Post: #1
Title: ليه ثورة الشباب انعدمت فيها الأناشيد والاغنيات البتحفز على العمل والإنتاج .. !!!
Author: توفيق عيسى مكي
Date: 07-15-2020, 10:18 PM
Parent: #0
10:18 PM July, 15 2020 سودانيز اون لاين
توفيق عيسى مكي-
مكتبتى
رابط مختصر
كل اناشيدنا وغنانا
غنا اندايات بالات حديثة مواكبة لتطور الموسيقى العالمية
دون معنى يفيد معاش الناس
أو شاكلة كنداكة جا بوليس جرا
وين ؟؟؟؟
باسمك الأخضر يا أكتوبر الأرض تغني
والحقول اشتعلت قمحا ووعدا وتمني
مرورا بعهد نميري في الجزيرة نزرع قطنا
نزرع نتيرب نحقق امالانا
وصولا لسيئة الذكر الإنقاذ نأكل مما نزرع ونلبس مما ننتج
|
Post: #2
Title: Re: ليه ثورة الشباب انعدمت فيها الأناشيد والا
Author: توفيق عيسى مكي
Date: 07-15-2020, 10:28 PM
صاح نحن في عهد وزمن البيتكلم ويقول شغل وإنتاج ده زول مخرف
عشان ديل أولاد الإنقاذ اتولدوا فيها ووعوا في زمن السودان كان بصدر
بترول وقت الإنقاذ لغت كل قطاعاتنا الإنتاجية
واعتمدت على البترول وامواله والكل بقى في سباق ياخد منه عبره
حلال ولا حرام ما اصلوا وأساسا القروش بت حرام
وين الاغاني زي بتاعت العطبراوي العائدون من الحقول
والمنهكون اها اولادنا ديل الانهاك في ثقافتهم العب والجري
ورا المواصلات وجماعتي ديلاك المساسكة من ناس الكشة في الأسواق
الأغنيات المحفزة الوحيدة البسمعها منهم كل يوم
كل حاجة بعشرة كل حاجة بعشرة
الليمون بي عشرة
الكركدي بي عشرة
البارد كله بي عشرة
وحاجات من هذا القبيل
|
Post: #3
Title: Re: ليه ثورة الشباب انعدمت فيها الأناشيد والا
Author: توفيق عيسى مكي
Date: 07-15-2020, 10:35 PM
Parent: #2
سيبوا الإنتاج
السلام النابحننا بيه ليل ونهار
يا كافي البلا لا اغنية لا نشيد
غير عبارة جوفاء ما خدمت كتير اخير كان نسكت ما نقولها
وهي كلنا دار فور
لانو ناس دار فور الفي دار فور
عارفين ده نفاق أولاد بنادر ما شافوا الجنجويد بيعملوا شنو
|
Post: #4
Title: Re: ليه ثورة الشباب انعدمت فيها الأناشيد والا
Author: توفيق عيسى مكي
Date: 07-15-2020, 10:39 PM
Parent: #3
مافي زول غبي يقول لي ماو بتاع الراب الجا من أمريكا وقت الثورة وطش
دي اسمها أغنيات تشفي وغل
الوطن والإنتاج استفاد منها شنو
أو حتى السلام
|
|