Post: #1 Title: "قباني" يا حبيبنا..ان شاء الله ألقى عندك الأغنية دي. Author: الشيخ سيد أحمد Date: 07-04-2020, 01:28 PM
01:28 PM July, 04 2020 سودانيز اون لاين الشيخ سيد أحمد- مكتبتى رابط مختصر
(adsbygoogle = window.adsbygoogle || []).push({}) سلام حبيبنا سمعت الاغنية دي قبل فترة طويلة جدآ بصوت "عباس تلودي"وكانت معاهو بنية صوتها رووووعه في شريط كاسيت. ضيعت الشريط وضيعت الاغنية . المشكلة ما عارف اسم الاغنية زاتو شنو... قدر ما فتشت ما لقيت ليها اثر في النت. ح اجيب ليك منها مقتطفات وانت بي خبرتك ومعرفتك حاول جيب لينا الاغنية هنا.. .فيها تطريب عالي جدآ جدآ. بتقول الاغنية: في الشاطي طال بينا السمر حبيبنا قال ضوء القمر ضوء القمر يكشفنا . ++++ البدر طل على الوجدود........ .نحن جالسين في ضفاف.......... .تيارو يعلو وينخفض مع موجو كم سبحت فكر انا من طربو..انطرب نشوان اقول ...... ++++ مالي ومالي ومال كده انا كان ده مالي ومال كده الليل هدأ ونامو العدا ساعة الوصال ما اسعدا نحب بعاطفة مؤكدة .. عندك تمام ولا مش كده. التنقيط ده يا قباني معناها انو انا ناسي الكلام الكان في الحتة دي. الكوبليه الاخير :مالي ومالي مال كده..فيهو تطريب عالي ودلع عجيب. كسرة: مع انو "عباس تلودي" صوته ما بيعجبني...لكن بامانه في الاغنية دي هو و "البنوته" عملو شغل رووووعه.خصوصآ البنوته "صوتها فيهو بحة جميلة جدآ ان شاء الله تقدر تجيبا لينا هنا بي اي صوت ما مهم ...بس جيب لينا الاغنية.
Post: #2 Title: Re: andquot;قبانيandquot; يا حبيبنا..ان شاء الله ألقى عن Author: Abdalla Gaafar Date: 07-04-2020, 01:39 PM Parent: #1
استاذنا الشيخ دي بي صوت ياسر تمتام
Post: #4 Title: Re: andquot;قبانيandquot; يا حبيبنا..ان شاء الله ألقى Author: Abdalla Gaafar Date: 07-04-2020, 01:48 PM Parent: #2
ودا تسجيل بي صوت سيدا الكاشف
Post: #3 Title: Re: andquot;قبانيandquot; يا حبيبنا..ان شاء الله ألقى عن Author: اخلاص عبدالرحمن المشرف Date: 07-04-2020, 01:44 PM Parent: #1
معقولة بس انت جبت الاغنية كلها نادية البنا وعباس تلودي قباني ما ح يقصر
Post: #5 Title: Re: andquot;قبانيandquot; يا حبيبنا..ان شاء الله ألقى Author: Ahmed Yassin Date: 07-04-2020, 01:50 PM Parent: #3
( إندي) وما بنزلا اشان قلت سوت اباس تلودي شين لو ( آوزاا) بى سوت القلأ ابدالهفيز ممكن ننزلا ليكا هسي دا
Post: #6 Title: Re: andquot;قبانيandquot; يا حبيبنا..ان شاء الله ألقى Author: Ahmed Yassin Date: 07-04-2020, 01:55 PM Parent: #5
يهيا اسلو ما تنزل ليو السنجك دا ما سامىء قال سوت اباس تلودي كأب
Post: #7 Title: Re: andquot;قبانيandquot; يا حبيبنا..ان شاء الله ألقى Author: اخلاص عبدالرحمن المشرف Date: 07-04-2020, 01:57 PM Parent: #5
بس معقولة يا احمد القلأ مع انو عندو ابداعات بي دي مع نادية البنا قام بسببهاانقلاب الإنقاذ ،😀
Post: #8 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-04-2020, 02:09 PM Parent: #7
Quote: استاذنا الشيخ دي بي صوت ياسر تمتام
يا سلااااااام يا عبدالله جعفر
ياخي ان ايدين ديل "فترن" من الكواسة في النت اصلو ما لقيت ليها "درب" الاغنية دي.
شكرآ على الجمال.
كسرة" لمن بالله رايك شنو ..مش اغنية عجيبة
Post: #9 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-04-2020, 02:16 PM Parent: #8
اخلاص الزولة الراقية
Quote: معقولة بس انت جبت الاغنية كلها نادية البنا وعباس تلودي قباني ما ح يقصر
بس ياها زااااتا ...نادية البنا عليك الله ماعندك ليها صورة ههههههههه.
بالله يا اخلاص شفتي البت دي صوتها تريان كيف.. حاجة روعه.
Post: #10 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-04-2020, 02:29 PM Parent: #9
اننت عارف يا احمد انا ما عارف ناس الوسيقى بيسمو الصوت ده شنو...لكن كدي خليني اتفلسف معاك شوية. كا في واحد اسمو "الدرديري" في برنامج نجوم الغد..غايتواذا ذاكرتي لسه شغالة بي نسبة 20 في المية اظنو زي صوت"عباس تلودي" بيسموهو "التينور"...واظنو التينور ده زاتو فيهو طبقات..اها انا الطبقة بتاعة "عياس تلودي" دي غلبني اتفاعل معاها تب. لكن متفاعل دا دا مع صصوت البنية هههههههه. غايتو الغنية دي اذا غناها "هاني عابدين" او "اسرار بابكر" ح تكون كل واحده عندها طعم مغتير لاختلاف درجة الصوت.
كسرة: عليك الله جيب لينا التسجيل ..خلي الناس تننطرب وتسمع صوت البنية العجيب ...وليك مني اعتراف راسو عديل...عشان تجيب لينا التسجيل "عباس تلودي يا فنان"...اها بعد ده في شنو عاد. يلا يا احمد بالله خلي الجماعه البكايين يبكو هههههه.
Post: #11 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-04-2020, 02:42 PM Parent: #10
Quote: ودا تسجيل بي صوت سيدا الكاشف
عبدالله جعفر
يا زول ده شنو ده..طلعت زول فنان ومستمع "اضانو" نضيفة.
غايتو منبر "بكري اب صلعه" ده كل يوم تكتسف فيهو حاجه جديدة. يعني هسه لو ما طلبي من حبيبنا "قبة" ما كنا في زول ح يعرفك زول بتاع توثيق ومزيكا و "بكاي" ههههههههه.
انت عارف اصلو ما اتوقعت يكون الكاشف صاحب الاغنية بالي مشى جهة ناس "سيد عبدالعزيز" و "ابوصلاح" وبي العدم "بادي محمد الطيب".
لكن صدقني صوت البنية اذا سمعت منها الاغنية طرب تاني مختلف صوت نديان.
يا قباني عليك الله شوف لي "عبدالله جعفر" مكتب ولو قريب من الاستقبال الراجل طلع مستمع وموثق عجيب.
ممنون لمرورك الجميل
Post: #12 Title: Re: andquot;قبانيandquot; يا حبيبنا..ان شاء الله ألقى Author: Ahmed Yassin Date: 07-04-2020, 03:36 PM Parent: #11
اخلاص ياخ انتي مع اني ما آىف النوءية بتاء سوتك ( ازينو) زي هق ابداؤد لكن انتي زاهر أليك بت فنانة
Quote: القلأ ما عندو ابداعات بسببها قام انقلاب
Post: #13 Title: Re: andquot;قبانيandquot; يا حبيبنا..ان شاء الله ألقى عن Author: عبدالله الشقليني Date: 07-04-2020, 05:31 PM Parent: #1
Post: #14 Title: Re: andquot;قبانيandquot; يا حبيبنا..ان شاء الله ألقى Author: ABUHUSSEIN Date: 07-04-2020, 05:41 PM Parent: #13
سلام الشيخ و ضيوفه الكرام التسجيل دا تحديدا انا كان نزلتو هنا في المنبر قبل سنينا عددا من قعدة غنو فيها عباس تلودي و نادية البنا كانو عندي شريطين كاسيت و نزلتهم كاملان هنا و اتذكر الفقر ود البشرى هو اللي رفعها في موقع و جاب روابط للتنزيل ... حا ارسلها ليك في الواتس لاني ما بقدر ارفعها على النت كبرنا خلاص 😂😂
Post: #15 Title: Re: andquot;قبانيandquot; يا حبيبنا..ان شاء الله ألقى Author: ABUHUSSEIN Date: 07-04-2020, 06:00 PM Parent: #14
هاك اهي صورة ليها :-
Post: #16 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-04-2020, 06:03 PM Parent: #15
Post: #17 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-04-2020, 06:04 PM Parent: #16
Post: #18 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-04-2020, 06:06 PM Parent: #17
Post: #19 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-04-2020, 06:08 PM Parent: #18
Post: #20 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-04-2020, 06:15 PM Parent: #19
طبعا الاستاذة الفنانة الجميلة ام عيون مكان ( بضم الميم ) نادية البنا ملكة جلسات العود سجلت مع الكثيرين زي تلودي و سيف الجامعة و تمتام و عاصم ولكن يبقي التسجيل الخالد مع ملك الرصة و المنصة العبقري ابوداؤد حنديك مثال
Post: #21 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-04-2020, 06:16 PM Parent: #20
Post: #22 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-04-2020, 06:17 PM Parent: #21
Post: #23 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-04-2020, 06:20 PM Parent: #22
Post: #24 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-04-2020, 06:23 PM Parent: #23
اي طلبات تانية يا الشيخ سيد أحمد
Post: #25 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-04-2020, 06:46 PM Parent: #24
استاذنا الجليل عبدالله الشقليني
شاكر وممتن للغاية على الاهداء.
