في مايو الماضي أكملت إبنتنا إمتثال 3 سنوات في المنبر كان حضورها مشرف و قلمها متميز لها التحية.
Post: #2 Title: Re: تحية و إجلال للإبنة إمتثال (ربنا يحفظك) Author: Hamid Elsawi Date: 06-17-2020, 06:50 AM Parent: #1
قد تكون أصغر كاتبة في المنبر و تمثل جيل الثورة خلقت علاقات متميزة مع الجميع ... كتاباتها تتميز بروح البحث و الجدية و روح الفكاهة و المرح .... تتميز بالبحث الجاد عن الحقيقة ...
Post: #3 Title: Re: تحية و إجلال للإبنة إمتثال (ربنا يحفظك) Author: Hamid Elsawi Date: 06-17-2020, 06:50 AM Parent: #2
عقلها تخطي بجسارة عقبة التلقين. لأن كثير من العقول تردد بغباء و دون تفكير ما تلقنته من الاعلام خلال سنوات الانحطاط الفكري و الثقافي الذي خلفته سنوات الدكتاتوريات المتعاقبة عسكرية كانت أو مدنية.
Post: #4 Title: Re: تحية و إجلال للإبنة إمتثال (ربنا يحفظك) Author: Hamid Elsawi Date: 06-17-2020, 06:51 AM Parent: #3
أثرت مكتبة سودانيزأون لاين بمواضيع متميزة و بحوث قيمه لا يسع المجال للخوض فيها ... لكن الارشيف يتحدث
Post: #5 Title: Re: تحية و إجلال للإبنة إمتثال (ربنا يحفظك) Author: Hamid Elsawi Date: 06-17-2020, 06:51 AM Parent: #4
تجاوزت كل المشاكل بحكمة بل و أجبرت من ماس ضدها العداء علي احترامها بسلوكها الحكيم جداً و بصيرتها المتقِدة و صبرها الشديد
Post: #6 Title: Re: تحية و إجلال للإبنة إمتثال (ربنا يحفظك) Author: Hamid Elsawi Date: 06-17-2020, 06:51 AM Parent: #5
لك التحية الكاتبة و الباحثة و المناضلة و الإبنة امتثال و مزيد من العطاء في السنة الرابعة لك في المنبر البوست للجميع
ما حاولنا... و جيت انت الوليد الفالح ترسم وتشرح ... عالم ما عندها احساس ...
Post: #16 Title: Re: تحية و إجلال للإبنة إمتثال (ربنا يحفظك) Author: MOHAMMED ELSHEIKH Date: 06-17-2020, 11:27 AM Parent: #15
Quote: عاوزين ليها معجبين من جيلها :)
انت مش من جيل الالفينات
وتيب؟؟؟
Post: #17 Title: Re: تحية و إجلال للإبنة إمتثال (ربنا يحفظك) Author: نعمات عماد Date: 06-17-2020, 11:33 AM Parent: #15
ما شاء الله، يا سلااااااام على وعي و رزانة و فهم و طولة بال امتثال، 🌿🎉🌺
يا ريتني كنت كدا، بالذات طولة البال دي 😊😊😊😊😊
سلام يا هندسة و ضيوفك.
Post: #18 Title: Re: تحية و إجلال للإبنة إمتثال (ربنا يحفظك) Author: Arif Nashed Date: 06-17-2020, 11:40 AM Parent: #17
مثال للشباب الواعي. بالتوفيق في حياتك العلمية والعملية.
Post: #19 Title: Re: تحية و إجلال للإبنة إمتثال (ربنا يحفظك) Author: أحمد محمد عمر Date: 06-17-2020, 11:50 AM Parent: #18
Quote: ما حاولنا
هي لكن محاولات جماعة (الإبنة) بالخسارة معاها والله :)
Quote: انت مش من جيل الالفينات
هوي الألفينات دي الجامعة .. ما تعمل لي سمعة ساي :) ثم أنا عندي حلة شفع .. يعني متحكر وسط ناس (الإبنة)
العضو الوحيد الجانا من مواليد التسعينات طفشوا محمد البشرى ولا أظني أنا ما عارف
Post: #20 Title: Re: تحية و إجلال للإبنة إمتثال (ربنا يحفظك) Author: حيدر حسن ميرغني Date: 06-17-2020, 11:50 AM Parent: #18
لها التحية
Post: #21 Title: Re: تحية و إجلال للإبنة إمتثال (ربنا يحفظك) Author: يحي قباني Date: 06-17-2020, 11:50 AM Parent: #18
Quote: يا ريتني كنت كدا، بالذات طولة البال دي
هههههه اهي دي بالذات امتثال تاخد عليها اوسكار من اوسكاراتها اتحملت رزالتنا و سردبت و اتعلمت ... و ما زالت كمان محتفظة بي براءتها الجميلة ... غايتو كان زارتنا في كندا عندي ليها عرسان جاهزيييين ههههه..
الاخ الفاضل حامد الصاوي اولا لك الشكر والتقدير والامتنان لهذه الاشادة والتي اظن انني لا استحقها...ووسط عمالقة وعتاولة المنبر العام وكتاباتهم وتعليقاتهم واراؤهم وافكارهم التي تجعلك تقف احتراما لهم ولهن ورفع القبعات لهم ولهن ،،وقد تعلمنا منهم الكثير والكثير ،،،، ثانيا لا انسى دعمك في ان اكون عضوة في المنبر العام وواسطتك الكريمة مع الباشمهندس صاحب الحوش الكبير يعد ان كنت اكتب في حساب صديقاتي ،واخص بالذكر الاميرة النوبية بت السيد التي كانت تشركني معها في ترجمة كتاب عن بن لادن ،،، وارجو ان اكون عند حسن الظن وعند توقعاتك ،،، وامامي الان مذكرات وقصاصات وكتب عن ابطال مجهولين ساهموا في استقلال السودان وكنت اود ان ابدا اليوم بوست عنهم ، ولكن اجلت الموضوع شوية ،،،،كمان ما يقولوا خلاص بعد الاشادة دي راسها كبر وعاوزة كمان تثبت بالدليل انها جديرة بها ..ههههههههههه.. لكن بصراحة بيني وبينكم راسي كبر وشعرت شوية بالغرور وخاصة بعد تعليقات اعضاء المنبر ،،ولكن نقول اعوذ بالله من الشعور بالكبر والغرور ،،، والله يبعد عنكم شر الكرونا ويديكم الصحة والعافية ،،،
Post: #23 Title: Re: تحية و إجلال للإبنة إمتثال (ربنا يحفظك) Author: محمد محمد قاضي Date: 06-17-2020, 12:03 PM Parent: #1
Quote: عندي ليها عرسان جاهزيييين ههههه..
