Post: #2 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 11:46 AM Parent: #1
ما أروع أداء هذه الفنانة الإرترية وهى تغنى بالعربى أغنية الفنان حيدر بورتسودان قد لا تكون صدفة إختيارها لهذه الأغنية التى إحساساها فيها عالياً وتطريبها أبدع فأرتريا قريبة لبورتسودان ..
هذه الفنانة قنبلة نووية فى الغناء السودانى ليت يلتفت إليها صناع الأغنية السودانية دوما كان يقينى الموهبة التطريبية هى الفيصل فى كل زمان وأجيال .. ولذلك الرضى بأنصاف المواهب ليعيشوا على إجترار أغانى الزمن الجميل بأداء باهت يجب ألا يكون .. عندما غنت الفنانة السورية زينة أفطموس للفنان الكاشف بالسلم الخماسى أبدعت وكأنها حفيدة الكاشف .. فارق كبير بينها وبين كثير من فنانينا الشباب هم هواة وليس مهنيون محترفين، وإن كانوا محترفينه للمعايش.
هذه الهيلين ثبتت يقينى أن الفن الغنائى موهبة وتمكن تطريبى .. إنها فنانة ننوية يجب أن يحتضنها السودان!
Post: #3 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 11:52 AM Parent: #2
لم يخطر على بالى يوماً أنه سيجذبنى فنان مهما كانت موهبته وقدراته التطريبية سيجذبنى للإستمتاع بتطريب كلمة (يوم) ينافس بها تطريب الفنان العملاق عثمان الشفيع فى تغنيه ل (يوم) فى أغنيته الرائعة " يا إله فنى" "بين محب وحبيب حل (يووم) الحب .. حل (يووم) العيد)" ولكن هيلين مليس فعلتها .. يا إلهى .. ما أروعها فى نطق وتطريب (يوم) بل وبكل التفاصيل التطريبية لكل مفردات الأغنية بتمكن وأداء رائع!
Post: #4 Title: Re: عمرى ما فكرت يوم آخر مطافنا يكون جفا .. هيل� Author: Emad Ahmed Date: 07-10-2020, 01:43 PM Parent: #3
سلامات اخ نادر الفضلي
استمتعنا حتى الثمالة بادائها الرائع وصوتها الطروب
والتنفيذ الموسيقي مستواه عالي جدا
افتكر هي سمعت الأغنية من نادر خضر وكانت يتغنى بها
كثيرا لانه الاداء قريب من أداء اسلوبه
تقديري
Post: #5 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 03:27 PM Parent: #4
سلام عزيزى عماد أحمد
عندما إكتشفت هذه القنبلة النووية، قارنتها بأداء صاحب الأغنية الأصلى وبالفنان نادر خضر، فرغم إبداعهما فيها، إلا أننى أرى هذه النووية تفوقت عليهما .. تمتلك صوت يجمع ما بين القوة ومساحة واسعة وقدرة تطريبية عالية جداً، متمكنة فى أدائها، إلىى جانب أنها تعيش وتحس الأغنية حتى النخاع .. أوافقك الرآلا أنها ربما سمعتها من نادر خضر .. وقد يكون الإثنان حيدر ونادر لهما علاقة بأرتريا وفنها .. حيدر سمعته فى لقاء أنه يغنى باللغة الأرترية، وأظن نادر أيضا يغنى بإحدى اللغات الحبشية!
لكن هيلين النووية ليت فى السودان سوق جاذب لصناعة الأغنية والفنانين هذه الفنانة يمكن أن تكون فتح جديد للأاغنية السودانية تحتاج لشعراء مبدعين وملحنيين مبدعين أيضا. خامة صوت وقدرات تطريبية مستفزة ومحفزة للشعراء والموسيقيين المبدعين.
Post: #6 Title: Re: عمرى ما فكرت يوم آخر مطافنا يكون جفا .. هيل� Author: nour tawir Date: 07-10-2020, 04:30 PM Parent: #5
رهيييييبة
Post: #7 Title: Re: عمرى ما فكرت يوم آخر مطافنا يكون جفا .. هيل� Author: Hani Arabi Mohamed Date: 07-10-2020, 04:31 PM Parent: #4
اسمح لي ان اختلف معك استاذ عماد.
لأن أداءها أقرب إلى التسجيلات القديمة لحيدر محمد عثمان حينما كان صوته يانعاً.
Post: #9 Title: Re: عمرى ما فكرت يوم آخر مطافنا يكون جفا .. هيل� Author: Ali Alkanzi Date: 07-10-2020, 04:46 PM Parent: #7
الاستاذ بادر لك مني سلامي اول من نبهنا لهذه المغنية وهذه الاغنية هو (قباني ) الشهير بقبة الساكن كندا وقلوب كثير من اعضاء البورد اصبحت هذه الاغنية من افضل الاغنيات الي يمكن اعادة سماعها فهي مسجلة في هاتفي المحمول اسمعها من وقت لأخر ولكن في تقديري ان حيدر بورتسودان اكثر ابداعا فيها شظف الحياة في السودان يدفع الانسان ان يبحث عن ما يسكن ذاته ومرات بنلقاهو في الغناء ودي واحدة من الاغنيات التي يمكن ان تروح عن القلب قليلا شكرا نادر
Post: #8 Title: Re: عمرى ما فكرت يوم آخر مطافنا يكون جفا .. هيل� Author: Hani Arabi Mohamed Date: 07-10-2020, 04:42 PM Parent: #1
حنين ... عمري ما فكرت يوم ...
