هل من بورداب في West Virginia

11:58 PM July, 03 2020

سودانيز اون لاين
صباح حسين طه-
مكتبتى
رابط مختصر

أسرة سودانية ترغب نقلت للعمل في وست فيرجينيا وتحتاج لمعلومات عن أفضل الأماكن للسكن والدراسة

اظن بريمة في فرجينيا وممكن يساعد بأية معلومات وهو زول خير ولا اظنه يبخل بالمعلومات إذا هو فعلا مقيم في فرجينيا ...

بريمة يا إمتثال ساكن فى فرجينيا البى جاى.. صناعة تايوان .. ما فرجينيا الغربية بتاعة الكلاشنكوف و المسدسات و الهوايت سيوبريماسست

يا صباح انتي قريتي كلام ابو الريش!!
لازم تنصحي الاسرة السودانية تبعد من فرجينيا الغربية بتاعة الكلاشنكوف والمسدسات ..
وتشوف ولاية امنة زي ميريلاند او عاصمة العالم او نيوجيرسي او بنسلفانيا،،،

مشكورين إمتثال وأبوالريش وسأوصل المعلومة للباشمهندس وحرمه رغم أن شركته أعطته فكرة مختلفة عن مدينة شارلستون

مورغن تاون
زتحديدا في شمالها.. السكن رخبص تقريبا (٩٠٠) دولار او (١٠٠٠)$ مع الخدمات
زحبدفع مثلهم( تامين) مسترد
فيها جامعة وست فرجينيا
تبعد عن بيتسبيرغ حوالي ( ١٢٠) كيلومتر وعن واشنطون دي سى (٣٢٠) كلم وعن نيويورك مدينة امتثال (٦٠٠) كيلومتر
في الجريدة دي فيها كم هائل من الاعلانات عن السكن والايجارات والطلبات والعرضThe Dominion Post
اغني متطقة او ما يسمى بى منطقة الاغنياء هي Star City نار يا حبيبي نار
اما المنطقة الفيها الحامعة والمعاهد للدراسةGranville
منطقة Sunnyside دي بتقع في الوسط وقريبة مت الداون تاون وموقعها ممتاز بس نسبة الجرائم مرتفعة فيها
ولا ننصح بيها

سلام صباح
قول ليهو اختى وست فرجينيا .. خصوصا هو جديد .. الشركات بتقدم إمتيازات مغرية للمهاجرين .. لكن الناس ما بتمشى ليها .. كان عزابى ممكن تجازف لكن معاك أسرة شوف ليك مكان اخر .. الواحد لمن يكون مارى بى وست فرجينيا يتاكد تنك البنزين ملان و العربية تمام مية المية عشان ما تقيف فى المناطق الصغيرة .. من نظرة السكان بتعرف الحاصل شنو .

والله ما قصدت اقطع قلبهم.. لكن بس حبيت اوضح انو المقصود فرجينيا الغربية ما بتاعة بريمة.
لكن هو لو شركته هناك طبعا ما فى طريقة لازم يعيش هناك. البلاوى دى 90% منها فيما بينهم بيض و سود..
طبعا الولاية فى الحزام العنصرى الموالى لاخونا دا

والله يا ابو الريش وايمن خوفتونا من ويست فرجينا ،،،،
بس اوع تكون الولاية دي المسافر من نيويورك الى واشنطن بيمر بيها اذا مسافر بالعربية عن طريق الهايوي ٩٥عشان تاني ما نفكر نزور واشنطن،،،،ههههههههه ..
كنا بنفتكر ان شيكاغو وتكساس هي مناطق الاجرام في امريكا،،،طبعا اول ما وصلنا امريكا كنت مفتكرة شيكاغو دي ولاية ،،،لكن بعد شويةعرفنا انها مدينة في ولاية الينوي ،،،،
،وطبعا هسع اتفلسفنا وعرفنا ان واشنطن العاصمة لا هي ولاية ولا هي مدينة ولكن districtوقاطعينها من ميريلاند وفرجينيا ،،،،،وترامب الان بيفكر يقلبها ولاية واظنه ما عارف انو في ولاية في الشمال الغربي اسمها واشنطن ،،😄 .....
..معليش يا صباح انحرفنا عن خط البوست ..ولكن شايفة في معلومات مهمة ومفيدة عن ويست فرجينيا تؤدي الغرض المطلوب للاسرة السودانية وكتبها احمد ياسين،،، ،،

Quote: بس اوع تكون الولاية دي المسافر من نيويورك الى واشنطن بيمر بيها اذا مسافر بالعربية عن طريق الهايوي ٩٥عشان تاني ما نفكر نزور واشنطن،،،،ههههههههه ..

لا لا ما تخافى ال I-95 ما يمر بيها.. هى جنوب غرب واشنطون.. ممكن تضربوا أى ناينى فايف لغاية ميامى حيث ينتهى. . بالمناسبة إنتى فى هارلم تانى شنو؟ ناس غرب فرجينيا يعملوا حسابهم منكم هههههه
بس تأكدوا ارقام نيويورك فى العربية ظاهرة و ما تجيبكم أى عوجة.. (:

أامن حتة هي السكن الجامعي لكن غالي شوية
مورغن تاون دي فيها خيارات كتيرة للسكن وهناك في الاخ ( معتز زروق) السوداني الاصيل وهو مشهور جدا
بيقدم اي مساعدة ممكنة لجميع السودانيين .. من ناحية السكن والدراسة والمواصلات ودا رقم تلفونه304/6922699
لكن معظم سكان الولاية دي هم ( بيض) ويعرفوا ب ..( rednecks)

شكري للأخ أحمد يس على المعلومات المفيدة وأشكر كذلك االأخوين أيمن نواي وأبوالريش والحبيبة إمتثال

ويست فرجينيا ولاية فلاحين و محافظين .. أذكر كانت لى زميلة أمريكية بيضاء
من ويست فرجينيا كانت تحكى لى عن أهلها أمها وخالاتها وعماتها وحبوباتها
أنهم محافظين النساء لا يلبسن البناطلين ولا يدخن السجائر ولا يشربن الخمر
ولا يرقصن أمام الرجال قالتها لى بالحرف الواحد مثل عندكم كمسلمين. طبعا
هذه ستكون من قرى وتاون ويست فرجينيا وليس المدن الكبيرة.. وهى منطقة
جبلية .

