Post: #1 Title: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 00:06 AM Parent: #0
00:06 AM July, 10 2020 سودانيز اون لاين
من نيرتتي حتى قرورة ومن خور برنقة حتى محمد قول ومن كاودا حتى حلفا
Post: #2 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 00:12 AM Parent: #1
في كل ارجاء السودان في مدنه وقراه وعقدته؛ في حواكيره وعتاميره وجخانينه ومن كل شعوب السودان.... المحبة للحرية والسلام والعدالة؛
Post: #3 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 00:15 AM Parent: #2
وقد تتحول المواكب لاعتصامات حتى يستحيب حمدوك وحكومته ومزرعته واماراته وهبوطه الناعم لارادة الشعب
Post: #4 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 00:57 AM Parent: #3
ان الاجماع الشعبي الذي حظي به الرجل؛ لم يتوفر لاي سياسي سوداني منذ الاستقلال فلم يحسن استغلال المد الجماهيري؛ وطفق يخربط وشلته؛
Post: #5 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 00:59 AM Parent: #4
ببساطة لانه ليس سياسيا ولكنه موظف دولي بلا خبرات سياسية... لذلك استعان بالمزرعة وباخرين من ذوي الياقات البيضاء والهبوط الناعم وهؤلاء طبيعيا جدا ان تكون اجندتهم السايسية بعيدا عن هم الشارع اليومي؛ ومعاناة محمد احمد همتك؛ ...........
Post: #6 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 01:06 AM Parent: #5
ارتكب اخطاء جوهرية وكلها ضد شعارات الثورة فوجب عليه الاستقالة او الاقالة ايهما اسرع؛ وكان اكرم له لو تمت استقالة كل الحكومة الفاشلة برئيسها
Post: #7 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 01:10 AM Parent: #6
لم يتحرك ساكنا لمحاسبة القتلة المجرمين الذين فضوا الاعتصام وقتلوا الشعب؛ و اغتصبوا الكنداكات، ورموا بجثث اولادنا في البحر؛ منذ بداية الثورة؛ ومنذ التلاتين من يونيو 1989 وحتى تكوين الحكومة؛ ............... ويا حسرة ام الشهيد؛ واسرته...
Post: #8 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 01:13 AM Parent: #7
لم يقل موظفين كيزان وكبار في الخدمة المدنية في السفارات والوزارات؛ ومؤسسات الدولة كلها؛ وفي الجهات الامنية فما زال الكيزان في قيادة الجيش والشرطة والامن؛
Post: #9 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 01:18 AM Parent: #8
بل والاخطر لم يحل اي اشكال اقتصادي لامر معاش الشعب واساسياته الدولار مرتفع والجنيه قرب يعوم ولا في رغيف ولا جاز ولا كهرباء ولا موية ولا مواصلات؛ ولا علاجات الحالة وصلت بالشعب حاجة وفق استطاعتها ولن يسكت الشعب اكتر من كدة فاشل تمشي ياخ حواء السودانية والدة؛
Post: #10 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 01:24 AM Parent: #9
انه يطبق في برنامج الهبوط الناعم سطر سطر؛ بل انه في الحقيقة يمضي الاوامر التي تاتيه من مزرعته ومن هبوطه الناعم....
Post: #11 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 01:28 AM Parent: #10
اقالة اكفأ وانجح وزراء حكومته؛ وابقى على الافشل وكل لتمرير سياسية الكيزان واهل الهبوط الناعم والمزرعة التعيسة...
Post: #12 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 01:34 AM Parent: #11
وعمل تعديل وزاري عشان يجيب كيزان الكفاح المسلح واهل الهبوط الناعم في السلطة خليل وهجو ومناوي؛ وعقاروعرمان؛ والغريبة لا وجود لهم على الارض؛ فاهل دارفور يعتصمون ويناضلون مدنيا لحلحلة مشاكلهم وليس عبر جنرالات الحرب هؤلاء.. ................... عطاء من لايملك لمن لا يستحق؛
Post: #13 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 01:48 AM Parent: #12
ياسف شعب السودان الذي فجراعظم ثورة في التاريخ الانساني ان تصل مخرجات ثورته لهذا الحال المايل؛
Post: #14 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-11-2020, 01:55 AM Parent: #13
تسقط تالت؛ وسيسقط حمدوك بمزرعته بهبوطه الناعم بجنرالات حربه ما يسميهم باهل الكفاح المسلح؛ وببرهانه وكباشيه وحميدتيه؛ وبكيزانه... وسقوط الحكومة حتمي؛ ............. الثورة مستمرة و سننتصر
نحن شعب السودان
Post: #15 Title: Re: مليونيات لاقالة حمدوك وحكومته!!! Author: حسن ادم محمد العالم Date: 07-11-2020, 02:32 AM
حبيبنا عبدالمنعم سلامات شان ما يكون كلامنا شعارات ويكون حوارنا منتح محتاجين تعريف لمصطلح الهبوط الناعم وإسقاط ذلك المفهوم علي القوي السياسية في الساحه ومعرفة موقفها من الهبوط الناعم بالأفعال بالمقابل برضو محتاجين كنخب نسال انفسنا ماذا يريد الشعب من الحكومة الانتقالية ومدي إمكانية تحقيق هذه الرغبات والطموحات في ظل الحكومة الانتقالية ومعرفة الأدوات وآليات التنفيذ لهذه المطالَب المشروعه اما بخصوص الامارات ماذا تريد الامارات من السودان وبالمقابل ما يريد السودان من الامارات اما بخصوص العلاقة بين المدنيين والعسكر ماهي شكل العلاقة بنص الوثيقة الدستورية الم تكون شراكة السؤال هل الشراكة او التسوية السياسة التي تمت في حضور حمدوك ام بواسطة قوي التغير اخيرا نتفق بعد هذه الأسئلة ان الثورة عظيمة جدا وان الاداء دون المطلوب ودون الطموحات السؤال هل نقفز لتغير المشهد. السياسي في الحكومة الانتقالية بالاعتصامات وماهي التداعيات المتوقعه او يتم التغير عبر تغير السياسات وهل الازمة في الحكومة الانتقالية ام الازمة في الحاضنة السياسية ام الازمة في العقلية السودانية التي تريد المشهد
Quote: حبيبنا عبدالمنعم سلامات شان ما يكون كلامنا شعارات ويكون حوارنا منتح محتاجين تعريف لمصطلح الهبوط الناعم وإسقاط ذلك المفهوم علي القوي السياسية في الساحه ومعرفة موقفها من الهبوط الناعم بالأفعال