Post: #26 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-04-2020, 07:00 PM Parent: #25
ابو حسين يا زول يا حلو
Quote: سلام الشيخ و ضيوفه الكرام التسجيل دا تحديدا انا كان نزلتو هنا في المنبر قبل سنينا عددا من قعدة غنو فيها عباس تلودي و نادية البنا كانو عندي شريطين كاسيت و نزلتهم كاملان هنا و اتذكر الفقر ود البشرى هو اللي رفعها في موقع و جاب روابط للتنزيل ... حا ارسلها ليك في الواتس لاني ما بقدر ارفعها على النت كبرنا خلاص 😂😂
انت عارف اول مرة اشوف الزولة دي...تخيل التسجيل ده انا سمعتو اظنو سنة 90 ومن الوقت داك كل ما تجي لحظة واقعد براي ..اقعد اتذكر في التسجيل ده ..واعضي اصابعي من الزعل..لانو ما عارف الشريط طار وراح وين. طبعأ كنت كلما اتذكر التسجيل تجيني صورة.."جوليا روبرتس" وقصة الشعر في الفيلم معاها "رتشارد جير" ومرات اتخيل ليك الزولة دي "شارون ستون" في فيلم الكاوبوي"...ومرة اتخيلها ليك زي"ميغ ريان" في الفيلم الخطفو فيهو زوجها اظنو كان ممثل معاها "راسل كرو"..كنت بتخيل قصات الشعر بتاعة الفاتنات ديل واقوم الصق ليك صوت الزولة دي ...يعني حاجة قريبة كده من بيت الشعر : والاذن تعشق قبل العين احيانآ. لانو الصوت فيهو دلع كده غريب ...ركز معاي ..شكل قصة الشعر بس وليس الوجه هههههههه.
ودالبشرى تعب معاي ..بحميه ليك النوم هههههههههه
Post: #27 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-04-2020, 07:28 PM Parent: #26
يا سلااااااام يا معاوية ياخي ينصر دينك ياخي انا ما خليت حتة في النت ما فتشت فيها...لمن قلت انوالشريط اظنو كان نسخة واحدة وذهبت الى غير رجعة.. اتاريه الموضوع مجهبز وعندو قواعد تخزين وبرنامج متكامل من المزمزة. بالله شفت الحتة بتاعة "انا من طربو انطرب " والبنيه تقول ليهو (أها). ولا الدلع العجيب في الكسرة (مالي ومالي ومال كده) .
Quote: ولكن يبقي التسجيل الخالد مع ملك الرصة و المنصةالعبقري ابوداؤد
يا زول ده سيد القصة ..ابو داؤود. وما ادراك ما ابو داؤود.مع انو كنت بفتش لي "اجراس المعبد" برضو فتشت وما لقيتو... التسجيل "عود وايقاع" برعي وابوداؤود وعازف الايقاع. يا حليل "عبدالسلام" ..صاحب استريو "يامن" في بحري. تعرف يا معاوية انا ازح مع الزول ده من زمن كان جوه سوق "سعد قشرة" لغاية ما طلع من السوق ومشى في البناية المقابلة لي سوق سعد قشرة. كنا نمشي ليهو ايام ظهور "مايكل جاكسون" و thriller و beat it واغاني الزول العجيب ده. زول عندو ارشيف محترم لكل الفنانين.اعمل فينا معروف وجيب لينا اجراس المعبد "عود وايقاع فقط" تسلم يا جميل على الاهداء.
Post: #28 Title: Re: andquot;قبانيandquot; يا حبيبنا..ان شاء الله ألقى Author: Ahmed Yassin Date: 07-04-2020, 07:51 PM Parent: #27
Quote: بيسموهو "التينور"...واظنو التينور ده زاتو فيهو طبقات..اها انا الطبقة بتاعة "عياس تلودي" دي غلبني اتفاعل معاها تب. لكن متفاعل دا دا مع صصوت البنية هههههههه. غايتو الغنية دي اذا غناها "هاني عابدين
هاني عابدين ( تينور تاني) ويصل لى ( الباص) ومحمد الامين برضو ( تينور تاني ويتأرجح للباص) اما ابوداؤد وحسن خليفة العطبراوي ديل هم (باص) العصر . كابلي ( بارتون/ باص)..دي الاصوات الغليظة اما وردي هو ( التينور) .. يعني الاصوات البشرية الرجالية من الحاد للغليظ ( التينور ، البارتون ، الباص)
Post: #29 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-04-2020, 10:49 PM Parent: #28
Quote: هاني عابدين ( تينور تاني) ويصل لى ( الباص) ومحمد الامين برضو ( تينور تاني ويتأرجح للباص) اما ابوداؤد وحسن خليفة العطبراوي ديل هم (باص) العصر . كابلي ( بارتون/ باص)..دي الاصوات الغليظة اما وردي هو ( التينور) .. يعني الاصوات البشرية الرجالية من الحاد للغليظ ( التينور ، البارتون ، الباص)
انت عارف يا احمد
مفروض تعملو تنوير للناس عن الموسيقى.
يعني هسه زي اللقطة بتاعتك دي ..تصدق اذا فضيتو نفسكم انت وناس الموصلي ولؤي شمت وكل واحد جا وكتب حرفين ..الناس كان اتثقفت وعرفت الفرق بين الصولو والركوز هههههه. ياخي حتى الالات مرات ما بتعرف اساميها. مثلآ : الفرق شنو بين الشيللو والكاونتر باص.. هل هم نفس الالة ولا في فرق.
Post: #30 Title: Re: andquot;قبانيandquot; يا حبيبنا..ان شاء الله ألقى Author: Ahmed Yassin Date: 07-04-2020, 11:50 PM Parent: #29
الشيخ الجميل
Quote: مثلآ : الفرق شنو بين الشيللو والكاونتر باص.. هل هم نفس الالة ولا في فرق.
طيب زي ما الصوت البشري بتصنف للرجال تينور... بارتون .. باص وللنساء .. سوبرانو ... الطو . الالات برضو بياخدوا تصنيف. عائلة الكمنجة بتتكون من اربعة افراد و كل واحدة فيها(٤) اوتار وكلهن بتشابهن الكمنجة : اصغر واحدة الفيولا: اكبر من الكمنجة بى (٧) سنتمتر ولها نفس شكل الكمنجة التشيللو: طولها متر بالضبط وعرضها نص متر بتوضع بين الركبتين وصوتها غليظ حدود (٤) اوكتاف واقل من الفيولا بى درجة الكونترباص؛ كبيرة العايلة طويلة ( ١٨٠) سم احيانا يتم العزف عليها على الواقف ( صوت باص) ولا يتم العزف عليها منفردة وكل الاربعة ديل بتلقى فيهن شكل حرف(f)
Post: #31 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-05-2020, 00:19 AM Parent: #30
الشيخ سيد احمد يا حبيبنا ...
جمال في جمال ...
بوست بديع زي كل الناس الفيهو ...
و حلفت ما اجيك ايدي فاضية ...
دي في الشلطي طاب لينا السمر بصوت ابو داؤود في جلسة خاصة ... طلعت للحبايب ...
Post: #32 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-05-2020, 01:40 AM Parent: #31
Quote: طيب زي ما الصوت البشري بتصنف للرجال تينور... بارتون .. باص وللنساء .. سوبرانو ... الطو . الالات برضو بياخدوا تصنيف. عائلة الكمنجة بتتكون من اربعة افراد و كل واحدة فيها(٤) اوتار وكلهن بتشابهن الكمنجة : اصغر واحدة الفيولا: اكبر من الكمنجة بى (٧) سنتمتر ولها نفس شكل الكمنجة التشيللو: طولها متر بالضبط وعرضها نص متر بتوضع بين الركبتين وصوتها غليظ حدود (٤) اوكتاف واقل من الفيولا بى درجة الكونترباص؛ كبيرة العايلة طويلة ( ١٨٠) سم احيانا يتم العزف عليها على الواقف ( صوت باص) ولا يتم العزف عليها منفردة وكل الاربعة ديل بتلقى فيهن شكل حرف(f)
شايف كيف يا احمد
حاجة بسيطة منك وخلت الناس كلها تعرف المعلومة. ايوه ياخي ثقفوا الناس وعلموهم.
Post: #33 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-05-2020, 01:59 AM Parent: #32
Quote: الشيخ سيد احمد يا حبيبنا ...
جمال في جمال ...
بوست بديع زي كل الناس الفيهو ...
و حلفت ما اجيك ايدي فاضية ...
دي في الشلطي طاب لينا السمر بصوت ابو داؤود في جلسة خاصة ... طلعت للحبايب ...
