فيديو: كلام خطير من حميدتي يحتاج لجنة محاسبة وتفكيك تمكين وليس لجنة اراضي؟

فيديو: كلام خطير من حميدتي يحتاج لجنة محاسبة وتفكيك تمكين وليس لجنة اراضي؟


07-27-2020, 09:22 PM


  » http://sudaneseonline.com/cgi-bin/sdb/2bb.cgi?seq=msg&board=510&msg=1595881356&rn=15


Post: #1
Title: فيديو: كلام خطير من حميدتي يحتاج لجنة محاسبة وتفكيك تمكين وليس لجنة اراضي؟
Author: Gafar Bashir
Date: 07-27-2020, 09:22 PM
Parent: #0



ما صرح به حميدتي اليوم شي عجيب وخطير جدا جدا

الرجل الثاني في الدولة ومالك اكبر قوة عسكرية في السودان ...يصرح ويعلن هددونا بالتصفية ...
خلاصة كلامه وطريقة شرحه للوضع المالي في السودان يوضح بصورة واضحة وغير قابلة للشك بان هنالك جهة هي التي تسيطر وتستولي علي كل موارد البلد من بترول وذهب وعملات اجنبية. ..!

حميدتي: "دمار البلد دي من داخل الخرطوم".

حميدتي: صادر فول بمبلغ ٩٠ مليون دولار تلف في الحاويات بميناء بورتسودان.

حميدتي: "نسمع تصفيات وتهديدات.. لكن نقول لهم لن يصيبنا إلا ما كتب الله لنا".

حميدتي: "معنوياتنا يومي داقة الواطة".

حميدتي: "ما يحدث في صادر الذهب شغل بتاع مصالح ولوبيات".

حميدتي: سنضع أيدينا على مناجم الذهب بمناطق الإنتاج.

حميدتي: الثورة لم تُغيِّر شيئاً.

حميدتي: "دمار البلد دي من داخل الخرطوم".

حميدتي: "شغالين في ثلاث حاجات البورصة والمحفظة والنافذة الموحدة".

حميدتي: "البلد دي فيها مافيا وعصابة دولار كبيرة وعاملين فيها نظيفين.. َلكن كلهم مُجرمين".

حميدتي: "إذا عاوزين البلد ده تطلع لازم نشوف محل الجرح وين عشان نكوي كي".

حميدتي: "لو اشتغلنا بالكلام البنقولو من أول يوم لاجتماع لجنة الطوارئ.. الدولار بالكتير يكون في حدود ٨٠ جنيهاً".

حميدتي: "قبضنا طائرة تحمل ٣٤٠ كيلو مشمعة وصلناها لمطار الخرطوم وتم فكها".
حميدتي: خزينة الدولة تحتاج الآن لـ(9) ملايين دولار.

حميدتي: "ناس ماشين زي الطلقة يدمروا في البلد دي ونحن ما ح نخليهم".

حميدتي: "البلد دي فيها مافيا وعصابة دولار كبيرة وعاملين فيها نظيفين.. َلكن كلهم مُجرمين".

حميدتي : خطتنا لإنقاذ الاقتصاد تواجه بمعاكسات كبيرة وهناك مافيا تعيق الحلول

حميدتي: شركات ذهب تنتج يومياً (٣٠٠) كيلو "مافي زول واضع إيدو عليها"

حميدتي: "الناس المصوا دم البلد دي في العهد السابق هم نفسهم.. بس اتلونوا مع الثورة دي".

Post: #2
Title: Re: فيديو: كلام خطير من حميدتي يحتاج لجنة محاس
Author: Gafar Bashir
Date: 07-27-2020, 09:59 PM
Parent: #1

ده كلام لازم يكون فيهو تحقيق
عشان نفهم كلنا شنو الحاصل

وزير التجارة والصناعة
رئيس الوزراء
لجنة التفكيك

Post: #3
Title: Re: فيديو: كلام خطير من حميدتي يحتاج لجنة محاس
Author: Gafar Bashir
Date: 07-27-2020, 10:02 PM
Parent: #2

لجنة تفكيك التمكين
شغالة كلجنة اراضي


Post: #4
Title: Re: فيديو: كلام خطير من حميدتي يحتاج لجنة محاس
Author: عمر التاج
Date: 07-27-2020, 10:04 PM
Parent: #2

Quote: وزير التجارة والصناعة

يبدو أن المواجهة القادمة ستكون مع حميدتي شخصيا

Post: #5
Title: Re: فيديو: كلام خطير من حميدتي يحتاج لجنة محاس
Author: علي عبدالوهاب عثمان
Date: 07-27-2020, 10:10 PM
Parent: #4

الحبيب جعفر .. تحياتي
كلام في غاية الخطورة ولكن الشفافية مهمة
يبدو أن حميدتي واضح وصريح وحديثه مباشر بدون دبلوماسية
بقى زي حبيبنا ترامب
شخصياً نال اعجابي بهذا الوضوح
بدون تستر أو مجاملة
أكيد كل من ينافس حميدتي سيخسر ... حميدتي لديه دعم خارجي وجيش كامل العتاد

تحياتي حبيبنا جعفر ..

