ابت العين تنوم مجروحة

08:08 PM June, 15 2020 سودانيز اون لاين
الطيب الشيخ-الخرج ـ السعودية
مكتبتى
رابط مختصر

(adsbygoogle = window.adsbygoogle || []).push({})
ابت العين تنوم مجروحة
الشيخ ﻭﺩ تميم
ابتْ العين تنوم مجْروحة
لي طيبة المُنَور سُوحها
شدِّيت فوق بكاراً شوحه
سميت و ضرَّب فوق لوحها
هارب من جوار الدوحة
لي طيبة المنور سوحها
شدِّيت اصهباً خبّابو
علق فوقو زاد و كِتابو
سافر ليلو فوق مِضْرابو
شويم طالبو في مِحرابو
طه الكان راكب القصواء
قالت يوم ولدو النِّسوة
جاء مختون و لابس كِسوة
من انوارو ﻳﺎ اهل الاسوه
علم الغيب كتير من ربه
اخبر بيهو جميع ما خبو
بحكاية العُرابي و ضبو
ملهم بالكلام من ربه
الطفل الرضيع من يومو
بي اِسلامو اسلم قومو
ايضا خاطبو المسْمومو
و انشق القمر مقسومو
البراق يلوح من قِبلي
منه اصبحت راقد مبلي
الحب كم قتل من قَبلي
اشدد ﻳﺎ مهيمن حَبلِي
الصلاة و السلام منسوجة
بي مسك القبول ممزوجة
تنجي المسلمين لي هموجها
يسكن ﻭﺩ تميم في بروجها