وئام شوقي تحكي عن تجرتها بعد برنامج شباب توك

07:29 AM August, 04 2020

سودانيز اون لاين
أحمد محمد عمر-
مكتبتى
رابط مختصر

وكيف إنه 50 ثانية حولت حياة الشابة لي جحيم لدرجة التفكير في اللجوء
مجرد زولة عادية لقت نفسها في مواجهة شيخ ملتحي يتضاحك وهو بتكلم عن التحرش وزواج الصغيرات ونظرته للمرأة كأداة للجنس
انفعلت فيه واتكلمت مجرد كلام لا كتلت لا سرقت لا تسببت في سقوط جرحى
مجرد كلام .. وجهة نظر عادية من البتلاقيك كل يوم تختلف وتتفق معاها
لكن بعديها تعرضت لأكبر حملة تشويه وتنمر ممكن تتعرض ليها سودانية .. وصلت لحدي بيتها مما اضطرها للهروب من السودان
بعد مشاهدة الفيديوهين ديل حتكتشف إنك أمام إنسانة عادية .. بل أنثى عادية عندها دبدوب وليست مسترجلة كما يتبادر إلى أذهان الكثيرين

ابو حميد سلامات
للاسف يا احمد العقلية البتعاني منها وئام
حتى بعد الثورة حا تظل موجودة
هو داء مرض عضال اصابنا منذ اكتر من الف عام
وما من الساهل التخلص منو
امكن اوجاع الطلق بدأت للتخلص منه
لكن المخاض حا يكون عسير وعسير جداً وحا يكلف كتير

شوف نفس الشيخ اللي خاضت معاهو وئام المفاصلة الشهيرة لما اتكلم عن تظاهرات ديسمبر
المذيعة بتقول ليه سقطوا 22 شهيد يقول ليها التخريب مرفوض ولو سقطوا ضحايا فدي نتيجة للشغب
تقول ليه عدد الوفيات دة معناهو تعامل عنيف من قوات الأمن يقول ليها بعض الجهات المعارضة تبحث عن شهداء
وبقول لو المتظاهرين تواجهوا مع الأمن يمكن يكونوا مسلحين عشان كدة قوات الأمن ليها الحق في استخدام الرصاص
لاحظ المذيعة دي في منتصف الفيديو انفعلت وبقت تكورك في الشيخ بسبب موقفه الغريب



دة نفس العملتو وئام بس لأنها دي إعلامية محترفة قدرت تضبط مصطلحاتها وما سودانية لأنها لو سودانية كانوا حيعلوا ليها زي وئام ويقولوا ليها قدر ابوك
ما فاهم كيف زول بتحرش بواحدة قاعدة قدامه وبسمعها في كلام جارح جداً وتقول لي زي ابوك!

مع الأسف يا هيثم برغم فضح الإسلاموية في الثورة دي لكن لحدي هسة العقلية الداعشية موجودة وبرغم إلغاء القوانين المقيدة للحريات إلا إنه قوانين المجتمع لازالت تطبق بقسوة
بس الفرق إنه في العهد السابق كانت العقلية دي محمية بالسلطة والقانون وهسة لأ
نعم المخاض عسير بس الأمل موجود

Quote: بل أنثى عادية عندها دبدوب

والماعندها دبدوب بتبقى انثى استثنائية والا كيف ؛)

انت بس جاري للدبدوب خليك من رقة الجندريات
والله في نقاش عادي في قضايااجتماعية واضحة الواحدة
تسل اسلحة الدمار الشامل ياربي استر علينا من جيل الفسبكة
والتوتره والايمان بجدلية الحقوق المسلوبة
ديل انتو والله ربنا ما يدخل زول في تجربة معهن
ح تؤمن اننا بالفعل ذاهبون الي شم العود
انتهي الكلام واليوم الاحد وبداية الصيف ايوة الصيف

ديشااااك
دة نكتّوا من وين يا شقي الحال

الدبدوب رمز للأنوثة والرغبة في الأمومة يا ما رقيق
حصل شفت ليك ولد شايل دبدوب!

