Post: #1
Title: نعامة العهد البائد وأسد الانتقالية
Author: طلحة عبدالله
Date: 07-10-2020, 12:01 PM
12:01 PM July, 10 2020 سودانيز اون لاين
طلحة عبدالله-
مكتبتى
رابط مختصر
الشطارة والشهامة والمرجلة في نظر بعض الغوغائين
والبالونات الرخيصة هي أن تقطع لسانك من (لقاليقو)
وتقفل على كيبوردك بالضبة والمفتاح و لا تقول (بغم)
في مواجهة كل موبقات النظام البائد طوال 30 عاما حتى
ولو جردوك من ملابسك في الشارع العام، وفي عهد الانتقالية
تنتفض كأنك هرقل زمانه فتشتم الوزراء وجميع أعضاء الحكومة
المدنية حتى في خلقتهم واخلاقهم (حسب فهمك للنقد) وبالمقابل
تتلبد كأرنب صغير مذعور في مواجهة الشق العسكري، وبعد ذلك
كله تعتبر نفسك أسد هصور وفارس مغوار وأية حاجة في أية حاجة.
خلاصة القول ..
دا بوست انطباعي ساي
|
Post: #2
Title: Re: نعامة العهد البائد وأسد الانتقالية
Author: عمر سعيد علي
Date: 07-11-2020, 06:40 AM
Parent: #1
| Quote: وتقفل على كيبوردك بالضبة والمفتاح و لا تقول (بغم) |
لولا السطر ده يا طلحة كنت قلت ليك كلامك بينطبق على كثيييييير من الصحفيين العاملين فيها كبار . .
|
Post: #3
Title: Re: نعامة العهد البائد وأسد الانتقالية
Author: طلحة عبدالله
Date: 07-11-2020, 10:49 AM
Parent: #2
سلام يا عمر سعيد
بالعكس سطر ( البغم) دا زاد كوم النعام
صحافيين وغير صحافيين .. اصلا بعد
انتشار مواقع التواصل الاجتماعي اي
زول بقى صحفي واحسن كمان .
|
Post: #4
Title: Re: نعامة العهد البائد وأسد الانتقالية
Author: محمد قسم الله محمد
Date: 07-13-2020, 01:14 PM
Parent: #3
| Quote: نعامة العهد البائد |
هو في نعامة اكثر منك انت يا طيره هههههههههههه
رمتني بدائها وانسلّت..
جاي تعمل فيها عنتر وتنتقد كمان يا كويز يا فويشل..
لمن الشباب كانوا بطاردوهم بودوهم بكشات الالزامية المعسكرات انت كنت عامل رويسك واضنينك الكرت مسردب لناس الجرايد وعامل صحفي ههههه
ولمن الشباب كانوا ماليين الطرقات عطالة وبفتشوا عن نصف فرصة انت كنت يا كويز عامل شغال وبتحاول تتلعبس مع جرايد ناس الجبهة الما ممكن زول يعتب خشم الباب بتاعها لو ما كان كوزززز.
فهمت يا كويز يا طيره.
|
Post: #5
Title: Re: اردح يا طليحه
Author: محمد قسم الله محمد
Date: 07-13-2020, 02:58 PM
Parent: #4
Quote: وتقفل على كيبوردك بالضبة والمفتاح و لا تقول (بغم)
في مواجهة كل موبقات النظام البائد طوال 30 عاما حتى
ولو جردوك من ملابسك في الشارع العام، وفي عهد الانتقالية
تنتفض كأنك هرقل زمانه فتشتم الوزراء وجميع أعضاء الحكومة
المدنية حتى في خلقتهم واخلاقهم (حسب فهمك للنقد) وبالمقابل
تتلبد كأرنب صغير مذعور في مواجهة الشق العسكري، وبعد ذلك
كله تعتبر نفسك أسد هصور وفارس مغوار وأية حاجة في أية حاجة.
خلاصة القول .. |
ههههههههههههه
طليحة الرداحة
هوي ا نعامة انت ههههههههههه
ياخ يوم حتموت حقد وغتاته ..
أها ده منو المغبون منو من أساتذتك الصحفيين برضو هههههههههه
ما يكون الإسمو عصمان مرغني ههههه
ده الإسمو منو العامل فيها نعامه ده يا نعامه انت.
امشي اتعالج ياخ عشان ما تكون طوااااالي شغال ردحي ونجر في الناس وتحسب انك تُحسن صنعاً..
كانك عايز تورينا إنك الأسد الوحيد في غابة القرود..
قوم لف يا كويز يا فويشل جاي تتفرعن كمان.
|
Post: #6
Title: Re: اردح يا طليحه
Author: طلحة عبدالله
Date: 07-13-2020, 03:04 PM
Parent: #5
هههههههههههه
دكتور محمد قسم الله
قلت تجيني في محلي يعني عشان تاخد لصقتك
سمح ..
