Post: #1
Title: يا أكرم كان عندك دم مفروض تستقيل اليوم (دا شنو دا يااخ)
Author: عبدالعظيم عثمان
Date: 06-16-2020, 07:05 PM
07:05 PM June, 16 2020 سودانيز اون لاين
عبدالعظيم عثمان-
مكتبتى
رابط مختصر
اليوم الثلاثاء 16 يونيو 2020
تقدم البروف شاكر زين العابدين الإمام إبراهيم
بإستقالته من رئاسة المجلس القومي للتخصصات الطبية
الوزير دا شرد الناس كلهم
خربها وقعد في تلها
|
Post: #2
Title: Re: يا أكرم كان عندك دم مفروض تستقيل اليوم (دا
Author: عبدالعظيم عثمان
Date: 06-16-2020, 07:19 PM
Parent: #1
موجة إستقالات زي دي ما اتوقع سمعنا بيها قريب
او حكوا لينا عنها
معقولة كل الناس غلط والوزير صاح
|
Post: #3
Title: Re: يا أكرم كان عندك دم مفروض تستقيل اليوم (دا
Author: عبدالعظيم عثمان
Date: 06-16-2020, 07:24 PM
Parent: #2
وقت ليكم الوزير دا فاشل البعض توقع ان الموضوع شخصي
وزير الصحة دا أفشل وزير
الزول ممكن يكون أي حاجة إلا وزير ورجل دولة
معقولة يجتمع بتنسيقية نواب الأخصائيين
ويتجاوز مجلس التخصصات الطبية
الزول دا لا بيعرف إدارة ولا بعرف سياسة
الزول دا دايش ومنفوخ على الفاضي
كل يوم الناس حتشاهد فشله وسقوطه الإداري
لغاية ما يتم طرده من الوزارة
|
Post: #4
Title: Re: يا أكرم كان عندك دم مفروض تستقيل اليوم (دا
Author: عبدالعظيم عثمان
Date: 06-16-2020, 07:26 PM
Parent: #3
البروف شاكر تقدم بالإستقالة لرئيس الوزراء
|
Post: #5
Title: Re: يا أكرم كان عندك دم مفروض تستقيل اليوم (دا
Author: يحي قباني
Date: 06-16-2020, 07:28 PM
Parent: #4
د. شاكر يساري يا عظمه
طيب حصل شنو للتمكين ؟
|
Post: #6
Title: Re: يا أكرم كان عندك دم مفروض تستقيل اليوم (دا
Author: يحي قباني
Date: 06-16-2020, 07:30 PM
Parent: #5
ثانيا
سبب الاستقالة شنو ؟ عندك اي فكره
شاكر عمره ٧٣ سنة الان
هل اثر التقاعد ؟
|
Post: #7
Title: Re: يا أكرم كان عندك دم مفروض تستقيل اليوم (دا
Author: Arif Nashed
Date: 06-16-2020, 07:32 PM
Parent: #5
زول استقال المشكلة شنو يجي غيره.
