Post: #1
Title: عارف نفسي بنفخ في قربة مقدودة قدود كتيرة ... بس حب الوطن غلاب ... !!!
Author: توفيق عيسى مكي
Date: 07-06-2020, 08:51 PM
Parent: #0
08:51 PM July, 06 2020 سودانيز اون لاين توفيق عيسى مكي- مكتبتى رابط مختصر
في 2005 كنت مختبئ (مخندق ) وجميع الأجهزة الأمنية تبحث عني شخصين فقط يعرفون مكاني سوداني وكوري جائني الكوري يوما (نسميه كيم ورشة ) قائلا لي يا صديقي game over أنصحك بتسليم نفسك أمرك منتهي فلا تضيع زمن لو كنت في بلادي كوريا الجنوبية لصنعنا لك تمثال فمثلك شخوص نادرون هم من قاموا ببناء كوريا بفكرهم وهنا لأن الشعب كله علي بابا يتجولون بحرية في الطرقات كل الأماكن لهذا مكانك بينهم هو السجن أو الموت بالمناسبة علاقتي به لليوم أكثر من قوية عرض علي أن أعمل بمكتب له في دولة البيرو باريكا الجنوبية وأن اهاجر هناك باولادي بالفعل عملت بالنصيحة وسلمت نفسي وسجنت وشمت فني كل الشعب السوداني ثم طلعت من السودان لاجئا ومشردا ثم عدت لاخترع مؤسسة الشفافية للخدمات التجارية أجمل مكافأة وهدية لبلدي السودان الحبيب
|
Post: #2
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-06-2020, 09:18 PM
Parent: #1
كيم ده كان حاضرا معي مداولات مشروع قدمته للسودان حباه وأراد أن يشارك فيه وهو تسهيل امتلاك السيارات الكورية السكند لكل سوداني بطريقة سهلة ميسرة أتذكر كان عرضنا مثلا تمن الاكسند وقتها 12 مليون في حين تشتريها من البنك ب 36 مليون وبفرق خرافي في الأقساط والمقدم مقدمنا كان يتراوح بين 2 مليون لأربعة ومقدم البنك 14 مليون أي اكتر من تمن سيارتنا نفسه اقساطتنا كانت 18 شهر والقسط قيمته بين 250 جنيه ل 500 جنيه في الشهر أقساط البنك كانت 1250 جنيه للشهر في مدة خمسة سنوات كيم معاه تلاتة كوريين اجتمعوا معانا في وزارة المالية التزموا تجي العربات لقري دون دفع أي التزامات وتأتي لجنة تختار الأصلح والمرفوضة تسلم لي وهم مساهمة منهم قبلو بقبول جذء من الأقساط بضمانتي ووافق مدير الجمارك بباقي الأقساط لمدة 18 شهر وكان الاجتماع الأهم بحضور مناديب من الأمن والأمن الاقتصادي ووزارة التجارة هذا المشروع عمل بركة في كل أجهزة الدولة وايامها حدثت مشكلة شهيرة باتحاد عمال السودان ورئيسه عندما قدم أحدهم نيابة عنا ورقة فيها تفاصيل عرضنا بعدها حصل ما حصل لقندور كانت مشكلة كبيرة وليس المشروع كان للعربات فحسب بل شمل كثير من وسائل الإنتاج الصغيرة التي يمكن أن نأتي بها من الهند والصين وكوريا طبعا المشروع ما أترفض وبس لكن مافي جهة حكومية ما فتحت فيني بلاغ كيدي العوائد بأثر رجعي وأمر قبض المحلية أيضا الضرائب الرخصة اها البلاغات دي ما كانت قصاد شركة واحدة من اعمالنا بل في كل عمل لينا وشركة وورشة ومحل بس خلال ساعات خرجت من السودان وتركت لهم الجمل بما حمل
|
Post: #3
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-06-2020, 09:29 PM
Parent: #2
هسي السودان ده كله مافيه برنامج اقتصادي واضح المعالم يعمل بخطى علمية مؤسسة من كم سنة غير برنامج مؤسسة الشفافية للخدمات الاقتصادي الطموح انا متأكد من المثقفين السودانيين على همومهم دعك من عوام الناس مافيهم زول أتطلع على هذا البرنامج القاعدين تبشر بيه في كل مكان متأكد الاديناهم ليه كورق لفوا بيه تسالي أو شالو بيه حاجة نحن شعب يحب الفارغة والتكسب الساهل بالحنك والسياسة شعب يعشق الزنق والشمار والبوبار
|
Post: #4
