Post: #1
Title: نحن برضو عندنا طلبات
Author: عبدالحفيظ ابوسن
Date: 07-09-2020, 10:50 AM
10:50 AM July, 09 2020 سودانيز اون لاين
عبدالحفيظ ابوسن-no where
مكتبتى
رابط مختصر
نص الوزارات لاسر الشهداء
تلاتة ارباع المجلس التشريعي لاسر الشهداء
نص الولاة لأسر الشهداء
يعفو اسر الشهداء من المنافسة في امتحانات الشهادة السودانية ويعفوهم من الرسوم زاتا
ولسة في طلبات جاية
|
Post: #2
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 10:53 AM
Parent: #1
ربع الوزارات لاسر الجرحي والمفقودين
حنخلي ليكم ربع الوزارات حاليا عشان الديمقراطية . لكن برضو لو اتضايقنا بنجي علي الربع الاخير
وربع المجلس التشريعي برضو
وربع الولاة
ولسة عندنا طلبات
|
Post: #3
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 10:56 AM
Parent: #2
مش حمدوك قال براغماتية ؟
اها براغماتية للطيش
|
Post: #4
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 11:01 AM
Parent: #3
برضو دايرين الاولوية في التوظيف لمدة 30 سنة لاسر الشهداء والجرحي
|
Post: #5
Title: Re: نحن برضو عندنا طلبات
Author: علي عبدالوهاب عثمان
Date: 07-09-2020, 11:14 AM
Parent: #4
حبيبنا أبوسن .. تحياتي
الوضع يستحق السخرية
وشر البلية ما يضحك
حتى اذا أردت كتابة موضوع جاد لن تجد حافز
لذا السخرية هي التعبير الوحيد
هكذا لا بد لنا ننتحدر الى مستوى من يدعون النخبوية
بالضبط كما ترضى طفلك الصغير في البيت
جميل البوست .. واصل
|
Post: #6
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 11:34 AM
Parent: #5
مش كدة علي
واقع عبثي جدا ويدعو للغيظ وفوران الدم
لايستحق نقاشه او حتي احترامه الا السخرية والهزء منه
|
Post: #7
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 11:40 AM
Parent: #6
اييييك
ولسة ما جينا علي الجيش والشرطة
ماهو كمان لازم تكون عندنا سلطة سلاح وقوة عشان نقدر نحافظ علي مصالحنا
ولا كيف 😆😆
يعني الاولوية لينا في الجيش والشرطة و90% من جهاز المخابرات
|
Post: #8
Title: Re: نحن برضو عندنا طلبات
Author: Ahmed Yassin
Date: 07-09-2020, 11:49 AM
Parent: #7
مالك ومال الجيش والشرطة دي كلها مشاكل واجرام وكضب وخوابير سوا
استحدث واحدة جديدة تكون مثلا التجارة الخارجية. خليك مع المالية والاقتصاد
مع الاستثمار.. والثروة الحيوانية.. .. الجمارك.. حرس الصيد... الزراعة.. التعليم
حاجات تفتح النفس.. انت عايز اسر الشهداء المساكين ديل يتبهدلوا تاني
برضو ابعد من الصحة لانها مرض ومن السدود .. كلها حبش ومصريين يسدوا نفس المساكين
|
Post: #9
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 11:56 AM
Parent: #8
ساعدونا بالاقتراحات يا احمد
لا لا
الجيش والشرطة مهمات
ماحيشتغلو عساكر ياخ ضباط طوالي ومايمشو مناطق شدة دة جزء من الشروط
يحبسو الخرطوم بس
مش شفت الجماعة بدخلو اولادهم ضباط طوالي
|
Post: #10
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 12:06 PM
Parent: #9
في العهد البائد
النيل الابيض كانت من نصيب حركة مسلحة
يختاروه هم
وفعلا جانا كاشا وبعدو مين كدة نسيت اسمو
اها ديل بجو وبمثلو نفسهم بس . بقعو لهطف ولغف ولحس
كنت متوقع يطالبو بترقية مناطقهم ورفعتها . شروط محددة للتنمية والصحة والتعليم في تلك المناطق مش وظيفة حيمسكها فرد واحد وينوم بيها
بالبساطة دي
كاشا ممثل لدارفور كوالي للنيل الابيض وماعمل شي لدارفور
وغيرو في الحكومة المركزية
|
Post: #11
Title: Re: نحن برضو عندنا طلبات
Author: علي عبدالوهاب عثمان
Date: 07-09-2020, 12:34 PM
Parent: #10
حبيبنا أبوسن .. تحياتي
متابع من المكتب .. أبو الشغل ..
