Post: #1
Title: كلو عرفناه أها اهانة الزي السوداني والشخصية السودانية يا عمر دفع الله ما هو دافعه
Author: منتصر عبد الباسط
Date: 07-06-2020, 09:15 AM
Parent: #0
09:15 AM July, 06 2020 سودانيز اون لاين
منتصر عبد الباسط-
مكتبتى
رابط مختصر
حينما يشاهد الصبي الصغير أو الأجنبي كاريكاتيرات عمر دفع الله وهي تتناول الشخصية السودانية
بهذا الصورة التشنيعية بالزي السوداني ما هي الصورة التي تتكون في نفس ذلك الطفل أو ذلك الأجنبي؟؟؟
لا إعتراض عندي في التعبير عن ما يريده ولكن ليس بهذه الصورة التي تعبر
عن رفض ومعاداة للشخصية السودانية بشكل عام .
أخرج يا عمر دفع الله من مخبأك وتعال السودان وأرسم الواقع كما هو وليس كما يصوره لك خيالك
|
Post: #2
Title: Re: كلو عرفناه أها اهانة الزي السوداني والشخص
Author: HAIDER ALZAIN
Date: 07-06-2020, 09:27 AM
Parent: #1
جيرانك في بوست بي جاي العوة قائمة بينهم في قصة سودنة الأمثال والمقولات ..
هسه قبال يجوك انت معترض على قصة الزي والا الشخصية ؟
ثم قاصد بالزي السوداني ياتو.. العمة والجلابية المرسومة فوق دي؟
وربطتها بالشخصية السودانية ايه..
وليه ما تكون مقصودة في كون معني بيها تجار الاسلام السياسي وهيئتهم زي ما ظهرت في اجتماعات شوري الأخوان الاخيرة؟
من ناحية أخرى..
كيف حا تعبر عن شخصية واحد سوداني مقصود في كاركاتير؟
وكيف حا ترسمه بيحث كل ما يراه حا يعرف انه النقصود بيهو ينتمي لجمهورية السودان الديمقراطية؟
إذا رسمت واحد لابس جلابية وقترة وعقال وشايل منشار في يده.. هل دا بيعتبر اساءة للشخصية الخليجية
ويحط من قدرها لاني رمزت لي زيّهم ؟؟؟
وهكذا الخ ...
|
Post: #3
Title: Re: كلو عرفناه أها اهانة الزي السوداني والشخص
Author: منتصر عبد الباسط
Date: 07-06-2020, 09:36 AM
Parent: #2
| Quote: وليه ما تكون مقصودة في كون معني بيها تجار الاسلام السياسي وهيئتهم زي ما ظهرت في اجتماعات شوري الأخوان الاخيرة؟ |
قبل ما يولد سرطان الأخوان المسمين وقبل يعرف الوهابية
وقبل ما يولد محمد بن عبد الوهاب وقبل يولد جمال الدين الأفقاني ورشيد رضا وحسن البنا
وسيد قطب وحسن الترابي وعلي عثمان وجميع أتباع من ذكرناهم
كان السوداني ولا زال الوسطي المتسامح الشيخ إمام المسجد وشيخ القبيلة والعمدة
والتاجر والمزارع وحتى الأمي والمواطن السوداني البسيط كلهم بهذه الهيئة التي يبشع بها
عمر دفع الله
ثم كيف يميز المراهق السوداني بين الأخواني وغير الإخواني
ما يمارسه عمر دفع هو نشر لمرض وراه غرض
|
Post: #4
Title: Re: كلو عرفناه أها اهانة الزي السوداني والشخص
Author: منتصر عبد الباسط
Date: 07-06-2020, 09:42 AM
Parent: #3
يبدو عمر دفع تحول لرجل يحتقر الشخصية السودانية
وسيطرت عليه صدمة حضارة الرجل الأبيض مما جعله يرى الشخصية السودانية
بصورة بشعة ويسمع أصواتهم ومعاني كلامهم من هذه الزاوية
فالأفضل له ليحتفظ ببعض ما بقي له من انطباع حسن
أن يترك نشر كاريكاتيراته حتى يعود للسودان لعله يفيق من هذا الهزيان
|
Post: #5
Title: Re: كلو عرفناه أها اهانة الزي السوداني والشخص
Author: HAIDER ALZAIN
Date: 07-06-2020, 10:01 AM
Parent: #3
كدي نشوف..