Post: #10 Title: Re: عمرى ما فكرت يوم آخر مطافنا يكون جفا .. هيل� Author: Hani Arabi Mohamed Date: 07-10-2020, 04:47 PM Parent: #8
هاني عربي ... موسيقى عمري ما فكرت يوم ....
Post: #11 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 04:48 PM Parent: #8
Re: عمرى ما فكرت يوم آخر مطافنا يكون جفا .. هيل� (Re: Hani Arabi Mohamed)
Post: #12 Title: Re: عمرى ما فكرت يوم آخر مطافنا يكون جفا .. هيل� Author: Hani Arabi Mohamed Date: 07-10-2020, 05:09 PM Parent: #11
أغنية ل / هيلين ملس من العام 2012 م
Post: #13 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 05:23 PM Parent: #12
عزيزى هانئ عربى
شكرا لنثر هذه الإبداعات
حيدر بورتسودان عام 1988 بالأورج
نادر خضر
Post: #15 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 05:28 PM Parent: #13
أعتقد أداء هيلين الأقرب للأصل حيدر بورتسودان
وحتى أداء نادر خضر، يغلب عليه تتبع أداء حيدر بورتسودان
ولكن تظل عندى هيلين النووية أكثر إبداعاً وإستمتاعاً
Post: #14 Title: Re: عمرى ما فكرت يوم آخر مطافنا يكون جفا .. هيل� Author: Osman Musa Date: 07-10-2020, 05:26 PM Parent: #12
سلامات أخونا أستاذ نادر جهجهتنا بين نسلم عليك وبين نسبليك. البنية طلعت بالاغنية بي احساس عالى شديد. ديل الارتريين القاموا صغار في احياء كسلاء واستمعوا لحيدر بورتسودان في ليالى الشرق يا سلام .
Post: #16 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 05:35 PM Parent: #14
Quote: اول من نبهنا لهذه المغنية وهذه الاغنية هو (قباني ) الشهير بقبة الساكن كندا وقلوب كثير من اعضاء البورد اصبحت هذه الاغنية من افضل الاغنيات الي يمكن اعادة سماعها فهي مسجلة في هاتفي المحمول اسمعها من وقت لأخر ولكن في تقديري ان حيدر بورتسودان اكثر ابداعا فيها شظف الحياة في السودان يدفع الانسان ان يبحث عن ما يسكن ذاته ومرات بنلقاهو في الغناء ودي واحدة من الاغنيات التي يمكن ان تروح عن القلب قليلا شكرا نادر
سلام أستاذ علىى الكنزى
هسة أنا قلتا جبتا إكتشاف جديد لقبانى يضيفه فى جناح حيدر بورتسودان بمكتبة الأغانى .. طلع مستمتع بهذا الجمال وضاع علينا زمن ما عرفنا وإستمتعنا بهذا الإبداع
بعدين هيلين دى لمت الجمال صوت وصورة!
Post: #17 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 05:42 PM Parent: #16
Quote: سلامات أخونا أستاذ نادر جهجهتنا بين نسلم عليك وبين نسبليك. البنية طلعت بالاغنية بي احساس عالى شديد. ديل الارتريين القاموا صغار في احياء كسلاء واستمعوا لحيدر بورتسودان في ليالى الشرق يا سلام .
مرحبا عزيزى الفاضل أستاذنا عثمان موسى
شوفت كيف الإبداع دا ! شى ما بيحصل وما بتكرر كتير خاصة فى الزمن دا .. البنية دى فلتة .. وما بجيب النجيضة إلا الخبراء مثلك فهى أكيد كما تفضلت تشربت من كسلا الوريفة وليالى الشرق وحيدر بورتسودان .. يعنى بتنا سودانية الفطمة وعشان كدا مفروض ما نفرط فيها "خامة الصوت ودربة التمكن من التطريف بهذا الإحساس العالى" ما شى ساهل يا ريت ناسنا ينتبهوا لهذه القنبلة النووية ..
رهيييبة كما قالت ست نور!
Post: #18 Title: Re: عمرى ما فكرت يوم آخر مطافنا يكون جفا .. هيل� Author: MOHAMMED ELSHEIKH Date: 07-10-2020, 05:50 PM Parent: #17
فعلا قبة نبهنا لها قبل الكرونة مباشرة وكنت بتوصل بها المكتب واعود بها علي سماعات العربية.
