Post: #2
Title: Re: ونعم الكفاءات
Author: Hafiz Bashir
Date: 07-22-2020, 07:55 PM
Parent: #1
إذا كان كفاءة ليكون نائب لرئيس مجلس السيادة
فلا أظن أنه تنقصه الكفاءة لرئاسة مجلس جامعة الضعين
|
Post: #3
Title: Re: ونعم الكفاءات
Author: Gafar Bashir
Date: 07-22-2020, 07:57 PM
Parent: #2
اتفق مع مولانا حافظ
هو احنا بنعرف احسن من الحكومة
|
Post: #4
Title: Re: ونعم الكفاءات
Author: عمر التاج
Date: 07-22-2020, 08:16 PM
Parent: #3
ده اخوه يا مولانا..
عقبال ما نشوف ود خالة امه رئيس مجلس وزراء
|
Post: #5
Title: Re: ونعم الكفاءات
Author: عمر التاج
Date: 07-22-2020, 08:19 PM
Parent: #4
البلد ممن يقودها عسكري؛ ويغتس حجزها لاسفل السافلين (زي الحاصل الان)
لكن التعليم حايقوده عسكري عشان يوديه وين؟
هو لو بعرف تعليم كان بقى عسكري يا جعفر ؟
Quote: مهام مجلس الإدارة:
يقوم المجلس بدراسة وتقديم التدابير التي تساعد على تحسين أداء الجامعة والعمل على بلوغ اﻷهداف.
يتداول المجلس حول :
مخططات التنمية في الجامعة على المدى القصير والمتوسط والطويل,.
مقترحات لبرمجة عمليات التكوين والبحث.
الحصيلة السنوية حول التكوين والبحث في الجامعة.
مشاريع الميزانية و الحسابات الجامعية.
مشاريع خطط تسيير الموارد البشرية الجامعية.
تقديرات الموارد الذاتية في الجامعة وطرائق استخدامها في إطار تطوير نشاطات التكوين والبحث.
اتفاقات شراكة مع مختلف القطاعات الاجتماعية والاقتصادية.
القانون الداخلي للجامعة.
التقرير السنوي حول نشاطات الجامعة المقدم من رئيس الجامعة. |
هذه بعض المهام التي يقوم بها المجلس في الجامعات ذات الرئاسات المحترمة..
|
Post: #6
Title: Re: ونعم الكفاءات
Author: اخلاص عبدالرحمن المشرف
Date: 07-22-2020, 08:21 PM
Parent: #4
السلام عليكم
يجيك ود البشرى ويطلعها ضنب ككو😂
|
Post: #7
Title: Re: ونعم الكفاءات
Author: Hafiz Bashir
Date: 07-22-2020, 08:23 PM
Parent: #4
Quote: ده اخوه يا مولانا..
عقبال ما نشوف ود خالة امه رئيس مجلس وزراء |
برضو ما مشكلة يا عمر التاج
هو نحن رضينا بالفريق خلا حميدتي، قائد قوات الدعم السريع، كنائب لرئيس مجلس السيادة،
حنعترض علي أخوه الفريق خلا عبدالرحيم، قائد ثاني قوات الدعم السريع، كرئيس لمجلس جامعة الضعين؟
|
Post: #8
Title: Re: ونعم الكفاءات
Author: عمر التاج
Date: 07-22-2020, 09:15 PM
Parent: #7
| Quote: يجيك ود البشرى ويطلعها ضنب ككو |
هو لسه بطلع في المصائب دي يا دكتورة؟
|
Post: #9
Title: Re: ونعم الكفاءات
Author: Abureesh
Date: 07-23-2020, 00:45 AM
Parent: #8
حتى الان لم يذكر أحد مؤهلاته الأكاديمية أو الإدارية.. لذلك لا أستطيع التعليق
|
Post: #10
Title: Re: ونعم الكفاءات
Author: عمر التاج
Date: 07-23-2020, 06:51 AM
Parent: #9
مؤهلات شنو يا أبا الريش
قالوا ليك اخ حميدتي
تاني المؤهلات داير بيها شنو؟
|
Post: #11
Title: Re: ونعم الكفاءات
Author: خضر الطيب
Date: 07-23-2020, 07:13 AM
Parent: #10
عمر التاج يا فلة
كيفك يا حبيب
الزول الحميرتي دا الجامعة لما عينتو عشان يدفع
و هو لا يملك غير شهادة الميلاد و دي ذاتا مشكوك فيها
لانو اتولد بي داية حبل
عموماً الجامعة دي حتخرج حمير
و ما حيكون ليها اي علاقة بالجامعات العالمية و لا حتى المحلية
|
Post: #12
Title: Re: ونعم الكفاءات
Author: عمر التاج
Date: 07-23-2020, 08:56 AM
Parent: #11
عليك نور يا خضرنا
و خريجين الجامعات ديل اما بقوا قيادات مليشيات أو وزراء
مافي حل وسط
Quote: كيفك يا حبيب
الزول الحميرتي دا الجامعة لما عينتو عشان يدفع
و هو لا يملك غير شهادة الميلاد و دي ذاتا مشكوك فيها
لانو اتولد بي داية حبل
عموماً الجامعة دي حتخرج حمير
و ما حيكون ليها اي علاقة بالجامعات العالمية و لا حتى المحلية |
|
Post: #13
Title: Re: ونعم الكفاءات
Author: عمر التاج
Date: 07-23-2020, 05:41 PM
Parent: #12
Quote: بمراجعة سريعة لبوستات الصفحة الأولى
وجدت مهمام مهاجمة حميدتي موكلة للثلاثي
جاهل شوبير
والغشاش الغباش
و"التكفيري" الجمهوري
ياسر الشريف! |
حبابك عاطف عمر
حميدتي راجل كفاءة مافيهو كلام
بدليل انه رئيس د. حمدوك ورئيس د. البدوي ومجموعة من دكاترة قحط..
