Post: #1
Title: زي ما قلت بروف معز للصحة اليوم بالفم المليان الفاتح قمبور والي لكردفان عن استحقاق !!!
Author: توفيق عيسى مكي
Date: 07-08-2020, 06:34 PM
06:34 PM July, 08 2020 سودانيز اون لاين
توفيق عيسى مكي-
مكتبتى
رابط مختصر
الكلام ده ما المقصودين بيه ناس الحرية والتغيير
ديل لقو كيكة واتقاسموها
قعر كيكة
لكن بنرتب للأوضاع الصحيحة بعد الفوضى دي
|
Post: #2
Title: Re: زي ما قلت بروف معز للصحة اليوم بالفم الملي
Author: توفيق عيسى مكي
Date: 07-08-2020, 06:43 PM
Parent: #1
كل الصفات للوالي موجودة فيه
من غير ما نعددها
وفوق ذلك هو صاحب خبرة فريدة بشؤون كردفان عامة
مافي والي او محافظ جابوه كردفان ما سمع بي شورته
هو العارف الكبيرة والصغيرة عن كردفان
وزول حازم ما بجامل حتى اكتر ولد بحبه من أولاده رسمي
للطيش وصعب جدا في نفس الوقت طيبان جدا مجامل لأبعد
حد ما بيفرق بين كبير وصغير في الاحترام والتوادد والتراحم
ومن أفضل رجال المال والأعمال في عموم كردفان
علما تخرج في جامعة الخرطوم دكتور صيدلاني عاصر في فترة
دراسته كل الأسماء التي نالت حظها في خدمة السودان ومناطقها
دون تحديد أسماء
|
Post: #3
Title: Re: زي ما قلت بروف معز للصحة اليوم بالفم الملي
Author: اخلاص عبدالرحمن المشرف
Date: 07-08-2020, 06:49 PM
Parent: #2
كيفك يا اميرنا
الوضع صعب شديد شديد شديد
لا كهرباء لا غيرو
والجماعة ما جايبين خبر
ناسك ديل ما أظن يرضو
انت شاورتهم قبل ما تورطهم.
|
Post: #4
Title: Re: زي ما قلت بروف معز للصحة اليوم بالفم الملي
Author: دينق عبد الله
Date: 07-08-2020, 08:35 PM
Parent: #3
قابلت إبنه في مدرسة خور عمر الثانوية
-------------------
سمو الأمير ،
لك التحية و الاحترام
|
Post: #5
Title: Re: زي ما قلت بروف معز للصحة اليوم بالفم الملي
Author: دينق عبد الله
Date: 07-08-2020, 08:38 PM
Parent: #4
لو ما نسيت إسمه (عثمان )
كان راجل حبوب و إيجابي جدا
|
Post: #6
Title: Re: زي ما قلت بروف معز للصحة اليوم بالفم الملي
Author: توفيق عيسى مكي
Date: 07-08-2020, 10:43 PM
Parent: #5
Quote: ناسك ديل ما أظن يرضو
انت شاورتهم قبل ما تورطهم. |
على العكس يا استاذتي نحن زاتنا دايرين الناس القادرين
وذاهدين السلطة ديل البيفيدونا بدل السعرانين ليها ديل
دكتور الفاتح ده اول حاجة عينه مليانة لمن فايته بهناك والده
الحاج قمبور الأشهر في رجال المال والأعمال في غربنا عليه الرحمة
كان مدرسة في كل شئ
اليوم الفاتح قمبور موسوعة في محاصيلنا النقدية خصوصا الفول السوداني
تقريبا نمرة واحد في السودان لو سألته عن أي صنف من محاصيلنا النقدية دي
بأي تاريخ سابق ممكن يملكك معلومات كاملة برسومها البيانية والأرقام الحقيقية
ليها لكن الأهم هي كاريزما القيادة الاكتسبها من خلال هو كبير أسرة قمبور ورث قيادة
الأسرة من رحيل والده الرقم الكبير في كردفان غير كده زول لصيق بالبورصات
والأسواق للمحاصيل النقدية نحن في الفترة دي دايرين زول عالم وفي نفس الوقت
ممارس عريق داخل الأسواق دي وابن محب لكردفان من أبناء كردفان يجد قبول من
كل الطوائف والأحزاب والاثنيات زول زي ده ما ساهل
الصعبة إقناعه بالمهمة دي أو إجباره بالواجب ده
|
Post: #7
Title: Re: زي ما قلت بروف معز للصحة اليوم بالفم الملي
Author: توفيق عيسى مكي
Date: 07-08-2020, 10:54 PM
Parent: #5
| Quote: لو ما نسيت إسمه (عثمان ) |
ايوه يا دينق ما عثمان براه كل أبناءه ايجابيين وناس فاهمين ومتعلمين
ووارثين التجارة والصنعة والأخلاق من العائلة التي انحدروا منها ياريتك
لو عاشرت شقيقه الأكبر منه أحمد إقبال (قلقلو ) صورة طبق الأصل ليس
من عثمان فحسب ولكن من عثمان الكبير عثمان قمبور
هم من عائلة من قبة الشيخ اسماعيل الولي اشتهرت بتجارة المحاصيل في
وقت ما كان يطلق عليهم العائلة المالكة لأنهم في وقتها كانو يمتلكون دكاكين
داخل سوق المحاصيل في الأبيض تساوي أو مثل حدوة الحصان أو حرف اليو
في مستطيل السوق هم عائلة ابو قسي الشهيرة في الأبيض جميعهم تجار محاصيل
وجميعهم درسوا وتعلموا في أرقى الجامعات هنا وأوروبا وهم وجهاء ولاية كردفان
يكفي منهم إبراهيم أبو قيسي الذي احتضنه الرئيس سلفاكير لما اكتشف موهبته في
التجارة فأصبح المورد والمساعد الأول له
|
Post: #8
Title: Re: زي ما قلت بروف معز للصحة اليوم بالفم الملي
Author: توفيق عيسى مكي
Date: 07-08-2020, 11:00 PM
Parent: #7
الفترة الجاية دايرين ناس زي ديل يفيدوا البلد
مش منظارتية بتاعين شهادات ورق ولا موظفين منظمات
لا يفقهوا في الاقتصاد السوداني غير الدرسوه زمان في الثانوي العام
أو الكتاب أو حتى الإبتدائي كفانا تجارب فاشلة وكفانا كل من هب ودب
يجي يتعلم في راسنا الحلاقة من غير مقص ومشط وموس
|
Post: #9
Title: Re: زي ما قلت بروف معز للصحة اليوم بالفم الملي
Author: توفيق عيسى مكي
Date: 07-09-2020, 10:08 PM
Parent: #8
داير أنبه لحاجة
لما قلت بروف معز للصحة لنفس الأسباب أيدت د. أكرم
الاتنين حاجة واحدة
ويتطابق فيهم وجهة نظري
أما الأداء
فيقيمه الشعب نجح فيهم أم فشل
|
Post: #10
Title: Re: زي ما قلت بروف معز للصحة اليوم بالفم الملي
Author: توفيق عيسى مكي
Date: 07-10-2020, 02:27 PM
Parent: #9
الأبيض عبارة عن قبة الشيخ اسماعيل الولي
ليه من القبة ما يكون في والي ولا محافظ ولا حتى معتمد
|
Post: #11
Title: Re: زي ما قلت بروف معز للصحة اليوم بالفم الملي
Author: توفيق عيسى مكي
Date: 07-23-2020, 08:51 PM
Parent: #10
اب
|
|