عقلية الشيخ عقلية تجنح للعنف ومباركة العنف
اما حكاية البت (عادية) فهي ليست عادية لو كانت عادية حتى لو ماعندها دبدوب
والدبدوب دا اكيد بعد ما هربت من السودان .. لو كانت فتاة عادية لما احتدت على الشيخ
وحتى ما ناقشته او حتى ما كانت حضور في البرنامج .. الفتاة العادية عندنا نحن
هي التي تظل خائفة وحتى ما تقدر تناقش ابوها خليك من القدر ابوها ولو كان متخلف
نحن لسع .. ما بنعرف نناقش ولا بنعرف نحاور ولا نتقبل الراي والاختلاف والتباين

دة العادي بتاع زمان يا عمك
بنات هسة طلعن مظاهرات قلبن الحكومة

في الفيديو بتاع المنقبة الكسروا قزاز عربيتها لاحظت واحد بحاول يشكمها يقول ليها انتي مرة ما تكوركي في الشارع
حقيقة اندهشت شديد من عقليته
بدل يفتش أصل المشكلة ويمسك الشفع الكسروا القزاز كان همه في عورة صوت المرأة

Quote: حصل شفت ليك ولد شايل دبدوب!

دا سؤال بيقع في خانة الخطا الاستراتيجي للمقاول ..
لانه لو قلت ليك في اولاد بيشيلو دباديب بيبقى هنا افتراضك لرمزية الدبدوب للإنوثة والامومة انتفت



يآخي خليك من دا Mark wahlberg دبدوبه لمن اتكلم عديييل وعرس
زول قال ليهو انت انثوي ماف ؛)



هسه لو قلت باربي ابوالزوز ولا كان فتح خشمو :)

تحياتى احمد
وضيوفه
العقلية واحدة يا احمد
نفس طريقة التفكير
شوف مقال امل هبانى في الفيس . وعاين للحجر الرمتو في الموية وانتظر الدواير . في نسوان قالن كلامها صاح
اها
نفس الرؤية الجنسية المجردة للزواج

انت كمان يا حيدر ما تقارن لي بالخواجات .. ديلك نعجاتهم ما عضاضات
هسة جودي فوستر ملكة الجمال والإثارة الهوليوودية معرسة ليها ممثلة وبحضروا الاحتفالات كلها سواء يوم واحد ما سمعنا بي زول قال عليها قليلة أدب

عندكو شامبو ، لا ما عندناش ، أمال عندكو إيه دباديب

والله يا أبو سن انا التعدد دة عندي زيه وزي ملك اليمين
كان حل سابق لإشكاليات مرحلية وهي مقتل الرجال في الحروب المستمرة طول العام وترك أطفالهم ونساؤهم بي وراهم في وقت ما كان فيه مرأة عاملة تستطيع تحمل نفقات اولادها براها
لكن بمعايير زمنا الحالية أنا بشوف التعدد خيانة بالدرب العديل. وما فيها حاجة لو الجندريات طلعوا الهواء الساخن، شنو البخليكم تخونوا وهن لأ!
المشكلة إنه في المجتمع الذكوري الناس طوالي بتنط ليك دي حاجة حلال في الاسلام، طيب الرق الحرمه منو؟
تقدر تفتح ليك بوست تقول أنا عندي جارية ايزيدية اشتريتها من الدواعش؟

أمل ما بتنظر للزواج برؤية جنسية لكن لما الراجل يتزوج تاني يبقى هو الجنساني، البعددوا في زمنا ديل كلهم كايسين الجنس. عشان كدة أمل جاتو بي دربه

عندنا صاحبنا حب السكرتيرة حقته وقال إلا يعرسها ومرته قالت ما بتقعد معاهو لو عرس وديك ذاتها قالت ما بتعرسه وهو متزوج قام طلقها
عدى شهور يحاحي في موضوع الزواج وأبو السكرتيرة حالف يمين ما يعرسها قال ليه انت زول ما مسؤول همّلت أولادك عشان واحدة حلوة بكرة بتشتغل معاك الأحلى من بنتي وبتهمّلها
المهم خلال فترة الطلاق ديك لاقينا ليك مرة صاحبنا ديك خاااااالطة في الحدائق وهي طلاقها ما تم شهر ذاتو
موش كدة وبس لما شافتنا أنا وصاحبي والاتنين بتعرفنا أصحاب راجلها نادتنا وعرفتنا بي حبيبها .. والله صحي
صاحبي داك خاتي يدينو في راسي لكن انا كنت بضحك متكيف منها جنس كيف :)
جدير بالذكر إنه داك بعد دق الميس وما وصل جاء رجعها لي عصمته ونحن طبعاً ما جبنا ليه سيرة
هو فكاها عشان واحدة وهي مسكت واحد عشان فكاها، هو خلى حبيبته بس هل خلت حبيبها؟ الله أعلم! :)

