مسجد جامعة الخرطوم.. لا حول ولا قوة الا بالله

05:43 PM August, 02 2020

سودانيز اون لاين
عمر التاج-KHT
مكتبتى
رابط مختصر

-ان يتم تأسيسه في عهد الصادق المهدي عام ١٩٦٨ في منطقة البركس؛ فشكرا للامام وجزى الله خيرا الذين قاموا على أمره..
-وان يتم انتقاله لموقعه الحالي في بداية الثمانينات فشكرا لمن اختار هذا الموقع الاستراتيجي
-وان يقوم الكيزان بتطوير واعادة انشائه فجزى الله خيرا من قام بذلك..
-وان يقوم للكيزان بتحويله لقلعة سياسية يمارسون فيه أمورهم التنظيمية فتبا لهم وذنبهم على جنبهم..
-أما ان يتحول مسجد الخرطوم لغرفة نوم ممتلئة بالملابس الداخلية وتعج بلوازم الفتيات فذاك والله هو الغضب العظيم؛ قاتل الله من قام بذلك واخزاه دنيا وآخرة .

Quote: دوره السياسي لعب المسجد أدواراً محورية في كثير من المنعطفات السياسية الحادة التي مرت بها البلاد، وكان منبراً للحركة الإسلامية في عهود القهر السياسي العسكري.. -في العام 1973 "ثورة شعبان" كان المسجد محلاً للتعبئة السياسية، تقام فيه الندوات، ويصدع فيه الخطباء بمعارضة سياسات نظام النميري في وقت حُلت فيه الاتحادات الطلابية، وكانت الندوات التي تقام فيها من أقوى الندوات، يؤمها ما لا يقل عن 3000 طالب. -في يوليو من العام 1976 "حركة محمد نور سعد،فشلت عناصر حزب الأمة التي كانت تسيطر على الإذاعة، فشلت في تشغيل أجهزة البث، الأمر الذي جعل الحركة مجهولة الهوية للسودانيين، وكان ذلك عاملاً رئيساً في القضاء عليها!! وفي تلك الظروف استفاد الإخوان المسلمون من منبر مسجد الجامعة للتعريف بحركة يوليو، حيث خاطب الشيخ إبراهيم السنوسي من منبره طلاب الجامعة معرفاً بالحركة وأهدافها، وكان ما يقال في المنبر يجد طريقه مباشرة إلى أجهزة الإعلام الخارجي. وحتى بعد فشل الحركة وانتهائها، كان جهاز أمن النميري يركز على متابعة خطب الجمعة في مسجد الجامعة، ويجتهد في ملاحقة الخطباء، ويحكي الشيخ ياسر عثمان جاد الله الذي كان خطيباً للمسجد في تلك الفترة، أن الإخوان كان لهم طرق بارعة في تهريب الأئمة بعد الخطبة، بحيث لا يتمكن رجال الأمن من اعتقالهم. من الأئمة الذين تعاقبوا على المسجد في فترة السبعينات؛ الشيخ حاج نور، ود.جعفر ميرغني، الشيخ ياسر عثمان جاد الله النذير، والشيخ حسن سليمان صاحب قصيدة "نسمات الفجر تهلل"، الذي كان أحد شهداء الإخوان المسلمين في دار الهاتف- نحسبه كذلك- إبان حركة يوليو 1976م. وبعد أن أعلن النميري تطبيق الشريعة الإسلامية كان لابد لمسجد الجامعة أن يؤيد تلك الأوبة إلى الله تعالى وشريعته، ويساندها. الجبهة الإسلامية القومية التي ظهرت بعد انتفاضة رجب، استفادت من مسجد الجامعة في التعبئة السياسية، كما استفادت من غيره من المساجد، ومن عاش تلك الفترة يذكر ثورة المصاحف التي أعقبت خروج الجبهة من حكومة الوفاق الوطني، بعد موافقة حزب الأمة على "اتفاقية الميرغني قرنق" التي أقرت تجميد الشريعة الإسلامية..كان ذلك بوقت قليل قبل قيام ثورة الإنقاذ الوطني في يونيو 1989م. عقب 30 يونيو 1989 وفي عهد الإنقاذ انتقل الدور السياسي لمسجد الجامعة نقلة نوعية، حيث أصبح منبراً للدعوة إلى الجهاد، منه يندفع الشباب إلى أحراش الجنوب، يقاتلون حركة التمرد، في الملاحم الكثيرة التي شهدتها تلك الفترة، بل إن ثلة المجاهدين قد تولوا الخطابة في مسجد الجامعة، بعضهم لقي ربه-نحسبه شهيداً ولا نزكيه على الله تعالى- مثل الشيخ علي عبد الفتاح، والشيخ حاج نور، ومنهم من لا يزال حياً مثل الشيخ حاج ماجد، أمير الدبابين.

