وجهة نظر مواطن حول قحت و حكومتها (تسجيل صوتى)

05:07 AM June, 17 2020

سودانيز اون لاين
Abureesh-أمريكا
مكتبتى
رابط مختصر

لا أعرف الرجل و رأيت التسجيل فى الواتساب فرفعته على اليوتيوب.

يا ابوريش نحن قبيل شن قلنا في البورد ده
الثورة تغيير وليس اعادة تدوير
https://top4top.io/

هلا عادل
غلبنا النقولو.. الزمن دا كله نقول مع زيدان اقول اصبر على الهجران.. و إنو معارضة سايسات فحت تصب فى مصلحة الكيزان.
هؤلاء ليسوا ثواراً.. وأول أول الأيام بعد نجاح الثورة، المجلس العسكرى يترجى و يشحت التجمع و قحت عشان يشكلوا الحكومة عشان يسلموها ليهم.. و لا
كان عند المجلس مجرد الفكرة انهم سيكونوا شركاء.. أبوا و ماطلوا لعدة اسابيع بل أكتر من شهر.. لغاية ما سال لعاب العسكر فى السلطة وصار موقفهم قوى.
المجلس العسكرة صوته بح و هو يطلب منهم تشكيل الحكومة.. و هم يماطلوا لأنهم كانوا يتصارعون فى اجتماعاتهم من يكون الوزير و من يكون الرئيس..
و لو رجعت لبوستاتى هنا فى نفس تلك الأيام لوجدت مطالباتى المتكررة فى أكتر من بوست أن يسرعوا بتشكيل الحكومة.. و لكن الصراع أقعدهم. قلت كان
المفروض يجوا منصة الإعتصام الرئيسية و فيها يشكلوا و يعلنوا حكومتهم تحت حماية الشعب، و يدعون لمؤتمر صحفى.. ويسيرون شؤون الدولة من موقع الإعتصام
حتى ينتقلوا لمقر الحكومة.. هؤلاء ليسوا ثوار على استعداد للتضحية يا عادل. طائفيون أثبتوا عبر العقود فشلهم بل تدميرهم للسودان، و أفندية جو من وين ما تعرف، جاءوا و (ركوا) فوق روسينا.

سلام ابو الريش
دا زميل المنبر محمد حسن العمدة

Quote: وأول أول الأيام بعد نجاح الثورة، المجلس العسكرى يترجى و يشحت التجمع و قحت عشان يشكلوا الحكومة عشان يسلموها ليهم.. و لا كان عند المجلس مجرد الفكرة انهم سيكونوا شركاء.. أبوا و ماطلوا لعدة اسابيع بل أكتر من شهر.. لغاية ما سال لعاب العسكر فى السلطة وصار موقفهم قوى.

ما كان الامر بالصورة دي لو تذكر مناورات عمر زين العابدين في اشراك جميع القوى السياسية بما فيهم المؤتمر الوطني و من كان متحالفا معه حتى لحظة السقوط
المجلس العسكري كان بماطل من اول لحظة, و كان عايز ينفذ سيناريو ملعوب كما حاول المجلس العسكري في مصر

محمد حسن العمدة و كثيرين غيره ينتقدون من برة وما عارفين التحديات و طبيعة المشاكل في شراكة السلطة ويقيني لو تبدلت الادوار و اتى محمد العمدة دا نفسه في موقع السلطة لتغير حديثه
واتفق معه في آخر الحديث عن أن قحت اعلان مبادئ وليس اتفاق على شخصيات

Quote: المجلس العسكري كان بماطل من اول لحظة, و كان عايز ينفذ سيناريو ملعوب كما حاول المجلس العسكري في مصر

يماطل أكتر من البشير؟ ما يماطل!! إنت تباريه ليه؟
عندك سلطة الشعب فى ميدان الإعتصام.. تجى تلتحم بشعبك و تعلن حكومتك من داخل الإعتصام ما من القصر.. ولا تتفاوض من العساكر إلا فى إجراءات تسليم السطلة.
قلت ليك ديل ما ثوار,

Quote: عندك سلطة الشعب فى ميدان الإعتصام.. تجى تلتحم بشعبك و تعلن حكومتك من داخل الإعتصام

الكتابة سهلة جدا من بعيد, فا الصورة تبدو مختلفة كثيرا عن الواقع
هل كان في إمكانية لإعلان حكومة من داخل الاعتصام ورفضت الحرية و التغيير الفرصة وارتضوا بديلا لها هذ الشراكة الصعبة بكل تحدياتها و مشاكلها!

Quote: و لو رجعت لبوستاتى هنا فى نفس تلك الأيام لوجدت مطالباتى المتكررة فى أكتر من بوست أن يسرعوا بتشكيل الحكومة

صحيحة والناس بتشهد بى كدة .. الاسراع بتشكيل الحكومة حتى يفوتوا الفرصة
على المجلس العسكري

Quote: ما كان الامر بالصورة دي لو تذكر مناورات عمر زين العابدين في اشراك جميع القوى السياسية بما فيهم المؤتمر الوطني و من كان متحالفا معه حتى لحظة السقوط

رغم إنو كلامك دا أول مرة أسمعو وهو منك هسع
وما وصلني عبر أي مصدر إعلامي !
ولو عندك ما يثبتو هاتو
ولو فرض صحته ولا أعتقد أنه صحيح عمر زين العابدين أبعد في وقت مبكر جدا
والعراك كله كان في السيادي وليس في الحكومة وسلطاتها!
ما عارف ما سر إصرارك على تبرير جريمة استمرار اعتصام القيادة !
الذي هو كان السبب الحقيقي والأكبر في كل البلاوي والمستفيد الوحيد منه كان الكيزان!
ولا زالوا يستفيدون من الضبابية التي حتى صاحب هذا التسجيل مسيطره عليه

Quote: هل كان في إمكانية لإعلان حكومة من داخل الاعتصام ورفضت الحرية و التغيير الفرصة

يا ود البشرى انت عندك الشعب قدامك و حولك.. الشعب السودانى.. كيف يعنى تنتظر جهة تديك فرصة و إمكانيات.. الظهر قاعدين نتكلم و كل زول فى جبل.. إمكانياتك الشعب، و الفرصة أنت كممثل للشعب الذى تديها وتنعها.
هم لو عاوزين زول يديهم فرصة و إمكانيات متصدرين للقيادة ليه ما يقعدوا فى بيت أمهم.. و الله أثبت لى انهم فعلا أقزام لا يقوون على عمل أى شئ حتى يعطوا الفرصة.. أستاذ أستاذ أدينى فرصة اتكلم!!!!
الموضوع يا ود البشرى هم ما كان عندهم أى استعداد للتضحية، لذلك لم يكونوا أهلا لقيادة الثورة منذ البداية.