يا يحي إنت قايل الوليد الفالح أبو من غير إحساس بفتش لي شنو؟ هههه وكدة ما في أي خسارة معاها ههههه تستاهل
Post: #24 Title: Re: تحية و إجلال للإبنة إمتثال (ربنا يحفظك) Author: أحمد محمد عمر Date: 06-17-2020, 12:06 PM Parent: #23
محمد قسم الله اول المارين والمعلقين شكرا كتير على الدعم ...ووالله ادب الاختلاف تعلمته من استاذنا وعمنا علي عبد الوهاب ،صاحب الثراث والحكاوي النوبيه، متعه الله بالصحة والعافية ،، وشكرا ليك يا ملك ،،،
Post: #26 Title: Re: تحية و إجلال للإبنة إمتثال (ربنا يحفظك) Author: محمد مجيدو Date: 06-17-2020, 12:21 PM Parent: #25
محمد محمد قاضي الشكر اجزله لك يا أمير...لكن بصراحة ولي ٣ سنوات في المنبر عضوة رسمية وسنوات أخرى غير رسمية ما فاهمة حكاية واحد يكون عنده مكتبة...ووين المكتبة دي ...!!،والشروط شنو عشان تكون عندك مكتبة!! وشكرا مرة ثانية
Post: #28 Title: Re: تحية و إجلال للإبنة إمتثال (ربنا يحفظك) Author: Ahmed Yassin Date: 06-17-2020, 01:40 PM Parent: #26
ما حاشكرها ( بالشدة) على الكا تخوشك وتمرقك عشان راسة ما يكبر صحي ماشاءالله عندها بال طويل لكن سمعنا تحت تحت لمن تزعل اخلاقة كوبيا
Post: #33 Title: Re: تحية و إجلال للإبنة إمتثال (ربنا يحفظك) Author: أحمد محمد عمر Date: 06-17-2020, 02:13 PM Parent: #31
أنا غيرتي هينة يا الملك إن شاء الله الغيرة تمسك رفيقاتها ديل ويجن راجعات يطعمن الشغلانة شوية وحاة الله الاونلاين بقى صالون عزابة بس ناقصاهو توزيعة الويست ياخي لمن امتثال ولا نعمات يدخلوا في بوست لمن أهم واحد يقول ليها جيبي سفة
Post: #34 Title: Re: تحية و إجلال للإبنة إمتثال (ربنا يحفظك) Author: أحمد محمد عمر Date: 06-17-2020, 02:17 PM Parent: #33
وعلى صعيد آخر الكارو مالها اتأخرت؟ غريبة! أصلو ما بخليها بي وراي محل أمشي بقطرها :)
شكلو حاتم اتبلى بالخدار البايت ليه سنتين راجيهو غايتو يا حاتم تاني كان مشيت بنجيبك بالفكي عشان تمسك مننا الكارو
محمد الشيخ عاجزة عن الشكر لهذه الأمنية الطيبة أن نعود لأهلنا ووطننا بخير وعافية وخاصة مع جائحة الكرونا ... الاجتهاد ده خليه لصديقتنا الأميرة النوبية التي اجتهدت وأصبحت أستاذة جامعية وفي نفس الوقت بتعمل دكتوراة....
الحبيبة اخلاص بت عبد الرحمن المشرف كيفنك ولعلك طيبة لك التحية والتقدير والشكر لشعورك الطيب نحوي ... وانا متابعة لصيقة لكل ما تكتبين في المنبر العام والله يديك الصحة والعافية
Post: #36 Title: Re: تحية و إجلال للإبنة إمتثال (ربنا يحفظك) Author: محمد محمد قاضي Date: 06-17-2020, 02:28 PM Parent: #1
Quote: ياخي لمن امتثال ولا نعمات يدخلوا في بوست لمن أهم واحد يقول ليها جيبي سفة
المسطول مجكس وماشي معاها في شارع النيل فجأة نزلت مطرة كاربة غسلت وشها تب صاحبك عاين ليه شديد تاني رجع عاين ليه قال ليه آها جيب سفة يا إدريس هههههه ندحك شويه علي قول صحبك بتاع الخضار
Post: #39 Title: Re: تحية و إجلال للإبنة إمتثال (ربنا يحفظك) Author: عبدالغني محمد الحاج Date: 06-17-2020, 02:58 PM Parent: #1
فعلاً تحية إجلال للعزيزة إمتثال فهي تستحق كل تقدير شكل تعاملها مع الناس ومفرداتها بيعكسوا البيت الجات منه فيسلموا والدينك كما التحية واجبة للأخ حامد الصاوي
خالد العبيد شكرا لشعورك النبيل ... وارجو أن لا يكون فيروس الكرونا وصلكم ...لاننا ما سمعنا في الأخبار أن في كرونا في أستراليا..وما اظن الكرونا تعرف درب أستراليا وبن ..لأن أستراليا بنسمع انها في آخر الدنيا... لكن اذا عرفنا أن الطيران لغاية هناك اقل من ٣٠ ساعة بنزوركم
Post: #41 Title: Re: تحية و إجلال للإبنة إمتثال (ربنا يحفظك) Author: دفع الله ود الأصيل Date: 06-17-2020, 03:11 PM Parent: #39
لكم التحية و التجلة حامد الصاوي . و لو لا خشيةَ أن تأتي شَهادتُنا مجروحةً بل مردودةً، لقلنا : كَمَثَلِ حَبَّةٍ حُبْلى بسَبْعِ سَنَابِلَ.. فِي كُلِّ سُنبُلَةٍ مِّائَةُ حَبَّةٍ.و ملأى السَّنابلِ تَنْحَني بقطوفِها (دانيةً) و الفارِغاتُ رُؤوسُهُنَّ شَوامِخُ.
محمد البشرى الخضر شكرا على الطلة البهية ...طبعا الناس بتقول انك واحد من عمالقة وعتاولة المنبر العام .. وطبعا من يوم داك بقينا نصدقك انت بس ... اما حكاية التبشير بالانقلاب ...والله ما مني ولكن تصرفات الحكومة الانتقالية البتفقع المرارة هي البتوحي بكده .. والمهم في مسنوحة معانا قريبها ضابط في القوات المسلحة...بنستقي منه الأخبار...ويقول ان صغار الضباط زعلانين واحتمال الانقلاب الجاي يقوده ملازم أو جندي نفر ... والله يكضب الشينة ...
نطلع من الحبسة ونمشي ستاربكس drive through ونشيل القهوة و نجي نواصل الردود ...first come first go .. وللأسف ما في جلوس داخل المقاهي والا كنا قعدنا هناك وحبرت لكم الردود تحبيرا. ..لان قعدة الستاربكس فيها relaxation .. ونواصل لحين ميسرة ومسرة
Post: #46 Title: Re: تحية و إجلال للإبنة إمتثال (ربنا يحفظك) Author: عمر التاج Date: 06-17-2020, 04:57 PM Parent: #45
الحفيدة امتثال الله يحفظها ويخليها للمنبر ويبارك في مدادها التحية لها والتحية لكل كنداكات منبري ، الحاضرات منهن و الغائبات حقيقة والغائبات عن المنبر الحاضرات في قلوبنا..
إمتثال أروع ما فيها وتختلف فيه عن معظم إن لم يكن كل إعضاء المنبر أنها مفتوحة الذهن ليس فقط تحترم الرأى الآخر ولكن تخطو خطوة أكبر أنها تناقش لتقنعه أو تقتنع .. فهى ليست متصلبة الرآى منحازة لرأيها. هذه ميزة نادرة فى أوساط السودانيين وخاصة بهذا البورد.
هى تمثل جيل جديد نتمنى أن تسود ثقافة ذهنيته المتفتحة. طبعاً هى أيضا تمثل تربية فاضلة وتهذيب عالى .. تشاركها فيه زميلاتها بهذا البورد وهذه نعمة كبيرة لهذا البورد لا أريد أن أذكر أسماء حتى لا أنسى بعضهن .. لهن التحية والتقدير.
إمتثال .. أوسكار!
بس فى أيام السياسة دى .. حاسبى من الإستقطاب والتجنيد .. ههههه!!
Post: #48 Title: Re: تحية و إجلال للإبنة إمتثال (ربنا يحفظك) Author: Ahmed Yassin Date: 06-17-2020, 05:44 PM Parent: #47
انا ما خايف الا قريبي عمك علي عبدالوهاب يجي يجوعر في البوست دا قبيل رسل لي رسالة ..مفادها ان الابنة اميرة حسين في بداية الكرونا قالت القرض بعالج الكرونا، وقال لي خلي ابنتنا امتثال تشيل منها حبة قرض وشوية بخور تيمان
عز الدين عباس الفحل شكرا لهذه الكلمات الأنيقة كاناقتك في حقي ...كلمات اوسكار ولا شك وربنا يبعد عنك شر الكرونا
Post: #53 Title: Re: تحية و إجلال للإبنة إمتثال (ربنا يحفظك) Author: ABUHUSSEIN Date: 06-18-2020, 00:17 AM Parent: #52
Quote: محمد البشرى الخضر شكرا على الطلة البهية ...طبعا الناس بتقول انك واحد من عمالقة وعتاولة المنبر العام .. وطبعا من يوم داك بقينا نصدقك انت بس ...