قبة يا حبيبنا يا مبدع
ده ترف راسو عدييييييييل.
يا قبة انا كنت متوقع مفاجأة ...لقيتك اصبتني بالدهشة.
ياخي ايدينك الاتنين مليانات مش يد واحدة...
بعدين "ابوداؤود" اذا غنى ليك: دجاجي يلقط الحب ويجري وهو فرحان برضو ح تشعر بتطريب عالي.
تسلم يا قبة على الجمال.
Post: #34 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-05-2020, 05:12 AM Parent: #33
Post: #35 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-05-2020, 12:36 PM Parent: #34
Quote: قبة يا حبيبنا يا مبدع
ده ترف راسو عدييييييييل.
يا قبة انا كنت متوقع مفاجأة ...لقيتك اصبتني بالدهشة.
ياخي ايدينك الاتنين مليانات مش يد واحدة...
بعدين "ابوداؤود" اذا غنى ليك: دجاجي يلقط الحب ويجري وهو فرحان برضو ح تشعر بتطريب عالي.
تسلم يا قبة على الجمال.
الله يسلمك يا ملك ...
و فعلا ابو داؤود براو ... ما عنده شبه ...
و كما قال عنه المرحوم البروف علي المك ... عبد العزيز لو غنا غنى الغير بستعمرو ... و يمسخ عليك الاصل ...
Post: #36 Title: Re: andquot;قبانيandquot; يا حبيبنا..ان شاء الله ألقى Author: اخلاص عبدالرحمن المشرف Date: 07-05-2020, 01:16 PM Parent: #35
جمال منقطع النظير. مرة تلفزيون السودان جابها صوت فقط ، لو التسجيل ده في ما ( ضاع ) تكون محظوظين
Post: #37 Title: Re: andquot;قبانيandquot; يا حبيبنا..ان شاء الله ألقى Author: Ahmed Yassin Date: 07-05-2020, 01:34 PM Parent: #36
معاوية وقباني جماعة الاسناد الماسك الناحية الغربية من النيل.. وفي قول اخر .. جماعة الامتاع والمؤانسة محمد ابىاهيم نقد قال لى غسان شربل ..نحن ناس بنسهر ونسمر لامن ديكنا يصيح ابوداؤد بعد ما سجل( انشودة) في القسم العربي لاذاعة كولون بالمانيا.فوجىء وهو خارج بكل العاملين في الاذاعة من مهندسين وفنيين وعمال.. واقفين صفين ويصفقوا واستمر التصفيق الى ان غادر.. اعجابا بهذا الصوت الاذاعي الفريد .. هذه الهبة الربانية بنسمع عن ( حبال صوتية) وهم اصلا ( حبلين) فقط وليس حبال كما جرت التسمية هل تتخيلوا ان الحبلين ديل فيهم ( ١٠) اوزان من اوزان الحنجرة وابوداؤد يمتلك منهم ( ثمانية)
Post: #38 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-05-2020, 02:49 PM Parent: #37
Quote: اجراس المعبد عود
الله الله عليك يا معاوية
ياخي احبك ياخي
مع المتعة والتطريب العالي من المعلم "ابو داؤود" وريشة الفنان "برعي" والعزف العججيب.
ما تنسوا عازف الايقاع..عامل شغل رهيب... لكن الى الان ماعارفين من هو عازف الايقاع العجيب ده.
شكرآ معاوية على هذا الجمال...
مرة تانية ..احبك ياخي.
Post: #39 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-05-2020, 02:54 PM Parent: #38
Quote: الله يسلمك يا ملك ...
و فعلا ابو داؤود براو ... ما عنده شبه ...
و كما قال عنه المرحوم البروف علي المك ... عبد العزيز لو غنا غنى الغير بستعمرو ... و يمسخ عليك الاصل ...
قباني يا حبيب
لسان حالنا دائمآ معاك هل من مزيد. شكرآ معتق.
Post: #40 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-05-2020, 02:59 PM Parent: #39
Quote: جمال منقطع النظير. مرة تلفزيون السودان جابها صوت فقط ، لو التسجيل ده في ما ( ضاع ) تكون محظوظين
صدقتي يا اخلاص
جمال غير عادي. وكل من مر من هنا ....نثر شيئآ الجمال.
Post: #41 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-05-2020, 03:10 PM Parent: #40
Quote: معاوية وقباني جماعة الاسناد الماسك الناحية الغربية من النيل.. وفي قول اخر .. جماعة الامتاع والمؤانسة
يا سلام يا احمد
فعلآ قباني هو صانع الدهشة في منبر حبيبنا بكري "اب صلعه"...
لكن المفاجأة كانت في حضور معاوية الباذخ بهذا الألق ..انا ما عارف معاوية ده "مندسي" في ياتو "حفرة" وقاعد يمزمز لوحده في الالحان دي...تعب معاي بعد ده هههههه.
Quote: بنسمع عن ( حبال صوتية) وهم اصلا ( حبلين) فقط وليس حبال كما جرت التسمية هل تتخيلوا ان الحبلين ديل فيهم ( ١٠) اوزان من اوزان الحنجرة وابوداؤد يمتلك منهم ( ثمانية)
ايوه يا احمد ياسين ...بالله ادينا بي الحتة الفيها الحديدة... خلينا نتثقف ونعرف الحاجات وتفاصيلها وننتعلم عن المزيكة. شكرا.. على هذه النفحات التثقيفية.
Post: #42 Title: Re: andquot;قبانيandquot; يا حبيبنا..ان شاء الله ألقى Author: عمر نملة Date: 07-05-2020, 04:21 PM Parent: #41
سلام ومحبة بصراحة الغنية جميلة لكن الولد دا غناها أجمل و امتع حسب سمعي
Post: #43 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-05-2020, 04:49 PM Parent: #42
حيا الله عمر تملة
Quote: بصراحة الغنية جميلة
شفت كيفن بالله يا عمر..طرب عالي جدآ.
يعني انا قباني اذا اداني تربيزة في البوفيه بتاع "مكتبة الاغنية السودانية" ح اطلع ليكم حاجات عجيبة.
وكمان اذا لاقيت ليك معاوية في ملف كده..ح اخليهو ليك يدخلني معاهو الحفرة الغاطس فيها دي هههههه.
Quote: لكن الولد دا غناها أجمل و امتع حسب سمعي
ياتو ولد يا عمر ؟؟ افصح يا رجل.
Post: #44 Title: Re: andquot;قبانيandquot; يا حبيبنا..ان شاء الله ألقى Author: عمر نملة Date: 07-06-2020, 01:56 AM Parent: #43
يا شيخ يا سميع الود على ساجوري يا ريت تسمعها بالسماعات اثنين اقتنعت بيهم هم على ساجوري و احمد فتح الله https://youtu.be/g-_4uQKWPFghttps://youtu.be/g-_4uQKWPFg
Post: #45 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-06-2020, 02:16 AM Parent: #44
Quote: قباني يا حبيب
لسان حالنا دائمآ معاك هل من مزيد. شكرآ معتق.
الشيخ يا ملك ...
موجود المزيد .. انت تطلب و نحن نجيب ...🙂
Post: #46 Title: Re: andquot;قبانيandquot; يا حبيبنا..ان شاء الله ألقى Author: اخلاص عبدالرحمن المشرف Date: 07-06-2020, 04:23 PM Parent: #45
سبحان الله سبقتني يا نمول يا احمد علي ساجوري ده سمعت له قبل ثلاثة يوم و لحد الان مدور في رأسي ، الفطن الوسيم واعطف علي يا ريم ، ابداع . عاوزه اعرف نوع صوته ، زول برضو بعزف عود فنااااان
Post: #47 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-06-2020, 07:06 PM Parent: #46
با نملة
.
Quote: على ساجوري و احمد فتح الله
البوست ده فيهو ناس حلوين وفنانين.
يعني قصة تجيب لينا "كود ناقص" ..مابنفع كده ههههههه.
نزل لينا الشغل كامل هنا... خلي الناس تسمع.
Post: #48 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-06-2020, 07:09 PM Parent: #47
Quote: الشيخ يا ملك ...
موجود المزيد .. انت تطلب و نحن نجيب ...🙂
والله ياهو عشمنا فيك....وعارفننك قدر قولك..
تسلم حبيبنا.
Post: #49 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-06-2020, 07:15 PM Parent: #48
Quote: يا احمد علي ساجوري ده سمعت له قبل ثلاثة يوم و لحد الان مدور في رأسي ، الفطن الوسيم واعطف علي يا ريم ، ابداع . عاوزه اعرف نوع صوته ، زول برضو بعزف عود فنااااان
شوقتونا يا اخلاص
جيبو ليننا الاغنية هنا ....خلونا نسمع معاكم.