غايتو عربي الجزيرة لمن يتربرل كعب ما بنهبش 😂

Quote: عندكو شامبو ، لا ما عندناش ، أمال عندكو إيه دباديب

كلم حيدر دة عليك الله

صاحب اليابا

Quote: هسة جودي فوستر ملكة الجمال والإثارة الهوليوودية

اها دي كمان عمرها ما كانت نجمة اثارة وملكة جمال..
من زمان مسترجلة وادوارها بتاعت سايكلوجي وأكشن وخزعبلات درامية ..

اول وآخر فيلم إثارة وجمال مثلته بتاع تاكسي مع دينيرو وعمرها كان 12 سنة..
يعني الا البيدوفل بمنطق الخواجات ؛)

Quote: ديشااااك دة نكتّوا من وين يا شقي الحال

اهااااااا ..

المناسبة بفتش على ست الاسم بمناسبة التغريدة دي:




وفجأة لقيت بوستك في النتائج :)

بالغت ياخ
وين Sommersby و The Accused ؟!

من ناحية جمال دي ما فيها ولااااااا ربع كلمة

سلام أحمد محمد عمر

وشكرا على هذا البوست "القديم المتجدد" بتاريخ اليوم.



نسب إلى الأستاذة أمل هباني ما نراه منقولا عنها هنا

Quote: للنساء المسكينات المقهورات المذلولات بنار التعدد وليس لديهن أي مقدرة على الطلاق خوفا من(بشتنة )الأطفال وزيادة القهر بالطلاق ..ممكن تستعيني بصديق يوم ان يذهب زوجك الى زوجته الجديدة لأن فكرة التعدد لا يداويها سوى فكرة الاستعانة بصديق. المنظور الاخلاقي للفكرتين واحد ..فقط الدين انحاز للرجل واعطاه غطاء مقدس باسم التعدد متجاوز الأذى النفسي والاذلال الانساني الذي يصيب المرأة من هذه القداسة .ما الفرق بين ان يبحث الرجل عن أمرأة ثانية بحجة ان امرأة واحدة لاتكفي وان تبحث المرأة عن رجل ثاني تعويضا عن الأذى الذي سببه لها ذهاب زوجها لأمرأة أخرى؟ الفرق ان ذهاب زوجها مضاف له رتوش ومكياج القداسة ليصبح حق لا يقبل جدال ومجرد الحديث عن حق المرأة المرأة في البحث هي الاخرى عن رجل آخر يصطف المجتمع مستنكرا ومنددا بتمجيد القداسة والغاء الاخلاق الانسانية مع ان السبب الذي يجعل المرأة المقهورة بالتعدد تبحث عن امان عاطفي او نفسيا اوجب واكثر عدالة من سبب زواج زوجها بأخرى.

تشريع تعدد الزوجات مصيره إلى زوال مثله مثل الرق وملك اليمين. ولكن يمكن تبني ما قال به الأستاذ محمود من أن تشريع التعدد ليس أصلا في
الإسلام، وإنما الأصل الزوجة الواحدة للزوج الواحد. [راجع تطوير شريعة الأحوال الشخصية]

نهضة السودان، بل نهضة العالم الإسلامي كله رهينة بنهضة المرأة، ورفع الظلم والحيف عنها.

