العزومة ديليفرى عن طريق skip the dishes او DoorDash أو uber Eats او اى خدمة ديليفرى متوفرة فى منطقتكم
المطعم لازم مطعم هندى او باكستاني (حلال) الوجبة اسمها MUTTON KARAHI طبعا ال mutton هو الغنم الماعز الجبلى ، موش الغنم بتاعين السودان البياكلوا الدلاقين و يتحككوا فى سور البيت ،
KARAHI يعنى حلة او دمعة .. رهيبة رهيبة رهيبة
بس للاسف الاكل الهندى كله spicy
لمن تعملوا الطلبية ، قبانى يدفع لانى زول مسكين ما قدر العوازيم ...
لازم ال feedback بعد الوحبة الدسمة دى...
https://postimages.org/
كسرة شكرا على الاهتمام بالموضوع داك وقرضى على كده
Post: #2 Title: Re: يا امتثال معزومين وصحباتك صحن هندى رهيب ا� Author: النصرى أمين Date: 07-08-2020, 02:18 AM
عزيزى القارئ على قولة بشاشا هل تشعر بالجوع؟ هل زهجت من اكل المره؟ هل تسكن فى منطقة فيها مطاعم هندية؟ هل تتوفر خدمات الديليفرى فى منطقتك؟ اذا كانت الاجابة بنعم ارفع الجوال واطلب Mutton Karahi صحن واحد يكفى اربع اشخاص و ما تنسونا من صالح الدعوات
Post: #3 Title: Re: يا امتثال معزومين وصحباتك صحن هندى رهيب ا� Author: النصرى أمين Date: 07-08-2020, 02:19 AM Parent: #2
يا بكرى ابوبكر عليك الله اطلب الصحن و جرب
Post: #4 Title: Re: يا امتثال معزومين وصحباتك صحن هندى رهيب ا� Author: يحي قباني Date: 07-08-2020, 02:20 AM
الكزبره الخدرا لكن ما عندكم ...
انا باكل روتي غنم طوالي ... بشبه اكلتك دي ... زبوني عنده مطعم روتي ... اصلا من ترينيداد من اصول هندية ... الشطة البي الجنبه البختها ليك بس للغموس سكوتش بونيت ... جرب ال Roti يا نصري ...
Post: #5 Title: Re: يا امتثال معزومين وصحباتك صحن هندى رهيب ا� Author: النصرى أمين Date: 07-08-2020, 02:44 AM Parent: #4
يا هبانى شكلك ما حريف فى عالم المطاعم الهندية
ال Roti هو الرغيف القمح ، الرغيف العادى بتاعهم اسمه Naan يعنى الnaan و ال Roti حاجة واحدة الاول دقيق ابيض و الثانى دقيق احمر
Post: #6 Title: Re: يا امتثال معزومين وصحباتك صحن هندى رهيب ا� Author: النصرى أمين Date: 07-08-2020, 02:48 AM Parent: #5
طبعا نحن دخلنا عالم المطاعم الهندية عن طريق المشويات دلوقت وصلنا مرحلة الغموس ...
يعنى زى الزول لمن هو صغير يادوب ياكل الشيه و الكبده والسجك لمن كبر دخل عالم المرارة و الكمونية و راس الجنييفه و ام فتفت
Post: #7 Title: Re: يا امتثال معزومين وصحباتك صحن هندى رهيب ا� Author: Ahmed Yassin Date: 07-08-2020, 03:42 AM Parent: #6
النصري امين اولا شكرا على العزومة...لكن ما اظن نقبل الدعوة لسبب بسيط ..وهو أنه في العام الماضي ذهبنا إلى زيارة شلالاتنياجرا في ولاية نيويورك على الحدود الكندية في أقصى شمال ولاية نيويورك وهناك وجدنا بالصدفة مطعم هندي قريب جدا من الشلالات ،وقريب جدا من الجسر الواصل بين أمريكا وكندا...وعنده Buffet ..يعني eat what u can eat ..وأخترنا الbuffet نسبة للجوع الشديد،ولكن للأسف ما استمتعنا بالbuffet لان الأكل مليان شطة سخنة...ولهسع لسعة الشطة بتلسع لسانا...وما اليوم داك ما بنقرب المطاعم الهندية و الباكستانية ..لكن اذا أكدت لينا ان الوجبة الجديدة ما فيها شطة سخنة حنجربها....
