وعند مدخل كوبرى الفتيحاب ... سيارة اسعاف اكرر ( اسعاف ) تحمل مريض ثمانينى
من الولاية الشمالية .. وبعد معاناة وتعب الطريق تصل السيارة عند مدخل الكوبرى وللاسف الشديد
تمّ منعها من الدخول الى الخرطوم !!!!!!!!!!!!!!!!!!
وأُوقفت السيارة لثلاثة ساعات اخرى ... ولا احد يعرف السبب سوى منع العُبور
وسبحان الله بعد الحاح استغرق ثلاثة ساعات اخرى سُمح لهم بالدخول
وما ان عدّت السيارة الكوبرى الى الخرطوم - فاضت روح المريض الطاهرة وتوفي الرجل
لا حول ولا قوّة الاّ بالله - لا حول ولا قوّة الاّ بالله
حتى المرضى والطواقم الطبيّة يُمنعون يا سادة ؟؟؟
...........
اللّهمّ كُن معنا ولا تكُن علينا
وسُبحان الذى لا يُحْمد على مكروه سواه
نُناشد القائمين على امرنا ان يُولُوا هذه الامور الاهتمام
Post: #2 Title: Re: من الذى يُصدر مثْل هذه القرارات ...؟؟!!! Author: علي عبدالوهاب عثمان Date: 07-18-2020, 12:39 PM Parent: #1
حبيبنا أنور تحياتي الرحمة والمغفرة للمتوفي .. سلطاتنا تتمسك بالامور القشرية والمظاهر يا ريت كانوا متشددين في الامور المصيرية يبدو أن حق المواطن كما هو أيام الانقاذ البائد اسعاف .. مريض .. والاسعاف طواريء.. والطواريء فوق اي قانون شيئ مؤسف ..
تحياتي الحبيب أنور
Post: #3 Title: Re: من الذى يُصدر مثْل هذه القرارات ...؟؟!!! Author: ANWAR SAYED IBRAHIM Date: 07-18-2020, 01:32 PM Parent: #2
هلا حبيبنا واستاذنا على عبد الوهاب
حيّاك الله
والله حاجة تفقع المرارة
والله امس شفت الفديو بتاع الراجل وهو بيدعو ربنا على الحكومة
لا حول ولا قوة الا بالله
بالجد شىء فظيييييع
الله يكون فى العون
وشكرا كتير الله يجزيك الف خير
Post: #4 Title: Re: من الذى يُصدر مثْل هذه القرارات ...؟؟!!! Author: عمر التاج Date: 07-18-2020, 01:39 PM Parent: #3
السلام عليكم ورحمة الله قفل الكباري وتتريس الشوارع مبدئيا يعتبر خطأ فادح يجب أن يعاقب عليه القانون.. وبغض النظر عن حالة الدكتور أعلاه؛ يفترض محاسبة من أصدر قرار الاغلاق بالامس وترك امر التنفيذ لعساكر لا يفهمون الاستثناءات الا لاصحاب الرتب العسكرية.. موت رجل في إسعاف بسبب إغلاق الكباري جريمة يجب أن يحاسب عليها كل المسؤولين.
Post: #5 Title: Re: من الذى يُصدر مثْل هذه القرارات ...؟؟!!! Author: ANWAR SAYED IBRAHIM Date: 07-18-2020, 01:47 PM Parent: #4
الاخ الاستاذ / عمر التاج
لك التحايا والتقدير
كما قلت يجب ان تتم المحاسبة ولكن :
ألا غدرت بنو أعلى قديما *** وأنعم إنها ودق المزاد ومن يشرب بماء العبل يغدر *** على ما كان من حمى وراد وكنتم أعبدا أولاد غيل *** بني آمرن على الفساد لقد أسمعت لو ناديت حيا *** ولكن لا حياة لمن تنادي ولو نار نفخت بها أضاءت *** ولكن أنت تنفخ في رماد
......
لك مودتى
Post: #6 Title: Re: من الذى يُصدر مثْل هذه القرارات ...؟؟!!! Author: نعمات عماد Date: 07-18-2020, 02:20 PM Parent: #5
سلام عليكم استاذ انور
ربنا يرحم المتوفي و يجعل مثواه الجنة.
