يا داب شفت الفيديو وما بتذكر اني شفته قبل كده مع أنه حسب كلام ود البشرى موجود على اليوتيوب من زمن. المهم ليه اخونا عمر التاج والجماعة البصوروا وبعلقوا على الفيديو بتكلموا باحتقار شديد عن النساء وعن ملابس النساء وعن زينة النساء؟ بل حتى لماذا احتقار ملابس النساء الداخلية ووصفها بالقاذورات على لسان اخونا عمر التاج؟ ما تقول لي لأنها في مسجد وأنه المسجد ما مكانها ..ده ما تبرير مناسب لهذا الكم من الاحتقار واصطناع الغضب و القرف، ثم أنه من الواضح أنو الحاجات دي اتجابت واتشتت هناك بصورة استراتيجية ومن ثم تم تصويرها و التعليق عليها. مافي اي سبب منطقي بخلي واحدة ترمي ملابسها الداخلية وادوات عنايتها الشخصية في الواطة وتعرضها للغاشي و الماشي حتى لو كن نساء مثلها! الخلاصة..لباسات النسوان ما قاذورات يا عمر التاج..هي مجرد لباسات.
Post: #2 Title: Re: مسجد جامعة الخرظوم ..لا حول ولا قوة الا بال Author: بدر الدين الأمير Date: 08-03-2020, 04:23 PM Parent: #1
سيف يانصر هو مسجد جامعة الخرطوم ام مسجد حاج نور ام مسجد الجميعابى ام بنك الدرون الكيزان الكيزانى
Post: #3 Title: Re: مسجد جامعة الخرظوم ..لا حول ولا قوة الا بال Author: Ahmed Yassin Date: 08-03-2020, 04:45 PM Parent: #2
Quote: الخلاصة..لباسات النسوان ما قاذورات يا عمر التاج..هي مجرد لباسات
احتمال يا دكتور يكون من النوع دا في رواية (الجنقو مسامير الارض) باب شبق المرفعين
كانت لا ترتدي شَيئًا تَحت فستانها، وهذه فضيلة؛ لأنني لا أُطِيقُ رؤية ملابس المرأة الداخلية متسخة أو ممزقة، ولديَّ فُوبيا سِرية من ذلك، ففَور رؤيتي لما ذكرت، أُصاب بالعجز الجنسي التام،
Post: #4 Title: Re: مسجد جامعة الخرظوم ..لا حول ولا قوة الا بال Author: عبدالحفيظ ابوسن Date: 08-03-2020, 04:57 PM Parent: #3
لباسات النسوان بعملو ليهن عرض ازياء عديل كدة بالجد الفيديو ما مر علي ولا شفتو سابقا ممكن رابط ليهو؟
Post: #5 Title: Re: مسجد جامعة الخرظوم ..لا حول ولا قوة الا بال Author: سيف النصر محي الدين Date: 08-03-2020, 05:03 PM Parent: #4
Quote: هو مسجد جامعة الخرطوم ام مسجد حاج نور ام مسجد الجميعابى ام بنك الدرون الكيزان الكيزانى
تعددت الأسماء والمكان واحد يا الأمير. :)
Post: #6 Title: Re: مسجد جامعة الخرظوم ..لا حول ولا قوة الا بال Author: سيف النصر محي الدين Date: 08-03-2020, 05:06 PM Parent: #5
Quote: احتمال يا دكتور يكون من النوع دا في رواية (الجنقو مسامير الارض) باب شبق المرفعين
بالعكس يا ابوحميد..بتاعين الفيديو شايفنهم قاذورات anyway.
Post: #7 Title: Re: مسجد جامعة الخرظوم ..لا حول ولا قوة الا بال Author: سيف النصر محي الدين Date: 08-03-2020, 05:09 PM Parent: #6
Quote: ممكن رابط ليهو؟
اتفضل يا حفيظ
Post: #8 Title: Re: مسجد جامعة الخرظوم ..لا حول ولا قوة الا بال Author: عبدالحفيظ ابوسن Date: 08-03-2020, 05:32 PM Parent: #7
تشكر سيف دة امر قبيح ومقزز ومنحط قاتلهم الله
Post: #9 Title: Re: مسجد جامعة الخرظوم ..لا حول ولا قوة الا بال Author: Hafiz Bashir Date: 08-03-2020, 05:48 PM Parent: #8
سلام يا دكتور سيف النصر لزول الأخرج الفيديو وعمر التاج هدفهم أن يقولوا أن ملابس البنات الداخلية موجودة لأنهن مارسن ممارسات تتطلب خلع الملابس الداخلية والمتحدث في نهاية الفيديو قال وبعبارة صريحة أن الطابق الثاني من المسجد للزنا والدعارة.
الفيديو لم ينتشر كثيراً لأن الجهة التي صورت الفيديو عرفت أن الفيديو قد يكون مؤشر لحدوث إغتصابات داخل المسجد يوم فض الإعتصام أكثر منه كمؤشر على أخلاق الثوار. والشئ الثاني هو أن ساحة القيادة تم تقدير عدد الناس فيها في ليلة 11 أبريل ب 6 إلى 8 ملايين. وذلك يعني أن الثوار في ساحة القيادة أتوا من كل بيت من بيوت السودان، قليلة جداً البيوت السودانية التي لم تخرج ثائر معتصم في ميدان القيادة. لذا محاولة تلطيخ سمعة الثوار ووصفهم جميعاً بصفات مغايرة ومختلفة عن صفات بقية المجتمع السوداني هي مسألة غير مجدية وغير منطقية. الزول الأخرج الفيديو قد ما يكون قدر يتخيل مردود الفيديو لكن إعادة نشره من عمر التاج دا غباء راسو عديل.