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-06-2020, 09:39 PM
Parent: #3
شعب ما راجي منه رجاء غير ضريبة حب بدفعها بنشوة تجاه بلدي مؤسسة الشفافية صرفت مال مال حر جا بشقى وتعب وعرق عدة مليارات بالقديم وأدت رسالة ووصلت الدايراه توعية في عين أي زول وبديتها بعد عودتي من التشرد بعامل في ورشة بأجر 10 جنيه في اليوم بتحدى كل البلد وأهلها لو في أرجل واضكر علي بس يكون قدم ما يفيد حقا وعلما وأدبا ومالا يتناسب مع امتلاكي العدم أتحدى .... بقول قربة مقدودة نسبة للجيل الحالي الجاهل كله المهم نضع الأساس العلمي السليم أمكن يجي جيل واعي لبلدنا نكون ساعدناه مساعدة الواجب في حب الأوطان ونبرهن ليه ما كل الشعب كان علي بابا
|
Post: #5
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-06-2020, 10:05 PM
Parent: #4
قدامي عتبة عالية لابد اهديها وحا تصرفني قدر الرفاه كله بس اصلو قالوا في المثل البتبلبل يعوم حتى لو زول كان عنده ذرة إحساس وقال ممكن يساعد اقول ليه شكر الله سعيك البديته بتمه برأي سبعة سنة أو اكتر منو الساعد بجنيه حتى بقيت عملاق مافي سوداني ما بيعرفه داير تجيني في الفينشنق تساعد بس لازم أقتل شعور الإحباط ده وأكمل الباقي البسيط
|
Post: #6
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-06-2020, 10:07 PM
Parent: #5
ومعليش استحملوني انا قاعد وسطكم وانتو اخواني البثق فيهم لو ما فضفضت بطرشق
|
Post: #7
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-06-2020, 10:28 PM
Parent: #6
تعريف بمنصاتنا الإعلامية في السوشال ميديا على عمومها الواتساب : قروب Transparency وهو قروب متخصص اقتصادي من أنجح القروبات الاقتصادية في السودان الفيسبوك : 1- صفحة مؤسسة الشفافية للخدمات التجارية 2- صفحة ترنسبيرنسي للخدمات التجارية 3- صفحة مؤسسة الشفافية للمعلومات التجارية 4- صفحة الشفافية للخدمات التجارية 5- ترنسبرنسي للخدمات - قسم التجارة الاكترونية القروبات في الفيس 1- قروب الشفافية 2- قروب العمل المنزلي الموحد لولاية الخرطوم 3- قروب ابدأ من البيت البيزنس الكبير تويتر مؤسسة الشفافية للخدمات انستقرام مؤسسة الشفافية للخدمات التجارية يوتيوب قناة الشفافية وهي قناة تجارية متخصصة قرابة الستين فيديو حجم عملها حتى الآن توجد قروبات عمل للاستاف وهي غير معنية بواجهاتنا الإعلامية الرسمية دي كلها منصات وواجهات لينا بتنشر رسالتنا لشعبنا استافنا الله يدي العافية ليه مدة من بدأ الحظر ده من قبل تلاتة أو أربعة شهور سايبني برأي مشلهت مع المنصات الإعلامية الكتيرة دي الآن شغال مع شركة برمجيات لنرفع أكبر بنك معلوماتي تجاري واقتصادي عن السودان في كل العالم بيضم ملايين المعلومات التجارية والاقتصادية مقسمة ل 25 قطاع في كل قطاع عدة أقسام في كل قسم تفصيلات دقيقة مرقمة في معلومة سطر واحد بي رقم وفي معلومة كتيب صغير متعدد الصفحات أيضا برقم وفي معلومات ميديا وصوت وكل معلومة مبين مصدرها وطريقة امتلاكنا ليها
|
Post: #8
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-06-2020, 10:33 PM
Parent: #7
بنحمد الله اليوم بنمتلك أكبر محتوى معلوماتي رقمي تجاري واقتصادي عن السودان مكتمل الأركان أمكن لو العالم الخارجي اكتشفنا صاح حا يندهش لكن حا نكون الافيد للسودان من جميع النواحي في السودان واثقين القربة مقدودة
|
Post: #9
Title: Re: عارف نفسي بنفخ في قربة مقدودة قدود كتيرة ..
