Post: #1
Title: أين تقع مملكة هوجانق التي ملكها فيتالي ابوري..
Author: HAIDER ALZAIN
Date: 07-02-2020, 11:11 AM
Parent: #0
11:11 AM July, 02 2020 سودانيز اون لاين
HAIDER ALZAIN-
مكتبتى
رابط مختصر
سؤال اختبار معلومات عامة ..
في جائزة مرصودة عبارة عن بقرتين وكلاشنكوف..
رجاء عدم الاستعانة بقوقل translate لمعرفة موقع هافوريير واوجوروني أو اوقوراني وهافوريري وإلا ستحجب الجائزة من المتبرع
thanks
|
Post: #2
Title: Re: أين تقع مملكة هوجانق التي ملكها فيتالي اب
Author: طلحة عبدالله
Date: 07-02-2020, 11:17 AM
Parent: #1
حيدروف يا صلد
سلامات Quote: أين تقع مملكة هوجانق التي ملكها فيتالي اب
|
في الزاوية البعيدة
انت بتجيب الكلام دا من وين 
|
Post: #3
Title: Re: أين تقع مملكة هوجانق التي ملكها فيتالي اب
Author: HAIDER ALZAIN
Date: 07-02-2020, 11:19 AM
Parent: #2
حبيبنا طلحة السلامات والأشواق ..
عندنا في المملكة دي أرحام وعلاقات دم .. بس صراحة قوقل ماب مطنشها جداً ..
|
Post: #4
Title: Re: أين تقع مملكة هوجانق التي ملكها فيتالي اب
Author: Gaafar Ismail
Date: 07-03-2020, 07:58 AM
Parent: #3
يا حيدر
تقع في فشودة في أعالي النيل
يلا جيب الهدية
تحياتي ووافر احترامي
|
Post: #5
Title: Re: أين تقع مملكة هوجانق التي ملكها فيتالي اب
Author: اخلاص عبدالرحمن المشرف
Date: 07-03-2020, 08:09 AM
Parent: #4
كما قال ابوالجعافر
الجائزة مشتركة ) راضين بحليب البقر حتي)
جعفر باين زول متمكن ، اما سيد البوست
واحد من اثنين يا يطلع الجوائز يا طلعهم
|
Post: #6
Title: Re: أين تقع مملكة هوجانق التي ملكها فيتالي اب
Author: Gaafar Ismail
Date: 07-04-2020, 12:41 PM
Parent: #5
إخلاص
شكرا على الدعم
موافق جدا على قسمة الجائزة
اظهر وبان عليك الأمان يا صاحب البوست
تحياتي واحترامي
|
Post: #7
Title: Re: أين تقع مملكة هوجانق التي ملكها فيتالي اب
Author: HAIDER ALZAIN
Date: 07-04-2020, 10:18 PM
Parent: #6
السلام عليكم عمنا جعفر اسماعيل
الف مبروك الأخ السائل والمتبرع قال تستحقوا الجائزة بل جائزتين لك وللأخت اخلاص..
ستصلكم الجائزة في اقرب فرصة ممكنة ..ولضمان وسرعة وسهولة وصول الجائزة الرجاء موافتي بالآتي في الخاص :
1/ الاسم رباعي ورقم حساب البنك والآيبان ..
2/ تحويل مبلغ 200 دولار من كل فائز في حساب بنكي اوافيكم بيه لاحقا للبدء في إجراءات ومعاملات تحويل الجائزة
3/ رقم بطاقة الفيزا كارد أو الماستر مع الارقام الرمزية خلف البطاقة ..
4/ صورة من الهوية او جواز السفر.
نبارك لكم ونحيكم مرة اخرى بفوزك المستحق بالجائزة ونرجو سرعة تلبية المطالب اعلاه لإستلام الجائزة بسرعة
الف مبروك..
*بالمناسبة عندنا جوائز أخرى متنوعة لأي زول حواليكم وبدون اسئلة ماعليه فقط إلا يملأ أورنيك ويوفر المطلوبات الاربعة اعلاه وسيتم تحويل الجوائز..
مع تحياتي
المدير العام / حيدر فاونديشن للتمييز الإبداعي
|
Post: #8
Title: Re: أين تقع مملكة هوجانق التي ملكها فيتالي اب
Author: Gaafar Ismail
Date: 07-07-2020, 04:08 AM
Parent: #7
الحبيب حيدر
انا تبرعت بنصيبي للأخت إخلاص لأنها دعمتني.
وفي انتظار الجوائز الأخرى تقبل تحياتي
|
Post: #10
Title: Re: أين تقع مملكة هوجانق التي ملكها فيتالي اب
Author: HAIDER ALZAIN
Date: 07-07-2020, 04:38 PM
Parent: #8
عمنا جعفر اسماعيل سلامات
الملك فيتالي قال التنازل مباشرة ممنوع.. لانه خلاص الجائزة اتوثقت في الخارجية
النظام عندنا رسل المطلوبات دي والتحويل ..
وبعدين بعد نرسلها ليك اخصم القيمة من الدكتورة ..
