Post: #1
Title: شكرا د. البدوي (فرح الغلابا) بإحساس معلم سابق
Author: علي عبدالوهاب عثمان
Date: 07-10-2020, 03:40 PM
03:40 PM July, 10 2020 سودانيز اون لاين
علي عبدالوهاب عثمان-جدة
مكتبتى
رابط مختصر
لأول مرة منذ 30 سنة أشعر بفرحة حقيقية لدى أهلنا في اقاصي الشمال
وخاصة المعلمين .. الذين اصبحوا خلال سنوات الانقاذ من طبقة ( الفقراء)
لدرجة أننا كنا في التجمعات هنا في الاغتراب نجمع الاشتراكات لمساعدتهم
وقروبات الشباب ينظمون لهم العمرة في كل موسم .. تخيل هذا المعلم بعد أن كان سيد المجتمع
وفارس أحلام البنات في زمن ما ..
أذكر أنني في أول سنة لي في الخدمة جمعت مبلغ يكفي لحج والدي رحمه الله .. أدى فريضة
الحج ورجع معاه باقي قروش وهدايا كمان .. آه يا زمن
كنت أشعر بالاحباط والغضب عندما ينظر المجتمع للمعلم بأنه في دائرة ( الفقر) لدرجة الصدقة
|
Post: #2
Title: Re: شكرا د. البدوي (فرح الغلابا) بإحساس معلم سا
Author: علي عبدالوهاب عثمان
Date: 07-10-2020, 03:44 PM
Parent: #1
فكان هذا الرجل الجميل د.البدوي .. المشبع بالانسانية في دواخله
أول همه كان المعلم .. وعندما رفع الرواتب بدأ تبريره بالمعلم ووضعه
وهذا وفاء منه لمن كانوا يوماً معلماً وأباً وأخاً له .. هكذا الوفاء
|
Post: #3
Title: Re: شكرا د. البدوي (فرح الغلابا) بإحساس معلم سا
Author: علي عبدالوهاب عثمان
Date: 07-10-2020, 03:50 PM
Parent: #2
أجمل يوم في هذه السنوات القاحلة
يوم اتصلت في أهلي في البلد وجدت أختى في حالة من الفرح
وكذلك بنات اخواتنا المعلمات وابناءنا المعلمين
أختى تقول أن راتبها 32 الف ( يعني تقريبا ألف ريال سعودي )
كانت لحظات فرح وانقشاع الهموم وسداد الديون
حتى اصبحوا يفتشوا عن الدولار للتخزين
بس أنا حذرتهم من دولارات المزيفة
|
Post: #4
Title: Re: شكرا د. البدوي (فرح الغلابا) بإحساس معلم سا
Author: علي عبدالوهاب عثمان
Date: 07-10-2020, 03:52 PM
Parent: #3
قلت ليهم .. احتمال يكون في تضخم وغلاء
قالوا اهم حاجة انهم سددوا الديون ومبسوطين
ان شاء لو يومين .. المهم الفرحة ..
أول مرة ( أفهم فرح الغلابا ) يعني شنو
|
Post: #5
Title: Re: شكرا د. البدوي (فرح الغلابا) بإحساس معلم سا
Author: علي عبدالوهاب عثمان
Date: 07-10-2020, 03:56 PM
Parent: #4
حكيت ليهم قصة عمي حسن ..
كان مبسوط بالليل في البوقانا قعدات الترابلة
زمان كان نوع من السياحة والترفيه للتربال
جاء اخوه في صباح ناداه ( يا حسن يلا للساقية )
حسن قال ( أنا ماشي الساقية أنا بكون في البيت )
أخوه رد ( ليه بقيت شيخ البلد .. حتاكل شنو وتشرب شنو وعندك شنو عاش تنو)
رد عليهو عمنا ((( شوف يا أخوي .. عز يوم ولا بهدلة سنة )))
انبسطوا جداً من قصة دي وديل كانوا اجدادهم لأنهم صغار ما سمعوا بالحاجات دي
بعدين الترابلة ديل عندهم حاجات كده برغماتية ..
|
Post: #6
Title: Re: شكرا د. البدوي (فرح الغلابا) بإحساس معلم سا
Author: علي عبدالوهاب عثمان
Date: 07-10-2020, 04:00 PM
Parent: #5
شكراً حبيبنا بدوي .. لن ننساك أبداً
لقد تفوقت على الشريف حسين الهندي ( عندما وظف الالاف )
حتى كانوا يسموهم (أولاد الهندي )
وأيام نميري كان في واحد عدل الرواتب أذكر أنني صرفت فروقات 94 جنيه
حضرت الخرطوم وجولات من كازينو النيل الازرق .. جي بي .. اكسلسيور
آخر متعة ( برضو نظرية عز يوم ولا بهدلة سنة )
|
Post: #7
Title: Re: شكرا د. البدوي (فرح الغلابا) بإحساس معلم سا
Author: علي عبدالوهاب عثمان
Date: 07-10-2020, 04:07 PM
Parent: #6
يا سلام يا بدوي .. نعم جئت ببرنامج واضح ولكن المتربصين حتى من قحت والتجمع
دعم الاسر الفقيرة
وقبل أيام استطاع توفير 50 الف طن من القمح بالجنيه السوداني
من منظمة الاغذية لم يفعلها انسان سوداني من قبله بجرة قلم وفر (50) مليون دولار
كان واضح وببرامج واضحة جداً وكان مستعد يخترق الصعاب
ابعاد د.البدوي لم يأت في الحكومة العميقة حسب ظني ولكن
ربما من المهنيين وقحت وباقي التجمعات خوفاً من رفع الدعم والمظاهرات
وأتخيل أنه كان بمقدوره ان يتحمل الصعاب ويقنع الناس
شكرا يا رائع يكفيني فقط فرحة أهلي في هوامش الشمال وخاصة المعلمين
|
|