حبيبنا محمد عبدالماجد الصايم .. عندك مقال بحثت عنه لم أجده

07:56 AM July, 16 2020

سودانيز اون لاين
علي عبدالوهاب عثمان-جدة
مكتبتى
رابط مختصر

قرأت لك مقال في موقع النيلين تقريبا
قبل فترة عن السفارة في الرياض
الموضوع عجبني جداً لأن عندي مواضيع
في قنصلية جدة
حاولت انزل المقال
لم استطيع احضاره

لو سمحت ممكن تنزل المقال

تحياتي الحبيب

أين انت يا جميل

حبابك يا صديقي .. دقيقة بس

..


..

https://www.alttahrer.com/archives/48303https://www.alttahrer.com/archives/48303
سفارة السودان بالرياض .. إلا وجدي صالح!


ما عارف الرابط ما زابط معاي ولا المشكلة في البورض نفسو .
لكن لو عملت بحث باسم المقال بطلع ليك ..

استاذنا علي عبد الوهاب
امشي قوقل عنوان المقال في موقع قوقل بتلقى المقال منشور ما بس في موقع النيلين ولكن في خمسة مواقع اخرى ومنها الراكوبة ،،،لكن ما منشور في موقعنا هنا سودانيز اون لاين ،،،تراهو محمد عبد الماجد بيغيب كتير من هنا ويمشي يكتب المقالات الدسمة في المواقع الاسفيرية الاخرى الما بنعرفها.....
ونحن نطالبه الان باعادة كتابة المقال هنا في سودانيز اون لاين ،وكمان يزيد شوية في المعلومات بناءا على اي قرارات جديدة ويقعد قدام الكمبيوتر ساعة ساعتين ويكتب لينا المقال حرفا بحرف وكلمةبكلمة ،عقابا له على انه لم يبدا بنشر المقال هنا اولا ،،،،وعلى الاقل نخليه يضيع وقت مع حبسة الكرونا،،،وكمان ناس السعودية يستفيدوا ،،،،

علي امبس وضيوفك تحياتي.
استلم المقال.
سفارة السودان بالسعودية .. إلا وجدي صالح!

غايتو بتعبير بسيط جدا ممكن نقول البحصل في سفارة السودان بالرياض دا قمّة الفوضى .. السعودية عاملة ضوابط صارمة جدا عشان جائحة كورونا، لكن في سفارة الرياض دي ماف أي ضوابط ولا ضبط ولا ربط .. أي زول بشتغل معاك على مزاجو ..
كل زول ماسك ليهو قائمة في يدو وفي سبعة وراهو بكلموهو في أضانو .. وفنون في تعذيب البشر .. تمر من واحد لازم التاني يعرقلك .. سااااي كدا.

المهم .. طبعا في السفارة عملوا ملحق بالبلوك : أي والله زي ما بؤولك كـدا، وبعد دا عاملين فيهو مراوح. الكلام دا يخوانا في عاصمة نجد البتصل فيها درجة الحرارة فوق الخمسين عاااادي .. وتكون قاعد في ملحق مسقوف بالصاج وفيهو مراوح .. وبعد دا كمان قفلوهو بالبلوك وعملوا بابين .. يعني دي كان الكرونا ما طقت في وقفة الشارع بتاع صف السبهللية ساي ح تضربك الكرونا في الحتة دي ..
ثم السفارة الما فيها نظام دي .. جايبين تلتمية وتمنين واحد ينظموا في شنو؟ هم قادرين ينظموا نفسهم؟

غايتو ناس الخارجية لو ما قادرين على سفارة الرياض دي يحولوها لي حبيبنا وجدي صالح في لجنة إزالة التمكين .. لأنو فعلا السفارة دي عاوزة إزالة تمكين ..
ثم يخوانا قروشنا دي قاعدة تمشي وين؟
يا دوب ارتحنا من وهمة جهاز المغربين في السودان بقصة المجمعات دي .. البحلنا من عشوائية سفارة الرياض دي شنو؟

مع ملاحظة بسيطة يخوانا: الفترة دي بالذات: يونيو ويوليو وأغسطس قبل خمسة سنوات كانت قمة الفوضى في سفارة الرياض بعد صدور قرار إلغاء الجواز الأخدر واعتماد الأزرق دا .. يعني كل البشرية ديك ح تجي تجدد في عصر الكرونا دا .. ودا شعرا سفارة الرياض ما عندها ليهو رقبة ..
حقيقة وللإنصاف الصالة الداخلية كانت منظمة والتعامل منظمة .. والشباب في الجوازات تعاملهم منظم وجميل واحترافي .. لكن الشلة بتاعت القوائم دي نعمل ليها شنو؟
غايتو جنس غايتو ..

