انت كوز ؟

Post: #1
Title: انت كوز ؟
Author: Hani Arabi Mohamed
Date: 06-18-2020, 01:40 PM
Parent: #0

01:40 PM June, 18 2020
سودانيز اون لاين
Hani Arabi Mohamed-كوكب الأرض
مكتبتى
رابط مختصر

Quote:
😂😂😂😂😂😂

س- ماهي خطتكم لحكم البلد
ج- القحاطي: مخططين نبل الكيزان.

س- مشاكل البلد حتحلوها كيف؟
ج- القحاطي: الكيزان ما حا يخلونا نشتغل.

س- مشكلة العيش شنو ؟
ج- الكيزان كبو الدقيق في البحر.

س- الوقود
ج- الكيزان كبو في البحر.

س- مشكلة الدولار ؟
ج- الكيزان يشترو الدولار عشان يرتفع.

س- الصفوف؟
ج- ديل الكيزان بقيفوا في اي صف عشان يطول

س- ما بتعتقد أنكم فاشلين؟
ج- الكيزان أفشل مننا.

س- ما شايف حقو تسقطوا ؟
ج- لو سقطنا بجوكم الكيزان وهم أسوأ مننا.

س- طيب صف لي مقدراتكم شنو؟
ج- الكيزان فاشلين و حرامية ودمروا البلد دي ٣٠ سنة.

س- لا قصدي انتو مؤهلاتكم شنو؟
ج- الكيزان حكموا البلد دي ٣٠ سنة بدون مؤهلات وهم حرامية.

س-انا اقصد انتو الشعب حا تعملو ليه شنو؟
ج- الشعب صبر علي الكيزان ٣٠ سنة ما قادر يصبر علينا ٣٠ سنة برضو

س- طيب تعتقد انو الشعب راضي عنكم؟
ج- المنظمات الدولية راضية عننا وكانت ساخطة علي الكيزان.

س- طيب دفعتو تعويضات كول ليه رغم انو السودان بريء ؟
ج- لانو الكيزان ابو يدفعوا.

س _ انعدام تام للدواء؟
ج _الكيزان شربوا كل الدواء

س _ مامصير أموال كورونا و النزاع بين أكرم والبدوي ؟
ج_الكيزان فاسدين اكثر مننا ، فساد 30 سنة ما قادرين تتحملوا فساد سنة واحدة.

س _ في رايك ممكن كيف توقفو الفشل ده وتحلو مشاكل البلد؟
ج _ انت كوز ؟؟!!

Post: #2
Title: Re: انت كوز ؟
Author: جمال ود القوز
Date: 06-18-2020, 02:03 PM
Parent: #1

غايتو دي فرمالة الشيوعيين والكيزان لا شريك لهم يا عربي ..
لان الكيزان برضو كانوا كده أول ما تختلف معاهم
يقولوا ليك انت ما عايزنا نحكم معناتها انت ما عايز الدين
إذن انت شيوعي كافر .. ههههههه
هسه يقولوا للشيوعيين انتو شبه الكيزان الزعل يشقهم
النصيحة لا فرق بين هذه الحزبين مهما قالوا وعادوا
هم شبهينا وإتلاقينا .. نفس العنجهية وإدمان الفشل ..
الشيوعيين ياهاني ماسكين البلد وما قادرين يحكموها
ومصرين إنه السبب هم الكيزان وكل يوم يذكرونا بيهم ..
ونحن أصلا عايزين ننساهم وننسى أيام حكمهم الغبراء ..
طلعنا من حفرة لي دحديرة زي ما بقولوا الجماعة الطيبين

Post: #6
Title: Re: انت كوز ؟
Author: Hani Arabi Mohamed
Date: 06-21-2020, 10:32 PM
Parent: #2

Quote: غايتو دي فرمالة الشيوعيين والكيزان لا شريك لهم يا عربي ..
لان الكيزان برضو كانوا كده أول ما تختلف معاهم
يقولوا ليك انت ما عايزنا نحكم معناتها انت ما عايز الدين
إذن انت شيوعي كافر .. ههههههه
هسه يقولوا للشيوعيين انتو شبه الكيزان الزعل يشقهم
النصيحة لا فرق بين هذه الحزبين مهما قالوا وعادوا
هم شبهينا وإتلاقينا .. نفس العنجهية وإدمان الفشل ..
الشيوعيين ياهاني ماسكين البلد وما قادرين يحكموها
ومصرين إنه السبب هم الكيزان وكل يوم يذكرونا بيهم ..
ونحن أصلا عايزين ننساهم وننسى أيام حكمهم الغبراء ..
طلعنا من حفرة لي دحديرة زي ما بقولوا الجماعة الطيبين

جمال ود القوز
مساء الخير

يحيروك !

