أغنية للحب والسلام .....

04:33 PM July, 18 2020

سودانيز اون لاين
حمد إبراهيم محمد-المربى تربة
مكتبتى
رابط مختصر

أغنية للحب والسلام ...
******
• بكرة جايا *
الجابو ليك حسد بالون إشاعة
من خباز عزول ينفث بشاعة
بياع قوالة كل يوم وساعة
بكرة جايا بلا ألم بدون وشاية
***
البينا حب مغرد ساكن الحنايا
البينا عشق مبذول بلا نهايا
البينا بسمة قمر خدودو ضوايا
همسة مشاعر تضوع تزيل أسايا
بكرة جايا بلا ألم بدون وشاية
***
لهفي على حنين يزور يصبح
أهيم معاهو أطير بحبو أسحسح
الريد يتاتي بيناتنا يرجع يسبح
أحضن عويناتك الشوق نيرانو تفرح
بكرة جايا بلا ألم بدون وشاية
***
يللاك معايا الفات تشيلو شيمة
قليب يسامح نطوي أيام حزينة
الحب معانا طريق شراع وخيمة
همس الليالي حفلة دعاش وغيمة
لمسة أنامل تروي شهرزاد سنينها
بكرة جايا بلا ألم بدون وشاية .
+++
حمد إبراهيم دفع الله

******

يا سلام عليك يا سلام ...