صدمتيني صدمة كبيرة ..... كنت جايي شايل ورود قريت كلامك دا رميتا .... كلامك دا في العواليق الفقر ... ؟؟؟؟
Post: #54 Title: Re: تحية و إجلال للإبنة إمتثال (ربنا يحفظك) Author: Abureesh Date: 06-18-2020, 00:18 AM Parent: #52
Quote: عاوزين ليها معجبين من جيلها :)
سأتوقف عن النمو تلاتين سنة بعدين اعبر عن اعجابى..
Post: #55 Title: Re: تحية و إجلال للإبنة إمتثال (ربنا يحفظك) Author: محجوب البيلي Date: 06-18-2020, 01:01 AM Parent: #54
Quote: شكل تعاملها مع الناس ومفرداتها بيعكسوا البيت الجات منه فيسلموا والدينك
+ الساكسفون
Post: #56 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-18-2020, 01:28 AM Parent: #55
احمد حمودي عاجزة عن الشكر يا صاحب التوثيقات المعززة بالأدلة القاطعة ...فانت الذي تستاهل رفع القبعات .. والشكر اجزله وارفعه لك يا أحمد
Post: #57 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-18-2020, 01:35 AM Parent: #56
احمد محمد عمر انا يا احمد حاتخرج من الجامعة السنة الجاية ،عشان كده انا اختكم وما بنتكم. ..لقد هرمنا ..لقد هرمنا .. مع انه كلمة بتنا التي يخاطبنا بها ود قباني تشعرنا بالدفء والمحبة والود ... ..وشكرا لمرورك الكريم وهنا برضه قربت الخبط بينك وبين احمد عمر محمد ....وبعد كتبت اسمه رجعت فوق للمداخلة اتاكد من الاسم .....الزهايمر ....
Post: #58 Title: Re: تحية و إجلال للإبنة إمتثال (ربنا يحفظك) Author: elsharief Date: 06-18-2020, 01:37 AM Parent: #56
تناقشنا في بعض البوستات التى تكتب باسمها تحس بانها تبحث عن الحقيقة كاملة غير مزيفة التحية للاخت امتثال ولك يا حامد
Post: #59 Title: Re: تحية و إجلال للإبنة إمتثال (ربنا يحفظك) Author: Ahmed Yassin Date: 06-18-2020, 01:41 AM Parent: #56
Quote: صدمتيني صدمة كبيرة كنت جايي شايل ورود قريت كلامك دا رميتا ..
Post: #60 Title: Re: تحية و إجلال للإبنة إمتثال (ربنا يحفظك) Author: Gaafar Ismail Date: 06-18-2020, 02:23 AM Parent: #59
الأستاذ حامد الصاوي وضيوفه الكرام تحية طيبة وبعد ، للإبنة امتثال : ثناء واحتفاء مستحق ، وإلى الأمام وعين الحسود فيها عود .
مع عاطر تحياتي ووافر احترامي
Post: #61 Title: Re: تحية و إجلال للإبنة إمتثال (ربنا يحفظك) Author: النصرى أمين Date: 06-18-2020, 02:31 AM Parent: #60
التحية للابنة اوسكار
Post: #62 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-18-2020, 04:27 AM Parent: #61
ابو حسين احمد ياسين ،الموسيقار انا جاياكم بمهلة لمن دور الرد يجيكم ،،،،ههههههههه
Post: #63 Title: Re: تحية و إجلال للإبنة إمتثال (ربنا يحفظك) Author: Hafiz Bashir Date: 06-18-2020, 04:49 AM Parent: #61
إترددت كتير في كتابة تعليق في هذا البوست أنا عجبي ما ساهل وغالات وشناف كمان ولكن الأخت الكبيرة* إمتثال عبد الله لم تترك لي فرصة غير تسجيل إعجابي بمساهماتها ________________ * تُقرأ مقرونة بقول العباس : "هو أكبر مني ، وأنا أسن منه"
Post: #64 Title: Re: تحية و إجلال للإبنة إمتثال (ربنا يحفظك) Author: tabaldy Date: 06-18-2020, 06:42 AM Parent: #63
تحية وتقدير لل(أبنة) امتثال سيد الحوش جيت خاشي إيدك فاضية ديك تربيزة الكشف،، المكتبة المكتبة يا سيدا
Post: #65 Title: Re: تحية و إجلال للإبنة إمتثال (ربنا يحفظك) Author: محمد عبد الله الحسين Date: 06-18-2020, 06:54 AM Parent: #64
لفتة بارعة منك يا حامد تشكر عليها.
تعرف يا حامد مرات ما بنقيف عشان ندي الناس حقها...
لعلها مشغوليات الحياة أو مرات نتعامل مع هذا الواقع كأنه هو الشيء الطبيعي المتوقع من العضو الموجود في مجتمع زي المنبر..
بمعنى أن يكون العضو يمتاز بالتهذيب واحترام الآخر بخلاف نوعية ما يكتب..
فعلا امتثال تمثل قمة في الأدب والاحترام والتهذيب وأحس بها كذلك قمة في البراءة (و التي لا تعني الطيبة المساوية لعدم الإدراك)..
و هي رغم عدم سنها و لكنها تقدم نموذجا مضيئاً لنا جميعاً
تحية كبيرة لامتثال ولخلقها الرفيع وروحها الجميلة..
Post: #66 Title: Re: تحية و إجلال للإبنة إمتثال (ربنا يحفظك) Author: محمد محمد قاضي Date: 06-18-2020, 07:36 AM Parent: #1
Quote: سيد الحوش جيت خاشي إيدك فاضيةديك تربيزة الكشف،، المكتبة المكتبة يا سيدا
سيد الحوش نايم ده واحد كسار تلج خخخخخخخ يا جماعة صاحب البوست وين ؟ خلي الحبل في الغارب لصاحبة السمو ...
Post: #67 Title: Re: تحية و إجلال للإبنة إمتثال (ربنا يحفظك) Author: محمد عبد الماجد الصايم Date: 06-18-2020, 10:18 AM Parent: #66
انقطعنا كتير من البورض وبقينا ما فاهمين فيهو أي حاجة .. لكن توصياتك نبصم علينا ..
_ زي ما قال المثل: بتذكرني بشبابي في البورض
Post: #68 Title: Re: تحية و إجلال للإبنة إمتثال (ربنا يحفظك) Author: ABUHUSSEIN Date: 06-18-2020, 10:46 AM Parent: #67
Quote: وغالات وشناف كمان
بس .... ؟؟؟؟؟؟؟؟؟؟؟؟؟
Post: #69 Title: Re: تحية و إجلال للإبنة إمتثال (ربنا يحفظك) Author: Ahmed Yassin Date: 06-18-2020, 11:39 AM
Quote: في ان اكون عضوة في المنبر العام وواسطتك الكريمة مع الباشمهندس صاحب الحوش
يعني الصاوي دا هو الاتوسط ليك عند ابصلعة؟؟ حتن وافق؟؟!!! لكن اصو ما بسالك يا حامد
Post: #70 Title: Re: تحية و إجلال للإبنة إمتثال (ربنا يحفظك) Author: ABUHUSSEIN Date: 06-18-2020, 11:55 AM Parent: #69
يحى ود قباني والله انت ما زرزرتنا... حتى ولو عشان نتعلم ..وتعلمنا منكم الكثير والمفيد.. وشكرا كتير والله... وبعدين ما تسمع كلام محمد مجيدو ...عاوز يبوظ لينا السوق...والفرص هههههههه
Quote: يا جماعة صاحب البوست وين ؟ خلي الحبل في الغارب لصاحبة السمو ...
شكراً محمد قاضي لسؤالك عن صاحب البوست متابع لكن أنا قلت كل كلامي في الأول و ختمت مداخلاتي ب
Quote: و مزيد من العطاء في السنة الرابعة لك في المنبر البوست للجميع
(البوست للجميع : إشارة لاني ما ح أكون متواجد في البوست) و انتقلت اي كراسي المتابعين و المتفرجين لك الشكر مرة أخري لإتاحة الفرصة لي للدخول و توضيح تلك الإشارة صاحبة السمو من حقها ترد علي رأي زملاء المنبر في ما تكتب و رأيهم في شكل تواجدها معهم.