Post: #50 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-06-2020, 07:43 PM Parent: #49
طيب يا جماعة خلونا نمشي لي قدام شوية. البوست ده طبعآ مروا فيهو ناس حلوين كتيرين. كل واحد يأتينا بنموذج لأغنيتين او ثلاثة هو/ هي تعتقد/يعتقد انها من اجمل ماسمع من الغناء . المطلوب اغنيتانن لي ثلاثة اغاني..ولكن اذا في اكثر من ذلك فهو يصب في مصلحة القارئ لمزيد من المتعة. الكلام ده ليس حصرآ على من مر من هنا فقط...يعني الدعوة لاي عضو بما فيهم ..حبيبننا "بكري اب صلعة" .. .يا بكري اذا مريت من هنا ممنوع تجيب نموذج من الحلفاية لا اغنية ولاقصيدة ..لانو انا في بالي "جماع" واغنية على الجمال. انا ح ابدأ ليكم بي نموذج اول...من اغنيتين للموسيقار وردي.
Post: #51 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-06-2020, 10:38 PM Parent: #50
الشيخ سيد احمد يا جميل ...
المصيبة الاجمل دي صعبه شديد ... انا شخصيا كل ما اسمع اغنية من اغاني وردي او عثمان حسين او عبد العزيز اقول دي اجمل ما غنوا .. و بعدها اسمع منهم شي تاني و اقول لا دي الاجمل ... زي قصة سيدنا ابراهيم و هو يبحث عن خالق الكون ...
المهم يا عزيزي ... بدل الاجمل حقوا نقول الاقرب الى نفسك ... و كمان دي صعبه لانها ممكن تتغير مع تغير الحالة المزاجية ...
عموما اختياراتي التلاتة كما يلي بدون ترتيب و ده بعد ما ظلمت كابلي و الكاشف و خدر بشير ووووووو يا الشيخ .. ياخ غنانا سمح ... المهم .. عليك يا الله :) ....
عثمان حسين لا وحبك ... مع بازرعه ..
و وردي .. المستحيل مع اسماعيل حسن ...
و عبد العزيز .. مساء لخير يا أمير .. مع الشاعر العطبراوي علي ابراهيم ...
Post: #52 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-06-2020, 11:24 PM Parent: #51
Quote: بدل الاجمل حقوا نقول الاقرب الى نفسك .
جميل يا قبة
تعديلك في محلو....
كسرة: يا قبة انت الزول الوحيد المحترف الدخل البوست... وجاء بعدك "الفلتة" معاوية هههههههه. وشوية ذواقين وموسيقار واحد "احمد ياسين" جانا غاشي البوست.
عشان كده يا قبة...انت لا تخضع لمقاييسنا نحن"الذويقة"..شفت كيفن انا طماع هههههه.
يعني اذا نحن كل واحد جاب ليه ثلاثة نماذج... انت تجيب ليننا تسعة نماذج...
كذلك ادراج النماذج في مداخلة واحدة يعتبر نموذج واحد "برضو" طمعآ في المزيد...
طبعآ يسمح بادراج تسجيلات نادرة ضمن النماذج لمزيد من المتعة
غايتو صعبتها عليك قبة يا حبيبنا ...وفي نفس الوقت اديناك مساحة اكبر للاختيار. ده كلو لمزيد من نثر الجمال.
كسرة اخيرة: طبعآ خياراتك الاتحفتنا بيها ما كان ممكن تكون اقل من كده.....رووووعه
Post: #53 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-06-2020, 11:32 PM Parent: #51
نطلع شوية من المألوف نحاول نجيب حاجات حاوة مدفونة يمكن ناس كتار ما سمعوها و ما وجدت نصيبها في الاذاعة زمان
كبرياء ( ما بتنشتل الزهرة في الأرض اليباب ) الفنان السوداني عثمان مصطفي كلمات : أبو أمنة حامد الحان : بشير عباس
ما بتنشتل الزهره في الأرض اليباب وما كل نجمه تضوي ليل ولا كل سحابه بتنهمل.... طمعت انت محبتك في الشوق... في الخير .. وفي الامل اهو انت لا قادر تعود من تاني تنساه ولا قادر تصل ليه يتموك اتناسوا في جرح الليالي محبتك خلوك وحيد ما راعوا حرمة عشرتك ومودتك ليه تظلم الزمن البريء هم شتتوك ما شتتك ليه لوعتك ما قلنا يا حنين زمان ....ما بتنشتل يا الكبرياءك في شموخو استعصي حتي علي الزمن ما تحني هامتك انت عزة نفس تظهر في المحن الحب تبادل في الحنان ما قسوه ما فرقة شجن ولو يظلموك ما قلنا يا حنين زمان .... ما بتنشتل
Post: #54 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-06-2020, 11:48 PM Parent: #53
تذكار عزيز كلمات مصطفى عبدالرحيم .. غناء إبراهيم عوض جرحي الأليم الشايلو تذكار طول حياتي أسى وهموم جرحي الدفين العذبك يا قلبي طول عمرك أنين داريتو في الأعماق سنين غنيتو للعشاق حنين شكوى وشجون غنيتو أصدق أغنيات أصبح مجرد ذكريات وين الصلات وين الشموع الفي دروبنا منورات وبقت هموم أصلو القلوب الهايمة تعبد في الجمال بتضيع سنينها الحلوة بالريد إبتهال ولهانة تحلم بالوصال مسكينة تحلم بالمحال لي متين بتبني قصور رمال ما كفاية يا قلبي الجمال خلاك تذوب شكوى وسهر ودر شباب عمرك هدر شال النضارالكان مفرهد ومزدهر خلا الشقا وخلا اليباب الكل ثانية بعيشو لحظات من سراب أحسو في روحي إغتراب أحسو شوق وشقا وعذاب نار في الضلوع وجرح أليم
Post: #55 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-06-2020, 11:58 PM Parent: #53
Quote: نطلع شوية من المألوف نحاول نجيب حاجات حاوة مدفونة يمكن ناس كتار ما سمعوها و ما وجدت نصيبها في الاذاعة زمان
يا معاوية ...اول مرة اسمع الاغنية دي.
يا زول انت حفرتك "الغاطس" فيها دي اظنها جوه حوش الاذاعة.
ابقى مارق بس ..تاني مافي ليك راحة.....
انت برضو زي قباني مافي ليك عدد محدد من النماذج ...
قدر ماتقدروا اتحفونا بس..
Post: #56 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-07-2020, 00:29 AM Parent: #55
كلمات و الحان و غناء بشير عبد العال ياسلوى قلبي شن سوى من صبري من جوه ساقو الشوق بالقوه سقاه مر الريد والخوه ******** تبع الشوق مشوار بعيد فيه عانى وتعب شديد من شقاه ما هو السعيد لقاه راح عليه الريد ******** مسكين قلبي مكسور الخاطر يا حليل الزمن البجبر خواطر أصبح ذكرى ما بعوضه الحاضر ذكرى اطول من عمري يا هاجر ******** تمام الزمن غدار غدر بي جار خلى دموعي زي الأنهار عشت الليل بدون نهار
فنان مغمور من ابناء كوستي كان يحب الفنان ابراهيم عوض و يقلده و له ايضا اعماله الخاصة التي يكتبها و يلحنها و يؤديها عازفا علي الة الجيتار لكن سلوي دي بالذات دخلت مزاج ابراهيم عوض و غناها مقلدا لبشير
مكتوب حفل كوستي لكنها كانت في ام درمان و ناس السيرة جايين من كوستي لاحظ في البداية ابراهيم عوض رحب بناس كوستي و اهداهم الاغنية بعد عرف انو بشير من ناس كوستي
يقال ان هذه اجمل حفلات ابراهيم عوض علي الاطلاق غني فيها بمزاج شديد و دي كانت اول حفلة ليهو بعد العودة من الاغتراب في السعودية
شريط الحفل كامل موجود
Post: #57 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-07-2020, 00:46 AM Parent: #56
Post: #58 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-07-2020, 00:48 AM Parent: #57
كفاكم ما تشرقوا
Post: #59 Title: Re: andquot;قبانيandquot; يا حبيبنا..ان شاء الله ألقى Author: نادر الفضلى Date: 07-07-2020, 01:22 AM Parent: #58
Quote: مكتوب حفل كوستي لكنها كانت في ام درمان و ناس السيرة جايين من كوستي لاحظ في البداية ابراهيم عوض رحب بناس كوستي و اهداهم الاغنية بعد عرف انو بشير من ناس كوستي
يقال ان هذه اجمل حفلات ابراهيم عوض علي الاطلاق غني فيها بمزاج شديد و دي كانت اول حفلة ليهو بعد العودة من الاغتراب في السعودية
معاوية
تحياتى
أذكر تلك الفترة جيداً .. كانت هنالك حفلة بالفعل بكوستى للفنان الذرى إنتشرت شرايطها بالعاصمة .. وكان أهم ما فيها أن الجمهور إزدحم بالمسرح وبمرور الوقت أحاط بخشبة المسرح، فكان الذرى اثناء غنائه يردد ورا .. ورا .. أى يقول لمعجبيه أرجعوا للوراء وصادفت أثناء أغنية يا سلوى .. فى التسجيل الذى أنزلته لم تكن مصادفة أن يحيى الفنان الذرى إبراهيم عوض زوار كوستى بحفل الزواج بأمدرمان ويغنى يا سلوى ويردد الجمهورمنذ بداية الأغنية .. ورا .. ورا
أذكر بعد حفلة كوستى تم تطبيق نظام الحفلات تنتهى الساعة 12 ليلا وكنا فى حفلة بهية زواج فى إحدى ساحات حى الملازمين بأمدرمان حفلة فيها كل مقومات حفل لتنتهى مع شروق الشمس وبالفنان الذرى. جات الساعة 12 بالليل وتوقف الغناء والعازفين لملمو العدة .. من الذين كانوا يحنسون الذرى ليواصل كان فى واحد منتشى وسكران قال ليهو يأ إبراهيم عوض فى حفلة كوستى الكنتا بتقول ليهم ورا .. ورا دا ما أنا دا الفى أولهم .. ياخ عليك الله أعمل لينا فاصل إنفجر الذرى ضاحكا وقلد معجبه مع تعليق ساخر.
