ما كنت قايل افران السودان خمجانة ونتنة بالصورة دي إلا بعد ما جابتني الصدفة اليوم داخل لي مخبز بلدي في مدينة امبدة . بعد داك حسيت بي كمية من الإحباط و ورم الفشفاش. والله يا جماعة غرفة العجن. ودي غرفة العمليات. المهمة . تخيلوا فاتحة في حمام . والحمام ما يصلح لي حمام مرفعين. تمباك مجدع في ارضية غرفة العمليات وضرضار دقيق وصراصير تقدل في الواطة بي حرية وسلام وعدالة. الصراصير هنا قوة . عاملة تحالف مع ابو الرقيع. يازول فيلم مرعب . وصاحب الفرن صاحب البكس ال اوباما. قاعد يشرب في الجبنة بمزاج. ساقتني لحظة الوقفة في مخبز امبدة بعيد. سأقتني للمقارنة المعدومة لي مخبز السوري (مخبازة الطحان) في ولاية اركنسو . المخبازة الما بتفرز فيها العجان من جراح المخ . ده عيش يا عالم. ده رغيف يدخل البطن. تف على الرقابة في السودان. والله محبط . وما أظن السودان يتصلح لو بي زي ده الخمج . يا حليلك يا رغيف عطبرة الزمان .
Post: #2 Title: Re: افران الرغيف فرق كبير بين افران السودان و� Author: Osman Musa Date: 07-14-2020, 05:14 AM Parent: #1
ربنا يلطف بالشعب المسكين
Post: #3 Title: Re: افران الرغيف فرق كبير بين افران السودان و� Author: Osman Musa Date: 07-14-2020, 11:14 AM Parent: #2
ما تتخيلوا كمية الرماد وتفالة الدقيق ورماد الخيش ونسال البلاستيك. في داخل غرفة عملية العجن . إهمال وجهل وعدم تقدير . وطمع .
Post: #4 Title: Re: افران الرغيف فرق كبير بين افران السودان و� Author: Osman Musa Date: 07-15-2020, 11:10 AM Parent: #3
امس اشتكيناهم. لكن أظن في دي البلاد بس الشكية لي الله.
Post: #5 Title: Re: افران الرغيف فرق كبير بين افران السودان و� Author: Osman Musa Date: 07-16-2020, 06:45 AM Parent: #4
التشوفوهو في بطن الأفران . صورة من الصور التوضح ليك وتبرهن ليك انها لن تسقط بعد
Post: #6 Title: Re: افران الرغيف فرق كبير بين افران السودان و� Author: ابوحراز Date: 07-16-2020, 10:52 AM Parent: #5
سوف ابدا مداخلتي بطريقة مشاترة جدا وربما أشبه بالخروج من (النص) في وزارة اسمها وزارة الحكم الاتحادي لا ادري هل هي حية ام ميتة الان ؟؟؟ لكن هذه الوزارة يجب أن يغير اسمها من وزارة الحكم الاتحادي الى وزارة البلديات وتلغي جميع المحليات واستبدالها بالبلديات ف المحلية الان جهودها مشتتة جدا ويعملون في كل شيء وربما حتى بيع الطلح في الموردة مساءا يعني مثلا توجد وحدات إدارية في المحليات مثل الزراعة يجب أن تتبع مباشرة للوزارة والتعليم كذلك يجب أن يتبع للوزارة والمستشفيات والمراكز الصحية لوزارة الصحة والرياضة للشباب والرياضة وأئمة المساجد للدعوة والإرشاد بينما تكون البلدية هي المسؤولة عن التخطيط العمراني الاراضي والطرق الداخلية في كل مدينة اصحاح البيئة والرقابة الصحية الاستثمارات داخل كل مدينة الترفيه والحدائق والانارة الداخلية للشوارع داخل الاحياء على أن تقوم البلديات بدفع قيمة التيار لهذه الإنارة مقابل أن تدفع شركات الكهرباء رسوما على كل عمود يتم غرسه في اراضي البلدية وبالتالي يمكن أن تكون إنارة كل المدن مجانا هذا طبعا في حال توفر الكهرباء نفسها وفي حال أن البلدية أصبحت لديها صلاحيات وسلطات واسعة سوف تتم الرقابة الصحية بصورة جيدة وبالتالي فرض الغرامات على المخالفين والبلديات بامكانها أن تصحح كل الخلل الذي بالاسواق وكذلك تنظيم الباعة حيث ان الكثير من الباعة الآن يعملون بطريقة عشوائية وفي حال تنظيمهم وعمل مظلات لهم يمكن توسعة الشوارع وتسهيل حركة المرور إضافة إلى تقديم منتجات صحية