Author: Arif Nashed
Date: 07-07-2020, 05:01 PM
Parent: #8
Quote: لاخترع مؤسسة الشفافية للخدمات التجارية أجمل مكافأة وهدية لبلدي السودان الحبيب |
هل سجلت براءة الاختراع. مزيدا من التقدم والاذدهار.
|
Post: #10
Title: Re: عارف نفسي بنفخ في قربة مقدودة قدود كتيرة ..
Author: صديق مهدى على
Date: 07-07-2020, 05:21 PM
Parent: #9
الحبيب توفيق من نوم عميق كلفك فوق ما تطيق شكلك كدى ضليت الطريق أصبحت لا اخ لا رفيق غايتو ربنا يهديك يا توفيق تحية لك من اخيك ودمهدى صديق بس خليك رقيق واقبل الكلام ما تضيق واذكر المثل البقول منو البقول البغلة فى الابريق عشان كدى كل المطلوب منك ان تغتسل وتتوضأ وتتجه للبيت العتيق وتصلى ليك ركعتين وتسأل الله ان يرفع الوباء والضيف عن اهل السودان وهذا كل ما فى وسعك يا حبيبنا توفيق صديق مهدى على
|
Post: #11
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-08-2020, 06:07 PM
Parent: #10
Quote: هل سجلت براءة الاختراع. مزيدا من التقدم والاذدهار. |
ما عارف أقول شنو !!! المهم أيوه سجلت في الملكية الفكرية في حتتين حسب ما جابها لي المحامي وشرح لي ده البنلقاه من الناس الحمد لله وبنرد بالحب وحسن النية
|
Post: #12
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-08-2020, 06:18 PM
Parent: #11
Quote: شكلك كدى ضليت الطريق أصبحت لا اخ لا رفيق غايتو ربنا يهديك يا توفيق |
أقسم بالله شهر كامل في الروضة الشريفة بدعوة واحدة ثابتة أن تكون مؤسسي أنفع عمل لكل الناس في العالم وبعد ... المحبة والقبول من الله ده ما ذنبي والله كل العلي انشر الحب للجميع والحب مشاعر وقبليه عمل قوي يثبت المحبة دي يجتهد لآخر يوم في عمري لاصنع المفيد لكل الذين أحبهم حاجات ربنا ما عندي فيها دخل بل قبول بحمد وشكر
|
Post: #13
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-09-2020, 10:21 PM
Parent: #12
بدينا التطبيق التاني وهو سيكون الأهم مما قدمنا بنك المعلومات الاقتصادية والتجارية السوداني كان في خيار ادفع رقم كبير لقناة لترويج للتطبيق الأول suntra الإنتاجي الشعبي لكن فضلت امول تطبيقين بنفس القروش دي ظروفي كده وبإذن الله ربنا ييسرها معاي اروج ليهم كلهم هنا وبره السودان ما كتيرة على ربنا واملي وثقتي فيه كبيرة
|
Post: #14
Title: Re: عارف نفسي بنفخ في قربة مقدودة قدود كتيرة ..
Author: adil amin
Date: 07-10-2020, 05:02 AM
Parent: #13
بعد تنتهي ذرة الكرونة نجو بي جلدك من الخرطوم دي بقت ما نافعة ابلد عااصمة في العالم معطلة السودان كلو https://top4top.io/ امشي ارض الاجداد ازرع ارض اجاداك العالم مقبل علي مجاعة الما بزرع بموت بي الجوع وعينو في ارضو المنهوبة من البنك الدولي وادواته الرخيصة القاعدين في المركز امشي دنقلا والطاقة الشمسية والله والصين يعنوك عن حكومة المركز الغبية تقابل الملحق التجاري في السفارة الصينية في الخرطوم بس يجهز ليك معدات الطاقة الشمسية من طلمبات لي طاحونة ناس شالو السيدة وخلو حرم ديل رايح ليهم درب في موية ده زمن الوطن ودبر نفسك ما زمن ورجغات وحكومة مركزية تقعد في راس الناس وتورجغ بالله تفتح الرادي تلقي بغثي يورجغ تفتح التلفزيون تلقي ناصري يوجغ تفتح الثلاجة تلقي شيوعي يورجغ اتخارج من الخرطوم دي اول حاجة
|
Post: #15
Title: Re: عارف نفسي بنفخ في قربة مقدودة قدود كتيرة ..