يا عمر التاج ضلال الكيزان ده ما بياكل مع الناس تاني إستثارة العاطفة الدينية بالكذب ما بترجعكم تاني شوفوا باب تاني قلت لي بدل ما يخزنوا فيه سيخ بقى فيكتوريا سيكريت بقيت ود باوقة المرحلة الجديدة

والله يا عمر التاج يا خوي قدر ما حاولنا نضاري
عليك أنت ما عايز تتغطي وتشيل وتتكشف.
...................
أنا شايف بعد كدا اللعب بى ورق مكشوف أحسن

ده تهافت غريب جدا منك يا عمر !
بقيت بتفتش ، نفسك قايم وقلبك مقطوع عشان تلقا موضوع ميت جدا
بلا ساقين بالطبع عشان تفتح بيهو بوست تنتقد بيهو جهة معينة ، تصريحا او تلميحا
اسي ده خبر؟
لا ما خبر ، لانو الجهة الصاغت الكلام ده وفكتو ليكم يفترض تمشي القانون عشان
الجهة المسئولة تجي تشوف الفتح فرع فيكتوريا سيكريت ده منو ؟ تفتح بلاغ يعني
لانو في جهة تانية كمان عندها مفاتيح المسجد ومفاتيح الغرف الملحقة بيهو ناحية
دار الخريجين..
اسي لو سألناك ، الموضوع ده بخص المسجد ذاتو مكان الصلاة ، ام الغرف الملحقة
به ، اتمنى انك تكون عارف بالتحديد ، وما تجي تقول مش مهم وين بالظبط ..

كدي يا جماعة استهدوا بالله ؛ واخدوا الأمر امر دين وليس سياسة.. الشاف فيكم الفيديو يجيبه أو يعلق عليه والماشافه ينتظر نصف ساعة..

نص ساعة شاريهن ينشفن

بعد داك أوعك من التزوير لباسات أخوات نسيبة من الذين يلبسن بنعرفهم

يا منتصر ،أسه الجاب سيرة اللباسات والسراويل منو في البوست ده؟
على كل حال ما كنت أريد جلب الفيديو ، وكان قصدي التلميح له والتعليق عليه فقط
ولكن طالما أنت مستعجل فما حانردك مع الخائبين ..
ونعتذر مقدما لكل من يجرح الفيديو مشاعره أو يسمع ويشاهد مالا يسره ..
وسأقوم بسحب الفيديو من البوست في غضون ساعات المهم أن نحافظ على نظافة وتطهير بيوت الله دون خلطها مع أمور السياسة

..
..
قمت بسحب الفيديو لأن فيه مشاهد غير لائقة ، ومن يريد مشاهدته فعليه التوجه نحو مكتبتي في اليوتيوب الخاصة بسودانيز.
ونعتذر مقدما ومؤخرا لمن شاهده

اسحبو يا عمر واسحبوا ن قناتك حتى ما تهبل بي روحك
الفيديو انت عارف تاريخه متين و الاحداث المصاحبة ليه! سيبك من معارضة قحت و السخف البتعمل فيه دا كوم و فض الاعتصام والاحداث التي تمثل جرحا غائرا في قلب و كرامة كل سوداني حر كوم تاني
انت عارف الحصل شنو للمعتصمات جوة المسجد! وفي رمضان كمان, جاي تتباكي على المسجد اسي, عيب ياعمر, مهما كان يوجد قاع للسقوط ما ممكن تحاول تتجاوز القاع حتى

انت ما فرزتهم ناس الدعم السريع؟
ما سألت نفسك البطلعهم طابق النسوان شنو؟

فعلاً عوارة
عوارة كونك بتتخيل إنه الواحدة بتسيب ملابسها الداخلية في المسجد بإرادتها مزاج كدة
عوارة وانت ما فاهم روحك بتكتب في شنو

يعني يا ود البشرى اتجاوزت محتويات الفيديو بهذه السرعة وقفزت على طول لملابساته واطاره الخارجي ؟
ما استفزاك الوسخ والقذارة في بيوت الله واستفزتك رفع الفيديو؟
الفيديو ده لعلمك ما أتصور يوم فض الاعتصام عشان ماتخلط الأمور وتدخل عاطفة الثورة على قدسية دين الله
وفي كل الأحوال قلت أني سأحذف الفيديو لسبب اخر غير الذي أنت قلت

Quote: اسحبو يا عمر واسحبوا ن قناتك حتى ما تهبل بي روحك الفيديو انت عارف تاريخه متين و الاحداث المصاحبة ليه! سيبك من معارضة قحت و السخف البتعمل فيه دا كوم و فض الاعتصام والاحداث التي تمثل جرحا غائرا في قلب و كرامة كل سوداني حر كوم تاني انت عارف الحصل شنو للمعتصمات جوة المسجد! وفي رمضان كمان, جاي تتباكي على المسجد اسي, عيب ياعمر, مهما كان يوجد قاع للسقوط ما ممكن تحاول تتجاوز القاع حتى