88 كان لدي شريط حيدر أيضا وكنت اذهب للشغل أيضا في السودان مع حيدر واعود معه
يا لها من ذكريات
تسلم نادر
Post: #19 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 07:16 PM Parent: #18
مرحب باشمهندس محمد الشيخ
بختكم فاتتنى أشهر من معرفة هذا الكنز الإبداعى رغم أنه سماعة العربية حتخرج إبداع وطرب جميل .. لكن برضو دايرا ليها شاشه .. خاصة ماشى الشغل ومافى رقابة . بس خليك حريف سواقة ومتاوقة
Post: #20 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-10-2020, 08:00 PM Parent: #19
موسيقى أغنية آخر المطاف للفنان حيدر بورتسودان أجد فيها مع أغنية معاك قضيت عمر السنين للفنان زيدان إبراهيم وألحان عمر الشاعر
هيلين النووية آرشحها لتغنى أغنيات مختارة لزيدان إبراهيم .. وإلذرى إبراهيم عوض .. ومحمد وردى ..
معاك قضيت عمر السنين أداء الموسيقار عمر الشاعر .. متعه الله بالصحة والعافية
معاك قضيت عمر السنين .. أداء زيدان إبراهيم .. تعمدت تسجيل قديم فى شباب وعنفوان صوت زيدان .. للأسف التسجيل جودته ليست جيدة (الصوت منخفض)
Post: #21 Title: Re: عمرى ما فكرت يوم آخر مطافنا يكون جفا .. هيل� Author: امتثال عبدالله Date: 07-10-2020, 08:32 PM Parent: #20
غايتو حيدر بورتسودان بالغ في أداء هذه الأغنية...أداء اوسكار ولا شك ..والفنانة الارترية قربت تلحقه في الأداء. وبالمناسبة أين هو هذا الفنان حيدر بورتسودان ..هل اعتزل الغناء ... غايتو لمن تسمع صوت الفنان التاج مكي ، وحيدر بورتسودان في هذه الأغنية تحلق في سماوات الفن والجمال والابداع ....
Post: #22 Title: Re: عمرى ما فكرت يوم آخر مطافنا يكون جفا .. هيل� Author: Ahmed Yassin Date: 07-10-2020, 09:17 PM Parent: #20
ودالفضلي وآخرين عمري ما فكرت انك يوم حتخلف للوعود من : انت عارف انا بحبك للكاشف وحبك للناس للكابلي و( الوصية) حمد الريح ومرورا .. ب ( البياح) النور الجيلاني و(اتفقنا) ندي القلعة و( القطار دور حديدو) . وووووو مجموعة الاغاني ( الخفيفة) والسريعة وال(Looping) مع جودة الفيديوكليب اثيوبيا منفتحة على كل الثقافات رغم العداء المستحكم والتاريخي مع اريتريا والخلاف بين الامهرنجة والتقرنجة .كلغة اعتداد ختى المغني ( تيدي افرو) اتسبب في مشكلة في اغنيتين ( فيورينا) و ( دهلك) .واسياس افورقي منع رسميا الاغاني السودانية والاريترية في فترة من الفترات في حالات الخلاف السياسي . المغنية دي صوتها جميل
Post: #23 Title: Re: عمرى ما فكرت يوم آخر مطافنا يكون جفا .. هيل� Author: Moawia Mohammed Date: 07-11-2020, 00:10 AM Parent: #22
غايتو يا نادر الاداء بتاع الزولة دي اكد لي انو كل الفنانين و الفنانات بتاعين اليومين ديل قاعدين في السهلة ام فكو و ماخدين الشغلة عدادات و اكل عيش بس و ما حيمشوا لقدام
و الغريبة ما هلين براها كل الفنانين كان من اريتريا او اثيوبيا البيغنوا سوداني مجضمين الغناء شديد اداء رهيب تطريب من امو احساس عالي اندماج مع الاغنية مزيكا نضيفة
و ناسنا حدث و لا حرج كركبة و شكوك و لكوك عجن من امو
Post: #24 Title: Re: عمرى ما فكرت يوم آخر مطافنا يكون جفا .. هيل� Author: يحي قباني Date: 07-11-2020, 02:45 AM Parent: #23
Quote: الاستاذ بادر لك مني سلامي اول من نبهنا لهذه المغنية وهذه الاغنية هو (قباني ) الشهير بقبة الساكن كندا وقلوب كثير من اعضاء البورد اصبحت هذه الاغنية من افضل الاغنيات الي يمكن اعادة سماعها فهي مسجلة في هاتفي المحمول اسمعها من وقت لأخر ولكن في تقديري ان حيدر بورتسودان اكثر ابداعا فيها
شيخ الكنزي ... عساك طيب ... مشيت وين الزمن ده كلو ؟ شكلك هربت من الكرونا و مشيت ادسيت ورا نخلاتك .. هههه يا زول ان شاء الله انت بخير و كل وليداتك و الاهل طيبين ... و ان شاء الله الزراعة تمام لو زارع ... بركه الشفناك طيب ...
اها وقفنا وين ؟ ههههه
Post: #25 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-12-2020, 03:29 AM Parent: #24
Quote: غايتو حيدر بورتسودان بالغ في أداء هذه الأغنية...أداء اوسكار ولا شك ..والفنانة الارترية قربت تلحقه في الأداء. وبالمناسبة أين هو هذا الفنان حيدر بورتسودان ..هل اعتزل الغناء ... غايتو لمن تسمع صوت الفنان التاج مكي ، وحيدر بورتسودان في هذه الأغنية تحلق في سماوات الفن والجمال والابداع ..
