ويست الحركات المسلحة

06:13 PM June, 23 2020

سودانيز اون لاين
عبدالحفيظ ابوسن-no where
مكتبتى
رابط مختصر

جدي الطيب جلي عليه رحمة الله وغفرانه . كان رجلا مميزا وزعيم اسرتنا .
وكمعظم اهل رفاعة بحب الكوشتينة
مرة كان بلعب معانا ويست . كلنا احفادو
وزعو الورق وواحد جا ورقو ابيض . قانون الويست يدكو الكوشتينة وتتوزع من جديد
جدي رفض يدك ورقو
قال دكو انتو التلاتة ووزعوهو بينكم
هي لكن يا جدي ماممكن كدة . السلاح كلو لامي عندك . رفض رفضا باتا
جدنا ونحبه جدا ومكانته في قلوبنا تفوق لعبة
دكيناها ووزعناها لي تلاتة
وجدي كان عارف لامعقولية طلبو لكنو عارف مكانتو في قلوبنا
اها
مكانة الحركات المسلحة شنو عند الحكومة البخليها تتجرأ وتطلب طلب مستحيل ولا معقول انها يستثنوها من الانتخابات ؟
زي حركات الدفاع الشعبي يعفوهم من الامتحانات

سلامات يا ابسن ..
ياريت هي لو حركة او جهة واحدة ..
لاحظ تقرير شرط زى دا معناه أنت قفلت اقليم وعدد من الولايات لحكم شمولي لمدة 8 سنوات ..
كذلك قفلت تمثيل هذه الجهات في سلطات الحكومة القومية و الاقليمية و الولائية لمدة 8 سنوات وحرمت اي شخص غيرهم ؟
لا حظ الشرط مقرون بنسب تمثيل قطعا سوف تكون محتكرة لعضوية الحركات ؟
يعنى باختصار تسليم حكم هذه الجهات للحركات لمدة 8 سنوات غصبا عن عين اهاليها..
حتى لو تم قبول الشرط بعلاته ما هو الاجراء الذي يجب ان يحدث حال احتجاج الجماهير بعد عام او عامين مطالبين بالتغيير؟
في تقديري شروط زي دي مفروض يتم فيها استفتاء للمواطنين ..
لان المواطنين وحدهم من يملكون ذلك الحق ويأمنون استمراره خلال المدة الزمنية المفترحة ..
انا لو مكان المفاوض يقول ليهم الشرط دا ممكن ان يقرر فيه بعد توقيع اتفاقية السلام واستفتاء الجماهير .

يا ملك دة شرط باطل
غير قابل لاي نقاش سوى الرفض
ياها الضراقراطية

وقالوا عاوزين
8 وزارات سيادية
4 في مجلس السيادة
80 عضو تقريبا من المجلس التشريعي
كل ولاة دارفور
ودي الجبهة الثورية بس ولسا باقي التوم هجو
وحركات تانية
ياخ هل السودان دا وطن واحد
قومي ومراتبط المصير والانتماء والشعور
ام انه مجرد جغرافيا كما قال هيكل
مبالغة غايتو
طبعا طلب الفول ب 150 الف
طيب طلب الشية بكم والسلات بكم والكبدة

رفع سقف المطالب بهذه الصورة التعجيزية
المقصود منه انتظار رفضها الحتمي ..
وده بيعني فرض الواقع الحالي واستمرار الحرب
الحركات يا أب سن بتدعم فيها دول بالمال والسلاح
من سنين طويله وصرفت عليها مليارات الدولارات
ودي أموال تم دفعها من جيوب ممولي الضرائب ..
فكونوا يأتي من يتوقع أن يتم ايقاف الحرب ..
بالسهولة دي وببلاش بيكون زول حالم ليس إلا ..
الحل ليس بيد الحركات الحل بيد من يدعمها

غايتو عجبني موقف الحزب الشيوعي ..
جابها على بلاطة فعلا دي مفاوضات عبثية
لا طائل من وراءها -الواقع بيقول كده

دة المفروض منعم
وطن واحد تتحل مشاكلو في اطار الوطن الواحد
انا مافيهم
قالوا لو المتحدث مجنون البسمع يكون عاقل
دي عميا وقايداها مجنونة

صدقني يا ودالقوز هم معولين علي تنفيذها
شايفين ضعف الحكومة البائن
وشايفين بعض رجالات العهد البائد لازال بعضهم في السلطة
تعجيزية اكتر من تشوف مسيرة حزب محلول تفتح لها الشوارع

وبعاعيت مايو في المركز ديل اضل والعن منهم
البعثي والناصري والشيوعي برضه ما عايز انتخابات
وهم كلهم يلا مثلو حاجة سودانية علي الاطلاق لا عمد ولا اطيان
في قاعدة جوهرية ونحن مشكلتنا ما في الديدمقراطية ولا الشعب ولا الانتخابات
قاعدة جوهرية اي زول ما تناخبو انت في مستوي بتيجيبو المخابرات الامريكية والاقليمية يطلع زيتك بي انقلاب او محاصصة وثورة مزيفة
هسة معقول شعب طلع الانجليز بالانتخابات وهو 80% امي بي رمز الفانوس ورمز القطية والفانوس حرق القطية نجي القران العشرين يقعدو اقليات مشوهة في راسنا بي المحاصصة ومتسكعين قطر والامارات في الهامش
ياخ الحركة الشعبية دي ملا وصلتك انتخابات 2010 عديل وسجل ليه 18 مليون سوداني ديل سجلو للحج والعمرة
السيرك المدور ده بضيع اسودان واحثقار وعي الناس انو الانتخابات ما كويسة وبتجيب الكيزان دي غايتو الا يصدقا معتوه زيهم
الامم المتحدة جات لي شنو تشرف علي انتخابات حقيقية بس وتتنتهي البلاوي دي
https://top4top.io/
انا من ولاية نهر النيل وقحت لا تمثلني ولا تفرض علي اي حاجة في الولاية لا والي ولا برلمان محاصصة وكمان الجنرال ده ما يلزمني
وما يلزمني الاعلان الدستوري 2019 اطلاقا عاجبني برنامج العبيد الحركة الشعبية ودستور 2005
عايز انتخب الوالي بتاعي براي ونائب البرلمان بتاعي براي والولاية ما فيها حركات مسلحة فيها تردي خدمات
انتظر سيرك جوبا لي بتين ؟؟؟؟