ناس امام مسجد وخلوة ظهروا تقريبا عام 1500م
الوهابية ظهرت تقريبا 1700م
ناس شيخ حلة وعمدة وشيخ غفر ظهروا تقريبا عام 1830م
الاخوان المسلمين قوووول 1930م..
الموصوف انه لبس زولك الوسطي العادي المتسامح السوداني البسيط لغاية قريب 1830
في غالبه كان لبسه قطعتين دمور يلف نصها ويجدع التاني..
وهو عموماً ما لبس كل السودانيين الوسطيين المتسامحين حالياً ..
وإن أصبحت لفة العمة خط كاريكاتيري او رمز للسوداني
وقت تلقى في طرفها مطرز فيها واعدوا لهم وسيفين دي تبع الاخوان المسلمين
وقت تلقى عزبتها مرخيّة دي تبع الانصار..
وقت تلقاها تشبه نص متر ومحبكة تشبه حقت ناس الازهر ووعاظ الشام اعرف مقصود بيها الختمي..
وقت تلقاها مجبوكة وكبيرة ستة امتار اعرفها يا ترباس يا تمساح سوق ..
إن لقيتها وسخانة وربع عمة اعرفهابتاع السوداني الوسطي المتسامح
وان لقيتها كمان طاقية بس وعراقي بتلاتة رقع اعرفه دا محمد احمد التعبان
وإن لقيتو لابس فانيلة حمالات ساي . يبقى دا موظف آخر الشهر ..
بس الفوق دي شئ يخليها إهانة للشخصية السودانية مافي !
|
Post: #6
Title: Re: كلو عرفناه أها اهانة الزي السوداني والشخص
Author: منتصر عبد الباسط
Date: 07-06-2020, 10:14 AM
Parent: #5
| Quote: الموصوف انه لبس زولك الوسطي العادي المتسامح السوداني البسيط لغاية قريب 1830 |
أبداً الإنسان السوداني البسيط اللابس الزي دا كان موجود في دارفور
وموجود في كردفان وممكن يكون موجود في الشمال والشرق
في دارفور على الأقل منذ قيام دولة دارفور الإسلامية منذ أكثر من 800 سنة وهم يلبسون هذا الزي
وكذلك القبائل العربية في كردفان منذ أكثر من 700 عام
وفي الشمال قبل قبل ذلك التاريخ وفي الشرق أيضاً منذ ألف عام
|
Post: #7
Title: Re: كلو عرفناه أها اهانة الزي السوداني والشخص
Author: عمر سعيد علي
Date: 07-06-2020, 10:15 AM
Parent: #5
حيدر الزين ياخي اختلافك زي بسمتك . .
Quote: وقت تلقى في طرفها مطرز فيها واعدوا لهم وسيفين دي تبع الاخوان المسلمين
وقت تلقى عزبتها مرخيّة دي تبع الانصار..
وقت تلقاها تشبه نص متر ومحبكة تشبه حقت ناس الازهر ووعاظ الشام اعرف مقصود بيها الختمي..
وقت تلقاها مجبوكة وكبيرة ستة امتار اعرفها يا ترباس يا تمساح سوق ..
إن لقيتها وسخانة وربع عمة اعرفهابتاع السوداني الوسطي المتسامح
وان لقيتها كمان طاقية بس وعراقي بتلاتة رقع اعرفه دا محمد احمد التعبان
وإن لقيتو لابس فانيلة حمالات ساي . يبقى دا موظف آخر الشهر ..
بس الفوق دي شئ يخليها إهانة للشخصية السودانية مافي !
|
ههههههههها مبالغة . .
والتحية لي اخونا منتصر عبد الباسط . .
|
Post: #8
Title: Re: كلو عرفناه أها اهانة الزي السوداني والشخص
Author: نعمات عماد
Date: 07-06-2020, 10:56 AM
Parent: #7
👍يا أ. حيدر
| Quote: ترباس : عمامتي (9) أمتار قابلة للزيادة |
|
Post: #12
Title: Re: كلو عرفناه أها اهانة الزي السوداني والشخص
Author: HAIDER ALZAIN
Date: 07-06-2020, 12:10 PM
Parent: #8
تحياتي اخ عمر سعيد ودكتورة نعمات
|
Post: #9
Title: Re: كلو عرفناه أها اهانة الزي السوداني والشخص
Author: طارق محمد الطيب
Date: 07-06-2020, 10:58 AM
Parent: #1
السلام عليكم
استاذ منتصر
تحيه طيبه
استاذ عمر دفع الله شغال شغل نضيف
لكن صراحة جابا حامضه في اخر كاريكاتير
تحياتي
|
Post: #10
Title: Re: كلو عرفناه أها اهانة الزي السوداني والشخص
Author: طلحة عبدالله
Date: 07-06-2020, 11:46 AM
Parent: #9
سلام يا منتصر
يا عبدالله ثبت لدي يقينا بلا ذرة شك واحدة
انك اتا زول متلقى حجج ما عندك موضوع
مع كامل الاحترام .