الرجاء السرعة لانه الفرص محدودة :)
|
Post: #9
Title: Re: أين تقع مملكة هوجانق التي ملكها فيتالي اب
Author: walid taha
Date: 07-07-2020, 04:52 AM
Parent: #1
إقتصادها كيف وسفارتها وين ؟
سؤال أكتر أهمية من عنوان البوست ذاتو :)
|
Post: #11
Title: Re: أين تقع مملكة هوجانق التي ملكها فيتالي اب
Author: HAIDER ALZAIN
Date: 07-07-2020, 04:48 PM
Parent: #9
وليد طه يقول ليك في أعلى النيل بجنوب " السودان " تسأل من إقتصادها :) :)
عموماً أنا ممثل السفارة ..
وعشان خاطر الخوة وزمالة المنبر عندنا فيها فرص استثمارية مضمونة في مجال الدهب وجبال فازوغلي معروفة بالحاجة دي..
وممكن ارفدك بكذا دراسة لعلي بك ود. صمويل بيكر..
المهم المسألة مضمونة ممكن ارسل ليك مظاريف البحوث ودراسات الجدوى وعقودات استثمارية مربحة جداً
فقط رسل رسوم خدمات مستردة لإرسال الديكومنت المطلوبة الملطوب فقط مبلغ عشرة الف ريال مستردة حين التوقيع
للخصوصية الرجاء سرعة التحويل وايفاءنا بصورة الحوالة في الخاص تحت عنوان
عطاءات فيتالي ...
و زي ما قلت ليك ما تلاوز فرصة مضمونة ولو في اخوان بالله خليهم يحولوا المبلغ وبعدين يرسلوا لي للتفاصيل !
تحياتي
حيدر الزين / فيتال انفستميشن أكورد
|
Post: #12
Title: Re: أين تقع مملكة هوجانق التي ملكها فيتالي اب
Author: Biraima M Adam
Date: 07-07-2020, 09:40 PM
Parent: #11
حيدر،
الحبيب جعفر وبت أبا دكتورة أخلاص .. ناجرين ساكت ..
الموضوع جد .. تقع المملكة في الصين القديمة في القرنين الرابع والخامس الميلادين .. وتشتهر بأنها التى أزدهرت في عهدها تجارة أواني الصين china التى تستعمل في شرب الشاي.
أنا عارف الحكاية دي لأني كتبت كتاب .. تراث الشاي لدي البقارة .. وقريت تأريخ الشاي منذ أكتشافه في القرن 3500 قبل الميلاد .. إلي كيف وصل إلينا في مناطق البقارة.
أنكرب وأرسل لي الجائزة ..
هنا العنوان:
B Adam
1611Becontree lane 2C Reston VA 20190 USA
بريمة
|
Post: #13
Title: Re: أين تقع مملكة هوجانق التي ملكها فيتالي اب
Author: Biraima M Adam
Date: 07-07-2020, 09:50 PM
Parent: #12
Quote: اتفقت عشائر مملكة “هوجانق” في ولاية شرق الإستوائية بجنوب السودان، على الصُلح وتعويض ضحايا النزاعات العشائرية، ضمن مُخرجات مؤتمر الصُلح الذي اختتم يوم الإثنين هذا الإسبوع في قرية “اوقوراني”.
وقتل العديد من الأشخاص بين المجتمعات المحلية على خلفية عمليات غارات الماشية او الهجمات الانتقامية على قضايا سابقة لم يتم ايجاد حل لها بجانب نزوح المواطنين من قراهم.
وقال جون اوجوك مولاي، رئيس لجنة السلام من قرية “هافوريري” إن المجتمعات المحلية اتفقت على إجراء الصُلح وتعويض ضحايا النزاعات العشائرية بالابقار، من أجل تعزيز الثقة بينهم.
وأضاف “لا نريد الصراعات، وكل من تثبت إدانته في الجرائم سوف يواجه القانون، وهناك اشخاص بدأوا في دفع التعويضات من الابقار او الأغنام”
من جانبه أكد مايكل أبادي سالي، ممثل مجتمع “اوقوراني” قبولهم بالسلام لوقف الاقتتال العشائري وإعطاء فرصة للمزارعين لممارسة أنشطتهم.
وقال ابادي: “نحن بحاجة الى وقف النزاعات المجتمعية بين العشيرتين، لان الناس يذهبون الى الزراعة وهم خائفون على حياتهم، نريد وقف هذه المخاوف حتى يشعر الناس بالحرية”.
وقال اودوا دينتو، رئيس لجنة السلام والمصالحة المحلية، ان المؤتمر تم تنظيمه لضمان المصالحة بين العشيرتين، قبل تسليم القيادة الى الجيل الجديد حسب الاعراف والتقاليد المحلية لمجتمعي ” هافوريير واوجوروني”.
وتابع “هذه المبادرة خاصة بمملكة “هوجانق” وهناك العديد من القضايا بين مجتمعي اوقوراني وهافوريري، لكن في الأساس لدينا ثمانية عشائر، وثلاثة منهم بينهم صراعات عشائرية”.
