Post: #2 Title: Re: طالب دكتوراة عراقي يبحث عن مذكرات جوزيف ل� Author: adil amin Date: 07-06-2020, 03:32 PM
والله بكري مذكرات جوزيف لاقو عرضا في اسماء في حياتنا ما قدرت اطلع حلقة اسماء في حياتنا عشان نعرف المذكرات اسما شنو في الكتاب لكن المقابلة دي في تلفزيون جنوب السودان ممكن تفيد الباحث العراقي
Post: #4 Title: Re: طالب دكتوراة عراقي يبحث عن مذكرات جوزيف ل� Author: adil amin Date: 07-06-2020, 03:47 PM Parent: #3
Quote: شكرا يا شبح و مشتاقين لسع في اليمن السعيد
حياك يا بكوري لازلت في اليمن السعيد حتي يخرج اخر جندي سوداني من اليمن وتطلع الامارات والسعودية كمان ويعتذرو للشعب اليمني https://top4top.io/ وتصدق بقيت هلالابي كمان وخليت المريخ بعد كنت في الاشباح رئيس الجبهة المعادية للهلال الله يحفظك ويرعاك كان طال العمر بنتلاقي ان شاء الله ممكن تكون سودانيز اون لاين دار نشر للكتب self publishing حتسفيد كثير وتفيد
Post: #5 Title: Re: طالب دكتوراة عراقي يبحث عن مذكرات جوزيف ل� Author: adil amin Date: 07-06-2020, 03:50 PM Parent: #4
هل هذه المذكرات ما بشوف كويس https://top4top.io/ اعتقد انها المذكرات عليه يتفصى دار النشر
والله انتو اصلا ما بتقصروا،،،، بس مستغربة عادل امين ساكن في اليمن كيفن ونحن بنسمع في الأخبار كل يوم ان مدن اليمن تقصف بالقنابل من جهة السعودية والإمارات ومن جهة أخرى من قبل الحوثيين...والدمار والخراب في كل مكان في اليمن ... الله يكون في عون اليمن وليبيا وسوريا...
Quote: والله انتو اصلا ما بتقصروا،،،، بس مستغربة عادل امين ساكن في اليمن كيفن ونحن بنسمع في الأخبار كل يوم ان مدن اليمن تقصف بالقنابل من جهة السعودية والإمارات ومن جهة أخرى من قبل الحوثيين...والدمار والخراب في كل مكان في اليمن ... الله يكون في عون اليمن وليبيا وسوريا...
انت قايله القنابل البفكنا بيها كل يوم دي جايه من وين؟
بكري ازيك ياخي ...
قول للباحث ده جوزيف لاقو وقع اعظم اتفاقية سلام في التاريخ .. ثم جو (الاسياد) لعبو في راس سيئ الذكر جعفر محمد و اتلغت ...
طبعا من طرمبة يا ود قباني ... لكن أغرب حاجة انه في ليبيا فرنسا ومصر والسودان بيدعموا حميدتي الليبي واسمه حفتر وعنده مليشيات مسلحة يقتل بيها المدنيين الابرياء بدون ذنب...
Post: #9 Title: عادل امين المعروف بالشبح Author: بكرى ابوبكر Date: 07-06-2020, 11:35 PM Parent: #8
Quote: بس مستغربة عادل امين ساكن في اليمن كيفن ونحن بنسمع في الأخبار كل يوم ان مدن اليمن تقصف بالقنابل من جهة السعودية والإمارات ومن جهة أخرى من قبل الحوثيين...والدمار والخراب في كل مكان في اليمن ... الله يكون في عون اليمن وليبيا وسوريا...
سلام يا امتثال تعرفي يا امتثال كنا نلقب عادل امين في الجامعة بالشبح لانه طويل علي ما اظنه seven five... علشان كدا ما تخافي عليه فهو شبح.... وعارفه طول زي دا و معا هو حبة مهارات في كورة السلة ببقيك مليونير براحة......في امريكا........بس شكلوا كسر ركبة ....