فحفلة كوستى حقيقة
Post: #60 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 04:07 AM Parent: #59
Quote: غايتو صعبتها عليك قبة يا حبيبنا ...وفي نفس الوقت اديناك مساحة اكبر للاختيار. ده كلو لمزيد من نثر الجمال.
كسرة اخيرة: طبعآ خياراتك الاتحفتنا بيها ما كان ممكن تكون اقل من كده.....رووووعه
تأمر امر يا الشيخ ...
و اوعدك بالمزيد ... و على راي (توقيع) زول طويل رد الله غربته صديقي و زميل عمل في المكتبة ... "جنّي جن التسجيلات الكعبة" :)
هاك عربون محبة .. من التسجيلات المحببة الى قلبي جداً ...
Post: #61 Title: Re: andquot;قبانيandquot; يا حبيبنا..ان شاء الله ألقى Author: عمر نملة Date: 07-07-2020, 05:24 AM Parent: #60
Post: #64 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-07-2020, 12:43 PM Parent: #63
قبة يا حبيب
Quote: هاك عربون محبة .. من التسجيلات المحببة الى قلبي جداً ...
معقول ده عربون..يازول دي صفقة "ود و محبة" مكتملة الاركان والشهود.
بعدين التسجيل ده تحديدآ يا قبة..انا سمعتو مرة واحدة قبل فترة طويلة جدآ .. واكتر اغنية عجبتني " انت صاحي ولا نايم ولاطرفك من طبعو نعسان"..اداء عجيب من "بت طلسم "هادية" ..حاول برضو ادينا ليها هنا بالله في شكل مشاركة ما يطلبه الممستمعون ههههههههههه. اظنو التسجيل كان قبل كاسيت "حبك للناس" الفيهو "الموصلي مع الكابلي والبلابل.
اخليك مع الزول العججيب ده.
Post: #65 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-07-2020, 01:01 PM Parent: #64
عمر نملة
شفت التسجيل الجابو معاوية.... طبعآ ماعندي تعليق غير : صوت المزيكة جميل ... لكن يا عمر نملة في نوع غناء مابينفع فيهو "الجري" يعني فنان يكون "ساكي" الغنية ...يعني يسرع في الايقاع والعزف. لكن برضو نرجع ونقول انو "عمر نملة" طلع زول سميع واضانو نضيفة ههههههه. كدي حاول ارجع اسمع تاني التسجيل بي النسخة الجابها "معاوية" بتاعة "تلودي ونادية البنا" وشوف النناس دي كانت سايقة الاغنية كيف وشوف كمية التطريب العالي...
خليك قريب البوست لسه فيهو كميات من الدهشة متوقعنها من حبيبننا "قبة" والجميل "معاوية".
ممنون لمرورك ...
Post: #66 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 03:23 PM Parent: #65
Quote: واكتر اغنية عجبتني " انت صاحي ولا نايم ولاطرفك من طبعو نعسان"..اداء عجيب من "بت طلسم "هادية" ..حاول برضو ادينا ليها هنا بالله في شكل مشاركة ما يطلبه الممستمعون ههههههههههه.
تعرف يا الشيخ ... مرة سمَّعت كابلي في التلفون (تاني ريده) التسجيل الفوق ده ... قال ليها شغلها تاني ... سمعتها ليو تلاته مرات .. قال لي التسجيل ده انا ما عندي منه نسخه ... ده قبل ما ارفعها في يوتيوب ... رسلتها ليهو ... انا شلتهم من شريط كاسيت قديم كان عندي ... و معاهم كم حاجة تانيات ...
للاسف انت حكمة بس ما غنوا الاغنية كاملة ... لكن قدر الغنوهو ابداع لا نهائي ...
هاك مقطع انت حكمة ... كلمات عمك الأمّي ...
Post: #67 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 03:44 PM Parent: #66
كان في الشريط ... البتوحي الناس العيون ... رائعة الكاشف و عبيد عبد الرحمن ...
Post: #68 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 03:46 PM Parent: #67
و لا امل سماعها بصوت صديقي البديع الدكتور ياسر مبيوع ..
Post: #69 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-07-2020, 05:45 PM Parent: #68
يا قبة
عندنا قريبنا مدمن الاستماع لي كابلي.. مرات كنت بكون قاعد اسمع معاهو في كابلي...عنده فهم غريب لي سمع غناء كابلي...فال لي "كابلي" تسمعو في المساء فقط.. يعني بعدما تتعشى وتشرب شاي بعد العشاء ..تمشي على حوش الديوان..وتكون "ملاية" السرير يتلاعب بها الننسيم هههههههههه تقعد تسمع بي مزاج و في هدوء.
Quote: انا شلتهم من شريط كاسيت قديم كان عندي ... و معاهم كم حاجة تانيات ... للاسف انت حكمة بس ما غنوا الاغنية كاملة ... لكن قدر الغنوهو ابداع لا نهائي
اها نحن منتظرين ال "كم حاجة تانيات" دي ههههههه. مع انو اغنية"انت صاحي" فيها ملمح بس من الاغنية لكن تشعر انو فيها تطريب عالي .
Quote: و لا امل سماعها بصوت صديقي البديع الدكتور ياسر مبيوع ..
يا سلام على د.ياسر مبيوع ..ده زول فنان ...انت عارف اول مرة اسمعو في "لبنان - بيروت" عن طريق كاسيت جابو زول وختاهو في المسجل وتاني ما طلع خالص من المسجل ... تعرف يا يحيى التسجيل ده ايام دراسته في "سوريا"..فيهو مجموعة اغاني... لكن الاغنية القدم فيها تطريب عالي جدآ جدآ اغنية "الجابري" (مانسيناك)...خليه يديك نسخة من الكاسيت..طبعآ قدر ما اوصف ليك مقدار التطريب الفي الاغننية دي والناس البكت مع الاغنية (الناس البكت مش في الكاسيت ..البكايين البسمعو ) :) ما ح تقدر تتخيل...اداء كان روووووووعه.
يا قبة برضو ماتنسو الزول الجميل ده..."العميد" احمد المصطفى
Post: #70 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-07-2020, 07:52 PM Parent: #69
طيب ياقبة خلونا نمشي على بحري في النقلة دي..(خضر بشير) الزول ده..عندو فدرة على تطريب نفسو اول شئ وبصورة تلقائية انت تتأثر وتصل معاهو مرحلة من الطرب العجيب. انا غايتو قاعد احس بي نفس صوفي كده في غناء الزول ده.. ماعارف يا يحيى اذا كان الزول مادح قبل مايكون مغني ولا شنو؟؟
اصلو ما حصل لاقاني ليهو تسجيل بالعود.. ياخي ده كان ح يكون طرب من نوع تاني.
وزي ما قال معاوية خلينا كده نجيب سيرة مختلفة ولون مختلف المرة دي.
كدي اسمعو الزول ده.
Post: #71 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 08:14 PM Parent: #70
Quote: اصلو ما حصل لاقاني ليهو تسجيل بالعود.. ياخي ده كان ح يكون طرب من نوع تاني
خضر بشير ظلموا الاعلام من اذاعة و تلفزيون ... اظهروه في ناس الله فوق زوزو و كانها اغنيته الوحيده .. و تجاهلوا عظام اغانيه ... و كذلك سيد خليفه الذي تم اظهاره ايضا و كانه لم يغني سوى ازيكم ..
الاوصفوك شحدها شحده من عتيق و عتيق لم يكن انها قابله للتلحين و الغناء ... :)
Post: #72 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 08:15 PM Parent: #71
و ليك المدحة الرائعه دي ... مدحة لاموني احب هنداً وميّ ..
Post: #73 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 08:16 PM Parent: #72
وجه القمر سافر ...
Post: #74 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 08:18 PM Parent: #73
برضي ليك المولى الموالي ... العبادي و الحاج سرور ...
Post: #75 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 08:24 PM Parent: #74
الشاعر المهول مصطفى بطران و من الحان الحاج سرور ... الحاج سرور او كما كانت تقول والدتي رحمها الله .. انا في عرسي غنى لينا (الحاج) .. و كأن لم يكن هناك حاج غير محمد احمد سرور ... كانت تفتخر بذلك .. رحمهم الله جميعاً ..
( هناك تداخل في الابيات من خضر بشير ... و النتيجة ايضا ابداع في ابداع ...)