Quote: صاحب اليابا

ما هو عواليق لكن يسووا ليه شنو!
أيامه البدأ يفكر في العرس داك أنا صوتي بح معاهو يااااااا ود الناس ما تجدع اولادك ما تفقد أم عيالك. وهو وصاحبي العواليق التاني شابكيني عشان انت زول جامد وما رومانسي ما بتفهم المشاعر دي
يا عالم اشعروا زي ما عايزين بس ما تدمروا الأسر .. يقولوا لي الحب ما بخضع لمعادلاتك المنطقية دي
أها يخم ويصر :)

غايتو النصيحة المغرزة حقتها لما نادتنا كيفتني عديل ما فاضل ليها إلا تقول لينا عليكم الله ما تنسوا تكلموا صاحبكم
ما أشد منها إلا استاذي في الجامعة. كنت ساكن توتي وماشي كداري من الغربي للمعدية، في شارع النيل شفت واحدة من البنات البقيفن للرفع، بعاين فيها كدة وقفت عربيه رفعتها
كحلت للسائق لقيت استاذي الكان بدرس فيني هسسسة دي
دنقرت بي أدب كدة ومشيت عكس اتجاههم داير اقطع الشارع على المعدية أكان اسمعوا ليك بنادي فيني يا أحمد يا أحمد :)
مشيت عليه في العربية بعاين لي جوووووة عيوني والبت قاعدة جمبه قال لي انت كويس؟ قلت ليه الحمد لله قال لي بس قلت أسلم عليك. ودور عربيته مشى
حبة كدة وكان حيقول لي عشان ما تعمل فيها حريف وماسك علي حاجة أهو دة بعملها عينك عينك :)

أيوة يا ياسر أنا حضرت محاضرة زمان للاستاذ ذكر فيها موضوع التعدد دة
فعلاً الفكرة الجمهورية موقفها متقدم شديد فيما يتعلق بتنظيم الأسرة
حتى لو ما خانتني الذاكرة برضو اتسأل عن الحجاب وقال بس ما تتبرجن لكن مافي لبس محدد

كتبت الأستاذة أمل هباني هذا المقال :

أمل هباني..... نورك غمرناأمل هباني..... نورك غمرنا

Quote: أمل هباني..... نورك غمرنا 03:57 AM Jan, 25 2016 سودانيز اون لاين Yasir Elsharif-Germany مكتبتى رابط مختصر محمود....الفكرة التي لاتعذب لن تشذب.... نشرت يوم 18 يناير 2016 أمل هباني *نورك غَمرنا يا محمود وَعْدك جَبَرنا يا محمود دمّك مرقنا صِدقك بعثنا وعيك رَفعنا فِكرك نفعنا شُكرك غلبنا أقبل طلبنا دربك دربنا عدّل عوجنا يا محمود .... لو علمت هذه الأمة الاسلامية السودانية أي خير حملته لها يوم الفداء العظيم ، في مثل هذا اليوم قبل واحد وثلاثون عاما ، لما جفّت دموعها طوال تلك السنوات حزنا ورجاء ..فرأيك الذي صدحت به عاليا بأن قوانين سبتمبر 1983 شوّهت الاسلام وشوهت الشريعة ونفّرت عنه،، كان هو نعم الرأي الصائب.. يومها قلتها وحدك ..يوم كان قولها يكلِّف الحياة وزينتها ومباهجها ؛فما هُنت ولا لِنت لأن الحياة كانت تعني لك هذه اللحظة من الصدق والتجرد والكرامة الانسانية ....الكرامة التي أردتها لأبناء هذا الشعب بصدحك عالياً أن هذه القوانين وُضِعت لسوق هذا الشعب إلى الاستكانة عن طريق أذلاله .... *يوم كان من يقولها يكتوي بنارها ويمسك جمرها بكلتا يديه فتحرقه كلمة الحق وحده...فيحاكم وحده ويقتل وحده....ومن هنا اكتسبت الفكرة وهجها ووهاجها....فهي فكرة مثل الذهب امتُحِنت بنار الجلاد ...فبقيت وبرقت *واليوم نحن نتناقل زبدة وعيك بسهولة أكبر في بيئة أيسر، رغم أن البطش والقهر مازالا قائمين ، وحط كرامة الإنسان السوداني بحط وعيه وتفكيره أصبحت مدرسة يتفنن في أساليبها النظام الحاكم ...لكن حركة حماية الحقوق صارت أقوى وأقدر ودائما أتمنى لو حضرتنا أو حضرناك ...لفديناك بأرواحنا كما فديتنا بجسارتك وثباتك والتزامك .....لتبقى فينا قائداً عظيما ورمزاً لخلاص الجسد والروح والعقل ....فالروح العظيمة والعقل المتوثب علماً ومعرفة قدم الجسد قربانا ليبلى ....فالجسد فان والروح والفكرة باقية، إلى أبد الآبدين ينهل من معينهما كل باحث ومنقب ... *في هذا اليوم نصاب بوخز الضمير ....ضمير من حمل الأمانة ثم اكتشف كم كان ظلوما جهولا ....فلا أوصلها ولا أبقاها ....في هذا اليوم نشحذ هممنا من طاقة همتك التي لم ولن تفنى فقد خلدت في هذه الحياة بالفداء العظيم .....وهانت تمشي بين الناس في الطرقات والأسواق ،حاضراً في الندوات واللقاءات ....مصلحاً ومفكراً وقائداً ملهما ....وفي ذات يوم سيدرك البؤساء منا ...كيف كنت الحلم بالخلاص الأبدي .....لهذه الامة السودانية مسلمة وغير مسلمة ....والفكرة التي لاتعذب لن تشذب ....