إمتثال
تحياتى
لا أعلم أين حيدر بورتسودان .. من هنا له الف مليون تحية، فقد أبدع وأطرب
التاج مكى فنان مبدع أغانيه لها وقع خاص عندى وربما ذكريات حقبة معينة ولكنى لم أستمع إليه يغنى هذه الأغنية، فلو عندك تسجيل فأرجو أن تتحفينا به
مع الشكر
Post: #26 Title: Re: عمرى ما فكرت يوم آخر مطافنا يكون جفا .. هيل� Author: امتثال عبدالله Date: 07-12-2020, 03:39 AM Parent: #25
لا ..لا يا نادر ..انا قصدى التاج مكي في أغنيته الاسطورة ..اسال العنبة الرامية فوق بيتنا ...
Post: #27 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-12-2020, 03:40 AM Parent: #25
Quote: ودالفضلي وآخرين عمري ما فكرت انك يوم حتخلف للوعود من : انت عارف انا بحبك للكاشف وحبك للناس للكابلي و( الوصية) حمد الريح ومرورا .. ب ( البياح) النور الجيلاني و(اتفقنا) ندي القلعة و( القطار دور حديدو) . وووووو مجموعة الاغاني ( الخفيفة) والسريعة وال(Looping) مع جودة الفيديوكليب اثيوبيا منفتحة على كل الثقافات رغم العداء المستحكم والتاريخي مع اريتريا والخلاف بين الامهرنجة والتقرنجة .كلغة اعتداد ختى المغني ( تيدي افرو) اتسبب في مشكلة في اغنيتين ( فيورينا) و ( دهلك) .واسياس افورقي منع رسميا الاغاني السودانية والاريترية في فترة من الفترات في حالات الخلاف السياسي . المغنية دي صوتها جميل
فنانا الموسيقار أحمد يس
تحايا طيبة
يا سلام على هذه الإختيارات .. يا ريت تصل لهيلينا .. أكيد ستبدع فيها! كنت أظن أن الفن يقرب ويطيب النفوس ولكن يبدو مما ذكرت هنالك إستثناء
هيلين صوتها ليس بجميل فقط .. هو فعلا جميل وله حلاوة عليها طلاوة ولكن أيضا من ميزاته (القوة) .. والأهم التمكن من التطريب بدرجة عالية جدا ً .. إمتياز .. البت متمكنة .. وحالياً مافى مثيل لها بالسودان يتغنى باللغة العربية .. هذه أتمنى لو إجتذبها سوق الغناء السودان إن كان به سوقا وصناعة .. سيكون مثيل لجذب القاهرة لوردة الجزائرية و صباح فليت هلين .. تصبح هلين الشرقية .. إمتدادا لعشة الفلاتية أكيد أيضا ستغنى بإقتدار لعشة!
Post: #28 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-12-2020, 03:56 AM Parent: #27
Quote: غايتو يا نادر الاداء بتاع الزولة دي اكد لي انو كل الفنانين و الفنانات بتاعين اليومين ديل قاعدين في السهلة ام فكو و ماخدين الشغلة عدادات و اكل عيش بس و ما حيمشوا لقدام
و الغريبة ما هلين براها كل الفنانين كان من اريتريا او اثيوبيا البيغنوا سوداني مجضمين الغناء شديد اداء رهيب تطريب من امو احساس عالي اندماج مع الاغنية مزيكا نضيفة
و ناسنا حدث و لا حرج كركبة و شكوك و لكوك عجن من امو
الأخ معاوية محمد
تحايا طيبة
عبرت عنى تماماً أوافقك فى كل حرف. .. المطرب إما مطرب موهوب ويجيد الغناء وإما لا مطرب. مطربى زمان كلهم كانوا موهوبين وموهبتهم دفعتهم للغناء .. عشان كدا أغانيهم جميلة وخالدة ومتداولة حتى الآن منذ غتاء الحقيبة مرورا بالفن الحديث ناس إبراهيم الكاشف وحسن عطية وأحمد المصطفى وعثمان حسين وعثمان الشفيع وابوداؤوود ... مرورا بإبراهيم عوض ووردى والكابلى ومحمد الأمين وزيدان .. كثيرون لم أذكرهم .. أما الآن تجد كم هايل ممن يدعون أنهم فنانين وفنانات .. معظمهم لا يصلح مطرباً شوهوا أغانى العمالقة القدامى .. وكما تفضلت هلين والفنانين والفنانات الحبش (أثيوبيين وأرتريين) أجادوا العناء السودانى
لو طفت كل العالم عرب عجم أفارقة أوربيين هنود أمريكان صينيين أى فتاة أو فتى بشيل ليهو مكرفون وبيغنى بيكون بيجيد الغناء، إلا عندنا هنا عك ساى وكما تفضلت (عجن من أمو) .. والغريبة المستمع السودانى عارف ومتقبله رغم إستماعه لغناء بلاد آخرى .. والقنوات التلفزيونية والإذاعية السودانية مساهمة فى هذا االهبوط تفتح المجال للا مطربين ضاع اكتشاف الموهوبين فى زحمة الموهوميين .. والمسألة محتاجة لثورة فنية. حرام ما أسسه الرواد يضيع هباء الآن.
