Post: #1
Title: مجلس الوزراء يبعد سفراء بعد تسميتهم لانتمائهم للحزب المحلول
Author: عمر سعيد علي
Date: 07-22-2020, 03:36 PM
03:36 PM July, 22 2020 سودانيز اون لاين
عمر سعيد علي-المملكة العربية السعودية
مكتبتى
رابط مختصر
Quote: الخرطوم: سوسن محجوب
علمت (السودانى)، أن مجلس الوزراء ابلغ رسمياً، ثلاثة سفراء تمت تسميتهم مؤخراً لمحطات خارجية بعدم السفر بعد التأكد من انتمائهم لحزب المؤتمر الوطني المحلول.
وبحسب معلومات (السوداني)، فإن احدهم عمل مديراً لمكتب كل من وزير الخارجية علي كرتي، ورئيس البرلمان أحمد إبراهيم الطاهر، فضلاً عن عمله مديراً لمكاتب عدد من وزراء الدولة.
وحمل مصدر حكومي رفيع ما وصفهم بالخطأ لقيادات رفيعة تنتمي لـ(الوطني) زعم انها لا تزال تمارس سلطات مهمة جداً في وزارة الخارجية وتعمل لصالح الحزب وكوادره.
ونوه مصدر في حديثة لـ(السوداني)، الى أن قائمة أخرى من السفراء المرشحين للبعثات الخارجية الآن أمام منضدة وزارة مجلس الوزراء تضم أيضاً عدداً من الحزب المحلول.
|
|
Post: #2
Title: Re: مجلس الوزراء يبعد سفراء بعد تسميتهم لانتم
Author: محمد البشرى الخضر
Date: 07-22-2020, 04:48 PM
Parent: #1
رب ضارة نافعة, الحصل دا ح يكون سبب ان شاء الله في نضافة الخارجية وعدد من المرافق و الهيئات الحكومية من السوس العميق الذي يعيث فيها فساد
تحياتي عمر شايفكم انسحبتوا ان شا الله خير مالكم 
|
Post: #3
Title: Re: مجلس الوزراء يبعد سفراء بعد تسميتهم لانتم
Author: Deng
Date: 07-22-2020, 05:20 PM
Parent: #2
خبر مفرح حقا
ولكن الامر لا يقف عند وزارة الخارجية فقط بل كل الوزارات والمصالح الكومية يقودها الكيزان ويجب كنسهم جميعا.
|
Post: #4
Title: Re: مجلس الوزراء يبعد سفراء بعد تسميتهم لانتم
Author: عمر سعيد علي
Date: 07-22-2020, 06:02 PM
Parent: #3
| Quote: تحياتي عمر شايفكم انسحبتوا ان شا الله خير مالكم |
مرحب ود البشرى . .
في ذمتك يا ود البشرى هسي دي عدالة فريق بافي ليه ستة مباريات في شندي وكادقلي وهلال الابيض واتنين في الفاشر ونيالا (بالله حتتعطلو في كم واحده من ديل). .
والمريخ باقي ليه مباراة واحدة في الولايات . . تجي تقول تجميع في الخرطوم . . ده كلام ده ؟
|
Post: #5
Title: Re: مجلس الوزراء يبعد سفراء بعد تسميتهم لانتم
Author: عمر سعيد علي
Date: 07-22-2020, 06:06 PM
Parent: #4
Quote: خبر مفرح حقا
ولكن الامر لا يقف عند وزارة الخارجية فقط بل كل الوزارات والمصالح الكومية يقودها الكيزان ويجب كنسهم جميعا. |
مع الاسف الظاهر في ضعف كبير في شخصيات وزراء الثورة يا دينق . .
|
Post: #6
Title: Re: مجلس الوزراء يبعد سفراء بعد تسميتهم لانتم
Author: جمال ود القوز
Date: 07-22-2020, 06:50 PM
Parent: #5
قمة الضعف والهوان والمهزلة
ناس كيزان عديل وشغلوا مناصب مرموقة
في النظام المجرم انت ما عارفنهم !!! ..
وتقوم بتعيينهم سفراء الثورة الاتقدمت في ارواح
ثم بعد يومين تلاتة تجي تمنع من عينتهم
من استلام سفاراتهم بحجة انهم طلعوا كيزان !! ..
وحاة الله حركة زي دي اغبى ضب
في صحراء العراق ما يسويها او كما يقول صديقي -
لامن يشوف ليهو تصرف قمة في الغباء
يعني يا وهم الكيزان يغشوكم ويعينوا جماعتهم ..
ولامن الناس يكشفوا ليكم النومة
تجروا للشماعة الاتهرت خلاص
وفترت من فشلكم المعلق عليها
تقولوا بانه هناك جهات في الخارجية لا زالت .....
والكلام الغبي السمج ده
طيب انت كحوكة ليكم سنة بتعملوا في شنو ؟
اذا تعيينات زي الناس ما قادر تنجزها
ما تلملموا قشكم وتبقى مارقين تفارقوا دربنا ..
خلية الكيزان الكانت نايمة ومزروعة جوه الحزب الشيوعي
وهسه صحت وبتعمل في الحركات البايخة دي
حيكتشفوها متين ويريحونا من حركاتهم البايخة دي
لاننا ملينا خلاص وفاض بينا
ــــــــــــــــــــــــــــــــــــــــــــــــ
ياربي فسيخ حمدوك ده ماش يبقى شربااات .. !!!
يورينا الله -
|
Post: #7
Title: Re: مجلس الوزراء يبعد سفراء بعد تسميتهم لانتم
Author: Gafar Bashir
Date: 07-22-2020, 07:56 PM
Parent: #6
ده كلام فارغ ساي
طيب شنو قصة الفحص الأمني
يعني شنو فحص أمني
وشنو معايير التعيين
في حاجة ما طبيعية مع حمدوك ده
ما معقول ياخ
|
Post: #8
Title: Re: مجلس الوزراء يبعد سفراء بعد تسميتهم لانتم
Author: جمال ود القوز
Date: 07-22-2020, 08:38 PM
Parent: #7
| Quote: طيب شنو قصة الفحص الأمني |
دي إسمها في علم الفشل يا أبو الجعافر ..
االجس بعد الضبح ..
وين المستشاران (الخضران) من اللخمة الضاربة دي ...
|
Post: #9
Title: Re: مجلس الوزراء يبعد سفراء بعد تسميتهم لانتم
Author: عبد الله حسين
Date: 07-22-2020, 09:01 PM
Parent: #8
| Quote: خلية الكيزان الكانت نايمة ومزروعة جوه الحزب الشيوعي |
وما علاقة الحزب الشيوعي بهذا الموضوع ؟.
|
|