الشرطة الأمريكية تاني قتلت رجل من أصول أفريقية

00:56 AM June, 13 2020

سودانيز اون لاين
طلحة عبدالله-
مكتبتى
رابط مختصر

Quote: قتل رجل من أصل أفريقي في الولايات المتحدةعلى يد الشرطة مما فجر موجة غضب عارمة وأدى أعلن عن استقالة رئيس قسم الشرطة في مدينة أتلانتا، بعد تسريب فيديو يظهر إقدام عنصر شرطة على قتل شاب يدعى رايشارد بروكس. تحقق سلطات تطبيق القانون في ولاية جورجيا الأمريكية في إطلاق النار على رجل أسود في مدينة أتلانتا توفي لاحقا متأثرا بجروحه. وذكر مكتب التحقيقات بجورجيا اليوم السبت إنه تم استدعاء الشرطة إلى مطعم للوجبات السريعة بعد شكوى مفادها أن رجلا استغرق في النوم داخل سيارته في الممر المخصص لتلقي الوجبات من المركبات. وفشل الرجل في اجتياز اختبار الثمالة وحاولت الشرطة احتجازه. وتبع ذلك صراع بين المشتبه به ورجال الشرطة على صاعق كهربي للشرطة. وأفاد مكتب التحقيقات بجورجيا في بادئ الأمر بأن الرجل 27 عاما تم إطلاق الرصاص عليه أثناء الصراع. وقال مكتب التحقيقات في وقت لاحق إن مراجعة لقطات الدائرة التلفزيونية المغلقة أظهرت أن الرجل، الذي يدعى رايشار بروكس "حصل على الصاعق الكهربائي الخاص بأحد رجال الشرطة وشرع في الفرار من مسرح الحادث". وتابع مكتب التحقيقات: "لاحق رجال الشرطة بروكس سيرا على الأقدام واستدار بروكس أثناء المطاردة ووجه الصاعق إلى رجل الشرطة ، فأطلق الأخير الرصاص من سلاحه ليصيب بروكس". يشار إلى مقتل المواطن الأمريكي من أصل إفريقي جورج فلويد على يد شرطي أبيض أثار احتجاجات في أنحاء البلاد في الأسابيع القليلة الماضية.

المصدر البيان الاماراتية عن ا د ب ا

دب ا

الحادث ده وقع مساء الجمعة بمدينة اطلانطا ولاية جورجيا
مسئول الشرطة استقال مباشرة بعد الحادث
ترامب ده داير يبقالنا زى البشير

Atlanta Police Chief Resigns After Officer Shoots and Kills a Black Man
Rayshard Brooks had fallen asleep in his vehicle at a Wendy’s drive-through. He was shot after grabbing a Taser from an officer, the authorities said, prompting fresh unrest in the city.

https://www.nytimes.com/2020/06/13/us/atlanta-police-shooting-rayshard-brooks.html

سلام جلالدونا وحسن فرح
شكرا ع المرور
الخبر مصحوب بفيديو لكن اتعنت على
ما قدرت انزلو لو فيكم واحد عارف ليهو
طريقة يساعدنا بالمناولة وكدا ومن تالاني
بجاول من جهاز آخر .

كيفك يا شفيف ....
مع إنه قاوم الاعتقال لكن رجال شرطة دلاقين ساي
راجلين ما قادرين يمسكوهو !
كان يخلوهو أو يطاردوهو لامن يمسكوهو ..
خطورته شنو ؟ زول كان نايم في عربيتو
قول مسطول ولا سكران ..
ثم المواطنين ذاتم سبب أساسي في القتل
بي تبليغهم الشرطة الغبية دي عمال على بطال
كان يصحوهو عشان يتقدم في الصف ..
أو يأخ يتخطوهو وانتهينا ..
لامن شاف الشرطة عرف سيتم اعتقاله ..
وحيمش السجن
غايتو شرطة غبية زي دي في الدنيا مافي ..
البوليس انتقم لنفسه عشان اتمرمط
الاطلق النار هو الشالوهو فوووق ودقوا بيهو الدلجة ..
ياخ الماريجوانا دي مفروض يقننوها ..
ويبيحوا استخدامها زي هولندا وكندا ..
عشان البوليس الغبي ده يفقد اكبر سبب لقتل الناس سمبلة ..
هسه كمية الأمان الموجودة في هولندا وكندا
مقارنتها مع أمريكا تساوي كم؟ ..
أكيد صفر في المائة ..
فعلا دي دول متحضرة جدا ........

هلا يا جيمي وكيف حالك يا رجل
فعلا في افراط شديد في استخدام العنف
والموضوع برمته ما كان بستاهل حتى مجرد الاعتقال
زي ما قلت ..
المهم الشرطة الأمريكية دي زي الشغالة ضد ترامب خخخخخخخخ

نسيت اشكرك على الفيديو يا جيمي

ohhh sh-it
kid : what؟
Dam!
fu-ck
Oh Bro we cant kill

فعلا مافي سبب للقتل

تُشكر السيدة الزنجية الوثقت المقطع
عشان الشرطة ما تجي تكذب كالعادة
ويُشكر مدير شرطة أتلانتا على الاستقالة
على الأقل الناس تحترمه ..