المرحوم ضحية الفوضى و غياب التنسيق و الجهل.
بعض الأطباء أيضاً يتم منعهم من العبور و هم ذاهبين
إلى عملهم او عند العودة.
حسبنا الله و نعم الوكيل.
Post: #7 Title: Re: من الذى يُصدر مثْل هذه القرارات ...؟؟!!! Author: ABUHUSSEIN Date: 07-18-2020, 02:37 PM Parent: #6
سلام للجميع القصة دي تحديدا سمعت ليها عدة روايات و الحكم فيها صعب جدا .... الرحمة و المغفرة للمتوفي ...
Post: #8 Title: Re: من الذى يُصدر مثْل هذه القرارات ...؟؟!!! Author: علي عبدالوهاب عثمان Date: 07-18-2020, 04:50 PM Parent: #7
حبيبنا أنور تحياتي ياجميل قبل قليل كنت أقرأ في مقال لقريبتنا الحلفاوية بنت قرناص تتحدث عن منع الجازولين عن السيارات الخاصة وحصرها على الشاحنات ولم تعرف القرار الا بعدما ذهبت الى محطة البنزين .. نفس الطريقة مع المغتربين في موضوع السيارات المقال ولكني سأختار الجزء الساخر منه وهو :
((لذلك اود معكم مشاركة الفكرة التي تلح علي هذه الايام وهي تكوين حزب باسم (المتردية والنطيحة وما اكل السبع ) ..حزب يجمع كل المتأثرين بالقرارات الفجائية غير المدروسة ..الناس الذين كتب عليهم ان يكونوا دائما في ظل المطر ..الجماعة الذين لملموا اوراقهم وعادوا ادراجهم وهم يقبضون الريح بعد طول (مساسقة ) بين دواوين الحكومة ودهاليزها ..اجمعوا هنا ..تعالوا نعمل تجمع و اعتصام وتظاهرات …ونرفع عقيرتنا مطالبين بأمر واحد فقط لا غير .. ..رجاء (الدراسة قبل العواسة) الجريدة
ناهد قرناص
======================
تحياتي الحبيب أنور كلنا اعضاء في الحزب ( المتردية والنطيحة وما أكل السبع )
Post: #9 Title: Re: من الذى يُصدر مثْل هذه القرارات ...؟؟!!! Author: نعمات عماد Date: 07-18-2020, 08:30 PM Parent: #8
سلام تاني
يا دوب شفت الفيديو قبل 5 دقائق، في الأول أفتكرت
المريض يقرب للأستاذ أنور.
المهم الدكتور ال بيشتم كوز ليهو ضل،
كان في جامعة أفريقيا و وصل لمنصب العميد رغم وجود
اساتذته المؤهلين أكثر منه. بديت أشك بعد ما شفت الكوز محمد زين!!
Post: #10 Title: Re: من الذى يُصدر مثْل هذه القرارات ...؟؟!!! Author: محمد البشرى الخضر Date: 07-18-2020, 09:11 PM Parent: #9
Post: #11 Title: Re: من الذى يُصدر مثْل هذه القرارات ...؟؟!!! Author: أحمد محمد عمر Date: 07-18-2020, 10:10 PM Parent: #10
دكتور قناة طيبة الكوز دة مفروض يتحاسب قانونيا ومهنياً في المجلس الطبي لأنه بلعب بحياة المرضى قدر ما تقول وصلت نهاية قاع سوء الظن بالكيزان تلقاهم لسة نازلين لي تحت أتفه أنواع المتاجرة
________ كمية ضخمة من الناس البتلمني بيهم وسائل التواصل الاجتماعي مدورين اعتراض على القوانين الكفرية بتاع نصر الدين أقسم بالله سألتهم كلهم واحد واحد انتو قريتو القوانين .. والله العظيم ولا واحد فيهم ما شافها بي عينه ولا سمعها إلا كواريك شيوخهم .. سايقهم عبد الحي زي الغنم
Post: #12 Title: Re: من الذى يُصدر مثْل هذه القرارات ...؟؟!!! Author: أحمد محمد عمر Date: 07-19-2020, 07:00 AM Parent: #11
Post: #13 Title: Re: من الذى يُصدر مثْل هذه القرارات ...؟؟!!! Author: محمد البشرى الخضر Date: 07-19-2020, 08:05 AM Parent: #12
الجزء الأخير من فيديو الدكتور اعلاه بالله التقول قاصد سودانيز! اي واحد بفتي في اي حاجة وكل حاجة و بجرأة غريبة كمان
يومتها واحد في قروب منزل تسجيلات صوتية لمهندسين في جامعة الخرطوم وفي الري في اللجان المشكلاها الوزارة لدراسة و اتخاذ القرار في شأن سد النهضة فيهم بروفات عديل في مجال الهيدرولوجي و الانشاءات وغيرها , منزل تسجيلاتهم وبرد عليها و بشكل مضحك ومثير للسخرية حجة بالحجة سالتو عن خلفيته الاكاديمية و خبرته العملية! قال خريج اقتصاد دفعة منو ومنو وكان بجنن انس عمر في الاركان و اشتغل مدرس في السعودية!! غلني الأقولو والله!
