 08-11-2020, 07:09 AM
Parent: #1

Quote: دقيقة يا حاتم.. قبل ما ادخل معاك في اي نقاش واثباتات
عن عمر التاج و عن أي من اكون انا... انت منو

أنا حاتم إبراهيم.
دا اسمي الأنت شايفو من ستة سنوات، ومالي دخل بمن تكون أنت،
فتعليقي كان عن غرابة الاسم (نملة).


Quote: و يا ليتبقدر شجاعتك الجبت بيها روابط تحاول لف الحبل حول
عمر التاج تجيب جز من صراعاتك حول من انت..

والله المطلوب إثبات شجاعتك أنت في الإقرار بمحتواها وتعديل كفة ميزانك.
مرة تانية أنا (حاتم إبراهيم) والموضوع هنا عن صرعتك الحديثة في إسباغ الصفات الفخيمة
لا عن (صراعاتي) والتي تخصني وأنا كفيل بها، وأعرف أين (أجيبها).
والمذكور (لسوء حظكم) لم يكتفي بلف الحبل حول رقبته بل حول وسطه ورجليه ويديه.
ويسأل عن المزيد، من الحبال.


Quote: اقول دافعت عنك في قضيتك ليس في شخصك بل في حريتك
فيما تكتب و لا يهمني تعد الاسماء التي تكتب بها.

لا أعرف متى حدث ذلك، فإن دافعت عن مبدأ فهذا واجب على الجميع
وإن كنت تلمح (لوقفة) بغية تذكيري بوجوب (رد الجميل بوقفة) فهذا لن يحدث على حساب الحقائق.
ولا أكتب بأسماء متعددة هنا، أكتب باسم (حاتم إبراهيم) وهذا اسمي، وإن كنت (تعتقد) بأني خاطبتك باسم آخر فلتأتي به.
وحريتي محفوظة في الكتابة متى ما أريد وأعبر عن رأيي بكل وضوح بدون مواربة وبدون أي ضغط وبمعزل عن أي تأثير أو ابتزاز.


Quote: ما علينا قصدي
من البوست ليس شخص التاج.. قصدي التصدي لسلب اين من يكتب
حرية كتاباته و توجيهها كما يحبون

أبداً، عليكم!
قصدك من البوست شخص المذكور!
هذا واضح من العنوان يا أخينا (شجاعة و صدق و ذكاء عمر التاج)
فأنت لا تكتب عن الصدق والشجاعة والذكاء كقيم في ذاتها بل ما يتعلق بشخص المذكور تحديداً.


Quote: ما زلت أقف في جانب حقك فيما
تكتب دا هدف البوست ما زلت متذكر اول صراعاتك و الهجوم الشرس عليك
قلت ليه اكتب ما تكتب... تاني ما علينا

لا أبداً، عليكم تاني!
محاولة خروجك من موضوعك والالتفاف على الحقائق الدامغة والاعتراف الخطي يجب أن لا يجعلك تحيد عن خطك
فأنت أيضاً ذكي و(واضح) في رأيي، أما ما سميته (هجوم شرس) فهو في الواقع كان سلسلة من الجرائم المكتملة إن شئت الدقة
فيها القذف والتشهير واشانة السمعة والابتزاز بنوعين المالي والابتزاز للحصول على معلومات شخصية ومالية
وفيها التهديد وفيها الإرهاب واختراق الخصوصية والتهديد بالقتل وجريمتين على الأقل بخصوص الاختراق الالكتروني والتخريب،
هذه جنايات أعرفها وأعرف مرتكبيها وأعرف عقوباتها في كل دولة حق المعرفة، ولكن هذا ليس شأنك بالمرة،
فأنا أعرف كيف ومتى أرد حقوقي أيا كانت ولم احتاج لوقفتك ولا أذكر أني طلبتها في أي وقت.