الشاب كان هارب وماف منه خطورة
بعدين عربية واقفة بسهولة ممكن يتوصلوا ليهو ويعتقلوهو ..
لكن هذه العقلية العنصرية المنتنة هي سبب قتله
هسه لو كان رجل أبيض كان قتلوهو ؟
يأخ حتى الناس كان بلغوا البوليس لو الشاب ده ما أسود ؟ ..
كلها أسئلة إجابتها هي ( العنصرية )
التي يتعامل بها البوليس مع الآفريكان أميركان ..


كان استسلم زي فلويد كان مصيره القتل
وكان قاوم مثل هذا الشاب برضك مصيره القتل
لا فرق ..
أيه القرف ده !

Quote: نسيت اشكرك على الفيديو يا جيمي

تسلم كتير يا طلحة ...
تحت أمرك يأخ

يا جيمى اصل المشكلة
زول نايم جوّ عربيتو
بى كل بساطة كرجل شرطة
قول ليهو امش نوم فى بيتكم
و لو تعبان شديد ساعدو يمش بيتو
اصلا فكرة انو تعتقلو ما مبررة
الزول ده قاوم بس لانو صحوهو من النوم و دايرين يكلبشوهو
فكرة انو قاوم
لانو مافى مبرر لى اعتقالو
غلبن يكلبشوهو كتلوهو

هناك فرق كبييير بين الحادثتين
هذه والتي سبقتها

ا جيمى اصل المشكلة
زول نايم جوّ عربيتو
بى كل بساطة كرجل شرطة
قول ليهو امش نوم فى بيتكم
و لو تعبان شديد ساعدو يمش بيتو
اصلا فكرة انو تعتقلو ما مبررة
الزول ده قاوم بس لانو صحوهو من النوم و دايرين يكلبشوهو
فكرة انو قاوم
لانو مافى مبرر لى اعتقالو
غلبن يكلبشوهو كتلوهو
===========================
شكرا حبيبنا جلالدونا على التوضيح
زول في سيارته شرب عرقي او مخدر ونام
يقتلوه ..
الموضوع مبالغة .. على الأقل يرشوه بموية باردة
في ناس عندهم القتل عادي .. بل وثقافة ومتعة

حتى لو قاوم .. طلقة في الرجل في الظهر .. على طول في الراس

حبيبنا طلحة .. شكرا على البوست

والله يا جلي حاجة تهرد الفشفاش ..
زول يصحوهو من النوم ويقتلوهو !!! ...
بهذه البساطة ..
وطبعا كسابقاته الموضوع يتجرجر ويتنسي ..
ويتردم في كومة النسيان ..
تم قتل شاب صغير بلا سبب مقنع ..
طيب هو شارد ضاربنو رصاص عشان شنو ؟ ..
الشرطة في حالة دفاع عن النفس مثلا ؟! ..

الحل المفروض يطالبوا بيهو الافريكان أميركان
إنه بنفس نسبتهم من السكان يتم تعيين رجال شرطة ..
بالذات الشرطة البتتعامل مع الجمهور ..
وأكيد أي دورية حيكون فيها عسكري افريكان اميركان
عشان لو في أي شبهة ممارسة عنصرية وقتل غير مبرر ..
الشرطي الآخر حيتدخل وحيوقف القتل أو التجاوز ..
بالعدم حيكون شاهد وحيوثق التجاوز أو القتل المجاني ..
البيزعلك انه هناك خبر بتعويض قاتل جورج فلويد
بمليون ونصف المليون دولار انهاء خدمة وتعويض ..
إنهاء خدمة ليه؟ وهو مفصول وقاتل !
ثم تعويض عن شنو مثلا ؟ ..
عن قتله لرجل بريء بلا ذنب ..
يأخ حتى العشرين دولار طلعت مش مزيفة ...

منتهى القرف والسبهللية ..

تسلم يا قريبي ...........


أستاذنا علي عبد الوهاب تحياتي وتقديري ..
وممنونين لتواجدك وآراءك الحكيمة ..
مش كده عليك الله كان سكران أو مسطول ..
ما يرشوهو بي موية يمكن يفوق ..
أو ينبهوهو يتقدم في الصف وينتظروهو يشيل عشاهو ..
ويمنعوهو من قيادة سيارته لامن يفوق لي تاني يوم ..
ويوصلوهو بيتو بالدورية ولا اعتقال ولا بطيخ ..
لكن اصلا الشرطة مجرمة وقاتله وهي مصدر خوف ورعب
بدلا عن ان تكون مصدر أمان ..
ثم الإرش ديل هم والاسكوتش وقليل من البوليش ..
فاكرين أمريكا دي حقت أبواتهم ولا كانت بلدهم
ما برضهم جايين مهاجرين زيهم وزي غيرهم واحد ..
شنو العنظزة الفارغة والقتل المجاني للبشر ده ......

لو كان أبيض غالبا ً ما كانوا شاتوه وحتى لو خطف منهم الصاعق الكهربائي ده ما مبرر لاطلاق النار عليه والبلغوا ناس ويندي حرقوا ليهم المحل نفس الفلسطيني الحمار بتاع فلويد

حتكون عاده ساريه بين الاصول الافريقيه والملونين -مذنب او غير مذنب - فى امريكا او اوروبا قصه مقاومه الاعتقال وشغل الكاميرات لتسجيل مقاومه الاعتقال .ورفع الفيديو على الوسائط والدعوه لنشر الفيديو وكانو محاوله للمقاومه والامتثال للقانون اعتمادا على المشاعر المضاده ضد عمليات الاعتقال
فيديو برضو شفتو امس لمقاومه مشابه من يمنى والغريبه انو عملاق برضو