Quote: يعني الصاوي دا هو الاتوسط ليك عند ابصلعة؟؟ حتن وافق؟؟!!! لكن اصو ما بسالك يا حامد
أخي أحمد من ملاحظاتي علي سلوكنا أن الأغلبية تتصيد السلبيات و تجيد صنع المشاكل و تشيل النكد بي إيديها و تختو لينا في حياتنا و قليل ما ننظر للإيجابيات و نطورها ... لا نجيد صنع الفرح ووضعه ك سمة في لغتنا و تعاملنا
أحمد يسن ... شكراً للمرور و هذه فرصة طيبة لتوضيح بعض الحقائق إمتثال متابعة للمنبر منذ فترة ليست بالقصيرة طلبت منها زميلتها لظرف محدد متابعة الترجمة و النشر في بوست تصدت إمتثال لهذه المهمة و واصلت الترجمة و النقل و الردود و كان بوست شيق جداً استفدنا منه و تعلمنا أشياء كثيرة أولها موضوع البوست نفسه و كان موضوع شيق و لو انقطع السرد كان ح يكون شيء ما جميل. كانت إمتثال واضحة مع القراء و أعلنت انها سوف تواصل في البوست و ده شيء ايجابي و كانت أيضاً تكتب اسمها بعد كل مداخلة حتي لا يتم نسب الكلام لشخص آخر و ده شئ ايجابي آخر شكرها بعض الزملاء علي مجهودها لانهم نظروا للإجابيات إستنكر البعض ذلك بإعتبار شخصين بكتبوا بي حساب واحد و إستمر الإستنكار لتشكيك في شخصيتها لدرجة إن أحدهم اعتبرها (شبح و ما في إنسانة اسمها إمتثال) و لم ينظروا الي الإيجابيات إمتثال إمتثلت لقول الله تعالي في محكم تنزيله الآية 2 من سورة المائدة ﴿ وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ ﴾ و قدمت لنا درساً آخر في فهم و تجسيد قول الله علي أرض الواقع و تعاونت مع زميلتها علي نشر الوعي و المعرفة. في الوقت الذي يفعل البعض ما لا يقولون يتحدثون عن الاخلاق و الفضيلة و يسرقون و ينهبون و يقتلون من البشير الي كل جماعات الهوس الديني التي اهانت قول الله تعالي بممارساتها و أفعالها. و هو درس آخر تعلمته من تجربة إمتثال
تحدثت معها و عن ضرورة أن تكون عضوة في المنبر و لا تكتفي ب المساهمة في البوستات و لكنها كانت متخوفة ربما لما حدث لزميلتها التي تركت المنبر و ربما لما تشاهده من مخاشنات لفظية و عداء يصل لحد الشتائم التي تصل الأم و الاب و القبيلة و العشيرة و الامثلة كثيرة. و ربما لسبب آخر.
عموماً بعد نقاش إقتنعت و قدمت طلب لكي تكون عضو في المنبر بنفسها لبكري و لم أكن طرف أو واسطة بينها و بين بكري كما تفضلت كلما حدث انني تناقشتها معها هي و ليس بكري (بالرغم من إن بكري صديق و زميل دراسة باالنسبة لي) حضور إمتثال في المنبر كان أكبر و أروع و أجمل من ما توقعت
و هذا ما لزم توضيحة لك أخي أحمد يسن لك الشكر لأنك اعطيتني الفرصة للتوضيح
Post: #75 Title: Re: تحية و إجلال للإبنة إمتثال (ربنا يحفظك) Author: علي عبدالوهاب عثمان Date: 06-18-2020, 05:41 PM Parent: #73
الابنة الاميرة امتثال تعجز الحروف عن التعبير ما أقدر اعبر .. اجمل عمل في سودانيز كان ترجمة كتاب استيف كوول (بن لادن ) ما زلت محتفظ بنسخة من الترجمة .. يكفيني إعجاب زملائي في العمل من الاخوة اليمنيين بالترجمة وجمال السرد وأخ موريتاني عزبز وصل درجة الانبهار .. واحسب أن هذه الترجمة تكون انتشرت بين المورتانيين واليمنيين بصورة واسعة في ذلك الوقت .. خاصة الاخوة اليمنيين عندهم شوية فوضى لا استبعد يصدروا الكتاب بإسمهم
تحياتي للاميرات .. ان شاء الله صحة وعافية ومستقبل زاهر
Quote: الابنة الاميرة امتثالتعجز الحروف عن التعبيرما أقدر اعبر ..اجمل عمل في سودانيز كان ترجمة كتاب استيف كوول (بن لادن )ما زلت محتفظ بنسخة من الترجمة ..
الصاوي إزيك وكيفنك وعفارم عليك الإبنة إمتثال وصويحباتها فيهن كمية من الإيثار والعطاء أكبر من تصور من لم يحتك بهن الله يوفقن في مشاويرن الأكاديمية والشخصية ويحقق إمنياتن
Post: #80 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-19-2020, 00:16 AM Parent: #79
الحبيبة نعومي كيفنك وازيك شاكرة ومقدرة لمرورك البهي ...إجازتي الفاتت ما قدرت اشوفك لكن المرة الجاية حالفة اعزمك في إحدى محلات اولاد ام درمان وبخروف كامل محشي بمكرونة ... والله يبعد عنكم شر الكرونا ويديكم الصحة والعافية
Post: #81 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-19-2020, 02:24 AM Parent: #80
ماري جون شكرا على النصيحة ودمتي بخير وعافية
Post: #82 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-19-2020, 03:15 AM Parent: #81
عارف ناشد شكرا كتير على أمنياتك الطيبة ... ومتوكلة على الحي الذي لا يموت ،،،وكل ما يكتبه الله لنا خير .. ..وطبعا انت بقيت نجم شباك في المنبر العام لمواضيعك المتميزة والمثيرة للجدل..
Post: #83 Title: Re: تحية و إجلال للإبنة إمتثال (ربنا يحفظك) Author: Emad Ahmed Date: 06-19-2020, 03:19 AM Parent: #81
امتثال عبد الله تستحق أن يفرد لها بوست للاحتفاء بها
محمد مجيدو شكرا على الطلة البهية .. لكن مالك داير تبوظ علينا سوق العرس ...وانا من الصيف القادم حاتفرغ للبحث عن العريس...ان شاء الله .. بس ما تقول لي عالم بطااااااالة ... ...عالم بطاااااااااااالة مع وافر التقدير
هو اتارى البوست عن امتثال اوسكار و انا ما جايبة خبر.. وزى ما قال واحد من الاخوة المخضرمين فى البورد امتثال بتذكرنى بى شبابى فى البورد.. و نتمنى لها دوام التوفيق..
اما حكاية يدوها مكتبة دى يا محمد محمد قاضى ما اظنتيتو بكرى يرد عليك.. ياخ انا عندى 16 سنة مع الشغل و النفاذ فى المنبر.. ابا يدينى مكتبة فما بالك بى بتنا امتثال الجات امبارح.. افتكر الموضوع خاص بتقنية المنبر...
Post: #88 Title: Re: تحية و إجلال للإبنة إمتثال (ربنا يحفظك) Author: MOHAMMED ELSHEIKH Date: 06-19-2020, 04:39 PM Parent: #85
Quote: هو أنا أطلع من الكارو أقع في الركشة؟
يعني هي الكارو مش ياها الركشة ذاتها؟؟؟
عرفتني كيف عليك الله يا أبو العراريف؟؟؟؟
Post: #89 Title: Re: تحية و إجلال للإبنة إمتثال (ربنا يحفظك) Author: أحمد محمد عمر Date: 06-19-2020, 04:51 PM Parent: #88
Quote: يعني هي الكارو مش ياها الركشة ذاتها؟؟؟
قلتش حاجة أنا! أها بعد دة بنزلوك معانا في اللستة وبتتردم بالبرسيم والبنزين
Post: #90 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-20-2020, 01:34 AM Parent: #89
احمد ياسين الموسيقار .. شكرا لمرورك....لكن أولا لييه انت وابو حسين زعلانين من ود البشرى ...ما اظن في سبب منطقي!! وبعدين بصراحة انا لمن ازعل بحرد وبسكت بس ...ما بتكلم ان شاء الله يومين .... ويا ريت جيتنا بالموسيقى....فان الموسيقى تجري في دمائنا ... وشكرا ليك مرة ثانية ..والله يديكم الصحة والعافية
Post: #91 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-20-2020, 02:08 AM Parent: #90
سأعود ان شاء الله لارد لكم جميعا فردا ....فقد جعلتم الدموع تجري في ماقينا... فأنتم في هذه الغربة القساية اصبحتم اهلي واخواني واخواتي ...