هجمة مرتدة تصدق نحن في البلدية بالسعودية عندنا الآتي مراقب صحي مسؤول عن الشعر وتغطية الرأس مراقب صحي مسؤول عن الأظافر واخر يفتش صواني الافران وقدور الطهي
انت عارف في سوق اسمه حراج الصواريخ بجدة صدرت لهم أوامر بعدم عرض المنتجات خارج المحل لكنهم لم يستجيبو لذلك في اليوم الرابع اتت شيولات وبلدوزرات وحطمت كل ماهو معروض خارج المحلات للاسف القوانين هنا هشة وضعيفة وتلعب فيها العاطفة دور كبير لهذا تجد الصراصير في كل مكان
Post: #7 Title: Re: افران الرغيف فرق كبير بين افران السودان و� Author: محمد على طه الملك Date: 07-16-2020, 01:02 PM Parent: #6
حولالالالالا يا مك.. البوست الجاب أبو حراز راجع دا بوست كدا.. أنا ذاتي بدخل من زاوية تانية.. انا ماعارف ليه نحن ما عندنا الحس التطويري؟ ما قادر افهم كيف في العاصمة تكون في افران بلدية !! ياخي دي ذاتا ما صديقة للبيئة.. حرقت غاباتنا ولوثت البيئة.. حتى لو فرضا حكمتنا الضرورة.. ليه ما تم تطوير ليها باستخدام الزيت الراجع بدلا من الحطب.. مع صناعة مداخن مفلترة شبيهة بعوادم السيارات.. او استخدام الغاز المنتج من مخلفات الحيوانات.. الغريب عندنا مصنع ضخم اسمه جياد للصناعات الحربية.. انتجوا اليات كثيرة غلبهم يصنعوا لينا افران آلية؟
Post: #15 Title: Re: افران الرغيف فرق كبير بين افران السودان و� Author: Osman Musa Date: 07-17-2020, 09:36 AM Parent: #7
مولانا أستاذ محمد ع طه الملك سلامات والله يا مولانا القايمين على شغلة الأفران طلعوا عين العيش. في مخبازة يا ود الملك فى نيوجرسي 23 طابق البنيات الماسكات ماكينات العجن زي الفراشات. ( تخيل أصابع عجانات افران نيوجرسي ) العيش حقهن لمان يطلع . لا تعرف تاكلوا لا تعرف تتصور معاهو صور تذكارية. وبعد ده كلو في السودان لمان تمرق من صف العيش وانت قابض كيسك . تحس بي انك زي الشايل كأس شرق و وسط أفريقيا. الحصول على العيش انتصار . وكونك تعدي اليوم بسلام بين الملجة والفرن برضو انتصار. والانتصار الأكبر انك تتحمل ورم دعايات التلفزيون. ( والرز باللبن الامى بتعملو مستحيل نحنا تفضلوا ) .. التغيير محتاج مجاهيد طويلة التيلة.
Post: #8 Title: Re: افران الرغيف فرق كبير بين افران السودان و� Author: Osman Musa Date: 07-16-2020, 06:55 PM Parent: #6
أخونا أستاذ حراز سلامات ليك القومة وانت ايه زميل من قدامى المحاربين في المنبر . ويجب تكريمك. في أمريكا يا حراز . يوم 11 من شهر نوفمبر من كل عام يعتبر عطلة فيدرالية . تكريم لقدامى المحاربين. ولذكرى هدنة الحرب العالمية الاولى. .. يا شيخ حرازة ياخ شاتر علي كيفك . وامرق من النص علي كيفك . على طريقة عمك النجم عادل امام . المسرح مسرح . .. الفرق بين الأفران البلدية وحمامات السوق بسيط . حاجة محزنة . .. حدثني زميل عمل من كولمبيا عن السجن الاوسخ في العالم عندهن في كولمبيا . وسخ عن قصد لتأديب المساجين. .. فى السودان والله ما عارفين قصد الحكومة شنو . من اهمالها للرقابة على المخابز والملجات . .. الف شكر على المرور الكريم
Post: #9 Title: Re: افران الرغيف فرق كبير بين افران السودان و� Author: اخلاص عبدالرحمن المشرف Date: 07-16-2020, 07:03 PM Parent: #8
السلام عليكم بالمرة اسألوا لينا عن مخابز السيسي ال جابها اخر عهد الانقاذ هي والخبازين ، فص ملح وذاب
Post: #10 Title: Re: افران الرغيف فرق كبير بين افران السودان و� Author: محمد على طه الملك Date: 07-16-2020, 08:26 PM Parent: #9
Quote: بالمرة اسألوا لينا عن مخابز السيسي ال جابها اخر عهد الانقاذ هي والخبازين
تقولي والله أكيد مخابرات.