أخى ود البشرى
ليس عليه لوم لأن ذلك ديدن الإخوان المسلمين
لكن اللوم على بكرى

يا عمر التاج لا يوجد قاع للهبوط اذا كان مرجعيتك فيديوهات الجنجويد يوم فض الاعتصام لتبرير قتل الشباب واغتصاب الحرائر الجنجويدي الخاشي المسجد بي البوت ده مرجعيتك انت وبني كوز وفي فيديوهات اكتر من كده لذاك اليوم المهم دي ما بتآكل مع الناس بس إن شاءالله انت شغلتك دي هواية ما احتراف ، بالمناسبة مكنات الجنكويز دي بتمشي في الوهم لكن زمن ناس نميري يهدوا الجزيرة ابا ويجيبوا قزاز ويسكي وملابس نسائية داخلية ويختوها في سراية الامام دي زمنها فات وما بتمشي في الخلا فعشان تحلل قروشك شوف مدخل تاني وما تمسح الڤيديو إلا تكون خجلان منو

لا تمسح الفيديو ولا البوست
خليهن شاهدات على إنحطاطك

والله يا اللخو عمر التاج دا سقوط شنيع منك

دا المسجد الإغتصبو الكيزان فيه البنات و الاولاد ..... ؟؟؟؟؟
القذرين الحايمين اثناء التصوير فيهم كم واحد بي احذيتهم داخل المسجد
لعنة الله على الكيزان و اعوانهم ....

أحمد عمر مافي منحط في المنبر أكثر منك
وبوستاتك بتاعة الشيشة وبيوت الشنو ديك بتشهد عليك
فبالله ما تفتينا في أمور مابتفهما .. ناقش على قدر ما أعطاك ربك من هبالة..
الجندي البتكلم في الفيديو ده (أكان جنجويد أو غيره) أكثر غيرة على دين الله وشرف السودانيات منك

Quote: الفيديو ده لعلمك ما أتصور يوم فض الاعتصام عشان ماتخلط الأمور وتدخل عاطفة الثورة على قدسية دين الله

اعوذ بالله من المكابرة
طيب اتصور متين؟ طالما بتتكلم بالثقة دي معناتها عارف بالضبط تاريخ التصوير
قول متين تم التصوير

Quote: لا تمسح الفيديو ولا البوست خليهن شاهدات على إنحطاطك

الفيديو تقريبا بعد فض الاعتصام بعد الواطة صبحت ..
وتمت مداهمته وقتها وبعض البنات نايمات
لان فض الاعتصام كان وقته متاخر
فأكيد البعض منهن جاء يرتاح وينوم شوية
البنات مشن وما قدرن شالن حاجتن ..
وتمت بعثرتها لاجل تفتيش أو بسبب آخر
لو اتعرف التاريخ متين بالتحديد يكون جيد ..

انا غايتو شايف الفيديو ده دليل إدانة
على ما حدث من جرائم اغتصاب مروعة
في فض الاعتصام وتم السكوت عليها
من المجني عليهن والأكيد تم اغتصاب الكثيرات
وسكتن عشان ما يبقى اغتصاب وفضيحة
لهذا تم إخفاء هذا الفيديو لحظتئذ
وما مرق إلا هسه بعد ما ضمن الجناة ..
إنه مافي محاسبة لاحد على جرائم فض الاعتصام ..
ولجنة نبيل أديب دي حتلف تلف في الفاضي ..
ولن تصل يد العدالة لأي مجرم قتل واغتصب ..


فيديو مؤلم ومخزي صراحة لان الشغلة ..
ما وساخة في مسجد .. لا ..
الموضوع أكبر من كده بي كتير ........

Quote: لهذا تم إخفاء هذا الفيديو لحظتئذ وما مرق إلا هسه بعد ما ضمن الجناة ..

يا ود القوز ياخي اخفاء شنو و مرق هسة شنو!
الفيديو في اليوتيوب ليه سنة وأكتر !

Quote: يا ود القوز ياخي اخفاء شنو و مرق هسة شنو! الفيديو في اليوتيوب ليه سنة وأكتر !

غريبه والله ما شفتو قبل كده ..
ده فيدو كارثي بمعنى الكلمة ..

Quote: والله يا اللخو عمر التاج دا سقوط شنيع منك

الكوز ده ساقط بى كمية سقاطيط يا طلحة
ساقط من علّ و ساقط زى التلج
و ساقط فى لعبة التخفّى البمارس فيها هنا باسم الاستقلالية

سقوط حر