الهبوط الناعم كفكرة قابلة للتنفيذ بدأت دولية سوقتها الالية الافريقية بواسطة رئيس جنوب افريقيا ثابو امبيكي الفكرة تتلخص في ازالة راس النظام وبعض القيادات المتطرفة والابقاء على جوهر سياسيات النظام؛ والتطعيم ببعض السياسين والقوى السياسية القابلة للمشاركة في نظام الحكم المطعم وكان في جوهرها اتنخابات ابريل 2020 وكانت القوى السياسية التي تتحاور حول الامر هي نداء السودان بجبهته الثورية وبحزب امته وبمؤتمره السوداني؛ وعراب الهبوط الناعم هو السيد الصادق المهدي وكاوا منخرطين في مفاوضات حتى فاجاتهم الثورة الباسلة في ديسمبر2018 وكانوا حتى بعد شهر من اندلاعها ما زالوا يتفاوضون مع الحكومة؛ اهم حاجة في الهبوط الناعم هو اسقاط مبدأ المحاسبة على الفساد والسرقة لانه ببساطة لو تمت محاسبة ثورية نزيهة ستطال الحجارة البيوتات الزجاجية وبعض الواجهات السياسية وما يحصل في لجنة التفكيك من محاولات بعضهم لعرقلة عملها والتشكيك في نزاهة اعضاءها وفكرتها؛ يعطيك فكرة عما كان حاصل وعن استمراره؛ لا بد من الاعتراف ان مشروع الهبوط الناعم لم يكتمل كما يراد له من انصاره وذلك للمقاومة الشرسة من الشعب العظيم ولكنهم لم يستسلموا ونحن كشعب لم ولن نستسلم والفورة مليون
Quote: بالمقابل برضو محتاجين كنخب نسال انفسنا ماذا يريد الشعب من الحكومة الانتقالية ومدي إمكانية تحقيق هذه الرغبات والطموحات في ظل الحكومة الانتقالية ومعرفة الأدوات وآليات التنفيذ لهذه المطالَب المشروعه
نريد من الحكومة الانتقالية شفافية وكهرباء وموية وعلاج وتعليم وسلعة في المتناول هذه مطالب الشعب نخب دي ما بتقسم هنا نحن نتكلم كشعب ما اضر السودان واقعده غير الفرز المجتمعي من نخب وناس عادية وناس مشلخة وناس الخرطوم وناس دنقلا وناس ربك والخط شبك ابدا هذه مطالب الشعب كل الشعب
Quote:
اما بخصوص الامارات ماذا تريد الامارات من السودان وبالمقابل ما يريد السودان من الامارات
الامارات تريد ماءنا وميناءنا وسواحلنا وارضنا وتريد دولة يحكمها الاقزام لان اي مد ديمقراطي حقيقي ستتاثر به دول الاقليم وسيجتاح الطوفان الديمقراطي مشيخات وسيسي؛ ونحن نريد منها ان تبتعد عنا ونعاملها من موقع الندية ومع موقع المصالح المشتركة ولا تحشر انفها في امرنا؛
Quote: اما بخصوص العلاقة بين المدنيين والعسكر ماهي شكل العلاقة بنص الوثيقة الدستورية الم تكون شراكة السؤال هل الشراكة او التسوية السياسة التي تمت في حضور حمدوك ام بواسطة قوي التغير
الوثيقة معيبة؛ وقوى التغيير اكثريتها هابطة ناعمة صحيح الامر تم بقوى التغيير والعسكر والاغرب انو ما اعطيته الوثيقة المعيبة لحمدوك تنازل عنه طواعية او خوفا او هبوطا للمجلس السيادي الذي يهيمن عليه العسكر من قضية السلام قضية مدنية بيد رئيس الوزراء سلمها للعسكر وتعيين الوزراء يتدخل فيها العسكر وكباشي وبرهان وحميديتي قدام وحمدوك في لصفوف الخلفية متواري يا رجل؛
Quote: اخيرا نتفق بعد هذه الأسئلة ان الثورة عظيمة جدا وان الاداء دون المطلوب ودون الطموحات السؤال
طبعا ماساة اخوي شغال في المغتربين وساكن في الحلة يحتاج ل150 الف ليصل بحري و100 الف ليصل جاكسون و100 الف ليصل الصحافة و150 لوجبة فطور فول ومثلها في موسم العودة للحلة يحتاح في المتوسط لمليون جنيه قصادو هو فقط ولسا ما اشترى حرف خبزة لاطفاله فتامل وتململ... وهكذا كل الشعب
Quote: هل نقفز لتغير المشهد. السياسي في الحكومة الانتقالية بالاعتصامات وماهي التداعيات المتوقعه او يتم التغير عبر تغير السياسات
انتظرنا قرابة السنة للتغيير عبر السياسيات ولم يتم الامر بل تعداه للاسوأ يوميا ومافيش اي خوف هاهي الاعتصامات تتالق في نيرتتي وفي كبكابية وفي كتم وفي كسلا وعييك بكرة كل السودا؛ وهي سلمية سلمية
Quote: وهل الازمة في الحكومة الانتقالية ام الازمة في الحاضنة السياسية ام الازمة في العقلية السودانية التي تريد المشهد
الازمة في الحاضنة السياسية الهابطة وفي العقلية التي تدير المشهد السياسي وفي حمدوك وفي مزرعته ومستشاريه؛ وعساكه وهبوه الناعم... والشعب العظيم براءة من حمدوك ومن عسكره ومن من حوله؛
Quote: وكانت القوى السياسية التي تتحاور حول الامر هي نداء السودان بجبهته الثورية وبحزب امته وبمؤتمره السوداني؛ وعراب الهبوط الناعم هو السيد الصادق المهدي وكاوا منخرطين في مفاوضات حتى فاجاتهم الثورة الباسلة في ديسمبر2018
نامل عقد مقارنة بهذا الموقف ومواقف الاحزاب التي لم تكن جزءاً من الهبوط الناعم بل كانت مشاركة اصلا في السلطة .. وماهي الاحزاب التي شاركت فعليا من خلال البرلمان او اتفاقيات جزئية يشمل الاحزاب والحركات المسلحة خلال الثلاثين عاما الماضية والفرق بين خطة ومشاركة اظن كبير جداً
Quote: نامل عقد مقارنة بهذا الموقف ومواقف الاحزاب التي لم تكن جزءاً من الهبوط الناعمبل كانت مشاركة اصلا في السلطة ..وماهي الاحزاب التي شاركت فعليا من خلال البرلمان او اتفاقيات جزئية يشمل الاحزاب والحركات المسلحة خلال الثلاثين عاما الماضيةوالفرق بين خطة ومشاركة اظن كبير جداً
كل قوى الاجماع الوطني كانت متفقة على اسقاط النظام وناس نداء السودان كانوا مع ترقيع النظام بالهبوط الناعم وانتخابات 2020 وتغيرات ديكورية وصورية وطبعا الشارع اتجاوز هذه الفكرة واسقط النظام ولكن اكبر خطا كان فكرة استمرار التحالف العريض والمفروض ينتهي باسقاط النظام وتقوم تحالف جديدة بين قناعتين احداها تصفية النظام ومؤسساته واخري الترقيع تضم الاولي كل الشعب الا من ابى من الكيزان ومناصرهم سرا وعلانية؛ دا تاريخ قريب؛ يا استاذ جعفر بعدين هسا البوست دا كلو مافي حاجة جابتك غير الحزبية دي ياخ حقو نطلع قليلا من الحزبية الصارخة والحزب الذي لا ياتيهو الباطل ونتطلع لرحاب وطن اكبر وفكرة اوسع تستصحب الايجابيات وتتجاوز الاخفاقات ووالاخطاء لصالح الوطن المهزوم والمازوم في ابناءه النخب التي تعتقد ان الخطاء لا ياتيها وكلها علل؛
ونحن تلاميذ في مدرسة هذا الشعب العظيم وهذا الشباب المتوثب وهؤلاء الكنداكات "وما بصح إلا الصحيح"
Post: #20 Title: Re: مليونيات لاقالة حمدوك وحكومته!!! Author: علي عبدالوهاب عثمان Date: 07-11-2020, 07:09 PM Parent: #19
حبيبنا عبدالمنعم .. تحياتي أهم جزء في البوست وما يهمني أكثر من رئيس ووزير هو هم المعيشة :
((( ماساة اخوي شغال في المغتربين وساكن في الحلة يحتاج ل150 الف ليصل بحري و100 الف ليصل جاكسون و100 الف ليصل الصحافة و150 لوجبة فطور فول ومثلها في موسم العودة للحلة يحتاح في المتوسط لمليون جنيه قصادو هو فقط ولسا ما اشترى حرف خبزة لاطفاله فتامل وتململ... وهكذا كل الشعب )))
المهم بالنسبة لي بغض النظر عن الشخوص والاحزاب والشعارات الشخص الذي يستطيع أن يحل مشكلة هؤلاء الكادحين ما علينا .. مسلم .. غير مسلم .. علماني .. إلخ
المعيشة .. فقط .. ما علينا بالباقي .. حتى نحن خلاص في آخر فصول الاغتراب والعودة ..