Author: adil amin
Date: 07-10-2020, 05:04 AM
Parent: #14
Quote: ده زمن الوطن ودبر نفسك |
زمن المواطن والارض بس والطاقة الشمسية
https://top4top.io/
|
Post: #16
Title: Re: عارف نفسي بنفخ في قربة مقدودة قدود كتيرة ..
Author: adil amin
Date: 07-10-2020, 05:26 AM
Parent: #15
بالله منتظر من الوزير ولد الوزير المايوي مدني عباس مدني يهتم او يعرف معاناة الناس في كل السودان وفي الخرطوم ذاتا من ازمة الطاقة الكهربا والجزلين https://top4top.io/
هسة شايف هنا برميل جزلين ولي سلك كهرباء الدولة بتاعة الانقاذ استكثرت علي السودانيين زمان امتلاك الرسيفر وكان في اليمن 1990 الاطفال يبيعو في جولة السيارات وهسة 2020 الطاقة الشمسية تحرك الحياة في كل اليمن المحاصر والسودان البليد الما محاصر المزارعين منتظرين الجزلين وناس الخرطوم منتظرين الكهربا ام سلك وفي السودان درجة الجرارة 37 درجة والله ازمة السودان ده بس بلادة ناس الخرطوم ديل لو كانت العاصمة كوستي من 1956 كنا بقينا زي الهند
|
Post: #17
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-10-2020, 03:03 PM
Parent: #16
والله يا عادل امين يا اخوي كلامك كلو صاح الناس ترجع مناطقها وتعمرها وتنتج وبأقل تكاليف لكن الأهم المواكبة لازم نواكب العالم في طرق إنتاجه العالم اليوم بيستخدم أقصى تطور العلم في الإنتاج مثلا قصة نمشي نزرع ساي دي بقت ما بتاكل عيش مع العالم إلا الواحد يكون أناني وهدفه نفسه بس يقوم من عشرين فدان يادوب يكفي نفسه يادوب كم صفيحة طماطم أو اسود أو ملوخية وشجرة برتقال وكم نخلة وشجرة منقة وكم غنماية وبقرة بقرتين العالم اليوم في أقل من فدان بينتج أضعاف كده وبجودة عالية جدا في تقنيات كتيرة ممكن كلنا نستخدمها حتى نساءنا في الحواشات بسهولة يمكن يستخدموها تعرف سنة 2004 وكيم كان شاهد روجنا للمحاور وعملنا اتصالاتنا بأفضل شركة أمريكية وكان وزير زراعتنا أيامها محزوب الخليفة في تواصل معانا وكان فكرتنا في أصل فكرة المحاور في انه شخصين رجل وزوجته فقط يمكنهم إدارة مزرعة ضخمة من خلالها ينتجو إنتاج ضخم ما بتناسب مع أنهم شخصين فقط والشخص الكان معانا في شركتنا هو من ادخل المحاور في المملكة السعودية فكان سهل لينا الاتصال وابن أخته يعمل في تلك الشركة الامريكية لكن بعد عشرة سنوات اقتنعت الإدارة الحكومية السودانية بجدوى ما روجنا له وبدأنا في تنفيذه من اتصالات ودراسات فكانت شركة ذادنا واليوم انتشرت المحاور في السودان الداير أصل ليه الكلام ده كان قبل 12 سنة طيب خلال المدة دي نحن تفكيرنا وفكرنا وصل وين الناس ما بتفهم ولا بتقيم
|
Post: #18
Title: Re: عارف نفسي بنفخ في قربة مقدودة قدود كتيرة ..