زمن الربيع حلا ......... فتح الزهر بسام بى طيب شذاه الفاح ........يتجول النسام
في دروب وصاله أشوف .....كم دمى ليها انسام كم من فؤاد انصاب........بنبله أو بحسام عزت على الإدراك ..... ضمنت معاني جسام جلت على التصوير..... صعبت على الرسام
تلقى العباد تائهين .... مابين مسرح وهام من كان حياته غرور ....مملوءة بالأوهام أنا في شقاي ولهان .... ما واجد الإلهام أقضى الليالي حزين .... عاضض على الإبهام
مهما يجينى خيال ........ما بكون لدى إلمام أرسل خيالي يغوص....يرجع لي ماهو تمام اصف المناظر صيد ..... واصف السباته تمام وارجع وأقول دا النيل....... الفيه وز وحمام
عكر على هناى ..... واتعب فؤادي غرام شادن يميس ويتيه ....ما بين مها وأرام طرفك سقيم يا صغير ... لا تعوده الإجرام واعلم بان الموت ...... عمدا يعد حرام
ما بنسى لحظا كان .....بينه وفؤادي صدام قــــطع الفؤاد نصفين ....وافاه من قدام أنا ما بخاف من شئ... . والقى الصعاب مادام معسول سناه رحيق .... وسهام عيونه مدام
جاد الزمان بالخير .... وضاءت لنا الأيام زار العشم أرواحنا ....وهام معاها هيام قامت رجال الدين ..... بواجبها خير قيام قسمو السرور نصفين .... ما بين قصور وخيام
نارت نفوسا كانت ....سابق غشاها ظلام وقرانك يا المحجوب .... حقق لها الأحلام دمت النعيم يغشاك .... مع السرور في سلام يدوم بهناك للناس .....وعزة الإسلام
Post: #76 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-07-2020, 08:26 PM Parent: #75
و دي يا الشيخ من اجمل الاغاني التي لم تاخذ نصيبها من الشهره ...
من كلمات سيد عبد العزيز و الحان كرومه و غناها عوض شمبات بمفرده ...
يامنار المعاني الطيبة:
Post: #77 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-07-2020, 09:21 PM Parent: #76
يا قبة
كدي خلينني ارد عليك واحده واحدة.
Quote: الاوصفوك شحدها شحده من عتيق و عتيق لم يكن انها قابله للتلحين و الغناء ... :)
يا قبة انا سمعت الاغننية دي بصوت "صلاح بن البادية" واظنو تسجيل منصفون ..اذا ما خانتني الذاكرة.. معنى كلامك ده انو الاغنية صاحبها الاصلي هو "خضر بشير" وليس "ابن البادية"!! كدي صحح لينا المعلومة دي بالله.
Quote: و ليك المدحة الرائعه دي ... مدحة لاموني احب هنداً وميّ ..
قلت ليك الزول ده مادح اظنو قبل مايكون فنان... لاننو لاحظ في الابيات الفيها تفكر في خلق الرحمن والدعوة للتأمل في درجة إتقانه..تشعر انه في عالم تاني. المادح او "المنشد" بيقولو عليهو "عشق" ( بكسر العين والشاء ) من يؤدي تتلبسه حالة من التعايش الكامل المتكامل لما يتفوه به... وهي صورة يقابلها في الغناء "الطرب"
Quote: و دي يا الشيخ من اجمل الاغاني التي لم تاخذ نصيبها من الشهره ...
من كلمات سيد عبد العزيز و الحان كرومه و غناها عوض شمبات بمفرده ...
يامنار المعاني الطيبة:
انت يا قبة بتجيب الغناء ده من وين؟؟ معاوية برضو جاب لينا نموذج لاغنية "عثمان مصطفى" اول مرة اسمعو.. الاغنية الانت جبتها دي اظنو "معتصم فضل"زاتو ما سمع بيها :)
Post: #78 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-08-2020, 00:20 AM Parent: #77
Post: #80 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-08-2020, 00:51 AM Parent: #78
https://soundcloud.com/mu-2Murtada. · https://soundcloud.com/mu-2/srwyvqogvp83خاطبتو بي لغة الهوى - عتيق - خضر بشير - عود
لغة العيون محمد بشير عتيق لحن و غناء خضر بشير (1945)
Post: #79 Title: Re: andquot;قبانيandquot; يا حبيبنا..ان شاء الله ألقى Author: Ahmed Yassin Date: 07-08-2020, 00:24 AM Parent: #77
ارحل التجاني سعيد.. المقل في شعره الغنائي ..هذه و( من غير يعاد) ستظل ( ارحل) هي قمة الرومانس .. في حب الوطن وبالابتعاد والرحيل عنه في ( بدون عينيك بصبح زول بدون ذكرى ... بدون ميلاد) دي منتهى الحب ومنتهى الوجدان الانساني .تبدأ الاغنية بيأس . ومن ثم يعود لتلك العينين هربا منها اليها اللحن والمقدمة تجديد في شكل القالب والبناء اللحنى والاداء .. بداية اللحن الاستهلالي المقدمة الخرافية الساحرة ايقاع بطىء ولكن قوة موسيقية وحتى لا يكون التكرار رتيبا يتدخل الاكورديون ليعيد نفس الجملة اللحنية..وهنا تبدأ مجموعة الوتريات .. ومن ثم تشترك كامل الاوركسترا في هذه المقدمة .....وتستمر . ويدخل وردي بصوته ( التينور) ليغني ( قلت ارحل). اسوق خطواتي من زولا نسى الالفة. ..." قرار بالرحيل" تبطىء الاوركسترا ليكرر وردي نفس البيت لكن بدون ( قلت) ليوضح ان الرحيل قد تم وانتهى و
Post: #82 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-08-2020, 01:21 AM Parent: #79
إجابة كلمات محمد بشير عتيق (1944) لحن و غناء خضر بشير اشتهرت الاغنية باسم كنت معاهو هسه
قال عتيق في ديوانه قابلني احد الاصدقاء في الطريق و بعد التحية و المجاملة سألني اين كنت و هو يعلم بأن هناك علاقة عاطفية بيني و إحدي الحسان فأجبته كنت معاهو هسه و اكمل القصيدة
Post: #81 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-08-2020, 00:57 AM Parent: #77
Quote: يا قبة انا سمعت الاغننية دي بصوت "صلاح بن البادية" واظنو تسجيل منصفون ..اذا ما خانتني الذاكرة.. معنى كلامك ده انو الاغنية صاحبها الاصلي هو "خضر بشير" وليس "ابن البادية"!! كدي صحح لينا المعلومة دي بالله.
صحيح يا الشيخ ... صاحبها خضر بشير ... و اصلا عتيق و العهده على الراوي , كتبها بدري في الخمسينات و مشى بيها لابراهيم العبادي عشان يعتمدها ليهو قام العبادي قال ليهو قصيدتك دي دايره سمكره ما نافعه بي شكلها ده ... و عمك عتيق زي ما تقول اخد في خاطر و رجع بيتو في اب روف و رماها بي دفترها في دولابه ... الى ان جاء خضر بشير بعد سنوات و طلب من عتيق اغنية لانه ليو فتره ما غنى شي جديد ... فعتيق اعتذر و قال ليو ما عندي شي جاهز ... و عمك خدر شرب شاهيو و خلاص داير يمش ... عتيق قال ليو انتظر .. عندي قصيدة قديمة لكن العبادي قال دايره سمكرة و امكن ما تنفع لكن هاك ليها علي اي حال ... و دي يا الشيخ كانت الأوصفوك ...
Post: #83 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 01:49 AM Parent: #81
Quote: لغة العيون محمد بشير عتيق لحن و غناء خضر بشير (1945)
الله عليك يا معاوية...حاجة بديعة جدآ..
ودعني بي لغة العيون ودعتو بي قلبي الحنون.
بكا شديد :)
زي ما قال "قبة" خضر بشير ..ما اخد حظه من الاعلام.
تسلم ياخي.
Post: #85 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 02:17 AM Parent: #83
Quote: ارحل التجاني سعيد.. المقل في شعره الغنائي ..هذه و( من غير يعاد) ستظل ( ارحل) هي قمة الرومانس .. في حب الوطن وبالابتعاد والرحيل عنه في ( بدون عينيك بصبح زول بدون ذكرى ... بدون ميلاد) دي منتهى الحب ومنتهى الوجدان الانساني .تبدأ الاغنية بيأس . ومن ثم يعود لتلك العينين هربا منها اليها اللحن والمقدمة تجديد في شكل القالب والبناء اللحنى والاداء .. بداية اللحن الاستهلالي المقدمة الخرافية الساحرة ايقاع بطىء ولكن قوة موسيقية وحتى لا يكون التكرار رتيبا يتدخل الاكورديون ليعيد نفس الجملة اللحنية..وهنا تبدأ مجموعة الوتريات .. ومن ثم تشترك كامل الاوركسترا في هذه المقدمة .....وتستمر . ويدخل وردي بصوته ( التينور) ليغني ( قلت ارحل). اسوق خطواتي من زولا نسى الالفة. ..." قرار بالرحيل" تبطىء الاوركسترا ليكرر وردي نفس البيت لكن بدون ( قلت) ليوضح ان الرحيل قد تم وانتهى
حيا الله حبيبنا احمد
طبعآ "ارحل" دي اغنية ما اظن يختلفو فيها اتنين...
انت عارف انا احب جدآ اسمع الغنا بالعود...لكن غناء "وردي" اذا سمعتو بالعود فقط بتكون حرمت نفسك من متعة شغل الفرقة العجيب والصولات بتاعة الالات ... يعني تسمع بالعود والفرقة كاملة.