Post: #14 Title: Re: من الذى يُصدر مثْل هذه القرارات ...؟؟!!! Author: قلقو Date: 07-19-2020, 08:15 AM Parent: #13
ولماذا الأصرار على أخذ المريض للخرطوم ؟ لماذا لم يعرض على الأطباء بمستشفيات بأمدرمان ؟
Post: #15 Title: Re: من الذى يُصدر مثْل هذه القرارات ...؟؟!!! Author: عزالدين عباس الفحل Date: 07-19-2020, 09:19 AM Parent: #14
قساوة القلب ، اللهم أرنا فيهم عجائب قدرتك ، لا حول ولا قوة إلا بالله العلي العظيم ،
عزالدين عباس الفحل ابوظبي
Post: #16 Title: Re: من الذى يُصدر مثْل هذه القرارات ...؟؟!!! Author: أحمد محمد عمر Date: 07-19-2020, 10:10 AM Parent: #15
بروفات الري شن فهمهم في الري كمان!
الليلة الصباح بدري عملت لي فيلم مضحك خلاص لكن لي هسة ضميري مؤنبني وكايس الشافع أراضيهو في قروب فيسبوك كوز بنتقد في تعديلات القوانين وجيت كتبت مداخلة من سطر واحد ما عندها أي علاقة بالدين جاء شافع من المتحمسين الشايلين سيوفهم حارسين البوست قال لي خلاص جيت يا ملحد تدافع عن الملحدين الزيك؟ شيكت على بروفايله لقيت شنب ما عندو بقرأ في أولى جامعة جيت كتبت ليه ما بنفع هنا بعمل ليك بوست مخصوص جاء راكب حصانه تاني وشغال لي نحن والله كلنا فداء الدين وما بتخوفونا يا علمانيين يا كفرة وما عارف شنو عملت اسكرين شوت لمادة التكفير في القانون الجديد بتاعة السجن 10 سنوات وعملت اسكرين شوت لتعليقه مع مربعات حمر في عبارات ملحد وكفرة بالإضافة لصورة بروفايله الشخصي لميتهن كلهن في صورة واحدة وفتحت لي منشور جديد عملت ليه تاق وكتبت فيه (معليش يا أخونا فلان نزعجك شوية المحامي قال البيانات في البروفايل ما كافية لفتح البلاغ فلو أمكن اسمك الرباعي مع تفاصيل سكنك الحالي ولو ما فيها إزعاج الرقم الوطني) وطبعاً بعديها الناس الممعوطة من المنشور الأول جات اتكبت في دة :) جاء الشافع كتب لي المعذرة ياخ ما قصدي بس الموضوع غيرة على الدين جاء واحد كتب لي أنا المحامي فلان الفلاني ودة رقم تلفوني ومتبرع بكل اجراءات التقاضي وبنشر البوست في قروب المحامين حقنا متأكد كلهم ما بقصروا وبتلقانا قدام باب المحكمة 8 شوكة بس هو يحدد لينا سكنه عشان نعرف نفتح البلاغ وين بعد تعليقه طوالي رسل لي رسالة خاصة قال لي أنا ما محامي ولا قاعد في السودان ذاتو بس داير اقطع قلب الشافع رديت ليه يعني أنا الفي السودان ولا خلاص شايفني فاضي لبلاغات! بعديها عملت تعديل للمنشور كتبت فيه شكراً لمولانا فلان الفلاني وللستة محامين الراسلوني بالخاص وأعلنوا تكفلهم بالقضية وبالنسبة لاعتذارك يا أخونا فلان ممكن نتكلم فيه لاحقاً لكن معليش أنا قررت أجرب القانون الجديد أشوفه شغال ولا ما شغال فلو ما فيها إزعاج ياريت بياناتك عشان نحاول ننتهي من الإجراءات قبل الساعة 9