يا ريت باقي الاحباب يحضروا
أنا العربي ( تعبان ) I can not
واصل ..
|
Post: #12
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 12:37 PM
Parent: #11
ماتنسي يا علي
البقرة المقدسة ولا هي الوثيقة المقدسة القدر مانفتح خشمنا يقولو الوثيقة قالت
الوثيقة دي مش فيها تحديد نسب للمشاركة ولا برضو من اجل السلام المامعروف ماشي لي منو ؟
|
Post: #13
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 01:06 PM
Parent: #12
مايجي واحد ناطي لي ويقول لي
كفاءات ولا تكنوقراط ولا بتاع
ادونا نسبتنا بس ونحن علي كيفنا فيها
|
Post: #14
Title: Re: نحن برضو عندنا طلبات
Author: منتصر عبد الباسط
Date: 07-09-2020, 01:31 PM
Parent: #13
Quote: كنت متوقع يطالبو بترقية مناطقهم ورفعتها . شروط محددة للتنمية والصحة
والتعليم في تلك المناطق مش وظيفة حيمسكها فرد واحد وينوم بيها
بالبساطة دي |
الحلول الجادة والفعالة تكون بالمبادرات وليس بانتظار الطرف الآخر
حتى يطلب التنمية والصحة والتعليم والبنية التحتية
يعني لو جماعة الحرية والتغيير حشدوا الناس بعيد عن التحزب والتناطح
وعلى أساس الوطنية المخلصة وفتحوا الباب مشرعاً لأصحاب المشاريع
من السودانيين في الداخل والخارج
لكان جمع الأفكار أفيد من جمع مال بالتبرعات كمشروع القومة ليك
جمع الأفكار يجمع القلوب ويوحد ويبني ويعمر
لو حشدوا الناس وأفكارهم لبنينا استراتيجية أو رؤية وطنية موحدة
تبني دارفور وجبال النوبة وجنوب النيل الأزرق وباقي كل السودان
وتوحد الوجدان وبعد وجود فكرة وطنية لبناء السودان برؤية صارمة
وقوية وواعدة يبدأ تنفيذها سيكون الشهداء والجرحى وأسر المفقودين
خلدهم التاريخ صاروا نجوم عالميين وفي عليين من الفائزين
وإن شاء الله الأن في عليين
وفي الأرض جنت أسرهم ثمار تضحياتهم وكل السودان
ولما احتاجو بعد ذلك لأكثر من ذلك
ولجاءت قيادات الكفاح المسلح بتواضع مجبرين عليه ليضعوا أيديهم
مع إخوتهم في المركز دون أي شروط
بعد وضعت حلول جذرية لبناء ورفعة ورفاهية
إنسان تلك المناطق وكل السودان الذي سيكون صار منارة
ومثال تتوق له كل البلدان ذات الأزمات المشابهة
لكن البداية كانت مقلوبة وكسولة فلنقبل بالنتائج.
|
Post: #15
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 01:42 PM
Parent: #14
يا منتصر دة ارث الحكم البائد والكيزان
المفاوضات تعني ترضيات بالمشاركة في الحكم وليس من اجل حل قضية ايا كانت
والحركات زات نفسها دخلت في مفاوضات مع الانقاذ سابقا وقرمت من الكيكة معاهم
|
Post: #16
Title: Re: نحن برضو عندنا طلبات
Author: الشيخ سيد أحمد
Date: 07-09-2020, 01:54 PM
Parent: #15
ملاجظة في محلها فعلآ.
المشكلة يا "ابوسن" انو فهم الساسة عندنا مقتنع بالحتة دي بس...
يعني التفاوض عندهم هو انو تمنح الترضيات من خلال المحاصصة. ..
دون النظرللمصلحة الوطنية.
|
Post: #17
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 02:07 PM
Parent: #16
تشكر الشيخ وحمدلا بالسلامة
ماعندنا مانع يجيبو لينا تفويض من اعتصام نيرتتي
يمشو الاعتصام ويصبوها هناك معاهم ويجو محملومين علي اعناق الثورة محبة وتفويض
احتمال
احتمال
نتنازل ليهم
|
Post: #18
Title: Re: نحن برضو عندنا طلبات
Author: منتصر عبد الباسط
Date: 07-09-2020, 02:09 PM
Parent: #16
الغريبة الصادق المهدي في خطابوا القال فيهو الناس
العايزين الطهور والعرس في نفس الأسبوع 😂
كان رافض الفكرة دي ودا موقفه من الأول
وكان بيرى حل المشكلة من جذورها وأن تبعد المحاصصات
من الفترة الإنتقالية
لكن الناس رفضوا الفكرة وفرضوا فكرة المحاصصات
يعني المحاصصات حلال على أولاد المركز حرام على أبناء
ما يسمى بالهامش من حملة السلاح؟؟؟؟!!!