Post: #6
Title: Re: فيديو: كلام خطير من حميدتي يحتاج لجنة محاس
Author: Gafar Bashir
Date: 07-27-2020, 10:10 PM
Parent: #4

Quote: يبدو أن المواجهة القادمة ستكون مع حميدتي شخصيا


ايوة لكن السؤال العايز اجابة
مواجهة منو مع حميدتي
ما لم لتكون الحكومة ووزراءها جزء من المافيا يبقي السؤال قائم
منو ده الماقدرين كل الوزراء ومجلس السيادة يتكلمو عنو
لحد ما يتكلم عنها حميدتي

Post: #7
Title: Re: فيديو: كلام خطير من حميدتي يحتاج لجنة محاس
Author: Hafiz Bashir
Date: 07-27-2020, 10:40 PM
Parent: #6



Quote: مواجهة منو مع حميدتي


محاولة من حميدتي في إثارة الشكوك حول الكل، حكومة مدنية، عساكر، وأعداء خفيين في مظهر ثوار.
ومحاولة أيضاً منه لإطلاق وعود وللظهور بمظهر الرجل الوحيد الجاد والصادق والقادر على الخروج بالسودان من الأزمة.



Post: #8
Title: Re: فيديو: كلام خطير من حميدتي يحتاج لجنة محاس
Author: اخلاص عبدالرحمن المشرف
Date: 07-28-2020, 02:01 AM
Parent: #7

حميدتي اكبر مهدد لاقتصاد السودان
يريد وضع يده علي الذهب بعد أن طاردت
الأمم المتحدة اعماله، حميدتي بحب أن يوقف
ويبعد عن اللجنة الاقتصادية ، حاكم بالبندقية
ويريد الاستيلاء علي الذهب من المحطة الأخيرة
بعد أن أبعد من المحطة الأولي ، كثر حديثه
لكثرة مخاوفه، الان صور شنق حميدتي تملأ الميديا

Post: #9
Title: Re: فيديو: كلام خطير من حميدتي يحتاج لجنة محاس
Author: Mutasim Idris
Date: 07-28-2020, 02:53 AM
Parent: #8

الحبيب جعفر تحياتي..
سبقتني علي البوست دا كنت عاوز اصل البيت وادور ههه.
كلام حميدتي بيعني حاجة واحدة.. ما سقطت ما سقطت.
في البداية من حميدتي نفسه.. قال (استلفنا)!!
من منو استلف وباسم منو استلف وكيف خشت
القروش دي ومنو استلمها؟؟
الذهب دا من وين وحق منو؟ سبهللية شديدة.
كلامه عن حمدوك بيعني انه الزول دا راجل طيب لكن
ما شغال بالحاصل الشغلة ووزراءه لا رقيب عليهم
ولا حسيب.
اما كلامك عن (لجنة التخدير) من اول يوم فتحت بوست
هنا وسميتها لجنة مصادرة الاراضي.
طول ما موجود تشريعي يا جعفر اذن البلد دي ح
يكون دا حالها.
المحاسبة علي كل من شارك في الفضيحة دي..
بالمناسبة حميدتي قدامه فرصة موااااتية يدق الدلجة
بجقق كبار ويفضحهم ويعريهم بعد الشارع ما
انتظر ااااااي مكسب في حقه..
قال الدولار مفرووووض يكون 15 جنيه هههههه.
ح ارجع تاني للبوست دا.

Post: #15
Title: Re: فيديو: كلام خطير من حميدتي يحتاج لجنة محاس
Author: Gafar Bashir
Date: 07-28-2020, 11:09 PM
Parent: #9

حبيبنا معتصم

لجنة تفكيك التمكين انا برضو رايي فيها واضح من الاول
اراضي شنو نعمات منو وعلوية منو
الناس الكانت في الجبهة الاسلامية وماسكة مفتيح الاقتصاد اسماء معروفة
الاموال الاتهربت لخارج معروفة الدهب البتصدر معروف
المؤسسات المستولي عليها الجيش بغير وجه حق معروفة
بدل ما نقعد نشحد جنيه لله يا جماعة
لكن علي امل كلو خطوة وفيها بركة