هههه لكن استاذك تفتيحة
يا احمد انا فكرتى ماقصة ذكورية وضوكورية . الاتنين النسوان والرجال فهمهم واحد في حتة النظرة الجنسية . عندى ود عمى حاضر عرسو . اصغر بناتو جاتنا في البيت معاها ابوها وامها . سلمت عليهم ومديت يدي قالت لي انا مابصافح يا عمو
انا اندهشت شايفها بت اخوى وبتى وهى شايفانى محض ذكر
عرفت كيف

Siddig AbuFawaz
كتبت: رشا عوض
"بوست أمل هباني عن التعدد"
لم تكن الزميلة والصديقة أمل هباني موفقة في طريقة تناولها لموضوع التعدد في البوست المثير للجدل(تجدونه في اول تعليق) وذلك للأسباب التالية:
اولا: حركة حقوق المرأة تهدف لتكريس ثقافة عدم التعدد في الزواج على أساس ان الخيار الأرفع اخلاقيا وإنسانيا والأكثر ملاءمة لتعقيدات الحياة المعاصرة هو اخلاص الرجل لزوجة واحدة واخلاص المرأة لزوج واحد، ولكي نشيع هذه الثقافة وعلى اساسها يكون اصلاح قانون الاحوال الشخصية لا بد من إقناع الرجال بأن التعدد سلبي بالنسبة لهم كرجال، لانه يضر بأطفالهم واستقرار أسرهم ومجتمعاتهم ويخصم من سلامهم النفسي لانه يضعهم في الغالب في وضعية الظالم لشريكة حياته، بوست الاستاذة أمل صور التعدد كأنه كنز ثمين في يد الرجال والنساء محرومات منه ! ولذلك لا بد ان تتنافس النساء مع الرجال في موضوع التعدد عبر الفكرة السقيمة والمبتذلة التي أسمتها الاستعانة بصديق في اليوم الذي يذهب فيه الزوج لزوجته الجديدة!!
المرأة التي لا ترضى بالتعدد من حقها ان تطلق نفسها وتبحث عن زوج آخر بدلا من ان تكون عشيقة لرجل وفي ذات الوقت زوجة لرجل آخر لا تريد الطلاق منه خوفا من (بشتنة الأطفال وزيادة القهر بالطلاق)- على حد تعبير البوست- !! هل مثل هذا السلوك المعوج يحافظ على الأطفال؟ وهل بمثل هذا ترد المرأة اعتبارها وتحفظ كرامتها؟
ثانيا: قضية المرأة ومعاركها النبيلة من اجل استيفاء حقوقها الانسانية وتغيير القوانين والوضعيات الظالمة بمختلف صورها تتعرض لهجوم منهجي وحملات تشويه مسعورة محورها تخويف المجتمع من الحركات النسوية باعتبارها خطر يهدد الأسرة ودعوة للانحلال، وبالتالي فإن مثل هذه الأفكار الاستفزازية للمجتمع ، والفاقدة للبوصلة الفكرية مضرة جدا بقضية المرأة، لانها تقدم خدمة مجانية لأعداء مشروع التحرر النسوي