Post: #29 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-12-2020, 04:23 AM Parent: #28
هنا نموذين للفنانة السورية زينة أفتموس. رغم أنها متعودة على الغناء بالسلم السباعى إلا أنها أجادت التطريب وهى تغنى أعنية إبراهيم الكاشف (أسمر جميل) بالخماسى وفى الفيديو الثانى تغنى مقطع لأغنية (أقيس محاسنك بمن .. يا الدر الما ليك تمن)
هذا يؤكد أن الغناء والتطريب موهبة وقدرات خاصة إما تتوفر لدى الفنان أم لا ومسأل الصبر على مطربين نص كم على أمل بكرة يتحسنوا أبدا ما نهج صحيح فليت تحدث مراجعة للعك الذى يحصل فى السودان .. أرحمونا يرحمكم الله
الفنانة السورية زينة أفتموس فى (أسمر جميل):
لقاء للإعلامى المتميز الطيب عبد الماجد والفنانة السورية زينة أفتموس .. تغنى فيه مطلع ( أقيس محاسنك بمن)
Post: #30 Title: Re: عمرى ما فكرت يوم آخر مطافنا يكون جفا .. هيل� Author: Ali Alkanzi Date: 07-12-2020, 10:34 AM Parent: #29
غايتو يا نادر انت نادر لو لم يكن لطرحك هذا من طعم وذوق وطرب وتبادل الاراء إلا ما قاله (بقة) في حقي لكفاك اجرا فقد بدت البقضاء والشحناء بيننا في هذا المنبر ولكني لم ابخس الرجل حقه فهو حقا في قلوب كل اهل البورد وهذه ليست من عندي بل نالها الرجل كفاحا (وكفاحا ) هذه ان اردت شرحها فإني احتاج لصفحات في حق (قبة) وقبة عندي تعني القمة ومكان ياؤى اليه الناس ليرتاحوا من عرك الدينا وعراكها فالرجل تلمست فيه روح القمة وها هو يتحفني بقوله:
Quote: شيخ الكنزي ... عساك طيب ... مشيت وين الزمن ده كلو ؟ شكلك هربت من الكرونا و مشيت ادسيت ورا نخلاتك .. هههه يا زول ان شاء الله انت بخير و كل وليداتك و الاهل طيبين ... و ان شاء الله الزراعة تمام لو زارع ... بركه الشفناك طيب ... اها وقفنا وين ؟ ههههه
فعلا هربت من الكرونة إلى قريتي الشوال ، خاصة ولدي توأمان من خديجتي الصغرى جلسا لامتحان الاساس اليوم بولاية الخرطوم وهناك رحب بي اهل قريتي والاساتذة وفتحوا فصلا خاصا لهما خمس ايام في الاسبوع بمعدل ٥ ساعات في اليوم لهذا كان اداءهم اليوم لامتحان القرآن مرض شكرا لاحساسك يا قبة وشكرا لسؤالك عن صغاري الايتام الذين بسببهم هجرت ارض المهجر وفعلا ررعت العيش والقمح وحصدت ولكن زراعة الخضر طرشقت بسبب العطش قلة الجزلين واعشاب النيل القادمة من الجنوب شكرا اخ نادر فقد آخيت بين قبة والكنزي بعد جفاء ما ظننت أن يكون فيه اجتماع وشكرا لبكري صاحب الدار الاوسع ولنا ود ولقاء ان شاء الله
Post: #31 Title: Re: عمرى ما فكرت يوم آخر مطافنا يكون جفا .. هيل� Author: بدر الدين الأمير Date: 07-12-2020, 10:53 AM Parent: #30
فوق والهضبة فوق
Post: #32 Title: Re: عمرى ما فكرت يوم آخر مطافنا يكون جفا .. هيل� Author: ابوحراز Date: 07-12-2020, 04:34 PM Parent: #31
لو استمعتم ل هيلينا وهي تؤدي اغاني الاستقلال فلن تتوقفوا عن الاستماع اليها مدى الحياة هذه جعلت كل ارتريا ترقص وربما برجل واحدة هيلينا فنانة مشهورة جدا وذات صوت جميل وعذب ينساب في الاعماق كنهر رقراق وانا كثيرا ما اترك الحبة الثالثة حينما يصرف لك الطبييب ثلاث حبات واحدة بعد الافطار والثانية بعد الغداء والثالثة كما يقول بعد العشاء عفوا الحبة الثالثة دائما ما تكون هيلينا !!!
