Post: #1
Title: اصوات تتطالب السلطات بمحاسبة فنانة غنت أغنية (امبارح كنتي حمامة.. والليلة بقيتي ضكرية)
Author: زهير عثمان حمد
Date: 07-14-2020, 11:55 PM
11:55 PM July, 14 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
مطالة السلطات بمحاسبة فنانة غنت أغنية (امبارح كنتي حمامة.. والليلة بقيتي ضكرية)
..........
الخرطوم /العريشة نت
..........
شن عدد من المهتمين بالشأن الثقافي والفني في البلاد هجوماً كاسحا على فنانة غنت أغنية تحمل بين طياتها كلمات موجهة إلى سيدة، إذ قالت من خلالها : (بقت سيرتي بتضايقه.. انا ما شغاله بيك)، ثم ذهبت في الأغنية إلى (الشلب) قائلة : (فرعيك الجبتيهو والله أنا ما عندي معاهو شي)، وأشارت من خلال الأغنية إلى أن سيرتها بقت بتضايقها، قائلة : (والله انتي مروية.. أنا عيونك شخصية)، ثم عددت بعض الاسماء من خلال الأغنية قائلة : (امبارح كنتي حمامة.. والليلة بقيتي ضكرية.. الله يكفينا شرها.. يلا بلا عوايلق).
فيما طالب من استمتعوا إلى الأغنية سلطات مجلس المهن الموسيقية والتمثيلية واتحاد الفنانين استدعاء الفنانة صاحبت التسجيل الصوتي، والذي ذكرت من خلاله : (أنا عيونك شخصية)، لمحاسبتها على الانجراف بالغناء إلى أغاني (المغارز) التي انتشرت في الفترة الأخيرة، واختيار كلمات (ركيكة) تهبط بالغناء السوداني بدلاً من الارتقاء به.
🛑
|
Post: #2
Title: Re: اصوات تتطالب السلطات بمحاسبة فنانة غنت أغ
Author: Deng
Date: 07-15-2020, 00:07 AM
Parent: #1
سيبوا القونات في حالهم.
|
Post: #3
Title: Re: اصوات تتطالب السلطات بمحاسبة فنانة غنت أغ
Author: نادر الفضلى
Date: 07-16-2020, 02:48 AM
Parent: #2
يعنى تسجيل صوتى فى قعدة خاصة؟
لو كدا التقول التقولو وتغنى التغنى
وضكرية ممكن تعنى أنها فقدت نغومتها كأنثى (كانت حمامة)، وأصبحت مسترجلة (ضكرية) .. وليس بالضرورة تعنى سحاقية
يشوفوا ليهم شغلة تانية!
|
Post: #4
Title: Re: اصوات تتطالب السلطات بمحاسبة فنانة غنت أغ
Author: muntasir
Date: 07-16-2020, 05:17 AM
Parent: #3
القونات إخترعوا حاجة جديدة الألفاظ النابية ما بتقولها القونة بيعزفها بتاع الأورغ لحناً لكن الجمهور بكون عارفها وممكن يرددها وغالباً تكون موجهة لعازف أورغ القونة التانية يعني يا تباشي 🤐🤐🤐🤐والتاني يرد ليه طاسو 🤐🤐🤐🤐 غايتو عالم جديد ونفس قصة الراب بدت في الجيتو وانتقلت لابناء الطبقة المتوسطة حتى صارت علمية هسي القونات اصبحوا يمشوا يعملوا حفلات عامة في الخليج لكن ثباتهم الكرونا واصبحت تعابيرهم تستخدم في الحياة العامة زي نار الضلع وغيرها ممكن يتطوروا من ناحية الكلمات ويرتفعوا بمستوى أغانيهم ويصبح لون جديد في الفن السوداني
|
Post: #5
Title: Re: اصوات تتطالب السلطات بمحاسبة فنانة غنت أغ
Author: جمال ود القوز
Date: 07-16-2020, 05:40 AM
Parent: #4
لو السلطات عايزة الغنا الشين ده ينتهي
التهتم شوية بمعاش الناس وحياتهم ..
دي ظواهر اجتماعية مردها لتدهور الوضع الاقتصادي ..
الناس بتنفّس عن كبت ما بنفوسها بهكذا غناء ..
كلما زادت صعوبة المعيشة والحياة زاد الابتذال والانحلال
الحاجة أم الإختراع ..
السلطات لن تستطيع بعصا السلطة أن تغير ظواهر
سالبة زي دي من المجتمع السوداني ..
|
Post: #6
Title: Re: اصوات تتطالب السلطات بمحاسبة فنانة غنت أغ
Author: Abdullah Idrees
Date: 07-16-2020, 08:24 AM
Parent: #5
ديل افندية ما عندهم موضوع
انتو السلطكم على الذوق العام منو ، ومنو القال ليكم في ذوق عام اساسا ؟
ديل فنانات عندهم جمهور ماليهو حد خلوهم يغنو لو السوق-الجمهور شايف انهم
هابطين السوق هو الحايحاسبهم وهو الحا يجبرهم يتغيروا مش العكس
نعم لـ "لبرلة الحياة" ، شغل وصاية السلطة على المجتمع ده اعتقد زمنو انتهى
|
|