جميدتي قطع شوط طويل
اذا فعلا جادي في انو يمشي في اتجاه زي ده صحيح كلامك ممكن يعري ناس كتيرين
لكن المشكلة في مصالح لسة مشتركة وفي موازنات داخلية وخارجية
بس هو لما روحو تحرقوا ( هههههه ) بطلع يرمي ليهو كلمتين تلاتة وياخي افهموا
وياخي والله فاهيمن
الله يكون في العون

Post: #10
Title: Re: فيديو: كلام خطير من حميدتي يحتاج لجنة محاس
Author: adil amin
Date: 07-28-2020, 03:08 AM
Parent: #8


Post: #11
Title: Re: فيديو: كلام خطير من حميدتي يحتاج لجنة محاس
Author: Gafar Bashir
Date: 07-28-2020, 09:58 AM
Parent: #10

Quote: محاولة من حميدتي في إثارة الشكوك حول الكل، حكومة مدنية، عساكر، وأعداء خفيين في مظهر ثوار.
ومحاولة أيضاً منه لإطلاق وعود وللظهور بمظهر الرجل الوحيد الجاد والصادق والقادر على الخروج بالسودان من الأزمة.


تمام يا مولانا حافظ
تتعمل لجنة محاسبة ومساءلة لي حميدتي
اذا كان كلامو كلو كذب
وزارة التجارة توضح لي شحنة الذهب بعد اتمسكت غادرت
منو المسئول عن المنتجات الفي بورسودان
منو اتحاسب عليه

دي تهم بتطلب واحد من اتنين اما تحقيقات مع الجهات المسئولة او توجيه تهم لحميدتي

Post: #12
Title: Re: فيديو: كلام خطير من حميدتي يحتاج لجنة محاس
Author: Hafiz Bashir
Date: 07-28-2020, 11:56 AM
Parent: #11



Quote: وزارة التجارة توضح لي شحنة الذهب بعد اتمسكت غادرت
منو المسئول عن المنتجات الفي بورسودان
منو اتحاسب عليه

يا جعفر حميدتي ما قال شي جديد بل أطلق رصاص طائش
لأغراض تصب في مصالحه ضمن صراعه مغ آخرين لإحتكار بعض الموارد الإقتصادية ولمكاسب سياسية له ولدعمه السريع.
حميدتي عضو المجلس السيادي والذي في غياب المجلس التشريعي يقوم مع مجلس الوزراء بتشكيل مجلس مشترك بمهام المجلس التشريعي.
لو كان حميدتي جاد في هذه القضايا التي يطرحها للإعلام لكان اولى أن يطرحها في المجلس المشترك ويطالب بالتحقيق فيها.

فيما عدا النقطتين التين ذكرتهم أنت في المقتبس أعلاه لا توجد نقاط أخرى موضوعية في خطاب حميدتي للتحقيق فيها
بالنسبة للنقطتين تجد رأيي أدناه

بالنسبة لشحنة الذهب الواقعة دي كانت في مايو 2019
الوقت داك حميدتي كان نائب رئيس المجلس العسكري والمجلس العسكري كانت عندو سلطة مطلقة
والحادثة معروفة ونشرتها عدد من المواقع الإخبارية
الخبر كما نشرته إسكاي نيوز العربية بتاريخ 10 مايو 2019 موجود أسفل المداخلة

بالنسبة لصادرات الفول: وزارة التجارة أصدرت عدة قررارات متعلقة بإقاف تصدير الفول السوداني
الواقعة التي تحدث عنها حميدتي حدثت في أكتوبر 2019
حينما اصدرت وزارة التجارة قراراً بإقاف صادر الفول السوداني مبررة القرار بأنها تنوي تنظيم صادر الفول ومنع جهات معينة من التلاعب فيه.
وتم حجز شحنة من الفول السوداني في طريقها لأندونيسيا لمدة تقارب الشهر في ميناء بورتسودان ثم تم السماح بتصديرها بعد ذلك.
ولم يحدث تلف للفول كما أشيع في ذلك الوقت.
تكونت لجنة للتحقيق في تلك الواقعة ولم تثبت وقوع ضرر
تجد جزء من الخبر أسفل المداخلة

