ماشين علي مليونية 30يونيو.. قوي الاعلان منهم ناس قالوا طالعين وناس قالوا ماطالعين. المهنيين لسة ماسمعنا قولهم ماعارفينهم في نفسهم اتفقوا ام لسة مختلفين؟!. يعني الشارع بقي سايق روحه. المواكب المتوقعة قالوا اسمها مواكب تصحيح المسار!! اتخيل! البوست دا ح يطول شديد..
حميدتي رجع من اثيوبيا.. لقاءه الصحفي دا ( لو جازت التسمية) اختصر كتيييييير. وضح حالة الهوان والانحطاط اللي وصلنا ليها بعد ثورة شعبية اقل وصف ليها انا بس كانت سلمية..
المسؤلين من (حاجات الناس) مفروض يمشوا اثيوبيا يتعلموا منهم.. سامع يا حمدوك؟؟ ههههههه
الشارع السوداني.. بعرف متين يبقي المطر ومتين يصبح حريق. في ال 31 سنة الفاتت ما عنده قيادة سايق نفسه برااااه. التخويف بازدياد حالة الكرونا مردود علي اصحابه. خرجت مظاهرات مطالبة بالاصلاح حول العالم (الحر) رغما عن العدد الكبير بالاصابات والوفيات مقارنة بحالنا في عدد كبير من عواصم العالم. وفي سوداننا دا الناس مرقت وصلت العيد وشيعت (موتي) الكرونا ومخالطة في الاسواق وووو.. يا انت يا وطنك جهز عديل كفنك.. الدوشكا وكتائب الظل ما منعت الخروج وعلي قولة د. أكرم قدرنا علي البشير ما ح نقدر علي الكرونا؟
المشهد الان.. وبعدما الحكومة بقت جنازة بحر وفشلت باعتراف اهلها في الامة والوطني والشيوعي وحتي رئيس وزراءها وبقت علي الدفن وبقي مافارق متين يتم تشييعها لمثواها الاخير انقسم الشارع لمجموعتين.. الاولي مطالبة بدفنها (اصلاح مسار) في زمن الكرونا بمليونية يونيو والتانية بتطالب (بساعة) تأجيل عسي ولعل تشرح فيها لينا اخفاق (الشعاع) او يمكن يتنفخ فيها من روح بعد سقوط (القناع).. وصلنا هنا كيف.. دا مسار البوست وبالحقائق كانت بالبيانات تصريحات مقابلات كلوووو في.. ماقاعدين نكضب او ننجر. حميدتي قال أمشوا اثيوبيا اتعلموا.. ههههههههه. هو اللي وداهو زاتو شنو هناك بامرة منو ولشنو ومثل منو؟ قال البونية التحتية عندهم.. غاااايتو
المهنيين قالوا طالعين.. مليونية تصحيح المسار! حكومة الثورة حادت عن مسارها وضلت طريقها وبمليونية الحكومة منتظراها تطلع عشان بعدها يقوموا يفتحوا عيونهم ويعيد ليهم وعيهم ويصحوا من نومتهم عشان يمشوا في الطريق الصحيح.. ههههههه. المليونية دي استفتاء.. ناس كتيرة منتظرة حجمها يكون قدر شنو وبعدها ح يكون لكل مقام مقال.. الامة قال فشلت والسوداني قال فشلت والتجمع قال فشلت وحميدتي قال فشلت وحمدوك قال اخفقت.. ومنتظرنها تصحح مسارها؟؟؟ غاااايتو..
مولانا حافظ.. سلام واحترامات. الكيزان طموحهم هو تغيير الصف الاول منهم بصف تاني. ودا الحاصل الان. العسكر حقنهم وكل مؤسسات البلد الامنية هم اللي لسسسسسة ماسكنها. في الوزارات والشركات الكبيرة قروشهم مدورة وقاااالبة. الحال دا ما كانوا يحلموا بيه لما الشارع كان بهتف (اي كوز بندوسو دوس) حتي اسأل حسين خوجلي لما قعد يتبكي ويتجرس. مطالبهم يفضل الحال كدا ويمشي لانتخابات يعودوا هم من خلال (احزاب بعينها) شاركتهم او كانت ح تشاركهم لو ما الثورة قامت. السودان لن يحكموا عسكري تاني.. وبالذااات حميدتي. السودان لن يحكموهوا كيزان تاني (رافعين السبابة) اللهم الا راية تاني او جلابية حزب معروفة..
العزيز عاصم.. سلامات.. الكيزان آخر ناس عاوزين اااي نجاح للشارع ياعاصم. ماعندهم ااي مطالب غير (القلع المخجل) من ناس التمكين من ناسهم و اربابهم (المحرش ما بكاتل).. ناسهم كوووولهم في الدفاع الشعبي والجيش ومخترقين الجنجويد وماسكين الحكومة من جووووة في كل دواليب عملها ومعطلنه عديل (شوف فيديو لجان كرري). ديل لو بيدهم الحال يفضل جايط كدا ومرة مرة يعملوا ليهو شوية (زحفة) مدعومة من البرهان وبقية العسكر. لو طلعوا يا حبابهم مليونية وكبرت.. اما قصة يخربوا دا جربوها كم مرة وقاموا جارين في النهاية.. الخوف طبعا من كتائبهم ومن مليشياتهم تخطف ارواح شهداء جدد بس دا لو حصل ح تطير معاه رقاب.. مش قالوا حامين الثورة وفي تناغم؟!!