مال السودانيين ومال الأجنبي البشاهد ويقول دا
ان شاء الله يقول القيامة قامت واللا يمشي يتسلق برج
ايفل ويتردى منو في نار مستعرة اسفلو .
هسة دي حجة دي نتتقد بيها الكاركاتير ؟؟؟؟
انت جادي اااااااازول واللا قاعد تهظر معانا
وتملى بينا وقتك ؟؟؟؟؟
|
Post: #11
Title: Re: كلو عرفناه أها اهانة الزي السوداني والشخص
Author: HAIDER ALZAIN
Date: 07-06-2020, 12:02 PM
Parent: #10
عبد الله منو طلحة بن عبد الله ؟!
اسمع دي
قال ليك واحد سايق ولدو العوقة وماشين في السوق قام واحد كورك يا عبدالله يا عبدالله
في شافع نجيض وفصيح في السوق قال لي البيكورك
كلنا عبيد الله يا عماه فأي عبد من عبيد الله تريد ؟!
قال ليك عمك المغبون إتلفت على ولدو العوقة وقال ليهو
شفت الولاد الشطار والفالحين والنبيهين البيرفعو راس ابواتهم بيردو كيف؟!
أها بعد كم يوم الولد سايق العوقة برضك وماشي في السوق قام واحد كورك
يا حمزة ياحمزة !
قام العوقة اتشوبر وقال
كلنا حمزة من حماميز الله يا عماه فأي حمزة فينا تريد ؟
ابوه قال ليهو إنكتم يا العوقة فلست إنت الا حمزة قصر الله بها عنق ابيـه ههههههه
المهم وإنت شو اخبارك!
|
Post: #13
Title: Re: كلو عرفناه أها اهانة الزي السوداني والشخص
Author: طلحة عبدالله
Date: 07-06-2020, 12:14 PM
Parent: #11
سلام حيدروف الصلد اكرمك الله
العوقة معروف عنو التعويق دي ما عايزة
ليها كلام وقد قيل في المقام :
المجنون ولا العوقة خخخخخخخخخ
..........................
حقيقة أخوكم منتصر أبدع في اللا ابداع
معقولة ياخ ؟؟؟؟؟؟
|
Post: #14
Title: Re: كلو عرفناه أها اهانة الزي السوداني والشخص
Author: طلحة عبدالله
Date: 07-06-2020, 12:18 PM
Parent: #13
تصحيح
ابنك المجنون ولا ولدك العوقة 
|
Post: #15
Title: Re: كلو عرفناه أها اهانة الزي السوداني والشخص
Author: Arif Nashed
Date: 07-06-2020, 01:07 PM
Parent: #14
Quote: ابوه قال ليهو إنكتم يا العوقة فلست إنت الا حمزة
قصر الله بها عنق ابيـه ههههههه
|
عوقوا يا حكم😅😅
اي حاجة في كل حاجة.
استغفرتك يا مالك روحي.
