Post: #1
Title: الاعلام البديل ومكاتب الغسيل
Author: عمر التاج
Date: 06-16-2020, 12:16 PM
Parent: #0
مع بدايات تكوين الحكومة الإنتقالية، بزغ نجم مولانا التاج ليعمل بالتنسيق مع وزير الاعلام ويكون مع الناشطين(ن ع) و (د ك) و ( ع ع) وآخرين جبهة الاعلام البديل.
وهذه عبارة عن مجموعة من المنصات الحقيقية والافتراضية تعمل كبديل للإعلام الرسمي الموروث من العهد البائد والإعلام الإلكتروني المضاد، ورثت هذه الجبهة مكاتب الجداد الإلكتروني الكيزاني وفعلتها لصالح النظام الجديد، كما فرخت مجموعات كثيفة من المكاتب الموازية تعمل على النت ٢٥ ساعة بغرض تدوير الإشاعات وتلميع كوادر معينة والتغطية على الفشل وشغل الناس بأمور تافهة تنسيهم واقع البلد وشعارات الثورة .. الخ..
بعض عضوية هذه الجبهة أعضاء في هذا المنبر ولكنهم ينشطون في الفيس بوك بصورة مقززة يتناسون من خلالها بعض تاريخهم الذي كانوا يمجدون فيه حكم البشير هنا..
ولتكن البداية بمكتب الاشاعة..
|
Post: #2
Title: Re: الاعلام البديل ومكاتب الغسيل
Author: محمد البشرى الخضر
Date: 06-16-2020, 01:04 PM
|
Post: #3
Title: Re: الاعلام البديل ومكاتب الغسيل
Author: أحمد محمد عمر
Date: 06-16-2020, 01:57 PM
Parent: #2
لا حولاااااا أدلة دامغة دمغ شديد خلاص
البروف دة الإسم السري لي حمدوك بالمناسبة
أما (أنت) اللي صور الاسكرينات دي فهو دكتور اكرم
لو ما هو ولاء دي وكيلة في وزارة الصحة
لأنه مكتب (الإشاعة) دة في المستشفى مرات بسموهو x-ray
الـ rumour الكاتبينها دي ترجمتها شائعة وما أظن عندها دخل بالموضوع
الشغل دة في المستشفى أكيد
غير عنوان البوست لي فساد وزارة الصحة
|
Post: #4
Title: Re: الاعلام البديل ومكاتب الغسيل
Author: عمر التاج
Date: 06-16-2020, 05:39 PM
Parent: #3
ود البشرى واحمد عمر.. حبابكما
وبدل الفرجة والنصائح الطبية مش كان افيد لو نقلتم معنا بعض الصور للمشاهد والتاريخ..
فالبوست للعرض فقط، وليس للخيال السينمائي والتحليل الممل كما تتوهمون..
 
|
Post: #5
Title: Re: الاعلام البديل ومكاتب الغسيل
Author: أحمد محمد عمر
Date: 06-16-2020, 05:59 PM
Parent: #4
صور شنو يا عمر البننقلها معاك دي؟
انت ما قاعد تخش القروبات الشبابية في الفيسبوك ولا شنو؟
من دة في كتييييييير لكن بعملوها للتسلية ساي والناس عارفينها طلس
|
Post: #6
Title: Re: الاعلام البديل ومكاتب الغسيل
Author: عمر التاج
Date: 06-16-2020, 06:09 PM
Parent: #5
دليلك شنو انه الفوق دي معمولة للتسلية وطلس ساكت ؟
مش ممكن تكون حقيقية ؟ مش الواتس حسب خبرتك قاعد في الصقيعة ساكت؟
عندي غير دي عشرات البوستات ، بس ما فاضي لنقاشها ..
وقبل أيام كنت بتناقش في واحدة منها في قروب خاص
ثم وجدت محادثاتي وصفحات القروب كلها منشورة في الفيس ،
بس ما حا أقولك اسمه شنو عشان ما تكتر في المجموعات الشبابية
|
Post: #7
Title: Re: الاعلام البديل ومكاتب الغسيل
Author: Abdullah Idrees
Date: 06-16-2020, 06:34 PM
Parent: #6
اسمو كده القروب يا عمر : مكتب الاشاعة ؟
انا طبعا اتخيلتو مكتب بالجد بالجد ، في عمارة الدهب عندو لافتة في الطابق الاول
وتحتو اكيد في ست شاي ، مافي زول يجي يغالطني انو مافي
اسماعيل التاج ذاتو اسمو اسم لافتة ، محامي ، مخلص جمركي ، سمسار اشاعات
كلها بتزبط معاهو.
عموما الموضوع سينمائي جدا بستحق نقاش ..بس المخرج تقليدي جدا النوع البمسك المتفرج
من يدو داك وما يديهو اي فرصة انو يكتشف حاجة براهو ، يفرش اي حاجة طوالي
|
Post: #8
Title: Re: الاعلام البديل ومكاتب الغسيل
Author: أحمد محمد عمر
Date: 06-16-2020, 06:46 PM
Parent: #7
Quote: دليلك شنو انه الفوق دي معمولة للتسلية وطلس ساكت ؟
مش ممكن تكون حقيقية ؟ |
حقيقية ونص وخمسة
أنا عرفت ليك حمدوك وأكرم كدي وريني الاتنين التانيين
|
Post: #9
Title: Re: الاعلام البديل ومكاتب الغسيل
Author: عمر التاج
Date: 06-17-2020, 06:00 PM
Parent: #8
Quote: اسمو كده القروب يا عمر : مكتب الاشاعة ؟
انا طبعا اتخيلتو مكتب بالجد بالجد ، في عمارة الدهب |
سطح المكتب بتاع الكمبيوتر بكون في السطوح ولا في الهواء ؟
نفس الفهم يا ود ادريس ...
..
..
طيب ماتشوف لنا صرفة لمكتب الاعلام البديل دااك
ولا ده ما قاعدين تناقشوه في المجموعات الشبابية؟
وبالمناسبة دي عندنا مجموعة من البرمجيات البسيطة الممكن تدخل بيها في أي قروب واتساب وتنشر غسيله في الشوارع
ولو عايز تخترق أي قروب رسل لي اسم القروب ورقمك العايز تدخل بيه ..
|
|