عشان كده ح اجيب ليك برضو نموذج بالعود من "مصطفى سيداحمد" غناها بتطريب عالي جدآ.
وهنا "ارحل" بصوت مصطفى سيداحمد بالعود.
Post: #84 Title: Re: andquot;قبانيandquot; يا حبيبنا..ان شاء الله ألقى Author: Moawia Mohammed Date: 07-08-2020, 01:54 AM Parent: #81
مهما أمري يهون عليك كلمات - محمد محمد صالح بركيه ألحان - موسى محمد ابراهيم غناء - بهاءالدين عبدالرحمن ابوشلة
الراحل بهاء الدين عبد الرحمن أبوشلة من الأصوات القوية التي أدت قصة ثورة ( الملحمة ) مع الأستاذ محمد الأمين ضمن المطربين عثمان مصطفي و خليل إسماعيل و أم بلينا السنوسي
الراحل من أبناء الموردة وكان يعتبر نفسه هاويا وكان من كبار الموظفين بوزارة الاسكان إعتزل الغناء مبكرا و أوقف أغانيه بالإذاعة
نجح الراحل بهاءالدين في الجزء من الملحمة الذي تقول بعض أبياته: (والشارع ثار وغضب الأمة اتمدد نار) في التسجيل الاصلي نجح بهاء الدين بأدائه التعبيري وكان متميزاً بينما تضم الملحمة نجوماً كباراً في عالم الغناء
أما ملحن الأغنية الموسيقار موسي محمد إبراهيم فهو يحتاج الي بوست لوحده هذا الرجل الذي ساهم في ادخال الموسيقي العسكرية و ألاتها النحاسية في أوركسترا الاذاعة و كان له دور كبير جدا في الملحمة حيث ساعد في اللحن و التنويت بالاضافة لاستنفاره كل العساكر لانجاح العمل
هو اول و امهر عازف بيكلو في السودان و سار علي دربه الاستاذ اسامة بابكر
Post: #86 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 02:46 AM Parent: #84
Quote: و اصلا عتيق و العهده على الراوي , كتبها بدري في الخمسينات و مشى بيها لابراهيم العبادي عشان يعتمدها ليهو
يا قبة
يعني الشاعر الا يعتمدو ليهو القصيدة ..ولا كيف؟؟
معقول "عتيق" بعد ما كتب "ايام صفانا" يمشي يعتمدو ليهو قصيدة...
الكلام ده كان في ديوان الزولة الكتبو فيها "ياظبي الحجرة لاتؤاخذني فيما جرى":):) قالو كان ديوان عجيب يا قبة.
لكن كدي ارجع لي دفاترك تاني وورينا بالله ...هل القصيدة الا يتم اعتمادها عشان تطلع للناس.
Post: #87 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-08-2020, 02:51 AM Parent: #86
العبادي كان عنده ختم يا الشيخ ...
تشيل شعرك و تمش ليو ... يقرا و يعتمد و يختم كمان ...
انت قايل شعر الحقيبة ده خلّد لي شنو ؟
كانوا بتشاركوا و بتفاكروا و طبعا بجاروا زي نا عارف ...
Post: #88 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-08-2020, 03:06 AM Parent: #87
كدي هاك شوف لي عبدالعزيز بسوي في شنو هنا ...
و عاين مخارح الحروف الما خمج ...
Post: #89 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-08-2020, 03:12 AM Parent: #88
اما هنا يا الشيخ ... اسمع ديل بالترتيب .... ضروري ... اسمع بالاول وردي قال شنو .. ثم اسمع رسايل بعدها ... الجابري و الصادق الياس ...
Post: #90 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 03:19 AM Parent: #86
Quote: مهما أمري يهون عليك كلمات - محمد محمد صالح بركيه ألحان - موسى محمد ابراهيم غناء - بهاءالدين عبدالرحمن ابوشلة
بي الامكانت دي يا معاوية ..لازم يكون "ابو شلة" :) صوت جهور فعلآ..
Quote: هو اول و امهر عازف بيكلو في السودان
فعلا زول فنااااان جدا. عمل شغل جميل مع وردي..خصوصآ في اغنية "حبيناك من قلوبنا" في تسجيل الاذاعة القديم ...وردي اداهو مساحات عزف واسعة.. للاسف ما قدرت اطلع ليك النموذج. لكنن هاك ليهو هنا مع بعض الالات في التسليم بين الكوبيليهات لي وردي..
حاول جازف لينا يا معاوية تسجيل الاذاعة القديم "حبيناك من قلوبنا"
Post: #91 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 03:46 AM Parent: #90
Quote: كدي هاك شوف لي عبدالعزيز بسوي في شنو هنا ...
و عاين مخارح الحروف الما خمج ...
الله عليك يا قبة ...
فعلآ لوحة....وماتنسى برعي برضو عامل شغل رهيب.
زي ما قال "معاوية" عن ابوداؤود "سيد الرصة والمنصة"...
شكرآ يا قبة على هذا الألق.
Post: #92 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 04:03 AM Parent: #91
Quote: اما هنا يا الشيخ ... اسمع ديل بالترتيب .... ضروري ... اسمع بالاول وردي قال شنو .. ثم اسمع رسايل بعدها ... الجابري و الصادق الياس ...
وردي ما عندو مجاملة في المزيكا.... وفي نفس الوقت ما يتحرج اذا في شغل عجبو انو يجاهر بإعجابه...
وانا اتخيل لي دي كانت ثقافة جيل يا قبة...يعني الناس ديل كان فهمهم للغناء عميق ومقتنعين انو عندهم رسالة ...لذلك يتشاورو مع بعض ويسمعو غناء بعض ويقولو ملاحظاتهم عشان كده كان شغلهم نجيض و الى الان الناس بتغني في غناهم..
قالو الجابري كان بيقفل عليه الصالون ويغني لي نفسو... اتخيل لي درجة انك تسمع صدى صوتك وانت بتغني ...شوف الناس دي كان بتحب الغناء لي ياتو درجة.
يا الشيخ لو لقيت زمن عاين للبوستين ديل الاول عمل 23 صفحة و الثاني 13 كانوا في 2008م و كانوا بيترحلوا مع كل ارشفة بناء علي طلب القراء و الاعضاء الي ان انتهي بهما المقام في المكتبات اكيد الغناء المرفوع بيكون اتمسح لكن بتلقي كلام كتير عن الغناء السوداني
Post: #95 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 02:12 PM Parent: #94
Quote: يا الشيخ لو لقيت زمن عاين للبوستين ديل
حاضرين يا حلو ...ان شاء الله نلقى الوقت.
Quote: يا الشيخ لو لقيت زمن عاين للبوستين ديل الاول عمل 23 صفحة و الثاني 13 كانوا في 2008م و كانوا بيترحلوا مع كل ارشفة بناء علي طلب القراء و الاعضاء الي ان انتهي بهما المقام في المكتبات اكيد الغناء المرفوع بيكون اتمسح لكن بتلقي كلام كتير عن الغناء السوداني
اها يا معاوية نحن عايزين ناخد "عينات" ..مقتطفات زي مابقولو من كل بستان زهرة. انا اكاد اجزم ان النماذج التي اتيتم بها انت وقباني هناك عدد كبير من الناس لم يسمع بها... برضو في معلومات لأول مرة اسمع بها شخصيآ..لاحظ افادة قباني في شأن إعتماد القصائد ..وان العبادي هو من يمنح الضوء الاخضر للشاعر لنشر ما جادت به قريحته...
نموذج "معاوية" للفنان (ابوشلة) برضو اول مرة اسمع بيهو...
الخلاصة يا معاوية انو البوست فيهو احيانآ تناول مختلف عما جرت عليه العادة بإحتوائه على تلك النماذج المتميزة والمختلفة والجديدة في بعض الاحايين.
Post: #96 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 02:29 PM Parent: #95
طالما نحن في بحري ومشينا "شمبات" لي (خضر بشير)
خلونا نعرج على الدبيبة...ونغشى "احمد المصطفى" و"سيد خليفة"...
ونبدأ بي العميد "احمد المصطفى"...انا جبت ليكم نموذج فوق ولانو بحب الاغنية دي خالص ح اجيب ليكم النموذج تاني.. ومعاهو نموذج مختلف فيه اننتقالات وتغيير في اللحن .
وده نموذج تاني..."اهواك " بالعود.
Post: #97 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 02:39 PM Parent: #96
Post: #98 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-08-2020, 02:54 PM Parent: #97
مع انو غناء احمد المصطفى بالعود فيهو تطريب عالي.. لكن في الاغننية دي..الفرقة الموسيقية عملت شغل جميل جدآ لذا وجب جلب النموذج بكل هذا الجمع المتميز في العزف والاداء.
Post: #99 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-10-2020, 02:13 PM Parent: #98
خلونا اول حاجة نقول لي قبة ولي معاوية...مشكورين وكتر خيركم على النماذج...ةانت مشاركاتكم فعلآ مميزة. لكن الدعوات التي تلقيتها خلال اليومين الفاتو....ح يخلوني احاول ان ابعث الروح مرة اخرى في البوست.
Post: #100 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-10-2020, 02:21 PM Parent: #99
وبما اننا لسه في الدبيبة... ح نمشي لي سيد خليفة...
