بنات بيت المال اجمل من بنات كلفورنيا . تعليق مكتوب في كارو

07:20 PM June, 17 2020 سودانيز اون لاين
Osman Musa-
مكتبتى
رابط مختصر

(adsbygoogle = window.adsbygoogle || []).push({});


التعليق ده لازم يوقفك.
يشهد الله انا من المحبين جدا لعموم الرتاين في الحبيبة كلفورنا .
ونفس الشي لبيت المال .
التعليق الرهيب وقفني ومشيت لي سيد الكارو
انتظرتو لاحدي ما جا للكارو الواقف
وقبل ما يشيل
لوح الثلج المردوم في ضهر عربية الكارو .
سالتو . عن التعليق .

اموت ركن فى ناس بيت المال

صعب يا النصري اخوي تلاقي ركن فاضي يكون ليك قبر.
كل الأركان محجوزة.
اهل بيت المال الرائعين يستفوك كرم ويرعوك محبة.
تعال ياخ النحكي ليك تعليق عمك .
تحياتي

قلتلو يا خال الخلاك تكتب الكلام ده شنو ؟
وليه تحدد بيت المال ؟
قال لي بيت المال سرها في بطنها .
لكن بحكي ليك عن بطنها وعميق الدروب فيها.
بحكي ليك حتي لو ساح الثلج كلو .

دايما موضوعاتك يا عثمان تقطر عسل و خفة دم..
صباح الورد

أخونا محمد ع الحسين
سلامات
سعيدين بمرورك الكريم
تعال اسمع حديث عمك صاحب الكارو
عن بيت المال وعن كلفورنيا .
تحياتي

حكايات ولا في الخيال يحكيها عمنا الشاعر
والمثقف صاحب الكارو عن الحي المتفرد
حي بيت المال .

الفيلم دا حيبدأ متين يا Osman Musa

متابعين حكايات سيد الكارو المثيرة ...

أخونا نصر الدين سلامات
والله انا مستعجل اكتر منك للحكايات المبهرة عن الحي
المبهر وناسوا الجميلين .
عمك صاحب الكارو قعد مع كتير من المغتربين و المهاجرين
والعازفين والفنانين والشعراء والطنابرة والتجار
والجزارين والعساكر والسياسيين والهمباتة والمشايخ والرياضيين
من أبناء بيت المال .
شال من هنا ومن هنا . رجل في قمة الأدب وهو يحكي ليك
خليك قريب.

ادناه ياعثمان نتعرف على جانب من الصناعة الراسمالية للجمال وعلاقات الجمال الداخلي والخارجي.

ويصبح السؤال:

هل فلت جمال بنات بيت المال من تأثير الدعاية والصورة؟؟؟

ماف صور يا عمكـ ؟؟

وووووب من بيت المال ، دكاكين الطاهر ؛ فريق ازحف ، حى الكراكسه

حدود بيت المال
نيل النيل من الجهة الشرقية
شارع ودارو من الجهة الغربية
شارع ازهرى من الجهة الجنوبية
شارع ابوروف من الجهة الشمالية

https://postimg.cc/vcLpb128

عثمان صباح الفل

سيد الكارو ده ليه بيتقّل علينا يا عثما ياخ؟

Quote: أخونا محمد ع الحسين سلامات سعيدين بمرورك الكريم تعال اسمع حديث عمك صاحب الكارو عن بيت المال وعن كلفورنيا . تحياتي

منتظرييييين....

ود الصايم سلامات
الكارو واقف في الفرقة الفي نهاية ش كرري جنوب .
شايف المكانات التجارية الكتروسة ادوات كهربائية ديك؟
بس ده محل الكارو .
لكن الصور لو نزلت حتجيك من برشلونة.
تخيل .
ياخ مشكور كتير علي المرور المهم جدا للبوست.

أخونا الشاعر الخواض
سلامات
قلتلو يا عمك اسباب كتيرة خلتني اقيف في التعليق
الانت كاتبو في كاروك ده .
بيت المال الحي البديع والحبيبة كلفورنيا.
البكانيين بكانات شعراء والبكانيين بكلنات جمال.
والبكانيين اصيلات.
وحكيتليهو عن بنتين حقيقة ملكات جمال وملكات أدب .
وملكات فهم .
وهن طالبات في جامعات في السودان من بيت المال .
كانن في مهمة دراسية قصيرة .
قابلتهن في برشلونة . في اسبانية .
كنت جعان وداير اشتري ساندويتش شاورما
من كشك تونسي.
راعي الكشك اداني لفافة الشاورما والكوك.
وقبل ما ادفع . قال لي البنات دولاك دفعوا عنك.
يا الله .
..
انتوا من وين ؟
من بيت المال .
بيت المال مره واحدة؟
عليك الله يا اسامة خليك قريب وشوف الحصل .

وين التفاصيل يا عثمان ووين الجمال؟ متابع البوست دا لامن ريقي نشف ما لقيت فيه التكتح. كنت عشمان في قصة سيد الكارو ويكون معاها هوادة صور كدي.
النجيضة: شفت عدد قليل من بنات بيت المال، ويمكن يكون بنات بيت المال جميلات لكن بيت المال كحي ما جميل؛ دي قلتها شلاقة مني ساكت في شان الله، لأني ما شايف حاجة حلوة في السودان دا إلا الخلاء. حكمة الله والرسول.

ياعثمان انا قريب..

الضيوف سالوك عن الجمال...وحتى ترجع أدناه ناشطة تفتخر بكبر أنفها :

ياشيخ عثمان تحياتي
شرقنا وغربنا وماشفنا اجمل من بنات حلتنا
بيت المال حي فريد ونبيل و(قومي)، جمع كل القبائل والاطياف والطوائف، وكلنا عايشين في تناغم وهارموني عجيب ما أظن نغصته حاجه قبل كده إلا شيخ الأمين اللي كان مثار جدل وسبب لكثير من المشاحنات.
نسأل الله العوده القريبه لبيت المال وحسانها