فلو كنت بهذه المقدمات التي تختمها بجملة (ما علينا) تطلب رد الجميل بموافقتك على (ما أنت فيه) فهذا لا يجوز
لأن قضيتك خاسرة بكل المعايير السليمة والمتحضرة ولأني لا أرى أي أسس في طرحك وقد تجاوزت محاولاتك إقناعك بالعكس مئة مداخلة.


Quote: ما بحب اقل أدبي على اي شخص
و انبت علي نفسي ما احتدم.. لكن كلمة يا عمر نملة واي من تكون فيها قلة أدب
اضبط لغتك معاي

لكنك بتحب تذكر ما تراه أفضال على الناس!
لغتي مضبوطة ومتزنة وصريحة، أضبط أنت (النملة) أول
وأرجو أن تتحرى الدقة في نقلك فأنا كتبت (أيا كان اسمك) ولم أعرض لكونك الذي لا يعنيني
فاسم (نملة) غريب ومناداتك به تبدو مثل السخرية منك ولهذا علقت عليه وألمحت لكونه ربما يكون لقب (أيا كانت طبيعة خياراتك)
وبالتأكيد ليس هنالك (قلة أدب) لكن قل أن السرد أعلاه في مداخلتي السابقة كان حاسماً للموقف، وأتفهم مثل ردود الأفعال هذه.

================================================================

نجي لموضوعك الخاص بكسوة المذكور تلاتة بردات (الشجاعة والصدق والذكاء).
وشوية عراريق وملافح من طائفة (لغة حواره منضبطة، أدبه، وضوحه، لا يسب، لا يغتال)


شوف معانا تحت هنا


أولاً:
نحتاج لميزان ولا نعرف ميزانك للصفات الثلاثة الفخيمة أعلاه.
- يعني دحض الشجاعة يتطلب توضيح أي نوع من المواقف؟
- وكم نصاب الأدلة الموثقة لنفي صفة الصدق التي أسبغتها عليه، دليلين، خمسة، عشرين؟
- وما معيار الذكاء عندك وهل نقيسه مقارنة بمرجعية تعرفها أم بحقائق نراها أمامنا؟


ثانياً:
بخصوص الشجاعة نفندها كلها من بوست واحد فقط:
اسم البوست (حقيقة الضربة الفرنسية على الحدود الليبية )
المذكور وجهة إلى تهمة (عميل مزودج) هكذا كتبها، ووصفها بأنها (كبيرة)
وسألته عن قصده فألمح إلى (توجه صهيوني عام) ثم راوغ ولجأ إلى الحديث عن كسلا عن (مقامه)
يبقى الشجاعة تفرض عليه أن يسمي الجهتين ديل ويكتب الجهة الفلانية والفلانية وعن علاقتي بالصهيونية
خلاف ذلك يبقى مصطلح (الشجاعة) بتاعك عنده تعريف غير. الجدير بالذكر أن المذكور انتهى الموقف إلى أن يطلب من
شخصي التأكد من أقواله بسؤال أبيه وأمه
Quote: أمي فاطمة وأبوي التاج ، ممكن تقابلهم الان وتسألهم من أكون

Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية

نعت آخرين بأنهم (غربان) وتمت مساءلته عن قصده فانتهت شجاعته بقوله أن الغراب طائر جميل الدواخل ونقي السريرة.
Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية


ثالثاً:
بخصوص الصدق، البوست نفسه
عندك الملخص عن النجر هنا
Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية

وعندك زيادة
لـيبيــــا على الخطلـيبيــــا على الخط


رابعاً:
بخصوص الذكاء
المذكور دا يعتقد أن (الختمية) مركز ثقل الأرض، فياريت تفهم منه قصده.
وبأن خط غرينتش هو (أطول خطوط الطول) لهذا اكتسب خصوصيته!
Quote: وحتى موضوع اللصقة المنقولة من موضوع خط 100 غرب
فقد كانت كلها حقائق، ولدت فعلا في المنطقة الغربية
من البقعة المباركة المسماة الختمية في كسلا
والتي لها ارتباط تكوين بمركز ثقل الأرض
Re: القراد الإلكتروني !Re: القراد الإلكتروني !


