أمر قبض على وزير الداخلية السابق ابراهيم محمود

03:41 AM July, 26 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

حررت النيابة العامة صباح اليوم امرا بالقبض في مواجعة وزير الداخلية للسابق ومساعد الرئيس المخلوع ابراهيم محمود حامد.

وعلمت (الراكوبة) ان النيابة كانت قد حررت امر تكليف بالحضور في مواجهة محمود لكنه ظل يراوغ ويماطل ما دفع النيابة الى تحرير امرا بالقبض في مواجهته .

ويواجه ابراهيم محمود عدة بلاغات تتعلق بالفساد من نيابة المال العام وتفكيك التمكين ومن المنتظر ان توجه النيابة في مواجهة محمود تهما تتعلق بتلك البلاغات بعد اخضاعه للتحقيق .

وشغل محمود عدة مناصب في العهد البائد ابرزها وزيرا للداخلية ومساعد للرئيس المخلوع.

بكون مشا ارتريا

Quote: بكو. مشا ارتريا

برضو يا عادل عاوز توحى ان ابراهيم محمود ارترى؟
يا جماعة بالله خلونا فى المحكمة الدستورية و دستور 2005.. هذا الرجل أعرفه وهو سودانى أصيل..
لا تنفخوا فى نار الشرق هى اصلها مولعة.. حاولوا تطفوها او اضعف الأيمان سيبوها تطفئ براها.. اما صب الزيت فلا ينتج عنه سوى حرق الجميع..يكون كوز واللا اخو مسلم هذه مسؤول عنها هو وحده.

Quote: برضو يا عادل عاوز توحى ان ابراهيم محمود ارترى؟

نعم هو ارترى وليه البنى العامر اصلا بزعلوا من كلمة ارترى دى اى بنى عامر فى الخليج شايل
2 جواز ارترى وسودانى يستعمل الارترى عشان الجواز السودانى فوقه ضرائب وزكاة يعنى جوكر

قبل ما تسخر وتتمسخر بي برنامج دستور 2005 والمحكمة الدستورية يا ابوريش
لو في محكمة دستورية فيها قضاة سودانيين اصليين
لما حكمت الحثالة السياسية وكعوك السودان من من منبتين المركز ومقاطيع الهامش
السودانيين الاصلييين بجو بي الانتخباات بس وما يتشتغلو في نظام وظيفي مجرم ذى الانقاذ
لو سزداني اصلي بسلم نفسو ويرجع القروش اللهطا
وما انت البتحدد السودانيين الاصلين تحددهم الامم المتحدة اسمهم الشعوب الاصلية ذى الهنود الحمر في الامريكتين والفور النوبة والمساليت والجنوبيين والمحس الذى تعرضو للابادة ونهب الموارد من نظام الانقاذ المجرم والوظيفي
لومسك السودانيين الاصليين الوزارات السيادية كان السودان ده بقى زي الهند
ما تسوق التراهات انا بعرفو ما بعرفو
الزول ده لا سوداني ولا اصلي لا وعيا ولا سلوكا ولا قبليا
وزير داخلية في الانقاذ دي في حد ذاتا جريمة
الاصلي في ديل منو يا ابوريش
https://top4top.io/
البني عامر في الشرق والزغاوة في الغرب ما سودانيين ولا اصليين مزدوجي الجنسية ويخدمو المركز المشوه في كل جرائمة في حق السودانيين الاصليين

عادل أمين كتب:

Quote: البني عامر في الشرق والزغاوة في الغرب ما سودانيين ولا اصليين مزدوجي الجنسية

طيب المسألة دى بسيطة جداً يا عادل.
أنا بنى عامر.. خلى واحد ود مرة من المركز يجى يشيل منى الجنسيـة.

البني عامر كقبيلة متواجدة في الحدود الشرقية
مثل قبيلة الزغاوة المتواجدة في الحدود الغربية
وين المشكلة لما ياخدو جواز سوداني و لا جوازين ؟
لعن الله العنصرية و العنصريين

Quote: البني عامر كقبيلة متواجدة في الحدود الشرقية

معليش يا أستاذ خضر.. أسمح لى أقول ليك ما متواجدة.. وإنما شرق ما يعرف حتى الان بالسودان هو وطنهم وأرضهم التى خلقهم الله عليها. رغم أن لهم إمتداد داخل ارتريا ..
وهل نذكر الحلفاويين (المتواجدين) فى شمال السودان.. أما قبائل الوسط فلا يوصفون أنهم (متواجدين)!! حاجة شوية غريبـة.