والله يا استاذة نور قصة المزرعة دي قصة؛ واخرا لسا... ديل مجموعة من اصدقاء حمدوك؛ بقيادة الشفيعين واحد منهم الشفيع خضر وفي واحد تاني اسمو الشفيع برضو؛ ديل قاليك؛حمدوك ما بوقع ورقة ما لم يرجع ليهم.... ليس لهم اي صفة رسمية في الدولة غير انهم اصدقاء حمدوك؛ والغريب في الامر لما جاء من اديس استقبلوهوا وهيئو له ولاسرته السكن ووثير فراش وظلوا قريبين منه حتى صار رئيسا للوزراء وبعدها صاروا اقرب؛ اقرب من حبل الوريد... مرة ظهروا في شريط كدة سجلوهوا في مزرعة وبعدها اطلق عليهم الشعب العبقري شلة المزرعة؛ وهم بالمناسبة هبوط ناعم شديد؛ وممكن تعتبريهم مستشاريين خلا؛ وفي كلام انو الشفيع التاني حا يبقى وزير مالية؛ ولسا..... ....................
اليوم أسعار تعريفة المواصلات تضاعفت لثلاثة اضعاف وسعر السلع لأكثر من ضعفين ومواد البناء لأربعة أضعاف ورغم ذلك السيد أكرم كان يريد استمرار الحظر الذي سبب أضرار لا تحصى منها ما ذكرنا وما هو أشد وأمر والأن بعد ابعاد هذا الوزير الضار المضر ورفع الحظر جزئياً بدت الحياة تعود للتجاوز البلاوي والمتاعب التي سببها لهم دكتور أكرم علي التوم.
استاذنا الدكتور ياسر الشريف؛ نعم شعبنا استاذ الشعوب ولكن دوما غير محظوظ تتسلق ثوراته قيادات لا تشبه الشارع ولا نبضه العريق نعم الثورة ستنتصر وانتصارها حتمي وسيزيح سيلها الجارف كل متردد وهابط وضعيف وكوز شكرا ياسر .......................
Quote: المهم بالنسبة لي بغض النظر عن الشخوص والاحزاب والشعارات الشخص الذي يستطيع أن يحل مشكلة هؤلاء الكادحين ما علينا .. مسلم .. غير مسلم .. علماني .. إلخ
المعيشة .. فقط .. ما علينا بالباقي .. حتى نحن خلاص في آخر فصول الاغتراب والعودة ..
استاذنا علي عبدالوهاب عثمان تحياتي وسلامي فعلا هنا مربط الفرس؛ قفة الملاح تسقط حجر عشرة زي حمدوك دا ولكنهم لا يستبينوا النصح الا بعد فوان الاوان تبا لهم ياخ البيضة ب15 الف وكيلو اللحم ب800 الف والرغيفة وصلت عشرة الف في بعض المناطق ياخ ديل ما بستحوا؛ حمدوك رئيس اقل من قامة الثورة قريبات دي بخش في فتيل؛
Post: #26 Title: Re: مليونيات لاقالة حمدوك وحكومته!!! Author: عبد الصمد محمد Date: 07-12-2020, 01:55 AM Parent: #25
كلامك ومنطقي ومرتب يا عبدالمنعم واصل
Post: #27 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 07-12-2020, 08:50 AM Parent: #26
الاخ عبدالصمد محمد تحياتي والله ما هين علي اقول الكلام دا؛ فقد كنت مثل الملايين من السودانيين والسودانيات اعلق آمالا عراضا على هذه الحكومة؛ ولكن خاب ظني بعد مرور اكتر من عام على التغيير وقرابة العام من تشكيل الحكومة، لا اري اي تقدم في اي مطلب من مطالب الجماهير التي خرجت بالملايين وببسالة وجدارة رغم آلة القمع والموت؛ وجاءت الحكومة مخيبة للامال ومحبطة لتطلعات الشعب وحقه في الحرية والسلام والعدالة بعد عقود من التيه والظلم والفساد والمحسوبية؛ وقد فاض الكيل؛ ونحن نري كل يوم حكومتنا تنزلق نحو الهاوية؛ وتنحاز لذات الحرامية الذين خرج الملايين من اجل اجتثاثهم واي كوز مالو؟ ان الصمت في وقت الكلام جريمة؛ وفي المنعطفات التاريخية المدلهمة تقول قول الشارع ولن نسكت دا حق الوطن علينا كلنا؛ لمن الكهرباء تقطع اسبوع والرغيفة ب 10 الف والمزارع الكافي خيرو شرو وقاعد في حاكورتو يزرع ومرتاح لا توفر له الامن وتغتصب نساءنا؛ وووووو طيب نحن غيرنا البشير ليه؟!!
