الدولارات انبهلت حقيقة مش زي انبهالة اخونا ود الباوقة

04:17 PM June, 25 2020

سودانيز اون لاين
Osman Musa-
مكتبتى
رابط مختصر

أخونا المعتكف ود الباوقة ليه كل الاحترام .
..
الان الانبهالة حقيقة .
بنوك وبيوت مال تقيف في الصف .
ما ما نقلت الأقمار الصناعية صور صفوف
الخبز والجاز والغاز .
الان الدولارات تتطاقش والهلل ،يرن

تبرعات مؤتمر برلين شركاء السلام ٢٠٢٠م المخصص لدعم السودان حتى الأن؛

٣٦٥ مليون دولار الولايات المتحدة
٢٥١ مليون يورو المانيا
٣١٢ مليون يورو الاتحاد الاوربي
١٦٠ مليون يورو فرنسا
١٥٠ مليون جنيه استرليني بريطانيا
3 مليون يورو من اسبانيا
300 مليون دولار من الامارات بالاضافه لدعم بنك السودان لاستيراد الوقود.
السويد 20 مليون دولار.

الأموال تنهال علي السودان الحبيب

سلام اخونا عثمان

اظن من بكرة سعر الدولار ح ينزل إلى نص قيمتو.

استاذة نعمات سلام
اقولك خبر حلو زي قلبك الطيب والله .
الليلة الدولار تدحرج .
وبسرعة .
تحياتي

الليلة في ناس ترجف من الخوف علي المدخرات.

دكتور ياسر
سلامات
ربنا لطيف بي ده الشعب الصبور .
ياخ هرمنا لامن هرمنا كلوكلو .
وحفينا ومشينا علي عجل الحديد.
بنشرتنا من الملاريا.
وطبقت علي البنشرة الكورونا.
فاصبحنا حطب .
علي الجلد .
..
تحية ماكنة لارواح الشهداء.
لهم الرحمة

التحية لحبيبنا عثمان ...
صحيح انبهلت ( مع حفظ حقوق حبيبنا ودالباوقة متعه الله بالصحة )
على الدول أن تلتزم بهذه المبالغ
ما يكون كلام ووعود
حبيبنا عثمان .. مصر تبرعوا ليها بالمليارات
فقط من دول الخليج تقريبا 60 مليار لحكومة السيسي

شكرا عثمان قلبك كبير يالحبيب ( تحيتك لودالباوقة )
يا سلام على التسامح

*عاجل
| وزير الخارجية الفرنسي: فرنسا ستقدم مبلغ 60 مليون دولار للسودان .
ليبلغ الإجمالي 100 مليون دولار بجانب .
استعدادنا لقيام مؤتمر اقتصادي لدعم الحكومة الانتقالية*
...
هيع شقيقنا طويل العمر وزير خارجية الشقيقة فرنسا .

زي ما كانت ما عندها معنى أيام ود الباوقة
الآن لو أصبح ياهو إعتمادنا عليها ، لدرنا في ذات الدائرة.
:
حنفرح حقيقةً ، يوم تدخل الملايين دي خزينة الدولة عن طريق
إنتاج حقيقي و صادر محاصيل سودانية ، خدمة يمين و عرق جبين.
سلامات اخ عثمان.

الان
الان وبعد هطول مطره خفيفة
وبعد هبة جو رهيب في عاصمتنا المثلثة.
يهب الشعب عامة الشعب في الشوارع فرحة عارمة.
عاش حمدوك عاشت ثورة الشعب

الأخ محمد محمود
سلام
كلو بكون انشاءالله .

أخونا علي ع الوهاب
سلام
نطالب بعودة أخينا الكريم ود الباوقة ليعيش عهد الانبهالة الحقيقية.
الرجل كان لطيف مهما اختلفنا وتكاجرنا .
ارجو ان يكون قد أمتلك العافية . وهو الذي كان يعاني كما قال .
..
يا شيخ علي الآن الشوارع في العاصمة اشتعلت قمحا و و أي حاجة.