Post: #10 Title: Re: عادل امين المعروف بالشبح Author: امتثال عبدالله Date: 07-06-2020, 11:55 PM Parent: #9
عادل امين ننصحك اسمع كلام الباشمهندس وتعال أمريكا وابقى لاعب كرة سلة ونحن حنشجعك بس ما تنسانا لمن تبقى مليونير ... بس طبعا ما بتقدر تصل هنا الا بعد الكرونا تنتهي، وعلى حسب قول العلماء الألمان الكرونا حتخف بعد سنتين على أقل تقدير ...
Post: #11 Title: Re: عادل امين المعروف بالشبح Author: adil amin Date: 07-07-2020, 03:02 AM Parent: #10
زهنت ايامي وانا وبتغزل ما بهتم بي قول العزل قاصد قباني هنا عشان تعرف بتنا امتثال ما يدور في اليمن واكون واعية تمام انا قاعد بي موقف عاصفة الحزم التي نقضت غزلها(الجزء الثاني)عاصفة الحزم التي نقضت غزلها(الجزء الثاني)
وشكرا علي الدعوة بس بلد يحكما الكعوك ما بتنفع معاي نحن قبائل لمن اصحاب البلاد بمسكو بدلهم بنجي نزور لا كرونة لاهم لا دمع سائل امريكا لا تصلح للسود اوباما قال ماشي يتشقغل تكاسي في كند https://top4top.io/
Post: #12 Title: Re: عادل امين المعروف بالشبح Author: adil amin Date: 07-07-2020, 03:10 AM Parent: #11
Quote: سلام يا امتثال تعرفي يا امتثال كنا نلقب عادل امين في الجامعة بالشبح لانه طويل علي ما اظنه seven five... علشان كدا ما تخافي عليه فهو شبح.... وعارفه طول زي دا و معا هو حبة مهارات في كورة السلة ببقيك مليونير براحة......في امريكا........بس شكلوا كسر ركبة ....
ا ده كان زمان 1988....اخر قابلتك في ش الحرية وانت قلت لي ماشي امريكا ومرقت من السفارة الامريكية وورقك في يدك.. من ديك ما اتلاقينا انا مشيت عطبرة ... هسة نحن 2020 تاني كرة سلة ما بتنفع بقينا نكتب في قصص بس وفي الفكر والسياسة والنت وفر التواصل لحمدلله وصنعت لينا انت وطن فتراضي جميل وحققت انت حلمك الامريكي وباقي كمان احقق حلمي اليمني كمان امشي بالاستيكة في مخازي الانقاذ في اليمن ونرجعا لي ايام المحجوب والحردلو والقدال والحديث ذو شجون
Post: #13 Title: Re: عادل امين المعروف بالشبح Author: nour tawir Date: 07-07-2020, 03:41 AM Parent: #12
سلام بكرى
أسأل منى خوجلى فى لندن سهلة جدا تجيب ليك تلفون زوجته(آمنة لاقو) وبالتالىجوزيف لاقو
Post: #14 Title: Re: عادل امين المعروف بالشبح Author: يحي قباني Date: 07-07-2020, 04:01 AM Parent: #12
Quote: زهت ايامي وانا وبتغزل ما بهتم بي قول العزل قاصد قباني هنا
مالك و مال غنا امدرمان ... ود البنا ده شعرا ما عندك ليهو رقبه ... :)
ثم تعال ... لو انت دفعة بكري مفروض من هنا و لي قدام تقول لي عمو قباني ...
Post: #15 Title: Re: عادل امين المعروف بالشبح Author: adil amin Date: 07-07-2020, 05:41 AM Parent: #14
Quote: ثم تعال ... لو انت دفعة بكري مفروض من هنا و لي قدام تقول لي عمو قباني ...
