|
|
|
 Re: يفيض النيل نحيض نحنا وناس الهضبة قالو حنس� (Re: بدر الدين الأمير)
|
Quote: يا مطر عز الحريق
من الواسوق أبت تطلع !!
من الأبرول أبت تطلع !!
من الأقلام أبت تطلع !!
من المدفع طلع خازوق .. خوازيق البلد زادت
يفيض النيل نحيض نحنَ .. يظل حال البلد واقف
تقع محنه ولا النيل القديم ياهو … ولا يانا
نعاين في الجروف تنهد … ولا يانا
رقاب تمر الجدود تنقص … ولا يانا
متين إيد الغبش تتمد لا قدام … لا قدام
تتش عين الظلام بالضو .. تفرهد شتلة لا هدام ..
ولا فيضاً يفوت الحد .. عقب يانيل تكون ياك ..
ونكون أهل البلد بالجد ...
يا مطر عز الحريق ..
يا مصابيح الطريق ..
يا المراكبية البتجبد ..
من فك الموج الغريق ..
جينا ليك والشوق دفرنا ..
يا نشوق روحنا ودمرنا ..
يا المحطات الحنينة ..
القصرت مشوار سفرنا ..
يا ما شايلك فيني حايم .. لا اليالي المخملية
لا العمارات السوامق .. لا الأسامي الأجنبية
بتمحى من عيني ملامحك ..
وإنتِ جايهِ المغربيهِ .. داقسهِ دايشهِ المغربيهِ
وشك المكبوت مكندك .. سمصونايتك زمزميهِ
كون شبر طوريه منجل ..
سبحه فانوساً مدردح ..
قلتي بيهن لي زمانك ..
يا زمان الآهه حدك ..
يا زمان الحاجة عندك ..
لا تطي الوردة الصبيه
|
الكامت لمحمد الحسن حسن سالم حميد
الغناء لمصطفى سيد احمد
| |
  
|
|
|
|
|
|
|
|
Re: يفيض النيل نحيض نحنا وناس الهضبة قالو حنس� (Re: بدر الدين الأمير)
|
الأمير تحياتي يا جميل
منذ أيام أهلنا في جزيرتنا في الشمالية عايشين في احباط
لأن النيل قادم وسوف يحدث دمار هائل في الجنائن والنخيل
لا أعرف متى ينتهي العمل في سد النهضة ونرتاح من الفيضانات القاتلة
حبيبنا الامير نحن عايشنا الفيضانات قبل كده ( كارثة ) تجلب المرض والاكتئاب
وهو سبب رئيسي لهجرة الكثير من اهل الجزر الى المدن والعوالم رغم لديهم سواقي واراضي
المصريين اذكياء بنوا السد العالي اغرقوا حلفا وهم اصبحوا في مأمن من الفيضانات
يزرعوا على ضفتي النيل وينتجوا الفواكه الجيدة وخاصة الفراولة وغيرها بالسماد الطبيعي ومياه النيل
وتصدر الى أوربا بأغلى الاثمان
النوع الثاني من الفواكه والخضروات من مياه المجاري النوع ده للوطن العربي وافريقيا ربما اكثرها الى السودان
الفيضان دمار .. هدام .. وخسارة اقتصادية لاحظ ضفاف النيل من الجيلي الى حلفا ( الزراعة فيها بدون تكلفة تذكر )
هكذا نكون محرومين إلا من موسم الشتاء .. والأهم لا نستطيع شتل الفواكه ..
يا رب تنصر اثيوبيا لبناء السد وحجز المياه ..
تحياتي الامير
| |
|
|
|
|
|
|
|
|
|
Re: يفيض النيل نحيض نحنا وناس الهضبة قالو حنس� (Re: اخلاص عبدالرحمن المشرف)
|
اهلين اخلاص
تسلمى ياراكزة
ياسيدتى مصر دى اصلا ماجانا ولابجينا منها خير
وجنهم وجن ان يحكم السودان بحكومة مدنية
دايرين عساكر ارجوزات يتحكمو فيهم
طبعا لحميد ومصطفى ملحمة طويلة
بعنوان الضو وجهجهة التساب تحكى عن فيضان 1988 مصطفى وضع لها فكرة لحن
المحلحمة تقع فى اكثر من عشرين ورقة فلسكاب رحل مصطفى
قبل ان ترى الملحمة النور
| |
|
|
|
|
|
|
| |
بدر الدين الأمير
علي عبدالوهاب عثمان
فيس بوك
تويتر
انستقرام
يوتيوب
بنتيريست