حمدوك الضعيف سحب منه الكباشي وحميدتي التفاوض مع انصارهم من جنرالات الجبهة الثورية، مع ان السلام من مهام الحكومة المدنية.... حيث وافقت الحكومة على اربعة وزارات للجبهة الثورية فصار للعسكر الان ٦ وزارات وعندهم في السيادي تلاتة + ستة ممثلين تلك تسعة كاملة للعساكر للهبوط الناعم للصادق والكيزان وحميدتي لقد خُنقت حكومة الثورة حمدوك يسقط بس #تسقط_تالت
حمدوك وحكموتو هم نتاج ق حت ورؤيتا العاطلة ق حت لمن بلا مشروع اذا عايزين تستمرو مع حمدزك وفدونك ومنصة جامعة الخرطوم والتحرر من اصر ق حت https://top4top.io/ ولا عايز برنامج بديل نمشي في الانقاذ دي بالاستايكية ونرجع للحكم الاقليمي للامركزي دستور 1974 ودستور 2005 باسس جديدة مشروحة كويس في لبورد العودة للشعب بنتخب طوالي حاكم الاقليم وبرلمان الاقليم وبرماتات الاقاليم المنتخبة دي اهم حاجة مستسكعين جوبا جزء من برنامج دولي لتفكيك السودان ليه حاكم ذاتي في دارفور والمنطقتين وليس فدرلة السودان بي الكامل وفي ثلاثة مشاريع وطنية جاهوة لي ناس الاعتصامات 1- اسس دستور السودان 1955 الحزب الجمهوري
2- اتفاقية اديس ابابا ودستور 1974 3- اتفاقية نيفاشا ودستور 2005 والمحكمة الدستورية https://top4top.io/ التغيير في فراغ ما بنفع الاعتصامات تقدم برنامج بديل وطني يحررنا من محاصصة دوات البنك الدولي في المركز والهامش \ ترحع للدولة والمؤسسات وانا احترم خيارات الشعب الانتخابية بعد الفيش والنشبيه من المحكمة الدستورية والاعلام الحر
Quote: ديل مجموعة من اصدقاء حمدوك؛ بقيادة الشفيعين واحد منهم الشفيع خضر وفي واحد تاني اسمو الشفيع برضو
سلامات منعم التاني اسمو الشيخ خضر شايف سيرتو في الفيس كتيرة. ما تيسر من سيرة الرجل
Quote: الشيخ خضر برز مؤخراً اسم الشيخ خضر وانه من المقربين لرئيس الوزراء د. عبدالله حمدوك، وانه يعد بمثابة الساعد الأيمن لحمدوك وابلغ مصدر عليم (الانتباهة) ان الشيخ خضر عُين في منصب مستشار لحمدوك وانه يتواجد بصورة دائمة في مجلس الوزراء، في المقابل تحصلت (الانتباهة) على معلومات شحيحة حول شخصية الشيخ خضر، فان ابرز المعلومات تقول انه من كوادر الحزب الشيوعي، غادر حزبه بمحض ارادته في خواتيم الثمانينات، عمل بوزارة المالية إبان الديمقراطية الثالثة متخصصاً في الاقتصاد، وطبقاً لمعلومات مؤكدة فان الشيخ خضر يفضّل العمل في الظل ولا يجيد العمل تحت الاضواء وربما اكسبته تجربته في الحزب الشيوعي خاصية العمل تحت الاضواء الخافتة، ورشحت انباء ان عمله في منظمة تقدم بعض الاستشارات للبنك الدولي.
Post: #31 Title: Re: مليونيات لاقالة حمدوك وحكومته!!! Author: محمد البشرى الخضر Date: 07-15-2020, 09:32 AM Parent: #30
تحياتي منعم ممكن ناخد خطوة للأمام و تدينا توقعاتك لتأثير خطوة زي دي (إقالة أو استقالة حمدوك و حكومته) على المشهد و على مستقبل الفترة الانتقالية وبرضو من هو رئيس الوزراء المقترح
استاذ عادل تحياتي تجربة حمدوك وقحت مكتوب عليها الفشل من قولة تيت من وثيقتها الدستورية المضروبة... حتى وزراءها الضعاف الهابطين واستمر الفشل تباعا وبمعادلة هندسية؛ حتى وصل الى تكرار فض الاعتصام لوتحاكم من فض اعتصام القيادة لم تجرأ وعاود الكرة في فتابرنو ولكنهم امنوا العقوبة فاساءوا قتلنا..... تحياتي ..................... ناصر امين تحياتي يسمونه في النت الرجل صفر والرجل الغامض والرجل الظل..... وهكذا ولكن التمدد الاجتماعي في حياة السودانيين يزيح اي غموضات تحياتي .............
Quote: تحياتي منعم ممكن ناخد خطوة للأمام و تدينا توقعاتك لتأثير خطوة زي دي (إقالة أو استقالة حمدوك و حكومته) على المشهد و على مستقبل الفترة الانتقالية وبرضو من هو رئيس الوزراء المقترح
مرحب محمد البلد اليوم في حالة سيولة كاملة، وهذه الحكومة الاضعف على الاطلاق، ضعيفة بضعف توازناتها وبحكم العساكر الذين لايرون الا انهم هو الاجدر بالحكم والاشكالية الاخرى هم كيزان ضد الثورة ومخرجاتها سرا وعلانية، اذن غياب حمدوك الغير فاعل اصلا لن يغير في المشهد كثيرا الشعبية له كانت مرتبطة بفرحة التغيير وبآليات تغيير على مستوى مطالب الشارع سياسيا واقتصاديا وللاسف حمدوك لم يقدم اي انجازات طوال عشرة شهور بل الوضع يزداد صعوبة كل يوم والبلد مخنوقة سياسيا واقتصاديا والله يستر من الانفجارات الشعبية التي بلا قيادة خوفا من تجييرها لصالح اعداء الشعب والوطن، البديل موجود ليس شخصا بعينه مهما ولكنه برنامج ثورة ديسمبر ١٠١٨ من حرية سلام وعدالة وعاوزين رئيس وزراء ثوري وقلبو حار .......
Quote: البديل موجود ليس شخصا بعينه مهما ولكنه برنامج ثورة ديسمبر ١٠١٨ من حرية سلام وعدالة وعاوزين رئيس وزراء ثوري وقلبو حار
ود الطيب وضيوفك انزيكم. مصيبتنا في هذه النخب المعتدلة التي لا تمتلك برامج. كل همها السلطة والثروة سواء كانت أطياف سياسية او حركات مسلحة. حمدوك يدينا عرض اكتافو.