|
Post: #8
Title: Re: يا أكرم كان عندك دم مفروض تستقيل اليوم (دا
Author: عبدالعظيم عثمان
Date: 06-16-2020, 07:34 PM
Parent: #5
أكرم فاشل يا قباني
الزول دا فضيحة عديل كدا
بالجد أنا مستغرب جداً من دفاعكم المستميت عنه
خلونا هسي في فشله
شوف كم زول إستقال من وزارة الصحة خلال أقل من سنة
معقولة كل الناس ديل غلطانين وأكرم هو الصاح
|
Post: #9
Title: Re: يا أكرم كان عندك دم مفروض تستقيل اليوم (دا
Author: عبدالعظيم عثمان
Date: 06-16-2020, 07:40 PM
Parent: #8
يا قباني بروف شاكر
معترض على تجاوز أكرم لمجلس التخصصات الطبية
ومعترض على بدعة التدريب على النفقة الخاصة
لنواب الأخصائيين التي تم سنها الكيزان وقام اكرم
بتقنينها ، إضافة لي تدخل الوزير بإلغاء حاجة عندها
علاقة بالتدريب للأطباء
خرمجة من الوزير الفاشل دا
|
Post: #10
Title: Re: يا أكرم كان عندك دم مفروض تستقيل اليوم (دا
Author: عبدالعظيم عثمان
Date: 06-16-2020, 07:46 PM
Parent: #9
الوزير الكارثة دا قبل كدا عمل نفس العملية دي
مع أطباء الإمتياز
إجتمع بأطباء الإمتياز في عدم وجود إدارة الإمتياز
واتخذ قرار بإيقاف تدريب الإمتياز
وتسبب هذا القرار في إيقاف العمل في المستشفيات
لمدة إسبوع، والناس كلموه قام لغى القرار
الزول دا فاشل الفشل الواحد دا
ترك هذا الوزير وعدم إقالته هو الكارثة بعينها للصحة في السودان
|
Post: #11
Title: Re: يا أكرم كان عندك دم مفروض تستقيل اليوم (دا
Author: احمد حمودى
Date: 06-16-2020, 07:58 PM
Parent: #10
يا دكتور اكرم عليك الله استقيل عشان الفنجضة حقت عبدالعظيم دى وامش المنظمة وخلى
الكيزان يجوه يوروه الطفا النور منو ؟؟؟؟
|
Post: #12
Title: Re: يا أكرم كان عندك دم مفروض تستقيل اليوم (دا
Author: كمال عباس
Date: 06-16-2020, 08:03 PM
Parent: #11
هات نص الإستقالة - بكل حيثياتها ومسسبباتها - نصا -بناء علي النص والرأي
الآخر يمكن أن نحكم ,,
|
Post: #13
Title: Re: يا أكرم كان عندك دم مفروض تستقيل اليوم (دا
Author: كمال عباس
Date: 06-16-2020, 08:09 PM
Parent: #12
ياعبد العظيم حقو تركز علي أزمات حزبك الذي تتنازعه عشرات الفصائل - ولم يقيم مؤتمرا ولم ينتخب قيادة - أوبرنامجا ولازال يسمي نفسه الإتحادي تخيلو في القرن الواحد هويسعي للوحدة مع مصر ! * مايسمي بالتجمع الإتحادي عبارة عن شلليات ممزقة ولا يملك أي وزن بعيدا عن طائفة الختمية الذي تمارس كوادره إنضباطا كبير تجاه المختلف بينما الأواني الفارغة خارج الإتحادي الأصل أكثر ضجيجا - أسمع جعجعة ولا أري طحنا !
* والآن تفكر أطراف التجمع لوطني - في العودة للتحالف مع التحالف مع تيارالميرغني - بعد ممارسته لنقد ذاتي لمواقفه !
|
Post: #14
Title: Re: يا أكرم كان عندك دم مفروض تستقيل اليوم (دا
Author: عبدالعظيم عثمان
Date: 06-16-2020, 08:15 PM
Parent: #13
دخل الإتحادي بي وزير الصحة الماسورة دا شنو يا كمال
البوست عن فشل وزير الصحة
والزول الفاشل دا مفروض يمشي
|
Post: #15
Title: Re: يا أكرم كان عندك دم مفروض تستقيل اليوم (دا
Author: عبدالعظيم عثمان
Date: 06-16-2020, 08:53 PM
Parent: #14
في نوفمبر 2019 تم إعفاء الدكتور حسن أبو عائشة من رئاسة مجلس
التخصصات الطبية وتعيين الدكتور شاكر زين العابدين رئيساً للمجلس
وبعد سبعة شهور يستقيل
والسبب أكرم
معقول كل الناس ديل يفوتوا ويقعد أكرم
مش أسهل يمشي الوزير ويقعدوا الناس الكتار الإستقالوا
وزير الصحة ماسورة يا سادة
ولازم يمشي اليوم قبل باكر
|
Post: #16
Title: Re: يا أكرم كان عندك دم مفروض تستقيل اليوم (دا
Author: كمال عباس
Date: 06-16-2020, 09:25 PM
Parent: #14
Quote: دخل الإتحادي بي وزير الصحة الماسورة دا شنو يا كمال
البوست عن فشل وزير الصحة
والزول الفاشل دا مفروض يمشي |
إنت تنطلق من دوافع سياسية وشابكنا الحزب الفلاني مارس التمكين -
أكرم حزبي - ورينا حزب عمل شنو كبديل قومي يرفض التمكيين و و
هل إستفاد حزبك من فترة العام الماضي ليقيم مؤتمرا عاما؟
هل قيادتك الحزبية منتخبة؟
هل تملك برنامج ؟ هل يدار حزبك بمؤسسية ؟
أم مازلتم عشرات من الفصائل المتناحرة؟
- معقولة حزب في القرن الواحد عشريين ولسة طارح وحدة مع مصر!