Post: #92 Title: Re: تحية و إجلال للإبنة إمتثال (ربنا يحفظك) Author: Biraima M Adam Date: 06-20-2020, 03:07 AM Parent: #91
هوووي بتنا أمتثال، الشيوعين تسمع من طرف لسانهم حلاوة وحديتم فيه طراوة .. ولكن ولكن دي كبيرة ولها أسباب متشعبة .. أقلها اغتيال الشخصية .. الشيوعيون لو لمّعوك، يعنى حضّر كفنك بأيدك .. ولو متشائل أكثر أحفر قبرك الذي يطمروك فيه.
أنت تمشي علي حافة شفا جرف حار .. وأخشي أن ينهار بك في مجهول لا تعرفينه ..
أعقلي الأمور ..
بريمة
Post: #93 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-20-2020, 04:03 AM Parent: #92
انا حبيت ارد عليك الان ولم استطع الانتظار حتى يأتي دورك ...وكلامك القلته ده الان وكأنني لم أسمعه...دخل باضاني دي وطلع بالتانية ...وكنت حاكون مبسوطة جدا لو انك انتقدتتي وقلت لي يا امتثال عيوبك كده وكده وكده ...لاني كنت باعتبر انك عاوز مصلحتي وبس.... وكان يا بريمة اذا كان كل هؤلاء الذين دخلوا هذا البوست وسطروا هذه السطور شيوعيين فاعتبرني من اليوم شيوعية، ،ومش شيوعية وبس لكن شيوعية ماركسية لينينية متطرفة .... وعلى أي حال شكرا كتير لمرورك الكريم وربنا يديك الصحة والعافية ..
Post: #94 Title: Re: تحية و إجلال للإبنة إمتثال (ربنا يحفظك) Author: Biraima M Adam Date: 06-20-2020, 04:57 AM Parent: #93
Quote: وربنا يديك الصحة والعافية ..
آآآمين يا رب .. يا أمتثال ..
أنا متشائل من جنس هذا الإطراء .. وأفهمي عمك دا علي كده .. وبالطبع لكي خياراتك في الحياة كما تحبين. بالنسبة لنقد شخصك .. ليس لدي نقد .. بل كلي محبة وتقدير لما تقومين به .. والله صحي.
أرمي "تراش" الشيوعيين .. وأمضي في سبيل حالك .. بعزيمة قوية.
بريمة
Post: #95 Title: Re: تحية و إجلال للإبنة إمتثال (ربنا يحفظك) Author: Hafiz Bashir Date: 06-20-2020, 05:17 AM Parent: #94
Quote: انا حبيت ارد عليك الان ولم استطع الانتظار حتى يأتي دورك
غايتو يا إمتثال قررررربتي تديني فرصة في الشناف بريمة شنو كمان عليك الله البتردي ليهو وتعملي ليهو راس وقعر وكمان تتخطي ليهو تسلسل الردود
Post: #96 Title: Re: تحية و إجلال للإبنة إمتثال (ربنا يحفظك) Author: muntasir Date: 06-20-2020, 05:38 AM Parent: #95
عندي إحساس انه ماري جون ده عضو معانا هنا 😂يا حامد كان داير تكسر ليك ضهر زول في البورد ده شكره حيظهروا لي ناس يستقصدوه ، أما بالنسبة للمكتبات امتثال تستاهل مكتبتين ياخ أبوحسين عنده واحدة بالمناسبة انا امكن الزول الوحيد الدفع بالدولار لي مكتبة لكن ما لي لناس يستاهلوا ( مفروض يدوني أسهم في سودانيز اون لاين😂 )
Post: #97 Title: Re: تحية و إجلال للإبنة إمتثال (ربنا يحفظك) Author: Biraima M Adam Date: 06-20-2020, 06:36 AM Parent: #96
حزف ..
بريمة
Post: #98 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-20-2020, 09:05 AM Parent: #97
من فقع المرارة يا حافظ
Post: #99 Title: Re: تحية و إجلال للإبنة إمتثال (ربنا يحفظك) Author: محمد البشرى الخضر Date: 06-20-2020, 09:12 AM Parent: #98
Quote: ياخ أبوحسين عنده واحدة
هيا يابا يخربو! مكتبة يسوي بيها شنو! ما ياهن النجمتين تلاتة بي جاي وبي غادي وفي النص طرمبة فعل طرمبة ترك! خليها المكتبة هسي العولاق بستاهل رف في مخزن لساتك مهجور!
Quote: انا امكن الزول الوحيد الدفع بالدولار لي مكتبة
لا ما الوحيد وما تسالني التاني منو :)
Post: #100 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-20-2020, 09:30 AM Parent: #99
محمد البشرى ""ما ياهن النجمتين ثلاثة بجاي وبغادي وفي النص طرمبة فعل،،،،،" ما فهمت العبارة ،،ممكن كمان شرح اوفى ،،،، في فقع المرارة بتخطى الدور ،،،ههههههههعاشكرا
Post: #131 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-22-2020, 11:30 AM Parent: #100
علاء سيد احمد الشكر والامتنان لك يا علاء مع وافر التقدير والاحترام ولا شك انك من اكثر زملاء المنبر قبولا للراي الاخر وتعتبر مثلا يحتذى للحوار الهادئ المثمر
الشريف نعم كما قلت يا الشريف ما جئنا المنبر العام الا كي نبحث عن الحقائق .. ونعرف تاريخ السودان الحديث الذي يجهله الكثيرين ...ووالله لقد تعلمنا الكثير جدا هنا ... والشكر اجزله لك لشعورك النبيل ... مع وافر التقدير
امتثال أيقونة في بلاط صاحبة الجلالة وريحانة المنبر ربنا يحفظك من كل شر ومكروه
Post: #101 Title: Re: تحية و إجلال للإبنة إمتثال (ربنا يحفظك) Author: نعمات عماد Date: 06-20-2020, 09:32 AM Parent: #99
Quote: .إجازتي الفاتت ما قدرت اشوفك لكن المرة الجاية حالفة اعزمك في إحدى محلات اولاد ام درمان وبخروف كامل محشي بمكرونة ... والله يبعد عنكم شر الكرونا ويديكم الصحة والعافية
الكريمة الهميمة امتثال،
العزومة مقبولة و تستاهل أتخلى ليوم واحد عن النظام النباتي الماشية عليه.
إن شاء الله الكورونا تنتهي عما قريب و ترجع الحياة العادية و السفر و
الإجازات و تشرفونا في السودان.