من ناحية الإخراج، المخرج بتاع الفيديو كتر المحلبية. لو أنه نثر عدد قليل زي تلاتة او اربعة قطع من الملابس الداخلية لكان الفيديو أقرب لخيال الشخص المتلقي الطبيعي. كمية الملابس المنثورة على الأرض واضح جداً أنه قد تم نثرها بغرض التصوير. وأنه تم نثرها والمكان خالي، كان على المخرج ترك فراغات على الأرض لنتصور أن البنات كن جالسات فيها.
Post: #10 Title: Re: مسجد جامعة الخرظوم ..لا حول ولا قوة الا بال Author: سيف النصر محي الدين Date: 08-03-2020, 06:46 PM Parent: #9
يا عمر التاج قول بسم الله ياخ.. اولا انا ما مريت على بوست منتصر وكلامي هنا بنيته على المقتبس الذي اتيت انت به في معرض ردك على محمد البشرى. حامشي اشوف بوست منتصر واشوف كلامك هناك. ما عندي اي بلاوي عاوز ارميها عليك.
Post: #11 Title: Re: مسجد جامعة الخرظوم ..لا حول ولا قوة الا بال Author: سيف النصر محي الدين Date: 08-03-2020, 06:48 PM Parent: #10
Quote: من ناحية الإخراج، المخرج بتاع الفيديو كتر المحلبية. لو أنه نثر عدد قليل زي تلاتة او اربعة قطع من الملابس الداخلية لكان الفيديو أقرب لخيال الشخص المتلقي الطبيعي. كمية الملابس المنثورة على الأرض واضح جداً أنه قد تم نثرها بغرض التصوير. وأنه تم نثرها والمكان خالي، كان على المخرج ترك فراغات على الأرض لنتصور أن البنات كن جالسات فيها.
تحليلك سليم تماما مولانا دكتور حافظ. المشكلة أن ليس كل الناس يتعاملون مع ما ينشر وينتشر في الميديا بصورة نقدية.
Post: #12 Title: Re: مسجد جامعة الخرظوم ..لا حول ولا قوة الا بال Author: سيف النصر محي الدين Date: 08-03-2020, 06:50 PM Parent: #11
اخونا عمر اللمين..والله ما عندي ادنى فكرة أن الفيديو فيهو مشكلة او أن هناك مطالبات بحذفه او عدم نشره او ربما لم اركز اثنا مروري على بوست عمر التاج.
Post: #13 Title: Re: مسجد جامعة الخرظوم ..لا حول ولا قوة الا بال Author: جلالدونا Date: 08-03-2020, 07:01 PM Parent: #12
Quote: ما استفزاك الوسخ والقذارة في بيوت الله واستفزتك رفع الفيديو؟)
طيب يا عمر التاج الفيديو طلع مصنوعو مافى جادة زى دى حاصلة حسب ما ورد فى بوست اخونا ناصر امين اها الموقف الصحيح المفروض تاخدو شنو بعد التطوّر ده ____ اخونا سيف كل سنة و انت طيّب ياخ
Post: #14 Title: Re: مسجد جامعة الخرظوم ..لا حول ولا قوة الا بال Author: محمد البشرى الخضر Date: 08-03-2020, 07:19 PM Parent: #13
سلامات دكتور سيف وكل عام و انت و الزلماء بخير بعد اذنك سؤال للتاج, قلت و رددت أكثر من مرة يا تاج ان الفيديو منشور قبل فض الاعتصام في النت وسألتك برضو اكثر من مرة عن رابط هذا الفيديو عشان نتحقق من التاريخ الذكرته لكنك لم ماجبته ولم ترد حتى رغم انك تقرأ و تطالع المنبر و تتخير اين ومتي و على من ترد, لم لا تهتم بمصداقيتك و تدافع عنها بابراز الدليل على صدق حديثك!
Post: #15 Title: Re: مسجد جامعة الخرظوم ..لا حول ولا قوة الا بال Author: Hafiz Bashir Date: 08-03-2020, 07:20 PM Parent: #13
سلام يا عمر التاج
Quote: كلمة قذارة وردت مني في مطلع ردي عل ود البشرى في قولي ( ما استفزاك الوسخ والقذارة في بيوت الله واستفزتك رفع الفيديو؟) و القذارة هنا لا ترمز للملابس الداخلية بقدر ماترمز لاشياء انت تعرفها)، فبلاش ترمي بلاويك على.
كتب حافظ: (الزول التخرج الفيلم وعمر التاج هدفهم..) معقولة يا مولانا تختني مع منتج الفيلم في سرج واحد؟ اسه انت دخلت في قلبي كيف وعرفت الهدف من البوست الأصلي بدون ما اوضحه انا؟
معقولة يا عمر التاج تكتب الكلام الأنا في الإقتباس أعلاه لونته بالأحمر وبعده طوالي تتساءل عن إنو أنا عرفت هدفك كيف؟ يا عمر التاج هل أنت نقلت الفيديو دون أن تسمع محتواه؟ صاحب الفيديو قال أن الطابق الثاني في المسجد إستخدم للزنا والدعارة وأنت أعدت نشر الفيديو بكامله دون أن تتبرأ من غرض صاحب الفيديو.
Post: #16 Title: Re: مسجد جامعة الخرظوم ..لا حول ولا قوة الا بال Author: سيف النصر محي الدين Date: 08-03-2020, 08:19 PM Parent: #15
Quote: سلامات دكتور سيف وكل عام و انت و الزلماء بخير
سلامات يا ابو حتحوت وكل عام وانتم بخير. نبشرك "الزلماء" بخير ويسلمون عليك :)
Post: #17 Title: Re: مسجد جامعة الخرظوم ..لا حول ولا قوة الا بال Author: سيف النصر محي الدين Date: 08-03-2020, 08:20 PM Parent: #16