Author: adil amin
Date: 07-11-2020, 05:20 AM
Parent: #17
امريكا يا توفيق وراها البنك الدولي والانقاذ عبر العصور عملت علي قتل وتشريد ونهب موارد السودان لصالح الخارج ودمرت الاقاليم ولازالت هسة نحن اول حاجة نحي الاقاليم ونفضي الخرطوم وكل زول يمشي اقليمو يزرع الارض في حدود ياكل نفسو وقريتو ثم اقليمو ثم الدولة حقتو وبي الحاصل عندك ارض تخصك في اي مكان علي طول النيل والشرق والغرب الدولة توفر ليك طلمبة وموية ومعاينات طاقة شمسية لانه واضح عندنا مشكلة في الكهربا ام سلك والجزرولين ولشمس دي من حكم الله المتجلية والسؤال لي وزارة الصناعة والمالية ولزراعة ما عايوة تدخل عالم الطاقة البديلة والجابر ناس الخرطوم يقعدو في الحر شنو ده اسرع عمل اسعافي الان للناس في الاقاليم والمركز
|
Post: #19
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-12-2020, 09:21 PM
Parent: #18
خارج النص* عندي ليك سؤال يا عادل في السودان في برنامج اقتصادي طموح شغال من كم سنة تقريبا البرنامج الاقتصادي الوحيد في السودان هل قرأته أو اتطلعت عليه حتى من باب العلم بالشئ ؟؟؟
|
Post: #20
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-13-2020, 07:59 PM
Parent: #19
Quote: ليه الناس ما دايرة تستفيد من العلم وتفضل توجيهات غير الخبراء أو المتخصصين كيف تستفيد من زول زيك أمكن انت تعرف أكتر منه شوفوا كم سلعة زراعية في تطبيق suntra افردنا ليها ما أقل من عشرة صفحات للصنف الواحد الذرة الرفيعة الذرة الشامية الخضروات الورقية - الجرجير الخضرة البقدونس الفجر النعناع المشار .... البامية البازنجان الطماطم بكل أنواعها البطيخ العجور الخيار الفول السوداني البرسيم السمسم البصل الكزبرة الملوخية الفاصوليا البيضاء الفاصوليا الخضراء العدس البطاطس الجزر الثوم الكركدي العنب البرتقال الجوافة الليمون نبات الاستيقيا السنط والطلح الموز القضيم المانجو التبلدي القشطة السدر الكاجو بتشمل نبذة تعريفية عن الصنف والانواع طريقة ووقت الزراعة الري بكل أنواعه السماد الآفات وطرق علاجها النضج ووقت الحصاد طريقة بيع المحصول معلومات بطريقة ساهلة ممكن طالب أساس يستخدمها للسهولة والوضوح والتتابع خطوة بخطوة التطبيق حسب ما ادخلت بيانات نفسك بديك النتيجة البتناسبك وبتشمل عدة خيارات تصل 5 خيارات أو أكتر ومتنوعة فيها بتجد المناسب ليك حسب رغبتك دي دعوة لو دايرين نبني بلدنا أن نبنيها بالعلم لا بالفوضى والكلام الغير مؤسس والخيالي وبنوجه الناس الاشتراك في قروبنا في فيسبوك العمل الموحد لولاية الخرطوم ونفعل العمل فيه لازم نكون ناس زي كل الناس في العالم متطورين وكلنا منخرطين في بناء الوطن غيرنا مافي زول ببني لينا بلدنا |
هكذا نخاطب الناس والناس هاربة مننا وسادة اضنينا ما عارفين حسد ولا جهل ولا عنصرية ولا قتاته بس
|
Post: #21
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-14-2020, 03:39 PM
Parent: #20
Quote: الكنز اللسه السودانيين ما اكتشفوه تطبيق suntra للإنتاجي الشعبي (هذه التسمية الصحيحة وأفضل من كلمة الإنتاج المنزلي) ولماذا ذلك ؟؟؟؟ لماذا كنز سوداني فريد مثلا نحن عندنا الثروة الحيوانية تمثل البند الثاني في قيمة صادراتنا بعد الذهب وأغلب انتاجنا فيه شعبي فلو الناس استخدمت التطبيق ممكن انتاجنا يرتفع فيه لثلاثة أضعاف بالحساب بالورقة والقلم الناس نظرتها في الإنتاج الحيواني هو بيع اللحوم حية أو مزبوحة ولكن تعالوا شوفوا شغل التطبيق أولا بينقسم حسب الإدخال ريف ، قرية ، مدينة ، عاصمة إقليم ، عاصمة قومية تبدأ الأصناف من التربية وتشمل تربية الماعز بكافة انواعها تربية الأبقار بكافة انواعها تربية الإبل بكل أنواعها وكل استخدامها تربية الخيول بكل أنواع استخدامها تربية الحمير تربية الدواجن بكل أنواعها