Post: #102 Title: Re: تحية و إجلال للإبنة إمتثال (ربنا يحفظك) Author: Ahmed Yassin Date: 06-20-2020, 09:38 AM Parent: #99
Quote: ياخ ابوحسين عنده واحدة
يطرشني اول مرة اسمع... انا قايلوا جربندي ساي حايم معانا سبحان الله سبحان الله
Post: #103 Title: Re: تحية و إجلال للإبنة إمتثال (ربنا يحفظك) Author: محمد البشرى الخضر Date: 06-20-2020, 10:04 AM Parent: #102
Quote: ما فهمت العبارة ،،ممكن كمان شرح اوفى ،،،،
حاضرين يا امتثال قصدت بيها عناوين وموضوعات عمك ابو حسين, يرص نجوم و بيناتهن يخت العنوان الغالبا لا يخرج عن نقد لـ ترمب
Post: #104 Title: Re: تحية و إجلال للإبنة إمتثال (ربنا يحفظك) Author: muntasir Date: 06-20-2020, 10:37 AM Parent: #103
تحلف يا ود البشرى ما عنده مكتبة 😳 طيب الإرث الثقافي ده كان العالم فرطقتوا الكرونا يروح هباء منثورا ،يا نعمات ده منو البحشي الخروف مكرونة عرفنا الرز ما كوشر خالص ودي الحاجات البتزعل أميرنا العبث بالتراث الود أمدرماني
Post: #105 Title: Re: تحية و إجلال للإبنة إمتثال (ربنا يحفظك) Author: نعمات عماد Date: 06-20-2020, 11:52 AM Parent: #104
و الله ود حلال يا muntasir انا جاية أرشحك بي هناك الأول مهذب مشترك
بالنسبة للخروف المحشي احتمال أكون ود أمدرمان فرع الرياض جنب جامعة
مأمون، قالو شغال عادي لي الساعة كم كدا بالليل. الأمير ما يزعل، في خرفان
محشية فراخ و حمام أو خضار مشكل او تين و زبيب و زيتون ورز أوريجانو بارميزانو.
منتصر الخروف المحشي بالمكرونة سمعنا الوصفة دي من قريب بت السيد شغال في السعودية وقال أن الأغنياء السعوديين بيحشو الخروف بالمكرونة ومرات بيشوو جمل كامل ويختو الجمل الكامل فوق صينية ضخمة مليانة مكرونة ومرات مليانة أرز....هل تصدق ....وكأن الحكاية من روايات الف ليلة وليلة ..
يا نعمات خليه ابوحسين ده النوع البيحسد المسكين علي موتة الجمعة
Post: #110 Title: Re: تحية و إجلال للإبنة إمتثال (ربنا يحفظك) Author: Biraima M Adam Date: 06-20-2020, 03:09 PM Parent: #109
الشيوعيين منهم وغادي .. أتذكر الطلفة التي تقول يا البشير بالغت جنس بوليغ ..! والطفل في الجزيرة أبا الذي حرروا له شهادة وفاة .. رغم أنف أهله وهو ما زال حي يرزق ..
دا فرقوا شنو من البيدوفايل .. !!
دا بشبه ماري جون والخروف المحشي فراخ ..
أسف واصلوا ..
بريمة
Post: #111 Title: Re: تحية و إجلال للإبنة إمتثال (ربنا يحفظك) Author: أحمد محمد عمر Date: 06-20-2020, 04:09 PM Parent: #110
Quote: و الله ود حلال يا muntasir انا جاية أرشحك بي هناك الأول مهذب مشترك
يا النبي نوح نمرق من البشرى نقع في منتصر :) علي الحلال البورد دة فكوا في بمبان حجب الرؤية كلو كلو الناس بقت تداقش من طرف
Post: #112 Title: Re: تحية و إجلال للإبنة إمتثال (ربنا يحفظك) Author: نصر الدين عشر Date: 06-20-2020, 07:52 PM Parent: #111
ما شاء الله تبارك الله إمتثال اقحوانة المنبر وريحانته شعلة من النشاط كلما ادخل المنبر اقرأ لها طيب القول وحسن الحوار ربنا يوفقك ويغطي عليك
الشكر للمرور الكريم و بإعتباري صاحب البوست أسمحوا لي و بمناسبة الصفحة الثانية أن اختار هذه القصه من كتاب تحت الاعداد سوف اصدره قريباً ... و أيضاً لكي أكسر حاجز الرتابة في البوست. هدية لكم جميعاً و خصوصاً الكنداكة إمتثال
((المكان مدينة الاسكندرية الزمان في بداية حياتي الجامعية شقة متواضعة نعيش بها نحن 5 طلبة ... دخلنا محدود بالكاد يكفي مصاريف الشهر من ايجار وأكل وشراب. عمل المطبخ كان موزع بيننا حسب جدول المحاضرات الاكل كان عبارة عن فول و عدس و بطاطس كوسة بامية بدون لحمة. صديقنا في السكن قال عندي ليكم مفاجأة و كانت عبارة عن ملاح نعيمية بي لحمة مفرومة و طعمة شهي جداً. لكن كان الإحتجاج انه ده ح يخرب الميزانيه لكن اكتشفنا انه صرف قروش أقل من المحدد له و قال ده ملاح إقتصادي جداً. و شاع خبر هذا الملاح الاسطورة لدرجة انو بقينا نعزم زملاءنا في الجامعة للبروتين الحيواني المحرومين منه. تحدثت مع بعض زميلاتي عن هذا الملاح الإقتصادي و الشهي و كانت عندهم رغبة شديدة في التعرف علي كيفية طبخه لكن زميلنا كان حريص علي إخفاء الخلطة السحرية. بعد ضغط و الحاح شديد مني أخبرني بانه بشتري بيف معلب زي الساردين و التونة و يقوم بطبخه بالبصلة و يضيف اليه الويكة و ان علبة البيف رخيصة جداً. و عرفت شكل العلبة. فضول الزميلات و الحاحهم كان شديد لدرجة انو مشينا الدكان عشان أوريهم علبة البيف دي قدر ما قلت ليهم بتشبة علبة التونه و مكتوب فيها بلوبيف الا انهم أصروا أن نمشي الدكان و أوريهم ليها. عموماً ذهبنا و عندما أشرت اليها لم أسمع غير سجمي سجمي سجمي ووووب عليكم و كلام من هذا القبيل أصبت ب صدمة شديدة جداً .... و لكن زالت الدهشة عندما علمت بان هذا النوع من الاكل صنع خصيصاً للقطط و الكلاب.))
أتمني أن أجد وقت لأحكي ماذا حدث في الشقة بعد أن عرف زملائي بهذه المصيبة
Post: #114 Title: Re: تحية و إجلال للإبنة إمتثال (ربنا يحفظك) Author: Ahmed Yassin Date: 06-20-2020, 11:29 PM Parent: #113
Quote: صنع خصيصاً للقطط و الكلاب
بالله ديل انتوا ؟ قصتكم دي حكوها لينا داخل ردهات المعهد العالي للموسيقى العربية بعدكم بسنوات يعني اشتهرت وانتشرت.واتذكر واحد قال المشكلة انها مخصصة للكلاب والقطط المحلية لو كان البلوبيف دا لكلاب وقطط مستوردة ( كلنا كنا حناكله)
الكلام دا حيرني لأنو ليها اكتر من تفسير .... !!!!!!! واحد من التفسيرات لو طلع هو و طلبت تفسيرو بفسد المعنى و بكون انا غبي (لا قدر الله) .... 😂 و واحد من التفسيرات انو انا غبي(دا كلام كبير) بس ناقصة(عليك) .... 😂 تكون قاصدة شنو ؟؟؟؟؟ و الله فعلا كبرنا ......
Quote: بالله ديل انتوا ؟ قصتكم دي حكوها لينا داخل ردهات المعهد العالي للموسيقى العربية بعدكم بسنوات يعني اشتهرت وانتشرت.واتذكر واحد قال المشكلة انها مخصصة للكلاب والقطط المحلية لو كان البلوبيف دا لكلاب وقطط مستوردة ( كلنا كنا حناكله)
معقولة تكون إشتهرت للدرجة دي يا أحمد الظريف إنو صاحبنا قال الأكل ده بعد اضافة الويكة و البصلة و النار بكون صالح للبشر .... واحد قال ليهو هسه انت بتقابل زميلاتك السودانيات في الجامعة بي ياتو وش ... ما بتخجل...
Post: #117 Title: Re: تحية و إجلال للإبنة إمتثال (ربنا يحفظك) Author: Ahmed Yassin Date: 06-21-2020, 00:19 AM Parent: #116
Quote: دا كلام كبير، حاول أكتر عشان تفهمه.