Post: #33 Title: Re: عمرى ما فكرت يوم آخر مطافنا يكون جفا .. هيل� Author: يحي قباني Date: 07-12-2020, 04:53 PM Parent: #32
Quote: غايتو يا نادر انت نادر لو لم يكن لطرحك هذا من طعم وذوق وطرب وتبادل الاراء إلا ما قاله (بقة) في حقي لكفاك اجرا فقد بدت البقضاء والشحناء بيننا في هذا المنبر ولكني لم ابخس الرجل حقه فهو حقا في قلوب كل اهل البورد وهذه ليست من عندي بل نالها الرجل كفاحا (وكفاحا ) هذه ان اردت شرحها فإني احتاج لصفحات في حق (قبة) وقبة عندي تعني القمة ومكان ياؤى اليه الناس ليرتاحوا من عرك الدينا وعراكها فالرجل تلمست فيه روح القمة وها هو يتحفني بقوله:
Quote: شيخ الكنزي ... عساك طيب ... مشيت وين الزمن ده كلو ؟ شكلك هربت من الكرونا و مشيت ادسيت ورا نخلاتك .. هههه يا زول ان شاء الله انت بخير و كل وليداتك و الاهل طيبين ... و ان شاء الله الزراعة تمام لو زارع ... بركه الشفناك طيب ... اها وقفنا وين ؟ ههههه
فعلا هربت من الكرونة إلى قريتي الشوال ، خاصة ولدي توأمان من خديجتي الصغرى جلسا لامتحان الاساس اليوم بولاية الخرطوم وهناك رحب بي اهل قريتي والاساتذة وفتحوا فصلا خاصا لهما خمس ايام في الاسبوع بمعدل ٥ ساعات في اليوم لهذا كان اداءهم اليوم لامتحان القرآن مرض شكرا لاحساسك يا قبة وشكرا لسؤالك عن صغاري الايتام الذين بسببهم هجرت ارض المهجر وفعلا ررعت العيش والقمح وحصدت ولكن زراعة الخضر طرشقت بسبب العطش قلة الجزلين واعشاب النيل القادمة من الجنوب شكرا اخ نادر فقد آخيت بين قبة والكنزي بعد جفاء ما ظننت أن يكون فيه اجتماع وشكرا لبكري صاحب الدار الاوسع ولنا ود ولقاء ان شاء الله
شكرا يا كنزي لكلماتك الجميله في حقي ... و ربنا يوفق الابناء جميعا و يقدرك على ان تكون لهم اما و ابا ... يا حبيب لا توجد بغضاء و لا شحناء .. هي مناكفة ليس الا .. و يبقى الود ... فنحن من جيل يا كنزي لا نحمل اي حقد في دواخلنا ... و نحلم بوطن واحد ... هون عليك و السماح ان غاضبتك ... و السماح فيما سيأتي من غضب ... ههه ... فانا استمتع بمناكفتك و لا يفوتك في ذلك الا صديقي اللدود عادل امين ... احترامي يا حبيب ...
Post: #34 Title: Re: عمرى ما فكرت يوم آخر مطافنا يكون جفا .. هيل� Author: nour tawir Date: 07-12-2020, 06:04 PM Parent: #33
يا نادر الفضلى الله يديك الصحة و العافية و المزاج الرايق دنيا و اخرى ات و البت الحبشية دى و الفرقة الموسيقية ياخ تنّزل الزار عديييييل كدى
Post: #35 Title: Re: عمرى ما فكرت يوم آخر مطافنا يكون جفا .. هيل� Author: ابو جهينة Date: 07-12-2020, 06:14 PM Parent: #34
هذه الهيلين ثبتت يقينى أن الفن الغنائى موهبة وتمكن تطريبى .. إنها فنانة ننوية يجب أن يحتضنها السودان!
* سلام نادر
فعلا تمكن تطريبي
لو ملاحظ اغلب الفنانين الاثيوبيين والاريتريين يؤدون بعض الاغاني السودانية بتطريب عالي
Post: #36 Title: Re: عمرى ما فكرت يوم آخر مطافنا يكون جفا .. هيل� Author: الوليد محمد Date: 07-13-2020, 11:21 AM Parent: #35
.
Post: #37 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-14-2020, 06:05 PM Parent: #36
هسة دا بوست بيمشى الصفحة التانية؟ .. فوق وعمر ما فكرت يوم آخر مطافنا يكون البوست يمشى الصفحة التانية! دا الكلام البزعل حيجر بورتسودانا وهلين النووية!
مرحبا بكل المشاركين والقارئين المستمعيين والمستمتعين .. وسأعود وسنواصل!
Post: #38 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-15-2020, 09:22 AM Parent: #37
Quote: غايتو يا نادر انت نادر لو لم يكن لطرحك هذا من طعم وذوق وطرب وتبادل الاراء إلا ما قاله (بقة) في حقي لكفاك اجرا فقد بدت البقضاء والشحناء بيننا في هذا المنبر ولكني لم ابخس الرجل حقه فهو حقا في قلوب كل اهل البورد وهذه ليست من عندي بل نالها الرجل كفاحا (وكفاحا ) هذه ان اردت شرحها فإني احتاج لصفحات في حق (قبة) وقبة عندي تعني القمة ومكان ياؤى اليه الناس ليرتاحوا من عرك الدينا وعراكها فالرجل تلمست فيه روح القمة وها هو يتحفني بقوله:-.....