عارف امبس ..
تحياتي يا جميل ..
دائما في الموعد ... صدقني أنا مقال عجبني جداً
لأنني خلال الايام الماضية عانيت جداً من السفارة
ولا زال ..
السفارة في الرياض أرحم
المشكلة في قنصلية جدة .. وكمان الحكومة بدون وزارة خارجية
الله يكون في العون ..

شكرا كثير الحبيب عارف امبس

الابنة امتثال .. تحياتي
يبدو ان صاحب أجمل ابتسامة
لا يريد يكسب الشهرة الظاهر الزول متواضح للاخر
لا يحب النجومية ..

يا ريت كان وزير في الانتقالية

تحياتي الابنة امتثال

حقيقة وللإنصاف الصالة الداخلية كانت منظمة والتعامل منظمة
==============
في قنصلية جدة .. الكلام يكون خيالي
معليش في الرياض

نفس مشكلة الانقاذ
نفس الاشخاص
نفس الاسلوب
شئون المغتربين بدون أي مبادرة

تحياتي الصايم .. شكرا للمقال

ابوعلوة الحاجة حلوة
سلام
بالامس الاحد مشيت مجمع العباسية امدرمان
لاستخراج جواز سفر
مشيت نافذة المغتربين
بحكم اني لسا مغترب لكن راكن في السودان
اسرتي ادوني اسم نقيب بالمجمع وشرطي برتبة شاويش مع هواتفهم ورحبوا بقدومي
بس لمن مشيت المجمع
طوالي دخلت وبدون واسطة أو تدخل من احد
العملية استغرغت ٢٠ دقيقة تلت ساعة بس
وقالوا لي تعال بعد باكر اي يوم الثلاثاء اي وقت لاستلام الجواز
وانا مندهش حتى الاأن
بالله في السودان يمكن تقضي خدمة في تلت ساعة؟
هذه من عجائب السودان
الما عارفا كم
يا ابوعلوة
بعدين
يا اخي اجمل صورة في المنبر هي صوة ود الصائم
دا انا معجب بيها
وما تحتوي من مداخلات منذ ان قرأت له اول مرة
سلم لي عليهوه

طوالي دخلت وبدون واسطة أو تدخل من احد
العملية استغرغت ٢٠ دقيقة تلت ساعة بس
وقالوا لي تعال بعد باكر اي يوم الثلاثاء اي وقت لاستلام الجواز
وانا مندهش حتى الاأن
بالله في السودان يمكن تقضي خدمة في تلت ساعة؟
هذه من عجائب السودان
=============================
حبيبنا الكنزي .. شكرا لحضورك الجميل
يا سلام ده أجمل خبر 20 دقيقة فقط
لا بد أن الامور تغيرت ونحن ما عندنا خبر
الظاهر انت زول بركة وتحققت ليك المعجزة
صدقني ده اسرع من الفول المصلح

لازم في امور تبدلت ..

تحياتي الحبيب وشكرا على الخبر السار

اليوم اخبار جميلة عن الجوازات

أعلنت وزارة الداخلية عن اكتمال الاجراءات الفنية لتجديد جوازات سفر السودانيين بالخارج، المُنتهية أثناء أزمة جائحة كورونا مجّاناً، حتى الأول من يونيو2021م.
وأكدت وزارة الداخلية في تغريدة لها اليوم “الاثنين” على حسابها الرسمي بـ”تويتر”، وصول الأختام لمكاتب جوازات دبي، جدة،القاهرة، منوهًة إلى أن الاجراءات ستكتمل تباعاً.
وطالبت المواطنين بمتابعة السفارات المعنية.

=======================

بقي الامر على القنصليات

حبيبنا أبوحسين .. تحياتي
شكرا على التأكيد
أنا كنت متخوف من مصداقية الخبر من موقع اخبار السودان
شكرا كثير الحبيب
المشكلة التكدس في القنصلية

تحياتي الحبيب أبوحسين