Arif Nashed هلا عارف عمك دا خلاص راحت عليهو بعد دا تاني لو نططت ما برجع شعبيتو الجارفة القديمة الحل في البل او ان يقدم استقالته سريعا لحفظ ماءه وجهه ووزارته والا الاقالة من الشعب امرها حتمي هذه رؤية اي سوداني تحياتي
والمزرعة ما زالت تبيع فينا وتشتري وظهر كوادر جديدة قديمة امجد فريد ومحمد فول والصادق المهدي يبيع البدوي مقابل ان تكون بتو في الوزارة يستاهل البدوي البباري الصادق بوصلو كوشة الاقالة حمدوك رشحتو كوزة ليصبح وزيرا لمالية البشير، ليتلمع وياتي رئيسا لحكومة ثورة اتلعب علينا شربنا مقلبا دولي لكنهم يحلمون الشوارع لا تخون ...... اصحى يا ترس #اكرم_امل_السودان
الاول صديق دراسة حمدوك وكانوا ساكنين مع بعض وهو خريج جامعة الخرطوم و الانقاذ رفدته و الصندوق الاسود بتاع حمدوك وهو كبير مستشاريه فى القصر وما بيراجع وراه حمدوك ببصم بالعشرة من شدة الثقة وهو فعليا كدا الرجل الثانى فى القصر بعد حمدوك
أما الشفيع خضر(باللغة العربية الفصحى) فهو شيوعى(مقّرم) ونعرفه منذ ايام المعارضة فى مصر معرفة لا تجعلنا نتشرف به و لا نقدر ان نكتب عنه ! اولا لانه اكثر الناس غرورا و تعاليا ممكن تقابله فى حياتك و الثانى لانه اللهم أحفظنا
وهم الجابو خبر حمدوك حمدوك نضيف لكين مبارى الجداد عشان كدا غطس حجرنا و حجر الجابونا كمان وبوظ علينا فرحة الثورة
Post: #37 Title: Re: مليونيات لاقالة حمدوك وحكومته!!! Author: Asim Ali Date: 07-21-2020, 01:21 AM Parent: #36
الاسبوعين مروا وزياده ولاجديد اليوم تنسيقيه لجان مقاومه بام درمان اصدرت بيان واعلنت التصعيد الثورى هل سيتمدد التصعيد ام حيكون محدود كاشاره خطر لحمدوك وحكومتو ختى ينقذو مايمكن انقاذو وينفذ وعودو ويتخذ قرارات مفصليه حاسمه فى مسار الثوره
الاستاذة نور تحياتي المزرعة طلعت تنظيم عديل، وصاحب المزرعة ذاتو رجل اعمال متوسط الارباح هههههههه ومؤلف كتب سياسية متواضعة القيمة الفكرية وخدر دا قاليك منسق كامل التنسيق مع صلاح عتباني وممكن هو ذاتو في نص المزرعة البلا بواب دي وانضم اليهم سياسيين شغالين بالقطعة زي عرمان وفول وامجد، والشفيع خضر دا لا شيوعي لا مقرم دا ابو الهبوط الناعم ذاتو وطبعا دا مفصول من للمؤتمر السادس، كان عاوز يجرجر معاه عضوية من الحزب فطلع براه، الا من حاتم قطان الهسي مستشار مع حمدوك ويت خيبة رجاهم، فعملوا المزرعة التعيسة واتلم عليها المرفود والمفصول والفول وخايب الرجاء .... خضر كان مع الترابي والعدالة الخالفة او اي كان اسمها شخصيا كان، وهسا سمعنا قالوا زعلان من حمدوك ومتغاضب في القاهرة، احتمال بنسق مع قوش هوم نوز؟
حمدوك زاتو هبوط ناعم وهسع عين سفراء كلهم بلا استثناء كيزان انا خايف يا استاذة نور، حمدوك دا في اخر الفيلم يطلع كوز، كوز سري،،،
Quote: الاسبوعين مروا وزياده ولاجديد اليوم تنسيقيه لجان مقاومه بام درمان اصدرت بيان واعلنت التصعيد الثورى هل سيتمدد التصعيد ام حيكون محدود كاشاره خطر لحمدوك وحكومتو ختى ينقذو مايمكن انقاذو وينفذ وعودو ويتخذ قرارات مفصليه حاسمه فى مسار الثوره
عاصم علي تحياتي ولا نتوقع اي مواقف لحمدوك ايجابية في صالح الثورة والثوار ياخ دا سنة كاملة محلك سر الكيزان كانوا خايفين هسا ما زالوا قاعدين في الوظائف العليا وعينم بقت قوية كيف احمد ابراهيم الطاهر وسبدرات ومحمد الامين الذي فصل بجرة قلم ١٤ الف عامل وموظف من السكة حديد كيف ليهم برة السجن ويدافعون عن كيزان في محاكم الثورة، ومفروض يكون في السجن ولكنه الهبوط الناعم وفعلا لجان المقاومة في للخرطوم وبحري وامدرمان امس طلعت بيانات تتكلم عن الحسم الثوري وحداول المواكب، ...... لوكنت معاك حمدوك لاستقلت قبل الاقالة التي تبدو قريبة دي ثورة يا عاصم مهرها غالي كله سجن واهانة ودم وشارعها صاحي وواعي ومصمم،،،
حمدوك ليس لديه فكرة مركزية يدافع عنها، او ليس لديه فكرة ابتداءا، من لم يكن قائدا بالفطرة، لن يكن قائدا بالدفرة، على حمدوك ووزارته الاستقالة اليوم قبل بكرة، التي قطعا ستكون احلى بغيابه، يمكنه ان يندب حظه وحظنا في المزرعة التعيسة بجوار الشيخ خدر او في القاهرة بجوار الشفيع خضر، او قوش ايهما اقرب....