عزيزى الكنزى
تحياتى
الشكر يعود لهذا الإبداع الفنى للفنان حيدر بورتسودان وللفنانة النووية هلين ملس! ولتذوقك العالى للفن والموسيقى .. وهذه أيضا من سمات يحيى قبانى وحسب ما عرفته من شخصيتك بهذا المنبر، ومعرفتى بقبة، فكلاكما نفوسكم سمحة ومتسامحه .. فهو لا يحمل ضغاين، وأنت مثله .. هى لحظات زعل وسخانة نقاش .. وأصعب النقاش يكون عبر المسافات البعيدة وبى الكيبورد فقط شوفت الزول دا فقدك كيف وهلل لعودتك وسأل عن أولادك. وحمد لله على سلامتك وألأسرة الكريمة
رينا يديم المحبة والمعروف بينكم وبين كل الناس .. وبى هلينا كمان!
Post: #39 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-15-2020, 05:45 PM Parent: #38
Quote: فوق والهضبة فوق
مرحب بأخونا بدر الدين الأمير صاحب الحس الفنى الراقى .. ليس بمستغرب أن يجدبه هذا (الجمال) .. جمال صوت وتطريب راقى!
يا لها من هضبة .. هضبة الجمال والفن والحنية والمحبه .ز دوما فقو بناسا وإحساساهم الراقى الجميل تباً للإستعمار وللحدود .. رعم انها لم تفرق الشعوب .. ولكن فى ظل النقص المريع فى مواهب الغناء بالسودان .. فالحل فى البل .ز بل حواجز الحدود السياسية .. والإستعانة بلاعبين موهوبيين بحكم الجوار والثقافة وصدق الإحساس .ز يعتبرون إمتداد أصيل للفن السودانى ..
مش عاد حرام ساكن الضفاف يننشر فى عمره الجفاف محروما من شفاف ساكنة الهضاب
#هلين ملس سوداترية .. هلين النووية
Post: #40 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-15-2020, 06:17 PM Parent: #39
Quote: لو استمعتم ل هيلينا وهي تؤدي اغاني الاستقلال فلن تتوقفوا عن الاستماع اليها مدى الحياة هذه جعلت كل ارتريا ترقص وربما برجل واحدة هيلينا فنانة مشهورة جدا وذات صوت جميل وعذب ينساب في الاعماق كنهر رقراق وانا كثيرا ما اترك الحبة الثالثة حينما يصرف لك الطبييب ثلاث حبات واحدة بعد الافطار والثانية بعد الغداء والثالثة كما يقول بعد العشاء عفوا الحبة الثالثة دائما ما تكون هيلينا !!!
مرحبا أبو حراز
خليتنى مشيت فتشتة عن هلين .. أو هيلينا .. وجدتها فنانة سوبرستار فى أرتريا وهى مشهورة فى أفريقيا ولها حفلات بعدة دول أكيد من ضمنها اثيوبيا وكذلك تزور وتحييى حفلات للجالية الإرنرية بمدن ودول أوربا وأمريكا أقامت عام 2018 حفلى بتكساس. وأيضا بدول الخليج الإماات وقطر.
وسعر تذكرة الدخول لحفلاتها يتراوح ما بين 81 دولار ل 100 دولار والفيديوهات توضح أن صالات الحفلات تمتلئ فى تجاوب كبير مع هلينتنا .. ناس الجالية السودانية لالددوحة قطر فاتهم مولد أن الجالية الأرترية أقامت حفلة ذككرى إستقلال أرتريا أحييته هلين والدخول مجاناً
طبعا ميلع 80 وللا مائة دولار ما كتير وبتدفعه كل الجاليات العربية والأفريقية وغيرها عندما فنانين بلادها يزورن بل يعض الحلات تصل تذاكرها لمتين دولار وأكثر .. الإستثناء الوحيد الجاليات السودانية يتقطعوا ليك وبعشرين وتلاتين دولار ومجابدة ونقة كتيرة ورقابة صارمة فى الباب وإلا زاغوا ودخلوا ملح! العريبة بعضهم يمشى ويدفع وصامى خشمه فى حفلات الفنانين العرب! عشان كدا أنا جانى إحباط فى انه حلمى بأن تقييم هلين حفلات بالسودان وتغنى بعض أغانى سودانية حلم تبدد .. ياخ لو وديتا للجالية السودانية بأى دولة أوربية أو أمريكية أو خلجية .. حيخذلوك فى الدفع!!
Post: #41 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-15-2020, 06:54 PM Parent: #40
Quote:
يا نادر الفضلى الله يديك الصحة و العافية و المزاج الرايق دنيا و اخرى ات و البت الحبشية دى و الفرقة الموسيقية ياخ تنّزل الزار عديييييل كدى
اللهم آمين .ز ولنا جميعا .. يسمع منك ربنا يا ست نور والدعاء موصول للفنان حيدر بورتسودان ...
دا يا نور الغنا البرد الروح ويشرح القلب ويطول العمر منذ فتحت هذا البوست أستمع لهلينتنا يومياً .. وعملت مثل أخوانا الكنزى ومحمد الشيخ ذنززلتا الأغنية فى الموبايل وأستمع بها بسماعات العربية ..
فإستمعى وإستمتعى بهذا الغنا السمح!