واستخدامها تربية الحمام تربية الأرانب تربية النعام تربية الأسماك تربية الحيوانات الأليفة تربية طيور الزينة تربية اسماك الزينة وفي هذا شرح مبسط للاستفادة من بعد الاقتناء والتسمين والتكاثر في كل سوق من مناطق التطبيق سواءا في الريف أو الحضر ثم الاستفادة من منتجات هذه الحيوانات في منتجات الألبان شرح ساهل مبسط لصناعة الجبن الأبيض الجبنة المضفرة السمن البلدي الزبادي الحليب الجلود الاصواف ريش النعام في الأسماك السلمون الكابوريا الأسماك النيلية وأنواعها يمكن لأي منتج من خلال التطبيق ينتج إنتاج وفير التطبيق بشرح لكل فرد كيف ينتج حسب امكانيته ومن هنا نجدد الدعوة أيضا للانضمام لقروبنا في الفيسبوك العمل المنزلي الموحد لولاية الخرطوم كمرحلة أولى ومن ثم نطبقه عام على كل السودان لنا رؤية واثقين منها مثلا لم يتم توجيه الناس مثلا لصناعة الجبن الأبيض وبعد أن يجمع الإنتاج ليكون جاهزا لتصديره متأكدين أننا يمكن أن نمثل ربع الإنتاج العالمي وأيضا نغطي ربع السوق العالمي الجبن الأبيض السوداني المميز ينطبق هذا على كل السلع والإصناف والحيوانات التي التطبيق يقودنا لانتاجها |
الحمد لله معانا أجانب كتيرين وقراء لهذا المنبر وهي فرصة ليهم لتطوير أعمالهم من خلال حزمة رسائلنا ويمكنهم مراسلتنا لنرسل لهم برنامجنا الاقتصادي الطموح في ملف pdf والفائدة تعم تطبيقاتنا الإنتاجية دي كنز العالم لسه ما اكتشفه
|
Post: #22
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-15-2020, 10:46 PM
Parent: #21
Quote: سلسلة كنز السودان تعالوا كشفوا واعرفوا الكنز السوداني الغير مكتشف اليوم نكشف ليكم بعض ما يحوي قسم الديكور وصناعة الاثاث المنزلي في تطبيق suntra للإنتاجي الشعبي السوداني مافي زول اشترك في التطبيق ما اندهش وشكرنا واستفاد منه بصورة ما كان متوقعها أولا في الديكور تعريف بالديكور المنزلي وصناعته في المنزل بقرض البيع تعريف بالعناصر الأساسية للديكور كيفية تخبئة المشترك ووصلات الكهرباء تربية عصافير الزينة تغيير ستائر المنزل أنواعها ألوانها استخدام الشموع الشموع المعطرة استزراع أسماك الزينة وأنواعها النافورة المنزلية صناعة عروس كبيرة من القماش ديكورات المنازل الصغيرة والضيقة
نجي للأثاث مشروع تصنيع الاثاثات في المنازل خطوة تجهيز الأخشاب أنواع الأخشاب خطوات التصنيع بطرق عديدة تصنيع الاثاث الذكي ولماذا الاثاث الذكي تسويق الاثاث الذكي صناعة الاثاث الطبي مشروع تصنيع مفارش منزلية مشروع الكتابة على الأواني والملابس الملاحظ هنا أي شخص مهما كانت طبيعته طالما محب للجمال والزوق الراقي بيجد الحاجة الممكن يبدع فيها بأقل مجهود وخصوصا في فترات فراغه كذلك يتيح التطبيق من خلال خطوات علمية مؤسسة أن يمتهن المستخدم الصنعة التي في مقدوره القيام بها من منزله وتدر عليه عائدا مجزي جدا نحن بالإنتاج نصنع ليس الغذاء فحسب ولكن البيئة التي تجعل الإنسان يبدع فيها بالإضافة لتوفير أرباح تفوق كل التوقعات نكرر للناس المسارعة بالانضمام لقروبنا في فيسبوك العمل المنزلي الموحد لولاية الخرطوم عشان ما تكون في فوضى وانانية وجهل في الإنتاج عايزين نكون متحضرين ومقدسين العمل الجماعي ونجاح مشروع العمل المنزلي الموحد لولاية الخرطوم سنطبقه على عموم السودان ونشكر كثيرا الذين استجابوا سريعا وانضموا لهذه المشروعات الحيوية شكرا يا شعب يا واعي |
رسائل زي دي تحرك ما حجر بل جبل بس نقول شنو شعب كسلان وعاطل ومدمن لا مبالاة وبتاع حب وفارغة
|
Post: #23
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-15-2020, 10:48 PM
Parent: #22
مرات اقول دي التفرقة العنصرية زي الفتحت بيها البوست بتاع ترخيص عربيتي لكن اقول لا الموضوع أكبر من كده
|
Post: #24
Title: Re: عارف نفسي بنفخ في قربة مقدودة قدود كتيرة ..