دي مفروض تاخد جائزة البوليترز جائزة الجولدن جلوب جائزة البافتا البوكر السعفة الذهبية او على الاقل( اوسكار) امتثال
Post: #118 Title: Re: تحية و إجلال للإبنة إمتثال (ربنا يحفظك) Author: Fatima Alhaj Date: 06-21-2020, 00:25 AM Parent: #1
تحياتي أخي الصاوي والجميع امتثال زي النسمة في المنبر، حقيقي، عندما تكون مندمج في الموضوع ويبدأ ضغطتك في الارتفاع تكون محظوظ لو صادفت مداخلة من امتثال تبقى ليك زي المويا الباردة. خلي نشيدك عالي النبرة امتثال.
Post: #119 Title: Re: تحية و إجلال للإبنة إمتثال (ربنا يحفظك) Author: نادر الفضلى Date: 06-21-2020, 01:18 AM Parent: #118
Quote: صنع خصيصاً للقطط و الكلاب.))
أذكر فى كورس باليابان صافت عرب كانوا مبعوثين ومقيمين ليهم سنة أخبرونى أنهم لعدة شهور كانوا يأكلون لحم معلب شهى يوم إتعاطوا لحم بقر وللا ضان وللا ماعز .. شالوا العلبة وفتشوا على يابنى يعرف اللغة الإنجليزية وطلبوا منه يترجم لهم المكتوب باليابانية على العلبة، قال ليهم لحمة حمير!
بعدين يا الصاوى زميلاتك السودانيات ديل، دغيلات إصرارهم على أن توريهم علبة البلوبيف، غالباً لأنهن إتمقلبن قبلكم ..عشان كدا عاوزين يتأكدن .. وطوالى ووب عليكم!!
Post: #120 Title: Re: تحية و إجلال للإبنة إمتثال (ربنا يحفظك) Author: ABUHUSSEIN Date: 06-21-2020, 01:25 AM Parent: #119
Quote: دي مفروض تاخد جائزة البوليترز جائزة الجولدن جلوب جائزة البافتا البوكر السعفة الذهبية او على الاقل( اوسكار) امتثال
ياخ شتارتك دي ما تخليها ..... في بوست تكريمها و الإحتفاء بيها تجيب اوسكارها في ذيل قائمتك البايخة دي .... كمان على الأقل .... ؟؟؟ لمتين انا اعلم فيك و اثقف فيك و اجتهد علشان ارتقي بيك و انت لسه حايم لي في المنبر بي شتارتك دي ... تعبت و الله ..... اوووووف
Post: #121 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-21-2020, 05:09 AM Parent: #120
جمال ود القوز شاكرة ومقدرة يا جمال على مرورك الطيب وربنا يديك الصحة والعافية ويبعد عنكم شر الكرونا
Post: #122 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-21-2020, 05:15 AM Parent: #121
مولانا محمد علي طه الملك وحفظك الله ايضا من كل سوء ومن شر فيروس الكرونا ... وقد سعدت والله بمرورك وتعليقك الطيب ،،، ولقد بدات الحياة تعود تدريجيا الى عاصمة العالم ولكن يتخوف المراقبون بان هذا سوف يؤدي الى ازدياد حالات الاصابات بالكرونا،، لكن الناس زهجت من الحبس المنزلي وبدات تطلع الشارع،،، فليحفظنا الله جميعا من هذا البلاء والوباء
Post: #124 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-21-2020, 05:22 AM Parent: #122
ود ابو سن ولك التحية والتقدير ،وسعيدة بمرورك الطيب يا ود منطقتنا ،،،فان كوستي هي عاصمة قرانا وبوادينا وفيافينا ،،، ولقد صدق من سماك حكيم المنبر فقد تعلمنا منكم الصبر وكتمان الغضب والقول الحسن،،، ولمن نتذكرك دائما بتذكر ود البوش،وود شيقوق ،وود المنسي وذلك البوست الانيق الملئ بكل ما هو جميل وكل ما هو تراث شعبي رائع،،
Post: #123 Title: Re: تحية و إجلال للإبنة إمتثال (ربنا يحفظك) Author: Hamid Elsawi Date: 06-21-2020, 05:22 AM Parent: #121
Quote: بعدين يا الصاوى زميلاتك السودانيات ديل، دغيلات إصرارهم على أن توريهم علبة البلوبيف، غالباً لأنهن إتمقلبن قبلكم ..عشان كدا عاوزين يتأكدن .. وطوالى ووب عليكم!!
الوكت داك كانت البراءة كاتلانا و تفكير عميق زي دا ما كان يخطر علي بالنا
تصدق في ناس شاي بقوا ما بشربوهو عندنا و بقينا نخجل نعمل عزومة في الشقة تفادياً للاحراج ....
شكراً نادر للمرور
Post: #125 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-21-2020, 05:29 AM Parent: #123
اميرة الحبيبة ست الاسم والله شاكرة ومقدرة لمرورك البهي ،،، ونسال الله ان يبعد عنكم شر الكرونا... مع وافر تقديري وامتناني وشكري
Post: #126 Title: Re: تحية و إجلال للإبنة إمتثال (ربنا يحفظك) Author: Biraima M Adam Date: 06-21-2020, 03:34 PM Parent: #125
Quote: الوكت داك كانت البراءة كاتلانا و تفكير عميق زي دا ما كان يخطر علي بالنا
أها مش قلت ليكم البوست ما فيه براءة .. ! البوست دا فيه تفكير عميق .. والذي يدعي البراءة أو من غرر به .. يمشي يذاكر سلوك الشيوعيين.
عبد الغني محمد الحاج سعيدة جدا بمرورك البهي وشعور ك النبيل ... ووالدي ووالدتي يغرونك السلام والإمنيات الطيبة... ..وقلت لوالدي دي هدية ال father day .. وربنا يديم عليك نعمة الصحة والعافية
دفع الله ود الأصيل زارتنا البركة ...وشكرا لمرورك الكريم والتعليق البهي.. ودي هدية من اجمل الحان الأغنيات الهندية التي أبدعت فيها الممثلة سونام كابور ونالت الأغنية والرقصات المصاحبة جوائز... والله يديك الصحة والعافية
Post: #130 Title: Re: تحية و إجلال للإبنة إمتثال (ربنا يحفظك) Author: Hasheem Karouri Date: 06-22-2020, 11:20 AM Parent: #129
تحياتنا ، اخي الصاوي . فعلا الابنة امتثال نشيطة ، وبالها طويل ، وعفوية . لها التحيه والتقدير .