Post: #42 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-15-2020, 07:08 PM Parent: #41
Quote: فعلا تمكن تطريبي
لو ملاحظ اغلب الفنانين الاثيوبيين والاريتريين يؤدون بعض الاغاني السودانية بتطريب عالي
الأخ أبو جهينة
تحايا طيبات .. وإستماع وإستمتاع أطيب بهلينتنا!
أوافقك بأن الثيوبيين والأرتيريين يؤدونا الغناء السودانى بتطريب عالى .. والسر فى أنه من يمسك أو تمسك المايكرفون منهم بتكون فعلا فنانة متمكنة. فالشفلانة موهبة وليست تلحمة .. عشان كدا كما قلت بتجد هلين ملس مطربة متمكنة! وليت (الثورة) فى فترتها الإنتقالية تجد حلولاً فى ارقية الغناء السودانى ةبشروط صارمة من يسمح لع التغنى فى الأجهزة الإعلامية الرسمية سواء تلفزيونات ا, إذاعات حكومية أو قطاع خاص.
Post: #43 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-15-2020, 08:25 PM Parent: #42
هلين ملس بإستاد أسمرا فى عيد الإستقلال (أضغط على اللينم بالفيديو للمشاهدة على اليوتيوب
هلن ملس تطرب الجالية الأرترية ببريطانيا
Post: #44 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-21-2020, 01:16 PM Parent: #43
هلين ملس .. سودانية بالميلاد وأرترية الجذور .. من مواليد مدينة بورتسودان شبت وترعرت فيها وتحب السودان حبا جما .. مثل أحبائنا الشعب الأرترى نجمة نجوم الفن الأرترى .. ونأمل أن تصبح أيضا سوبرستار الفن السودانى
Quote: Reem Reem Reem Reem 6 months ago من لا يعرف هيلين ملس مواليد السودان و تحديدا بورسودان عاشقه للسودان ككل الشعب الارتري ياريت السودانين يحسوا بحب الارترين للسودان ولو مرة تحيه ليك هلين اعظم فنانه ارتريه على الاطلاق
Post: #45 Title: Re: عمرى ما فكرت يوم آخر مطافنا يكون جفا .. هيل� Author: almulaomar Date: 07-21-2020, 01:50 PM Parent: #1
يا نادر تحياتي فنانه ثورية خاصة بلغة التقرنجا لديها العديد من الألحان التي تمجد فيها أرتيريا
Post: #46 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-21-2020, 11:35 PM Parent: #45
مرحبا بالملاعمر
شاهدت للملكة هلين مليس فيديوهات لأغانى ثورية فى مناسبات أعياد إستقلال أرتريا. وأيضا فى جولاتها العالمية لنفس المناسبة .. الغنا والموسيقى جميلة ورائعة ولكن للأسف لا أفهم لغة التقرنجا.
حاولت أعمل مقارنة بين نطق الحروف ولاحظت الأحرف المنطوقة من الحلق شائعة فى أغانيها بالتقرنجا وتسألت أيهما أصعب للمغنى التغنى بالتقرنجا أم اللغة العربية؟ ولأنها ولدت فى السودان فهى تجيد الحديث بالعربية السودانية لاحظت إختلاف بسيط لا يذكر ولا يلاحظ بسهوله فى نطق حرف أو حرفين وليس بطريقة غريبة أو لكنة. ولكن خمنت أنه بالنسبة لها بالذات لمعرفتها باللغتين فتمكنها الغناء بالتقرنجا، سهل تمكنها من الغناء بالعربية السودانية! كما فهمها لمعانى الكلمات وتذوقها جعلها تغنى بإحساس صادق جميل!
والله أعلم
Post: #47 Title: Re: عمرى ما فكرت يوم آخر مطافنا يكون جفا .. هيل� Author: ناذر محمد الخليفة Date: 07-22-2020, 10:59 PM Parent: #1
Post: #48 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-23-2020, 00:10 AM Parent: #47
مرحب بناذر خليفة الفنان
بعد غياب ..
خطيرة هلين .. مش كدا؟
Post: #49 Title: Re: عمرى ما فكرت يوم آخر مطافنا يكون جفا .. هيل� Author: نادر الفضلى Date: 07-25-2020, 07:23 PM Parent: #48
أخونا عثمان موسى طلع عينو نجيضة .. قال هلين كسلاوية
وفعلا طلعت من مواليد بورتسودان ولكنها سكنت كسلا ومنذ أن كانت فى سن الثامنة كانت مفنية لفرقة أرترية بكسلا) لإسمها ريد فلورز (الوردود الحمراء) طافت مدن السودان تغنى للثورى الأرترية .. هلين ثائرة أرترية منذ نعومة أظفارها وأصبحت مغنية الثورة وإستقلال أرتريا .. وسودانية أيضاً
She began her musical career early, at the age of eight, when she joined the Kassala, Sudan-based Red Flowers band (ቀያሕቲ ዕምባባ). The group was formed by the Eritrean People's Liberation Front (EPLF)'s local education branch. With the band, she performed in different parts of Sudan as a lead singer.
At the age of 13, Helen joined the EPLF, where she was enrolled in the organization's revolutionary school.[1] She is known for her successful transition from ex-war combatant with the group to prominent singer.[2][3]