Author: توفيق عيسى مكي
Date: 07-16-2020, 09:37 PM
Parent: #23
Quote: أكبر جوهرة من سلسلة كنز السودان الغير مكتشف يمكن وضعها في تاج ينفع يتخت على رؤوس كل كنداكات بلادي صغار وكبار هو قسم مستحضرات التجميل في تطبيق suntra الإنتاجي الشعبي وورينا السبب الما قلنا فيه للأعمال المنزلية توجهنا لجميع الناس وننطلق من الإنتاج المنزلي والقسم لا يخص أن تعمل فيه المرأة فقط كلنا ممكن ننتح فيه إنتاج وفير وقادرين نصدره نملأ به كل أسواق العالم لخصوصية وجمال منتجاتنا للمرأة وهي عريقة ومعروفة لاقطار كثيرة وحققت مبيعات خرافية وبأسعار مجزية وأفادت خصوصا المرأة السودانية البسيطة وربة المنزل المكافحة العودتنا أنها دايما برغم أعباء بيتها امرأة منتجة للرجل يمكن أن يساهم في تجارة تعبئة الحنة تعبئة زيوت الشعر في قارورات تعبئة الجلسرين تعبئة الفازلين وفي هذا يقودك التطبيق من البداية حتى النهاية لتكون منتج لواحد من هذه الأعمال أما المرأة تبدأ من عمل مشغلات بالسكسك والخرز عمل مشغولات بالأحجار الكريمة عمل اللخوخة السودانية صناعة كافة العطور في المنزل مشروع تصنيع مفارش اطفال منزلي عمل أطقم بالخرز والأحجار عمل الكريمات الطبيعية في المنزل الصنفرة السودانية صبغة وتلوين الثياب تطريز الثياب وكافة المعلومات عن ذلك طريقة عمل زيت الكركار السوداني طريقة عمل البخور وطرق بيعه طريقة عمل الدلكة السودانية طريقة عمل عطور الخمرة السودانية التراث السوداني أدوات الجرتق أن مجال أدوات التجميل السودانية يمكنه أن يسهم إسهام مقدر وكبير في قيمة الصادرات السودانية ويمكننا غزو الأسواق العربية والخليجية نحن اليوم لمن لا يعلم نعتبر السوق الوحيد في مجال الخرز والأحجار الطبيعية والكريمة للقارة الإفريقية خصوصا غرب إفريقيا وهو جانب لا يعرفه أغلب الناس فما بالكم أن توحدت انتاجياتنا في منتج معين فيه وسوقناه بعلم ليس لأفريقيا التي تعرفنا فيه أو العرب والخواجات بل كل العالم لهذا ندعوا الناس للانضمام لقروبنا في فيسبوك للعمل المنزلي الموحد لولاية الخرطوم وبعد استقرار نجاحه نعممه لكل السودان ليصبح العمل المنزلي الموحد لجميع السودانيين الذي سيشمل خمسة أنواع من الإنتاج في البداية اختياري حتى يفهمه الناس ليصبح إجباري والزامي بالحد الأدنى قطعة واحدة على أقل تقدير مما يقرر أن نتتجه حتى نصبح أمة منتجة لا أمة مستهلكة لا أمة كسولة لا أمة عاطلة أمة تعلم التطور والرقي للأمم |
دي التكملة والأخيرة مش لي حق اقول بنفخ في قربة مقدودة
|
|