Post: #1
Title: بيان البدوي يضع نقاط فوق الحروف..
Author: Mutasim Idris
Date: 07-19-2020, 05:41 PM
Parent: #0
05:41 PM July, 19 2020 سودانيز اون لاين
Mutasim Idris-Sacramento
مكتبتى
رابط مختصر
حكومة امفكو.. وقزم الثورة يتقازم.
معقولة بس؟!! دي ثورتنا و دا رئيس وزراءها؟؟
|
Post: #2
Title: Re: بيان البدوي يضع نقاط فوق الحروف..
Author: عبدالعظيم عثمان
Date: 07-19-2020, 05:45 PM
Parent: #1
بيان كارثي
العِلة في حمدوك شخصياً
في مثل روسي بقول
'' السمكة بتعفن من الرأس''
أدركوا السلطة الإنتقالية قبل أن يتعفن رأسها
|
Post: #3
Title: Re: بيان البدوي يضع نقاط فوق الحروف..
Author: Mutasim Idris
Date: 07-19-2020, 05:48 PM
Parent: #1
حمدوك ينفذ في اجندة جهة ما حرفيييييا..
التخلص من وزيري الصحة والمالية فعلا كان قرار
مهم كما وعد تلك (الجهة او الجهات).
حمدوك لازم يمشي..
|
Post: #4
Title: Re: بيان البدوي يضع نقاط فوق الحروف..
Author: Mutasim Idris
Date: 07-19-2020, 05:59 PM
Parent: #3
نص البيان..
|
Post: #5
Title: Re: بيان البدوي يضع نقاط فوق الحروف..
Author: Mutasim Idris
Date: 07-19-2020, 06:03 PM
Parent: #4
غايتو لو دي ما خيانة الا يكون (طب)..
قزم الثورة باع فينا واشتري..
شكرا حمدووووك.
|
Post: #6
Title: Re: بيان البدوي يضع نقاط فوق الحروف..
Author: Mutasim Idris
Date: 07-19-2020, 06:20 PM
Parent: #5
عبدالعظيم ازيك..
حميدتي زااااتو قال فشل..
الامة والسوداني قالوا فشل..
وتجمع المهنيين يتململ ويغرد..
الشارع يشيل ويدفر فيه..
والغلاء طاااحن والزواحف يبرطعوا..
وهو يشيل ويعين في الكيزان وفي شلته..
يشكروه علي شنو؟؟
شغال لمنو الاخ دا؟؟
|
Post: #7
Title: Re: بيان البدوي يضع نقاط فوق الحروف..
Author: نادر الفضلى
Date: 07-19-2020, 07:09 PM
Parent: #6
حمدوك قلنا ماسورة من زمن رشحوه .. وأنذرنا بماسوريته وهو يتخبط من أول يوم ..
واصلنا ليس تحاملاً ولكن ببصيرة باينه .. هسة بعد تلمس الحقيقة بواقع أليم .. أقروا بأنه ماسورة!
|
Post: #8
Title: Re: بيان البدوي يضع نقاط فوق الحروف..
Author: علي عبدالوهاب عثمان
Date: 07-19-2020, 07:11 PM
Parent: #6
حبيبنا معتصم .. تحياتي
جزاك الله كل خير عن هذه وثيقة
معقول رئيس يتفاهم مع الوزير ويجهز لبديله سراً
يا جماعة الواحد اصابه اليأس
أملنا في الثوار
تحياتي الحبيب معتصم .. شكرا كثير على الوثيقة
|
Post: #9
Title: Re: بيان البدوي يضع نقاط فوق الحروف..
Author: نادر الفضلى
Date: 07-19-2020, 07:14 PM
Parent: #8
معتصم سلام
شكرا للبدوى على صراحته .. لم يكن ممكناً نحاحه أو أى وزير أخر ورئيسهم (عضير)، وخبيث خاين فى تعامله مع وزرائه!
*** يجب على القوى الوطنية إزالة سوأتها المجعو حمدوك
|
Post: #10
Title: Re: بيان البدوي يضع نقاط فوق الحروف..
Author: Mutasim Idris
Date: 07-19-2020, 08:32 PM
Parent: #9
النادر نادر ازيك..
Quote:
حمدوك قلنا ماسورة من زمن رشحوه .. وأنذرنا بماسوريته وهو يتخبط من أول يوم ..
واصلنا ليس تحاملاً ولكن ببصيرة باينه .. هسة بعد تلمس الحقيقة بواقع أليم .. أقروا بأنه ماسورة! |
كلنا كنا معترفين بحقول الالغام اللي قامت عليه حكومته.