Post: #9 Title: Re: يا امتثال معزومين وصحباتك صحن هندى رهيب ا� Author: elsharief Date: 07-08-2020, 05:20 AM Parent: #8
الحاصل شنو الاكل الهندي جوعكم النصري يقول لي قباني هباني وامتثال تقول لي النصري المصري , النصري حاول ال Butter chicken نحن خريجي الهند
Post: #10 Title: Re: يا امتثال معزومين وصحباتك صحن هندى رهيب ا� Author: walid taha Date: 07-08-2020, 07:23 AM
Quote: Butter chicken
أسمعو كلا الشريف و حلّو بـ Faloda و أدعوا لينا :)
Post: #12 Title: Re: يا امتثال معزومين وصحباتك صحن هندى رهيب ا� Author: Ahmed Yassin Date: 07-08-2020, 09:33 AM Parent: #10
طبعا يا امتثال
Quote: ولهسع لسعة الشطة بتلسع لسانا.
النصري عارف انك مستحيل تاكلي البهار الحار.. والشطة (٢٢٠) فولت دا بدل ما يعزمكم في ( فور سيزونز) او في Next Door Nobu حق( دينيرو) طبعا ما قلنا مطعم (ماسا) حق السوشي الياباني عشان غالي مع انو قريب من بيتكم.
Post: #11 Title: Re: يا امتثال معزومين وصحباتك صحن هندى رهيب ا� Author: Amira Hussien Date: 07-08-2020, 09:33 AM
Quote: ، موش الغنم بتاعين السودان البياكلوا الدلاقين و يتحككوا فى سور البيت ،
غنم السودان البياكلوا الدلاقين براهم ؟السودان ناسو ذاتم بقو ياكلو الدلاقين ...........يا حليلنا .....هنيالكم ب Indian and chinese food وكل انواع المطابخ العالمية .
والله يا الشريف الكتابة من الجوال عملية صعبة ،تكتب الكلمة في الكيبورد ،الكلمة براها تتغير لي كلمة ثانية ،،،وطبعا كمان ما ممكن تشيل معاك اللابتوب معاك في كل لحظة ،،، لكن صلحت الاخطاء ،،، وشكرا لللفت الانتباه للاخطاء المطبعية ،،،وربنا يبعد عنكم شبح الكرونا ،،،
والله يا احمد ياسين اظن عندك خبرة بعاصمة العالم ،،،وطبعا مطاعم nobu بيمتلكها الممثل العالمي روبرت دي نيرو ، زي ما قلت انت،وهو طبعا ساكن نيويورك في حي الممثلين في داوتاون ،واظن سلسلة المطاعم دي للاغنياء فقط...نحن حدنا مطاعم الفلافل والشاورما،،،والمطعم اليمني في بروكلين ،،،واشهر مطعم للفلافل في داونتاون منهاتن هو مطعم لبناني وقبل الكرونا الناس بيقيفوا بالصف عشان يلقوا تربيزة فاضية في المطعم ،،، وبالمنسبة معظم المطاعم في نيويورك مغلقة بسبب الكرونا لكن مفتوحة فقط للديلفري والتيك اوت..
Post: #16 Title: Re: يا امتثال معزومين وصحباتك صحن هندى رهيب ا� Author: Ahmed Yassin Date: 07-08-2020, 11:47 AM Parent: #15
Quote: اظن عندك خبرة بعاصمة العالم ،،،وطبعا مطاعم nobu بيمتلكها الممثل العالمي روبرت دي نيرو
طبعا يا امتثال .من بوسطن كنت في استديوهات في (هارفارد سكوير) ومنها لعنديكم في نيويورك في (ش١٢٧) . لكن لقيتك ماشاءالله عارفة نفس المحلات الشعبية اللذيذة لكن اميرة دي جنها حلل ..كل مرة ارح نعمل حلة.. زي جمال حسن سعيد في مسرحية في انتظار البترول عشان تعرفي النصري دا ( كريم ) كيف .ويده طالقة . قال الحساب عند الباشمهندس قباني
نحن خمسة في الميز...كل يوم على واحدة تعمل الشوبنق وتعمل الحلة..وانا يومي يوم الاحد.. ويومين اكل برة البيت...ولكن من الكرونا بدأت.. حتى اليومين الاكل في البيت..مع حبسة الكرونا.قربت تجينا نفسيات.. وانا بقت طبختي المفضلة وجبة الكضباشي بتاعة خضر ...بدون لحم ... لكن بنحاول نجرب وجبة النصري ...الغنم الجبلي..ونشوف اذا في مطعم هندي بيعمل الوجبة دي بدون شطة... ..