هذا عنده شهادة دكتورية بالمناسبة.

هذا ما يليني، لكن صدقاً لم أصادف في حياتي من يضع نفسه في مثل هذه المواقف ويأتي من يصطف معه ويمنحه لقب (ذكي).
هذا غير أن الذكاء لا يحوج (الذكي والمتذاكي) للحد الأدنى من (النصرة) ولمن يدفع عنه بهذا النهج المحموم، وغير المطلوب.



===================================
نجي للعراريق:

Quote: انا شايف انو شجاع ويكتب ما يحب
+++
يا حافظ عمر خطو اكتر من واضح
+++
عهدي بيك زول ضابط
لغة حواره... و أدبه
+++
كل بوست يطرح يناقش موضوع البوست ما ممكن التاج مثلا يكتب بوست
تكون الارا مخالفه له و يسب و يغتال

طبعاً الشوف ذاتو عنده محفزات ودوافع
يعني أي شخص ممكن يشوف الداير يشوفه في أي وقت.
كتبت من قبل أن كل كلامك أعلاه خطأ، وهو فعلاً خطأ إلا إن كنت تصر على الالتفاف على مصطلحات واضحة ومتفق عليها.


قرادة إلكترونية، شبح، وتلميحات عنصرية، هذه لغة حوار المذكور، فمتى كان (آخر عهدك بيهو)؟

التوصيفات المهينة أعلاه هي (مقدمات) و(مبادرات) من المذكور بلا أي أسباب محددة،
ربما تسأله أنت عن الأسباب فتنال رضا نفسك عنها.


(ميزة أن تكون شبحا) وفيه شهادات من آخرين بأن المذكور تعمد الإساءة.
ميزة أن تكون شــــــبحاً..ميزة أن تكون شــــــبحاً..

(القراد الإلكتروني)
القراد الإلكتروني !القراد الإلكتروني !

ومع ذلك لا ينسى المذكور أن يتصدى للحديث عن (الأخلاقيات)
أخلاقيــات المنبر أخلاقيــات المنبر


ونعم أنت محق فقط في قولك خط واضح، نعم خطه واضح في تحري الانزلاق للمآزق!
ولكن غير الواضح هو سبب عدم الاعتراف بهذا (الخط).

الأكتر من واضح.
Quote: وما بخاف من زول ولا الموت ذات نفسه لأني مشيت ليه بأرجلي من قبل.
+++
عملت ببنك السودان قسم السياسات وبعض البنوك التجارية
+++
حلفتكم بالله جميعا، تاني مافي زول يسألني عن مصدر لأني مازلت أحتفظ بأصدقاء داخل جهاز الأمن وداخل رئاسة الجمهورية وداخل حتات تانية حرجة جدا
+++
سيد بيه قوش عشان مايكون معانا في البورد ده ولا حاجة ..الراجل ده يشهد له انه يفرق تماما بين العمل والعلاقات ..
+++
نجاح قوش الهائل في تنظيف الجهاز وانقلابه التام على زملائه بدون شفقة اهلته تماما ليقود أي مرحلة مفصلية في المستقبل
+++
والحكم الفيصل مابين هؤلاء هو الامبراطور قوش.
+++
نحن ما ناس جراد صحرا وبس، نحن ممن جاب السودان (أرضا) من اطراف حلفا وحتى نمولي، ومن أقصى شرقه وحتى حدوده الغربية
+++
قال مدير جهاز الامن : ماذا يفعل متحرك العدل والمساواة في شمال بحر الغزال ، وماذا يريدون ان يستلموا من هناك ؟
+++
كلامي الأخير داك منجور عشان ماتمشي تقوقلو
+++
و للمرة الثانية أنني عندما أقول بكلمة (نجر) فهذا يعني أن الفكرة والت عبير مني
+++
وبهذه المناسبة لدي بوست اسمه (الفوضى قادمة) سيكون امتدادا لهذا الخيط ان سمح له بالبقاء
+++
قال اسحق على لسان علي : اذا جرى دفع البلاد إلى استفتاء مشوه .. عندها نرجو الا تصابوا بالدهشة حين تسمعون بصدور بيان حارق يصدر في الخرطوم ضد حكومة السودان بتوقيع متطرفين انتم اعلم الناس باسلوبهم حين يشعرون بالحصار..!!
+++
Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية
Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية
+++
النظام دا لازم يرحل اليوم قبل بكره... لانه عايز يفتن ويهتك النسبج الإجتماعي بالسودان
+++
العنصرية داء أعيت داويها في السودان، وللأسف النظام متبنيها كمنهج يفرق بها ويسود
+++
هانت الزلابية والله حتى أكلها بنو غربان
+++
أن العرب والمسلمين خرجوا من الاندلس بعد 800 عام مكثوها هناك فما المانع من خروجهم من السودان
+++
دي كلها جولات ومراحل يمكن يخسرها الجيش ، ولكنه لم ولن يقهر من عصابات متمردة وقطاع طرق ابداً ...