الوثيقة الدستورية عنوانها كان (دولة عسكرية داخل دولتنا
المدنية تحمي اراضيهم وتعفيهم من جرائمهم). دقينا جرس
لاني واحد من الناس كنت مدرك انه اي مساحة تتركها
للعسكر ح يتمددوا فيها. مشينا مع تيار انه (ممكن نبني
دولة المؤسسات) ونحييد من خلالها العسكر وبعدها نرجعهم
ثكناتهم. صوتنا بح لاكتمال الموسسات دي خاصة المجلس
التشريعي رقيب السلطة وولاة الاقاليم. قام بتكليف اضعف
وزارة من نشطاء وخاملين ومتسلقي سلطة وحالمين.
وش البامية بقي ما ياهو لما كبير الوزراء بقي ينبطح
يوم وراء يوم للعسكر وسلمهم كل الملفات اقتصادية كانت
او حتي السلام ووبقوة عين يحسد عليها احتفل بتخريج
جنجويد عديل وزاغ من معرفته بلقاء البرهان ونتنياهو!!
ترك كل ليهم السلطات والملفات وبقي يسافر شرق وغرب.
بقي شغال كذب ودغمسه في خطاباته ويشيل ويفكفك
في الكيزان (بالشوكة والسكين)!! والشارع يغلي وصابر.
الضائقة الاقتصادية وتبعتها الصحية ارهقت الشارع
وبرضو صبر متوسم في قزم الثورة كل خير.
الزواحف حمرة عين بقوا يهتفوا في الشارع الكانت
عصية حتي مجرد المشي فيها لا وكمان يشيل ويعيد فيهم
في مناصب وزارية وسفراء ووكلاء (تمكين جديد باسم الثورة).
مجاهرته بتناغمه مع اللجنة الامنية الكيزانية المعروووفة
المسمية دلعا (عسكر السيادي) ودفاعه عنهم حتي في
حمياتهم للديمقراطيات وتغريدة نيرتتي وشهداء كتم وقبلهم
التغيير الوزاري المثير هي اخر مسامير في نعش القزم.
بيان السيد ابراهيم البدوي بيعني انه حمدوك خائن.
جداده يغلفها زي ماعاوز بورق سولفان ولة جريدة.
الثورة دي انتهت.. وشوطها الثاني بدأ.
|
Post: #11
Title: Re: بيان البدوي يضع نقاط فوق الحروف..
Author: Mutasim Idris
Date: 07-19-2020, 08:50 PM
Parent: #10
العم علي عبدالوهاب.. تحايا نواضر.
Quote: معقول رئيس يتفاهم مع الوزير ويجهز لبديله سراً
يا جماعة الواحد اصابه اليأس
|
الناس حقوا بعد دا تحسس ضمائرها. الشباب ديل
دفعوا ارواحهم واجسادهم لسودان بكرة اللي رسموا
خريطة طريقه في دولة اعتصام القيادة العامة.
الرملة قلنا حتما عندها حد لدفن الرؤوس.
|
Post: #12
Title: Re: بيان البدوي يضع نقاط فوق الحروف..
Author: Gafar Bashir
Date: 07-19-2020, 08:51 PM
Parent: #10
يا معتصم
كدي خلينا شوية مع ابراهيم البدوي
بتكلم الرجل عن مشروع SMP وان هالطريق الوحيد للخروج
طيب خلال السنة الماضية كان الجهد الاقتصادي متركز حاجة واحدة .. استيفاء الديون الخارجية حقت البنوك الدولية والمنظمات هو وحمدوك صاحبه لمن انا اتوقع انو اصلا حمدوك كان اسيقو البدوي ، لي المشروع ده ما سمعنا بيهو الا الان
موضوع الجزر المعزولة وهو في موقعه ما سمعنا منو كلام زي ده لا سرا ولا جهرا
ولا عرفنا طوال امدة الموجودة انجز فيهو شنو ولي واصل طالما اصلا دي الوقع الما ممكن يتغير بافترض انو حمدوك كان متواطئ
مع كام التضامن مع البدوي وجميع الوزراء اللي تم معملتهم باسلوب غير محترم من قبل حمدوك يعني دي مستوي ما جميل للتعامل في النهاية سواء البدوي او اكرم او اي وزير تاني هو جزء من الصف الوطني مهما تغير موقعه
|
Post: #13
Title: Re: بيان البدوي يضع نقاط فوق الحروف..
Author: علاء سيداحمد
Date: 07-19-2020, 09:05 PM
Parent: #12
جميع الوزراء سيعودون من مواقع اخرى .
Quote:
لقد كتبت ما كتبت وأنَا ُمثقَل القلب وكلى أمل بأن يُنظر الى افادتي أعلاه كحد الدروس المستفادة لمستقبل الْايام وأن نمضي في شأننا، حكومة وشعبًا، للتفكير في المستقبل، فأنَا وغيري من الاخوة الوزراء الذين ترجلوا ستُتاح لنا أآفاق ًا رحب لتقديم ما نستطيع لبلادنَا من مواقع أخرى. |
|
|