Quote: قوقلنا Rogan Josh التى لم نسمع بها من قبل نجربها ونديك خبر
جربها على مسؤليتي الخاصة عارف انا لو كنت عارفك زول حبدلو كدة وبتفتح النفس بالعضات دي كان سجلت ليك زيارة . بدل ما رجعت من فانكوفر لى سياتل واحد قال ( النصري دا يفتح النية)
Post: #27 Title: Re: يا امتثال معزومين وصحباتك صحن هندى رهيب ا� Author: النصرى أمين Date: 07-09-2020, 00:28 AM Parent: #26
Quote: أسمعو كلا الشريف و حلّو بـ Faloda
اهلا وليد اموت ركن فى التحليه، ان شاء الله نجرب الفالودا دى المرة الجاية
ما دام انت بتحلي بي باسكن روبنز فاظنك برجوازي زي بت عطبرة البتطلب الايس كريم من باسكن كل اسبوع وبجيبوها ليها ديلفري من اسكيب ،،،، بس حاسب التحلية دي حلوة شديد وبتجيب سكري ،،ههههههه
Post: #30 Title: Re: يا امتثال معزومين وصحباتك صحن هندى رهيب ا� Author: Ahmed Yassin Date: 07-09-2020, 11:53 AM Parent: #29
Quote: بت عطبرة البتطلب الايس كريم من باسكن كل اسبوع
باسكن روبنز بديع ... عمك قباني اتعلم باسكن روبنز في التمانينات .. اها كيف معاك كده؟
لكن مؤخرا ما بقيت زول حلويات .. الكبر حصل ههههه لكن جنبنا محل ايطالي ببيع جيلاتو... كارثه يا بتنا ... فستق و بندق و مستكه و فراوله ... موت بس هههههه ...
ما دام بتاكل فستق وبندق فأنت في السليم ...وما عندك عوجة ..والدكتور البنتعالج عنده يوم قال لينا الفستق والبندق والفول المدمس اكثر حاجة مفيدة للصحة ...وبتديك مناعة ضد جميع الأمراض، وطبعا منها الكرونا ...وسمعت نفس هذا الكلام من دكتور القلب الشهير، دكتور Oz العنده برنامج في التلفزيون ،قال نفس الكلام ،،.ونفس الكلام قاله دكتور عربي مشهور في بروكلين ويشارك في برنامج "الأطباء "في التلفزيون ، بس نسيت اسمه وهو دكتور مصري،،، وديل ٣ دكاترة بياكدوا ان اكل الفستق والبندق والفول المدمس مفيد للصحة ... نحن طبعا بنجيب الفول المدمس من السودان، لان الفول المدمس هنا غالي شديد ...كيس صغير فيه كم حبة بي 7.99.......
Quote: لا لا يا قباني ياخ لبن مطمبج كيف ؟! إنت تكون اكلتها فى أمريكا . الفالودا يا سيدي تأكلها فى الفاونتين قلب بومباي
ياخي انت دولي ... عمم يحي دا اصلا قاعد في بلد متلجة شن عرفو بالفالودا الهندية دي مافي طعم زي حقت بومباي .. لا تقول لي نيويورك ولا رودآيلاند.. ..حيث ابطعم ياخذك الى هناك
Quote: ما دام بتاكل فستق وبندق فأنت في السليم ...وما عندك عوجة ..والدكتور البنتعالج عنده يوم قال لينا الفستق والبندق والفول المدمس اكثر حاجة مفيدة للصحة .
شكلك سطحتي يا بتنا
انا اقصد جيلاتو بالفستق و البندق بتعرفي الجيلاتو ؟ ايسكريم الطلاينه Gelato دسم معمول بي heavy cream يعني لا في السليم لا من يحزنون .. هههه
امشي جربيهو ... نيويورك مليانه محلات جيلاتو اي Italian Bakery عندها و كان دايره الابداع امشي نيوجيرسي و زوري محل Carlo's Bake Shop ده سيدو الاسمه buddy عنده برامج فى التلفزيون و انتي هناك بعد ما تاكلي الجيلاتو اشتري معاك Cannoli و ادعي ليا ...
استاذنا علي عبد الوهاب اوعك من التركينج ،،الأميرة النوبية اخبرتنا انه بيعملوهو بطن ملح ...يعني بيرفع ضغط الدم الى الف .... أما استاربكس،،نحن اذا ما شفنا استاربكس كل يوم بنصاب بالدوران ووجع الراس ...بس الآن المشكلة معظم المحلات مقفولة ...فقط ديلفري ..وتاخد حاجتك وتطلع... وربنا يبعد عنكم شر الكرونا..