ثالثا: قضايا الاسرة والمجتمع المرتبطة بالدين تحتاج لنقاش عميق بعيد عن الانفعال والهتافية التي تستعدي المجتمع المتدين وتجعله يصطف ضد التغيير، مثلا ، عبارة "الدين انحاز للرجل وأعطاه غطاء مقدس باسم التعدد متجاوز الأذى النفسي والاذلال الانساني الذي يصيب المرأة من هذه القداسة"، إذا قبلنا بهذا الحكم المطلق على الدين بأنه منحاز للرجل فإن النتيجة المنطقية لذلك بالنسبة لنا كحركة نسوية مطالبة بالعدالة والمساواة هي رفض الدين واعتباره احد ادوات قهر النساء، وهذا سيقودنا حتما الى طريق مسدود، لانه سيبني جدارا عازلا بين مشروع التحرر النسوي والمجتمع المتدين، في الحقيقة الدين ليس منحازا للرجل، بل هناك ثقافة ذكورية عابرة للاديان والثقافات والإثنيات منحازة للرجل ولذلك استغلت الدين للتمييز ضد المرأة، وهناك تيارات فكرية مستنيرة ذات مرجعيات دينية منحازة للمساواة بين الرجال والنساء على أساس ان العدالة وحفظ الكرامة الانسانية للبشر نساء ورجالا مقصد جوهري للدين ، وعلى اساس ان التفرقة بين الرجال والنساء في بعض الامور مثل الميراث او التعدد او الشهادة هي استثناءات جزئية معللة بواقع اجتماعي تاريخي ، وتقع في مجال المعاملات وهو المجال المتحرك في الدين تبعا لظروف الزمان والمكان ، مشروع التحرر النسوي كي ينجح يحتاج للعقل النقدي الجرئ لما هو سائد في المجتمع وفي ذات الوقت يحتاج الى بناء علاقة منتجة بالمجتمع قوامها نهج عقلاني قادر على توليد الاستنارة الذاتية في الفكر الديني والعادات والتقاليد والثقافات المحلية ، وهذا يتطلب الصبر والمثابرة، والبعد عن التهييج والتهريج والاستفزاز.

للتوثيق في هذا البوست

Quote: ناشطة سودانية تدعو النساء لإقامة علاقات مع أصدقائهن الرجال.. ما السبب؟ 1.351 Aufrufe •15.06.2021 3 10 Teilen Speichern Erem Multimedia إرم ملتيميديا 38.300 Abonnenten أثارت الصحفية والناشطة السودانية، أمل هباني، جدلا واسعا عبر مواقع التواصل الاجتماعي في السودان، بعد دعوتها للنساء لإقامة علاقات مع أصدقائهن، ردا على تعدد زواج الرجال.

كتيب تعدد الزوجات ليس أصلا فى الاسلامكتيب تعدد الزوجات ليس أصلا فى الاسلام

الســودان يمـر بمرحلـة مخاض.. وكما قال الأستاذ محمود فإن "الثورة لا تملك أن تعتدل، وإنما هو الشطط، شطط فى طرف الإفراط وشطط فى طرف التفريط"

غريب جدا والبلد فى منعطف خطير ومنذر بالانفجار التتالى بوستك وبعدو بيومين بوست امل هبانى وكلو موجه توجيه الرى العام الى موضوع النسويات والبلد سقفها يطقطق ؟؟ !!!!

Quote: غريب جدا والبلد فى منعطف خطير ومنذر بالانفجار التتالى بوستك وبعدو بيومين بوست امل هبانى وكلو موجه توجيه الرى العام الى موضوع النسويات والبلد سقفها يطقطق ؟؟ !!!!