|
Post: #17
Title: Re: يا أكرم كان عندك دم مفروض تستقيل اليوم (دا
Author: عبدالعظيم عثمان
Date: 06-16-2020, 09:30 PM
Parent: #16
أوف بوينت يا كمال
البوست عن وزير الصحة الماسورة الشرد كل الناس
من وزارة الصحة
الوزير الفاشل دا لازم يمشي
بروف شاكر الإستقال اليوم
خاطب إضراب الأطباء الشهير
في إكتوبر 2016 من جوة الخرطوم
الوقت داك ولد المنظمات دا كان وين؟
تشتيت البوست لن يغير شي
سيظل أكرم التوم وزير فاشل ينافس أبوقردة في الفشل
الزول لازم يمشي
|
Post: #18
Title: Re: يا أكرم كان عندك دم مفروض تستقيل اليوم (دا
Author: كمال عباس
Date: 06-16-2020, 09:35 PM
Parent: #17
لماذا لم يعترض تنظيمك علي تعيين أكرم إبتدأ ؟
والآن تقدم حزبك بطلب لقوي الحرية والتغيير معددا إخفاقات الوزير مطالبا
بإبعاده ؟
|
Post: #19
Title: Re: يا أكرم كان عندك دم مفروض تستقيل اليوم (دا
Author: يحي قباني
Date: 06-16-2020, 10:43 PM
Parent: #18
Quote: في نوفمبر 2019 تم إعفاء الدكتور حسن أبو عائشة من رئاسة مجلس
التخصصات الطبية وتعيين الدكتور شاكر زين العابدين رئيساً للمجلس
وبعد سبعة شهور يستقيل |
حسن ابو عائشة ؟
د ابوعائشة عمره كم و تمانين يا عبد العظيم
هل انت عارف السبب الذي تم اعفائه به ؟
هل عندك خبر انه تم اعفائه بناء على طلبه ام لا ؟
ياخ اتقي الله و معلوماتك رجالة ساي داير تذم في د. اكرم الرجل الكفؤ ...
اجندة عميانة لا اكثر ...