أخى العزيز عثمان
فلنفرح بدعم ومساندة الأصدقاء لكن لا بد للسودان أن يعود إلى ماضى
إعتماده على حصيلة صادره من موارده الغنيه والتى خرِّبها ودمرها العسعس
بعد نهبها .
أخى عثمان
ما لم يتم إزاحة إسم السودان من قائمة الدول الراعية للإرهاب فإن الفرحة
لن تكتمل وما دام لجنة السفاح عمر البشير الأمنيه مكنكشين فى واجِهة السلطه فى السودان
فلا تتفاءل بهمبريب نسيم صحٍ جديد .

الليلة برضو في المساء حتمرق تظاهرات إشادة بحمدوك
وزينب والسودان

والسعودية والكويت وقطر والسلطنة كلهم في الطريق

مولانا أستاذ عبدالله
ازيك يا ابن المشايخ
انشاءالله الخير يدفق من الجهات الاربعة.
السودان تعرض للنهب والخراب والزلة 30 سنة.
ولابد من جرة نفس .
ولابد من صحية.

مبروك للشعب السوداني العظيم

أخونا خالد العبيد
سلامات
ومليار مبروك ليك ولي عموم شعبنا الصبور .

اموال ما ليها حد في الطريق

منقول
مصر دعت السيد حميدتي لزيارتها لغرض واحد (طلب سحب ملف سد النهضة من مجلس الوزراء ليتسلمه مجلس السيادة لانها لم يعجبها موقف حكومة الثورة الوطني المستقل ممثلة بوزارتي الخارجية والري خاصة وزير الري رغم اكاذيب الكيزان وافتراءات صحفييهم فقد كانوا ابطالا بحق رغم ابتزاز امريكا!! بداية لا يجب ابدا ان يكون لنا موقف عدائي مع اي دولة جارة عربية كانت ام أفريقية كما لا يجب التعامل بمبدأ (الابيض او الأسود) في العلاقات بين الدول (استباحة او عداء مستحكم) هناك دوما منطقة وسطي بينهما لكن هناك أيضا (كره) داخل العقل الجمعي المصري تجاه السودان يستعصي علي الفهم!!فقد تنازل السودان وأغرق ارضه عشان تطور مصر !! ثم تنازل السودان (مجانا) عن فائض حصته لهم بدل الثناء تم مكافاتنا (بالشتم والسب والعداء) الذي لم تنله حتي اسرائيل!! وموقف مصر من أزمة سد النهضة كوم براه لانه الأكثر إهانة ومهانة!!!بالبلدي: (مصر تهمها مصالحها مفهوم لكن تريد من السودان الهايف المغفل دا "يقدم مصالحها هي علي مصالحه هو")!!!!يخسر موية يخسر كهرباء يخسر تنمية يخسر علاقة استراتيجية مش مهم!! المهم مصر ام الدنيا تأكل!! ماذا تريد مصر؟ ضمان حصتها في مياه النيل؟؟ دا هو موقف السودان الرسمي وعلينا ان نتقبله رغم الضيم لانها اتفاقيات دولية لا مجال من الفكاك منها، لكن ليس هذا كل ما تريده مصر بل تريد اكثر من ذلك!!
ما تريده مصر وجيرت له الإدارة الأمريكية ورئيسها ترامب هو (ان يتحمل السودان فاقد حصة مصر اثناء فترة امتلاء الخزان التي ارادتها اثيوبيا ٣-٥ سنوات وتريدها مصر ١٠-١٥ سنةً بس لما فشلت في (استغفااال) أثيوبيا بالمفاوضات الثلاثية لجأت الي سيد البيت الابيض الذي يحتاج مصر لتمرير صفقة القرن والأخوة المصريين تفتيحة ما غشم زينا ماعندهم حاجة مجان فقايضوا ذلك بتدخل امريكا في المفاوضات (شطار)!!! النقطة (الأكثر تعقيدا) هي المياه الممررة اثناء مواسم الجفاف (مصر تطالب حد ادني ٤٠ مليار متر مكعب وإثيوبيا تعرض ٣٠ مليار) قامت امريكا عرضت حل وسط ٣٧ مليار وأثيوبيا رفضت تزيد الكمية عن ٣٠ مليار متر مكعب وتمسكت بموقفها. علي طول طلبت امريكا بايعاز منهم طبعا ان ياخذوا الفرق (٧ مليار) من نصيب السودان (بحجة اننا لا نستخدمها)!! والمصيبة ان فترة ذلك ١٠ سنوات كما تريدها مصر يعني لا يمكننا الاستفادة من (مياهنا) رسميًا وقانونيًا لأي (توسع زراعي مستقبلي) باتفاقية دولية شهودها امريكا والبنك الدولي!!! شفتوا الحقارة وصلت وين؟ مشكلة (بين دولتين) تتحل علي حساب دولتنا الهايفة!! لكن وزراء حكومة الثورة رفضوا الضغوط والابتزاز الأمريكي دا عكس افتراءات الكيزان الكاذبة المخزية بتشويه لهذا الموقف الوطني المشرف!!! ماذا فعلت مصر بعد ذلك؟ عادت للضغط علي اثيوبيا الأسبوعين الماضيين بالتهديد العسكري المبطن ثم تبعه ضغوط أمريكية (زيارة وزير الخارجية بومبيو) لكنها لم تجدي، فلجأت للضغوط الإقليمية (بالجامعة العربية) فرفضنا نحن ورفضت اثيوبيا. لان خيارات مصر أصبحت محدودة بعد انتهاء ٧٠٪؜ من بناء السد وفشلت الضغوط الدولية والإقليمية (عدا الخيار العسكري لا سمح الله) عادت مصر تاااني للحيطة القصيرة (السودان) دعت السيد حميدتي لزيارتها وطلبت منه ان يتولي الملف تحت مظلة المجلس السيادي لغرضين هما: الضغط (بالورقة السودانية) علي إثيوبيا واستخدامها (قانونيا ودبلوماسيا في المحافل والمؤسسات الدولية) باعتباره تغول دولة منبع علي حقوق (دولتي مصب) ولن تستقيم الحجة دي (قانونيا) (دون مشاركة السودان وقوله انه متضرر من السد)!!! الغرض الثاني: (في حال فشل كل الخيارات مع إثيوبيا تعوضها من حصة اصحاب الحق "البوابين" ويمشوا في ستين داهية)!! 
تعظيم سلام لفريقنا المفاوض نتمني ان تحل الأزمة بسلام فلا نحنا ولا مصر ولا أثيوبيا ناقصين نزاعات بس (ما علي حسابنا)
الغريبة قرات لبعض المهندسين السودانيين قبولهم لفكرة ان يتنازل السودان عن ٧ مليار متر مكعب (حلًا للإشكال) بذريعة كدا كدا ما مستفيدين منها!! لهؤلاء أولا: (اين احتمال التوسع الزراعي في المستقبل)؟؟ وثانيًا لماذا أتنازل عن حقي (مجانا) (وادفع فلوس) لشراء كهرباء يا عباقرة؟ اما تديني مصر كهرباء (مقابل) ال ٧ مليار دي طوال فترة الاتفاقية او تدفع مصر حق الكهرباء من أثيوبيا او (تدفع امريكا والبنك الدولي تكلفة شراء الكهرباء إذا اشتريناها من مصر او من أثيوبيا او من الاثنين ما دام حريصين علي مصر أما اننا (نتنازل من حقنا مجانا وندفع) من جيبنا نبقي (اما مغفلين درجة حمير او عملاء عديل كدا).
نبقي واعين نخلي الخلاف الفترة القادمة لا تبشر بخير للبلد!!!

الله يحفظ السودان من كيد الحاسدين

حبيبنا عثمان تحياتي
صندوق النقد الدولي يقدم لمصر قرض 5.2 مليار دولار
ما عارف ليه نحن نقتنع بأقل شيء
حتى هنا في الخليج الكثير منا برواتب أقل من المؤهلات
الجنسيات خاصة العربية مصر ، سوريا ، لبنان ، الاردن
بأضعف رواتبنا في نفس الوظائف والمؤهل رغم ان معظم السودانيين يستخدمون اللغتين

تحياتي الحبيب عثمان

أخونا علي ع الوهاب
سلام
السوداني في عملو متميز في أي مكان .
صحيح بعضهم في العالم العربي حقهم مهضوم
ما انو العالم العربي كلو فاهم اهمية الموظف والعامل السوداني .
علي كل حال الامور هنا حتكون بخير
انشاءالكريم