Post: #3
Title: Re: انت كوز ؟
Author: adil amin
Date: 06-19-2020, 04:48 AM
Parent: #1

يا سلام يا هاني والله الحوار ده لو تعمل تسجيل درامي يكون احلي حاجة
جدعو دستور الحركة الشعبية والمحكمة الدستورية والاتفاقيات ورؤية الحركة الشعبيةو الوصلتنا النتخابات 2010 وقعدو ام فكو
بعاعيت مايو 1969 نفسهم واعادة ندوير ومن نعمره ننكسه في الخلق
وقاعدين لينا في انت كوز دي
https://top4top.io/

والغريبة خلو الكيزان في البورد وبقو يرفسو في الختمية
عاش ابو هاشم

Post: #4
Title: Re: انت كوز ؟
Author: ABDALLAH ABDALLAH
Date: 06-19-2020, 04:50 PM
Parent: #3

أعوذ بالله من الشيطان الرجيم
هذا البوست يدل على أن الكيزان هم فعلاً إخوان الشيطان فى حربهم لحكومة الثوره .
( يوحون إلى بعضهم زخرف القول وزورا )

Post: #5
Title: Re: انت كوز ؟
Author: جمال ود القوز
Date: 06-20-2020, 12:49 PM
Parent: #4

Quote: ( يوحون إلى بعضهم زخرف القول وزورا )

خد يا هاني أهو عمك عبد الله ما حبا يحرمنا ..
بس جابا لينا اسكرو وفي حلق التمنيات .. خخخخ

ناس البكا صبروا والجيران كفروا ..

فهل أنت كوز؟! ..

Post: #9
Title: Re: انت كوز ؟
Author: Hani Arabi Mohamed
Date: 07-03-2020, 02:00 PM
Parent: #5

Quote: خد يا هاني أهو عمك عبد الله ما حبا يحرمنا ..
بس جابا لينا اسكرو وفي حلق التمنيات .. خخخخ

ناس البكا صبروا والجيران كفروا ..

فهل أنت كوز؟! ..

صباح الخير يا جمال ،،،،
كيف صحتك ؟

تقول شنو لنوع عمك ده

Post: #8
Title: Re: انت كوز ؟
Author: Hani Arabi Mohamed
Date: 07-03-2020, 01:58 PM
Parent: #4

Quote: Re: انت كوز ؟ x
Author: ABDALLAH ABDALLAH
أعوذ بالله من الشيطان الرجيم
هذا البوست يدل على أن الكيزان هم فعلاً إخوان الشيطان فى حربهم لحكومة الثوره .
( يوحون إلى بعضهم زخرف القول وزورا )

هذا الرد يدل على أنك لا تعرف صليحك من عدوك ولا تعرف أين الكيزان ، اذهب وابحث عنهم وقل لهم كلامك هذا.

Post: #7
Title: Re: انت كوز ؟
Author: Hani Arabi Mohamed
Date: 06-28-2020, 09:38 AM
Parent: #3

Quote: يا سلام يا هاني والله الحوار ده لو تعمل تسجيل درامي يكون احلي حاجة
جدعو دستور الحركة الشعبية والمحكمة الدستورية والاتفاقيات ورؤية الحركة الشعبيةو الوصلتنا النتخابات 2010 وقعدو ام فكو
بعاعيت مايو 1969 نفسهم واعادة ندوير ومن نعمره ننكسه في الخلق
وقاعدين لينا في انت كوز دي
https://top4top.io/https://top4top.io/

والغريبة خلو الكيزان في البورد وبقو يرفسو في الختمية
عاش ابو هاشم

عمنا عادل أمين
صباح الخير
البلد حالها يحير

Post: #10
Title: Re: انت كوز ؟
Author: محمد أبوالعزائم أبوالريش
Date: 07-03-2020, 04:04 PM

الحقيقة أنا بستغرب لما زول يقول (حكومة شيوعيين)
التفسير الوحيد إنو الناس ما إعتادوا يكون في ولا شيوعي في أي حكومة.

عشان كده، الحكومة دي مهما كان مكونها، الناس حيعتبروا الشيوعي شيوعي والما شيوعي برضو شيوعي ... رغم إنه (قحت) هي أكبر تجمع لقوى سياسية في تاريخ السودان.

Post: #11
Title: Re: انت كوز ؟
Author: منتصر عبد الباسط
Date: 07-03-2020, 04:13 PM
Parent: #10

Quote: لتفسير الوحيد إنو الناس ما إعتادوا يكون في ولا شيوعي في أي حكومة
مافي زول وطني بكون عندو مشكلة مع استوزار الشيوعي إذا كان كفوء
لكن البكره الناس في الشيوعيين هو تعصبهم واستماتتهم لتبرير أخطاء منسوبيهم
المستوزرين
هذا السلوك ستضرر منه الأحزاب نفسها إذا استمروا على هذا الحال
الكورة الأن في ملعب الشيوعيين فعليهم التحلي بالمرونة وتقديم الوطن على المصالح الحزبية