Post: #132 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-22-2020, 11:36 AM Parent: #130
علاء سيد احمد لك ال شكر والامتنان لك يا علاء ولا شك انك من اكثر زملاء المنبر قبولا للراي الاخر ومثالا يحتذى في الحوار الهادئ المثمر
Post: #133 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-22-2020, 11:40 AM Parent: #132
ياسر الشريف ولك ايضا التحيات النواضر والامنيات الطيبة.. وبشهادة الجميع انك معروف بطول البال والنفس الطويل في الحوار ،،، وربنا يواليك بالصحة والعافية
Post: #134 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-22-2020, 11:49 AM Parent: #133
عمر التاج شكرا كتير للمرور والتعليق البهي ،،، : "" الحفيدة: "" بس كمان ما للدرجة دي،،انا حاتخرج من الجامعة الصيف القادم،، لكن للاسف التخريج حيكون بدون لمة وبهرجة في قاعات التخريج ورمي قبعات التخريج في الهواء اذا استمرت الكرونا ...وحيرسلوا لينا الشهادات بالبريد .والكرونا مستمرة ....والله يكضب الشينة .. اما قولك : "الغائبات عن المنبر ا لحاضرات في قلوبنا :"" فتعليق اوسكار
نادر الفضلي كتير علي والله يا نادر هذا الكلام الاوسكار في حقي...ولكن بصراحة اسعدتني كلماتك الطيبة ورفعت روحي المعنوية في السما....اسعدك الله دنيا وآخرة.. والله يديك الصحة والعافية ...ويبعد عنك شر الكرونا
ابو حسين ما عاش اليصدمك....وانا عارفة زعلكم مع بعض في المنبر هنا في الورق بس ..لكن في الحقيقة لمن تتقابلوا مع بعض انتو سمن على عسل ... بس كان تكمل جميلك وتوصل الزهور . مع وافر التقدير والامتنان
Post: #139 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-23-2020, 06:40 AM Parent: #137
ابو الريش ما تتوقف عن النمو ،،،عشان نحن حنكون هرمنا،،، ،وبعدين عندنا حساسية ضد الرقم ٣٠ لان اللصوص والحرامية حكمونا ٣٠ سنة،،،، ومتشكرة على المرور في البوست ،، طبعا انا اشتريت كتاب جون بولتون kindle edition بمبلغ ١٦ دولار وعاوزة اعرف جون بولتون الذي كان من صقور ادارة ترامب اتحول لشنو ،، ومع وافر التقدير والامتنان،،،
Post: #140 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-23-2020, 06:49 AM Parent: #139
محجوب البيلي شاكرة ومقدرة على مرورك الكريم وعلى ذكرك احب تلة موسيقية عندي الساكيفون ولولا الموسيقى كانت مرارتنا انفقعت من الماسي واهوال الحروب البنشوفها في التلفزيون كل يوم والله يكون في عون الليبيين واليمنيين والسوريين،،،
Post: #141 Title: Re: تحية و إجلال للإبنة إمتثال (ربنا يحفظك) Author: Ahmed Yassin Date: 06-23-2020, 09:01 AM Parent: #140
الو! اخونا عضو معانا هنا: احمد كيف ؟ انا: اهلا اهلا ..كيفك والصحة والاولاد؟ هو: الحمد لله تمام انا: الحمد لله.. مدة ما سمعنا صوتك هو: الكرونا دي ياخ انا: لا خلاص فكوها هو: شايفك في البوست. ههههه انا : ياتو بوست ؟ كتار الانا فيهم هو: بتاع البنية دي الاسمها انا: ياتا ؟ ( عرفت لكن بتغاتت ساي) ياتا؟ هو : ياخي اااا ايوة بتاع اسمها متو دي ايوة .. ( اجلال) انا: اسمها اجلال؟ وعضوة معانا ؟ هو: سيب الحركات دي ! يعني ماعارف؟ اجلال ياخي .. إجلااااال
Post: #142 Title: Re: تحية و إجلال للإبنة إمتثال (ربنا يحفظك) Author: نعمات عماد Date: 06-23-2020, 09:13 AM Parent: #141
الحبيبة امتثال
لو سمح وقتك اعملى بوست مقتطفات من كتاب بولتون. و أكون شاكرة و ممتنة لك.
سأحصل على الكتاب عن طريق شخص مقيم في بريطانيا، يعني ح يتأخر كتير عشان
يوصل السودان. أتمنى أن يساهم الكتاب في سقوط ترمب في الإنتخابات.
Post: #143 Title: Re: تحية و إجلال للإبنة إمتثال (ربنا يحفظك) Author: امتثال عبدالله Date: 06-23-2020, 10:54 AM Parent: #142
نعومي حاضربن انا عملت داون لزد للكتاب امس بالليل ...والكتاب اسمه The room where it happened White house memoir John Bolton National Security Advisor of The United States وانا بدات اقرا الفصل الاول وعنوانه : The long match to the west wing corner office والكتاب في النسخة الالكترونية ٥٨٨ صفحة واظن ان الصفحات المثيرة البيتهم فيها ترامب حتكون في الفصول الداخلية وسوف احاول امر على الكتاب مرور سريع واخذ مقتطفات مختصرة لان ترجمة الكتاب كامل طبعا ممنوع بموجب حقوق النشر ،،،
Post: #145 Title: Re: تحية و إجلال للإبنة إمتثال (ربنا يحفظك) Author: MOHAMMED ELSHEIKH Date: 06-23-2020, 12:38 PM Parent: #143
يا نعمات الكتاب جاهز في الواتس اب وممكن تحوليه للكمبيوتر كما عملت انا واطبع منو شوية شوية واقرأ واي كلمة صعبة بكورك ل لين ترشها لي طوالي بالفصحى كمان
النصري أمين زارتنا البركة...وشكرا كتير.. انت المواضيعك كلها اوسكار ما شاء الله ..ودائما بتجيب لينا موضوعات من بيت الكلاوي زي ما بيقولوا .. وما شاء الله بالك طويل وما شفناك يوم غضبان ...
محمد عبد الله الحسين الكلمات لا تسعفني الآن كي اوافيك حقك من الشكر والامتنان والتقدير ....فشكرا ليك كتير على كلماتك الطيبة.. وانا بالمناسبة متابعة مواضيعك الاوسكار متابعة لصيقة ...فشكرا ليك على كل ما تقدمه من معلومات وفيرة تخص حياتنا الاجتماعية...
محمد عبد الماجد الصائم.. سعيدة والله بمرورك الكريم....وشايفاك انت لسه شباب ما شاء الله .. وانت تزرع فينا الامل والتفاؤل دائما بضحكتك المعروفة هنا في المنبر ولا سيما عندما تمر بنا حالات الإحباط واليأس ... مع تمنياتنا لك بالصحة والعافية والسعادة
استاذنا وعمنا علي عبد الوهاب جزاكم الله خيرا على كلماتك الطيبة...ونرجو دائما أن نكون عند حسن الظن ... وتقبل تحيات وامنيات الاميرات .... وربنا يديم عليكم نعمة الصحة والعافية في هذا الوقت العصيب الذي يمر به العالم
سناري.. التحيات والإمنيات الطيبة لك ولأسرتك أيضا ...وشاكرة ومقدرة على المرور والتعليق.. ..وان شاء الله تكونوا وجدتوا كل ما تريدونه...والاميرة النوبية على استعداد دائما... ..وهل لقب سناري عشان انت من سنار ...لان كسلا وسنار من اجمل مدن السودان ..
العزيزة والمناضلة الجسورة نور تاور سعيدة جدا لمرورك الكريم ...ونتمنى لك أيضا التوفيق والسداد في حياتك ونسأل الله أن يديم عليكم نعمة الصحة والعافية ، ونتمنى لقاؤكم في وطنا الحبيب بعد أن ولى عهد الظلم والطغيان ونظام اللصوص والحرامية
نعومي ما تتخلي عن نظامك النباتي ... ولكن لحم الطير والسمك مفيد أيضا الصحة ولا باس مرة بعد مرة تغيري بالسمك ولحم الطير.. وفي القرآن الكريم:" ولحم طير مما يشتهون "" .وان شاء الله الكرونا تنتهي بسرعة والحياة تعود لطبيعتها..ونعود للوطن ... .مع تمنياتنا وتحياتنا النواضر .. وربنا يديم عليكم نعمة الصحة والعافية
نصر الدين عشر وربنا كمان يوفقك وينجحك في مسيرة حياتك ..ويفرش طريقك بالورود والزهور ونتمنى أن نكون عند حسن الظن ...وشكرا كتير والله لمرورك الكريم وتعليقك النبيل
عزيزتي فاطمة الحاج يا سلام عليكي يا فاطمة ،،،والله روحنا المعنوية في السما بعد قراءة تعليقك البهي وشكرا كتير كتير..فقد سعدت لمرورك في البوست وربنا يديك الصحة والعافية ويبعد عنكم شر الكرونا...
هاشم كاروري لك الشكر والامتنان والتحيات والإمنيات الطيبة وربنا يبعد عنكم شر الكرونا .... ومن هنا أود أود أن أعبر عن شكري وامتناني العميقين لكل من مر على البوست وشكرا حرفا وارجو أن أن اكون على حسن ظنكم جميعا..ودعواتكم جميعا معنا كي نعود لأرض الوطن غانمين سالمين ..وربنا يحفظكم جميعا ...
والشكر اجزله للاخ الفاضل حامد الصاوي .. ونرجو أن يعود ليكمل قصته مع الذي خدعهم وكان بياكلهم اكل الكدايس...وما دام ما اصبتم بوجع بطن فمعنى هذا اكل الكلاب والكدايس ما يضر الإنسان....ههههههههه. صاحبكم طلع مصيبة .....