يا عمو قباني نحن جينا لبورد 2001 لمن كان حصريا علي ناس جامعة لخرطوم بهدف التنوير فقط وليس ساحة علاقات عامة شوف منو البدا لمسخرة وفتح البوستات لاغتيال الشخصية والاستهزاء منو والشيء بي الشيء يذكر عمري ما ختيت علي زول او زولة في البورد الا لمن يتنخسر ويسفه ما اكتبه هنا عبر العصور وانا واعي بيه تمام ويعمل فيها ذكي هسة المستعدي التاني منو في البورد؟؟ https://top4top.io/
Post: #16 Title: جون قرنق ودوره السياسي في السودان ١٩٤٥- ٢٠٠٥ Author: بكرى ابوبكر Date: 07-09-2020, 08:52 PM Parent: #15
شكرا وسلام للجميع و الحمد لله حصلنا علي تلفون زوجة جوزيف لاقو بانجلترا عبر طريق اخت عزيزة في اريزونا و تم ارساله للطالب العراقي ... الجدير بالذكر هو ان موضوعه للدكتورة. بعنوان جون قرنق ودوره السياسي في السودان ١٩٤٥- ٢٠٠٥
Post: #17 Title: Re: جون قرنق ودوره السياسي في السودان ١٩٤٥- ٢٠ Author: خضر الطيب Date: 07-09-2020, 10:27 PM Parent: #16
في مذكرة رفعها جوزيف لاقو عام ١٩٨٥ لنائب الرئيس الامريكي جورج بوش في ٦مارس. قال فيه
ان نظام اللامركزية يقلل مناطق الاحتكاك والشقاق لان في داخل الجنوب نفسه مشاكل عرقية لم تعالجها اتفاقية اديس ابابا. لكنه طريقة التى طبقت به اللامركزية في السودان ادت الى تاكل اتفاقية اديس ابابا. #كتاب_مسالة جنوب السودان في سياق تاريخي.
#تخريمة
الواقع المنطقي هو ان القوى السياسية ونخب السلطوية الشمالية الذي يتحمل اكبر عب في الفشل مقابل نظيرهم في الجنوب ،لم تقم بإدارة التعددية والتنوع الاثني والديني و القبلي واللغوي في جميع ارجاء السودان.
فتجربة قوانين سبتمبر ١٩٨٥، سياسة الانقاذ (الحركة الاسلامية) بجانب الصراعات الاثنية والايدولوجية بين قيادات الجنوبية وفئات المثقفة، كلها غيرت مجريات تحقيق وحدة السودان او اللامركزية الحكم كنظام قادر ان يجمع التنوع الكبير في السودان دينيا ، وافريقيا وعربيا.
نتائج هذا جاءت بالانفصال وميلاد دولة القومية الاثنية بنفس الأخطاء التاريخية من الجيل الاول حتى الجيل الثالث (الحركة الشعبية).
ودون ان نتحكم في الاحداث مسبقا يبدو ان جيل الرابع التي عاش شاهدا لكل نضالات الحركة الشعبية، اصابتها عدو الاجيال المتراكمة منذ الاستقلال وهي الاختلاف والفشل في تطبيق الايدولوجيات الفكرية وتقوقع في صندوق الاثنية (نموزج الحركات المسلحة في جنوب السودان) منذ الثمانينات
فطموحاتهم كجيل زرعت فيهم الأمل انصدمت بجيل منافق باسم الحرية والتهميش والمواطنة من الدرجة الثانية في السودان القدبم. واصبحوا هذا الجيل هما اشدة نفاقا من الجيل الثالث بغية الوصول الى السلطة على اقران ابائهم الجيل الثالث (الحركة الشعبية).
Post: #18 Title: Re: جون قرنق ودوره السياسي في السودان ١٩٤٥- ٢٠ Author: adil amin Date: 07-10-2020, 05:09 AM Parent: #17
Quote: الجدير بالذكر هو ان موضوعه للدكتورة. بعنوان جون قرنق ودوره السياسي في السودان ١٩٤٥- ٢٠٠٥
يا بكوري معقول اسم الرسالة كده وتفك الزول ده عكس الهوا ياخ لو القصة رؤية جون قرنق ودوره السياسي في السودان سيرة جون قرنق السياسية يشوف كل كتب الدكتور منصور خالد الخاصة بي الجنوب وهي كتب محترمة كتاب ابيل الير السودان والتمادي في نقض المواثيق والعهود كتب الاستاذ محمود في مكتبة الفكرة جنوب السودان الازمة والحل العراقيين ديل اذكياء وباحثين مجدين جدا وبلغو السلام
Post: #19 Title: Re: جون قرنق ودوره السياسي في السودان ١٩٤٥- ٢٠ Author: Osman Musa Date: 07-10-2020, 09:53 AM Parent: #18
الأخ بكري سلام اشك في انو الطالب ده . طالب من العراق . الطالب ده بكون باحث يهودي . الاهتمام ده اهتمام يهودي . . يهودي مية مية . كويس جدا يكون المنبر مرجع ومنارة للباحثين. والكتاب . في كلام كتير يا أخ بكري ما قادرين نقولو. ... تحياتي والقومية للمجاهدين الابطال من أبناء الجنوب الحبيب .