يا دكتور عوض، سؤال البديل ظل يتردد في اواسط السياسة السودانية منء نميري، وازداد حدة مع فشل الانقاذ خلال تلاتين عاما ظل االسؤال يراوح مكانه، اسقط الشعب العظيم الانقاذ وتاتي حكومة جديدة لها تفويض شعبي لم تحظ به حكومة منذ الاستقلال ولكنه تفويضا ليس على بياض بل مرتبط ومربوط باستقرار اقتصادي بتوفير الحد من متطلبات حياة كريمة بمحاسبة الانقاذيين المجرمين وعودة حق الشعب المنهوب فشل حمدوك في تحقيق لي من شعارات الثورة العظيمة يمشي طوالي بالذوق قبل المواكب، والبديل انت يا دكتور،،، ............ فتحي الصديق، يا صديق شربنا المقلب حمدوك رشحته دوائر وتقاطعات مرتبطة بالهبوط الناعم وبمحاور اقليمية ودولية عينا على مص ثروات البلد والشعب اخد مقلب دولي في حمدوك وحكومته الوضع لن يستمر هكذا موية مافي كهرباء مافي مواصلات مافي البيضة ب ١٧ الف وطلت ازمة الكاش من جديد والدولار طار راح وطن الحديد بمية مليون والشباك ب ٤٠ مليون والباب بمية والرغيفة ب١٠ الف ودواء مافي ،، ، ،، حمدوك سيسقط وقريبا جدا والترس صاحي، سلام
انسحاب تجمع المهنيين السودانيين من قحت رسالة عميقة تصب في ذات الاتجاه؛ الان حمدوك رويدا رويدا يفقد شعبيته العميقة؛ وشوية حا يقعد في السهلة اختفت من الاسافير عبارة شكرا حمدوك... وتجمع المهنيين وحركة عبدالعزيز الحلو وعبدالواحد محمد نور وبعض القوى السياسية المدنية في الداخل تتجه لتكوين تحالف عريض؛ حركة الاعتصامات التي تعم البلد ستصحو على ذات التحالف؛ اذن الكيمان ماشة في اتجاه فرز... الصادق المهدي وكيزانه وبعض الهوابط من ق ح ت في اتجاه وبقية الشعب في كوم كبير ومليان كبيرقدر السودان؛ ومليان ثورة ووعي وحرية وسلام وعدالة؛
تعيين ولاة الولايات، * تعيين ٦ ولاة من حزب الامة محاصصات من امها وما رضيان، كبيرهم الذي علمهم الهبوط والكيزان، قال عاوز (تزعة) وخمسة عسكريين كيزان، تلك ١٤ من ١٨ الاربعة الباقيين ممكن يكون مؤتمر سوداني بعثيين او كيزان صر كما هو الحال في وزارة الخارجية والداخلية والدفاع والامن والجنجويد والدهب والمالية والتجارة،، * رواق اغترب في عام تخرجه ورجع قبل شهرين تلاتة والي زف نفسه بفخيم السيارات ومواتر، وباشر بايديه في عربية مفتوحة يُأشر في الفراغ الشارع فاضي كل الزفة خلفه هههههها هو الناس فاضية ول عندها قروش عشان تستقبل حضرتك، ليه منتخب انت ول فاتح الولاية دي، *محمد حسن عربي سوري- ودا اسمو بالمناسبة- اليوم دعا حكومته للاحتفال بوداع الوالي الكوز السابق، *في كردفان وبعض ولايات دارفور الصادق عين من الستة ديل كوزين تلاتة عديل كدة واهل المنطقة رافضين،، * وهو نفسو اي الصادق رافض واليي القضارف وكسلا،،، هسا لحدت هنا لاقتكم اي حاجة اسما حامدوك،،
ازمات في الخبز والمواصلات والسلعات، كل السلع نار او مافي لا توجد منطقة وسطى، البلد قاعدة في خور كبير كلها غرقانة مدن كاملة تغرق تغرق تغرق، في الغرب والنيل الازرق والخرطوم وشرق النيل، وغرب المتوسط، وكل السافنا الفقيرة مياهات مياهات مياهات،،، والشمالية غرقت قبال تجيها موية اثيوبيا لا بد انه السد الرد،، اما الموت المجاني في شرق البلاد وغربها وجنوبها يستاهل مداخلة منفصلة،،، وين حمدوك، ولا حتى بتكلم كاتم ديمة،،
يعني زعلانين عشان الولاة العينم أول أمس يعني ما السبب سوء الحال العام؟! حمدوك ليهو هسع 11 شهر ما قدم البلد خطوة واحدة إلا للخلف اليسار أشد فشلا واليسار هم الفرضو المحاصصة بسيناريو سيطول تفصيله
حمدوك كاد ان يفقد حاضنته السياسية اليوم اصدرت اللجنة الاقتصادية للحرية والتغيير بيانا ترفض فيه اليرنامح بتاع موازنة ٢٠٢٠ وتبرأت منها تماما ملامح الموازنة ترفع اسعار البنزين والمحروقات عموما والكهرباء والدقيق والدولار العادي والجمركي، وقالت انها اودعت ميزانية تانية خالص،، وصفة صندوق النقد الدولي والبنك الدولي لم تنجح مطلقا في اي دولة في العالم انه الاستعمار الحديث،
Post: #53 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 08-12-2020, 00:43 AM Parent: #52
دولة حمدوك غرقانة في المياه وفي الدماه وامدرمان تغني حبيبتي اه،
Post: #54 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 08-12-2020, 00:53 AM Parent: #53
الدولة سايلة الجيش يقوم كله لان احد القتلة من منسوبيه، يواجه رفضا شعبيا معلنا، ولم يتحرك لقتل المئات من المعتصمين امام بواباته ولم يتحرك ساكنا في دارفور ولا كادقلي ولا( قبورسودان) وانسحب من التامين في نهر النيل، وحمدوك صامت صمت القبور ،،،، حمدوك مغادرته اليوم واجب المرحلة والا ستطرده الجماهير، فاحسن له وللجماهير ان يغادر فالرجل عنوانو فشل كبير وكحفرة
استاذ عبدالمنعم سلامات.. لما رئيس البعثة الاممية يقابل سفير الامارات في بيته اعرف انه قرارنا من دبي..كولهم عملاء جبناء. حمدوك زماااااان قلت عنه زول (حمدوك سااااي). قزم الثورة واقصر هاماتها..
Post: #56 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 08-12-2020, 09:29 AM Parent: #55
Quote: استاذ عبدالمنعم سلامات.. لما رئيس البعثة الاممية يقابل سفير الامارات في بيته اعرف انه قرارنا من دبي..كولهم عملاء جبناء. حمدوك زماااااان قلت عنه زول (حمدوك سااااي). قزم الثورة واقصر هاماتها..
مرحبتين صديقي معتصم والف،. عليك دينك كان ما اخر الزلة والقهر وقلة الحيلة، دولة عريقة زي السودان، حضارتها ترجع ل٧ الاف سنة وبها ملايين السكان، وعشرين نهر وخيرات، وثروات تحت الارض وفوقها، وبالجمبات،،، تتحكم في قرارها، وفي سيادتها مشيخة قبلية فيها خيمتين وناقة، كما قال المرحوم السادات،، الوضع دا كدة اعوج، سيستعدل رغم انف حمدوك والصادق والدقير وسلك والهبوط الناعم،، شكرا معتصم،
الطلاب في مصر يسكنون شقق مع بعض كل اتنين تلاتة اربعة مع بعض، واحد صاحبي قال لي السكن دا احساس ما ممكن كل يوم تقول يا فلان غسل العدة يا فلان نظف الحمام، يا فلان اعمل معاك شاي، يا فلان جيب معاك فول، يا فلان ادفع الايجار، فلان دا لو ما حس براهو واتصرف، اللزة دي اصلا ما بتنفع، الفكرة ان القائد يتصرف وفق احتياج اللحظة، ولا ينظر دفرة، حمضوك بالدفرة ما بقوم، احسن حاجة يستقيل قبل ان يقيله الشارع،،
Post: #58 Title: Re: مليونيات لاقالة حمدوك وحكومته!!! Author: منتصر عبد الباسط Date: 08-15-2020, 00:18 AM Parent: #57
Quote: #اكرم_امل_السودان
خلاص جيبوهو رئيس وزراء أكرم دا خليهو يعمل للسودان حظر تجوال أبدي عشان يكمل على باقي الرويحة الفضلت في الاقتصاد السوداني
واضح ان الامر ليس بيده هذا الحمدوك، انه يوقع ولا يدري ايش الطبخة، وان كان يدري فالمصيبة اسود، وارعن، وعلى العموم حمدوك ليس رجل المرحلة، مغادرته طوعا او كرها، هو واجب الساعة،،، الثورة في القلوب في الشوارع، وليس في قصر حمدوك،،، الذي صانه مؤخرا، عمك متخيل نفسو مطوِّل، ويييين يا....