Post: #11 Title: Re: افران الرغيف فرق كبير بين افران السودان و� Author: Kostawi Date: 07-16-2020, 09:10 PM Parent: #10
Post: #12 Title: Re: افران الرغيف فرق كبير بين افران السودان و� Author: Kostawi Date: 07-16-2020, 09:15 PM Parent: #11
Post: #13 Title: Re: افران الرغيف فرق كبير بين افران السودان و� Author: Kostawi Date: 07-16-2020, 09:40 PM Parent: #12
Post: #14 Title: Re: افران الرغيف فرق كبير بين افران السودان و� Author: Kostawi Date: 07-16-2020, 10:01 PM Parent: #13
مرحب أخي عثمان كيفنك يا زول يا راقي ياخ داير أقول ليك سر ! أنا كنت بصنع الرغيف منذ ما كان عمري 11 سنة تجارينا ; لدعم اقتصاد الأسرة. كان ذلك في قرية في ريفي كوستي شكرا للمرحومين أبي و أمي اللذان علموني هذه المهنة في ذلك الوقت. و الرغيفة علمت كل إخوتي الستة (بكلاريوس و ماجستير و دكتوراة to be). أنا الأن في أمريكا، أصنع الرغيفة في البيت و صورة الوالد و الوالدة محفورة في تلك الرغيفة. و الحمد لله
لك السلام
Post: #16 Title: Re: افران الرغيف فرق كبير بين افران السودان و� Author: Osman Musa Date: 07-17-2020, 11:11 AM Parent: #9
بنتنا الكنداكة اخلاص سلام . زى ما قاليك خالك الملك . الجماعة ديل بكونوا ( بلتون سرى) ربنا يسترنا من شر اطماعهم في التراب .
Post: #17 Title: Re: افران الرغيف فرق كبير بين افران السودان و� Author: Osman Musa Date: 07-17-2020, 01:21 PM Parent: #16
الفنان الكبير والرجل المتمكن في مجال الفنون أخينا نصرالدين سلامات يا مك. والله ليك القومة وانت تتحفنا بالفيلم العظيم عن صناعة الخبز في أمريكا . من زراعة القمح في براريها الرحيبة والى أن يصل القمح إلي انامل العجانات محركات تكنلوجيا العجن و التقطيع والتغليف والتوزيع . أمريكا يا أخ كوستاوي بلد مرحمنة . كل شي فيها مرسوم بي دقة وحساب . والله يا كوستاوي الأفران عندنا تخوف . تخيل انو في زول بيحشي في سندوتشات طاعمية وفي نص العيشة لقلاليهو ضب . طبعا الضب مشوي ومتحكر في نص العيشة . .. اكرر الشكر على الفيديوهات البديعة
Post: #18 Title: Re: افران الرغيف فرق كبير بين افران السودان و� Author: Osman Musa Date: 07-17-2020, 08:57 PM Parent: #17
نطالب بالرقابة الصارمة والمحاكمات السريعة في كل ما يخص معايش المواطن المسكين . رقابة على نظافة المخابز . والمطاعم . والحوارات. والصيدليات. حتى الصيدليات في السودان أصبحت و سخانة و مهملة.
Post: #19 Title: Re: افران الرغيف فرق كبير بين افران السودان و� Author: Osman Musa Date: 07-20-2020, 06:50 AM Parent: #1
بداية تدهور صناعة الرغيف في السودان في عهد الإنقاذ
Post: #20 Title: Re: افران الرغيف فرق كبير بين افران السودان و� Author: مصطفى توفيق Date: 07-20-2020, 10:30 AM Parent: #1
نحن لا عندنا صحة ولا رقابة ولا ضمير فى التصنيع ولا توجد عنياة بصحة البشر الكل فقط يفكر فى كسب المال باى اسلوب سوى كانت صحيحة او غير صحيحة ولا حنتطور فى يوم من الايام ,,, دى ما نظرة تشائمية لكن ده الواقع الموجود صاحب الفرن او المخبز لا ينظر الى تطوير عماله او تجويد صناعته لانه غير مواكب كل تفكيره فى المكسب فقط
Post: #21 Title: Re: افران الرغيف فرق كبير بين افران السودان و� Author: Osman Musa Date: 07-21-2020, 08:07 AM Parent: #20
أخونا الفنان مصطفى توفيق سلامات نعم يا أخ مصطفى الاهتمام بصحة الناس في السودان صفر . وجود مسامير و قطع خيش في الرغيف حاجة عادية .