|
Post: #16
Title: Re: كلو عرفناه أها اهانة الزي السوداني والشخص
Author: محمد محمد قاضي
Date: 07-06-2020, 01:17 PM
Parent: #1
Quote: هسة دي حجة دي نتتقد بيها الكاركاتير ؟؟؟؟
انت جادي اااااااازول واللا قاعد تهظر معانا
وتملى بينا وقتك ؟؟؟؟؟ |
تصدق يا مؤمن الشاب منتصر خريج فنون من جامعة السودان (حسب قوله)
يعني من (معهد الكليات التكنولوجية - كلية الفنون الجميلة) ويا حليل الجمال
_ أنا بقترح بكري سيد الحوش يركن عمر دفع الله ده شوية ويعطي الفرصة
لأخونا منتصر يرسم لينا ناس أكرم وحمدوك وناس التحزب - عسي ولعل
|
Post: #17
Title: Re: كلو عرفناه أها اهانة الزي السوداني والشخص
Author: احمد حمودى
Date: 07-06-2020, 01:39 PM
Parent: #16
Quote: تصدق يا مؤمن الشاب منتصر خريج فنون من جامعة السودان (حسب قوله)
|
نعم ياقاضى منصر فنان وخريج المعهد الفنى وباله طويل سلبة
|
Post: #18
Title: Re: كلو عرفناه أها اهانة الزي السوداني والشخص
Author: Omer Abdalla Omer
Date: 07-06-2020, 03:17 PM
Parent: #17
يا حيدر مبالغة بجد! سهل ممتنع! عبرت عننا تماما!
بالنسبة للأخ منتصر لا أعتقد إن في الأمر إهانة و لكن محاولة لقول الكثير بصورة واحدة.. طريقة العمة و التطريز و التنطع من شاكلة و أعدوا و أمرهم شورى تشير لأن الصورة كوز ليس أكثر و لا أقل
بعدين كلنا يعرف عمر دفع الله و نعلم جيدا مدى إحترامه للإنسان السوداني بل و كيف جعل الفنان عمر الإنسان السوداني مثاله و مصدر إلهامه الفني..
لكن لا بأس طالما إنت نفسك فنان قل لنا فين الإهانة و كيف ممكن تبدل بحيث يكون الكارتير معبر و يقول ما أراد الفنان من غير إهانة الزي السوداني بزعمك!
|
Post: #19
Title: Re: كلو عرفناه أها اهانة الزي السوداني والشخص
Author: منتصر عبد الباسط
Date: 07-07-2020, 01:49 AM
Parent: #18
Quote: وقت تلقى في طرفها مطرز فيها واعدوا لهم وسيفين دي تبع الاخوان المسلمين
وقت تلقى عزبتها مرخيّة دي تبع الانصار..
وقت تلقاها تشبه نص متر ومحبكة تشبه حقت ناس الازهر ووعاظ الشام اعرف مقصود بيها الختمي..
وقت تلقاها مجبوكة وكبيرة ستة امتار اعرفها يا ترباس يا تمساح سوق ..
إن لقيتها وسخانة وربع عمة اعرفهابتاع السوداني الوسطي المتسامح
وان لقيتها كمان طاقية بس وعراقي بتلاتة رقع اعرفه دا محمد احمد التعبان
وإن لقيتو لابس فانيلة حمالات ساي . يبقى دا موظف آخر الشهر ..
|
|
Post: #20
Title: Re: كلو عرفناه أها اهانة الزي السوداني والشخص
Author: منتصر عبد الباسط
Date: 07-07-2020, 02:05 AM
Parent: #19
تحياتي لكم جميعاً
حفيف الظل حيدر الزين
عمر سعيد
الدكتورة نعمات
وعليكم السلام طارق الطيب
وطلحة عبد الله
والتحية كذلك لـ
عارف ناشد
محمد القاضي
والصديق أحمد حمودي
وعمر عبدالله
|
Post: #21
Title: Re: كلو عرفناه أها اهانة الزي السوداني والشخص
Author: منتصر عبد الباسط
Date: 07-07-2020, 02:23 AM
Parent: #20
Quote: أنا بقترح بكري سيد الحوش يركن عمر دفع الله ده شوية ويعطي الفرصة
لأخونا منتصر يرسم لينا ناس أكرم وحمدوك وناس التحزب - عسي ولعل
|
عمر دفع الله مبدع في هذا المجال وله أفكار متميزة
وفن الكاريكاتير له ناسو لا أعتقد أنا منهم
وقبل كدا دافعت عنه في هجوم قبل سقوط النظام
حينها كانت كل كاريكتيرات عمر دفع الله تروق لي حتى التي كان يسخر فيها
على هؤلاء المعممين والملتحين
لكن بعد سقوط نظام الكيزان كان مفروض نمط الشغل ياخد خط يتناسب مع المرحلة
لأن الوكت داك قبل سقوط عهد الكيزان كان هؤلاء المعممين والملتحين بعضهم
في موضع الظالم الانتهازي
الأن الوضع اختلف أصبحت القوة والسلطة في مكان آخر مما يتطلب موقف آخر وجديد
|
|