الزعيم رقم صفر يقترب من وزارة المالية (دي نهاية حكومة حمدوك)

11:01 AM July, 10 2020

سودانيز اون لاين
عبدالعظيم عثمان-
مكتبتى
رابط مختصر

شلة حمدوك تستعد للإنقضاض على حكومة الفترة الإنتقالية
غايتو أرجى الراجيك يا حمدوك
كان ناوي تعين الزعيم رقم صفر وزير مالية

إنه أحد الخضرين

الناس تجهز اللساتك
دي شفت يا حمدوك حتركبك إنت التونسية
المرة دي إنت لازم تدفع التمن
والتمن مغادرة رئاسة الحكومة فوراً

إنت بتلعب ولا شنو

........


غايتو جنس غايتو

زول 30 سنة قاعد عاطل
عاوز تجيبه وزير مالية
غايتو إذا فعلاً صدقت التكهنات دي
تبقى مصيبة

......


غايتو
واحدة كفاية

واحد غايتو وصلحو
😅😅😅

شوف يا حمدوك
قبلت إستقالة البدوي
وشلت العاوز تشيله

لكن تصل
تجيب لينا الكوامر المقرشة من 30 سنة
إنت عاوز تَبِر أصحابك على حساب البلد
ولا شنو
أسماء وزيرة الخارجية دي بلعتها للشعب السوداني بالقوة

شغلتك القاعد تعمل فيها دي
لا بتقدم البلد ولا بتصحح المسار

دا شنو دا

حمدوك ده رئيس وزراء الحكومة الانتقالية ما شغال
عند حزبك ، عرفنا الشماتة الاوامر والرحم بالغيب
برومو شنو ، في مجموعات معروفة ممكن
يشاورها ، لمًا يشاورهم يقولوا ما دايرين ده
او يرفعوا الاسماء كالمعتاد.

فيتو من لساتك!!!!!

كان ما جابوا الغلام الأصم وزير الجماعة ديل ما بيستريحوا 😂

بالله ؟ الزول الشبه عمر الشريف 😂😂

انت ما تشكل الحكومة و خلي حمدوك يبصم ليك ....

غايتو رقم صفر ماعرفناه !لكن الشاويش فرقععرفناه !..... نعرفه تماما لأننا نقرأ بوسته هذا ! وبوستات أكرم رفض مغادرة الوزارة بعد الإقالة !
ألا تخشي علي مصداقيتك ياعبد العظيم !

في زمناتو يا دكتورة 😂 تعرفي الأصم ده كنا طايرين بيه أكتر من ماما أميرة لكن من سمعنا انه قد يكون هو وراء الحملة على دكتور أكرم واتباعه الكيزتحاديين وما فيا مافيا المستشفيات والدواء وناس صحة بدنه من مرض الأهالي وجوعها رمينا طوبته , ودكتور أكرم بعد الإقاله أصبح له شعبية واذا صار اقتراع بينه وبين حمدوك اليوم لتفوق أكرم ليس لانجاز أو غيره فقط لأنه وقف ضد مافيا المسترزقين من المعاناة كما فعل أبوحريرة

شخصيا لا افهم حتى اللحظة لماذا قام حمدوك بإقالة دكتور اكرم
وقفنا مع حمدوك ودعمناه ومن حقنا ان نطالبه بتوضيح سبب اقالته لدكتور اكرم

تلفون العملة.
😅😅😅

الحكومة دى بقت زى كتب الشياطين ال13
و العم تمتم
وتوم أند جيرى
الكنا بنقراهم زمان

إقالة دكتور أكرم التوم سيدفع ثمنها المساكين
قبل الحكومة ... لماذا يريد حمدوك مهادنة مافيا
الدواء ومؤسسات التشخيص والعلاج الخاصة ؟!
ويرضو مبروك يا عبدالعظيم عثمان .. د. أكرم
خرج من وزارة الصحة بطلاً ، عساك متهللاً فرحاً !