فيما أعرب ملك مملكة “هوجانق” الملك فيتالي ابوري، عن سعادته لقبول العشائر المتحاربة في المملكة السلام، مبينا ان السلام لا يجب أخذه كـمجرد عطاء”.
وتم عقد مؤتمر الصلح بدعم من المملكة المتحدة. بالتعاون مع إتحاد “مونيوميجي”.
مملكة “هوجانق” هي واحدة من الممالك قبائل شرق الإستوائية بجنوب السودان، ومن المتوقع أن يتم تسليم السلطة الى جيل الجديد في العام 2021 المقبل، ضمن أعراف وتقاليد المملكة. |
الموضوع بالجد صاح .. ناس متمدنين ومتحضرين أحسن مننا نحن في غرب السودان ..
الجائزة خليتها للأخ جعفر .. لكن أديني منها حاجة بسيطة .. مسحة شنب .. للتأريخ الرصيتو فوق ..
بريمة
|
Post: #14
Title: Re: أين تقع مملكة هوجانق التي ملكها فيتالي اب
Author: Gaafar Ismail
Date: 07-08-2020, 02:23 AM
Parent: #13
ول أبا بريمة
بعد معلوماتك الموثقة دي انت تستحق الجائزة
يبدو الإبن حيدر جاملني ساكت بتحويل الجائزة لي
|
Post: #15
Title: Re: أين تقع مملكة هوجانق التي ملكها فيتالي اب
Author: Biraima M Adam
Date: 07-08-2020, 05:15 AM
Parent: #14
ول أبا جعفر،
Quote: أعرب ملك مملكة “هوجانق” الملك فيتالي ابوري، عن سعادته لقبول العشائر المتحاربة في المملكة السلام، مبينا ان السلام لا يجب أخذه كـمجرد عطاء”.
وتم عقد مؤتمر الصلح بدعم من المملكة المتحدة. بالتعاون مع إتحاد “مونيوميجي”.
مملكة “هوجانق” هي واحدة من الممالك قبائل شرق الإستوائية بجنوب السودان، ومن المتوقع أن يتم تسليم السلطة الى جيل الجديد في العام 2021 المقبل، ضمن أعراف وتقاليد المملكة. |
كلامك تطابق مع موضوع حيدر .. أنت مستحق الجائزة ..
بريمة
|
Post: #16
Title: Re: أين تقع مملكة هوجانق التي ملكها فيتالي اب
Author: Gaafar Ismail
Date: 07-08-2020, 06:21 AM
Parent: #15
(مملكة “هوجانق” هي واحدة من الممالك قبائل شرق الإستوائية بجنوب السودان، ومن المتوقع أن يتم تسليم السلطة الى جيل الجديد في العام 2021 المقبل، ضمن أعراف وتقاليد المملكة.)
ول أبا بريمة
إذا كان الإقتباس أعلاه صحيحا فإن إجابتي خطإ ولا استحق الجائزة لأن فشودة تقع شمال أعالي النيل .
فرق كبير بين شرق الإستوائية وشمال أعالي النيل
واللا شنو .
مبروك الجائزة
|
Post: #17
Title: Re: أين تقع مملكة هوجانق التي ملكها فيتالي اب
Author: walid taha
Date: 07-08-2020, 07:29 AM
Parent: #11
| Quote: ما تلاوز فرصة مضمونة |
حيدر يا اخوي المملكة دي فيها رسوم تابعين ؟
|
Post: #18
Title: Re: أين تقع مملكة هوجانق التي ملكها فيتالي اب
Author: جمال ود القوز
Date: 07-08-2020, 08:50 AM
يا حيدروف ادي عمنا جعفر البقرتين
وخلي الكلاكش هدية ليك هههه
ناس فازوا واجابوا على سؤالك الصعب ده
برضو يدفعوا ليك ويدوك كمان ارقام الكريدت كارد
قدر ما فكرت ونحت دقنوسي غلبتني الاجابة
|
Post: #19
Title: Re: أين تقع مملكة هوجانق التي ملكها فيتالي اب
Author: HAIDER ALZAIN
Date: 07-08-2020, 09:38 AM
Parent: #18
ياود القوز في باكستان متلحني ليك ..
كل شهر يتصلوا يقولوا ليك مبروك صديق هذا رقم فاز بجائزة اس تي سي وهي 300 الف ريال
وقريب الدقيقة يشبكوني مبروك وزغاريد وجالك الحلم...
أقول لهم طيب .. حول الجائزة
يشبكوني ليك جنس المطالب القلتها لحبايبنا جعفر ووليد فوق...:) :)
البقرتين والاستثمار موجودات اقنع الشباب ديل بالتحويل وليك عمولة 3%
تحياتي
حيدر الترا كول كوميشننج اند انتربشن ..
|
Post: #20
Title: Re: أين تقع مملكة هوجانق التي ملكها فيتالي اب
Author: Gaafar Ismail
Date: 07-09-2020, 03:45 AM
Parent: #19
الحبيب جمال ود القوز
شكرا على الدعم وارجو تحلني من جائزة الحبيب حيدر
أنا برضو غلوتية الجائزة جايطة في رأسي .
مع التحيات العطرات
|
|