ونبدأ بي اسراب الحسان. بصوت سيد خليفة...
وهنا بصوت عصام ..
Post: #101 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-10-2020, 02:38 PM Parent: #100
في ربيع الحب...بالعود... تطريب عالي جدآ.
ربيع الحب تسجيل بكاممل الفرقة الموسيقية..
.
Post: #102 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-10-2020, 07:37 PM Parent: #101
"غيرة" او "على الجمال"...
Post: #103 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-11-2020, 03:35 AM Parent: #102
تحياتي شيخنا ...
ادريس جماع و ابو السيد ...
تعبيرات و انفعال سيد خليفة في الغنا شي بديع ...
Post: #104 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-11-2020, 03:38 AM Parent: #103
حسين عثمان منصور و ابو السيد واحده من اجمل ما غنى سيد خليفه .. من ممنوعات الانقاذ ... ليل و خمر و شفاه ...
Post: #105 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-11-2020, 03:40 AM Parent: #104
ولى المساء
عمنا حسن عوض ابو العلا و ابو السيد ...
Post: #106 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-11-2020, 03:43 AM Parent: #105
و واحده من الطف اغاني ابو السيد ... يا صديق ... كتبها عمنا مبارك حسن الخليفه .... و كانت مكتوبة عن و ل سيد نفسه ... و ذلك براوية الشاعر نفسه و هو والد صديقي الجميل د.ماجد ...
Post: #107 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-11-2020, 11:17 AM Parent: #106
Quote: تحياتي شيخنا ... ادريس جماع و ابو السيد ... تعبيرات و انفعال سيد خليفة في الغنا شي بديع ...
حيا الله حبيبنا قبة...
انا لسه في بحري وشرق النيل....
متوجه الى جارنا في حي الشعبية بحري الاستاذ "كابلي"
يا قبة الاغنية دي ما لقيت لي ليها تسجيل بالعود... كدي بعد تشرب شاي المغرب شوف لينا وين محلها.
Post: #108 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-14-2020, 06:12 PM Parent: #107
Post: #109 Title: Re: andquot;قبانيandquot; يا حبيبنا..ان شاء الله ألقى Author: امتثال عبدالله Date: 07-14-2020, 09:57 PM Parent: #108
بس للاسف شاي مغرب بدون لقيمات ما ينفع... ويا حليل حيشان السودان وقعدة المغربية مع الشاي واللقيمات والكهرباء قاطعة والفانوس مولع ...
Post: #110 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-15-2020, 02:17 PM Parent: #109
امتثال الرايقة
كيفنك
Quote: بس للاسف شاي مغرب بدون لقيمات ما ينفع... ويا حليل حيشان السودان وقعدة المغربية مع الشاي واللقيمات والكهرباء قاطعة والفانوس مولع ...
اهم حاجة العناقريب ..يكون البنات مفرشينن الملايات من عصرآ بدري.. والنسام يلفح في الملاية شوية شوية. وصوت العجين وهو يقع على الصاج (نش) وانت ريالتك سايلة:) .. وضوء الفانوس خافت ..وضوء القمر مضئ في كل الارجاء.
الاهم من ده كلو انو يكون اللبن "مقنن" ...ح يكون طعم اللقيمات غير.
ممتن لي مرورك .
Post: #111 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-15-2020, 10:44 PM Parent: #110
Post: #112 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-15-2020, 11:04 PM Parent: #111
نبهني احد الاصدقاء و زملاء المنبر (شفاه الله من الكرونا) لواحدة من اروع الاغاني السوداننية ...
كتبها العبقري مصطفى سند و صاغها لحنا* و غناء الاستاذ صلاح مصطفى
تقول كلمات اغنية " شارع الصبر "
حبيب العمر بالدنيا يضيع فكيف القاه حصاد الشوق في كفي ظلال من بقاياه * يخلفُ وعده تيهاً و يبعد خطوه عني،، و يتركني على جمر اقطر للأسى دني،، اسائل عنه لا ادري و اعبر شارع الصبرِ و غيوم الخوف تهلكني و نار الشك و الظنِ * يعانق حلمه روحي و يرعش طيفه القلبا،، يناديني ، يناديني ينادييييني!! و يتبعني و يعبر خلفي الدربا أذوب صبابة وحدي و اشرح للمساء وجدي يغيب لا اعاتبه ازيد بصده حبا * يطيرُ ،، يطير يطيير الليل في عيني خيالات و اشباحا شراعاً ،، شراعاً ضائعاً ابدا يظن النجم مصباحا اتابع ضوءه الساري و صوت الريح غيثاري فما القاه ، ما القى و لا وهمي الذي راحا * حبيبُ العمر بالدنيا يضيع فكيف القاه حصاد الشوق في كفي ظلال من بقاياه
*لست متأكد من الملحن و لكن ظني انه الاستاذ صلاح مصطفى و انا ساعي لجلب المعلومة
Post: #113 Title: Re: andquot;قبانيandquot; يا حبيبنا..ان شاء الله ألقى Author: يحي قباني Date: 07-15-2020, 11:05 PM Parent: #112
تعليق لطيف من الدكتور الرشيد الذي قام برفع الفيديو على اليو تيوب قال فيه :
طلب الأغنية الصديق الأفوكاتو السميع عبدالرحمن بركات على أن يتم ضمها لعيون الغناء السودانى وهنا دفوعاته كما أوردها لى : تأثرني هذه الأغنية ، أصنفها ضمن روائع الاغنيات السودانية ، إن لم تكن ضمن قائمة الأروع ، التي ادخرها دايما الى ( الحزن القديم ) الدوش/ وردي ، لأنها مكتملة نصاً و لحناً و اداء ، و ايه الاغنية غير هذا الثالوث ، أغنية ( شارع الصبر ) للفنان صلاح مصطفى ، كذلك مكتملة بعناصرها الثلاث ، في كلا الاغنيتين ظل العازفين في إنتباه تام لا يخلو من توتر و لا من متعة و رغبة مستمرة في المتابعة الدؤوبة و في الإجادة الآسِرة، فيهما قدرة باهرة على اعطاء كل كلمة ، كل نأمة حقها الكامل في الإبانة و التصوير ، تتوتر الموسيقى تبعاً لتوتر المغني و جاذبية المعنى ، اجادة مطلقة في السؤال و جوابه و في الانتقال السلس ، ليس فقط من مقطع الى أخر ، بل و بين كل كلمة و الاخرى ، حتى عندما يتهدج صوت صلاح و هو يطلق لحبال صوته العنان لتكتفنا و يكتنفنا وجد ، ذاك الذي يسيل دمع العشاق و المريدين ، و اللائذين بمحراب التبتل ، أو صومعة التهجد ، أو مخدع لحضن حصين . الدفيئة. ثم أردف: نقرشة العود محاولة للتهدئة ، تماماً كما الماء قبيل الذبح ، تباريها الكمنجات بتمهيد متقن ثم تنطلق لا تلوي على شيء... للأسف الجزء الأول بالعود تم مسحه بسبب سوء الصوت برغم محاولتى لمعالجة الصوت وأقدم إعتذاري ... حقيقة هذه من عيون الغناء السودانى وشكرا بركوتة... أتمنى أن تنال إعجابكم....
Post: #114 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-22-2020, 05:18 PM Parent: #113
.
Post: #115 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-23-2020, 02:13 PM Parent: #114
قبه يا حلو
Quote: نبهني احد الاصدقاء و زملاء المنبر (شفاه الله من الكرونا) لواحدة من اروع الاغاني السوداننية ...
كتبها العبقري مصطفى سند و صاغها لحنا* و غناء الاستاذ صلاح مصطفى
اي شئ يرد فيه اسم العبقري "مصطفى سند" لابد وان يكون مليئآ ومغلفآ بالجمال....
يقال يا قبه ان الموسيقيين كانو يقولون ل صلاح مصطفى "اللحان"... دلالة على قدرته على التلحين.
كسرة: اظنو اول مرة اسمع الاغنية دي
Post: #116 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-23-2020, 06:32 PM Parent: #115
لا زلنا في "بحري الحنينة"..
ملأ الفضاءات بعديد الاغنيات الجميلات,,, فنان الشباب والشباك الاول لأكثر من عقدين من الزمان... تعرض للكثير من الظلم والاجحاف في بداياته ...الا أن موهبته فرضت تواجدها على خارطة الغناء..فشغل الناس واطربهم... فكان بكاؤهم لرحيله بقدر ماقدمه من فن لامس وجدانهم..
"الحوت" محمود عبدالعزيز..
إجلي النظر ياصاحي
Post: #117 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-23-2020, 07:09 PM Parent: #116
بعد الفراق
اغنية بحراوية مكتملة الأركان..
Post: #118 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-25-2020, 07:37 PM Parent: #117
Post: #119 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 07-28-2020, 09:06 PM Parent: #118
لا زلنا في الخرطوم بحري
الاستاذ عثمان الشفيع
Post: #120 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 08-03-2020, 06:46 PM Parent: #119
اشبه بلقاء السحاب ..
Post: #121 Title: Re: andquot;قبانيandquot; يا حبيبنا..ان شاء الله ألقى Author: الشيخ سيد أحمد Date: 05-09-2021, 03:18 PM Parent: #120