Post: #20 Title: Re: جون قرنق ودوره السياسي في السودان ١٩٤٥- ٢٠ Author: امتثال عبدالله Date: 07-10-2020, 04:33 PM Parent: #19
شكرا والله ...ونحن بنتعلم منكم تاريخ السودان الحديث... والله يجازي الفصل الجنوب من الشمال...بس انا بلخبط بين جوزيف لاقو وجوزيف قرنق..وهل جوزيف لاقو حي الآن واين يقيم؟؟واذا كان حي فلماذا لا يتصل به صاحب الشأن مباشرة ...
Post: #21 Title: Re: جون قرنق ودوره السياسي في السودان ١٩٤٥- ٢٠ Author: يحي قباني Date: 07-11-2020, 04:35 AM Parent: #20
جوزيف قرنق اغتالته يد السفاح جعفر نميري ... كان شيوعي يا امتثال .. مات شهيد ... كتب عنه كل الشعراء ... قال محجوب شريف : يامسجى بين المدارين وخط الاستواء نم توسد كل شبر فى بلادك والسماء نجمة عند المساء وبذرة فى الارض تنبت كبرياء لك من اسى وطنى عليك ومن دمى ياتؤأمى هذا الغناء لو لم يكن لصا غريب الوجه واليد ما استباح دمك العزيز على التراب .. يا للذئاب .. فصدوا جبين الشمس فيك ولوعوا كبد الصباح .. يا للذئاب ،، جوزيفو لا ثأر القبيلة فى انتظار المجرمين ولا الحراب ثأر الملايين الطعينة فى جناها فى قفاها والشباب ثأر المصابيح التى فى كل ناصية وباب اذكى اشتعال خيوطها عصف الرياح
اعدمه آلجبان سيئ الذكر جعفر محمد يا امتثال ...
كتب ايضا الاستاذ كمال الجزولي : الاسم الاول جوزيف الاسم الباتر كالخنجر كالسيف يتوهج هذي الليله كالقمر المطعون علي كفي وينزف ينزف كالعينين طارت بالنبأ الريح طارت فتقلص وجه الوثن الصابر في الغابات مغتسلا بحرائق اوراق السافنا وبرائحة المانجو وهدير الشلالات من فيكم يجرؤ ان يطعن في الظهر نبيا من يقتل قديسا قال الحق الحق اقول ورسول غرس زهور الحب على الكتفين وفي العينين وخلف الاضلع لم يمتن من فيكم يجرؤ قولوا من؟ كلنا ياللعار شهدناه في هذا الزمن الشائه غصنا في عينيه الطيبتين ..تأملناه وفردنا ثوب الحب على هامته من اقصاه الى اقصاه وتركناه ...آآه كيف تركناه وحيدا كالعصفور المتعب وحيدا بين ايادي الموت الصلبه ولما علقه الجنرالات السود من الرقبه وسمعنا بالاذنين عويل الحبل وولولة الخشبة!
Post: #22 Title: Re: جون قرنق ودوره السياسي في السودان ١٩٤٥- ٢٠ Author: محمد عبد الله الحسين Date: 11-23-2023, 03:50 PM Parent: #21
عراقي يبحث عن مذكرات جوزيف لاقو... **نحن صراحة لا نهتم بكتابة المذكرات ولا بقراءتها والمذكرات وما ادراك ما المذكرات.. هي تلخيص حياة وأسرار وتجارب لعقود من الزمان تلخيص لخط سير الأداء السياسي العام للاحزاب والسياسية.. فما بالك بجوزيف لاقو..وتوثيق للتمرد والعلاقات والدول التي ناصرت ودعمت..و كيف سارت الرحلة من التمرد وحتى الانفصال..و..
