يا عزيزي محمد دودى كدى تعال بى جاى

09:38 PM July, 13 2020

سودانيز اون لاين
جلالدونا-USA
مكتبتى
رابط مختصر

اجونا دودى سلام من الله عليك ياخى
بصراحة البوست ده عشان نقرا دواخلنا صاح
و تاريخنا صاح
يعنى بالواضح كده نكشف المستور و المغطّى
افضل البداية من حركة اللواء الابيض
قرار تجريم تجارة الرق
تكوين حزبى الامه و الاتحادى
تجارة الرق فى السودان
مسيرية و زاندى و فور
تسليح حزب الامه للقبايل فى دارفور
مذبحة الضعين
دور السياسيين فى استغلال الموروثات دى فى اشعال الحروب الاهلية
و دور حزب الامة كمان بأعتبار ان قاعدته الجماهيرية هم ساكنى تلك المناطق
اها كان قدر البوست ده و عندك القدرة على المكاشفة و ابانة الحقائق
مرحب بيك
و كان لا برضو مرحب بيك و يا جار ما دخلك شر
بس اسمح لى قول ليك
الغرض من البوست ده هو قراية تاريخنا صاح
نشوف المرض وين و العلاج المفروض يكون شنو
دون تجريم او اساءة
مع اكيد الاحترام و التقدير لك
و تانى يا الف مرحب بيك

طيب عشان يكون مدخلنا صاح
جلينا نبدا بى تاريخ تجارة الرق فى السودان
لانو بصراحة قام عليها برغم الغائها كل مشاكلنا البتواجهنا اليوم
و الداء الذى ينخر فى نخاع السودان كدولة الان

Quote: يعيش في قرية هاص كوي، بقضاء بايندر في إزمير، عدد من اﻷتراك الأفارقة، حيث التقت اﻷناضول السيدة غونغور دالي باش، التي تحدثت عن عشقها لرجل أبيض. قالت دالي باش، البالغة من العمر 73 عاما، إنها عشقت لمرة واحدة في حياتها وكان شابا ذا بشرة بيضاء، أصبح فيما بعد زوجا لها رغم معارضة أهلها. وذكرت أنها هربت معه بقصد الزواج، ولم تعد إلى القرية لسنوات طويلة بسبب الخوف. أوضحت دالي باش أنها من أصول سودانية، وأن والدتها لم تغفر لها زواجها من ابن جارهم في القرية دون موافقتها، ولم تتحدث معها طوال 45 عاما.

العزيز جلالدونا..

مذبحة الضعين براها ؟
ياخ ديك كانت حرب بى جنودها و رتبها وسلاحها و عتادها..الخ
وحتى بالامارة كان اسمها حرب المراحيل..
وكانت لدوافع العنصرية..
يعنى عرب ..
ضد النوبة..
وشعللت الدنيا حتى تاريخ كتابة هذا البوست
و التى تقف فى هدنة فقط عشان المباحثات المجوبكة..
تجيب سيرة الضعين و تنسى الحرب كاااااملة ؟!
الله يسامحك ياخ..

حبيبنا جلالدونا
لابد من المكاشفه والمصارحه بعيدا عن التكسب السياسى
اولا
كانت تجاره الرقيق ركن من اركان النظام الاقتصادى العالمى القديم وكانت تقوم على القهر من خلال الحروب بين القبائل والشعوب
والمتتبع للدوله العباسيه والامويه يجد ان اغلبيه الجوارى من الروم والقوقاس يعنى غير مرتبطه باللون والعرق
لقد مارست معظم شعوب وقبائل السودان الرق عن طريق الخطف فيكون مصير الانثى الزواج والانجاب ومصير الذكور اما العمل مجانا فى الرعى والزراعه اوالبيع فى اسواق النخاسه
فمن القبائل المشهوره بتجاره الرقيق عن طريق الخطف الزاندى والدينكا والمورلى من جنوب السودان وقبائل الفور والمسيريه والرزيقات بكردفان ودارفور ومعظم قبائل السودان النيلى

مرحب عزيزتنا نور
كل ما جدت به يندرج تحت تجارة الرق
و مذبحة الضعين مثالا لا حصر
مش قالوا نخاطب جذور الازمة
اها ده الجذر الرئيس فى ازمة السودان
البوست مفتوح ليك تماما لطرح كل غبن السنين

حضور ومتابعة ومشاركة

مرحب الأخ جلال الدين
شكراً لهذا الطرح الرائع
و يبدو ان علاقتك بالأخ محمد دودي علاقة طيبة و اتمناها كذلك
و لا تنسى يا عزيزي ان تستصحب معك غزو الصادق المهدي لأمدرمان
سنة 1976 بقيادة العقيد محمد نور سعد
و هذه الغزوة لا تختلف عن غزوة خليل ابراهيم لي أمدرمان
مع اختلاف طفيف في التفاصيل
محبتي

شكرا محمدعلى الحضور الكريم
شايفك اجملت و عممّت لدرجة انو الواحد يحس كل قبايل السودان مشاركة
فى عملية الاتجار بالرق ثم انو الشعوب النيلية دى من نكولى لى حلفا
معقولة دى يا محمد
طيب خلينا نقسّم الموضوع لى
1/ الحملات العسكرية
2/ الاسواق
3/ التملّك
____

نبدا بالتجريدات العسكرية و القبائل التى تسيّرها
تمويل الحملة
توزيع الغنيمة