Re: حقيقة الضربة الفرنسية على الحدود الليبية Re: حقيقة الضربة الفرنسية على الحدود الليبية



____
اعتقد كافي، يا (عمر نملة).
Post: #130
Title: Re: شجاعة و صدق و ذكاء عمر التاج
Author: عمر نملة
Date: 08-12-2020, 07:35 AM
Parent: #129

مبالغة يا حاتم... ما بقدر اقرا الكلام دا
و اتابع البوستات...
يا ابوي القضية كلها الناس ما تجري ورا الشخص سوا
التاج.. نملة... حواتم... كل بوست يكون منفصل ما في
داعي للانتصارات الشخصية دا منبر حوار من داره..
ما علينا شايف خريطة هولندا.. عاين في الشمال الغربي.. ااي
مع بحر الشمال بس وصلت انا غارز لي خيمة ومستمتع مع الطبيعة
اقل من بوست او مداخلة بموسيقى شقشقة
عصافير ما بقبل... متع نفسك و انسى الشخوص
سوف اهدى ليك م قريب بوست باسم٠ اسلوب حياتي
Post: #131
Title: Re: شجاعة و صدق و ذكاء عمر التاج
Author: عمر التاج
Date: 08-12-2020, 10:18 AM
Parent: #130

شكرا لك اخي عمر نملة على البوست الدسم
وشكري لكل من اراق مداده مادحا أو قادحا
وشكرا لكل صاحب تار بائت ولكل متحيني الفرص،
واتعهد بأن اجعل كل ماكتب في سبيل تصحيح المسار،
واعتذر عن عدم الرد تفصيلا لان الوقت والكوتة الواحدة لاتسمح بذلك
بيد ان البوستات القادمة ستحمل إجابة لكل سؤال أو استفسار ورد في هذا البوست بإذن الله..
وكل مداخلة أو مقتبس قديم سناخذه في إطاره وظرفه..
والتحية كذلك لمتداخلي نافذة الفيس بوك وهم يسبقوننا احيانا في الفهم والعلم
والتحية لبكري ان جعل صدرنا واسعا يتحمل قول كل كاتب
والشكر من قبل ومن بعد لله ان جعل صوتنا مسموعا ومؤثرا تنصب له بوستات الاستفتاء..


Post: #132
Title: Re: شجاعة و صدق و ذكاء عمر التاج
Author: محمد البشرى الخضر
Date: 08-12-2020, 05:56 PM
Parent: #131

Quote: ستحمل إجابة لكل سؤال أو استفسار ورد في هذا البوست بإذن الله..
قلبي اطمئن