قريب الله

قريب الله ده زول زوجته وضعت وما عندو
حق السماية ، شاف الاقربين الاهل والاصدقاء
قالو بح ، سيد الدكان حرن ، سيد اللبن ، ست الكسرة
الجزار ، كلو قال معلم الله.
راجع البيت كداري وعرقه جاري وقف له برادو
ما صدق ، بعد اتوهط وهواء المكيف لفحه انتبه
للسائق لقي عندو مخالب 😂
ما تزعلو دي خرمجة من عندي وخروج عن النص
الزول ما عندو مخالب ولا حاجتين المهم
سيد البرادو زي ما كلكم عارفين حل لسيد
السماية مشكلته وسيد السماية سأل من الاسم
- نظام تعارف وكده - طلع قريب الله.
سيد السماية قال فعلاً يا قريب الله يا قريب بخيت.

بخيت ده منو؟
ده زول كوتشينة، لو لقيتو ما تلعب معاه
النوع ال بكون فاتح لما يقسمو الورق وممكن
البايظ يكون جوكر ، حظ زي ما بقولو اوزي
ما الايموق كده👍

انتظر ما تمشي بعيد بخيت يا دوب ما بدأ

كتابة اي شئ اختبار ، تحولو لسياسة
يبقي مسيح ، تخلي زي الما عندك موضوع
يجوك ناس (المواضيع) يطلعوك ما عندك موضوع
ولا طايوق ذاتو ، تتمكن واقول مخيرالله .

اسع لو حولنا القصة لفلم عصابات وطلعوا
زعماء عصابة ول ا أحسن نحولها لكرامة والقوي
الخارقة للطبيعة وزوار من الفضاء، القصص الجميلة
دي مشهورة في داعي نشرِحها ونشرَحها ، اخدوها زي
واعملوا رايحين، وما بطال او عملتو لايك، اياكم من الديس
ز. بعد الديس دي في صورة صباع مهزوز ، ممكن
وجه غاضب يمشي الحال.



تحية للرائع ابوذر.

الحاضر الغائب عليش الريدة

الناس ال مشت وما بتنسي ، الناس المنتظرينها
ترجع ولما بعض منهم يرجع ما يفضل الا نزغرد
نزغرد بس !!! ونرقص كمان ونقول مع ودالامين
بصوته الفخيم في غربة وشوق
يا حبايبنا ، اتخيلوها معاي

سبحان الله
نفس القصة العجيبة دي حصلت لواحد بلدياتنا.، جابو ليهو ولد وكان لا يملك حق المواصلات
واف نا هلا لا قريب لا صديق لا بعيد لا اي زول. وفقد الامل تب
تقريبا السماية باقي عليها يوم او اتنين .. وهو واقف في الحر مستني زول من معارفه يوصله
وقفت جنبه سيارة سوداء ونزل زجاج الباب الايمن الامامي واشر ليهو( اركب) بلدياتنا بقول ليهو انا ؟! انا ؟ معاي انا؟
السائق نزل نضارته الشمسية السوداء وارجع عمته الكبيرة للوراء وقال .ايوة انت في غيرك هنا .. اركب
بلدياتنا خجل يوسخ السيارة بى عرقو دا.. الراجل سحب ليهو كن متديل ورق وناوله.
وساله كيف احوالك واولادمك و . وقال ليهو مالو شكلك مهموم ظاهر عليك .. مالك؟
بلدياتنا اتردد شوية وحكى ليهو الحاصل. صاحب السيارة ما اتمالك دموعه وسحب منديل اخر ومسح دميعاته
تحت النضارةوقال ليهو ارح مشوار صغير كدة .. ساعة زمان تم رفع خروفين في سيارة اجرة بوكس. وبلدياتنا ما مصدق
وغمت ليهو ربطة قروش .. وقال ليهو ناقصك شىء تاني؟ قريبنا المفاجاءات المتوالية الجمته
وجرى وراء ابسيارة وهو يصرخ طيب قول لي اسمك ياخ ... اسمك منو طيب؟
اس...مممممم. ... في اللحظة دي احس بى يد تقيلة يد حماته فتحية تهزه بى عنف .. هيييي هييييييي بابكر. اصحى
قول بسم الله جنيت ؟ منو هو الاسمو منو ؟

ههههه حلوة يا احمد يس

الكرامات كتيرة

الشيخ قريب الله وداب صالح له محبة في قلوب
كثيرين ، وايضاً لشيخ حسن لهما الرحمة ، كان
يحب الناس وهو شخص ودود ، قريب الله دي
كانت تزعج بعضهم لترجمتها الحرفية ولا يذهب
فكرهم لأبعد من ذلك ، مرات يردموا من طرف.

شيخي
في الواقع علي مستوي الوعي الحقيقي ( خلي بالك
من الوعي الحقيقي) لم يحدث اطلاقاً ان ذهبت لشيخ
او طلبت البركة من شيخ او زرت قبر شيخ أو قبلت
يد احد عدا الاطفال ، اما علي مستوي الوعي الواعي
( برضك خلي بالك من الوعي الوعي) ف لدي شيخ.

شيخي ده لحاق بعيد مسمر الجمل بالحديد، شيخي
ده بمدحو وبغنو ليه، مرات هو ود ريا ومرات مكاشفي
القوم ومرات سيد المشيد ( اي مشيد).

مرة شيخي فنا حجر في شوال اها الحجر ده فنا
في بلداً طيرو عجمي يللا شوف الكرامة وين الحجر
وصل للشيطان يوم رجمو في ذات الحجر برضو الكرامة
وين ؟ مشي بالبطئ وطبق الكرامة شفنا الحجة
ورمي الشيطان ووقفة عرفة في لحظتها ، كيف ؟ نحن
شفنا الامر في لحظته مرتين ولما الحجاج رجعوا وصفوا
شيخي بذاتو وصفاتوونحن حوالينو.

ما قلت لكم علي مستويات وفي السودان اغاني. البنات
بقولو برانا بنعرف مستوانا ، يللا حدد عزيز الكاتب مستواك.


هذه من شطحات الخيال مهداة للجميع

الحبيبة د. اخلاص
قريب الله مالو؟
صحوهو زي ما قال الموسيقار؟

د. اخلاص تحياتي
متابعين واصلي

الحبيبة دكتورة نعمات
السودانيين اليومين ديل مسمين حميدتي بخيت

بقولوا حظ ويا ريت يتمها يبقي قريب الله و
يوزع 😹😹😹😹

اهلاً استاذنا علي عبدالوهاب عثمان ع ع ع
مرورك يجعل للبوست قيمة

مودتي