الحبيب جعفر بشير.. تحايا واحترامات.. دا الطلس بعينه.. إتخيل في اجتماع واااحد طلعوا (بالمخرجات) دي وليهم سنة سايقين الشارع (بالخلا).. معقولة بس. لسة ما عارفين او ما متخيلين انو الشارع دا ممكن يقبل عليهم يوديهم الكوشة زي ما غيرهم مشي ليها بكرعينه.. الحزب الشيوعي (الفة الفصل) حافظ علي تماسك المكون دا (جمل الطين) سمح لكن ما بتحمل.. بس بعدما الجمل دا نشف اهو بقي يتفتفت وح تزروهو الريح.. الاتحاديين بصمتهم واضحة في الاصرار علي المليونية.. نشوف الايام الجاية.. ح يتجاروا كدا لوين مامعروف والعسكر شركاءهم قاعدين والكيزان متمكنيييين..
الاستاذ الموسيقار ترهاقا.. البركة فيكم في فقدكم العزيز وتقبلها الله بواسع رحمته والهمكم الصبر الجميل..
Quote: الزول ده ذكرني بالرحلات المدرسية
الزول دا حياته كولها لا مسك ورقة كتب فيها ولا عرف كيف حتي يقرأ منها.. متعود (يسوقوه) من المطار لبلاط الامراء واصحاب الجلالة يلعق جزمهم ويقبض الفيها النصيب قصاد عمالته ويرجع. المرة دي آبي أحمد اكرموا.. فسحوهو في اديس وأتملأ زغني وتبسي كتفو ولعبوهو شوية بدرقة وسيف وحضر عقد قران وجاء الخرطوم (يتّرع) في المطار.. قال ليهم مفرووووض تتعلموا من الحبش.. حولااااا.
Post: #14 Title: Re: || الحرية والتغير سكرتنا فكت , البفك شناتكم Author: Mutasim Idris Date: 06-26-2020, 07:36 AM
مؤتمر المانحين (قومة) اجنبية مستحقة لبلد تم تغييبه من احرار العالم ورجّع اسم السودان بقوة بين اقرانه. أعفاء الديون لفتة تستحق الاشادة من بعض الدول.. بعد القومة (السودانية) دي دفرة جديدة عس ولعل الحكومة تستفيد منه خاصة واغلب الدول منحت مع توجيهات للصرف قبل ما (المعيقات) والفشل الصاحب الحكومة تبلع كل ما تم من انجاز. الاهم هسي هل ح تقدر حكومة حمدوك وحاضنتها (قلع) المليارات واعادتها من العسكر في تزامن مع الدعم دا؟ الاجانب عملوا العليهم الدور والباقي علي (الشركاء) ما يبقي كلام استهلاك ساااي..
من مطالب الشارع استرداد شركات المنظومة الامنية وتتبيعها لوزارات الحكومة الانتقالية فيه رسالة واضحة للجنة التفكيك. كشوفات الاراضي بتاعتكم وفصل كم كوز ماعادت طموحات الشارع. العالم (جاد) علينا في قومة عالمية وكتر خيرهم ادونا قريب مليارين. لكن عندنا في بلدنا قدرها ماسكنها الجيش والامن والجنجويد مننا.. لجنة التفكيك امام اصعب امتحاناتها. حمدوك بقول متناغم مع العسكر اللي هم شركاء الحرية والتغيير في الانتقالية والشارع طالع يطالب بتفعيل (الشراكة والتناغم) دا. الخائف من الكرونا يقعد في بيتهم..
وجود امني كثيف عند مداخل العاصمة واغلاق للكباري. يعني دي ما عملوها يوم فض الاعتصام لا قوي الاعلان لا الشريك العسكري!! المليونية واقعة لا محال.. الشريك العسكري لانه تربية كيزانية ولسة شغال بالعقلية القديمة اللي سقطت حجر نظامهم مفتكر تقفيل الكباري ح يعيق حركة المليونية وتجمعات الثوار. زغرودة (الصيحة) من كنداكة في مداخل الكباري ح تفتح ميتينو.. قوي الحرية كلموا شركائكم وفهمومهم انه الشارع دا لا حقكم لا قادرين عليه.. الشارع راكب راسه وح يوصل رسالته.
لجنة تفكيك التمكين في مؤتمر صحفي (فوق العادة)!! الناس دي بقت تتجاري كدا مالها؟؟ بالله يادوب حسوا إنه الشارع ما متنازل عن مطالبه؟؟ لو مؤتمرهم دا مافيه تفكيك واسترداد لشركات الجيش و الامن والجنجويد يبقي ذر رماد في العيون.. وتاني مؤتمراتهم التلفزيونية ح تبقي زي بيانات تجمع المهنيين الناس اتجاوزتها (الراجل في الشغل والمرأة في التكل).
متين كان الاتفاق يا محمد وليه مربوط بالبنك الدولي؟ يعني حتي (سلفية البنك) ضمانها قروش الجيش ولة البنك ح يخوف الجيش يسلموا غصب بعد ستة شهور؟؟ لا العسكر لا الكيزان تاني يحلموا يحكموا غايتو.. هم المدنيين الحاكمين هسي بقوا في تولا.. سمعت قالوا في تغير وزاري ههههههههه.
