نصائح طريفة للوزراء الجدد...

Quote: نصائح عامة للوزراء الجدد اللحدي هسي ما عارفين هم منو : 1. ما تدي وعد بسقف زمني محدد ما لم تكن حمدوك و بما انك ما حمدوك فحاول قدر المستطاع ما تبقى مدني. 2. "حاول اظهر " .. ما زي ما بقولوها الشباب لبعضهم من باب الكلام الساي و خلاص لالا بصورة جادة حاول اظهر لانه لو ظهرت أو ما ظهرت حيشيلوا حالك و لك في وزير الزراعة اسوة حسنة. 3. ما تمسك وزير صحة لأي سبب كان. 4. لو كنت وزير اعلام حاول عين ناطق رسمي بإسم الحكومة غيرك ، منها تعرف شغلك بالضبط شنو و منها تشوفوا . 5. اي خلاف بينك و بين وزير تاني يا ريت لو اتحل بالطريقة القديمة ، تطالعوا اقرب خلا أو مقابر فاروق بالعدم .. ما فينا حيل لردحي بيانات. 6. جدادك أهم من أداءك .. اتفقنا ؟ 7. أهم حاجة تقفل حساباتك الشخصية في السوشيال ميديا عشان ما تتكبشر و يتمسح بيك بلاط مارك

المشكلة مدني قاعد
لا استقال لا أقالوهو لا وفر العيش

Quote: أحمد محمد عمر

شنوووو ياااااا أخينا....
اشترينا العرقي والبنقو جينا لقينا
الكراكه خمت البتاع ....
ياخي افتح لينا بتاعه جديده طمنا
عليك وفيها نروي غليلنا من قلة الحيا
الطولنا منها ...

وحاة الله أول ما فتحت الكاميرا وبدوا لي العد التنازلي اتذكرت مقترحك قررررررربت أطبقه
الحمد لله الأمور مشت والكلام جا براهو علا الخواجات ما عجبهم كلامي ينبزوا فيني ساااااي شغالين لي inspiring inspiring مالهم شايفين عندي كورونا ينصحوا فيني بالاسبرين؟
دة واحد من المعلمين الكبار كتب لي :
What you have organised is truly inspiring and at the heart of (...........). I take off my proverbial hat to you!
النقاط من عندي :) ود الخواجية قايلني ما بفهم انجليزي قال لي ها العريبي دة حقو الواحد يجدعك بالطاقية دي .. قايلني خليتو؟
قلت ليه علي الحلال إن واقف قدامي ما بتقدر تقول كلامك دة برسل ليك تذكرة تطالعني في غابة ام بارونا في عيد الضحية :)
الجولة الأولى لي بشاشا ومحمد صديق ونحن بعدهم طوالي

قريت البوست المرحوم وربطّت كداراتي وجيت نازل
كان القى ليك الرسالة جاتني
إنه بوستك لحقوا ترب فاروق ..خخخ
غايتو مرقت من هجوم شرس كان جاييك

انت ما كان تقنطر لي البتاعة
وحاتك انجليزيتي كاربة

أخوك حريييييف
كان اعتمدت على بكري في الحذف برسالة ماسينجر عادي ممكن يصيّعني
متذكر بوست الحسن العملو في حاتم وبقى ينادي في بكري يمسحوا وبكري عامل فيها ما سامع :)
فتح ليه كود وما قفله عشان البوست يتخرب وما يقدروا يضيفوا مداخلات جديدة
جاء بكري بدل يحذف ليه البوست صلح الكود واستعدل البوست زي الناس .. والله صحي
أها أخوك جابها من آخرها ورص ليك اسم الريس منادى في اسم البوست ذاتو وعاااااارفه ما بخلي بوست فيه اسمه .. ولا بقرأ الجواهو ذاتو طوالي بلحسه

صراحة كانت حرفنه منك يا أبو حميد ..
انت عارف الريس كان جيتو بالدرب العديل كان صيّعك
وقنطرك خلاك تختة تنشين للغاشي والماشي
يجي يرزعك أم دلدوم ..
ويجوك ناس بالليل يتسلوا بيك لامن يسلموك ناس الصباح
لكنك مسلّط عرفت درب مرقتك بي وين .. هههههه
انا جيت من الشغل قلت الله أداني بوست
يحمل كل مواصفات التخميسة والتجميعة ..
لكن الريس خذلنا وخلى خشمنا ملح ملح ..
وانت اتجدعت في أماااانة الله ..

باااااااس انت عرفتها
أنا كان غرضي أتجدع واتنفس واكسر كل الخطوط الحمراء وفي النهاية أمسح آثار الجريمة وارجع شبح تاني
هسة حافظ بشير يجي يلقى صور بدل وكلام انجليزي مجدع بين البوستات راسه يشطب ما يفهم أي حاجة