بدأت في كتابة هذا البوست قبل نحو شهر وتلت، الان بكرة ١٧ اغسطس، حا تبدأ سلسلة المواكب، وستتحول ليلية في احياء السودان حتى غياب حمدوك، برهانوك شمشوك الكضبنجي وعمك الوهم داك ياسر العطا، والقاتل حميدتي،،، ،،،،،،
سنة كاملة الدولة ماشة ب ١٨% وليه ما اتكلمت من زمان، و ٨٢% بتمشي وين يا باشا ولمحصلة منو،، لو طلعت بمجرد ما لقيت حصائل دولتك بتمشي لغير وزارة المالية تطلع طوالي وتقول الحقيقة والحقائق، ولكن تصمت سنة وتعلن بعدها انت شريك في خداع الشعب وشريك في استنزاف موارده، لييي بس كدة بس،، خلاص منهتي، بلا اي استدرار عواطف، وبتاع ولو طلب الشعب متي التنحي ساتنحى، لا الشعب طلب ونص ونخسة، يلا شتت وورينا عرض اكتافك، فشَلوك، فشَّلوك انت ما بتعرف صليحك من عدوك،
سلامات منعم أها و بعد الشهر و تلت ليه ما طلعت مواكب الاقالة القلت عليها دي غير هنا و في بوستات معتصم وفي صفحات اللوايفة ومخيلة الزواحف! حتى بعد احداث موكب رد الجميل لم يرتفع شعار اسقاط حمدوك في الشارع الغاضب!! وليه لسة بتكلم عن تصحيح مسار و ضغط على الحكومة بشقيها للاستجابة! تفتكر ليه؟
Quote: أها و بعد الشهر و تلت ليه ما طلعت مواكب الاقالة القلت عليها دي غير هنا و في بوستات معتصم وفي صفحات اللوايفة ومخيلة الزواحف! حتى بعد احداث موكب رد الجميل لم يرتفع شعار اسقاط حمدوك في الشارع الغاضب!! وليه لسة بتكلم عن تصحيح مسار و ضغط على الحكومة بشقيها للاستجابة! تفتكر ليه،
هلا محمد، ياخ الثورة دي جات بعد تضحيات عظيمة لشعبنا العظيم نتفق اولا انو المحصلة بعد عام من تكوين الحكومة تتجه نحو الاسوأ بمعادلات هندسية وان الشارع وصل به الاحباط مداه، واختفت كليا عبارة شكرا حمدوك وحل مكانها عبارات الاستهجان والتبرم، والمطالبة بالتنحي عديل كدة، الشعب مازال يحدوهوا الامل في انحياز حمدوك للشارع وللثورة شخصيا قنعت من خيرا فيهو واتمنى تنحيه اليوم قبل غدا ، الان بعد خطابه امس والذكر فيهو ان المال بتاع الشعب بمشي لغير الشعب، دولة داخل دولة وخطاب اليوم هو صدى لخطاب الامس، اليوم لو اعلن خطوات لمصلحة الشعب والثورة ستصبر الجماهير شوية، والا ستنزل الجموع للشوارع يسبقها هديرها، واعتصاماتها، مطالبة بتنحي حمدوك صراحة هذه المرة،،، ،،،،،،، الثورة ماشة لتحقيق اهدافها، ركب حمدوك مع الشعب وتجاوز قحت ومركزيتها، والا سياتي قائد من رحم الثورة يكمل مهامها ومطالبا، وهذه حتمية،،،
Quote: والا ستنزل الجموع للشوارع يسبقها هديرها، واعتصاماتها، مطالبة بتنحي حمدوك صراحة هذه المرة،،،
يا منعم لو ادركت مغزى تساؤلاتي ما كان قات كدا, طيب اديك ليها من الآخر, حمدوك الناس ما شكرته و أجمعت عليه لشخصيته الساحرة أو ظرافته, ما في زول بعرف حمدوك شخصيا او بعرف عنه شي غير انه الكيزان طلبوه و احرجهم, لكن الناس عندها حمدوك رمز, رمز لثورة نجحت بالدم و التعب و تشق طريقها وسط محيط يتربص في الصديق قبل العدو! نجاح حمدوك و حكومته نجاخ للثورة و فشله فشل لها, لذا يدرك الشارع بوعيه الفطري البسيط هذه الحقيقة, وسيحاسب حمدوك على فشله و تقصيره لكن لن يسقطه او يطالب بذلك مع وعيه بالمخاطر الأعظم التي سيتعرض لها السودان و الثورة لن يخرج الشارع مطالبا حمدوك بالرحيل الآن, ربما بعد حين, تجربة تسقط بس وعاها الشارع, ولن يخوضها مجددا دون أن يكون جاهزا لما بعد تسقط بس! بلغة الكيزان الشارع بعد ثورته لبّنت ما بديها بغاث الطير لقمة سائغة!!