وحاتك دقيقتين ما تمن لقينا الشافغ غادر القروب .. فتشت الهستوري بتاع المتصفح دخلت بروفايله لقيتو مسحه .. جيت حذفت المنشور وبقيت أضحك براي زي المجنون لمن صحيت ناس البيت
Post: #17 Title: Re: من الذى يُصدر مثْل هذه القرارات ...؟؟!!! Author: طلحة عبدالله Date: 07-19-2020, 12:22 PM Parent: #16
Quote: وحاتك دقيقتين ما تمن لقينا الشافغ غادر القروب
تموت في الآكشن يا أبوحميد خخخخخخ ......... سلام يا أبو النور سيد البوست
Post: #26 Title: Re: من الذى يُصدر مثْل هذه القرارات ...؟؟!!! Author: ANWAR SAYED IBRAHIM Date: 07-19-2020, 06:11 PM Parent: #17
حبيبنا استاذ طلحة عبد الله
بالجد اخونا احمد محمد عمر اضحكنى فى تلك القصة
تسلم يا ورد
لك التحية ولاخونا احمد
Post: #25 Title: Re: من الذى يُصدر مثْل هذه القرارات ...؟؟!!! Author: ANWAR SAYED IBRAHIM Date: 07-19-2020, 06:09 PM Parent: #16
اخونا احمد محمد عمر
ههههههههههههه
والله ضحكت ضحك شديد على قصة الشافع والمحامى
قول ليهم تانى تجو الحلّة دي
يديك الصحة والعافية
Post: #24 Title: Re: من الذى يُصدر مثْل هذه القرارات ...؟؟!!! Author: ANWAR SAYED IBRAHIM Date: 07-19-2020, 06:04 PM Parent: #15
حبيبنا عز الدين عباس الفحل
كيف حالك والعيال يا امير
نقول اللهم آمين
تسلم يا حبيب
Post: #23 Title: Re: من الذى يُصدر مثْل هذه القرارات ...؟؟!!! Author: ANWAR SAYED IBRAHIM Date: 07-19-2020, 06:03 PM Parent: #14
اخونا قلقو
كيفك يا هندسة
اعتقد ان مستشفى امدرمان رغم انها تغمل حاليا الاّ انها لا زالت تحت التاهيل
وقد يكون ايضا لعدم وجود التخصص لحسب الحالة التشخيصية للمريض
او لاسباب اخرى ...
لك منى التحايا والتقدير
Post: #22 Title: Re: من الذى يُصدر مثْل هذه القرارات ...؟؟!!! Author: ANWAR SAYED IBRAHIM Date: 07-19-2020, 05:58 PM Parent: #11
استاذنا احمد محمد عمر
سلام وتحية
والله ما عارفين متين تنتهى هذه المسرحية ( مسرحية الكيزان )
التى استمرت سنين عددا
..............
صدقت اخى الكريم
لك كل الشكر
Post: #21 Title: Re: من الذى يُصدر مثْل هذه القرارات ...؟؟!!! Author: ANWAR SAYED IBRAHIM Date: 07-19-2020, 05:55 PM Parent: #10
حبيبنا محمد البشرى الخضر
يا سلام عليك على رفعك الفديو
كنت محتار لرفعه
وكما قال اهلنا قديما ( قطعت جهيزة ... الخ )
اشكرك جزيل الشكر
ودمت بخير
Post: #20 Title: Re: من الذى يُصدر مثْل هذه القرارات ...؟؟!!! Author: ANWAR SAYED IBRAHIM Date: 07-19-2020, 05:51 PM Parent: #8