Quote: وقفنا مع حمدوك ودعمناه ومن حقنا ان نطالبه بتوضيح سبب اقالته لدكتور اكرم

مفروض يجي يوضح سبب إقالته لانه د أكرم ما استقال، بقت في حاجات غريبة بتحصل

أكرم خلاص بقى وزير سابق
الكتابة عن حادثة إقالة وزير أمر غير مفيد
خلونا نحمي الثورة من عبث شلة حمدوك

Quote: ودكتور أكرم بعد الإقاله أصبح له شعبية واذا صار اقتراع بينه وبين حمدوك اليوم لتفوق أكرم ليس لانجاز أو غيره فقط لأنه وقف ضد مافيا المسترزقين من المعاناة كما فعل أبوحريرة

موضوع الدواء داء وأزمتو أكبر من عشرة زي أكرم دا لو جمعوهم في شخص واحد
هذه مشكلة لا تستطيع أن تحلها وزارة الصحة
الحل لدى وزارة المالية وزارة المالية هيالجهة المناط بها أن تقوم بتوفير المال المطلوب لشراء هذه الأدوية
ثم تقوم بعمل التعاقدات مع شركات الأدية العالمية
لتوفير الأصناف المحددة بكمياتها المحددة ويحتاج الأمر لشهور قد تصل لستة شهور
لأن الأدوية لا تباع بعد التصنيع بل تصنع بحسب الطلب
وهذا الذي ذكرناه هو الذي كان يحدث وأوقفته سلطات الكيزان وصار الدواء
متروك لتجار بعضهم تجار شنطة

معقول يعني حمدوك يعين مستشاره الشيخ الخضر وزير مالية ؟
نرجع لي شغلة زولي وزولك ... والشلليات ... نفس طريقة الكيزان ؟
البلد مليانة كفاءات ... لكن بس تقول شنو

حبيبنا عبدالعظيم وضيوف البوست سلااامات
الكلام ده قطع شك غير سليم وخبر مضروب
فالشفيع خضر موجود في القاهرة منذ شهور
وابعد ما يكون عن
المطبخ السياسي والمقالات التي يكتبها توضح ذلك
اما شيخ الخضر هو
المدير التنفيذي لمكتب رئيس الوزراء وسيظل كذلك
والمالية وزارة تخصصية بالطبع سيكون البديل
متخصص في نفس المجال
واغتيال الشخصية ماحبابو نتفق او نختلف لم
يكون الرجل عاطلا كان يعمل في مجاله تخصصه
في القطاع الخاص
عموما الحكومة الانتقالية أكيد إشكالياتها
وإبراهيم البدوي الامانه كان ضحية لصراع
قحت وليس رئيس الوزراء
فقحت تريد ان تجني ثمار الانفتاح
مع العالم من خلال رؤية البدوي لكنها
في نفس الوقت تعرف شعار الدعم
في الشارع السوداني وهنا تغيب
المبدئية ولكن اخر المطاف ذهب البدوي
الفرد وسيبقي البدوي الفكرة ولا يستطيع
خلفه تجاوز مشروع البدوي

Quote: أكرم خلاص بقى وزير سابق الكتابة عن حادثة إقالة وزير أمر غير مفيد خلونا نحمي الثورة من عبث شلة حمدوك

يعني انت هسي الشلت اكرم بالتهريج و الاساءات يا عبد العظيم ...

كان كده اوع تنوم تقوم البلد تنقلب لا سمح الله ...

قحت لمة بلا مشروع
وحكومة انتقالية بلا خارطة طريق ووزارات بلا برنامج
والمحاصصة ليس مشروع سياسي بل انتهازية قدزرة ومستمرة تدور في فراغ
بس فضل مهندس البنك الدولي والحزباخالف ده
يطرد عمر القراي
ويجيب عبدالرحيم حمدي وزير مالية
والله حمدوك بتاعكم ده ما فاضل ليه الا يشرب السجاير
وين في العلم حكومة انتقالية عندها مهمة محددة يغيرو الوزررا
انتو ما سمعتو بي وزارة التخطيط والتعاون الدولي المهمة جدا في تنظيف وتنظيم الداخل والخارج
البلد عميانة وقايداها محنونة
بعاعيت مايو وايتام الترابي طيزين في لباس
https://top4top.io/
الثورة تمشي في الانقاذ بالاستيكة مش تمشطا بي قملا