|
Post: #19
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 02:14 PM
Parent: #18
يا منتصر خطأين لا يصنعان صاحا واحدا
الغلط غلط
|
Post: #20
Title: Re: نحن برضو عندنا طلبات
Author: الشيخ سيد أحمد
Date: 07-09-2020, 02:29 PM
Parent: #18
| Quote: تشكر الشيخ وحمدلا بالسلامة |
الله يسلمك يا "ابوسن" .
Quote: يعني المحاصصات حلال على أولاد المركز حرام على أبناء
ما يسمى بالهامش من حملة السلاح؟؟؟؟!!! |
تعرف يا منتصر ...الرسالة الخفية في مداخلتك دي...انو من يحمل السلاح
هو من يفرض رؤيته "قانون الغاب"....ركز معاي عشان ما تجي ناطي فيني جوز..الرسالة
مش فهمك...لكن اذا كان ده فهمك انا ال ح اجي ناطي فيك جوز...لانو مفروض الناس تكون
بقت اوعى واقدر على التمييز..
خلوني اقول ليكم كمان بي وضوح وبقدر كبير من الاحباط....انو الحكومة دي لن تستطيع تقديم
الحد الادنى مما هو متوقع منها...
ما عايز افتح المحور ده لانو ح يجيب محاور تانية وعشان ما "افتل" البوست لي ابوسن...
|
Post: #21
Title: Re: نحن برضو عندنا طلبات
Author: عبدالحفيظ ابوسن
Date: 07-09-2020, 09:27 PM
Parent: #20
تعرف يا الشيخ
من الواضح جدا لي علي الاقل
ان تظل جذوة الثورة متقدة
وعين الشعب صاحية
اعجبني كلام وجدي
نعم نحن نخاف من شعبنا
دايرين الغيرو يخافو
|
Post: #22
Title: Re: نحن برضو عندنا طلبات
Author: الشيخ سيد أحمد
Date: 07-09-2020, 10:21 PM
Parent: #21
Quote: تعرف يا الشيخ
من الواضح جدا لي علي الاقل
ان تظل جذوة الثورة متقدة
وعين الشعب صاحية
|
تمام يا ابوسن
انت كده سقتننا لي حتة مهمة جدا...
اول حاجة خلينا نعرف وين الثورة الآن؟؟
وانا لمن اسال عن الثورة بسأل عن مطالب الشباب الماتو
وكانت احلامهم بي وضع معين ل بلدهم...
قوى الحرية والتغيير عملت على توظيف ذلك الغضب والقهر والاحباط
الذي اشعل فتيل الثورة...وبامانه تعاملت بذكاء مع الوضع
ونجحت في قيادة الثوار الى مدخل القيادة العامة.
وانتهى بعدها دورها الثوري تمامآ ..ليبدأ دورها في توزيع كعكة السلطة
على منتسبيها...الا ان اكبر اخطاءها هو عدم وجود برنامج واضح
المعالم للفترة الانتفالية...فاصاب كيانها الانشقاق وبداية التشرذم..
ولعل اكبر الدلائل هو تصريح "الاصم" الاخير.
انا شخصيآ يا "ابوسن" (قنعان) من خيرآ في هذه الفئة...
فاذا كانت عجزت عن نوفير الحد الادنى من التوافق لادارة الفترة
الانتقالية ..فهل تعتقد انها قادرة على التعامل مع المستقبل؟؟
Quote:
اعجبني كلام وجدي
نعم نحن نخاف من شعبنا
دايرين الغيرو يخافو
|
والله يا ابوسن نحن ماعايزين زول يخاف مننا...
الخوف لا يبني الدول والمجتمعات..المجتنع السوداني
لا زال بخير بالرغم من الهزات القوية التي تعرض لها في المدن...
الا ان تقاليده الراسخة وقفت بكل جلد صامدة في وجه التحديات
وخصوصآ في الارياف..وهو ما نراهن عليه في بعث التقاليد التي
نشأنا عليها حين يمنح القدرة على التاثير في الحياة السياسية مرة اخرى
عتدما يحين موعد التصويت ..
|
|