أما معلوماتى الأخرى فعن مدينتها الكبرى شارلستون مدينة يقيم بها عرب
معظمهم طلاب جامعاات. وبها على الأقل محل بقالة عربية واحد، حيث أنه
هنالك سودانى أعرفه كان يوصل للبقالة التموين بالجملة من ديترويت ميتشجقان.

كما أسلفت هى ولاية جبلية فلاحية، يغلب عليها السكان البيض. وكما كثير من
الولايات حتى فرجينيا بتاعة بريمة .. فكلما بعدت من المدن الكبيرة وتوغلت
فى الريف فإنك تدخل فى دائرة الأمريكان البيض الذين لم يخالطوا أغراباً ..
ولذلك فلو شارسلتون فهى مدينة مناسبة ... لم أسمع بأنها ولاية خطرة يتطاير
فيها الرصاص يمنة ويسرى، ولكن فقط ليسوا متعودين على الأغراب. وتظل
مدينة شارلستن الأنسب لأن الأغراب غزوها وأعتقد فيها أمريكان البلاك أيضاً.

النواحى الإيجابية ستكون إنخفاض تكلفة المعيشة مقارنة بنيويورك وواشنطون وما ببينها
مع فارق الإنتقال من مدينة كبيرة صاخبة لا تنام وزحمة حركة السيارات فى الشوارع
ومشاكل الباركن، للإنتقال لمدينة صغيرة تعتبر قرية مقارنى بتلك من حيث الكثافة
السكانية، وزرحمة الحركة فى الشرع فقط ساعة صباحية الذهاب للدوام أة عصرا
ساعة الرجوع من العمل، والباركن فرى ومتوفر، إلا فى الداونتاون. ستمل الأوضاع
الجديدة، ولكن بعد فترة ستتعود وتعشق تلك الحياة الهادئة .. وتحب الريف!

أيضا يمكن القوقلة عن درجة الأمان ومعدل الجرائم بكل مدينة .. وأى مدينة يتفاوت فيها
معدل الجريمة حسب الحى..مافى أفضل من مصدر للمعلومات من أن تجد شخص
مقيم هنالك سواء معرفة أو زميل عمل. وفى رأيى وحسب تجربتى أى رجل او أمرآة يمكن
أن تعيش فى أى ولاية إلا مدن محددة مشهورة بالتفرقة العنصرية ولا يسمحون بتواجد
ملونين بينهم .. أما باقى المناطق فمعقولة، مع الحذر بالنسبة لأطفالهم بالمدارس
فقد يتعرضون من المدرسات لتفرقة عنصرية ودينية غير ظاهرة، وهذه يمكن السيطرة
عليها بظهور أحد الوالدين بالمدرسة من حين لآخر ومتابعة مع أبناءهم، لحسم أى تجاوز


أتمنى حظ وأقامة سعيدة وآمنة للأسرة السودانية

ابو الريش
نحن ما بنعتبر نفسنا في هارلم،،نحن في شارع ١١٢ ...وطبعا الخريطة بتقول ان هارلم تبدأ من شارع ١١٠..يعني
نحن في الحدود...ونعتبر نفسنا تبع midtown ههههههه
وبعدين هارلم بقت أكثر مكان امن في منهاتن لأن الرئيس الأمريكي بيل كلينتون عنده مكتب في شارع ١٢٥....وتلقاه
عادي بتونس في الشارع مع سكان الحي ..والشارع كله محلات تجارية ....
..وطبعا كلينتون محبوب من الجميع بصفته رئيس سابق ...لكن للاسف عندنا في الدول العربية والإفريقية ما عندنا رئيس سابق
فقط عندنا رئيس مقتول أو رئيس مسجون أو رئيس منفي ...
..
نادر
شكرا للمعلومات المفيدة..

امتثال

Quote: نحن ما بنعتبر نفسنا في هارلم،،نحن في شارع ١١٢ .

هو دي انتي ؟!! لا حولااا شفتك مرتين الاولى جنب بنك (HSBC) اللي هو قريب نن الكنيسة ولا كاتدرائية جون دي
المرة الثانية في مطعم ( سيزوند) في تقاطع شارع ١١٢

احمد ياسين بالله انت ساكن جارنا !!!أولا نحن مواطنات صالحات وما بنفتح حساب في بنك اجنبي..لان بنكHSBCبنك بريطاني وحساباتنا في Bank of America ...

هلا إمتثال..
شارع 112.. يعنى شارعين بس جوة هارلم.. كويس. جيت مدرستكم دى قبل عدة سنوات و لقيتها موبوءة (بالشماشة).. عرفتيهم طبعاً.. خليها فى سرك.. ناس جهوفا وتنسس و المورمون حايمين بكتبهم

و أنا جاى من نيوجيرسى لزيارة أخ سودانى محاضر و طالب هناك.. تصدقى لافى عشرة دقايق مافى باركنج.. فى النهاية رجعت عدة أميال و جيت الجامعة بالتكسى!! دا الوجوديون يسموه أدب اللا معقول.