Post: #1
Title: موكب من الموردين والمصدرين ورجال الصناعة يطالب بإقالة عباس مدني
Author: زهير عثمان حمد
Date: 08-02-2020, 08:09 AM
Parent: #0
08:09 AM August, 02 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
الخرطوم- ديساب
طالبت الغرفة التجارية بإقالة وزير الصناعة والتجارة مدني عباس مدني من منصبه واتهمته بالفشل في إدارة ملف التجارة، وذلك بعد ايام من انتقادات حادة وجهها له نائب رئيس مجلس السيادة، محمد حمدان حميدتي.
وكشف عضو الغرفة التجارية محمد مصطفى احمد خليفة، حسب (أول النهار) عن تحرك موكب الموردين، والمصدرين، ورجال الصناعة، من أمام وزارة التجاره والصناعة إلى القصر الجمهوري، في يوم الأحد الموافق ١٦ أغسطس في تمام الساعة العاشرة صباحا لتسليم رئيس اللجنة الاقتصادية الفريق أول محمد حمدان دقلو مذكرة تطالب بإعفاء مدني عباس من التجارة والصناعة، لأسباب القصور والفشل المريع في حل مشاكل ومعوقات التجارة والصناعة في البلاد مما تسبب في خسائر كبيره لهم وللاقتصاد السوداني.
|
Post: #2
Title: Re: موكب من الموردين والمصدرين ورجال الصناعة
Author: Hassan Farah
Date: 08-02-2020, 08:16 AM
Parent: #1
هل لحميدتى صلاحيات لاقالة وزير يا حرامية
|
Post: #3
Title: Re: موكب من الموردين والمصدرين ورجال الصناعة
Author: ABUHUSSEIN
Date: 08-02-2020, 08:58 AM
Parent: #2
| Quote: لتسليم رئيس اللجنة الاقتصادية الفريق أول محمد حمدان دقلو مذكرة تطالب بإعفاء مدني عباس من التجارة والصناعة، |
دي منتشة منهم ساي ....
الوزراء مسؤلية رئيس الوزراء ....
|
Post: #4
Title: Re: موكب من الموردين والمصدرين ورجال الصناعة
Author: Dr. Ahmed Amin
Date: 08-02-2020, 09:22 AM
Parent: #3
شكل القصة (ملعوبة) !!!!
قبل ايام حميدتي ينتقــد مدني علنا ..
لذلكـ سير (الجماعة) موكب له ... واللبيب بالاشارة يفهم
اصلا في مورد او مصدر ما (كوز)؟ او (كركاسة) كيزان ؟
|
Post: #5
Title: Re: موكب من الموردين والمصدرين ورجال الصناعة
Author: Salah Zubeir
Date: 08-02-2020, 01:50 PM
Parent: #4
| Quote: اصلا في مورد او مصدر ما (كوز)؟ او (كركاسة) كيزان ؟ |
والله يا دكاتره بقيتو هتافيه وتلخو ساي ...
دا اسلوب الدكاترة ... نان خليتو لي زلنطحية المنبر شنو ...
انا مصدر لي اكتر من سنة وداخل في الحراك دا ...
تعال يا دكتور حسن أثبت إنو أنا سرقتا من جيبك ولا من
جيب حكومة السودان ....
ويا دكتور احمد انا كنتا قاعد في خلا المنطقة الغربية عندك
في إمارة أبوظبي بالظبط كدا ٣٧ سنة ... فرصة عشان ابقي
كوز ولا شيوعي ما كانت عندي ... السياسة دي زاتا ما عندي
بيها شغله او علاقة إلا بعد دخلتا سودانيزاونلاين دي ٢٠١٦ ...
فيا اخي الاحكام الجايره وما عندك ليها اثبات دي ما تتورطو
فيها مجانا كدا ...
الخبر إذا فيهو مشكلة بتكون مقابلة حميدتي بحكم اهتمامه
وبحكم اطلاعه علي معوقات التصدير والاهم من كدا انو رئيس
اللجنة الإقتصادية الفيها حمدوك ...
فوق دا كلو التصدير والاستيراد فيهم مشاكل مفتعله بفعل
ومعرفة وزير التجارة شخصيا ... زمن الغتغته ولي من غير
رجعه ...
|
Post: #7
Title: Re: موكب من الموردين والمصدرين ورجال الصناعة
Author: طلحة عبدالله
Date: 08-02-2020, 01:55 PM
Parent: #5
سلام يا صلاح وكل سنة وأنت طيب والأهل اجمعين
انتبهت فعلا إلى أنك قلت مصدر عشان كدا عدلت
المهم اتمنى والله أن لا ترمى الاتهامات جزافا سواء
عليك أو غيرك .
تحياتي
|
Post: #8
Title: Re: موكب من الموردين والمصدرين ورجال الصناعة
Author: Salah Zubeir
Date: 08-02-2020, 02:02 PM
Parent: #7
حباب طلحة وربنا يكرمك ويديك الصحة والعافية
ويخلي ليك أهلك واحبابك ...
|
Post: #6
Title: Re: موكب من الموردين والمصدرين ورجال الصناعة
Author: عبدالوهاب احمد صالح
Date: 08-02-2020, 01:54 PM
Parent: #4
ما شافوا حرامية الدواء والمستشفيات الخاصه شالوا د.اكرم.
|
Post: #9
Title: Re: موكب من الموردين والمصدرين ورجال الصناعة
Author: Dr. Ahmed Amin
Date: 08-02-2020, 08:33 PM
Parent: #6
تحياتي اخي صلاح زبير..
لم اقصدك بتعليقي من قريب أو بعيد.
واسف ان حدث لبث في الأمر..
وكل عام وانت بخير 🌹
------------------------------
نفت لجنة التسيير لاتحاد الغرف التجارية اي صلة لها للدعوة التي خرجت بإسم الغرفة التجارية بإقالة وزير الصناعة والتجارة مدني عباس مدني وقالت انها لا تمثل اللجنة، كما نفت صلتها بتحرك موكب المصدرين والموردين وورجال الصناعة الى القصر الجمهوري يوم الاحد 16 اغسطس وتقديم مذكرة للمطالبة باعفاء وزير التجارة والصناعة.
وقالت الدكتورة علوية علي حسين الأمين العام لاتحاد الغرف التجارية فى تصريحات صحافية أن العلاقة تكاملية مابين القطاع الخاص وحكومة الثورة وإن اتحاد الغرف التجارية كان جزءا أصيل من الثورة من خلال دعمه اللامحدود من أجل تحقيق أهداف ثورة ديسمبر المجيدة.
|
|