Quote: وين المشكلة لما ياخدو جواز سوداني و لا جوازين ؟

هذه ليست مشكلتهم، وهم لا يستجدون الجنسية ولا الجواز.. حكومة الوسط كراعها فى رقبتها تديهم الوثائق الثبوتية كما تعطيها لبقية أفراد القبائل.. وهذا ليس خياراً.. بل القبائل العربيـة هى التى يمكن أن توصف بالمتواجدة لأنهم أتوا
من جزيرة العرب وتواجدوا من ثم فى وسط السودان.

Quote: معليش يا أستاذ خضر.. أسمح لى أقول ليك ما متواجدة.. وإنما شرق ما يعرف حتى الان بالسودان هو وطنهم وأرضهم التى خلقهم الله عليها. رغم أن لهم إمتداد داخل ارتريا .. وهل نذكر الحلفاويين (المتواجدين) فى شمال السودان.. أما قبائل الوسط فلا يوصفون أنهم (متواجدين)!! حاجة شوية غريبـة.

ما اختلفنا يا باشمهندس
ربما انقليزيتك على لغة الحباب على اللغة العربية جهجهتك
وسع البروسيسور يا هندسة :)

Quote: ربما انقليزيتك على لغة الحباب على اللغة العربية جهجهتك

أنا بنى عامر يا هندسـة.. ولا أجيد لهجة الحباب لأنهم يتحدثون اللهجة الإرترية من لغة التقرى.. ولم يكن أى تداخل بين البنى عامر فى البحر الأحمر وبين ارتريا، ولا حتى تجارة ، حتى حرب التحرير حيث
بدأ بعض الإرتريين يتوجهون شمالا نحو قرورة ، وبعد عشرات السنين نزحوا الى بورتسودان. منطقة كسلا والقضارف هى التى تعج بالتداخل القبلى بين السودان وارتريـا. للتجارة النشطة
والحدود المفتوحــة. نظارة الحباب كلها كانت داخل إرتريا، والناظر كنتيباى كان مقره فى إرتريا.

Quote: نعم هو ارترى وليه البنى العامر اصلا بزعلوا من كلمة ارترى دى اى بنى عامر فى الخليج شايل 2 جواز ارترى وسودانى يستعمل الارترى عشان الجواز السودانى فوقه ضرائب وزكاة يعنى جوكر

أحمد حمودى،
الزعلان منو؟ هذا منبر للنقاش ولو كتب أحدهم معلومة خطأ وزميل اخر عنده المعلومة الصحيحة فعليه تصحيحه. وإبراهيم محمود سودانى وما عنده جنسية او جواز اخر. ولا يحتاج إثبات سودانيته، يثبتها لمن؟!!
يثبت سودانيته لمنو؟ ومدين لمنو عشان يثبت ليه سودانيته؟
بعدين حكاية أى بنى عامر تخيل (أى بنى عامر) فى الخليج شايل 2 جواز.. ياخى هذا كلام لا يليق بك.. البنى عامر السودانيين ما يعرفوا درب ارتريا زاتو.. يا سيدى انا حزين أن بعض المثقفين
لا يعرفون قبائل السودان ولا جغرافيته ولا أصول إثنياته.. الحاجة الما تعرفها لا تتحدث عنها.. نصيحة فى الهواء إما مسكتها أو خليتها تمر مع الهواء. ولو فى أفراد زى ديل فأنا أعرف كيزان
فى كندا فى التسعينات كانوا يزورون أحد الأخوان الجمهوريين عشان يدرسهم مبادئ الفكرة الجمهورية عشان يكتبوها كقصص لطلب اللجوء وإنهم جمهوريين مضطهدين فى السودان :) والان هم
كنديون. وقال لى الاخ الجمهورى انه يعرفهم ينافقون، ولكن جيد انهم يسمعوا الفكرة وذكر حكمة إبن عطاء الله السكندرى "من لم يسر الى الله بلطائف الإحسان قيد اليه بسلاسل الإمتحان".
إذا هذه حالات فردية وهم إما مزورين للجواز الإرتبى أو الجواز السودانى.. وهذا هو السبب الذى ناديت لأجله بمراجعة ملفات الجنسيـة والجوازات السودانية.