نعم أنا برضو لاحظت الموضوع دا يا عصام ..
هو كتب هنا وبعده امل هباني نشرت بوستها وكانما في توارد خواطـر..
أو مع حسن الظن هي حملة منظمة من مجموعات الضغط والمخابرات العالمية والمجلس الصهيوني الاعلى
ولا ننسى دور الماسونية وأخويات هارمجدون في محاولة ضرب عصب أيدلوجيا المسلمين..
لذا اتفق معك ولا أستبعد تحرك 2010 بإيعاز من مؤامرة تُحاكـ لفتق نسيجنا الإجتماعي



....

حيدر الزين شكرا على الاستخفاف بمجرد ملحوظه
.
اما عن المؤامرات فاعتقد بلد منتهى لاحكومه لاقانون وشعب اغلبو فى الشتات
دا كلو شغل مزاج ساى انو شعب يرفه عن نفسو بتجريب المعاناه والانقسام والهروب الى دول الشتات
شكرا

يا عصام ما إستخفاف لكنه رأي بيعبر عن إيمان شريحة عريضة وبعضهم كعوك يساريين..
اول امس واحد شاديني ساعتين عشان يحكي لي قصة مؤامرة أخويـة العائلة اليمينة المتطرفة في صعود طرامب وخريطتها لتقسيم السودان من اجل السيطرة الخ
فانا ما بستخف بل بعكس ليك راي في مقاربة قريبة من نظرتك تجاه الحاصل في السودان للضغط بإتجاه تغيير القوانيين موازاة بتهمة ضعف الحكومة الانتقالية ..

وبستغرب عند اللجوء من البعض لي انها مدبرة ومحاكة بأيدي ظلامية دون محاولة فهم إنه فعلاً في حوجة وواقع حقيقي ومتراكم تجاه مظالم وتجاوزات تستوجب
اعادة النظر في التشريعات والقوانيين..
وهي ما بدعة بثورة ديسمبر او السودان، لكنها حركة طبيعية مع أي ثورة وتغيير قام اساسا من أجل رفع المظالم.. فأي مجموعة او شريحة بالمجتمع عاوزة توصل صوتها..
بما فيهم من يؤمن بنظرية المؤامرة العالمية..

والله ياحيدر
السودان مابتمشى فيهو اى مؤامره دوليه او اقليميه (اقليميه دى ما اظن تختلف معاى فيها) لو الشعب اتماسك وحل مشاكلو بنفسو وقعد فى الواطه وقبل كل واحد باخوانو الباقين فى الوطن
لكن زى مابقولو المال السايب بعلم السرقه
الوطن السايب (المواردوالموقع) بيعلم الاستباحه من كل من هب ودب من الخارج
تحياتى

يا عاصم بغض النظر عن إنه البوست اتكتب في ابريل يعني قبل شهرين من أمل هباني. لكن فكرة المؤامرة وصرف النظر دي أنا ما مؤمن بيها
ما شايف الحقوق عندها تواقيت. يعني كونه البلد منهارة ما معناها ننسى المشاكل الأسرية
مافي طريقة نبطل موضوع معين لحدي ما نلقى روحنا خالين مشاكل لأنه السودان ما حصل كان خالي مشاكل في يوم من الأيام

جودي فوستر ما حلوة ولا شتين

يا اخوانا هوي والله أنا جودي فوستر وكيت وينسليت ديل ما برضى فيهن
لمن اتلاقن في فيلم carnage 2011 أنا كنت أسعد زول واستمتعت بالفيلم شديد رغم إنه ممكن يكون ممل لأغلب الناس كونه عبارة عن مشهد واحد حوار بين 4 أشخاص وخلاص
بعدين أقيفوا النرسم ليكم الحدّود دة
أي زول متشكك في رقة جودي فوستر وجمالها يمشي يحضر لي maverick 1994 وحيجيني خسران أسِفا

سلام أحمد محمد عمر وعاصم

والجميع

Quote: يا عاصم بغض النظر عن إنه البوست اتكتب في ابريل يعني قبل شهرين من أمل هباني.

البوست اتكتب قبل موضوع أمل هباني بسنة وشهرين، لأن تاريخه أبريل 2020 وليس 2021.