في شنو؟ في مجال الاقتصاد
والله صحي
ولكن عبد الرحيم ده لا عنده علاقة بالاقتصاد ولا السياسة لا الجيش زاتو..
راكب رجالة ساكت فوق وزراء قحط ومخوفهم..
كفاءة ولا مش كفاءة؟
|
Post: #14
Title: Re: ونعم الكفاءات
Author: دفع الله ود الأصيل
Date: 07-24-2020, 08:37 AM
Parent: #13
ود تاي العزيز ، سلامات يا جنا. كلما تغتس نقول عقلت
تجي مقلع تهابش في الجحرة. لامن يوم تشنقلي توباية تفوم
تلقي لي (أقرباية). معليش ياخ ،الليلة جيناك بدرب صديق مهدي.
علا لاكين بموناسبة (المعهلات) زكرتني زماونك الجخس المدوعل
الكوز حسين خوجلي كان مشغلا لريس مجلس سيادتنا/ أحمد المرغني
فجاب مؤهلاتو في" ألوان" . و هي عبارة مؤهلاية واحدة فغت لا غير ،
أي أنه/ درس في لندن/ثم علق قال: يعني دا يكون يا ربي مشى انشحط
وسط الدارة في الهايد بارك أخدلو درسة درستين و جا مارق و لا كيف؟!
و يوم سقطوها ناس بشة كان المرغني في اليونان و جايب معاه (بجعة):
برضو المعفن علق عليه قال: بالله هسي نقول ياتا البجعة فيهم.
|
Post: #15
Title: Re: ونعم الكفاءات
Author: عمر التاج
Date: 07-24-2020, 09:35 PM
Parent: #14
ود الصيل حبابك
والدرب السعيد الليلة جايك
حكاية حسين خوجلي دي ضحكتني لامن نسيت الموضوع؛
Quote: الكوز حسين خوجلي كان مشغلا لريس مجلس سيادتنا/ أحمد المرغني
فجاب مؤهلاتو في" ألوان" . و هي عبارة مؤهلاية واحدة فغت لا غير ،
أي أنه/ درس في لندن/ثم علق قال: يعني دا يكون يا ربي مشى انشحط
وسط الدارة في الهايد بارك أخدلو درسة درستين و جا مارق و لا كيف؟!
و يوم سقطوها ناس بشة كان المرغني في اليونان و جايب معاه (بجعة):
برضو المعفن علق عليه قال: بالله هسي نقول ياتا البجعة فيهم |
مؤهلات عبد الرحيم دي اظنها ياتا مؤهلات حسين خوجلي زمان
وعموما شكلو في تدني عام في المؤهلات..
زمان حميدتي بحلالة قدره كان مجرد قائد مليشيات لحماية البشير
اسه بقى رئيس رئيسنا زاتو.. وبقي فوق للجيش وتحت الله مباشرتن بالنسبة للحيكومة
وأخوه الماكان في زول بعرفه اسه بقى رئيس مجلس إدارة جامعة
وحمدوك الرشحته أميرة الفاضل ليكون وزير اقتصاد بقى رئيس مجلس وزراء
ووزارة الخارجية الكان فيها كبار شعراء وادباء السودان مسكتها حاجة اسماء
وسيرة الولاة الجدد بقت في عدد الايام القضوها في ميدان الاعتصام..
تخيل؟
|
Post: #16
Title: Re: ونعم الكفاءات
Author: دفع الله ود الأصيل
Date: 07-25-2020, 04:44 AM
Parent: #15
●》ما أضحك الله لك سناً يا جنا، و لا أشبع لك بطناً،
إلا برزقٍ حلالٍ و ماءٍ زُلالٍ و لسانٍ عفيفٍ و رغيفٍ نضيفٍ
و ذكرٍ شريفٍ ؛ حتى لو كان تسكن راكوبة و صريف.
●》بموناسبة اللا~موناصبة { معهِلات} دي اشتققناها ليك من عهل يعهل
عهلاناً فهو (عاهلٌ) متوجٌ على روسين الأشهاد، اليرضى و اليابى .و ممكن كمان
يدَّحلب لامن يكنكش في عرش الدب الداشر بن خائن الحرمين الشريفين !!
▪أيوة يا ملك .. عايزنك ديمة تكون ملك..ملك عزيم يا زول..دا سورو العالي المنشبك..يحمينا يازول ما نندرك..حراسو بتمسك ما بتفك..لو جيت بعيد عرين
الملك دا(حميرو ) بتقلب(جِرَّة) مِسك..أحذر قربو لا تنشبك..دا كتير الجافاه وهِلك
و الما قادرين يصلو الملك.. قالو الوزير زي الملك..دا كضب..كيفن عاد حتة عوير
(يداقر) ملك.. بكتير لو شفتو بترتبك أنوار جلالو ساي حرس ملك يا زووول !!
|
|
