سيخرج السودانيـــون للمطالبة بإسقاط هذه الحكومـــــة..

01:36 PM July, 06 2020

سودانيز اون لاين
Elhadi-
مكتبتى
رابط مختصر

انتو لسة ما شفتو أزمات

حكومة حمدوك هي الفشل يمشي على قدمين

وسيخرج السودانيين إلى الشوارع للمطالبة بإسقاط هذه الحكومة

الناس بعد شوية ما حا يكون فارق معاها كيزان ولا غير كيزان

خصوصاً بعد ما بدأ يتكشف للناس انو ممارسات الحكومة دي نفسها فيما يسمى بالشق المدني لا تختلف عن ممارسات الكيزان في شيء

شعور عارم وسط الناس ( أو على الأقل الذين اتحدث معهم بين الفينة والأخرى)

بالإحباط واليأس والغدر والخيانة

والحكومة ليس لديها ما تقدمه على أرض الواقع للناس على صعيد الوضع الاقتصادي

وعلى صعيد تحقيق المطالب..

سوى الوعود الزائفة

وسوى مواصلة الأكاذيب لكسب الزمن

وسوى الفشل الذريع

( في ما يسمي بالشق المدني)

استثناء العسكرى علي اي اساس؟

الموت ولا الكيزان

شكلك. كنت مع العالقين
مليونيات ٣٠ يونيو هي التي تجيب على سؤالك
تحياتي

الشق العسكري هم أساساً امتداد لحكم الإنقاذ فلم يكن متوقع منهم سوى الاستمرار في نهج وسياسات نظام الإنقاذ

في استمرار نهج القتل والقمع والفساد والحرمنة..

شكرا علي التوضيح
الشق المدني به ضعف ولكن الشعب
مراقب و( النقد والشارع موجودين)

اجلد بس بالحق

التغيير الفاعل يطبخ علي نار هادئة لافضل النتائج ...30 سنة لم يمارس مدني واحد السياسة لذلك طبيعي هذا العك و المدرب شغال يعمل التغيرات اللازمة بدون الحوجة للانسحاب من التحدي او الدك ..

Quote: الناس بعد شوية ما حا يكون فارق معاها كيزان ولا غير كيزان

دي الجملة المفتاحية للبوست و بني عليها البوست.

لا فارق معانا...الكيزان تاني يشموها قدحة و لا حتى بالانتخابات.
يحكمونا يهود ولا الكيزان.

الولولة و الحالة الصعبة دي و البوستات المتناسلة سببها منو؟

سببها حكم 30 سنة من الخراب و الدمار و الفساد.

الدمار في 30 سنة ما بتصلح في سنة.

حلم الوهمان كيزان..

Quote: التغيير الفاعل يطبخ علي نار هادئة لافضل النتائج ...30 سنة لم يمارس مدني واحد السياسة لذلك طبيعي هذا العك و المدرب شغال يعمل التغيرات اللازمة بدون الحوجة للانسحاب من التحدي او الدك

راى عبرنا عنه هنا انو فى مستويات للحكم كل واحد عندو مسئولياتو وتركه 30 سنه على مستوى الدوله ومايرتبط بها من اصلاح قانونى ومحاسبات ....الخ يختلف عن مايلامس المواطن الان على المستوى الولائى ومادون وهو بيد العسكر وفلول الكيزان وارجع لبوست الاخ معتصم ادريس عن لجان المقاومه لتاخذ فكره عن مايجرى فى المحليات ومحاوله ضرب تجربه لجان الخدمات والتغيير والمستوى دا داير ناس اداره مش ناس سياسه هل البلد عقرت من ناس الاداره عشان اداره الولايات والمحليات ؟ خلينا من كلام حكام ولايات بعد اتفاق السلام ...دا مابيهمنا كمواطنين اتفاوضو واتفقو لكن ماتختو اداره الولايات رهن بمكاسبكم السياسيه ووالمحاصصات والمواطن منتظر ومطحون

حبيبنا هادي .. تحياتي
هكذا احساس المحب .. أقل هفوة الواحد يصاب بإحباط
أنا في دواخلي أيضا اشعر أن الموضوع يسير عكس الثورة
أرى أن الشارع متقدم بسنوات ضوئية على السياسيين
هؤلاء يبحثون عن المناصب والشارع يبحث عن وطن قدر طموحه
كل السياسيين بمختلف توجهاتهم ( معارضة واحزاب وغيرهم ) وظائف

لاحظ الشارع في دارفور ( نيرتتي ) وطريقة تعبيرهم الذي لفت اليهم كل العالم
ما لم يحققه السلاح والسياسيين سوف يحققه هؤلاء الأمجاد في أيام
بدون سلاح بل يطالبون بإلقاء السلاح اعتصام وأناشيد وتلاحم بين الناس بدون قبلية
وبدون أي فوارق كما كانت في القيادة العامة
هكذا القفاز الناعم .. هؤلاء الاطهار وضعوا السياسيين في موقف حرج للغاية
شروطهم بتجرد ونقاء من أجل دارفور ورخاء انسان دارفور وليس من أجل الوظيفة

رغم بعض الاحباط ولكن نموذج ( نيرتتي ) بارقة أمل وسلوك حضاري متقدم جداً
وأقوى من أي سلاح وتمرد .. تخيل وجدوا دعم في كل السودان اعتصام عندنا في دنقلا اقصى الشمال
تأييداً لهم ..

معليش هادي طولنا عليك شوية .. تحياتي الحبيب .. بوست مفيد ليكون النقاش
بكل هدوء