يا محمد، اخر سطور من مداخلتي الاخيرة هو نفس الاستنتاج الوصلتو ليهو انت في مداخلة، خلافنا الوحيد، هو ان بقاء جذوة الثورة مشتعلة، انا اراها في غياب حمدوك كون وجوده اكبر مهدد لمطالب الثورة والثوار، وانت ترى ان الثورة يحميها وجود حمدوك، الاشكالية انو ثورتتا يا محمد ثورة شعبية قادتها الشارع، وجماهيرها شعب السودان كله، ليس لها قائدا، اذن الثورة عنفوانها يتمدد بالانحياز لمطالبها من حمدوك، ان تم ذلك في خطاب اليوم، سيصبر الشعب، والا بعد حين الذكرتها دي يكون قد حان زمانها، وازف اوانها، وحمدوك لن يصبر عليه الشعب اكتر من كدة،،
حمدوك زاتو هبوط ناعم وهسع عين سفراء كلهم بلا استثناء كيزانانا خايف يا استاذة نور،حمدوك دا في اخر الفيلم يطلع كوز،كوز سري،،، ...... حمدوك دا يا عبدالمنعم طلع حصان طروادة.. الرّجع لينا الكيزان فهو ما كوز سرى لكين كوز مّصدى.. وعلى عينك يا تاجر هو اصلو الكوز دا كيفن ؟
Quote: بل والاخطر لم يحل اي اشكال اقتصادي لامر معاش الشعب واساسياته الدولار مرتفع والجنيه قرب يعوم ولا في رغيف ولا جاز ولا كهرباء ولا موية ولا مواصلات؛ ولا علاجات الحالة وصلت بالشعب حاجة وفق استطاعتها ولن يسكت الشعب اكتر من كدة فاشل تمشي ياخ حواء السودانية والدة؛
Post: #69 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 08-24-2020, 06:56 AM Parent: #68
هلا يا دكتور حسن صحتك واحوالك، المنقة عاد نروقا كيفك، ودمنا دا عكران،، صدقني الاخ دا مافيهوش امل، كل يوم يتسع الرتق والراتق، والمحك الاقتصادي على المحك، شوف امس عينو منو مدير للسكة حديد، مهازل والله مهازل،
Post: #70 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 09-23-2020, 09:38 AM Parent: #69
واجب الساعة اذن،
او ....... الطوفان،
Post: #71 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 11-09-2020, 10:04 AM Parent: #70
البترول تضاعف سعره ٤٠٠% في الخرطوم، في الاقاليم ازرط، ......... دواء مافي دت،، تخيل دواء منقذ للحياة مثل ادوية السيولة، ما لم ياخد المريض الحبة يوميا الجسم يتورم، ......... الرغيفة في الجيلي والمصفا ب ١٠ الف جنيه،، ......... الدولة هربت من دفع فاتورة طباعة الكتاب المدرسي ومجهزة ٣٥٠ الف دولار لاستقبال عرمان وصحبه التوم هجو ومناوي واخرين، ........ والعوج كتير
Quote: ومجهزة ٣٥٠ الف دولار لاستقبال عرمان وصحبه التوم هجو ومناوي واخرين،
المشكله كباشى هو المتحرك مع وزراء السجم زى وزيره الجنجويد ماشغالين بالحاله الفيها المواطن ومعاناتو وحمدوك يظهر فى تصريحات غالبا لكن اصبح فى الظل تماما فى مقابل نشاط العسكر
Quote: كباشي يرأس إجتماع لجنة مهمة 9 نوفمبر 2020
الخرطوم: الانتباهة أون لاين رأس عضو مجلس السيادة الانتقالي الفريق أول ركن شمس الدين كباشي اليوم بالقصر الجمهوري إجتماع اللجنة العليا لاستقبال أطراف العملية السلمية الموقعة على إتفاق جوبا لسلام السودان بحضور وزير الدفاع اللواء (م) يس إبراهيم ووزير الصحة المكلف دكتور أسامة عبدالرحيم، ورؤساء لجان الإستقبال وممثلين لأطراف السلام وقوى إعلان الحرية و التغيير. وقال عضو المجلس المركزي للحرية والتغيير الناطق الرسمي بإسم لجان إستقبال قادة السلام البروفيسور يوسف محمد زين في تصريح صحفي أن الإجتماع أجاز تصورات اللجان المختلفة في شكلها النهائي وبرنامج الإحتفال لإستقبال قادة السلام. وأضاف يوسف أن الإجتماع إستمع لتنوير مفصل قدمه وزير الصحة الإتحادي المكلف د. أسامة أحمد عبدالرحيم حول الوضع الصحى بالبلاد وضرورة أخذ التحوطات اللازمة لمواجهة جائحة كورونا الأمر الذي نتج عنه إتخاذ قرار بأن يحتفل مواطنو كل ولاية في ولايتهم تزامنا مع إحتفالات ولاية الخرطوم. وأشار يوسف إلى قومية هذه الإحتفالات وتحقيقها لواحدة من شعارات ثورة ديسمبر المجيدة وهي قيمة السلام الذي ينشده الجميع ليعود دفئاً وأمناً وسلاماً ورخاء وإستقرار. كما عبر عن شكره وتقديره لكل الدول والمنظمات الدولية والإقليمية والجهات التي أسهمت في تحقيق السلام حتي أصبح واقعاً معاشاً.
وكمان عطله رسميه
Quote: مجلس الوزراء يعلن هذا اليوم (….) عطلة رسمية 9 نوفمبر 2020
الخرطوم: الانتباهة أون لاين أعلنت الأمانة العامة لمجلس الوزراء أن يوم الأحد الموافق ٢٠٢٠/١١/١٥ سيكون عطلة رسمية بجميع أنحاء البلاد وذلك بمناسبة احتفالات الدولة باستقبال قادة الأطراف الموقعة على إتفاق السلام جوبا وضيوف البلاد لهذه المناسبة.
التفويض والتاييد الذى وجده حمدوك لم يجده احد من قبل لكنه لم يكن بقدر تلك الثقة العظيمة التي وضعها الشعب السوداني فيه الان اما رحيل بكل هدؤ او الي مزبلة التاريخ
Post: #74 Title: Re: مليونيات لاقالة حمدوك وحكومته!!! Author: عبدالمنعم الطيب حسن Date: 11-09-2020, 10:27 AM Parent: #72
الكيزان وقد زهجوا من حمدوك المغتغت وفاضي وخمج، وقد ادى مهمته حتى الان على اكمل وجه، بمساعدة منيس وعمر والتعايشي ونيكولا زيادة،، بعد دا جات مرحلة قوة العين، من الكيزان ومن شايعهم من الجبهة الثورية ومن صادق ودقير وسيخ، وبقيادة الكباشي ككرت محروق ومكشوف ومارق للربا والتلاف، يصرح علنا ضد حمدوك، وفي ذهنه ناس الجبهة الثورية اي كوز منهم ينفع كديكور، ويرجع الكيزان، اللعب على الشعب بقى على المكشوف،،
البنى ادم دا ما ماشى آآآآآى محل لاصق فى الكرسى زى اللزقة الانجليزى الزماااان كان اسمها سلمبس حمدوك داير مليونيات يومية.. أو ازالة بالقوة الجبرية.. الزول دا كان ما مشى.. الانقاذ دى قااااااعدة فى راسنا.. ومبسوووووطة.. شفتوا البشير فى جنازة الشيخ نورين ورفاقه الميامين ؟(اللهم ارحمهم و احسن اليهم جميعا و ادخلهم الجنة)) قااااعد يقدل و كمان بيمشى الجنازات و بيوت العزا..
البنى ادم دا ما ماشى آآآآآى محل لاصق فى الكرسى زى اللزقة الانجليزى الزماااان كان اسمها سلمبس حمدوك داير مليونيات يومية.. أو ازالة بالقوة الجبرية.. الزول دا كان ما مشى.. الانقاذ دى قااااااعدة فى راسنا.. ومبسوووووطة.. شفتوا البشير فى جنازة الشيخ نورين ورفاقه الميامين ؟(اللهم ارحمهم و احسن اليهم جميعا و ادخلهم الجنة)) قااااعد يقدل و كمان بيمشى الجنازات و بيوت العزا..