أثبت أني كنت كوز وانت بتعرفني من زمن الرأي
العام
أو
اعتذر
أو أنت كضيضيب أشر وافاك لئيم وحاقد مريض
لا تخشى ممن في الأرض ولا تخاف ممن في السماء
..............
اها شفت كيف يا دكتور مطالبة عادلة افتكر ومن حقى
من غير ما أبادلك حقدك وعفنك الشايلو حايم بيهو دا .. خخخخخخخ
|
Post: #7
Title: Re: اردح يا طليحه
Author: محمد قسم الله محمد
Date: 07-14-2020, 10:25 AM
Parent: #6
| Quote: مطالبة عادلة افتكر ومن حقى |
طليحة الرداحة..
حقك ياتو؟؟
حقك شلتو زمااااان يا كويز
انت كوووووز
اثبت ليك شنو يا حويقد يا اب قديديم ..
أثبت انت انك ما كوز يا كوز ههههههههههه
واحد حتة كويز فويشل وجاي يعمل لينا فيها بطل قومي ويتكلم عن النعام..
يا نعامة انت.
إلا تطير يا وهم
|
Post: #8
Title: Re: اردح يا طليحه
Author: طلحة عبدالله
Date: 07-14-2020, 03:00 PM
Parent: #7
يا دكتور بطل العلقنة
كوز دي قلتها وانتهيت منها واتورطت فيها خلاص
والناس عرفتا ..
بعد كدا تثبتا
أو تعتذر
أو
انت كضيضيب أشر وأفاك خبيث وحاقد مريض
لا تخشى ممن في الأرض ولا تخاف ممن في السماء
.................
دكتور أرفع رويسك فوق عاين لي هنا دا
هسة القاعد يردح ويتدردق بالواطة منو ؟ هههههه
أثبت عشان تثبت، الصراخ والشتيمة ما بتحلك مني
لو خجلان من الاعتذار بما انك ما قادر تثبت ومصر
على الإفك والبهتان تعال في الخاص وأنا بقبلو منك
غير كدا ياها الديباجة دي متى ما شفتك في أي ملف
بلصقا ليك في ضهيرك خخخخخخ
وقبل ما انسى بطل الشتيمة يا دكتور أنا هسة ما قاعد
أشتم فيك ياها قبقبتي دي أنا عارفا حارة لكن الحل
في يدك .. فكفك نفسك خخخخ
|
Post: #9
Title: Re: اردح يا طليحه
Author: الشيخ سيد أحمد
Date: 07-14-2020, 03:20 PM
Parent: #8
تنظير غايتو بقيت فايق لي درجة خخخخخ
ماعندك حل غير ترجع وتشتغل في الشمس بس...
اذا لم تتصبب عرقآ فأت لست بصحفي خخخخخخخ.
|
Post: #10
Title: Re: اردح يا طليحه
Author: طلحة عبدالله
Date: 07-14-2020, 03:27 PM
Parent: #9
الشيخ يا حبوب
نعمل شنو ياخ دا منبر بكري ودي حكمتو
صدقني النوعية دي تسكت ليها مرة بتتعود
تسكت ليها مرة تاني بتجي عايزا تركب .. المنبر
دا أنت عارفو وشايف البحصل فيهو من جنس الكائنات
الطيارة دي .. غايتو أي عضو غادر المنبر دا بسبب
العينة دي غلطان ومسكين ساي ..
ما في حاجة اسمها وقار وحلم وأخلاق في مكان
لامي زي النوعية دي .
|
Post: #11
Title: Re: اردح يا طليحه
Author: طلحة عبدالله
Date: 07-15-2020, 01:24 PM
Parent: #10
يا دكترة وين الردحي هنا ؟
أنا فقط بطالبك بالاثبات أو الاعتذار انت القاعد
تردح وتولول وتتشقلب وتلف وترجع تاني عشان
تشتم وتعايز بالخلقة والأضنين والقدوم والحاجات
بتاعت الحبوبات دي..
هسة كدا النسألك كان جبت ليك صورتي هنا ولقيت
ما عندي أضنين ( يعنى مشتحات او بارزات)
وما عندي قديديم بل قدوم عديل أها تاني بتلقى
ليك حاجة وين تعايرني بيها؟ عشان كدا احسن خليك في
كويز وفويشل دي وبالمرة اعمل احتياطي شتيمة تكون
جديدة وليها وقع وزلزلة بدل النياصة ..
............
دكتور جيب ضهيرك أو عنقرتك أيهما أقرب وبالمرة
أرخي جسمك ..
أثبت
أو
أعتذر
أو
أنت كضيضيب أشر وأفاك خبيث وحاقد مريض لا تخشى
ممن في السماء أو من في الأرض
|
|