صحيح والله لدرجة أنا ذاتي نسيته لمن اضطريت أعاين للتاريخ فوق

واحدة ضكرانة ومعرسا ليها واحدة تانيـة ولابسة بدلة راجلها..
بويـة مأصلة بالقانون..ما تتفوق عليها الا دي جونيرس في قوة العين..
وبعد دا يجي احدهم يصفها بالرقة والأنوثة وهي وشها كله كراضيـم..!
انت لو سكتوا ليـك خلي بالك بكرة تجي تقول جوليا روبرتس رمز إغراء ؛)

لا لا المرة دي متفق معاك :)
جوليا روبرتس لا عندها علاقة بالإغراء ولا الجمال وبستغرب بجيبوها في دور الحبيبة لشنو
بالمناسبة أنا العصعصة الهوليوودية دي ما زولها لكن جودي فوستر دي وشها مرسوم رسم والفك العريض عامل شغل

بتصفح في الفيسبوك لاقاني المنشور دة لي عبد الله جعفر



طبعاً هو من الناس البقعّدوا الكلام وانا حريص على قراية منشوراته وبستأنس بي آراؤه لكن المرة دي ما بقدر أقول ليه غير nice try
هو بحاول يقول إنه الصديق المقصود في بوست أمل ما مقصود بيه شريك جنسي بسبب اختلاف مفهوم الإشباع بين الذكر والأنثى
أفضل إجابة بالنسبة لي اقتباسات بيلي كريستال للمعلمة الجميلة ميج رايان - تعالوا غالطوني برضو:) - من فيلم When Harry Met Sally (1989)
men and women can't be friends because the sex part always gets in the way.
no man can be friends with a woman that he finds attractive. He always wants to have sex with her.
ولما سألته:
So, you're saying that a man can be friends with a woman he finds unattractive؟
رد ليها
No. You pretty much want to nail 'em too.
يعني بالسوداني الفحل ما عواف
أما ألذ حاجة لما صاحبه حاول يهون عليه خيانة زوجته وقال ليه الزيجات ما بتنتهي بسبب الخيانة، وإنما الخيانة دي مجرد عرَض لحاجة تانية
Marriages don't break up on account of infidelity. It's just a symptom that something else is wrong
رد ليه
Oh really؟
Well, that "symptom" is fuucking my wife

هل احلم يوما ما بقراءة بوست عن اي موضوع حتى لو كان عن تطور اعمال صناعة المشغولات الحديدية في التبت مثلا دون ان يرد دكتور ياسر هذا التطور لافكار وكتابات الاستاذ محمود وينقل عشرات المقالات و الروابط!
ودون ان يرى عاصم اصابع مؤامرة التنظيم العالمي لتدمير صناعة الحديد في العالم العربي و السودان
ودون ان يملانا أحدهم فقر بذوقه التعبان في الأفلام!
وهل يمكن ان لا يرفع ود الزين البوست بعد مرور سنتين!

لا اعتقد، على الاقل ليس في حياتنا هذه 🙂

فتشت لي دون أن يجيب أحمد سيرة الأفلام الأمريكية :) لكن الحمد لله طلعت براءة

Quote: لكن الحمد لله طلعت براءة

ومن هو أحدهم يا XXX* ...

* تربل إكس بكون لا لامي مسلم لا كافر لا سلفي
لا ملحد لا شيوعي لا كوز ... فهو يعرف عن الإسلام
والكفر والسلفية والالحاد والشيوعية والكوزنة أكتر
من المعتنقين لها ... غلبني أصنفك ... والبوست دا
وإعجابك العميق جدا بهذه البنيه دليل صحه وعافيه
وعدم كرونا ... وباركالله في حاج الطريفي الذي
لفت انتباهنا لهذه الدرر ...

متعلق في الحافة والكرعين تحت مهويات
كل ما تفك يد واحس بي إني داير افلت التانية خلاص بساعدها بي عمرة :)
المهم جو إيمانيات كدة بخليك بدل تتعلق تكون قاعد في الحافة لكن برضو كرعينك برة وجاهر للتتلب :)
العمرة بتثبتني شهرين تلاتة كدة .. هسة آخر واحدة كانت يوم 27 رمضان
لكن قطع شك كان مشيت اوربا وبعدت من الحرمين ياني المتلب