Quote: ضبط طائرة محملة بالذهب.. وتوضيح من "غرفة المعادن" بالسودان
l 10 مايو 2019 - 00:51 بتوقيت أبوظبي
أعلنت قوات الدعم السريع في السودان، الخميس، أنها تمكنت من ضبط طائرة خاصة تابعة لشركة أجنبية، أثناء شروعها في نقل كميات كبيرة من الذهب بولاية نهر النيل.
وذكر مكتب الإعلام الإلكتروني التابع لقوات الدعم السريع أن تحقيقا يجري بشأن الواقعة، فيما ينتظر أن تهبط الطائرة بمطار الخرطوم الدولي في غضون الساعات القليلة المقبلة.
وقالت القوات إن الضبطية جاءت "في إطار الدور الكبير الذي تقوم به قوات الدعم السريع في حماية الاقتصاد الوطني، وحفظ مكتسبات البلاد وثرواتها".
أكدت القوات على "يقظتها التامة وسرعتها العالية في حسم كل من تسول له نفسه التلاعب بالاقتصاد الوطني".
إلا أن اتحاد الغرف التجارية السوداني أبدى استغرابه من ضبط قوات الدعم السريع للطائرة، وقال رئيس غرفة المعادن المكلف بالاتحاد إبراهيم أبوبكر في تصريحات صحفية: "إنهم يستغربون لما حدث اليوم لشركة مناجم للمعادن لأن كافة الإجراءات الخاصة بالتصدير صحيحة ومكتملة من بنك السودان .. بجانب إجراءات الجمارك."
وذكر أن الشحنة مبرمجة مسبقاً لتصدير 96.5 كيلوغرام من الذهب، داعياً الشركة السودانية للموارد المعدنية بإخطار قوات الدعم السريع والجهات الأمنية بأن الشركة تملك تصديقات مسبقة.
وشدد على أن شركة مناجم حاصلة على امتياز تعدين كغيرها من الشركات صاحبة الامتياز، وكشف أن الطائرة مستأجرة من شركة أمنية وتم التعاقد معها.
وطالب الأجهزة الأمنية بمد قوات الدعم السريع بالمعلومات المطللوبة لمنع تكرار مثل هذه الأحداث مستقبلاً.


Quote: شبكة الشروق 2019/10/25
أكد مدير إدارة الحجر الزراعي بميناء بورتسودان، والمسؤول عن الصادرات والواردات السودانية، دكتور مبارك عثمان، عدم حجز صادر الفول وإعادته للسودان، حسبما أشُيع، وأوضح أن الصادر ينساب لكل دول العالم وفي ازدياد لأنه طبيعي وغير مُحوّر، ويُفضل على كل دول غرب أفريقيا.
وأشار مبارك بحسب وكالة السودان للأنباء، إلى أن الشحنة موضع الاهتمام تم تبخيرها وإدخالها لإندونيسيا بميناء semerang ولم تُرفض واستُخرجت لها شهادة وهذا شيء يحدث في كل موانئ العالم، حسب المعيار13 لبروتكولات الصحة النباتية والسودان عضو أساسي فيه.
وقال إن الحجر الزراعي هو خط الدفاع الأول لحماية الصادرات والواردات وشيء طبيعي أن تفحص وارداتها بالموانئ وتعاد وتحجز وتعالج وارداتها، ولن يؤتى السودان من مينائه أبداً، بل يعتبر الحجر الزراعي من أفضل الإدارات في العالم أداءً وتميزاً.



Post: #13
Title: Re: فيديو: كلام خطير من حميدتي يحتاج لجنة محاس
Author: Gafar Bashir
Date: 07-28-2020, 10:56 PM
Parent: #12

Quote: بدو أن حميدتي واضح وصريح وحديثه مباشر بدون دبلوماسية
بقى زي حبيبنا ترامب


حبيبنا علي
فعلا لقيت ليهو شبه بس في موضوع الصراحة
لكن ترمب بغيض وكريه ما بشبه الا روحو
الجامع في الاتنين انو كل واحد فيهم داهية وذكي
عشان كدة لازم قراية ما بين السطور

Post: #14
Title: Re: فيديو: كلام خطير من حميدتي يحتاج لجنة محاس
Author: Gafar Bashir
Date: 07-28-2020, 11:03 PM
Parent: #8

Quote: حاكم بالبندقية
ويريد الاستيلاء علي الذهب من المحطة الأخيرة


تحياتي دكتورة اخلاص

حقيقة ما عايزين نجي في يوم من الايام نقول الحاجات دي كلها كانت واضحة قدامنا واتعامينا عنها شايلانا الثورة والاحلام
حتي اذا اتفقنا انو كلام حميدتي ما برئ وعنده اهدافه
لكن برضه في اسئلة عايزة اجابة
مثلا المحطة الاخيرة العايز يستولي عليها دي وينها
عند منو المحطة الاخيرة دي
هو ما بتكلم عن دهم بيدخل خزينة الدولة
بيتكلم عن دهب خارج القطاع المصرفي
ده كلام عايو عليهو رد
وعايز شفافية
واذا ما تحقيق علي الاقل رد اعلامي
منو المافيا المانعة حميدتي يكمل بقية السيطرة
هل هي الحكومة
ولا مافيا الحكومة ما قادرة عليها ولا بتتكلم عنها
طيب يردوا عليهو