|
Post: #20
Title: Re: يا أكرم كان عندك دم مفروض تستقيل اليوم (دا
Author: NEWSUDANI
Date: 06-17-2020, 07:19 AM
Parent: #19
والله يا أبو الياء أحزاب السادة دي جننتنا في رأسنا ،،،
معارك أكرم تذكرني معارك أبو حريرة في الديمقراطية الثانية ... تمشي عديل يحتار عدوك فيك ،،،، أكرم رجل طبيب ويعرف كيف الحقل الطبي يجب أن يعمل مش ح يجي يتابع بيروقراطية وضعتها الطغمة الحاكمة من اللجان والمجالس وكلها كانت لزيادة المخصصات فقط ،،،
هل ممكن المعترضين عليه يرشحوا أسمين بس ليحلوا مكانه ؟؟ وبعد داك نعرف ،،، الناس دايرة وزراء طوع بنانهم زي بتاع المالية ولا الزراعة ولا منو من الجنائز القاعدين ،،،، ياريت هناك ٦ مثل أكرم لانعدل الحال
|
Post: #21
Title: Re: يا أكرم كان عندك دم مفروض تستقيل اليوم (دا
Author: بلال زكريا
Date: 06-17-2020, 08:16 AM
Parent: #20
مُنذّ أنَ أوجدت للصحة وزارة
ً في جمهورية السودان (١٩٤٩)،
و مع تقديرنا لأداء الوزير المؤسس
الدكتور علي بدري ،،
وكذلك؛
الدكتور محمد أمين السيد (١٩٥٤)
لمّ تأتي الوزارة بوزير،
أنجب وأفهم وأخلص من د. أكرم ،
حاولت المقارنة مع
د. محمد أحمد الزاكي ( زمن عبود )،
ود. موريس سيدرا ود. طه بعشر
( زمن النميري )
وقبلهما د. عبد الحميد صالح،
في (حكومة الصادق ) ،
الخلاها ليهو المحجوب ،،
فوجدت إِنَ الفرقَ شاسع ،
يقول علي المساح ؛
زمني الخاين ،
ما لقيتلو شعور،
ظُلمك باين ،
|
Post: #22
Title: Re: يا أكرم كان عندك دم مفروض تستقيل اليوم (دا
Author: منتصر عبد الباسط
Date: 06-17-2020, 05:09 PM
Parent: #21
| Quote: ياعبد العظيم حقو تركز علي أزمات حزبك |
حزبو دا لو حولوهو لإنداية بتاعة عرقي ومريسة
السودان أو شعبه ما متضرر بشيء كمان بوسع لباقي الأحزاب يوسعو ويتمددو
لكن وزارة الصحة تهم أي سوداني وهذا شأن عام وقضية عامة
وهم عام أي إخفاق فيها يتضرر منه عامة الناس
|
Post: #23
Title: Re: يا أكرم كان عندك دم مفروض تستقيل اليوم (دا
Author: عمر التاج
Date: 06-17-2020, 05:23 PM
Parent: #22
Quote:
ياعبد العظيم حقو تركز علي أزمات حزبك
|
يعني يا كمال عايز الناس تنسى الحكومة الماسكة معاش وصحة الناس
وتركز على الأحزاب والجماعات البتفرجوا وتنتقدهم في تفرجهم هذا
أنتوا قبيل قايلنها تكية ولا شنو؟
|
Post: #24
Title: Re: يا أكرم كان عندك دم مفروض تستقيل اليوم (دا
Author: كمال عباس
Date: 06-17-2020, 05:35 PM
Parent: #21
عمر التاج
Quote: يعني يا كمال عايز الناس تنسى الحكومة الماسكة معاش وصحة الناس
وتركز على الأحزاب والجماعات البتفرجوا وتنتقدهم في تفرجهم هذا
أنتوا قبيل قايلنها تكية ولا شنو؟ |
نقد الحكومة وممارسة حق الإختلاف معها ضرورة وخصوصا الهدف إنفاذ الثورة
ومطالب الثوار وإستعدال المسار ومواجهة الفلول وإعداء الثورة !
* ولكن هذا - لايعني ألا تبني حزبك - ومؤسساتك - وتقيم مؤتمرك العام
وتطرح برنامجك وتنتخب قيادك - إصلح حالك أولا
فاقد الشئ لا يعطيه -
|
Post: #25
Title: Re: يا أكرم كان عندك دم مفروض تستقيل اليوم (دا
Author: Hasheem Karouri
Date: 06-22-2020, 11:34 AM
Parent: #24
مرحبا ياعظمة .
انت لسه ساكي الزول ده ؟
الرجل في نظري . اشجع ، واوضح وزير صحه يمر علينا .
هو باقي في منصبه ، وسيظل .
تحياتي ،،،،
|
Post: #26
Title: Re: يا أكرم كان عندك دم مفروض تستقيل اليوم (دا
Author: منتصر عبد الباسط
Date: 06-25-2020, 01:22 AM
Parent: #25
Quote: الرجل في نظري . اشجع ، واوضح وزير صحه يمر علينا .
هو باقي في منصبه ، وسيظل |
(كُلُّ حِزْبٍ بمَا لَديْهِمْ فَرِحُونَ)
صدق الله العظيم
|
|